|
ولدي لا يقبل ان اقترب من امه !
تحية طيبة ابني يبلغ من العمر سنتين و ثمان اشهر يبعد يدي عن يد امه على سبيل المثال انا جالس على الكنب وجائت امه وجلست الى جانبي وهو يالعب يترك اللعب ليجلس في وسطنا :d هو ينمام معنا على الفراش لكنه لا يقبل ان ينام على احد جانبي السرير بل يطلب ان ينام في الوسط بيني وبن امه اذا حاولنا اجبارة على النوم على جانبي السرير يتباكا ويكرر اخاف ويرجع في الوسط فلا اعلم سبب هذا التصرف وهو اول طفل لنا وليس له اخوة |
السلام عليكم ..
من ناحية غيرته على احدكما أو كلاكما فهذا الشيء طبيعي ... لكن نصيحة ستجني ثمرتها وستعاني إن لم تتداركها الآن ... لا تخليه ينام معكم في الفراش أبدا أبدا أبدا ... لازم يتعود ينام في سريره ... ولا تقول ما قدرنا ...كل شي يبي عزم واصرار يصير ومع الصبر والاصرار لن يستغرق منكم الأمر أكثر من ثلاثة أيام مع الصبر على صراخه مهما طال وستجد أنه بعد يومين سييأس من أن تحملاه خارج سريرة ويستسلم للنوم ... الله يخليه لكم ،،، |
احمل عصا وادخله غرفة نومه وقف على الباب ولازم ينام في سرير وغرفه منفصلين
ممنوع منعا باتا ان ينام معكم في السرير بدها القصه حزم وقساوة قلب وكلها ثلاث ايام لاسبوع والولد الثاني ان شاء الله من اول يوم في غرفه لوحده يتعود اذا مره لكى وانتو حنيتو وسمحتو له بالنوم معكم فلن تستطيعو ان توقفو بكاءه لانه يعلم انه بالاخير ستنفزون طلباته بسم الله عليه الولد يغار على امه منك ويريدها لنفسه فقط هم الصبيان بالذات يريدون ان يحتلو مكان والدهم بكل شيء الله يحفظه لكم اذا فضل ينام معكم بالسرير ما رح تقدرو تجيبو غيرو |
اقتباس:
الله يحفظه ويصلحه ، الظاهر هو اللي دافع المهر مو أنت ...:d لكم سنتين وثمان أشهر ومعودينه على النوم معكم !!! واللي عودته على كذا لأنك أنك حساس حبتين على الولد ..!!!:25: لذلك ما لك حل إلا تفصلونه في سرير لوحده وفي غرفة منفصلة !!! والله يصلحه ويجعله من البارين بكم وبأمه عزوبي بس رجل |
الاخوة و الاخوات
لكم جزيل الشكر على المشاركة مشكلتي الاساسية هي اذا جالست انا على الكنب وجائت امه وجلست الى جانبي وهو يالعب يترك اللعب ليجلس في وسطنا هو اكثر ما يزعجني |
اقتباس:
|
اخوي تصرف ابقنك طبيعي لانكم مدلعينه وتسكتونله
ماتقدر الحين تجي تسئل لــــــــي؟ لازم تصر انو ينام بغرفه منفصله رح يبكي اولها ويزعجكم بس بعدين بيتعود الله يحفظه لك |
واضح انه الطفل غيور جداً - الله يعينكم
كان ابني يفعل نفس الشي بعمر السنة و نصف لكن الحمد لله ترك ذلك و بشأن النوم بجانبكم حاولوا تفصلوه بأقرب وقت أطفال فصلتهم قبل السنتين و الحمد لله أمورهم تمام عذاب بالبداية و سجن بالسرير لكن بمساعدة المونيتر (مع كاميرا) تم الموضوع بسهولة الله يرزقكم بره |
شارك لكم هذه المشاركة و الدعوات الطيبة
وفقنا الله ورزقنا الله واياكم الذرية الصالحة |
رغم أنني أؤيد الإخوان في اقتراحهم فصل الولد عنكما ونقله لسرير منفصل .. إلا أنني أتصور أن نومه معكما في سرير واحد ربما لا يكون هو السبب الرئيسي للمشكلة.
ابني ربي يحفظه نام معي في السرير بضعة شهور فقط (تقريباً بدأ ينام معي في عمر السبعة شهور) .. وبعد أن أكمل عمر السنة بقليل (لا أذكر متى تحديداً ) كنت قد منعته تماماً من النوم معي في السرير وأصبح ينام في سرير منفصل .. يعني المسألة كلها على بعضها لم تستغرق سوى بضعة شهور .. والآن ما شاء الله عمره تعدى الخامسة والنصف .. يذهب للمدرسة .. اجتماعي ويحب اللعب مع الآخرين .. يعتمد على نفسه في كثير من أموره الشخصية كتناول الطعام والاستحمام وغسل الأسنان .. يناقش ويسأل عن سبب أي شيء بمعنى أنه نبيه وذكي تبارك الرحمن ;) .... ورغم ذلك لا يزال يغار عليّ .. وكلما اقترب والده مني نط بيننا ;) .. وحتى لو كان مشغولاً في شيء ما فإنه يتركه ويأتي سريعاً ليبعد والده عني أو على الأقل يشاركه إياي ;) والآن ابنتي مهرة فديتها عمرها سنة ونصف وأرى بوادر وإشارات تبشر بسلوك مماثل ;) في الحقيقة أعتقد أن الأمر طبيعي ما دام لا يؤدي إلى رد فعل انفعالي أو هستيري .. بمعنى أن ابني مثلاً يعترض أو يهب لمزاحمة والده عليّ .. وقد يبكي أحياناً .. ولكنه بكاء هادئ ومقبول وليس مبالغ فيه .. وما أفعله عادةً أنني أتحدث معه بهدوء وأفهمه بأنني أحبه وأحب والده كذلك .. وكما أنه هو يحب أن يجلس بقربي ويحتضنني ويقبلني فوالده كذلك يحب ذلك .. بالإضافة إلى أنني في مثل هذا الموقف أوزع حناني عليهما معاً ;) حتى لا يشعر الصغير بأنني أفضل والده عليه .. وأحياناً قليلة جداً أنهره بحزم وأطلب منه العودة إلى مكانه واستئناف ما كان يفعله. مع العلم أنني أشبع الجانب العاطفي لدى ابني كما يجب .. يعني هو ليس محروماً من أحضاني وقبلاتي وكلماتي .. ورغم ذلك يغار عندما يرى والده بقربي. أتمنى ألا يستمر انزعاجك من ابنك .. فقط حاول أن تتفهم مشاعره وتعامل معها بهدوء. |
الاخت مهره لك جزيل الشكر للمشاركة القيمة وفقنا الله ورزقنا الله واياكم الذرية الصالحة |
أخوي حساس أحمد ربك إن إبنك يعاندك على الكنبه وبس أختك في الله عندها خمسه عيال ثلاثة أولاد و بنتين الأولاد الحمدالله مافيه منهم أبد مؤدبين و مطيعين طبعا هما أكبر من البنات و البنات آه يا البنات ما فقعن مرارتي إلا هما البنات
البنات وحده عمرها ثلاث سنوات ونصف و الثانية سنتين وكل وحده تقلد الثانيه بكل شئ لاكن كل هاذا مو مهم الأهم يا أخي إنهم أخذوا مني زوجي أخذوه حتى وحنا طالعين بالسياره فيه در ج صغير بين المرتبتين الأماميه يتحاشرون عليه كلن تبغى تجلس جنب أبوها ويحط وحده عنده تجلس قدام على رجوله تمسك معاه الطاره والثانيه تجلس على الدرج إللي بالنص بين المرتبتين في البيت يجلسون يلعبون مع إخوانهم بس مجرد مايشوفوني أقرب القهوه و الشاي و بجلس مع أبوهم قسم بالله جري ركض قدامي وحده على يساره ووحده على يمينه خلاص يقفلون عليه كل المخار ج لا وبعد كل ما أبوهم شرب فنجان القهوه وحطه ماسكين على دلة القهوه دور كل شوي وحده تصب فنجان أبوها وأنا أجلس كل ما أبغى أسولف بشئ معاه قال شوفي بناتي كيف يحبوني ويجلس يسولف و يلعب معاهم و أنا مثل الأطرش بالزفه جالسه عندهم ولو قلت لهم ياالله قوموا روحوا إلعبوا مع إخوانكم يستخبون جنبه و يقولون نبغى عند بابا و قت مايجي من الدوام مايمديني أفتح له الباب و أستقبله مع دقة الباب حتى لو كانوا نايمين يصحن وجري ركض على الباب عين مفتحه وعين مغمضه والصغيره تطيح وتقوم لما توصل الباب صاحين من النوم ويمسكون في أبوهم حتى ينزل راسه لهم و يبوسونه على راسه و طبعا هاذي حركتهم حتى وقت خروجه من البيت وطبعا على سفرة الأكل وحده على يمينه والثانيه على يساره وما ياكلون إلا من يده و لو تقطعهم مايجلسون بمكان ثاني أبد غير جنب أبوهم بس النوم الحمدالله ينامون لحالهم بس أنا المشكله في أبوهم متعلق فيهم بجنون لو مرضت واحده منهم الاحظ عليه ماياكل زين و لا ينام و دائما قلقان ويبات اليل داخل خار ج لغرفتهم و مقياس الحراره بيده يقيس لهم الحراره و يسوي لهم كمادات وما شاء الله عليهم كلام أبوهم عندهم مسموع ويطيعونه أحسن مني عكس الأولاد الأولاد يميلو لي أنا لو بغوا شئ من أبوهم يقولون لي أقول له وإلا الواسطه أخواتهم يرسلونهم لأبوهم وما يقصرون يأدون الرساله وبإ حتراف ماشاء الله عليهم و بصراحه أنا قبل ما أجيب البنات كان كل إهتما م زوجي فيه أنا كان لو نزلت السوق آخذ لي أغراض وملابس كان زوجي يختار لي هوه وفي البيت أقايس وأسأله عن رأيه فيها يقول حلوه و يمدح فيها الحين لو نزلنا سوق الملابس أنا بصوب القسم النسائي و هو بقسم البناتي وما شاء الله ياخذ لكل وحده فيهم ثلاث لبسات أو أربع و تكون طقم واحد يعني كل ثنتين لون وموديل واحد و تطلع أحسن من إختياري لهم بإشادة الجميع و لو جينا للبيت يلبس بناته و يقايس لا وبعد يصور هم بالجوال بعد كل قياس وهاتك يامدح وهاتك ياتشجيع وكلام حلو وأنا أقايس وآخذ رأيه يقول لي تمام حلوه بس أنا ما أسكت له أبد لوجاب له شماغ أو فصل ثوب أو إشترى طيب عطر وجابه ياخذ رأي فيه حتى لو هو حلو و يجنن أقول له ياالله زين ما عليه مشي حالك مو ذاك الزود بس يالله زين زين عاد و قتها الله لو تشوفون وجهه في قمة الإحباط وأنا في قمة الفر ح في داخلي بس للأسف خطتي فشلت بعد فتره لأنه لو بغى يشتري له شئ خاص ينزلني معاه السوق أنا أختار ولوبغى يفصل ثوب ياخذ من كل نو ع قطعه من المخيطه و يجيبها لي بالبيت أو السياره يقول لي وين أحسن نوع أخذ منها بس هاذي الميزه أتوقع مؤقته لأنه لو كبروا بناته بيقوموا عني بالنيابه بالإختيار لأبوهم . معليش ياخوي أنت تشكي وأنا أبكي عاد أنت طفل واحد لاكن أنا ثنتين الله يصلحهم و يهديم يارب معليش ياخوي أنت كتبت تبغى حل لمشكلتك و أنا رديت علشان تعرف إن إللي عندك عند غيرك بس ياخوي لازم يكبروا علشان يعقلوا بس بالنسبه للنوم لا زم تعودونه ينام لحاله بالتد ريج الله يخليه لك و يصلحه و يهديه . |
بنت الحكمي يا بنت الحكمي
ما شاء الله تبارك الرحمن .. والله يلست اضحك وانا اقرا سوالف البنوتين .. الله يحفظ لج عيالج كلهم يا رب. أمي (أم زوجي) تقول دائماً إن الولد يتعلق بأمه والبنت تتعلق بأبيها .. لذلك ربما يتفهم أخونا حساس الأمر أكثر إن رزقه الله بنتاً بإذنه تعالى. |
الاخت بنت الحكمي
لك جزيل الشكر للمشاركة الطيبة وحفظ الله لكم هذه الابناء وجعلهم من الذرية الصالحة البارة بوالديهم الاخت مهره بالفعل جاء المنافس لابني الوحيد فقد وهبني الله ببنت عمرها اليوم 22 يوماً اسائل الله ان يجعلها واخيها من الذرية الصالحة المباركة موفقين لكل خير |
اقتباس:
أخي الفاضل أنا حساس بالمختصر <<<<<<< كل هالثرثرة وآخرتها بالمختصر غيرة الأبناء على آبائهم جدا طبيعية ولابد من تفهم طبيعة غيرتهم وعدم تحميل الأمور أكثر من حجمها وكما تفضلت الأخت مهرة إشباع الجانب العاطفي للطفل ومحاولة الموازنة بين غيرتهم وبين تدليلهم هو الحل الأمثل لتدارك الوضع ولابد من أخذ الأمور ببساطة أكثر وصدقني هذه الأيام لاتعوض بكرا يكبروا ويستقلوا بغرفهم وتضطر تستأذن قبل ماتدخل غرفتهم وعاد يايسمحولك تدخل يايلطعوك على الباب :d حفظ الله لك أبنائك من كل شر دمت وأسرتك الكريمة في حفظ الرحمن تحياتي |
[QUOTE=مهره;2559855]بنت الحكمي يا بنت الحكمي
ما شاء الله تبارك الرحمن .. والله يلست اضحك وانا اقرا سوالف البنوتين .. الله يحفظ لج عيالج كلهم يا رب. الأخت الغاليه أم سلطان الله يسلمك يارب وبالنسبه للبنات تشوفين هاذا الكلام كله هاذا فيض من غيض بس و ماخفي أعظم لا كن عيالنا نبض قلبو بنا وش نسو ي بكره يكبروا و يعقلون و يستحون و يبطلو ن هالعاده إن شاء الله تعالى بس يبغى لهم صبر و توجيهات مع شو ية حزم و بالنسبه للأخ حساس جاء مو ضو عه عالجر ح مباشرة وأتوقع إن هاذي عقوبة لنا مع أزواجنا شكل أبائنا و أمهاتنا وحنا صغار كان عندهم نفس معانتنا الآ ن وشكلنا ماريحنا الشيابين وحنا صغار و الجزاء من جنس العمل نستا هل والله أنا بسأل بس أمي وأبوي ميتين الله يرحمهم و يسكنهم فسيح جناته وأموات المسلمين لاكن باقي عندي جده بتصل عليها أسألها كيف كانت طفو لتي يمكن كنت شقيه وأنا ما أدري وأقول للأخ حساس ألف مبروك على العروسة الصغيره وتتربى في عزك هي وأخوها إن شاء الله تعالى وتفر ح فيهم يارب ونسأل الله أن يصلحهم ويهديهم يارب ومدام إن الحين عنده أخت إن شاء الله تكبر و يتونس و يلعب معاها و يبدأ إهتمامه بأمه يخف شوي لأن من الأول متعلق بأمه علشان كان ماعندها غيره وكانت مهتمه فيه لحاله بس الحين صار عنده منا فس غيرك على أمه إللي هي أخته و الحين بينشغل ويفكر بأخته ويصير يعاند وياخذ حاجيات أخته و أغراضها وتشغل باله وراح ينسى جلسته بينكم . وعذرا أخي حساس أخذ نا مساحه من صفحتك فنرجو منك السموحه والمعذ رة وأسأل الله أن يهدي أبنائكم وأبنائنا لما فيه الخير والصلاح لهم ولأمتهم الإسلامية وأن يجعلهم من البارين والمطيعين لوالديهم . |
الاخت الكريمة أمة البديع
لك جزيل الشكر للمشاركة الطيبة وبالفعل غداً يكبر الابناء ويتزوجوا يدعونا وحيدين انا وامه كم رددت لامه ان غدا سيتزوج وينسانا ونتمنى انه لم يفارقنا ولم يكبر لا اعلم كم هي مرارة فراق الابناء لا نملك لهم الا الدعاء الله يحفظ لكم ابنائكم ويجعلهم مطيعين لله بارين بوالديهم الاخت الكريمة بنت الحكمي لك جزيل الشكر للمتابعة ورحم الله والديك و المؤمنين المؤمنات الله يبارك فيكم وفقكم الله لكل خير |
انا ايضا ابني عنده 3 سنواات مرتبط فيني بجنووووووووووووون لو شاف احد يكلمني يحضني ويبكي يقولي معلش معلش
وطول الليل والنهار ورايا مامي حني مامي حني يعني مامي حضني زوجي لما يحب يعاقبه يحبسني انا في اي غرفة عشااااان يمنعه يشوفني هذا اكبر عقاب له انا شايفة انها فترة وبتمر |
ربي يعينكم
هذ1 الشيء طبيعي ورااح يقل تدريجا عندما يكبر وانا عندي بنتي نفس الشيء بس تنام بسريره داخل غرفتي واحاول الان افصلها بغرفه لوحدها>> |
الله يكون بعونكم يا الغوالي
والف مبروك النونوه الجديده وتتربى بعزكم |
من ناحيه الغيرره شي عاادي وطبيعي بالعمر هذاا
ولكن بمجرد بلغوه سن الثالثه سوف يتلاش هذا العارض ولكن من ناحيه نومه بسريركم اذ لم تتدارك الامر عاجل سوف تصبح مشكله لديك ولد طفلك ولاتبداء بفصله بشكل مفائجا لا بل ابداء بتدريج اصحبه يوم واجلعله يختار سريره واليوم الاخر دعه ينام الى ان يتعود الى النوم بمفرده ثم ابداااء افصله عن غرفتك والله الموووفق |
كثير من الاطفال كذا وكلنا مرينا بهالتجارب
على الام ان تغدق عليه بالحنان وان تجلس بجوارك وتتكلم معه بهدوء وتفهمه طبيعة العلاقه بينكما (انها تحبكم كلكم ) وانك مسكين :d محد يجلس جنبك وكذا انا سويت كذ مع بنتي وتسنعت :d |
أمة البديع و بنت الحكمي
خليتوني أتمنى أجيب ولد مو بنت ، عشان لا تغطي علي : ( أصلا زوجي مثل أخونا حساس ^^ ولدي يغار منه و هو يغار من ولدي و يشتكي زوجي من ولدي إنه ما يخلينا نجلس سوا ، بس أنا أضحك من حركات ولدي أخوي ، حاولوا تشغلوه بأي لعبة و لا بأعلمك طريقة زوجي في حل المشكلة هذه مع ولدي :) زوجي يعرف إنه ولدي ما يحب مثلا تأكله شئ معين فيقول لولدي ، تعاااااااااال .. تعال يالله أأكلك ، فيهرب ولدي منه و يروح يعمل حاله مشغول و لا مثلا زوجي يعرف ولدي ما يحب يغسل وجهه أو يكره إنه ينام بدري فيقول له ، تعال نااااااااااام .. و لا تعال هنا أغسل وجهك :D بمعنى إنه يعمل أي حركة - تطفيشية - ، تخلي الولد يهرب منه و ما يجي يتقرب منه و الله يعينكم ، كلهم كذا أحسهم |
| الساعة الآن 04:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©