|
زوجي يرقمني وهو مايدري
السلام عليكم
اتمنى تساعدوني وللعلم انها اول مشاركه لي لاني والله مدري ايش بسوي زوجي يحبني ومدلعني ومايبخل علي بشي واذا زعلت يراضيني ومو مقصر معي الحمدلله ودايم يقول لي انا مالي غيرك ومقدر اعيش من دونك وانتي احلى وحده .. وانا فرحانه ومصدقه كلامه الا يوم بديت اشك ان عنده ايميلين واحد تلقائي مفتوح والثاني مقفل ومو راضي يفتحه واذا سألته ليه يغير السالفه او يمزح معي حتى تتغير السالفه وانسى وسوس لي الشيطان وراقبته مره وهو يلعب لعبه في النت ومن شروط اللعبه انه لازم يسجل ايميله وكنت اراقبه من بعيد وشفت ايميله الي سجل فيه هو نفس الايميل المقفل بعد كم شهر سجلت باللعبه وبحثت عن ايميله حتى حصلته وصرت العب معاه واسولف معاه عساس اني بنت فاضيه ومن اول محادثه طلب ايميلي وعطيته ايميل جديد وصرت احاكيه حتى طلب رقم جوالي وقلت له انت عطني رقمك وعطاني اياه وهو يابنات رقم جواله الثاني ماله الا 3 شهور مطلعه ويقول امنية حياتي اسمع صوتك وانا سكرت المحادثه مدري شسوي قلت له اكلمك يوم العيد وانا للحين مدري شسوي مدري مو مستوعبه كلامه انه انا بحياته ومافيه بنت غيري ويحبني ومستحيل يخونني مدري وش اسوي اكمل معه المسلسل او اترك الايميل مدري هو مسويها مع بنات ثانيات ارجوكم ساعدوني مع العلم انه باقيلي ايام معدوده واكمل سنه زواج يعني تونا ما امداه يمل مني مايخلو اي زوجين من المشاكل مدري هي مشاكل اول زواج ولا مل مني مايبيني ؟ تكفون مساعدتكم وربي يدخلكم الجنه باسوع ابوابها |
اصلا انت غلطانة وسامحينى هذه نهاية التجسس ونصيحتى تقربى اكثر من زوجك ولاتسوين اى شى عشوائى لانه حياتك لااح تنقلب
|
و الله امرا عجيبا ..
يفتن الرجل بامراة لم يراها .. و الاصعب انه متزوج و لديه امراة يراها و يسمعها و يحسها .. ما الذي ينقصه ليفعل ذلك ؟؟ هل هو متخيل انها اعجبت به لصفاته الخارقه التي لا تعلم عنها اي شيء لانها مجرد محادثة علي الانترنت لم تراه و لم تسمعه ؟؟ ام انها تريد مجرد ذكر و خلاص .. مثل اي ذكر في الدنيا .. ؟؟ في الارياف عندما تريد البقرة ان تحمل يقولوا لازم نحضر لها طلوقة (ثور ذكر) فهل يفرح الرجل انه يقوم بدور "الطلوقه" ؟؟ .. و لقد كرمنا بني آدم و حملناهم في البر و البحر .. |
اقتباس:
طلبت حل ولو مكانها انا لا قدر الله باسوي مثلها واكثر لا قدر الله ويا اختي صاحبه المشكله لا تاخذين رايي ما اكمل المسلسل باقوم انصحه بطريقه اني بنت ثانيه وغير زوجته احاول فيه لييين احسه تغير بالنت وعندي بس نصيحه اتصال لا تتصلين بتكون وراها مشاكل اكبر خلج عقلانيه حاولي فيه بالنت ع صفه انج بنت غريبه وبالواقع ع انج زوجه له انصحيه لا تتركينه ما هو حل ان تركتيه ترى الحل انج تواجهين المشكله بعقل وتفكير عدل اعتقد تتركين السالفه فترة عشان تفكيرين وفكري مع الاستغفار والاستخاره قبل لا تتخذين اي قرار شتسوين الله يسعدج اختي هذي تجارب الحياه فيها صدمات وعقوبات وعوائق سواء بدايتها او نهايتها وترى مو معنى انه حاجى ورقم غيرج يعني مل منج لا يا اختي لا تخلين تفكيرج جذي وترى هذي هوايه الشيطان كان الله يعونج والله يقويج ع حل هالمشكله وينهيها ع خير ويبعد الشيطان عنكم موفقه |
بجد وأنا بأقرأ الموضوع مت من الضحك قولي الحمدلله انك عرفتي زوجك من بدري غيره كثير عملو مثله ووصلو لمراحل اكبر من المرحلة الي عرفتي فيها زوجك أنا بالنسبة لي أقترح عليكي أن تكملي معاه الفلم وخليه يعطيكي ايميله ورقم جواله واذا تئكدتي وقتها أنه زوجك 100% اعطيه من الكلام العسل وحسسيه بأنه أعظم رجل في الدنيا وأنك معجبة فيه اعجاب شديد جداجداجدا حتى تخليه يتعلق فيكي بعدين واعديه في أحد المطاعم الفخمة اذا كانت مقدرتكم المالية كويسة طبعا هو راح يلبس ويتأنق وانتي كمان البسي وتأنقي وخلي أحد من اخوانك يوصلك على نفس المطعم ووقتها خليه يجيلك طبعا هوا راح يتفاجأ وقتها انتي لا تعاتبيه قوليله بالي صار وقوليله ايش الافضل الحلال ولا الحرام وقتها هو راح يخجل من نفسه ووقتها انتي راح تكبري في نظره وبعدين يا جماعة الخير هذا مو تجسس الي قاعده بتعمله الأخت اذا في انسانه خايفة علىحياتها الزوجية وبيتها وراقبت تصرفات زوجها هذا يسمى حرص وليس تجسس أتمنى لك التوفيق انتي وزوجك وكل عام وانتي بخير |
لاتكملي ولاشي والي سويتيه غلط
اي رجل ممكن يقع في الي وقع فيه زوجك وانتي الي بديتي معاه والرجل يحب النساء وهذا الي ربي خلقه عليه لاتخربي بيتك بيدك واتركي عنك التجسس وتقربي منه واشغليه بوجودك معاه ولاتتركي له فرصه يكون مع غيرك الله يهديه ويسخره لك يااارب |
موقف لاتحسدين عليه ماراح اتكلم عن طريقتك صح ولا لا المهم الحين انك عرفتي وطاح الفاس براس فكري بعقلك وطلعي كل الافكار عشان ترجعين زوجك لكو هو مقتنع وخليه هو الي يترك مو انتي يعني لايعرف زوجك ولا يشك بأي شي انك انتي مهما صار لاتبيني انك عرفتي شوفي لو ضيعتي الفرصة من يدك وعرف انك انتي بتخسرين كثير .. حاولي تفكرين بطريقة تخلين زوجك يندم على انه فكر يسوي علاقة محرمة شوفي جاء في بالي اكثر من فكرة .. ممكن تفهمينه ان البنات الي يتعرف عليهم عن طريق النت استغلاليات خليه يرسلك صور له. فلوس وشوفي هل زوجك ممكن يوصل لمرحلة انه ممكن يرسل صورة اسأليه متزوج ولا .. حاولي تعرفين زوجك وش ناوي عليه بهل علاقة يعني بس بيمشي الوقت او مال منك ومايبك واعذريني على الكلمة على فكرا اعتقد ان اذا تصرفتي كذا ماعليك اثم عشان انتي تكلمين زوجك وتبين تمنعينه من الحرام .. شوفي في جهاز يغير الصوت حاولي بأي طريقة تجيبينه عشان تكلمينه اهم شي لاتخلينه يكلم وحده ثانية يعني زين انه طاح فيك مو في وحده ثانية .. الحين الهدف المهم انك تعرفين زوجك وش يبي من هل علاقة وبعدها فكري وش ممكن تسوين على اساس زوجك وش يبي
الله يرده لك عاجل غير اجل |
اقتباس:
قبل الرد حطي نفسج مكانها تتركين السالفه ؟؟؟ ما اعتقد تكملين الفلم ؟؟ ما اعتقد ما تخرب على بيتها بالتجسس بس بتخرب ع بيتها بتركه يلهو بالشبكه العنكبوتيه صح يعرف بنات ويطيح بحبهن ومنها تواعد بالزواج وطلاقها عشان الحب الوهمي شئ حلو صح والتقرب منه ما يحسسه ان في شئ ما بيحسسه ان مرت حست بشئ او اكتشفت شئ بس اوكي هي بتتقرب منه بس ما يمل بتقربها واحتلالها لوقته نصيحه الحين حاولي ترتاحين من التفكير وغيرها واستخيري وشوفي الاحلى لج لا تستعيلين بقرارج وراي barakah22 عجيب بس سما اتوقع كل الرياييل يتقبلونها لازم تشوف زوجها يتقبل ولا كان الله بعون الجميع |
ايش اقولك يابنت الناس اعتقد انه مافي رجال الا ويخون قلبوهم صارت فنادق يحب ذي وذيك
لانهم ماجربوا انهم ينخانو والا عشانا حريم الغلطمة محسوبة علينا وهما عادي نسامح لهم ونغفر لهم يلا الظاهر ان الخيانة بتصير موضة 2010 الله يعينك |
موضوع ذو شجون..
الله يوفقك و يحميك انت و زوجك انا متابع معاك اختي على الآخر... احكينا مستجدات اول باول... |
^^^^^^^^^^
الخير لسى موجود وفي رجال كثير فيهم الخير والبركة وبعدين اذا الرجال ماخفو من الخالق تبين نخلي حتى النساء الله يكفينا الشر والله يثبت المسلمين والمسلمات |
من راقب الناس مات هماً
دعي الخلق للخالق اللي بيخون يخون لو كان مسجون الطبع يغلب التطبع |
عزيزتي !!هدوء!! لازم يصير لك سند من اهلك سواء اب او عم او خال ولازم زوجك يدري بهذا الشي حتى ما يتمدى
خوذي لك ورقة وقلم اكتبي فيها نوع مشاكلك الاهم فالمهم فالاقل اهميه وابدئي حلها بالتدريج سواء من الاعضاء المميزين في هذا المنتدى الرائع او من استشارات ذوي الخبرة ممن تثقين بهم ممن حولك لا تيأسي حاولي الاصلاح ما استطعتي إليه سبيلا |
مشكورين على ردودكم وتفاعلكم معي
وانا مالوم اختي المحبه للاستغفار انا غلطانه وليتني ما سويت كل هذا بس وش عقبه وبركه 22 صراحه كلامك صعب انفذه صار من جد فلم مو مشكله عائليه وتنحل صعبه مقدر اسوي فكرتك ويمكن مافهمتو ليه سويت كذا لان زوجي شوي موسوس احيانا وانا اكتب مسج ياخذ جوالي بالقوه ويشوف ارسلها لمين واذا سألته ليه يقول جوله تفتيشيه ويضحك يعني ترى امزح بس من قلبه جاد واضح جدا انه جاد وايميلي دايم يسألني مين عندك ومن تسولفين معاه فصرت افتحه تلقائي ومعلمته الباسوورد حتى يتأكد من نفسه والقهر يابنات انه اذا صرت معاه بالسياره يقول لي شوفي هذي وحده تتصل علي ازعجتني خوذي هزأيها ووقفيها عند حدها وانا اصدق اقول لا مسكين مستحيل يخونني هالانسان اذا صار كل وحده تلعب عليه يعطيني ويقول شوفي هذي ازعجتني مو مره ولا مرتين والله كثير يتصلون عليه بنات ويقول لي هزأيهم ليه طيب انا ابي افهم ليش يعطيني رقمه بالايميل ويبغى يتعرف ويسمع صوتي والرقم هو رقمه الحقيقي رقم زوجي مدري شسوي اليوم كله افكر وفكرت اني اقوله جتني اضافه من وحده تقول اخذت ايميلك من واحد عندي اني هكرت ايميله ولقيتك وابي اتعرف عليك... مدري اقول كذا حتى ارعبه ويوقف ولا ايش ومابي اهلي يعرفون لانه يكفي سمعته مش ولا بد عندهم اجي انا ازيد الطين بله ومابي اخرب بيتي واتطلق لاني متحسفه فيه وابيه وين بلقى واحد مدلعني ويلبي كل طلباتي الي عنده حل يقول جزاكم الله خير ومشكوره والله يجزاكم خير يللي تفاعلتو معي وعطيتوني حلول |
اختي تواعدي معاه بمكان وخليه يقابلج..علشاااان يتوووب
|
اختي والله صعبه انا للحين مو متحمله انه عطاني الرقم تبيني اتحمل نتواعد بمكان
وانا مابي اقوله اني كاشفتك ودي يوقف عند حده وبباله اني مو عارفه شي . |
شلون تبينه يوقف عن خرابيطه بدون لا تحرجينه
ادري انه الامر صعب عليج..بس خلج قوية وقدها بالتوفيق,,, |
اختي بما انه عند بالايميل اسأليه انت متزوج وقولي له ليه تخون زوجتك ومن طق باب الناس طقو الناس بابه واذا انت ناوي تخون زوجتك ترى زوجتك بتخونك يعني (( تخويف)) وقولي له عن هالبيت عفو تعفو نساءكم في محرم ... وتجنبو مالايليق بمسلم إن الزنا دين اذا اقرضته... كان الوفاء من اهل بيتك فاعلم حاولي تنصحيه بس لاتقولي انك زوجته يمكن ربي يهديه بهالطريقه |
خلاص اجلسي هدديه وجننيه
اطلبي منه طلبات زي فلوس او بطاقات طبعا بيرفض بعدها قولي انك عرفتيه من رقم جواله وقولي انك راح تفضحيه وقولي له تفاصيل عنه عشان ينفجع ويتوب خليه يترجاك يعني سوي حركات تجننه بدون مايحس انك انتي!! الوي ذراعه! |
أنا من رأيي ما تكملين معه في ذا الأسوب
لأنك يمكن تسمعين منه كلام ما يسرك أبداً , ويمكن ما تجلسين بعدها عنده , حتى وإن كان يكذب على الي قدامه يمكن يتكلم فيك أو يختلق مشكلة حتى تسمع له البنت (الي هي أنتي ) , وأنت ما راح ترضين يتكلم فيك أو يذكر شيء من عيوبك ولو كانت كذباوهذا لا يعني أنه ما يحب , كلا. لا تشكي في حبه لك بهذي السرعة لكن الرجل غالبا ميال إلى النساء , خصوصاً إذا كان عنده فراغ وما عنده تحفظ , ووافقت نزوة من الشيطان هو لا شك أخطأ وعليك أن تنصحيه بطريقة خفية بحيث لا يشعر بك إما ترسلين إليه إيميلات نصح من دون ما يعرف من أنت أو ترسلين له من إيميلك الي كلمتيه عليه وتنصحينه ,نصائح بدون أخذ ورد معه حتى لا يتعلق في البنت زيادة , ويؤثر ذلك على علاقته بك في شخصيتك الحقيقية أمامه ..... الله يكون بعونك ويهديه ويرزقكم السعادة .. |
انا اعرف وحدة تمادت فى هذا الموضوع وصلت بالزوج انه يشتكيلها من زوجته مع انها ملكة جمال وراعية بيت ووصلت به المواصيل انه يبى يخطبها
صدقينى اقطعى الطريقة هذه حالا وخلك ذكية وحذرة اكثر مع زوجك قبل لا تخلى حياتك وحياته جحيم |
بالعكس واصلي معاه ولا تكشفين نفسج
سوي مثل مانصحتج أختي نورين ترى هذي فرصة في ايدينج إن ضيعتيها بتضيعين أكبر فرصة في انقاذ بيتج من جهة ثانية اهتمي بواجباتج اتجاهه ولا تقصرين في حقه بتاتآ بالعكس تقربي منه أكثر عشان يكون بين ارين |
قريبتي صار فيها نفس الشئ ، تقول طلبت منه صورته و ارسل لها
و قامت تهدده و الله بأنزل صورتك في النت و افضحك عند زوجتك ووووو إلخ و تقول صار زوجها في حااااااااااااااااالة من جد و بعد كذا واجهته و اعتذر لها و ندم و من بعدها تاب على قولتها و استخيري ، كل وحدة تختلف عن الثانية و لو مكانك أنا لا سمح الله ما راح أجلس ثانية وحدة معه ،، إيش فايدة الدلع إذا كان معها خيانة ؟ |
قال تعالى (يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ)
|
كل عام وانتي بخير اول شي
ثاني شي يليت تحطين اللي بقول لك عليه قدام عينك استغفري ربك كثييييييييير الاستغفار باب كل خير ويجلي كل شر زوجك يدري انك تلعبين نفس اللعبه اللي اتوقع انها البلياردو ؟ واكيد متوقع انك تلعبينها مع غيره رجال اذا كان يدري فتلك مصيبه وان كان مايدري فالمصيبة اعظم يعني مالك وجه تواجهينه لأنه بيقول : وش ضمنني انك ماسويتي الحركه هذي مع غيري قبلي ! <من باب الشك والدفاع عن النفس غمضي عينك وتخيلي كل حياتك بعد الانفصال وقارنيها بحياتك الآن هذا مجرد طيش ممكن يوقف بذكائك واسلوبك وممكن يستمر بسكوتك او مواجهتك اياه بإسلوب فذ وتهديد لأن اللي بيخون يخون حتى لو في سجن بخياله يخون وحتى لو صل الامر يخلي الجن مرسول الغرام :d فكري وش اللي خلاه يقول كذا ويسوي كذا ! غير انشغالكم انتي وياه عن بعضكم باللعب هذا ! اذا كنتي قريبه منه زياده ممكن مل وراح ياخذ منك فسسسسحه واذا كنتي بعيده ممكن راح يدور اهتمام وحنان اقربي اذا حسيتيه بعيييييييييد وابعدي يوم مايقرب التجديد ثم التجديد ثم التجديد في شكلك اسلوبك دلعك وترتيب اثاث البيت خليك انثى تختصر النساء < متعوب عليها الجمله :d كملي معه وقولي له انا متزوجه ومقدر اطلع معك ولااكلمك انا ندمانه اني خنت زوجي واحنا لسه في السنه الاولى من الزواج خطا اني اخونه هذي سعاده عابره وتسليه مهما استمريت معك انا مااشوفني الا خاينه والخاين لايمكن يوفي تكلمي عن خيانتك بصوره شينه عشان يتذكر نفسه ويكره تصرفه سوي نفسك ماتدرين انه متزوج وقولي بكره انت بتتزوج وانا ماارضى ادخل في حياة غيري وماارضى اني اتسبب في تعاسة وانشغال رجل عن بنت مثلي انا بعيش لزوجي وبترفع عن الحرام عطيه كلام قوي بس لاتواعديه ولاتعلميه انك زوجته نصييييييييييييحه بيقلبها ضدك وان شالله نقرا كلام جميل في اقرب وقت |
اختي لاتخربي بيتك بايدك بالعكس وريه انك كشفتيه وخلها ورقه ضغط بصالحك تستخدمينها متى مانتي حبيتي واذا رديتي على كلام بعض الاخوات راح تخربين بيتك بايدك لان شافو السالفه فيها اكشن شوي ...................فيه نوعيه من الرجال يحب انه يحس انه للحين مقبول ومطلوب للنساء يعني لو تقوله تعال ابي اشوفك ينحاش ولا يقدر ز.....بس اهم شي يحس انه مطلوب والله يوفق يارب
|
السلام عليكم مشكوووورين الف شكر الله يجزاكم خير على حلولكم وربي اقرى وانا متفائله الحمدلله
وصراحه اعجبني كلام اختي اللافندر واتوقع هذا الي بنفذه .. لأنه يمكن انشغالي بالدراسه لهاني عنه شوي ورمضان مع الصيام والتعب لهينا عن بعض لكن وربي اني احبه ومستحيل افرط فيه واخرب بيتي وامس من شدة مافيي خليته ملك كل كلامه اوامر حتى متعجب يقول وش فيك اليوم متغيره .. واقوله مشتاقه لك .. واختي اللافندر انا لا والله ما العب البلياردو ولا احاكي رجال ومحصنه نفسي عن الشر الله يصلح حالنا ويهدينا صح قبل ما اتزوج حالي حال اي بنت نت ومسن بس ماكنت اخربها مع شباب محترمه ربي ونفسي لكن انا بسوي طريقتك بكلمه بالايميل واقوله كلامك اني بتزوج وما ارضى اخون خطيبي ومن هالكلام عسى ربي يهديه ويبعد عن قلبه الرذائل وبعاهد نفسي باذن الله حتى وانا ادرس بعطيه حقوقه كامله وما الهى بدراستي واختباراتي واشغال البيت جزاكم الله خير وربي يسعدكم دنيا واخره ويدخلكم الجنه بأوسع أبوابها وبطبق خطة اختي لافندر وبعطيكم الاخبار ان شاءالله جراكم الله خير |
[QUOTE=!! هــدوء !!;2480021
وصراحه اعجبني كلام اختي اللافندر واتوقع هذا الي بنفذه .. لأنه يمكن انشغالي بالدراسه لهاني عنه شوي وبعاهد نفسي باذن الله حتى وانا ادرس بعطيه حقوقه كامله وما الهى بدراستي واختباراتي واشغال البيت جراكم الله خير[/QUOTE] وفقك الله ورد اليك زوجك ردا جميلا |
يا أختي بارك الله فيك حاولي أنك تنتشلي زوجك من هذا المستنقع الآسن الذي يعقبه خراب البيوت وتقطع العلاقات الأسرية.. ولعلي أهمس إليك همسات نافعة بإذن الله:
1- أصلحي نفسك وجددي علاقتك مع ربك وابتعدي عن الحرام من مشاهدة المسلسلات وسماع الأغاني(إن كنت تشاهديها وتسمعيها).. الخ لأن صلاح الزوجة سيكون أثره راجع على الزوج. 2- الصلاة الصلاة حافظي عليها ولو كان زوجك من يتهاون في أمرها بمعنى أنه يتأخر عنها أو يصلي في البيت أو ينام عن الفجر فانصحيه باستمرار فإن الصلاة تنهى عن الفحشاء والمنكر. 3- إذا كان زوجك يكثر من الجلوس على النت أو رأيتيه يلعب اللعبة التي أشرت إليها فتقربي منه بدلال وتغنجي بين يديه وقولي يا حبيبي لماذا تنشغل بالنت عني؟ أنا محتاجة لك؟ أريدك تكون بجواري دائماً؟... الخ وأنتم أعلم بأمور النساء. أسال الله أن يصلحنا ويصلح زوجك وكل الأزواج. |
فرج همك والله يهدي زوجك يارب ...
دامه كذا فاكيد انتي مهمله شؤي بسب دراستك ورمضان ولان العيد فنصيحه اهتمي به كوني دلوعته وخلي نفسك له انك الشخص اللي يبث له همومه وغيرها لان انشغالك عنه يحاول ان يجد انثئ يسمع منها الكلام الحلو دائم يحب ان يكون مهم لدئ اي شخص يبي حب وحنان وشعور به لااقول انك مقصره ولكن الدراسه وتعبك معها هي تشغلك عن زوجك شؤي ... ورمضان مع الاهل ولعيد ايضا بتبعدكم عن بعض ولكن اسئلي عنه وانتي مثلا بيوم عند اهلك وبيني مثلا انك فقديه ....الخ واذا زياره ارسلي له مسج غزلي له ....\ اي زوج يبي زوجه حنونه عطوفه معه وانتي مابيكلف عليك كتابة مسج وانتي بلجامعه وترسلينها له وهو بلدوام أذكر زوجي يجيء من الدوام وهو فرحان مستانس ويشكرني علئ المسج لاتنشغلي عنه كثيييييييييير كل شيء له وقت والتنظيم يحل مشكلتك بلمذاكره ... حاولي الموازنه بين الجامعه وبين زوجك حاولي الموازنه بين مجتمع الاهل ولاصدقاء وزوجك حاولي التقرب منه اكثر لتبعديه عن هلاشياء . |
ههههههههههههههههههههههههه ههههههههههههههههههههه ههههههههههههههه شر البليه ما يضحك عموما يا ايتها الزوجات المحترمات كل عام وانتم بخير ما يوجد رجل تلاطفه امراة بعبارات غزل ومدح الا وتجاوب الا من رحم ربي وهذا شيطان لا تتبعيه لانها ليست ورقه ضغط كما يقول البعض هناك نوع من الرجال يعمل حساب لكرامته فوق كل هدف وغايه ولا يسمح لزوجته ان تتملك عليه فرصه وان مسكت عليه فرصه سيفعل كل جهدة ان يكيل لها الصاع صاعين ولن يقول لها انا الذي كنت الاعبك بل سيقول من كنتي تخونني معه انسي الموضوع وتقربي من زوجك وابحثي عن ما يريد من النساء وقدميه له في العيد عبارات غزل ملاطفه وشغل الحريم عيشي نفس الدور ال كنتي تقومين به انا نفسي اخاطب زوجتي كاني لا اعرفها يا جميل ممكن نتعرف وهي تعرفني تقول ممكن طب مين حضرتك انا فلانه متجوزة نعم وزوجي رجل حبوب وطيوب ولو عرف انك بتعاكسني هيموتك منا كمان لو زوجتي عرفت انك بتكلميني هتخنقك دي غيورة جدا وجميله وا اقصد من حواري ان نمط التعارف في حد زاته جزاب ولذيذ وليس لمجرد الخيانه فلا تتهميه بالخيانه .... |
زوجك لو ما لويتي دراعه راح يتمادي و يتمادي ,,,,,, يعني يلزمه قرصة اذن و ماشاء الله الاعضاء كفو و وفو ,,,,, انتي ادري بضروفك و ضروف زوجك شوفي اللي يناسبك و سويه بس لازم ما تحكمي عقلك و تتريتي ,,,, مشان لا ينقلب عليك و الله يهديه و يبعده عن الغلط يارب barakah22 فكرتك اضحكتني ,,,,,, بس يووووو شو راح يكون موقفه لو سويتها |
تريدين الحل الحل موجود
زوجك مستحيل يترك هذه الأشياء إلا في حالة واحدة أنا واثق من زوجك أنه يحبك و يقدرك و يدلعك لكن زوجك يلعب مع البنات و جاعلهن للتسليه و الطقطقة و الحب و هذا خطر عليه في الانحراف لكن يا أختي زوجك لا يخاف الله في بنات الناس الحل لا تخبريه أبدا بما عملتي و كأنك لستي دارية ثم اصرفي زوجك وبيتك إلى عبادة الله و حضور حلقات الذكر التي تنظمها الدعوة و الارشاد في محافظتكم من خلال زيارتها عبر الموقع فإذا انصرف قلب زوجك لله ثقي ثقة تامة أنه لن ينظر أو يحادث بنت غيرك ازرعي خوف الله في زوجك لأنه إن لم يخف من الله لن يخاف منك يا أختي ابني بيتك على شرع الله و هذا هو الحل وسوف يتغير بيتكم للحب و الوداد الصادق و تكسبين رضا الله |
شوفو يااخواتي الغلط غلط وربي مافرق بين غلط المرأة وغلط الرجل
يعني لنفرض انو هي خانته اقلها يطلقها وفي منهم من يفضحها قدام اهلها وفي من يذبحها اما الرجل لو غلط وبعد مو اي غلط ينستر عليه لا وبعد تطلع المرأة غلطانه كيف واحد متزوج ويتعرف على بنات مايعرف من فين مصدرهم وبعد يرقمهم هذا يبغاله لسعة صاحبة المشكلة انصحك بفكرة الأخت barakah22 فكره مررره حلوه صراحه رد ولا اروع وعندك فكرة ثانية خوفيه قوليله في وجهه انت ترقم بنات في اللعبة الفلانية اذا انكر قوليله من سوء حظك إلي رقمتها طلعت فلانه قريبتنا << بس احسها مو حلوه في حق فلانه والله لو انا مكانك لا قدر الله اخذ ايميله واسولف معه وأعلقه فيه بالاسابيع ويمكن اوصلها للشهور وماعندي مشكله اوصلها للسنة لين اخليه خلاص مايقدر يستغني عني وبالنهاية اسحب عليه واقوله انا ولد بس كنت اضحك عليك تعيش وتاكل غيرها يافلان ابن فلان الفلاني ورقمك بأوزعه بالبلوتوث وبأكتب كذا وكذا فوق رقمك ماراح يستغرب كيف عرف اسمه لانو سهل من الرقم نقدر نطلع اسم صاحب الرقم والله يعينك صراحه |
قرأت الصفحة الاولى فقط من الردود
من الطبيعي ان يكون فيها تناقضات حسب اختلاف الاراى اما انا فاقول اياك ثم اياك ثم اياك ان تحسسينه بانه انتي (وفكرة من قال اعزميه بمطعم ) فكره جيده لو كانوا اصدقاء (مقلب صديق مع صديقه) اما انتي لو عملتيها قد يحصل مالا تحمد عقباه داخل المطعم . لكن شوفي اذا كان احد اخوانك ثقه ثقه ثقه وعلى علاقه طبيبه مع الشخص فاكملي المشوار واجعليه يستجيب للدعوه باحد الاماكن ويكون اخوك هو اللي يذهب إليه ويقول له انا اللي كنت معك باللعبه وقد اردت ان اجعلك تتجه الى الحلال وتترك الحرام بارك الله فيك واياك ان يحس ان لك دخل باللعبه . |
الله يعينك بصراحة
انا انصحك تتركي التجسس لانه ممكن ينقلب عليكي بشكل سلبي لما تجهيه انك كشفتيه يقولك وشلون فتحتي ايميل من غير علمي اكيد بتكلمي غيري وانت يا حبيبتي طبعا عارفة انه المجتمعات العربية تنصف الرجل مهما كان غلطان وحتطلعي انتي الغلطانة في الاخر فنصيحتي حاولي انه تشوفي حد من اخوانك يكمل اللعبة بدالك ويواعده فشي مكان ويقابله ويهدده انه راح يفضحه قدامك وقدام اهله عشان تحافظي على مكانتك وعلاقتك بزوجك الله يصلح حالك ويصلح زوجك ويحفظكم من الفتن |
الله يكون بعونك نفس الحالة لكن مالي الا الدعاء
الله يحفظ علينا ديننا ويستر علينا و على بنات المسلمين |
انت حطيتي نفسك بموقف صعب
الشك مشكله هل تكملين ما اقدمتي عليه ؟؟؟ والا .............................. انتي فتنتي زوجك بهذا الاسلوب المخالف والحل الوحيد هو مصارحته بالموضوع بشكل غير مباشر الله يعينك ويرجع لك نصفك الثاني لكن فكرة انك تكملين معاه الفلم وانك تقابلينه بالمطعم هذي صعبهههههههههههههه جدا ممكن يتطور الوضع الى اكثر من هذا مرررره اخرى الله يعينك على هذا الموضوع ويرجع لك النصف الثاني |
السلام عليكم
اول شي كل عام وانتم بخير وعيدكم مبارك ثاني شي جيتكم ومعي أخبار الحمدلله كلمة ممتازه قليله عليها بحكيلكم الي صار بس قبل فيه احد الردود يقول انتي اغريتيه بكلامك يوم سجلتي بحساب ولعبتي عليه وقام هو ورقمك انا اقولك يا اخي العزيز انا سجلت فعلا لكن والله ماطلبته ووالله ماكلمته هو من بادر بالكلام والرقم وانا كانت ردودي سطحيه جدا حتى تكون الصوره واضحه امامك المهم طبعا انا اقتنعت برد اختي لافندر جزاها الله خير وقلت بنفذه وانتظرت يومين ثلاثه عالمسنجر حتى احكيله الكلام لكنه مادخل .. فاليومين الي فاتو بالصدفه ومن غير تخطيط كان جالس يحكيلي عن العيد ورمضان انتهى وربعه واصحابه فبادرته انا بالكلام وقلت .. في خاطري شي ابغى اقولك اياه من اسبوع لكني اتعوذ من بليس لأنها حاجه تافهه ومن عمل الشيطان قال لي خير ان شاءالله وش فيك ... قلت من اقبلت العشر الاواخر وانا قلبي يرجف مدري مو مرتاحه ابد اذا غبت عني يوجعني قلبي واذا جيت بتطلع اتضايق ماابيك تبعد عني .. اخاف يصير لك شي قال ليه وش فيك تخافين ..؟ قلت مدري كذا احساس مو مرتاحه احسك بتروح مني قال كيف ؟ قلت مدري صعب اوصف لك لكنه احساس شي داخلي جوى قلبي اخاف عليك من الناس قال وشفيهم الناس ؟ قلت بالتحديد ربعك مابيهم يخربونك احس طلعاتك لهم وسهراتك مره كاثره غصب علي اخاف عليك وحنا الحمدلله منعم علينا ربي بالحب والتفاهم ومابي اي شخص يخربك علي او ياخذك مني قال وش فيهم ربعي دايم اروح لهم ولا قلتي شي ؟ قلت : كثرت طلعاتك لربعك وكثرت هواجيسي اخاف يخربونك يمزحون معك مزح ثقيل اخاف فيهم الجلسه الشينه وياخذونك معهم ويخربونك ويعرفونك على بنات لاقدر الله اخاف يعطونك دخان او يسوون فيك بلى قال لا تخافين انا مالي غيرك ومن هالكلام قلت انا واثقه فيك الحمدلله وعارفه انك مو راعي الاشياء بس اقولك جاني احساس غريب الاسبوع الي راح ومابيك تروح لربعك وتطول عندهم كذا احسهم بيضيعونك علي بتقولي مهبوله مجنونه وانا قلت لك انه سبب تافه بس من حبي لك قلت لك قال هذا جوالي وشوفيه ؟؟ عشان تتأكدين قلت .. مو لازم افتش وادور بجوالك انا واثقه فيك -> واضح وبعدين حتى لو انا مو واثقه انت اذا تبي الشر تحصله مو شرط بالجوال عندك ايميل ومسن والشارع والف وسيلة تواصل قال عشان ترتاحين اكثر شوفي جوالي وما اكذب عليكم فتح لي الايميل المقفل وعلمني كلمة المرور وقمت ادور ايميلي الي اضافني فيه وماحصلته قال شفتي كل الموجودين ربعي قلت : وانا واثقه فيك الحمدلله -> واضح بس مدري شلي نغزني الاسبوعين هذول يمكن عشاني دايم ادعيلك واحصنك وافكر فيك صارت كل هواجيسي عليك من كثر حبي وخوفي عليك واليوم انا كنت عند اهلي وكان زوجي بعيد وطلب مني شغله بالمسن لقيته متصل رحت بسرعه سكرت ودخلت من الايميل الجديد الي كان يكلمني فيه ماحصلته موجود فايش رايكم ان شاءالله اقتنعتو مثلي انه عقل وتاب وحذفني من ايميله ؟ والحمدلله مع الكلمه الحلوه والدعاء وملازمة الاستغفار وصدق النيه ان شاءالله ان ربي فتحها علي وباذن الله يفتحها على كل عباده وحتى اتأكد زياده سويت الطريقه الي في المسن تشوفون مين الي حافكم ومين الي مسويلكم حظر وسويتها ولقيته مسويلي ديليت يعني حاذفني وجزاكم الله خير فردا فردا على وقفتكم معي ومساعدتكم لي وربي ما انسى معروفكم اختكم هــــدوء |
الف الف مبرووك
خلاص انسي سالفة الايميل ولاتجيبين له طاري انك لعبتي عليه في يوم من الايام عشاان يحس بثقتك فيه ويحااول يتعدل وان شاء الله انه تعدل وحذف الايميل وتاب عن هالسوالف |
| الساعة الآن 07:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©