|
تــجــاهـل او بــرود زوجــتــي..؟؟
السلام عليكم,,,
يا أخوان والله اني في حيره ومالي غير الله ثم انتم فـ أبيكم تشورون علي وتنصحوني,,, انا ملكت قبل 3 شهور ولي الان تقريبا اسبوعين اكلم زوجتي بس المشكله انها ما ترسلي هي يمكن رسالتين الي ارسلتها الا اذا سألتها عن احوالها ترد علي وغيره لا لارسايل ولا اتصال نهائيا,,, وبعدين كل مادقيت عليها تقولي مشغوله اكثر من عشر مرات اطلب اني اكلمها تقولي اسفه انا مشغوله حتى قبل كم يوم ارسلت لها رساله للعيد ولا ردت علي ورجعت ارسلت لها بعد يومين رساله للعيد وكتبت اخر شي (كل عام وانتي بخير حياتي) قلت يمكن ترد الرساله ولا حياة لمن تنادي,,, والله اني احترت احيان اقول انها ماتبيني واحيان اقول تسوي نفسها ثقيله... مع العلم اني ما ادق عليها كل يوم حتى اقول اني غاثها بالعكس احيان اجلس يومين وثلاث ايام ما اكلمها وان حصل وكلمتها مااطول بالكثير نص ساعه... والله يااخوان اني تعبت نفسيا ابي اسد حاجتي العاطفيه بالحلال وابعيش حياتي كفايه اللي راح (للعلم اني مطلق واخوها صديقي وهو اكثر واحد عارف سبب طلاقي اما هي اكبر مني بسنتين ونص يعني ماهي جاهله عمرها 27) اي نسيت نقطه::: البارح ارسلت لها هالرساله بلمح لها.. "ودي اجيك اصارحك واقول لك اني تعبت بغيابك بس للأسف اتذكر انك لاهي مع احبابك واتركك وما ازعجك" وردت علي اي والله اني انشغلت معهم ومادري ايش,,وارسلت لها انا داري اني ازعجتك وثقلت عليك لاكن انا اسف واوعدك اني ماراح ازعجك مره ثانيه...ردت قالت لي شكلك فهمتني غلط بس انا حبيت اوضح لك سبب انقطاعي ومن هالاعذار الي والله العظيم مادخلت راسي يعني مشغوله ماتقدر ترد على معايدتي لها مع العلم انها ماتروح وتجي اغلب اوقاتها بالبيت يعني ماهي راعيت طلعات والله العظيم اني ماقصرت معها بالعكس انواع الهدايا جبت لها وكل شوي ارسل لها اطمن عليها افطرتي تسحرتي ناقصك شي وانواع الرسايل حب وشوق وكل شي يعني كل شي سويته بس بالمعقول مو اني امنها عليها بالعكس بس ابين لكم اني كل شي مسويه فقط لا اكثر... اسف اذا طولت عليكم |
عزيزي الفاضل : لك التحية من خلال خبرتي بالنساء ، انهن لا يرغبن في الشخص الخفيف ، بل وينظر بعضهن له على أنه ضعيف الشخصية الثقل فن ، لابد ان تجيده مع النساء النساء كالدنيا أن سعيت وراءها زهدت فيك ، وإن زهدت فيها سعت وراءك أما الرومانسية في وقت الملكة غير مفيدة كثيرا لأن وقتها بعد الدخلة ومدى الحياة ، فأرجو أن توفرها لهذا الوقت |
عادي ياخوي يمكن خطيبتك من النوع اللي ما يحب المكالمات
يعني قاطعها لمدة اسبوع وشوف هي راح تتصل او لا واذا ما اتصلت كلمها وقول لها ودي تحسسيني بأهميتي عندك والله ييسرلك امرك |
يالغالي ترى مو كل البنات يحبون يكلمون بعضهم يقولون مانبي نرتبط بالمكالمات مدري ليه بعدين على فكره على حسب اسلوبك اذا انت بالمكالمه مرح وتترك لها فرصه تحكي وتسمع لها ... بس البلا انها الحين ماترسل شي لك بس نصيحتي لك اثقل لاترسل ولا تتصل خلها براحتها .. انا متملك لي شهرين واكلم بالساعات احيان و اشوف انها ماتسأل كثر مااسأل وتتعذر بالضيوف اللي عندهم صرت انا مااسأل ولا اتصل ولا ارسل لمده ثلاثه ايام او يومين اتصلت قالت وينك غايب هاليومين سلامات وكانت ماتتصل علي كثير ودايم انا ابدا بالرسايل والاتصال بس الحين وضعي ماشي والحمدلله |
شوف اخوي بعض الاهل يقولون حق بناتهم اتصالات كثيره مانبي ومن هالكلام يعني لمن يتواجدون الاهل وياها بتصرف او تطنش عشانهم فان اقول انهم اهلها يمكن
|
الله لا يبتلينا .. يا شين الرجل اذا كان أهون مالديه كرامته , ويهدرها من اجل امراة ..
المرأة اللي تشوف زوجها يلهث وراءها ولو على حساب كرامته ما تعطيه وجه , ما فيه شي يستاهل تسأل عنه , لكن لو عاملها بأسلوبها .. واعطاها طنااااااااااش ولا عبرها بتعرف قيمته أن الكرامة خط احمر احتفظ بما بقي لك من كرامة .. والمراة اللي تهون عليها كرامة زوجها , ما تنفع بريال واحد .. |
علو النفس كن محضر خير
التمس لعروسك الف عذر اول عذر يمكن مثل ما متعودين عندكم انو البنت لازم تثقل احسن يحسب العريس انها رخيصه او انها متعوده تتكلم على التلفون ويمكن يكون اهلها موجودين ومانعين عنها ترد ويقولو لها اثقلي وهي مش حابه تخبرك يمكن مش قادره تدخل الغرفه وتتكلم والباب مغلق اسألها وقت تكلمها اذا هي مغصوبه او سعيده وانتي كيف رأيتها وقت الملكه اكانت سعيده ومبتسمه اواواواوا الله يتمم لك على خير كل آت قريب ان شاء الله |
السلام عليكم
ولله اني ضحكت و انقهرت ضحكت لانو كئنك دتحجي عني انا و انقهرت لانو حسيت بمشاعرك انو هي نفسها مشاعر خطيبي انا خاحب خطيبي واموت عليه ولاكن لا اتصل به ولا ادز له مسج الى اذا هو اتصل بي واحيانن اقول له اني مشغوله بلرغم اني مو مشغوله و اشتاقله اكثر الاحيان ولاكن حتى عندما اشتاقله لا ابعث له اي مسج اذا تسئل السبب فهو لاني لا اريد ان يحس اني خفيفه الدم و لا اريد ان افقد شعور الشوق اتجاه ف اضل لا اتكلم معه حتى اشتاق اله انا اتهرب منه دائما ولله حرام انقهرت هسه عليه و انقهرت عليك يعني انا الان مسببه الالم لخطيبي بدون ان اشعر ولله زين انك نبهتني حتى اتغير معه خطيبي لكي يكون سعيد يمكن خطيبتك مثلي تحب ان تتهرب حت لو بدون اي سبب بلتوفيق |
اقتباس:
|
أغلب الظن أن اهلها يضغطون عليها
لأنها تتجاوب معاك ويمكن هي من النوع الي يحب يتكلم بروقان واهلها ما يعطونها فرصه ارسل لها ابغى اكلمك بعد ساعه بأمر ضروري مثلا وتفاهم معاها على الي مضايقك ومنها بتعرف هي وش قصدها المهم طول بالك |
اي ولله اني هم احب احجي بلهدوء ولاكن جو بيتنا غير هادء و كل اشويه احد يصصيحني يعني ما اكدر احجي جمله مفيده على بعض
|
منورين الموضوع اخواني والف شكر ع المرور...
ارسلت لها البارح رساله تهنئه بالعيد بشوف ترد علي ولا لا ومنها بعطيها فرصه حتى اتاكد من تصرفها بس والله ماكلفت نفسها ترد علي التهنئه ولا كاني ارسلت لها شي وهذا الي قهرني بزود مع العلم مافي بينا اي شي (مع العلم انها ثاني رساله ارسلها بس قلت يمكن نست ولاشي),,, وش رايكم يااخوان عطوني رايكم,,, وشلون اتصرف؟؟؟ |
علوم النفس
هدي اعصابك لاتخرب الدنيا ههههههههههههه اخووي خليها زي ماقلوولك كم يووم وشوف تتصل ولالاء ولو ماتصلت صارحها بالي في قلبك الصراحة راحة وخليها تقووول الي بقلبها.. |
السلام عليكم اخي حبيت اقولك انها ماهي بمشكلة كبيرة انا كمان اسوي نفس الشي مع خطيبي و الله لسبب واحد بس اخاف يقول عني اني خفيفة و الله و الله و الله اني اشتاقله شوق مايعلم بيه الا الله واني اتعدب بعد لما ما اسمع صوته يوميا بس اقول الصبر زين وكدا احسن عشان يظل الشوق دايما بينه واتمنالك التوفيق يارب و حياة زوجية سعيدة ان شاء الله |
احس شي تصارحها يمكن متكون منتبها لتصرفاتها اني مرات اسوي شغلات الخطيبي بدون ما انتبه بس هو يصارحني و احس بخطئي
صارحها احسن |
نصيحه اخويه البنات ماينعطون وجه - انا مملك لي اكثر من 9 شهور في البداية كانت خطيبتي تكلمني وكانت تحترمني وتستحي وتخجل مني 0 وبعدها شوي شوي عشاني انا اعرف الاصول والواجب واحترم اراءها واقدرها قدام اهلها عشان ماتحس ان في بنات زيها احسن منها - ادق عليها دايماً واسال عنها وراسلها بشكل دائم حتى صرت اسدد جوالي الفاتورة مرتين في الشهر بسبب المكالمات الزائدة
قامت في الاخير ماترد علي وبعض الاحيان ما ترد 3 او 4 ايام وتعطيني مشغول او ترد علي برساله قصيرة ماهو باين فيها اش سبب عدم الرد وتسوي حركات مالها داعي وتقول لا تكلمني كل يوم عشان ما أمل منك وانا ماعمري قصرت معها بشي من هدايا وفلوس وجوالها اسدده مرتين في الشهر وللاسف اسدد والمكالمات لغيري يعني تكلم صديقاتها على حسابي وانا تدق علي دقه وتسكر مع اني انا اللي بسدد الفاتورة --الله المستعان من قوة الوقاحه في خطيبتي وقلت المعروف ؟؟؟ لاني انا اللي اجري وراها وانا اللي ادق وانا اللي اسال وهذا الشي زادها غرور وكبرياء في نفسها وقدام اهلها والحريم اللي يجري وراهم كذا يسوون فيه ويتغلون ويكابرون ويتكبرون - وانا الآن مقاطع خطيبتي ما ادق عليها ابدا اذا هي دقت ارد عليها واذا مادقت ماراح ادق لاني حسيت اني ذليت نفسي عندها زيادة عن اللزوم - وجاء العيد ودقيت على ابوها وامها وعيدت عليهم وهي طنشتها ما دقيت ولا ارسلت لها شي عشان تعرف قدرها وقيمتها وتعرف ان المفروض ووالواجب ان الزوجة هي اللي تدق على زوجها وتسال عنه لانه زوجها وبيصير ابو عياليها وله الفضل عليها .... والرسول صلى الله عليه وسلم قال ( لو امرت ان يسجد لأحد لأمرت الزوجه ان تسجد لزوجها ) صدق الرسول الكريم ووالله العظيم ماطرى لي اتصل عليها ابدا ابدا حتى في العيد الجاي مابتصل عشان تعرف انها ولاشي وان الكبر وشوفت النفس اكبر غلط تسويه مع الزوج |
أخوها صديقك حاول تكلمه وتسأله وبكل صراحة هل هي مغصوبة عليك وخليه يتكلم معاها ويشوف السبب ورا عدم تفاعلها
وبعدين فكر تعزمها برا عشاء مثلا ونصيحة لا تقولها شي مو طيب عن زوجتك الأولى ... إنه ما اتفاهمتوا ونصيب وبس... نقاط ضعفك احتفظ بها لنفسك.. خصوصا وأنت في هذا الظرف. والله يوفقك ويسعدك يارب |
اثقل عليها يومين ثلاثه الى اسبوع لا ترسل ولاتتصل وان مالقيت تجاوب منها
خبر اخوها بالوضع .. |
اقتباس:
|
| الساعة الآن 09:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©