|
لا أرغب بالزواج بغير من أحببت
السلام عليكم ورحمه الله وبركاته اولا احب اشكر كل القائمين على هذا المنتدى الرائع واتمنى لهم دوام التوفيق انا عندي مشكله معكره حياااتي وقالبتها فوق تحت انا اعزب عمري 25 سنه وحالتي الماديه ممتازه ولله الحمد واملك بيت خاص فيني ولله الحمد بس مشكلتي مابي اتزوج ابد ابد والوالد العزيز مصمم اتزوج بما اني اكبر اخواني وزعلته قبل فتره قلتله الصرااحه مابي اتزوج ابد بالعربي قلتله مطوووول طال عمرك بعد ماسألني تبي نخطب لك ؟وانا في بالي ماتزوج ابد ومن بعدها وهو متضايق ومتكدر مو هو لوحده كل اهلي لدرجه انهم شوي ويبكون بسبتي وصارت تجيهم وساوس بيخافوا اكون مسحور منظول لاسمح الله اكيد بتسؤلون شنو مشكلتي وليه مابي اتزوج انا كنت احب وحده ورجاء لايروح بالكم بعيد حب طاهر وبقصد شريف لاكن للاسف ماكان فيه نصيب وحاليااا كرهت الزواج لان روحي للحين معاها واحس قلبي مابيحب غيرها ابد مو احس الا متاكد كرهت الزواج لاني عارف انوو اذا اتزوجت راح افشل وادمر مستقبل اللي اتزوجهااا لان راح اكون معها جسد بدون احاسيس ومشاعر شنو الحل اتزوج وادمر حياه اللي اتزوجها لاسمح الله اوو اطيع شور ابوي واهلي واتزوج بر فيهم وطاعه لهم انا بجد محتار وسوري اذا ازعجتكم واتمنى منكم تنصحوووني وش الحل وسوري اذا طولت عليكم بس حبيت افضفض تقبلوووا خالص ودي واحترااامي |
نصيحتي أن تطع والدك وتتوكل على الله وتتزوج لأن سنك مناسب جدااا للزواج وظروفك المالية ماشاء الله مناسبة فأعقلها وتوكل على ربك والزواج ستر وعفاف
-أما إن شعرت بصدود عن الزواج فعليك بالرقية الشرعية فلربما بك عين أو معمول لك صرف عن الزواج -وعليك بالمواظبة على قراءة سورة البقرة |
طيب عندي سؤال ؟
هل حبيبتك فيها مواصفات مميزة بحيث انك لاتتوقع ابداً أن تجد مثلها وبهذه المواصفات ؟؟ اذا كان الجواب نعم : فماهي اعظم صفة اعجبتك فيها ؟؟ |
جمالها و طيبه قلبهاا واخلاااصهااا وهتمامها فيني بشكل لايوصف
بطول وانا احصي لك مواصفاتها |
انصحك اخوي انك تسمع كلام والدك
يعني الى متى مثلا بتجلس رافض الزواج بالاخير رح توافق اخوي في كثير بنات عندهم صفات رائعه وذوات خلق ودين انت توكل وتمهل في اختيار الفتاه وكن اكيد يااخي انو اكيد كمان حبيبتك فيها سيئات لان مافي احد ملاك اكثر من الاستغفار وتوكل على الله |
اخوااااي
الكسائي واخووي اعمق المشاااعر واختي عاشقه الغااالي الف شكر على مروركم ونصائحكم يعطيكم ربي الف عاااافيه وييسر اموركم دعووووواااتكم لي اخوااااني |
الحل بيدك هي راحت بحال سبيلها وانت اذهب ايضا بحالك
وسوف تتزوج في يوم من الأيام لذالك تزوج في حياة والديك اطال الله عمرهما |
اهلا بك اخي مخاوي القايله
بس حبيت اسألك كيف مافيه نصيب هل تزوجت مثلا......؟ ولي عوده بإذن الله |
اقتباس:
انتي وييين وصااحب الموضوع وين ياليت لو سؤالك هدا يفيد شي بالموضوع الحقينا فيه ولا بس فضول؟:) صاحب الموضوع اشلون حب طااااهر وشريف ابي اعرف الله يسعدك ويخليك |
سؤال هل تزوجت اللي تحبها ولا ايش صار فيها
|
سوووووري انا ماوضحت في الموضوع نقطه مهمه
اللي احبها اتزوجت الله يوفقهااا وبالنسبه للاخت اللي تقوول وضح شلون حب طاهر وشريف اقصد اني احبها بقصد الزواج لاكن ماحصل نصيب مو بقصد شي ثاني لاسمح الله للتوضيح بس مع انوو واضح والف شكررر لمروركم |
اقتباس:
صدقني في أجمل منها ......... انت ماشفت كل البنات ....... وفي اطيب من قلبها ......... اما اخلاصها واهتمامها فيك ...... الله أعلم ....... شلون تحكم كذا وانت ماعشت معها حياة حقيقية ........ كل اللي كان بينكم مجاملات .. حبيبتك مافيها شي مميز ....... كبر عقلك ....... وقول لامك واخواتك يبحثون لك عن المواصفات اللي تريدها .... صدقني راح تلقى احسن من حبيبتك هذي ..... باذن الله |
طيب اتزوجت فكر في حياتك ولا تبا تعيش على ذكرها ولو تحبك ماكان سيبتك فكر في نفسك وعيش حياتك واسمع كلام والدك لاتعاند وبعدين تندم عندك فرصه لاتضيعها غيرك يتمنها مو لاقيها
|
اخي .. اليك الوصفة السحرية التي ستطردها من قلبك نهائيا و بلا رجعة .. بل ربما تجعلك تكرهها ان اردت انت ذلك ..
انت تقول انها تزوجت .. تخيلها و هي تعيش مع زوجها .. كيف تبتسم له .. و تغازله .. و ربما تقبله .. تخيل كل هذا .. تخيل لهفتها عليه و حبها له .. تخيلها في اوضاع جنسية معه .. تخيل انها شخصية منحرفة ساقطة تخدعك و تمثل عليك العفاف و افرح ان الله اوقع غيرك فيها و تزوجها و هي علي ذلك .. اقول تخيل مجرد تخيل .. مع الاستمرار في التخيل ستتحول هذه الخيالات داخلك الي واقع تصدقه و تؤمن به و بذلك ترتاح نفسك و تهدأ روحك و تنمحي من ذكراك بلا رجعه .. تخيل كل هذا و ستدرك انها لا تستحق قلبك .. هي تعيش في سعادة و انت تحرم نفسك منها .. منتظر ردك .. |
الله يفرج همك وهم كل مسلم فعلا صعب تعيش مع احد وقلبك مع غيره نصيحه لا تتزوج الا اذا نسيت اللي تحبها عليك بالدعااء |
اخي الفاضل مادام انها تزوجت الله يوفقها
هي شافت حياتها ومشت فيها فاشوف انه من الحماقه (لا تزعل مني رجاءا ) انك تكرس حياتك على وهم اعقلها وتوكل على الله وان شاء الله بتحب زوجتك وتتذكر حالك الحين وتضحك على نفسك مع الالتزام بالدعاء والاستغفار طول مراحل التجهيز للزواج الله يوفقك ويشرح صدرك وييسر امرك |
طيب ماتقدر تخطب اللي تحبها
تيب انت الحين ابعد التفكير عنهاوابدى اخطب وشوف اذا حسيت مرتاح بالشوفه وهيك خلاص اتكل ع الله ولاتخليه هالشي ياثر عليك اذا هي متزوجه خلاص هي شافت حياتها وانت من حقك تشوف حياتك اخوي مافيه احد بهالدنيا كامل ابد ولاحتى ملاك من حق ابوك يفرح فيك هو وامك وادع ان الله يسخرلك زوجتك ويالف مابينكم وينسيك الاولى ويبردعليه يارب |
معقوله تكون اللي تحبها اغلى من والديك؟
وبعدين لو هي تحبك جد ماتزوجت وخلتك صدقني! |
اقتباس:
وعليكم السلام ورحمة الله وبركاته أخي الكريم وفقك الله: قبل اتخاذ خطوه الإقدام على الزواج عليك أن تُغير القناعات المشار إليها باللون الأحمر التى جعلتك ترفض الزواج بشكل نهائي. فهي مشاعر وهميه أقنعت نفسك بها وتُسير حياتك على اساسها.. من كنت تريد الإرتباط بها تزوجت وأنتهى الأمر عند هذا الحد ولايحق لك التفكير بها أدعو الله عزو وجل لها بالتوفيق والسعادة هذا أكثر ماتملكه لها.. إذا رأيت نفسك مؤهلا نفسيا للزواج توكل على الله عزوجل وأظفر بذات الدين.. أسأل الله أن ييسر لك أمرك ويرزقك من حيث لاتحتسب.. |
اقتباس:
مع هذا الرأي بكل كلمه يجب ان تغير هذا الإحساس داخلك فمانفكر فيه ينعكس علينا لاشعوريا فأنت بإحساسك بأنك لن تستطيع أن تحبها تسد امامك كل المنافذ التي قد يدخل فيها الحب إلا قلبك نصيحتي لك أخي الكريم لاتقدم على هذه الخطوه إلا ونيتك صادقه ومنفتحه لتقبل الأخر .. وخذ وقتك .. فكر فيها كثيراً وعندما تجد في نفسك بوادر استعداد ولو بسيطه ابدأ بالخطبه .. ولكن الأهم أن لا تخطب وتتزوج فقط بنية ارضاء والديك اجمع معها نية إيجاد شريكة حياة وبناء عائله .. ولا مانع من البحث ورؤية أكثر من فتاه حتى تجد من ترتاح لها نفسك .. اهتم بختيارك لها فهو اختيار العمر بإذن الله |
الله يعوضك ببنت الحلال الي تسعدك
|
اخوي مخاوي القايله عارف ليش انت ماتتخيل نفسك مع غيرها ومازالت روحك معها...لانك ماشفت غيرهاولم ترتبط بفتاه اخرى وماعطيت نفسك فرصه عشان تنساها...عجبت من امرك يااخي..اذكرلك قصه لاحد ابناء عمي...
ولد عمي هذا راح لزياره لبيت صديقه وكان عمره وقتها22 سنه لمح اخت صديقه باالصدفه وحبهاوحارب عشان يتزوجهالكن مافي نصيب ولماصارعمره 26 قرروا اهله ان يزوجوه وهو طول السنين مارتبط اوحاول يشوف غيرهذي البنت بس قاعد يفكرفيهاوكأنه مافي غيرهاعاالكره الارضيه... لماقرراهله ان يخطبوله استشاروه ووافق بعد عناء وحددوا النظره الشرعيه..وراح عشان يشوفها(طبعاهو حاط في باله انه ماراح يحب غيرهذيك البنت)لماراح عشان يشوفهاجلس في المجلس مع ابوها ودخلت البنت عليه(((واقسم باالله العظيم مااكذب عليك يقول مجرد ماشافهانسي البنت الاولى ونسي حتى اسمهاوصاريحب خطيبته بعد ماتقرب منهااكثرفي فترة الملكه..وهوبنفسه قال هالكلام طبعالماانسأل من اهله عن شعوره لان اهله كانواعارفين.. اخي مخاوي اعطي نفسك فرصه لنسيان الماضي وصدقني ماراح تنسى الا اذا وجدت بديل..توكل على الله واطلب من اهلك يختارولك بنت باالمواصفات الي انت تبيهاوصدقني راح يتغيرشعورك..لان عمرك بعده صغيروحبك الاول يعتبرحب مراهقه يزول بعد الارتباط.. |
السلام عليكم وحرمة الله وبركاته
بكتب كلام على عجل يارجال والله ثم والله اني قد قلت كلام زي كلامك وحلفت اني ان اتزوجت الي احبها ماراح اتزوج غيرها وانها لو تزوجت بقعد طول عمري مابي غييرها فكرت قلت طيب فرضيا هي تزوجت ونا قعدت دون زواج وش استفيد هي تزوجت مبسوطه ونا جالس كذا الله يوفقها ويستر عليها فكر انت ليه هي ماعيت تتزوج يوم ماحصلت لها انت لاتها تفكر بعقل يعني انت ماحصلت لها تعيش طول عمرها ماتتزوج.. اتذكر اول يوم اني احب قلت لها لو ماتزوجتك ماراح اتزوج احد غيرك تقدين تعطيني نفس الي عطيتك انا اني اضحي بعمري انك ماتتزوجين قالت لي لا .! بتزوج قلت ليه حرام عليك قالت لان انا بنت ولازم وراي رجال ابوها واخوانها موب دايمين لها ..! شفت فكرت بنفسها وتفكريها صح فكر زين الله يوفقك لما يحب ويرضاء بعدين الله يهديك انا بنجن عشان اتزوج ولا حصل لي زواج وانت ماشاء الله عليك الزواج جايك بنفسه وتقول لا ! صدقني انا ماجربت بس كلام كل الي اعرفهم متزوجين وكان لهم علاقات حب يقولون الي تزوجناهم زواج تقليدي عوضونا عن الي كانو يحبونهم كثييييير لانه جاي حلال وعلاقه حلال اوب علاقه غير شرعيه حرام .. |
الأخ الكريم ،
أنا من نوعية الاشخاص الذين اذا احبوا او كرهوا فمن الصعب جدا تغيير المشاعر ، لذلك افهم معاناتك ... اعتقد ان القضية ليست في مقومات الفتاة ولكن في شخصيتك انت ... استاذي الكريم ، الحل في فتح باب الزواج ، نعم كما قال الاخوان ولكن لا تقدم على الارتباط الا وانت متأكد تماما ان صورة الحبيبة القديمة قد تلاشت وبخلاف ذلك لا انصحك بالزواج ... ان تتبارى الزوجة مع شبح حبيبة هو بحق عذاب لكلا الزوجين.. اذن ابدا في التفتيش عن زوجة المستقبل ولكن لا تقدم على الزواج الا بعد ان تشعر ان من تتقدم لها تجعلك تنسى الأخرى تماما ولا يعود بقلبك منها شيء. وثق ان هذا سيحدث عاجلا ام آجلا لأن الوفي في مشاعره لن يسمح بوجود ملكتين في قلبه ، فمتى ما شعرت بالقرب من عروس المستقبل مؤكد ستضمحل الذكرى القديمة. |
اقتباس:
اشكر لك مرورك اختي والله يجزاك خير |
اقتباس:
الف شكر لك اختي بس تخيلي انتي لاسمح الله يتزوجك انسان مايحبك يحب غيرك بترضينها على نفسك |
اخواني
رجل حليم و ياربي توفيقك اشكر لكم مروركم والله يجزاكم الف خيررر تحيااتي |
اقتباس:
الله يسمع منك كلامك يريح الف شكر لك خيتو |
اقتباس:
الف شكر لك اختي بس مشكلتي الا اللحين اتواصل معاها حتى بعد زواجها مقدر اشيلها من بالي وهي نفس الحكايه |
اقتباس:
وربي لو عندي شك 1 بالميه انها ماتحبني ماسويت بنفسي كذا الف شكر لك اختي الله يسعدك ويوفقك |
اختي
ورده بين الثلوج الف شكر لك تكفيني دعوتك الله يجزاك خيررر ياااارب |
اختي احلامي بسيطه
الف الف شكرر لك على نصيحتك اللي ان شاء الله اخذ فيهاااااا قبل لا اتهور واخطب بس دعواتكم ياليت فيه علاج يمسح الذااااكره او يسوي لهاااا فورماااات من جديد وربي برتااح |
صراحة أهنيك على إخلاصك و وفائك .. لكن ! خلك ذكي و فطين يا خوي طيب حبتك و تزوجت ( يعني عايشه حياتها بالطول والعرض الله يوفقها ) ليه تحرم نفسك ؟؟؟؟ ليه انت تستاهل أكثر من كذا .. اقتباس:
سبحان الله خلنا نقول فرضا أختك في يوم من الأيام حبت شخص ( حب طاهر وشريف زي ما قلت ) وماحصلها تتزوجه ،، تزوجت شخص ثاني فيه كل مواصفات الزوج الصالح ياترى بيكون من الذكاء و الفطنة و الخلق الرفيع إنها تتكلم مع عشيقها وهي متزوجه اسمح لي المفروض هذا الشي على الأقل يخليها تطيح من عينك وبالتالي من قلبك .. راجع حساباتك وارجع إلى الله ،، وحط العواطف على جنب وفكر في أبوك وأهلك اللي تقول شويه ويبكون من خوفهم عليك .. الله يصلح حالك ويهدي قلبك و ينزع حبها من قلبك ويعوضك خير منها ،، آمين يارب ( والله ياخوي انقهرت عليك كأنك أخوي الله يفرج عنك همك ) وعلى فكرا تراك مو اول واحد يمر بهالتجربه .. بس البطل اللي يحكم عقله ويفوز برضا ربه ثم أهله و في الأخير :: تبي طريقة تمسحها من ذاكرتك ؟ امسح رقمها أو أي شي يساعدك توصل لها حافظ على الصلوات في وقتها ،، بعد كل صلاه استغفر أقل شي مية مرة ولو أمداك صلي في الليل ولو ركعه وحده .. وادعي الله بإخلاص إنه ينزع حبها من قلبك ويعوضك خير منها لو استمريت بإذن الله ما تبدأ السنة الجديده إلا وانت مرتاااااااااااااااح .. الله يوفقك |
اقتباس:
ياريت امنيتي :rolleyes: الله يهدي بالك ويريح سرك |
ربي يمسح على قلبي وقلبك بالصبر
|
اقتباس:
الله يهدكم بس |
إنت تقول إنك ما ترضى على بنت الناس اللي تتزوجها ، إنك تتزوجها و في بالك هذيك اللي تزوجت
طيب هي كيف ترضا لزوجها ، إنها تتزوجه و تخونه و تكلمك و تستمر معاك في الكلام و تعطي مشاعرها لغير زوجها ؟ و إنت كيف ترضاها لزوجها ؟؟؟؟؟؟؟؟؟؟ ما تحس نفسك تناقض حالك ؟؟؟؟؟ تخيل نفسك مكان زوجها ، إيش بيكون احساسك وقتها ؟ هذا لوحده ، أكبررررررررررررررررررر عيب فيها البنت الشريفة و العفيفة ما تعمل اللي بتعمله هي ، و الرجل الشريف و الشهم ما يعمل اللي إنت بتعمله بكرة إذا ربي رزقك بزوجة ، و خانتك و اكتشفت إنها تحب واحد غيرك و تتكلم معه فاتذكر اللي إنت عملته مع غيرك و تعديت على محارمهم ، لإن الدنيا ( دين ) |
الى الان تتواصل معها لا حول ولا قوة الا بالله
يا اخي لا تخلي الشيطان يلعب فيكم حرام عليك وعليها اتقوا الله في انفسكم وفي اهليكم الله يهديك |
وعليكم السلام ورحمة الله وبركاته
سؤال مدام تحبون بعض لهدرجة ليش ما تزوجتو وش السبب وثاني شئ الحبيبه طارة ما خلفت غير اغبارها لك وشوله متعس حياتك ومتعس اهلك اصلان لو تحبك مثل ما انت تقول كان مااقبلت في غيرك لو عل قطع رقبتها بس مخليتك كورة قدم تلعب فيك واذا خلصت رمتك وانت مدرعم معها اصحا ياخي وشوف حياتك وثالث شئ انت صرحة بانكم متواصلين مع بعض وهي متزوجه في اي حق تتجاوزون حدودكم ما تخفون الله وتخنون الزوج الغافل اهل هاذي من تعلق قلبك فيها الخائن الذي لم تصون نفسها وزوجها ابعد هذا تحبها اذا كان جوابك بنعم فطّيور عل الشباها تقع لو علم زوجها وهو يحبها اكثر من حبك لها في نواياها لرماها لك ولو خلفت منه عشر :15: مايشرفه تكون زوجه وام لعيال وهي خائن خوف الله وتوب اليه واقطع العلاقه اللي بينكم واطع والديك وتزوج والحب حبه حبه لين تحبه بس ابي اعرف وين اعقولكم ياشباب اليوم حب من ورا جهاز جوال الحمد الله وشكر تصريح السان في الحب ما يكشف داخل القلب ونواياء الشخص |
لا ماشاءالله عليها,,
تموت فيك والدليل تزوجت وخلتك!! ومااشاءالله عليها سنعه! والدليل تكلمك وتتواصل معك وهي متزوجه.. الله يفتح على بصيرتك وبصيرتها.. الله رزقها بالحلال ولازالت تلحق ورى الحرام.. مارحمتك ولارحمتها لانكم غلط!! مارحمت الا زوجها و(ابوها).. |
| الساعة الآن 06:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©