|
تعبت من الخضوع لزوجي
السلام عليكم ورحمة الله
اسال الله ان يعتق رقابنا من النار في العشر ايام االاواخر ويجمعنا بجنات عرضها السموات والارض الصراحة انا دائما الي ابادر بالصلح بكل مرة سواء مع زوجي او امي او اي احد اغليه وانا تعبت من هالضعف امس دخلت بمسنجر زوجي ولقيت احد مدري عنه مهبول مصرقع الله اعلم به قالي زوجي ابكم واخرص ولايجيد الكتابة جيدا ..المهم انا حبيت اتاكد هل هو رجال فعلا صار يرسلي بوس وصور اباحية وانا زعلت قلت لزوجي وش هالاشكال الي تضيفها عندك بالمسنجر المهم طلع مني كلام شين وسبيت هذا الشخص بكلام مب زين عند زوجي لانه استفزني بالصور الي ارسلها فوق كذا حاط صورة بنت متبرجة في العرض وماحبيت ان زوجي عيونه تطالع بهالاشكال عصبت وطلع مني الي طلع زوجي قام يلوم علي ليش اقول كلام شين اعتذرت له وقلت له اسفة لكن حسيت انه مارضى الحين احنا زعلانين وتعبت من كل مرة اقدم الاعتذار لزوجي الشى الثاني هو يطنشني وانا اكره كذا ايش اسوي بالله عليكم اطنشه انا بعد ولا ارجع اراضيه والله اني صرت احس بالضعف اشلون هو يقدر على تطنيشي وانا مقدر احس بقلبي يعورني لا خاصمني او ابتعد عني ابي اصير زيه بس ماعرفت اشلون معلش على اللخبطة في الكلام بس والله ضايق صدري |
تعتبي من التاسف كل مرة والرضوخ
وما تعبتي من الكلام الشين حفظي لسانج يا اختي انتي تعرفين زوجج زعول ومو سهل انج تراضينه تقومين وتسبين وتغلطين على اللي بالماسنجر ليش؟؟ وبعدين يا اختي اعتذريني على كلامي احسج ما عندج سالفة الا زوجج شغلي نفسج عنه الحين شهر فضيل شغلي نفسج بذكر الله ربي العالمين هو اللي بيجلب لج الخير او الشر مو زوجج عندنا مثل بالكويت يقول : كثرة الدق تفج اللحام يعني كثرة الزنة والحنة تولد الجفا بين اللازواج انتي اصنعي لج عالم بروجح كوني لج صداقات والهي فيها ما اقول الا الله يصبر زوجج |
اختي موهبه الكويت ردك قاسي كثير
واختي صابره مالك الا الاستغفار نصيحه مجرب استغفري كثير بنيه اصلاح علاقتك بزوجك وبادن الله ربي راح يصلح الاحوال بينكم |
اقتباس:
|
اقتباس:
|
اقتباس:
فشوي شوي اختي موهبة... في مثل عندنا يقول: اجلس مع اللي يبكيك و لا تجلس مع اللي يضحكك صاحبة الموضوع... المرأة من حبها لزوجها تخضع له... اكيد ليس الى درجة الاهانة... و لكن المرأة الغير خاضعة تكون طاغية... اما ابيض او اسود... ما في رمادي... اذا ما تحبيه خذي انسان آخر تحبيه... لكن عليك ان تخضع لأمره ايضا... اذا سالفة الخضوع هذه صعبة عليكم يا نساء ... لا تاخذوا رجال... خذوا اطفال و شباب مدلعة.... احمدِ ربك عندك رجال ينخضع له..:( ثانيا، وجدت طريقة متنفس لخطيبتي من الخضوع... تقدري تسوينها اذا عجبتك.. عاطيها فترات محددة تكون هي المسيطرة و انا لين معها.. يعني ضوء اخضر لها ان تفعل ما تشاء و تذهب عن صدرها كل عناء الخضوع... اكييييد جو مرح و ليس بجدية.... فمثلا تقول لي: عاطيني الصلاحية؟ اقول نعم... فتقف و تقعد علي و تصرخ و تأمر و تعاندني...و الخ... كذا تروح عن نفسها... و بذلك آخذ حقي من الخضوع و لكن بلطافة انثوية منها...:26: بالتوفيق... |
يا اختي الله يهديك
صح كلام موهبة قاسي.. بس هذه هي الحقيقة مافيه هجوم وانما فيه الحقيقة الموجعة انتي فعلا محتااجة ترفهي عن نفسك محتاجة تخرجي من عالم زوجك ... لا عاد تخليه محور حياتك لانك بتتتعبي حبيه و اخدميه .. ودلليه و دلعيه بس بنفس الوقت لا تلصقي فيه اعرفي كيف تستخدمي معادلة الشد و الجذب اشغلي بوقتك بشي غير انضمي لدورات معينة كاتحفيظ القران او دورات تعليم المكياج او الخياطة او اي شي اشتركي بنادي رياضي .كوني صداقات .. صدقيني بترجعي لزوجك فرش :) و هذ بينعكس عليه و على تعامله معاك راح يشتاف لك اكثر و اكثر و يحس انه الوقت معاك يمر بسرعة بالنسبة للمشكلة الي ذكرتيها.. يعني زوجك قال لك الرجال مو طبيعي فا ليش تنزلي سب و شتم عليه ..تدري انه زوجك بيزعل ..فما كان في داعي اعتذري منه كمان مرة باسلوب لطيف..و ان شاء الله يارب يهدي سرك ويسعدك مع زوجك |
اقتباس:
بس هذه موهبة الكويت سليطة اللسان حتى مرة مفكرتني مو خليجية وجلست تهاجهم شوفي ردودها بكل المواضيع ماترحم احد طيب لنفرض اني غلطان ة في اساليب ترى وكلنا داخلين هنا عشان نفضفض حتى لو احد غلطان نوجهه بالطيب وحسن الكلام الله يشقيها مسكينة |
وبعدين اسمعي ياموهبة لاعاد اشوفك تردين على اي موضوع لي رجاءا
|
اقتباس:
مبادرتك إلى الصلح مع كل من تتخاصمين معه صفة طيبة فيك جدا ً, وهذا يدل على طيبة قلبك ونظافته ولا تنسي حديث ( وخيرهما الذي يبدأ بالسلام ) فأنت إذا بادرتي إلى الصلح فأنتِ أخير منهم .. هذه نقطة النقطة الثانية لا يسمى هذا ضعفا منك بل حسن خلق . أما دخولك على الماسنجر , فما أدري وش تقصدين ؟ هل لقييته مفتوح ودخلتِ ؟ أو إنك تعرفين الرقم السري ؟ المهم دخولك على ما سنجره بدون إذنه تجسس , وتعرفين حكم التجسس , حتى لو كان زوجك , ومن حقك تعصبين وتغضبين على زوجك لأنه مضيف الأشكال هذي وصور وأشياء غير طيبة , لكن لو جيتيه بالهداوة واللين ترى أفضل , . وما دام اعتذرتي منه خلاص , أديتِ اللي عليكِ , وإذا كان زعلان إلى الحين فأنا من رأيي إذا كان كثير الزعل ودام يزعل وتراضينه وما يرضى فمن رايي تطنشينه شوي حتى يحس فيك لأن كثيرة الزعل نكد في الحياة . طنشيه شوي حبتين حتى يراجع نفسه , لأنه الآن يرى أنه مستغل ضعفك ... لكن لا تكثري التطنيش والزعل ترى الزوج يمل وما عاد يهمه تزعلين أو لا , لأن كثرة الأمساس تقلل الإحساس وفقكما الله وأصلح الله ما بينكما أ |
اقتباس:
انا عارفة اني طيبة ياخوي والله ماتحمل الزعل من احد ودائما انا الي ابادر بالصلح لان الصلح خير لكن زوجي تعود على كذا وانا طفشت الشى الثاني والله ماتجسست عليه انا استاذنت منه ودخلت ولقيت هالمصرقع يرسل بوس وصور اباحية وزعلت كيف زوجي يضيف هالاشكال وغير كذا حاط بصورة العرض بنت متبرجة وانا اغار على نظرات زوجي من هالشى زوجي طبعا مايرضى انك تقوله غلطان وقام هاجمني ليش اتلفظ بالفاظ شينة اعترف اني غلطانة بس والله فصلت من شفت الصور |
اقتباس:
بجد موقف بشع! لا الومك خلاص... يعني نهايتها هي انسانة و من حبها له زعلت طيب... انا اقول طنشيه حتى يجي يعترف لك بغلطه و يتندم... و آخرتها يا جماعة!!! |
:11:
اقتباس:
|
اقتباس:
الله يسامحك ايش هذا الأسلوب في النصح الرفق ما كان في شئ الا زانه أنا من زمان وأنا نفسي اقلك تغيري اسلوبك في الرد على الأعضاء والحين جاء الوقت المناسب صحيح أن لديك مشاكل وهموم أسئل الله العلي العظيم أن تحل في أقرب وقت ممكن لكن أتمنى منكي أن تردي برد أنسب أو تلتزمي الصمت وشكرا |
انا راح اتكلم في السبب من الزعل و هو استخدامك للماسنجر اللي هو لزوجك ...
سؤال ... ليش طلبتي تستخدمي ماسنجر زوجك ؟ سؤال ... لو زوجك عنده بنات في الماسنجر لا سمح الله هل تتوقعي انه بيسمحلك تستخدميه ؟ و على الرغم من ذلك انتي مخطئة بسؤالك استخدام ما يخصه ... لانه اكيد بيكون فيه اصحابه و انتي غلطانه انك تردي على احد ما تعرفيه بدون ما تعرفي بنفسك ... لانه بكل بساطه ممكن يكون احد اصحابه ... بالاضافه ان زوجك كمان مخطئ انه سمحلك دخول ماسنجره بالرغم اني اعتقد ان سماحه لكي هو لنزع الشك من قلبك ... و الله اعلم ... اخوكي معلم القلوب |
حبيبتي
اعتذارك يدل علئ طيبة قلبك ومدئ وعيك لخطئك وفهمك للامور انك اخطئتي ! وليس ضعف الضعف بنظري هو اللي يسكت عن حق من حقوقه الضعف هو من يسكت عن الحق خوفا من احد الضعف هو الانسانالذي ليس له راي او قيمه لدئ الناس هذا الضعيف انتي بلعكس اثبتي انك كبيره بااعترافك عن خطأ ارتكبتيه وهو الالفاظ السيئه االي قلتيها وقت غضب!!! مهما فعل زوجك وزعل انتي اعتذرتي عن خطئك وانتهئ!! فليش هو باقي زعلان اتركيه وهو بيجيك ماعليك انتي كذا بتدمرين نفسيتك وتكونين شخصية ضعف بداخلك وانتي بلؤاقع عكس ذلك ! تحياتي لك همس . |
اقتباس:
دوم تهاجهم كانها تحتري بس الفرصة وهذا بحد ذاته مرض والمشكلة هجومها مب بمحله بس تبي تسوي نفسها البنت القوية نسال الله السلامة |
اقتباس:
بس والله تعبت لكل مرة لازم انا الي ابادر بالصلح حتى لو هو الغلطان ومشكلتي مقدر على الزعل احس قلبي يعورني واحس اني شايلة جبل الله يرزقني على قد نيتي |
اقتباس:
اخوي انا شكيت في البداية وطلبت منه ادخل ودخلت لقيت واحد مصكوك حضر وحاط صورة بنت متبرجة دخلت عليه لا سبيته ولا شى حاولت اتاكد هل هو بنت ولا رجال طلع مصرقع ومايعرف يرسل الا بوس وصور اباحية تخيلت ان زووجي هو مكاني وهو الي قاعد يشوف الصور وانا مرة غيورة عليه وصرت اقول كلام مب زين انا عارفة اني المفروض مادخل بمسنجره الواحد ماوده ينصدم بشى بس هاه وش تسوي لقافة والشك ذبحني الله يرحمني برحمته |
من جد الله يعين زوجك
كاتمه على أنفاسه انتبهي لايطير من يدك كل شي وله حد والرجل يسكت ويسكت ويسكت لكن لو انفجر بيوم رحتي فيها وخلي تنفعك لقافتك . |
اقتباس:
|
عندي لج نصيحه ياصابره
جربي ولو يوم واحد بس انج تطنشبن زوجج عطيه بولابس!! لا تقولين ماقدر !!! طنشيه بس لاتجفينه !! خليج عاديه استعبطي وسوي نفسج ماتدرين انه زعلان |
والله مألومك لو زعلتي على السالفه هذي يعني هو زعل عشانك غلطتي على صاحبه
طيب هو أنتي غلطتي كذا بدون سبب !!! مافيه أحد يغلط بدون سبب !! المفروض يزعل على أللي أرسل السخافات أللي قلتي عليها ويعذرك؟؟ لكن سبحان الله طبغ أغلب الرجال يغلط وياخذ راحته ولما تزعل زوجته يقلب الطاوله عليها !!!!!! وونصيحه لك كمان مثل مانصحوك الأخوات لاتجعلي زوجك كل أهتماماتك أجعليه من أهتماماتك فقط وليس كلها وربي يفرج همك ويسعدك |
السلام عليكم
اختي: انت عيشي حياتك لنفسك مو بس لزوجك لانك راح تتعبي جدا .. اخرجي ,, اعملي شي مختلف,,, بس برضو انت معاك حق في زعلك وكان ممكن انو موقفك يكون قوي لو انك ما غلطتي بالكلام .. كان ممكن تلوميه على الصور وتذكريه انها ما ترضي الله وممكن جدا وقتها تحصلي على الاعتذار اللي تستنيه.. لكنك قلبت الامر على نفسك وعالجتي الخطأ أو السيء بما هو أسوأ عموما الاعتذار دائما حلو (بس لوكان من القلب اللي فعلا ما يشيل الزعل ابدا)بس النفس والطبيعة البشرية سبحان الله تحب تاخد وتعطي عشان كدا .. 1- لا تضيعي فرصك ف الحصول على الاعتذار بالتهور. 2- اعتذري عن الخطأ انما باسلوب محدد (مثلا: اعتذر على اني عملت كدا او قلت كلمات وحشة..)مو تعممي انا اسفة سامحني الخ. 3- اطلبي منه بهدوء الاعتذار اذا اخطأ أو اظهار عدم رضاه بالامر اذا كان خطأ شخص اخر(زي حكاية الصاحب دا) 4- حبيبتي الرجال فيهم جراءه وكلام ما تقوله النساء (دا مو معناه الموافقه) فعشان كدا ريحيييييي بالك من حكاية بس اشوف ايميلو بس افتح رسايل الجوال الخ... دي ما تعملها الزوجة العاقلة الا اذا ظهرت مجموعة مؤشرات قوية على الخيانة والعياذ بالله في حالات غير زوجك بالمرة,والا ما تجيب غير الهم. 5- تذكري ان في التاني السلامة وان اللسان هو اصل المشاكل , ولاتنسي انو وراك واحد يحاول قد ما يقدر يفرق بينك وبين زوجك (الشيطان) فتجهزي لعداوته واستعيذي بالله منه حال الغضب. 6- ادعي الله خاصة في الايام الاواخر الفضيلات لزواجك بصلاح الحال ولنفسك بالسكينة ولزوجك بالتقوى (ولا تنسيني من دعاك) واتمنى يا رب يا رب كلامي يفيدك لاني كتبته والله من قلبي.. |
طب اسال سؤال
انت متوقعه انك لو اعتذرتي هذه المره حتكون الاخيره ولا بعد اقل من يوم راح تعملي شي وتعتذرين منه هو اعتقد ما تفرق معه ا لان اعتذرتي او ما اعتذرتي لتكرار الحاله مرات و مرات لازم تغيري من نفسك انت لان لا يغير الله ما بقوم حتى يغيرو ما بانفسهم كلمي زوجك يعينك على نفسك و ينتبه عليكي من تبدا بوادر العصبيه و انك بتغلطي انه ينبهك و يذكرك بلتعوذ من الشيطان و انك تاخذي نفس و تهداي وتفكري وشوي شوي حتخلصي من هذه العاده ومن هذا النكد زوجك اقرب الناس لك و اعتقد انه هو كمان حاب انك تتغيري |
اقتباس:
|
اقتباس:
|
اقتباس:
قهرتني الصور الي ارسلها ذاك المجنون بوس وصور تقشعر لها بالبدن وتخيلت ان زوجي مكاني ويطالع هالصور قمت لعنت جذفه بدون ماحس زوجي بدل مايعتذرلي قام يهاجمني ليش اتلفظ بالفاظ مب كويسة وسبحان الله من كثر ماتعودت على اني احسس نفسي اني دوم الغلطانة قمت اعتذرت له |
اقتباس:
|
| الساعة الآن 10:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©