|
ملكت بنص رمضان والظاهر اني بطلقها قبل العيد
السلام عليكم ورحمه الله وبركاته اخواني واخواتي اسالكم بالله لا تبخلو علي بنصحكم بدأت مشكلتي عندما خطبت بنت لها اخوان من ابوها (اخوانها من ابوها اولاد خالتي مع الاسف) وعندها اخ شقيق لكنه اصغر من اخوانها اللي من ابوها اخوها الشقيق مع احترامي له ماله كلام غير كلام امه يعني لما اسأله وشرايك اني اسوي الشي الفلاني؟ يقولي افكر واقلك( افكر = اسال امي) يعني اللي تبغاه امه ينقله لي بالحرف الواحد وهو اللي لازم يصير وبصراحه معه حق امه ولازم يطيعها ويسمع كلامها وبالنسبه لي ماعندي اي مشكله في اللي يسويه المشكله في اللي يسوووه اخوانه من ابوه وبصراحه رفعولي ضغطي وما خلوني ارسى على بر تعمقت المشكله في شهر 8 وقتها دقيت ع اخوها الشقيق وقلتله اموري جاهزه وابغى اتزوج بعد العيد فقالي كالعاده اردلك خبر وبعد كم يوم جاء الخبر انو البنت تبغى الزواج في الصيف وبعد اخذ وعطى اتفقنا ان الملكه تكون في شهر 12 والزواج يكون بين الترمين يعني بشهر 3 تقريبا الى هذاك الوقت والامور زي الحلاوه بعدها سمعوا اخوانها اللي من ابوها اني كان ابغى الزواج بعد العيد وان عمتهم اللي هي ام زوجتي قالت تبغى الزواج في شهر وهنا بدأت المعركه اخوانها اللي من ابوها يبغى يمشوا كلامي ويخلو الزواج بعد العيد طبعا مو حب فيني بس عشان يكسروا كلمة عمتهم لانو الظاهر بينهم كم مشكله وعمتهم (ام زوجتي) رافضه الا تمشي كلمتها وفي النهايه فرضوا كلمتهم على اخوهم (اخو زوجتي الشقيق) وملكولي غصب عنه وعن امه وماكان فيه اعلان للملكه يعني كان مجلس رجال وبس وبصراحه انا مشيت معهم لاني كان ابغى املك لعدة اسباب في نفسي وكلها والله لصاحلي وصالحهم وملكت والحمدلله بس المصيبه لما جيت باشوف البنت واسلم عليها رفضت امها اشوفها الا بعد شهر 12 عشان تبغى تسوي حفله ملكه ومعازيم وطلعه ونزله وكلام كثييير (مو مشكله سوي بس خليني اشوفها) كلوا بسبب الكلام اللي بينها وبين اخوان زوجتي من ابوها وطاحت على راسي انا والبنت لاقدرت اشوفها ولا اكلمها ولا حتى اهديها لو هديه بسيطه وكانوا اخوان زوجتي من ابوها بخلوني اشوفها غصب عن امها بس انا رفضت عشان مااخصر عمتي سوالي بعد كل هالثرثه .... اخلي البنت وافك نفسي من مشاكلهم ؟ ولا اصبر حتى يفرجها ربي والاهم لو ما خليتها هل اهديها هديه للعيد ولا اطنش واقهر امها واحسسها اني زعلان عشان تراجع حساباتها وتبطل عباطه اسالكم بالله لاتبخلوا علي بنصحيه واسال الله انو يفكني من امها واخوانها من ابوها |
يا هلابك والله
شف طال عمرك انك تملك والطلق هذي مهزله لا تحسب البنت لعبه اتق الله في نفسك وهذه الامور والله تنحل بالود والمحبه حاول انك ما تماشي عيال خالتك انصحك ابتعد عنهم وكذلك حاول التقرب من ام البنت وتفهمها بوضعك وبطريقه مجديه وكذلك لا تفكر بامر الطلاق فابغض الحلل عند الله الطلاق عاد اذا منت قادر على الزواج فهذا امر ثاني ام انك تملك واطلق فهذي غريبه ...طيب تعال انت تقول ملكت يعني جاء ماذون الشرعي واخذ الموافقه منك ومن البنت ووليها وكان فيه شهود صح ولا لا وكذلك اتفقتوا على المهر صح ولالا وراك عجل ومبهذل نفسك على شان عيال خالتك ... لمحه ... معليش ياخوي قسيت عليك بردي لكن اسئل الله ان يسر امرك ويصلحك ويسعدك ويفرج كربتك ويسسسسسسسسسسسسسعدك دنيا واخره ويجمعك مع زوجتك على الخير والحب والود وبالتوفيق |
اخووي اتق الله في البنت اذا طلقتها رااح تكسر خاطرها وهي مالها اي ذنب بأي حااجه وكل المشكله اخوانها وامها...شووف انت كلم والــــــــدهابدل اخوانهاوامها وطبعاالوالدله كلمته وقوله انك تبي تشوف زوجتك وهذامن حقك لانك ملكت عليها يعني زوجتك ..وبعدين انت من الحيـــــن حاول محديدخل بحياااتك اذا تزوجتهاعلشان ماتصير مشاكل بعدين سواء امها اواخوانها اللي هم عيال خالتك..الله يوفقك ويسعـــــــــــدك
|
سوف تنتهي المشكلة بعد الزواج مباشرة و الذي لاحظته أن أخوانها من الأب لم يتدخلوا في خصوصياتك لكن حاول أن تكسب أم زوجتك بدون يشعرون إخوان البنت و أعطها هدية مع هدية البنت و سوف تأتي الأمور إلى افحسن قال السول صلى الله عليه وسلم (تهادوا تحابوا) و إذا طلقت الخسران الوحيد البنت المسكينه الذي لا حول لهل ولا قوة وممكن تزيد المشاكل لأنها تنظر لإخوانها أنهم خربوا بيتها
أنصحك امسك خطيبتك و لالالالالالالالالالالا تفرط فيها |
اخوي عريس اشكرك من اعماق قلبي وكلامك تاج على راسي حتى لو قاسي وبالنسبه لك يكفيني غلاه فالله يرحم ابوها ولو ابوها عايش ما كان صار اللي صار والمشكله اني ما كنت ادري انو في مشاكل بين اخوانها من ابوها وبين امها ونا والله من اللي قريته بوجيه اولاد خالتي مع احترامي لهم انهم ما يحبوا عمتي وكل اللي يسووه عشان مايمشي كلامها ومو حب فيني لانو لو عشاني زي ما يقولوا ماكان ااخوها الكبير يهددني ويقولي ياتملك الحين ولا انسى الموضوع ويرجع يقلي (عشانك يا ابن خالتي) اخوي مشعل كل هذا وتقول ماتدخلوا اموري كلها محتاسه بسبتهم والله اني انقهر لما يسألني احد من اقاربي ليه ماتزورها عشان تتوالفوا فاكتفي بالصمت لاني ما ابغى الناس تعرف اللي انا عرفته من مشاكلهم كلمه اخيره للجميع.. اخلاقي ومبادئ ماتسمحلي ازيد البنت قلق على قلق اخوانها ومابخليها لو ع رقبتي بس جبت سيرتة الطلاق عشان تحسو بالقلق اللي انا فيه مع اني احبها واحب حتى التراب اللي تمشي عليه وانطرب لما اسمع احد من اقاربي يجيب سيرتها وبعدين فيه شي اخييييييييير والله مقلني اكثر ... هل اهديها هديه للعيد ولا لا ؟ انا ادري ان الكل هيقول لازم تهديها وادري ا ن هذا هو الصح بس انا ما اقدر اعطيها الهديه بيدي عشان امها مانعتني اشوفها وتحسب اني متفق مع اولاد خالتي عليها يعني لازم ارسل امي والمشكله اني امي لازم تمر ع خالتي عشان هم ساكنين بعمارتين جنب بعض (خالتي وعمتي) وقتها خالتي بتقول ليه ابنك مايجي ويعطي زوجته الهديه بنفسه واخاف امي تطلع كلمه من هنا ولا هنا واخسر خالتي وعيالها فكرت اعطي اختي توديها وبرضه قالت لازم تمر ع خالتي وفكرت اعطي اخوها بس المشكله ان اخوها متأر بكلام امه ويحسبن من جد متفق مع اولاد خالتي حتى مكالاماتي مايرد عليها وماابغى احرج نفسي معاه والله محتاااااااااااس بالنهايه وصلت لحل اخييييييييييير وهو اني ما اعطيها هديه للعيد ابغى رايكم الله ينور عليكم؟ |
يا تقطع أولاد خالتك ، يعني تخلي علاقتك معهم بحدوووووووووووووووووود و رسميات و توقفهم عند حدهم
يا تبعد عن الزواجة هذه إن ماكنت قد إنك توقف أوولاد خالتك عند حدهم كان ممكن تحل المواضيع بالتفاهم مع أم زوجتك لكن تدخل أولاد خالتك في الموضوع ( خربها ) و مافي شئ يجي بالقوووووووووووووة بعدين حرام عليهم أولاد خالتك ، يستقوا و يفردوا عضلاتهم على امرأة أرملة هذه ماهعي مرجلة أبداااااااااااااااااااااااااا و باين إن عقولهم صغيرة و لا ماحطوا عقلهم بعقلها و تعاملوا بالشدة ؟ |
اخي ..
اولا .. انسي فكرة الطلاق تماما .. فهي لا تستحق ذلك علي الاطلاق ثانيا .. اياك ان تهدد به .. لا تهدد به مهما حصل .. و ليس لدي متسع من الوقت لاشرح لك لماذا .. انت لديك مع زوجتك مشكلتين كبيرتين .. الاولي .. ان حماتك تكون خالتك .. و هذا يعني انها معتاده ان تصدر لك اوامر و انت تنفذ و تطيع و ربما اهانات ايضا بحكم انها خالتك ثانيا .. تسلطها الغير مبرر .. و لديك ميزة كبيرة .. وقوف اخوتها الرجال الغير اشقاء معك و قدرتهم علي كسر تسلط حماتك اذا .. لعلاج المشكلة الاولي .. يكون بتقليل الزيارات لحماتك كلما امكن و تقليل الحوار معها ايضا و خصوصا المزاح .. و اجعل انبساطك و تقربك منها مقابل احترامها و تقديرها لك و يجب ان تعلم ذلك و لكن بطريقة غير مباشرة لعلاج المشكلة الثانية .. اخوانها من ابيها يستطيعون ان يكسروا سطوتها .. و هذه فرصة ان تكتسب منهم هذه الميزة .. و ذلك بان تعتاد حماتك ان كلمتها قابلة للنقاش و الاعتراض و ليست قرارات نهائية .. و انك لا تهاب الصدام معها اذا تسلطت في رايها اطلب من حماتك ان تشرح لك اسبابها في تاجيل حفلة الخطوبة حتي شهر 12 .. فان كانت اسباب منطقية فاصبر .. اما ان لم تكن منطقية فاطلب التعجيل بهذه الحفلة .. فان رفضت .. فعندها استعن باخوانها الغير اشقاء و قم بزيارة زوجتك و رؤيتها .. اما عن خوفك من خسارة حماتك .. فالشخص الذي يسلبنا حقوقنا مقابل الا نخسره .. لا يستحق ان نراعيه (عدا الوالدين) .. و الله اعلم |
خيا البنت مالها اي ذنب
تمسك فيها او حاول انك تحسن العلاقه بينك وبين عمتها او اعطيها هديه بسيطه لانو ممكن تحسن الوضع لك التوفيق |
هديه للام وبنتها بالعيد
العروس ليس لها ذنب بما يحصل بين اخوتها وامها زوجة ابوهم كل مده هديه صغيره باقة ورد اي شي اكتب عليه لاطيب حما ومن هذا الكلام الرقيق رح تحبك حماتك واسبوع ورا اسبوع رح تشوف خطيبتك ان شاء الله طيب خاطر حماتك لتصل للعروس وفكرة الطلاق امحيها من راسك للابد |
استغفرالله
حرام عليك تخلي البنت مطلقه حراااااااااااااااااااام عليكم انا مطلقه من دون دخول وللاسف ماكان فيه مشكله بس تدخلات احد الاشخاص و حسد و غيره وشوفني انا وش ذنبي ؟؟؟؟؟؟ ترضاها باأختك ؟ لا طبعا |
السلام عليكم أخوي جبريل .. والله كسرت خاطري .. وبإذن الله أزمه وتعدي .. وترى كل إللي صارلك مقادير من عند رب العالمين .. وهو كله خير لك بإذن الله ( بس ظاهرياً كأنه مشكلة ) بدليل انك ملكت بالوقت إاللي تبي .. وبإذن الله تعالى بتعرس بالوقت إللي تبيه .. قوووول آمين شوف أخوي أنت حاول ترضي جميع الاطراف وتكسب رضا الكل خالتك وعمتك وعيال خالتك أقترح عليك قبل العيد بيوم تاخذ فواكه وحلويات العيد ( وإذا عطر ودخون بعد زين ) من كل شي دبل ( يعني أثنين ) وتاخذ نصه لبيت خالتك ( ابدأ بخالتك) والنص الثاني لبيت عمتك .. وبعد ما تنزل الاغراض لازم تسلم على خالتك وتحبها على راسها وتقول لها : عسى بس راضية علينا ومن ذا الكلام السنع وسو نفس الشي مع عمتك .. هذا قبل العيد بيوم ( تقريبا) أما يوم العيد بعد سير لخالتك في البداية وعيد عليها وعلى عيال خالتك واتقهوى معاهم ثم مر على عمتك وعيد عليها وعلى نسيبك (ولدها ) .. وهنيه عاد جس النبض بسؤال مباشر أو غير مباشر حسب الموقف وحسب شطارتك بالكلام .. اسأل عمتك ممكن أسلم على حرمتي اليوم ؟؟ وألا أجي وقت ثاني أحسن ؟؟ وخذ عندك هدية وخلها بالسيارة إذا وافقت كان بها وإذا ما وافقت تشوفها .. عاد هنيه الله يصبر قلبك ، وطرش الهدية ويا أمك أو أختك ...... تحياتي لك ودعواتي الله يتمم لك على خير يا رب |
يعني انت مفكر الشي لعبه حرام عليك
يمكن البنت مظلومه يعني ايش ذنبها بكل الي جالس يصير صح الواحد لما يتزوج يتمنى يكونو نسايبه مريحين بس هي ايش دخلها فكر شوي وحاول تتود لعمتك وتتقرب لها والله يوفقك ويسعدك |
يااخي نصيحه لوجه الله لوجه الله لوجه الله ( تراي ماقريت الردود ) الي صبرك هالمده كلها اصبر شهرين او 3 شهور ضح علشان المسكينه الي في معركه مع اخوانها وامهاا حراااااااااااااااااااام انك تطلقها بسبب تافه .... اصبر يااخي اصبر يااخي يمكن خيره ..... تجمل 3 شهور وقل خير يقوله الله انت تحسب الطلاق هين الطلاق ابغض الحلال عند الله .....لاتستعجل لان مافيه مشكله بعد 3 شهور اذا اخذت البنت قل للبنت ان ضحيت علشانك مابيك تكونين من عداد المطلققات اني احبك لو اني مااحبك ماضحيت علشانك راح تسدد الدين هذا لك لييييييييييييييييييييييييين تموت بعد عمر طويل سلام يالغالي |
اقتباس:
السلام عليكم هلابك والله اخوي اسئل الله ان يسر امرك ويسعدك ويوفقك ويصلحلك زوجتك وامها وان الله يرزقك الخيره في امرك شف طال عمرك انا داري انك نشمي وعاقل وكريم ودك تهدي لزوجتك هديه ونعم بك والله .. ابد ياحبيبي رح انت مباشره لعمتك وجب لها خاتم حلو وترى الهديه لها وقع طيب ولاحد يدريبك وعطها هديه لزوجتك والله ان تستحي منك ويقول المثل اكرم الفهم يستحي العين .. اشكرك لتقبل النقد لانك انسان فهمان وعاقل وطيب والله يجمعك مع زوجتك بخير:17: |
اخي .. ماشاء الله اعضائنا ماخلولي شي اقوله .. لكن ماودي اترك الموضوع بدون ماارد .. ترا البنت مالها ذنب .. واذا رحتو لبيتكم .. لا اخوانها ولا امها بيصير لهم دخل فيكم .. وانا اقول اصبر وطول بالك وحاول تحل الموضوع بالسلاسه الين مايطفشون اخوانها .. الله يوفقكم ويسعدكم .. |
عريس بكراتينه يكفيني غلاه mshal1420 رزان رجل حليم احبه ولاكن GREEN222 نور الكون OM-SAIF عضو جديد عاشقة الغالي دكتور المنتدى انتى بس غير 1000 شكر ع مروركم و1000000000 شكر ع نصحكم ردودكم اراحتني كثيرا وازالت عني النظره التشائميه بما سيكون عليه مستقبلي وتحولت لنظره ايجابية بعد ان ارتبطت بعبارة"عسى ان تكرهوا شيئا وهو خير لكم" اكرر شكري وامتناني |
السلام عليكم اخوي جبريل ما بزيد شي على كلام اللي سبقوني غير اني اقول لك ادفع السيئة بالحسنة روح لهم في العيد و اخذ معك هدية بسيطة وحلوة " تهادوا تحابوا " اجلس مع امها جلسه هادئة و فهمها ان الرؤية حق شرعي لك و للبنت و ان شاء الله تشوفها وتصفى النفوس اما الطلاق لا و الف لا اذا هذي المشكلة البسيطة حلها الطلاق فكيف بالمشاكل الاكبر كيف بتتصرف فيها .. اعد النظر و فكر بهدوء و لا تاخذ قرار و انت في حالة غضب موفقين بإذن الله |
اقتباس:
لك جزيل الشكر اختي حنونه الله يوفق الجميع |
هلا اخوي
لا تتخلا عن زوجتك مسكينه مالها ذنب وما بيدها حيله يمكن هي مقهوره اكثر منك |
الوضوع ومافيه أن عمتك حست أن خاطرها أنكسر هذه بنتها ومن حقها تفرح فيها بس لو شافتك أنك رجل طيب وشاري بنتها أكيد بتهون عن تصرفاتها
الشي الثاني حبذا لو تغير النك نيم لأني قرءت لعلماء يقولوا أن التسمي باأسماء الملائكة لايجوز وفقك الله |
البنت مالا ذنب بس لما تتزوجو حاولو تعيشو ببيت بعيد عن هالناس واذا زرتوهم لا تحكولهم عن حياتكم حتى لا يدخلو
في النهاية العروس للعريس والباقي كلو ماراح يفيدكم بيضلو اهل واجب قرابتهم انت راح تتزوجا هي مو اهلها غريبة فكرة طلاقك واللهلك ياشباب حاولو تفكرو بعمق التسرع مو حلو لما تصير مشكلة حطا المشكبة بالنص وحط حوليها كل الناس المعنيين فيها وابداء كل مرة شيل الناس الي مو معنيين كتير وبعدا الي معنيين شوي وبعدا حتى يظل الي متسبب بالمشكلة هون حاول انك تصلحو او اي شي بس لاتعاقب حد بخطية حد والله الضلم حرام |
| الساعة الآن 12:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©