|
زوجي أصبح كثير النوم ويعاني من الكوابيس
السلام عليكم
ببدا في السالفه بدون مقدماات ويارب اني اكوون لقيت المنتدى المناسب :confused: زوجي من فتره تغيير مره صار بس يناام كثير حتى انا انقطعت عن العالم من نوومه هو انقطع عن اصدقاائه مع انه كاان اجتماااعي مررره ومحبوب ويحب الطلعات والناس الحين حالته النفسيه تغيرت ماادري وش صار فيه اقوله روح المشفى شوف يمكن فيك شي اذا قلت له كذا على طول يرد علي مااااااااااافيني شي مافيني شي والله ضايق صدري بشكل جنوووني ماادري وش قاعد يصير هو قبل فتره صار له حادثه مع ابوه توفى فجاءه من بعدها احس بدا يتغير شوي .. بس النوم من قبل لا يتوفى ابوه .. اخر شي قااالي انه مايحب يناام وانه اذا ناام يشوف كابوس حتى اذا جيت اصحيه لصلاة الفجر تجيه فززعه باين مو مرتاح في النوووم حااولت اساله كثير عن الكابووووس اللي يجييييه مايعطيني خبر يقول ماادري ايش نسيييته دايم يقول كان احد او حيوان مفترس يلاحقني بعدين مايكمل يقول نسييت نسييت انا حالتي صارت تتردى اكثر واكثر ماادري وش اسوووي ماادري وش الحل ؟؟ بكيت كثيير حزنت كثيير ماادري وش اسووي ماكان كذا ابد ماادري وش فيه حتى اهلي دايم يقولون وينه اول كان يجينا والمتس له من الاعذار كرهت حالتي وخايفه عليه ماادري وش فيه ومابي اقول لاحد ابي افضفض ابي احد يساعدني اسويه له انا خايفه عليه وتوني لسا ماجبت بيبي ولا شي ماابي كذا يستمر بس تفكيري فيه ماادري وش اسووووي ساعدووني الله يخليكم اكتب لكم وانا يني حزن لايعلمه الا ربي |
استهدي بالله
اقرئي سورة البقره على ماء واسقيه منه وعلى زيت ايضا ادهني له جسمه اسقيه ماء مقري وايضا اقرئي سورة البقره يوميا او اشغليها من النت لا تخافي هو لا يشكو من مرض ولكن وفاة ابوه يمكن اثرت على نفسيتو ويمكن صعب تقنعيه انو يذهب لطبيب نفسي حاولي مثلا تعزمي اهلك اخوتك احد من اخلك بحجة الزياره وخلي الجلسه تكون مرحه وضحك لازم يكزن احد عندكم كل يوم او يومان وايقظيه قولي عنا ضيوف جاك زوار وانتي نصيحه مني وقت يكون نايم وتحسي انو خلاص نوم احضري شوية كريمات وابدي شويه مساج له على ظهره جسمه وووووو شوية حركات ووو لانك الوحيده لك اليد الاكبر باخراجه من محنته مساج لرأسه وقت يقول والله كابوس فورا ارقيه ومساج على رأسه مع كلامات دلع :حبيب قلبي وروحي ليه الكوابيس عشان اعمل لك مساج اشتغلي انت بافكارك وكلامك بطريقه غير مباشره مع طبعا افكار ليزورك اخوتك او اهله امه اخوته الجيران اي احد المهم انو تقدري يخرج من صومعته |
الله يشفيه ويبعد عنه الهم,,
انا عندي خبره بهالامور ممكن تشرحيلي.. جدوله يوميا؟ يضحك ويسولف عادي.؟ يسرح كثير؟ اكله كيف!! عصبيته؟ عمله ودوامه.؟ |
جدوله يرجع من الدوام وينااام الى الليل واذا صحى قالي انا مانمت الا ساعه فيني ارق ويرجع ينام اللفجر وبالقوه ينام يعني النوم متلخبط
جدوله اول كان يحب يطلع وفيه جمعات مع اصحابه الحين مايشوف احد هم يدورون عليه الضحك والسوالف خف كثيييير عن اول بشكل ملحوظ :( اول مرح وفيه وناسه الحين العكس اكله عادي يكل في الدام بس مو حريص مره ع الاكل زي اوول ودوامه من الصباح الى العصر مو عصببببي ابدن بس سريع الانفعال ان شا الله تساعديني |
اختي لازم تقدري وضع زوجك وتتحمليه
زوجك يمر بمرحله صعبه وقفي معاه لاتتخلين عنه ما اقول كلامي من فراغ انا عانيت من المس والحسد عين قويه ومشكوك ان عندي سحر شفتي كلها الله المستعان ومازلت اعاني لانه ماحد وقف جنبي واهلي وزوجي رافضين الشيوخ ويعتبرون وضعي حالة نفسيه ما اقول غير الله يشفي زوجك ويشفيني ويشفي كل مريض اختي انا كنت اشوف اللي يشوفه زوجك في منامي بس انا عكسه تماما ارق ما انام |
أختي
إذا لم تكن لدى زوجك حالة نفسية فالغالب ان لديه (سحر ، أو عين، إن لم يكن مس) وقد يكون سحر الخمول وأعراضه التالي :- 1- يتثائب باستمرار 2- صدره ضيق 3- يكره الذكر ، والقرآن 5- يرى أشياء مفزعة في النوم . 6- يحب الوحدة 8- اذا قرأ القرآن أوسمع يتثائب ويخلد للنوم لا يهتم بأموره الوظيفية والحياتية كثير يبعثر المال يتصرف بدون تفكير..........الخ . إذا كان كذلك العلاج : الذهاب الى شيخ (ثقة )غير مشعوذ أو ساحر للرقية وسيعرف ما الذي أصابه قلت إذا لم تكن انتكاسة نفسية بسبب الحادث الذي حصل وهو موت والده والله تعالى هو الشافي المعافي والله أعلم |
مكانه المناسب |
اقتباس:
زوجك اتوقع يحتاج رقيه.. حملي من النت رقية الشيخ عبدالله السدحان.. ولو انتي من الرياض او السعوديه عموما خذي من الزيت والماء اللي يوزعه مجانا تلقينه بااسواق التعمير الجزء الجنوبي منه في محل الشيخ صالح الموسى.. وان شاءالله وضعه اقرب للطبيعي الحمدالله.. لكن فيه تغيير بالمزاج ممكن من ضغوطات ماديه او اجتماعيه كانت تحصل له وكان يكتم والحين وصل للااحتمال؟ بس لو سكتي على هالوضع وماطلعتيه من هالحاله ممكن تتفاقم الحاله لاقدر الله لازم تساعدينه وتتناقشين معه ممكن بالبدايه مايبي يقولك لان الرجال مايبين ضعفه |
الله يشفيه ويعافيه
يمكن عين ولا شي خلي سورة البقرة على طول مشغله بالبيت وارقيه يااختي وخليكي جنبه هالفتره لان اكيد هو محتاجك حتى لو ماتكلم |
الله يشفيه ويرجعه احسن من قبل
اختى اوقفي معه ربما بسبب الحادث اللى صار له وتوفى ابوه اكيد بيسبب له صدمه ان شاء الله كلها ايام ويرجع احسن من قبل بس لازم توقفين معه وتهدينه من امره وتشوفين اوامره وجلسي معه لا تخلينه بحاله حتى لو جالس في الغرفه وقال بينام كوني معه وان شاء الله بيحس انه مهم واكيد بيرجع الى الافضل اعاانك الله تقبلى مروري |
سورة البقره شفاءه ان شاء الله
اسأل الله العلي القدير ان يفرح عينك بشفاءه |
الله يخليكم جميعاا
مشكلته رافض فكرة الشييخ ولا انا توقعت عين او احد بياذيه لكن رااففففض وبشكل فظيع :( ياربي كن معي |
اعتقد عنده اكتئاب مزمن..كذا صار لاحد قراااايبي...
لازم يروح وياخذ له علاج والا وضعه راح يتطور وعليك بعد بالرقيه والله يفك ضيقته ويفرج له ويعافيه |
وعليكم السلام أنت ذكرت أنه تغير من بعد حادث وفاة والده - رحمه الله - فهذه سبب تغير نفسيته!! ثم توقفي عن طلبك له بالذهاب بالمستشفى أو أي طلب أو سؤال عن حاله ؟!!! ولا تتركيه دائماً ينام لوحده .... وبإذن الله أ زملائه وأصحابه سيلاحظون هذا الشيء عليه وسيحاولون إخراجه من إكتئابه وحزنه .... وكذلك إذا كان له أخوة فإطلبي منهم عن طريق أخواته أو والدته ، وكذلك إذا كان لك أخوان ولهم تواصل معه إنهم يخرجونه من هذه الحالة حاول تطبخي له أكلات تقاوم الإكتئاب والحزن ... (ممكن الأخوات يفيدونك) عزوبي بس رجل |
شلون يطلع من هذا الاكتئاب
لو راح طبيب نفسي ؟؟ هل شي عادي ولا يكون له سمعه سئيه ؟ ماادري العيادات النفسيه يحتفظون بالسجلات؟ يارب تشفهي يارب دعواتكم الله يخليكم |
اكتئاب زوجك يحتاج في علاجه للترفيه ..
سفر .. رحلة .. ألعاب .. تغيير روتين حياته بكل بساطة ؛ |
حبيبتي خلي زوجك يرقي نفسه وشغلي سورة البقرة عدة أيام في المنزل وتحصنوا بشكل دائم والله يفرج همكم |
زوجك يعاني من حاله شائعة ومعروفة من الاكتئاب ونوبات الفزع وتسببها الكوارث والصدمات المفاجئه والنوم يعتبر إحدى الوسائل الدفاعية التي يلجأ لها المريض لا وعيا ليهرب من الواقع المر ويدخل في عالم آخر افتراضي خالي من المشاكل وعلاجها يحتاج لبعض الوقت والصبر عند أخصائي نفسي لو كنت في المملكه العربيه السعودية فأنصحك بمركز الدكتور طارق الحبيب وإن شاء الله على يديه الشفاء ولا بأس بأن ترقي زوجك أو تحثيه على أن يرقي نفسه وشخصيا أنا لا أميل إلى طرح بعض الاخوات الداعي إلى حصر المشكله في السحر أو العين أو في حملكم على اللجوء إلى شيخ يكفي أن ترقيه أو أن يرقي نفسه وهذه هي السنه كما سمعناها من العلماء الكبار |
مرحبا حبيبتي الله يوسع عليك يااارب
انا حبيبتي سمعت ان الحجامه مررررررررره ممتازه تجدد الدوره الدمويه وتنشط الذاكره وتبعد الخمول الي با الجسم والله يوفقك ووسع عليك وعلى الجميع ................................... |
أنا شخصيا انصح اي مريض (روحي) ان يجعل العياده النفسيه آخر محطه.. لان الله سبحانه قال في كتابه ان القران شفاء لما في الصدور وصدق وعد الله.. الادويه النفسيه صحيح انها معده للاستخدام طويل المدى.. لكنها تقتل المشاعر.. بختصار تجعل من الانسان الذي خلقه الله بروح مليئه بالمشاعر الى انسان بروح فقط متبلد.. ومن بهم ميول انتحاريه لاقدر الله الدواء يساعدهم على ذلك لانها تثبط مركز التفكير وتجعل الشخص مندفع.. يفعل مايخطر في باله دون ان يحلل تبعات فعلته في مركز التفكير.. ولاتلقو بأيديكم الى التهلكه.. ادري تأخرت كثير لكن يغيظني فعلا ان نصف للمريض روحيا العياده النفسيه مع اننا مسلمون .. لست رجعيه او غير متعلمه بل احمل دورات كثيره في علم النفس وادرس كثير من مواد علم النفس في تخصصي الدراسي .. وعملت بحوث في اكثر من عياده نفسيه بالرياض .. ومع ذلك اقول لاشفاء الا مع الله.. لاشفاء الا بالتوكل على الله|.. لايوجد دواء مثل كلام الله.. |
مشكوورين جميعاااا الله يجبرلكم مثل ماجبرتوني ووقفتو معي ويمكن اغيب كثير وارجع بس شي خارج عن ارادتي
والده يسال عنه كثير والكذب في لساني طالع ونسى جواله نايم .... والاعذار فكرة السفر رافضها بحجة لاتضغطين علي مااقدر وهو يقدر يسفر بلد كامل المشكله رااافض الذهاب الى قارئ ووموافق يذهب الا طبيب نفسي سبحان الله تعجبت !!! ماادري وش المشكله وماادري ماذا افعلل!! فلت الصبر مننني |
اقتباس:
بما أن زوجك قرر الذهاب للطبيب النفسي فهذه بداية جيدة جداً ادعميه معنوياً وشجعيه .. ليكون أكثر ثقة بنفسه و يستمر في العلاج . في بعض الأحيان المريض النفسي يلجأ للنوم كنوع من الهروب من الواقع الذي هو غير قادر على مواجهته . أسأل الله تعالى أن يشفي زوجك ويشفي كل مريضى المسلمين . |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©