|
أرشدوني في تكاليف الزواج
بسم الله الرحمن الرحيم اخواني انا عضو جديد في المنتدى وسجلت لاني شفت فيه التفاعل وحب المساعده للاخرين وحبيت اخذ رايكم في اشياء كثيره انا فكرت في الزواج ولله الحمد وعمري 23 سنه وراتبي فوق 7000 طبعا انتم تعرفون .......... اكثرهم حقين سفر الله يهديهم وكم مره قالوا تعال معنا شوف الدنيا وانا متردد لاني ما ابي اتعود على اشياء مثل كذا قلت احسن حل اعف نفسي واتزوج واكمل نصف ديني احسن من الحرام والعياذ بالله لاكن المشكله في التكاليف انا جمعت نفسي من سنتين وماقدرت الا على 115000 الف ريال سعودي وما ادري ايهي تكفي زواج او لا وانتم عارفين هالايام البنات الله يهديهم شروطهم كثيره والذهب غاااااااااااالي والايجارات والاثاث يعيني تكلف كثير وانا ما قرت الا على هالمبلغ ومساعدني ابوي فيه بعد لان علي قرض وما اقدر اقترض من البنك وبصراحه ما اقدر انتظر اكثر من كذا ياليت تساعدوني كيف اقسم المبلغ على تكاليف الشقه والزواج واليت احصل بنت الحلال اللي ترضى بالزواج العائلي واسف على الاطاله ساعدوني الله يجزاكم خيرالسلام عليكم ورحمة الله وبركاته |
اولا يشرفني اكون اول من رد عليك والله يوفقك ويسعدك دنيا واخرة
صراحة اخوي انا عارفه عندكم المهر مبلغ كبير بس يمكن عندنا هالمبلغ يكفي وزياده احنا عندنا المهر يعني مو كثير يعني اكثر شي تلاقي 20 او 25000 والدهب طقم وعلى قدرة العريس وهو يختار المكان الي بسوي فيه الزواج بس اكيد اخوي بتلاقي بنتتبي الستر بنات الحلال كثير بس ماحبيت اطلع من غير ما ادعيلك الله يوفقك اخوي وتلاقي بنت الحلال الي تسعدك ان شاء الله :22: |
اقتباس:
|
الله يرزقك بالزوجة الصالحة القنوعة والذرية الطيبة
مادري شيطلع المبلغ عندنا..؟ انتم اكيد عندكم مبلغ محدد للمهر واغلب العوائل ما تزيد عليه انت شوف واحسبها صح...وموفق بإذن الله |
الله يزوجك
بعدين 115000 تسوي كل شي تزوج يارجال والله ان الباقي يهون وبعد تكفيك مهر وذهب وهدايا وشقه موجرا سنتين باثاث حلو وتكفيك سنتين بس هل عنك اصمل والله يسر امرك |
لاامللك لك الا الدعاء
بس والله انتوا يا اهل الخليج مصعبيهنها كثير ااانا فى بلادى المهر ممكن من الف الى خمسة الاف دولار ومتوسط حفلات الزفاف مع الذهب حوالى عشرين الف دولار الله يكون فى عونكم بس |
اقتباس:
صدقتي اختي حنا نصعب الأمور مرررررة والبعض يجلس سنين حتى يدفع الديون الي على ظهره من تكاليف الزواج بس انصحك ياخوي لاتشيل هم وانا اختك توكل على ربي اعقلها وتوكل ربي ييسرلك امرك |
الله يوفقك أخوي في بنت الحلال"وأتوقع هالمبلغ كافي
|
كل مجتمع يختلف بس مهوركم قليله مررره ومع كذا منت قادر؟
احسب معي المهر 30 الف الشقه ايجار من 10 ألاف الى 25 ألف عاد انته وذوقك واختيارك القصر بيختلف بس اتوقع اقل شئ 70 الف مع العشاء واذا زادت حيكون 80 الف للزواج الفخم اما الزواج العائلي بيكلفك من 15 الف الى 30 ألف التأثيث 35 ألف شامله كل شئ الشبكه تشتريها ذهب 10 ألف قيمتها للمتوسط وليس الفخم حتسافر ماليزيا والا تركيا بيكلفك 10 ألاف مدة 8 ايام هل كلامي معقول ؟؟ |
اقتباس:
أخي العزيز المبلغ هذا كافي وزيادة ومادام المهر ما يتجاوز ثلاثين ألف فالأمر هين جداً جداً المبالغة في حفل الزفاف موضة قديمة , ومالها أي فائدة راح تلقى عوائل كثيرة زواجها مختصر وعلى قد الحال والله راح ترتاح كثير يعني باستراحة وتعزم الأقربين فقط إن كان الزواج عام وبقصر , راح يقصم ظهرك يعني أكثر من خمسين ألف راح تروح على الحفلة لكن إن كان عائلي ومختصر ما راح يكلفك ولا15 ألف بل أقل يمكن في بعض المناطق ما تكلفك ولا10 آلاف وما شاء الله عليك ما دام عندك المبلغ هذا فأنت مرتاح من الديون أما الي همهم المظاهر فابتعد عنهم والله راح تتعب صدقني راح تلقى ناس ما تفكر بمثل هذي الأمور المعقدة المتعبة لك حاضراً ومستقبلاً , وأعرف كثير من هذي النوعية والأثاث لا تكثر , هات على قد حالك , والبساطة حلوة يعني هات الأشياء الأساسية من موكيت أو مجالس وغرفة نوم , أما التحف واللوح فلا تكثر لأن الزوجة لها ذوقها والبيت بيتها ,هات شيء بسيط والباقي مع مرور الوقت وعلى ذوق زوجتك. والمبلغ الباقي استمتع به مع زوجتك في شهر العسل وما بعده يعني ادخره لتعيش به حياة سعيدة وتستفيد منه بدل من أن يروح في ليلة واحدة وإن كنت تبغى الزيادة في المبلغ (مع أني ما أنصحك لأن المبلغ الي عندك أعتقد أنه كافي وزيادة ) إن كنت تبغى الزيادة فقدم على بنك التسليف يعطونك 40 ألف تقسيط كل شهر 600 بدون زيادة ولافوائد وفقك الله |
الله يجزاكم خير هونتوها علي الله يعطيكم العافيه
|
المبلغ يكفي و زيادة باذن الله ..
توكل على الله و اكمل نصف دينك و راح تلقى الامور كلها تتيسر و تمر بسهولة باذن الله ... بالتوفيق |
والله ماله داعي تسوي حفل الزواج في قصر تدفع 70 ألف .... ايش الفايده يعني ؟!
اهم شي التوفيق والسعاده ... اما مظاهر حفل الزواج مافيها خير لا بالدنيا ولابالأخرة ... وبعدين انت تقول عمرك 23 ... احس انك صغير توك على الزواج .. ممكن تستنى الين 25 هذا رأيي وانت بكيفك ... |
اقتباس:
أخوي جندي مكروف ههههههههههههههههههههههههههههههه اللقب مضحك تعال معي نحسبها ريال ريال 1 - المهر يكالف مع بنات الاجويد حوالي 30 - 35 الف ريال 2 - الذهب ( الاساور + المحزم + القلائد ) + الشبكة حوالي 15 - 20 الف 3 - الزواج يتم وضعة في استراحة يحبها قلبك تلفتها تصل من 2500 الى 5000 الاف ريال + الذبيح حدود 7000 ريال. 4 -ايجار الشقة بحوالي 15 - 20 الف ريال ( غرفتين ومجلس وصالة ودورتين مياة و مطبخ ) 5 - الاثاث ( غرفة نوم 8000 + مجلس رجال تفصيل بحدود 5000 + صالة تفصيل بحدود ايضاً 5000 + مطبخ جاهز بحدود 2500 أو 3500 + ثلاجة 1800 + فرن 1500 + مكيت بحدود 2000 ) أي المطلوب لذلك كلة 26800 وترى حراج بن قاسم بيكون ارخص أي أن الزواج يكلف 113800 قل 115000 نفس المبلغ اللي أنت مجمع ولا تنسى المساعدات التي سوف تصل لك من الاقارب والاخواة والوالد لذا تؤكل على الله وسوف يسرها الله لك ومبروك مقدم |
حسب مااشوفه والله مايكفي وتعال نحسبها سوى
40 الف مهراقل شي اذا دفعت لهم 40 راح تكون طول عمرك قدامهم فقير .... مايحمدون ربهم انك بتسنر بنتهم 10 الاف ريال شــــــــــــــــــــــــبكه ــــــــــــــــــــــــــــــــــــــــــــــــــ ــــــــــــاقل شــــــــــــــــــــــــــــــــــــي 23 الف ريال اجـــــــــــــــــــــــــــــــــــار شـــــــــــــــــــــــــــــــــــــــــقه اقل شي اذا \خلتها كانها خرابـــــــــــــــــه 7 الاف ريال تــــــــــــــــرمـــــــــــــــــــــــــــيم للشقه لان الجديده من 28 الف وطــــــــــــــــــــــــــــــــــالع 7 الاف ريال غرفة نــــــــــــــــــــــــــــــــــــــــــــــوم اقل شي هذ الاف تشتريها ومغصوب عليك لانها اقل سعر 6500 الاف ريال كنب للصاله 5000 الاف كنب لمجلس الرجال 2500 اعراض المطبخ اواني منزليه 10 الاف ريال كماليات تراها لابد منها لانها طالعه طالعه 20 الف ريال اجهزة كهربائيه مكيفات وثلاجه وفريزر وتلفزيون ودش وغيرها من الاجهزة 20 الف لازم تدفعها علشان الحفل اذا كان عايلي راح تدفع 10 بس احيانا من الفشيله لازم تتجمل تدفعها تحسب ان بنتهم تستاهل هي من جنبها .... 5000 الاف ريال 3 ثوب لك وملابس داخليه وعطورات وحركات بدي شب 3000 الاف قيمة البشت واذا تعرف احد تروح تشحذ البشت منه وهذي فشيله 20 الف ريال اقل شي علشان تسافر صح واذا تبي تقطر على نفسك لاتسافر رح للشرقيه واستاجر اي كلام وتوفر 3000 الاف ريال هذي تكاليف الخطوبه ومابعد الملكه من هدايا وتسديد فاتورة الجوال كلها مكالكات لها اقل شي هذي الي يقول غير الكلام اتحداه هي تنقص 20 الف من الي انا قلت لك بس لكن هذي علشان تتزوج صح وتحترمك زوجتك صح ويقدرونك اهلها لاننا عايشين على المجاملات والمظاهر ...... .................................................. ......................................... بالنسبه لراتبك الي باز فيه انا ابعطيك 8000 الاف ريال ابوريك 1500 قسط للسياره انت تقول ان عندك قرض سابق شكله للسياره 1000 تسديد فاتورة جوالك وجوالها اذا قلنا 500 و 500 2000 ريال اجار الشقه للشهر الواحد 350 مصاريف انترنت في الشهر الواحد 500 مصاريف للسياره من بنزين وزيت وغسيل 750 مصاريف معيشه من خلال شهر واحد بس 500 ريال مصروف لها شهريا 500 ريال مصروفك انت الشهري 1000 احتياط ولا هو احتياط هذا كل 4 شهور راح تجيك مناسبه تقص ظهرك هذي اقل شي للتكاليف والي يقولك غير كذا عطه الي يقول خله يروح يسوي كل شي انت بس استلم مافيه امل الزواج والله ياكل اكل والمشكله ان البنات مايقدرون افل مشكله بروح بيت اهلي وبالاخير يروح عفشك بلاش وتجلس عزوبي 5سنوات قدام (افهم يافهيم ) |
دكتور المنتدى خوفت الرجال :) :)
ترى الوضع يختلف بحسب المجتمع وبحسب أهل الزوجة أنا ما ودي أذكر المنطقة المعينة في نجد أو غيرها لكن من بحث وجد حتى في الرياض نفسه |
دكتور المنتدى الله ييسره له اموره وكل مسلمالله يهديك عقدت الأمور والفلوس تروح وتجي اهم شي راحة البال ويتزوج افضل من يسافر |
ماشاء الله أكيد تكفي ولله الحمد
أخوي عقد من شهر ودفع مهر 20 ألف والشبكة حدود 3500 والعشاء مع القاعه بكلف تقريبا 20ألف واللهم لك الحمد الأمو تمام ومبسوط وزوجته قنوعه وأهم شي عندها الرجل الصالح الي يحبها ويحترمها ومن يتوكل على الله فهو حسبه |
اقتباس:
20 الف مهر قلنا قنوعه 3500 شبكه قلنا قنوعه تبي الستر مع انه مو بكيفها غصب عليها 20الف القاعه طيب وين يسكنون بالشارع .؟؟؟؟؟؟؟؟؟؟؟؟؟؟؟؟؟ مايبي سياره يروح عليها ويجي مايكلون ؟؟؟؟؟؟؟؟ انا اسالك بالله هل ترضين انك تتزوجين مثل زوجة اخوك مهرك 20 الف بس ؟؟؟؟مدري اذا كلامك صحيح تعالي اعطيك 70 الف ريال فيه واحد اعرفه يبي يتزوج متوهق ابي له الخير دوري له من امهات 20 الف وضبطي البيت وكل شي ولك مني 5 الاف هديه بس تراه من نجد ويبي من نجد اختي انا ماتكلمت من فراغ واخوك واحد بالميه هذا شي والشي الاخر انا ماقلت الاالصدق |
اقتباس:
انا ماقلت لايتزوج يتزوج بس هو يسالنا عن التكاليف انا اعلمه لايتوهق هو راتبه شرحت له كل شي والي يقول ان كلامي غلط يجي اتحداه واذا تنصحينه ياطيووف الامل عطيه 30 الف هديه خليك قد النصيحه والا الكلام بلاش انا اعلمه الواقع وشكرا لكم |
اقتباس:
|
اقتباس:
كلامك صحيح بس عشان يرتاح ونبعد عنه القلق والاكتئاب ونريح باله وربي بييسرله امره 30 الف ريال طيب بنك انا:30: |
اقتباس:
|
الله يعطيكم العافيه ماقصرتوا علي الارشاد والنصايح والظاهر اصبر على نفسي ولا صبر لناس علي
بحاول اجمع سنه زياده والله يكتب اللي فيه خير وانا راتبي بالضبط 7588 وماقدرت اتزوج طيب اللي راتبه من 4000 واقل ياكل هواء ويتم حياته عزابي ياليت هالبنات يخفون علينا الطلبات الله ييسر امري وامر كل مسلم يااااارب |
اقتباس:
والي راتبه 4000 بالوقت هذا ماظنيت يتزوج ولا بالاحلام الا في حالة جاه ورث او اي شي ومشى امو ره . |
دكتور المنتدى قول خير او اصمت
تفائلوا بالخير تجدوه.. جندي مكروف..اسعى وربي بيساعدك ان شاء الله |
اقتباس:
للاسف الشديد حينما ننصح ونقول الحقيقه اتهمونا ...انا متفائل بالخير لكن احب اقولك انت رجل يعني شايل نفسك ياحلم وتحقق لكن البنت المسكينه هي الي تاكلها ياحلم وتحقق اسمع رح للمحاكم شف منهم المطلقين كلهم من اعمار 25 وتحت تزوجوا ويوم شافوا المسؤوليه طلقوا تعال الحين عندي اوريك 15 شاب اعرفهم شخصيا طلقو بسبب ماعندهم مايدفعونه من اجار وتقدموا للزواج لانهم اسمعوا كلامك والي يتكلم مثلك شف ياجندي يامكروف رح تزوج 115 الف الي معك بس بعد سنه لاتجي وتقول ابطلق تفهم او لا اشوفكم على خير .... |
أخوي دكتور المنتدى أنت تبي تحطم الشباب والا أيش
لعلمك أنا مهري كان 30 ألف وسكنت مع أهل زوجي وزوجي وقتها كان راتبه ألفين والحين الحمدلله زوجي راتبه ممتاز وساكنين لحالنا وأخوي بعد بيسكن مع أهلي والبنت موغصبن عليها تبي الستر لا ألف واحد يتمناها بس هي تبي أنسان يحترمها ويقدرها ويخاف الله فيها وأعيد وأكرر ومن يتوكل على الله فهو حسبه وللعلم بعد أخوي مش واحد بالميه الي كذا لا كثير من جماعتنا زواجاتهم كذا وأزيدك بعد أن أخت زوجي كان مهرها عشرة ألاف صدقت والا تبيني أحلف |
أعرف واحد شخصياً
زوج بناته الخمس أو الأربع كل واحدة بألف ريال , وهن جميلات وعلى خلق ودين .. ولكن أبوهن رجل عاقل , وتزوجن من رجال صالحين . وحياتهم مستقرة إلى اليوم وكل واحد عنده بيت مستقل !! وأعرف من يقبل بأي مهر ولا يشترط وهم كثر |
أخي هناك أمور اتبعها و بإذن الله ينجح زواجك و تدعي لي لأني سبقتك في هذا المجال
الخطوات كاالتالي: 1 / ابحث عن صاحبة دين السبب لأنها تريحك في المستقبل في تربية الأولاد و طاعتك و تعبد الله فيك 2 / الصداق أو المهر هناك أناس يطلبون اليسير في حدود 30 إلى 35 ألف لا تنسى أن كل شيء غالي في هذه الأيام 3/ إذا لم يكن لك بيت استأجر بيت على قدك يعني ثلاث غرف مع صالة يكفيك خمس سنوات بإذن الله و تأثيثه بسيط 4 / مصاريف حفل الزواج نصيحة اختصر زواجك و الفلوس استفيد منها في تمشيتك و بعض الهدايا للزوجة أثناء شهر العسل وتعيش مرتاح 5/ من ناحية الأثاث اشتر المطلوب غرفة نوم بسعر متوسط دولاب مطبخ بسعر متوسط و ثلاجة و جليم غاز و المجلس جلسة عربية مراكي و مساند و الرجال ما يحبون الكنبات و لا يدققون مجلسالنساء كنب حسب اختيارك الصالة مساند و مراكي ومكتبة مع تلفاز أما أغراض المطبخ أنت والعروس على حسب مزاجها منها تقضون وقت وتسلون و تعطيها حرية في الاختيار هذه نصيحتي و أطلب لي و لك و للمسلمين التوفيق والسداد |
حينما نلجأ للواقع نجد عكس الكلام ...
انا من نجد ومافيه بنت من بنات نجد بالوقت الحالي ترضى انها تتزوج وتسكن عند اهل زوجها اول مايشرطون البيت يمكن ياندى اتوقع انك متزوجه قبل عشر سنوات لكن الزمن هذا مافيه بنت اول مايشرطون البيت هذا الي اشوفه بالنسبه للمهر الي قالوا 10 والي قالو 1000 مدري لكن علموني عن كوكبكم علشان نرسل الشباب لكم ليش الواحد يدفع 50 الف يجي عندك يالموحد لله زوجوه بالف ريال ياليت تعطينا عنوان كوكبكم علشان نرسل اي واحد عازب نرسله لكم وبالاخير ياعزاب واولهم جندي مكروف رح تزوج لاتتبع كلامي رح عف نفسك اتمنى لكم التوفيق |
اقتباس:
... في مجتمع من المجتمعات في قلب نجد يكتفون بالمهر من 30 إلى 50 وبس , والباقي عليهم ! تصور ! يعني تدفع الخمسين أو الأربعين أو الثلاثين وخلاص تكاليف الزواج لا تفكر فيها هم عليهم كل شيء وأنت عليك تجهيز الشقة أنت ليش متعقد من هذي المسألة صدقني فيه , وفيه من ترضى بالسكن مع الأهل |
اقتباس:
لو أنه اختار الدينة الصالحة العاقلة القنوعة ما راح يطلق لأنها ستصبر عليه مثل ما صبرت زوجات النبي صلى الله عليه وسلم على فقر النبي وإعوازه ومثل ما صبرن كثير من الزوجات الصالحات , لأنها تشجعه وتشد من أزره ولا تكثر الطلبات مع فقر زوجها ولعل الله ييسر الأمر ويبدل الحال من عسر إلى يسر وغنى. ابتعد عن من همها الدنيا , وسترتاح في حياتك , والمجتمع فيه كثير من الصالحات التقيات الصابرات , (ولا تنس نصيبك من الدنيا ).. |
اقتباس:
وبعدين انا وش دخلني هذا المجتمع قدامكم لو كلامك صحيح مو الواحد ياصل 30 سنه وهو ماتزوج ولو كلامك صحيح ماكثرن العوانس بالبيت ولو كلامك صحيح اكثر المطلقات هن الصالحات على كلامك عندي اثباتات تبي اي دليل انا مستعد اعطيك باثباتات لو تبي الاف الحالات مستعد اجلس معكم لاتجلس تتكلم على الفطره |
أنا أقول خمسين ألف شاملة كل شيء مو بس المهر !!
يعني ادفع خمسين ألف أو ثلاثين أو أربعين وخلاص لا تشيل هم الحفل ولا القصر ولا الذبايح ولا المعازيم أما صاحب الألف فهذا نادر لكن موجود وموجود من يكتفي بالزواج العائلي المختصر جداً أنا ما أتكلم على الفطرة أشياء شفتها قدامي |
يا الله !!!!!!!!
عندكم مصايب في الخليج..:( تصدقوني لو قلت لكم ان خطيبتي مهرها صفرررررررررر ياااااااااه... بعد الي قرأته رح اتصل بيها و اطلب منها السمااااااااح الف مرة... يا عمي انا اعيش في جنة و ماني داري؟؟؟؟؟؟؟؟؟؟؟ اللي تكلفت به الى حد الآن تقريبا 30000 ريال و باقي 30000 تكلفة زفاق و اكون خالص مخلص......هذا بعد الزفاق مع العلم انها و اهلها لا يريدون مكاليف زفاف حتى!!!!!!!!!! لا تفتكرون غلط... انا استطيع ادفع 200000 ريال الحمد لله لكن هي و اهلها لا يوافقون يا الله نحن في نعمة كبيييييييييييييرة |
اقتباس:
اسمحلي كلامك انت والأخت اعمق المشاعر واقعي جدا" بس حنا ناس ننصدم بالواقع:24: وبنفس الوقت يضحك شوي <<لكم اجر لأنكم تدخلون السرور على المسلم المفروض يعني مايملون البيت ذر لأنه الأولى الأهتمام والتربيه لأن عيالنا اذا قلتلته كلمه رد عيك عشر ويناديك بأسماء ؟؟؟؟الله يصلحهم يااارب اعرف واحد لما زوج ولده حصل من جماعته مية الف وفيه حمعيات تساعد على تزويج الشباب والكوكب الي تبي تدله موجود عند ناس ماهمتهم زخرف الدنيا الزائل |
اخوي جندي الله يسهلها لك يا رب
اعقلها وتوكل وصدقني راح تتسهل والله المسألة موب صعبه دكتور المنتدى حقيقه في ردود لك البعض منها قويه لكن تعجبني حقيقه كل ردودك رائعة وبصميم بس اخالفك الرآي بالمهور فيه عوائل مهورهم اقل واخالفك بالرآي بموضوع انه مافي بنت ترضى تعيش مع اهل زوجها حقيقه اخالفك وبقوه فيه من هم بنات نجد ترضى تعيش مع اهل زوجها ويااااااكثرهم اخوي نجد الي هي الرياض ليس فيها قبيله وحده وعادات وتقاليد وحده بل فيها مختلف القبايل والعادات والتقاليد تقبل مروري رفعة الجلسة:29: |
اقتباس:
|
اقتباس:
انت مثل الي يغسل الدم بالدم افهم يافهيم |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©