|
زوجي العزيز تعبت منكـ
السلام عليكم ورحمه الله وبركاته
رمضان مباركم علينا وعليكم جميع كم مره حاولت اكتب مشكلتي واتردد لاني تعبت المشكله انا متزوجه ولد عمي من سبع سنوات عمري الان 29 وعمره 36 انجبت ولدي الاول وعمره ست سنوات المشكله ان زوجي مدلع ولدي دلع مو طبيعي وانا عاذرته لانه ولد واول فرحه له لاكن الطامه الكبرى ان ولدي سليط لسان حاولت بكذا طريقه انو يكون هادي ويسمع الكلام وكان يستجيب ل ويحترمني ويخاف مني بس المشكله ان ابوه بيخرربه علي وبيخليه يتمررد اكثر واكثر قبل كم فتره صحيت ولدي عشان يروح للمدرسه فرفض وقال ماما خليني اناام تكفين حااولت معه وقام قال ابووه حرام عليك خليه ينام قلت لا هو سمع كلام ابووه ورجع لفراشه بيكمل نوومه انا ماقدررت سكت وقلت خلااص بعدها بساعه صحيت عشان زوجي بيروح مشوار ويبيني اجهز له ملابس قمت وعلى صوتي قام ولدي وشاف ابوه بيلبس وبيطلع قال بابا ابي ارووح معك ابي وجلس يبكي انا رفضت قلت لا انت مادرست وعقابا لك مافي رووحه وجلس يصاارخ بشكل مو طبيعي انا هنا ان جنيت منه وضربته وزااد بالصراخ قال ابووه خلاص يلا تجهز تروح معي قلت لا لا يرووح خله يتادب هو غاب عن المدرسه لالا جلس يصارخ ابرووح وضربته جاني زوجي وعطاني كف بوجهي قدام ولدي انا انهبل ماقدرت اتحمل تهاووشت معه وتكلمت وزاد بالضرب قدام ولدي ليه تضربينه يقول ليه تضربينه سكت وكلمت اخوي وتدخل اخوي معه وقال هالمره ابسكت لك المره الثانيه لا بتقوولون وش المشكله المشكله ان من يومين كنت جالسه وكان ولدي شقي ويخرب وجلست اهاووشه عيب عليك ومايرد ويزيد فوضى رجعت ضربته قلت يلا رتب اللي انت خربته سكت وجلس يرتب المهم كان ابوه نايم بالغرفه وطلع على صووتنا وقال وش فيه وعلمته ولدي من شاف ابوه جلس يبكي قلت يلا قال بابا شف ماما تدعس على رجلي سكت ابووه المهم ولدي قام يغلط علي يقول والله ادعس على وجهك وابووه يشوووفه وماقال شي ابووه عادي قلت الكلام هذا لمين قال لك انتي انا ماقدررت اتحمل الولد يوم عن يوم يزيد قله ادب قمت ومسكته على جنب ابي اكلمه قام يصاارخ قام ابووه يهاووش انتي وانتي خووفتيه قلت انا ماقلت له شي ماسوويت شي قال لاتضربينه والله ماتضربينه قلت وش هالكلام المفروض بدال ماتقوول عيب عليك تقول لاتضربينه ضربته ماخليته مابيه يستقوى علي الولد قام الابو وماقصر مد يده علي كم مرره ضربني ضررب مو طبيعي انا قمت ادافع عن نفسي مافي فايده مدها ثانيه انا سكتت وطلعت من عنده بكيييت وبكيتتت اسمع صووته يهاووش وشكله ضربه ماكلمت اخوي سكتت اهلي برا المنطقه اللي انا فيها اخواني اخواتي زوجي انا عارفه انه يحبني ويموت فيني بس حبه لولده مو طبيعي كم مره مد يد علي والله تعبت اول شي انا مو مقصره معه بشي عكس اخووانه اللي حريمهم مقصرين مبيضه وجهه قدام اهله ساكنه معهم بنفس البيت بس بشقه صغيرره مرررره وولدي كبير وينام معي بنفس الغرفه كل هالشي متحملته عشانه وبالاخير تووصل هالمواصيل بعدها بكم يوم غلط ولدي على عمته وضربها بدال ما ابووه يعاقبه ويهاووووشه هااوش اخته قال ياويل اللي يمد يده علييه بتقوولون اصبري ماقدر والله تعبت كررررهتهبي اذا رحت مابي ارجع على طووول لا ابيه يتربى ابيه يحس ان وراي سند ابوي ميت الله يرحمه ويغفر له زوجي ماينفع معه الا هالشي اني اتركهه والله خلااااااااااااااااااص تعبت ابي رايكم تكفووون |
ابي افهم يحب ويطق
والله شيء الله يعينك عليك بالدعاء والصبر بس لاتسكتين عن حقك قولي له انا يتيمه القى منك هالشيء حرام عليك تكرهني فيك !!! وانتي قاسيه على ولدك ترى كل العيال اشقياء اصبري عليه ولهيه باللي يحب ودلعيه انتي قبل ابوه والله بتشوفين العكس الابو بيغار من معاملتك له وبتكسبين ولدك وزجك يالغاليه ان شالله يكبر وينفعك ,,, الله يهدينا ويسخرلنا من ملك قلوبنا,,, |
الله يعينج
العيب فيي الاب الي ماعرف يربي !! والا في اب يرضى ان ولده يطق امه وهو ساكت !!! التربيه غلط قولي له اليوم الولد يطقني وبكره اذا اشتد عوده راح يضربك لانه تعود على هاللغه!! |
صج صج الله يعينج ع الأبو قبل الولد
الولد ألحين صغير وتقدرون تربونه باجر لي كبر ماراح تقدرون عليه لأن على قولت المثل القطو العود ما يتلاعب شوفي برنامج super nany وراح تستفادين وايد وبتعرفين طريقة مناسبة لتأديب ولدج |
كان الله في عونك المشكله في الأب !!
أذا أنحلت المشكله مع الأب تهون مشكلة الأبن طيب جربتي كلمتيه وفهمتيه أن أسلوبه غلط وأكيد راح يخرب الولد ويعلمه قلة الأدب وعد أحترام الكبير ؟؟ وتفهمينه أنه ماينفع كمان يعامالك بالأسلوب هذا قدام الولد لازم تتصرفين لأن بالأسلوب هذا الولد راح يخرب وسالفة ضربك هذي سالفه ثانيه لازم ماتمشينها ببساطه سامحتيه مره واذا سامحتيه ثانيه صدقيني راح يتعود لازم تعطينه درس !! عشان يعرف يف يمد يده عليك مره ثانيه |
خلاص اهملي ولدك لاتسوين له شي خلي زوجك هو اللي يغسل له ملابسه ويوكله ويشربه ............ واذا قال لك ليش كذا .... قولي خلاص انت رفضت اني اربيه ... وسمحت له يغلط علي .... خلاص انت ربيه ..... واذا جا يكلمك .... قوليله لاتكلمني خلاص انا مو امك لانك ماتسمع كلامي .. روح دور ام ثانية ... خليه يندم على عصيانه ........... لان الاطفال ترى عندهم حس وضمير اكثر منا .!! |
أختي ..
موقفك فعلا صعب .. الولد الصغير ان استمرت تربيته علي هذا الحال سوف يكبر و يسبك و يضربك .. هذا امر لا شك فيه و ضرب ابوه لك سيتكرر و يتكرر و يتكرر .. لا حل مع زوجك الا تدخل اهلك بكل الطرق و ان لم يفلح ذلك فالطلاق اسلم حل .. |
الاب لما شافت تعارضين كلامه اخذها من مبدا العناد
المفروض لما غاب عن لمدرسة وانتي بتعاقبينه كان لازم تحقرينه مو الولد يصرخ وانتي تصرخين جان خزيتيه بعينج وحقرتيه ورحتي كملتي شغلج والمرة الثانية لما جلس يخرب ولما طلع ابوه من الغرفة جان اخذتي الحقران وسيلة الحين حبيبتي اللي فات مات بس مدة يده عليج ما ينسكت عنها ابدا ابدا ومثل ما قالت اختي اعمق مشاعر استخدمي معاه اسلوب تانيب الضمير واسلوب العتب ترى وااااااااااااااااااايد ينفع مع الصغار والاب نفس الشي اخذيلج كم يوم لا تكلمنيه كلمة ورد غطاها واذا سالج شفيج قوليله بس هم بعد استخدمي العتب مو الصراخ وكان الله في عونج ودعائي لج اللهم اجعل لها من ذريتها قرة عين لها |
اقتباس:
اللي يرفضه ابوه اشتريه له انا الله يجزاك الف خير |
اقتباس:
هو ماطقني هو يطول لسانه علي وكثير ملاحضين قله ادبه وطولت لسانه انا خاايفه من الايام اللي جايه الله يستر |
اقتباس:
هلابك اختي مشكوره على الدعوه ربي يجزاك الف خير من ناحيه الحقران والله سوويتها اكثر من مره بس مافي فايده انا ابني وابوه يهدم انا اربي وهو يخرب اللي صار اليوم ان زوجي بعد ماجا من الدوام شافني صاحيه جلس يتعذر ويتاسف وانه غلطان وانه ماقصد ومن هالكلاااام اللي تعوودت عليه وباس راسي وقال انتي اللي الوحيده اللي بست راسها بعد امي وانتي غاليه علي وابشري باللي يرضيك قلت مابي شي تعبت شبعت من هالكلاااام اللي لايودي ولايجيب انت دافعت عن ولدك لانه ولدك وانت سند له وخذيت حقه من امه بس انا جا دوري اخذ حقي منك اذا ولدك وراه ضهر وسند حتى انا وراي سند وضهر احتمي فيه هذي مو اول ولا اخر مره سوويتها فيني انا تعبت منك قال يعني شلوون قلت ان رحت لبيت امي مالي رجعه قال والله ماتروحين قلت موب على كيفك الـــــــو مني القى واحد من اخواني عند الباب وامي معهم سكت قال ابشري ولا يهمك وش رايك نسافر للمدينه ناخذ كم يوم قلت الحمدلله سافرت مع اهلي وجيت مابي سافر انت قال يعني بتزعلين ازعلي قلت ايه ابزعل قال ماني مرجعك قلت لاترجعني هو من شافني جاده خاااف لانه عارف اني اقدر اعيش بدونه وعندي خير الحمدلله يعيشني عند اهلي بس والله اني محتاره اقبل اعتذاره ولالا لاني عارفه انه بيعيدهااااا وش رايكم |
من رايي خليج على الحال يومين
واذا كلمج لاتردين بجفا بس ردي كانه شي شاغل بالج واذا قالج زعلانة او شي من جذي قولي يصير خير يعني عطيه كلام عام جدا كلام ما يدري انتي رضيتي والا لازتي زعلانة وربي يوفقج |
اختي خيال ولدك تقدري تربيه بس زوجك لايتعود انه يهينك قدام ولدك كلميه وقوليله انك راح ترضي بشرط انه مايعيد تصرفاته قدام ولدك وانه يخليك تربي ولدك بدون مايكسر كلمتك قدامه والله يهدي زوجك وولدك ودايم ادعي وقولي اللهم هب لنا من ازواجنا وذرياتنا قرة اعين واجعلنا للمتقين اماما
|
الأطفال لا تنفع معهم القسوة الدائمة
العنف لا يوّلد إلا العنف الطفل تجرأ على الرد عليك..لأنه شاف إنك تعاملينه بقسوة...فطفلك يعتقد أن هذه هي الطريقة المناسبة من خلال ما أرى في حياتي من بشر أرى أن الأب الهادئ والأم الهادئة..أولادهم يكونون قمة في الأخلاق والأدب والهدوء...ليه ..الجواب طبعا...لأن الولد عاش على تعامل راقي من أبيه وأمه...فهو تعلم منهم هذه الصفات لكن لما الولد يشوف إنك ترفعين صوتك عليه بإستمرار يعتقد أن هذا هو السلوك الذي يجب أن يتقيد به في حياته وبعدين ما أشوف إن الولد سوى حاجه غلط...غاب يوم عن المدرسة..عادي وش فيها يعني ؟! الولد سوى في البيت إزعاج وفوضى...عادي جداً كل طفل لديه طاقة..يبي يلعب..يبي يركض..يبي يطامر.. حاولي تخلينه يطلع حديقة مع أولاد عمه أو أولاد أختك حاولوا تجيبون له ألعاب..مثلا بلاي ستيشن..جيم بوي..أو سيكل الولد كل ما اشغلتيه..ينشغل عنك لكن تتركونه كذا بدون حاجه وتبونه يكون جالس هذا أكبر خطأ |
انا اسفة بس زوجك قليل ادب وما يستحي وولده اكيد راح ياخد منه والحل انك تربي الاب وتعلميه يحترمك باي طريقة
|
اقتباس:
الف شكر لك بس اللي ابي اوضحه اني سويت كل اللي قلتيه هنا شريت له جيم بوي وخربه جبت له بلاي ستيشن اشتري له اللعاب انا احرص من ابوه على انه يوديه ملاهي ويمشيه والله كل هذا انا اسويه من جيبي الخاص ومن ناحيه الصراخ هو عايش مع عمانه ومختلط مع الرجال اكثر بسم الله عليه يعرف اشيا اكبر منه بس انا تعبت والله كل ماصار هادي وحبوب يرجع لشقاوه ما اقول الا الله يصبرني |
اممم
عندي حل نفع مع تربيه اخواني اخر عنقودين طبعا اللي كبار كانوا فالتين تقدرين تحسسينه بالسؤوليه بيجس انج مكبرته بيحس انج تعتمدين عليه وان الدلع والشغب مو له طبعا قلتي انه يعرف سوالف الكبار لانه يختلط بالرياييل وغيرها اشغليه يوم يكون معاج اشغليه مثلا جيب المخمه حبيبي تعال لم معاي الاغراض رتب هذاك الرف امسح الطاوله انا كنت اسوي ويا اخوي جذي خاصه انه تربيتي وكانوا اهلي اغلبهم يخربون التربيه ابوي دلع امي تضحك يوم يغلط يدتي تحثه ع الغلط طبعا الحمدلله فاد معاي يوم حسسه اني اعتمد علليه بيحس ان الدلع مو قريب منه بيحس وقها انه بعيونج ريال جربي الطريقه اليوم بدون هواش ولا صراخ خليج حنونه وصابره عليه وبهدوء ياللا حبيبي ياللا يا .. بدلع وعفيه ريال والريال ما يغلط ويفهم ومن هالكلام فاصل :23: |
| الساعة الآن 11:24 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©