|
وحدة كانت بتخرب بيتي و حيتخرب شكله
السلام عليكم و رحمة الله و بركاته
عندي مشكلة أعاني منها من سنة ، حصلت لي مع زوجي ، و أرغب بإيجاد قرار حاسم حتى ارتاح نهائيا بإختصار إنه زوجي كان يتعامل مع مكتب صاحبه بجلب القبول للطلاب للإبتعاث ، و لإني على علم بإن زوجي انسان ضعيف القلب و من السهل التأثير عليه ، قلت له عندي شرط ، تعاملك يكون مع الرجال فقط الحريم مالك دخل فيهم .. و بسبب الموضوع هذا اختلفنا مرتين و اخر شئ وعدني إنه ما يجيب قبول للحريم السبب ( لإني ما أبغى نفتح باب على نفسنا و مو ناقصنا مشاكل، و لإنه التواصل بيكون بالتلفون و الإيميل ، و لإننا كنا في بداية حياتنا و كانت هناك لخبطة في حياتنا ) كنا مغتربين لمدة وقتها :::: في يوم من الأيام من سنتين ، كانت عندي رحلة دولية و نازلة لبلدي كزيارة خاطفة و من هناك رحلة داخلية لمدينتي و بالصدفة قابلت 2 و جلست معهم في الطيارة ، لا شفت شكلهم و لا شافوني و بالصدفة أصلا إنهم كانوا في نفس الرحلة الدولية ، وحدة منهم يوم عرفت إني مغتربة و في المدينة اللي نسكن أنا و زوجي فيها برة قالت لي ( تعرفي فلان ؟ ) و باين عليها الإهتمام و إنها تبغى تاخد اخبار عنه .. من غبائي ، جاوبتها بسرعة و قلت ( زوجي ليش ؟ ) ترددت و قالت ( ولاشئ .. بس أسمع عن اسمه يجيب قبولات للبنات في مدينتي اللي أنا فيها ) طنشتها و بينت إنه ما همني و ما كلمتها لحد ما وصلنا لإني كنت تعبانة و نمت أصلا في الطيارة .. وصلت لمدينتي و أنا مقهوووووووورة منه ليه يكذب علي ؟ مو وعدني ما يجيب قبولات لبنات ؟ و مين هذه اللي مرة مهتمة تسمع عن أخباره ؟ و كنت قبل سنتين مررررة أحرق أعصابي على أتفه شئ لحد ما طورت و غيرت نفسي للأفضل و تعلمت التطنيش و كيف أتعامل بحكمة أكثر من كثر ما شفت و ذقت سألته ، و قالي ( طبعا ما أفتكر دحين كلامه بالضبط ) لكن بما معناه ، إنه هذه اخر وحدة بس اللي جاب لها قبول من زمان و من يوم ما وعدني إنه خلاص بس رجال ، قلت له و لييييه بتقول بنات و إنت تجيب لهم قبولات وووو إلخ ؟ قالي مادري عنها ، يمكن كلام من راسها ، المهم إنه جاب حجة و طنشت الموضوع و وعدني بيترك المنتدى اللي كانوا يطلبوا منه يجيب قبولات نجي للمشكلة اللي صارت بعد الموضوع هذا بسنة ، لإنه مرتبط فيه .. قبل كل شئ ، كانت عندي مشاكل مع زوجي هذيك الفترة ، لإنه كان يتدين فلوس من الناس و ما يرجعها لهم و يصرف فلوسه على نفسه و ما يتحمل المسؤولية و غيرها من عيوب تصلحت دحين و الحمد لله برضو قلت المعلومة هذه لإنها مرتبطة بالمشكلة الأساسية :::: قبل سنة ، كنا جالسين مبسوطين أنا و زوجي بعد ما هدأت النفوس و وعدني يحقق لي كل شئ أتمناه و إنه يتغير للأفضل و يرجع فلوس الناس كلهم و ما يطلب فلوس من أحد و يعتمد على نفسه و يتحمل المسؤولية و يشيلها عني و يبعد عن السهر اليومي و يهتم في مستقبله .. إلخ و نحن جالسين ، افتح المنتدى و تجيني رسالة خاصة باليوزر تبع زوجي ، من وحدة تقول له : - يا فلان ، ترى أنا أعرف رقم زوجتك و اللي اسمها كذا و كذا و راح أقولها كل شئ عاد أنا خلاااااااااااااااااااااص الدم بدأ يغلي في عروقي ، و مثلت عليها و رديت على إني زوجي : - خير إيش فيه ؟ قالت : رجع لي فلوسي و لا بأقول لزوجتك كل شئ قلت لها : - مالك شئ عندي ، و هذا رقم حرمتي إذا بتدقي دقي و أعلى ما في خيلك اركبيه لو إنت بنت أبوك قالت : - تشوف إيش راح أعمل ( طبعا هي انصدمت أكيييد لإن زوجي ما يتصف بالشجاعة أبدا .. و دايما يراعي مشاعر اللي أمامه ) :::: و قبل لا تتصل علي بدقايق هي .. انفجرت على زوجي و قلت له مييييييييييييييييييييين هذه ؟؟؟؟ تلخبط و ما عرف إيش يقول ، و كلام كله يعارض بعضه . ( طبعا زوجي في له طبع إنه ما يعرف يواجه أحد ، و كان زمان يكذب و دايما ينكشف قدامي ) دقت علي هي ، و قالت لي إنت فلانة ؟ قلت لها ايوة .. قالت زوجك فلان ، و أخذ فلوس مني و مارجعه لي قلت لها و ليش أخد منك ؟ قالت اسأليه إنت .. زوجي جاء و قفل السماعة عليها ، و صار يبكي و يقول هذه بتخرب بيتك لا تسمعي لها قلت لها إلا بأسمعها و أعرف إيش اللي فيه و أنا ما أعرف ؟؟؟؟؟ قالي أنا أحكي لك الحكاية ، قلت له إنت دايما تكذب علي .. أبغى أسمع منها بنفسي و لا تتدخل دامك واثق من نفسك .. :::: يتبع .. أنيم بنتي و أجي و لإني بأسترجع أحداث السنة الماضية و اللي كان حلها اتفاق و زوجي ما التزم بالشرط .. و عشان كذا ما قدرت أنسى لحد الحين .. |
هي سمعت صوت زوجي يوم جاء و قالي قفلي و قفل بوجهها ،
فعرفت هي إنه بدأت مشكلة بتصير بيني و بين زوجي .. أنا ما جاء في بالي وقتها أي شئ ، غير إنه وعدني ما ياخذ فلوس من أي أحد و إنه يرد الديون اللي عليه لإنه كان يتدين من الناس فلوس مو عشان أشياء ضرورية ، عشان أشياء تافهة لنفسه و الناس تجي تشتكي منه فانحرج منهم ، و كنت أنا اللي أصرف على البيت فكانوا الجيران يشوفوني جايبة أغراض للبيت و ينقهروا ، يحسبوا من فلوسهم ، يعني ما دخلت حالي في ديونه إلا بعد ما طفح الكيل فوقتها كل همي 3 أشياء ، يوم كلمتني هذيك : أول شئ ، الديون ؟؟؟؟ ثاني شئ ، إيش بينه و بينها عشان تقولي هي ، خليه يرجع فلوسي ؟ ثالث شئ ، كيف تعرف يوزر زوجي في المنتدى و ترسل له بإسمه ترى أعرف رقم جوال زوجتك و بأفضحك ؟ طبعا يوم إني رديت عليها في المنتدى ، أرسلت لها ايميلي و قلت لها ضيفيني عشان نتفاهم .. على إنه ايميل زوجي ( كنت بأشوف تعرف ايميل زوجي و لا لأ ) ؟؟؟؟؟ ::::::: أصريت أكلمها و أعرف إيش فيه ؟ زوجي يبكي و يترجاني ما أكلمها و أخرب بيتنا و الحب اللي بيننا و أنا مصرررررة أعرف و أكلمها .. أصريييييييت و بعدت عنه و قلت له بأطلع برة ، خليني براحتي .. تركني و لبست البالطو و الطرحةة و نزلت تحت في الحديقة و قمت دقيت عليها و قلت لها إيش الفلوس اللي أخدها ؟ قالت أسأليه ، هو في يوم دق علي و قالي محتاج فلوس وو حزنت عليه و حولت له قلت لها ، و بأي حق تحولي فلوس لأي شخص ما تعرفيه ؟ قالت ، حزنت عليه و قال بيرجعها بس إنه تأخر علي و كل شوي يقول الشهر الجااي سألتها كم الفلوس ؟ قالت لي أخد مني 300 جنيه استرليني و رجع نصها و بقي 120 .. قلت لها و لا يهمك فلوسك بترجع لك و هذا حقك .. قالت شكرا .. قلت لها بس لسى ما خلصنا ، إنت حقوقك راح أرجعها بنفسي إذا هو ما رجعها ، بس أنا لي حقوق عندك قالت لي إيش هو ؟ قلت لها ، إيش العلاقة اللي تخليك تعطي فلوس لشخص ما تعرفيه ؟؟ قالت ولاشئ ، أنا عاااااااااااااااااااادي مع كل الناس ، أكلم فلان و علان و أطلب منهم خدمات و يخدموني و علاقة أخوة و فيه غير زوجك كثير ،، و زوجك انسان محترم و لا تشكي فيه .. قلت لها ، و بأي حق تتكلمي معاه ؟ هنا أنا اعتبرك تعديتي على حقوقي .. قامت تقولي ، استهدي بالله و لا تخربي بيتك بيدك وووو إلخ ( اشتغلت لي دحين على إنها مصلحة اجتماعية ) صارت هي تقولي ، إنت زي أختي و أنا أبغى لك الخير و ترى زوجك و الله العظيم يحبك و لا ماكان أهتم إنك ما تكلميني و هو واحد محترم و لا تخسريه و لو غيره كان عمل و عمل و عمل ... و أنا شوفيني مطلقة و طليقي بهدل فيا و كان يضربني و أنا وحدة مخطوبة أصلا ووو إلخ .. كلام طويل قفلت السماعة و قلت لها أكلمك بكرة ( أبغى انهي حساباتي مع زوجي ) ::::: هو من أول يدق دق على جوالي و أنا ما أرد عليه لإني كنت أتكلم معها .. بعد ما قفلت من عندها ، جاء عندي زوجي و نزل تحت .. أخدني و طلعني فوق للبيت و قالي أنا أقولك الحكاية |
هل هناك بقية ام انتهت المشكلة؟؟
|
فعلا اختي الحرمه هذي تبي تخرب بيتك لاتكلميها ولاتتصلي عليها انتي سمعيتها تقول اكلم فلان وعلان
وياكثر اللي اعرفهم انخربت بيوتهم من نفس ها المكالمات زوجك المفروض يعدل اشياء كثيره في حياته وهي سالفه الديون واحسمي الموضوع معاه وبقووه وماادري انتهت قصتك والا لسى ؟؟؟؟؟؟ |
ملاحظة : طبعا أول شئ عملته قبل لا أنزل للحديقة و أكلمها ، شفت جوال زوجي ، رقمها مسجل و لا لأ ؟؟؟
ما طلع مسجل عنده ::::: بس أخدني و حضنني و باس راسي و طلعني فوق للبيت و قالي أنا أقولك الحكاية قالي و الله العظيم إني ما قلت لك عنها ، لإني وعدتك من زمااااااااااان إني ما أجيب قبولات لأي بنت .. و هذه الوحيدة اللي قبولها كان ( عسيييييير و صعب ) و مانتهى موضوعها للأسف .. و من هذاك اليوم إني على وعدي لك بس البنت هذه يوم دقت أول مرة من زمان تبغى قبول و أخدت الرقم من صاحبي اللي أشتغل معاه صاحب المكتب، قلت لها خلاص ارسلي أوراقك عن طريق المكتب و خلي تواصلك مع فلان صاحب المكتب و لإن عندها مشاكل في أوراقها ، فموضوعها متعقد مع الجامعة ، و هي دفعت فلوس الرسوم 300 جنيه استرليني و على أساس إنه كل الطلبةة اللي جبت لهم قبول ، مشيت أوراقهم ، فأنا أخدت الفلوس الـ 300 و صرفتها على بالي إنه أوراقها تمشي مثلهم ، بس الموضوع صار له متعقد من سنة و مو راضيين الجامعة يقبلوها فهي طلبت إنه فلوسها ترجع قلت له ، هي تقول إنك طلبت منها ( دين ) ؟؟؟؟؟ تطلب دين من وحدة على أي أساس ؟؟؟ تقرب لك ؟؟؟ و ما توصل هذه الدرجة عشان طلب فلوس إلا لو مررررة الميانة طايحة ؟ قالي و الله و أقسم بالله إنها رسوم القبول و إني أخدت من كل الطلاب 300 ،. 150 أعطيها لصاحبي صاحب المكتب و 150 أخدها لنفسي .. و هي تكذب عليك و تبغى تخرب بيتك .. قلت له ، طيب ليه خفت يوم شفت إنها دقت علي و بكييييت و تلخبطت ؟ قال عشان وعدتك إني ما أجيب قببول لأي بنت من هذاك اليوم .. بس هذه كانت اخر وحدة و موضوعها مو راضي يخلص لإن الجامعة رافضتها و الفلوس أنا صرفتها قلت له ، طيب ليه هي تقول راح أفضحك عند زوجتك .. يوم أرسلت في المنتدى و بإسمك كمان ؟ قال لي لإنها أكييييد عرفت إنك ما تبغيني أجيب قبولات لبنات ،، لإني أرفض أتعامل مع بنات فيوم هي شافت إنه فلوسها تأخرت ، قالت أكلم حرمته و أخرب عليهم :::: قلت له طيب اثبت لي ، قالي كيف ؟؟؟؟ قلت له أعطيني فواتيرك و أشوف ؟ صح إنك ما كلمتها ؟؟؟؟ ( على فكرة ، زوجي وقتها كان متعود على الكذب ، فكنت عشان كذا متذبذبة و ما أصدقه .. زي حكاية الراعي الكذاب ، و من يوم الموقف هذا عرف إنه الكذب كان راح يخرب بيته لإني ما صرت أصدقه .. فصرت أطلب اثباتات المرة هذه ) دخلت للنت و فتحت على فواتير جواله و شفت مكالمات من جواله على رقمها .. خلااااااااااااااااااااااااااااااص انفجرت و صرت أصيح و أقوله كذااااااااااااااااااااب ، منافق .. اعترف إيش بينكم ؟ سيبني و ما أبغى أعيش معاك في كذب .. طلقني و خلاص ما أبغاك ،، ريحني و تعبت أنا من كثرة أكاذيبك كلها .. ( أنا وقتها كنت خلاص مقررة الطلاق 100 بالمية ، لإنه كنا وقتها تونا بنفتح صفحة جديدة لحياتنا ، يعني قلبي أصلا مليان جروح بس جروح من أشياء صغيرة ، زي الديون و زي الإسراف و ما يتحمل مسؤولية البيت و كذا ، بس مو بنات أبدا عشان كذا ، الموقف هذا خلاني أقول .. خربانة خربانة ، خلاص يا روح ما بعدك روووووووووووووح و أنا و من بعدي الطوفان) هو انصدم و تلخبط و مفجوع و لسانه مربوط مو عارف إيش يقول ؟؟؟؟ و يدري إني من جددددددي خلاص ووقتها ، طفح الكيل معاي .. لإنه توونا كنا نتكلم و يوعدني و يقول تحملتيني كثير و و الله أعوضك وووو إلخ و يحلف إنه مافيش أي علاقة بينهم و يقولي ما عمري دقيت عليها و هي مرة وحدة اللي اتصلت علي و طلبت قبول و قلت لها ترسل للمكتب و تعاملها يكون معهم .. إلخ ، و هذا عشاني وعدتك و من يومها و أنا عند وعدي قمت دقيت عالبنت ، لإني ما صرت أصدقه .. قلت لها ، خييييير إيش العلاقة اللي بينكم عشان تخليه يطلب فلوس ؟؟؟ و إيش المكالمات اللي بينكم ؟ سكتتتت هي و قالت هاه ؟؟؟ مافيش أي علاقة و والله زوجك محترم و يحبك و مافي زيه و إنت زي أختي ، يا خبلة لا تخربي بيتك ، و الله الطلاق صعب و أنا جربت الطلاق و إنت زي أختي و أنا أحبك و أسمعي نصيحتي قلت لها ، إيش العلاقة اللي تخليه يتصل عليك من جواله و اخر مرة من شهرين ؟؟؟؟ قالت لي ، اخوي كان معايا هنا و كان يكلمه من جوالي قلت لها فين أخوك ؟ قالت ، سافر من شهرين وقتها زوجي زي اللي صحي من غيبوبة و عيونه زي اللي صحي فجأة ،، وو قالي ( إيوة .. أخوها .. و قام قفل الخط في وجهها ) قالي ، إيوة أنا كنت أكلم أخوها و ما أدري إنه هذا هو رقمها كان يكلمني من جوال أخته و يوم سافر أرسل لي ، الجوال بيكون مع أختي خلاص و أنا راح أنزل السعودية :::::: |
قلت له ، ليه أول يوم سألتك قلت لي ما عرف ؟ و ما عمري دقيت عليها ؟
و دحين يوم سمعتني أقول لها فين أخوك طيب ؟ افتكرت ؟؟؟؟ قالي من الصدمة نسيت و تلخبطت و دحين افتكرت .. قلت له ، و أخوها إيش اسمه طيب ؟ إيش يدرس ؟ إيش مادري إيه ؟؟؟ يقول زوجي ، و الله ما أدري ، بس كنت مسجل اسمه بإسم المدينة اللي هم فيها و كان هو يتابع معاي أوراق أخته ، و قبل لا يسافر قلت له إنه قبولها ما راح يمشي فصار يطلب الفلوس ترجع لهم و كنت صرفت الفلوس ، و صار يرسل لي أرجع الفلوس و ما قلت لك عشان لا تزعلي عشان حكاية الديون و من شهرين ما دقيت عليه لإنه أرسل لي ، يا فلان ترى الجوال مع أختي بيكون ، فمسحت الرقم من جوالي و كانت تجيني رسايل من الرقم كل شوي يا فلان رجع لي فلوسي و ما أرد عالرقم ( زوجي طبعا ، يتهرب كان من اللي يستدين منهم بالتططنيييييش بالكذب و كذا ، يعني مرة يقولهم معليه كنت مسافر و ما شفت ، المهم يصرفهم ) فيقولي ، أمس بس اللي عرفت إنه هي اللي كانت ترسل من شهرين على جوالي تبغى فلوسها و كنت ما أرد عليها أحسبه أصلا أخوها و ماكانت معاي فلوسهم عشان ظروف النقل من بيتنا و السفر .. فيقولي ، أمس اللي عرفت إنه هي اللي ترسل من شهرين و ما كنت أرد عليها فهي انقهرت و أرسلت رسالة بالمنتدى سألته كيف عرفت أمس ؟ يقول كانت صيغة الرسالة قبل ( بشكل عام ) مثل رجع لي فلوسي .. بس أمس كان بصيغة أنثى ( يعني مثلا ، أنا محتاجة لفلوسي ) .. و يقول ما قلت لك عشان لا تصير بدل المشكلة مشكلتين ، و نحن متفقين ما أجيب قبول لبنات عشان الحكاية هذه اللي حذرتيني منها من قبل .. و يقول خفت كمان أقول لك إنه أخوها اللي كنت أعرفه ، و تقومي تقولي لي مرة ثانية أخوها ؟؟؟؟ و ما تصدقيني قام يبكي و يجيب القران و يقسم و يحلف و يوعد و يدعي على نفسه باالهلاك و الويل و الثبور ووووو إلخ :::::: رجعت هي تكلمني و تقول أسألي زوجك إيش العلاقة اللي بيننا و أنا ما راح أتكلم و هو طلب فلوس لنفسه و قال محتاجها ووو إلخ قلت لزوجي إذا إنت صادق ،، تدق عليها من جوالك و تسبها و تشتمها .. قالي ، لا ما يصير .. ( قلت لكم ، زوجي مو متعود على المواجهة حتى لو كان معاه الجق ، و يراعي مشاعر الناس على حساب نفسه ) قلت له ، تهزأها لو إنك صادق و هي بتخرب بيتي .. دق عليها من جواله و أنا ساكتة ما كأني جنبه ، و هي ردت بس قالت ( نعم ) .. و كان ردها ( رسمي .. مافيه ميوعة يدل على مثلا إنه هناك شئ بينهم ) قال لها ، إنت بأي حق تتصلي على حرمتي و تكذبي عليها و تقولي هناك علاقة ،، زوجتي أحبها و ما تسوى و لا مليون وحدة مثلك .. و الله ياخذ حقي منك .. قامت هي قفلت السماعة .. ::::::: جلسنا سوا أنا و هو .. قالي اللي تطلبيه تحت أمرك و أنا من يدك هذه ليدك هذه .. قلت له أول شئ معليه .. خلي جوالك معاي بس يومين رجاءً .. عشان أرتاح و خليني أنا اتفاهم معها بطريقتي .. قالي خذي الجوال و لا راح أقرب منه .. ( فيه شئ براسي كنت بأعمله عشان أتأكد ) ::::: تاني يوم بالقووووووووووووووة إلا ،، قام حجزلي رحلة لمدينة هنا مع بنتنا و يومين رحنا هناك و دلعني اخر دلع .. مع إني ما عمري أطلب منه أي شئ و كنت رافضة و هو أصر علي .. ( عاد أنا الشئ هذا خلاني أستغرب أكثر ؟ لو كان معاه حق ما كان بكي ؟ ما كان لأول مرة ياخدنا وو يمشينا زي كذا ؟ الواحد ما يعمل كذا إلا لو كان متندم على شئ ..؟؟؟ ) و نفس الوقت يقولي ، أنا بأريح أعصابك لإنك تعبتي مني كثيييييير و أوعدك كيف .. إلخ :::: بعد ما رجعنا من التمشية ، كانت يومين ،، جاني اتصال من البنت كمان على جوالي .. طبعا زوجي تارك جواله معاي .. و جاء في بالي ممكن لو هناك شئ لا سمح الله ، إنه بيدق عليها من أي رقم و يقول لها إنه ترى جوالي مع زوجتي .. اتصلت علي هي و قالت كلام كثيييييييييييييييييييييييييييييييييييييييير يمكن ساعتين جلست تتكلم .. دحين بأكتبه ، لإنه هو اللي خرب حياتي و خلاني أجي هنا يوم حسيت إني خلاص مو قادرة أسيطر على نفسي |
دقت علي و أنا راجعة للبيت من المعهد ، و قالت لي:
تعرفي يوم سألتيني ليش فيه مكالمات من جوال زوجك على رقمي ؟ تعرفي ليش سكتت وقتها و ما تكلمت ؟ عشان زوجك كان جنبك .. بس دحين نحن لوحدنا و أقدر أتكلم براحتي .. أول شئ ، زوجك هذاك اليوم دق علي من جواله و سبني و أنا انصدمت من جد ، و الله لأدعي عليه الظالم ؟؟؟؟ ( تقصد يوم ما قلت له دق عليها و هزأها ، و هي ما تدري إني قلت له يهزأاها ، فجات تشتكي لي ) ( قلت بداخلي ، لو هناك علاقة .. كانت ارسلت على جواله و تقول له إيش فيك متغير علي ؟؟؟ و جوال زوجي معاي من هذاك اليوم و هو ما خرج من البيت من هذاك اليوم ؟ ) كملت كلامها و قالت: ترى و الله أنا أحبك حتى و أنا ماعرفك و لا عمري قابلتك .. بس و الله العظيم إني من ربنا كذا حبيتك و كنت دايما أدافع عنك من ورى ظهرك عند زوجك و حتى كنت أحكي لأمي عنك و عن زوجك و كان تقولي مسكينة حرمته، و ترى هو الصراحة كان يبغى يطلقك و تقدم لي عشان يتزوجني بالجوال بس أنا رفضتتتت و كنت أقوله حرام عليك تعمل كذا فيها ، و أنا ما أرضاها لنفسي ، كيف أرضاها على غيري ، و ترى حرمتك مافي مثلها و تأكد لو إنك طلقتها مافيش ولاوحدة راح تقبل فيك ، و كان يقول ليييش إيش فيا عيوب أنا ؟؟؟ كان يقول لي متى ما قبلتي فيا ، راح أطلق حرمتي على طول ، بس إنت اقبلي فيا .. و صارت تقول كلام كثيييييير ،، إنه زوجي تكلمه من وراء ظهري ، إنه قالها أنا مستعد أرجعها للسعودية و بيدي أوقف بعثتها و دراستها و بيدي وووووووو إلخ ، و مرات يتصل علي و يبكي يشتكي منك و مرات احس يلمح لي إنه نفسه يقابلني بأي طريقة و قالت زوجك دايما يتصل علي و أنا اللي أنصحه و أقول له حراااااااااام تحملها ، و خذها للمطعم و روح أشتري لها وردة و روح صالحها ، و و الله إني ما أعرفك بس كنت أدافع عنك ، حتى كان يعصب و يقول إيش فيك إنت متفقة معها علي ؟؟؟ كلام زي كذا ، كثييييييييييييير .. اللي خلاني أوقف عند كلامها ،، إني الفترة هذيك كثرت مشاكلي مع زوجي بالفعل عشان ديون الناس لإن حريم أصحابه كانوا يتصلوا علي يبغوا فلوسهم ترجع و صرت أنحرج أقابل أي وحدة فيهم ، و أنا طول عمري عايشة راسي مرفوعة ما عمري أخدت فلوس من أحد ،، فكنت عشان أخليه يغير الطبع هذا و يبدأ يبطل ياخد فلوس من الناس و يرجع فلوسهم كلهم ، إني هددته بالطلاق بشكل جدي و لأول مرة إذا سمعت إنه وحدة جاتني تبغى فلوس زوجها لإني بسببه قاطعت كل الناس و ماقدر أقابل أي وحدة منهم ، لدرجة نقلنا من المدينة هذيك و وقت النقل ووعدني يرجع فلوس الناس و مستحيل يتدين من أحد فقلت بداخلي ، هي إيش عرفها إنه بجدددددددددددددددد أنا طلبت الطلاق منه من كم شهر ؟؟؟ و لييييش يوم قلت له مرة خلاص طلقني ، قالي لأول مرة ،، لو أبغى ترى أقدر أسيبك و أخد أي وحدة مبتعثة لو إني جالس معاك عشان البعثة فرضا و ممكن أي وحدة تقبل فيا ؟؟؟؟؟ :::: طبعا صحيح وقتها انهرت ( بداخلي من كلامها ) لكن الحمد لله إني ما بينت لها وقتها أبدا .. و جلست أفكر .. صرت أقول بداخلي ( دام إنها خربانة خربانة ،، فحتى لو هي حاطة عينها على زوجك لا سمح الله ،، فإنت خربيها عليهم و شوهي سمعته قدامها و خليها تكرههههههه و تخاف منه ،، <- كيد النساء ههه ) و غير كذا ، فيه مثل بما معناه ، لو تبغى تصيد الحرامي ،، أسأل حرامي مثله كيف بيفكر الحرامي ؟؟؟؟ .. فكنت أدرس مع وحدة خليجية ، لها علاقات و تزوجت زوجها عن طريق الحب و كنت دايما أنصحها .. لإنه بعد زواجها ندمت لإن زوجها صار يشك فيها ،، فجلست معها و تكلمت معها بشكل عام لإنها تعرف كيف تفكير البنات اللي كذا .. فقالت لي ، الوحدة لو الرجال معطيها وجه .. ما تفضحه .. ما تفضحه إلا لو إنه ما عطاها وجه ، فتحاول تخرب عليه .. فقلت كمان في داخلي ،، لو إنه زوجي كان معطيها وجه و صح يجري خلفها ..؟؟؟ ليه تتصل هي علي ، إلا في حالة وحدة .. إنها ما لقيت تجاوب منه فرضا ؟؟؟؟ ثالث شئ ، هي قالت إنها مطلقة و تتمنى تتزوج بأي طريقة ، طبعا من غير ما تنتبه و هي تتكلم لقطت كلامها إنها بأي طريقة تبغى تتزوج ، فليه ما تكون حاطة عينها على زوجي ؟؟؟؟ لإنه يوم زوجي قالي إنه كان مسجل اسم أخوها في جواله بإسم المدينة اللي هم فيها ،، افتكرررررررررررررررت الطيارة يوم قابلت وحدة و كانت جدا مهتمة تعرف أي أخبار عن زوجي .. و هي من نفس المدينة هذه .. و تلخبطت في الطيارة يوم قلت لها أنا زوجته و كانت هي هذه نفسها ، لإني سألتها و قالت لي إيوة أنا اللي ساكنة في المدينة الفلانية .. ( طبعا ، أنا بنفسي تفاجئت من الصدفة ؟؟؟؟ في حياتها ما صارت معي .. يمكن لإنها في نفس مدينتي ساكنة ) مية افتراض و افتراض مابين ( ضد ) و ( مع ) .. ( راجعة .. إذا تأخرت فالنت انفصل دحين و بأدخل من الكونيكت تبعي) |
كنت أكلمها بكل احترام و هدوء أعصاب و أدب .. و صارت هي تقولي ، انتبهي حافظي على بيتك و الله الطلاق صعب ،
وو الله أسأليني أنا كيف متعذبة عشان الطلاق ، و الله إني ما أبغى فلوسي إذا كانت راح تخرب بيتك و ترى زوجك يحبك و اشتغلت لي نصايح ؟؟؟؟ مادري فين النصايح يوم إنها دقت أول مرة ؟؟؟؟ :11: أنا ما قصرت معها أبدا ، قلت لها هذا فيه و فيه و فيه و فيه .. إلخ و كلام من راسي ، خليتها تكرههههه عشان سببين ، يوم إنها كانت في الطيارة ، كانت تبغى تعرف أخبار عنه .. و باين سؤالها كان عن اهتمام و السبب الثاني ، لو بأتركه و طلعت الحكاية صحيحة ، أكون خربت عليهم .. فأخرج بأقل الخساير صارت بعد كذا تقولي ، أعطيك أرقام استشاريين عشان اسأليهم قبل لا تفكري إنك تتطلقي من زوجك ترى و الله إنت بنت حلال و ما تستاهلي البهدلة و الله ما أعرفك بس حبيتك و اشتغلت لي أحاديث و أيات قرانية عشان تكسب ثقتي .. و قالت ، ترى حكاية القبول و المكتب و كذا ، كله كذب في كذب ، و أنا و هو متفقين نكذب عليك و حتى إنه أخوي يعرفه ، فهذه كمان كذبة كذبناها عليك نحن الإثنين و كنا متفقين نكذب عليك ( قلت في نفسي ، إذا متفقين علي ، ما كانت دقت علي من الأول أصلا و صارت كل الهليلة هذه ) ؟؟؟؟ :::: أنا طبعي أحط احتمال 50 بالمية صح ، و 50 بالمية غلط و أمشي مع اللي قدامي للأخير .. يقول المثل ، أمشي مع الكذاب لحد الباب .. و أنا للأن ما كنت عارفة أصدق مين و لا مين ؟؟؟؟ زوجي أعرفه مو حقة بنات و يحبني ، لكن بنفس الوقت أعرفه يكذب مرات يوم يخاف من المواجهة .. لإنه كان يخاف من أبوه ، فكان متعود عالكذب .. و الحمد لله إنه دحين تغير .. :::::: استلمت زوجي ، قلت له إذا بتطلقني و تاخدها ، تراني ماني ماسكتك ومافي شئ يجبرك تجلس معاي .. أنا ما أتقارن مع وحدة مثل هذه ، قال لي كذابة و إنت خبلة تصدقيها تبغى تخرب بيتك الغبية قلت له ، و ليه بتقول إنك تقول حرمتي كل شوي تقول طلقني ؟؟؟ يقولي ، أخوها مرة قالي يبغى يتزوج ، و قلت له يا شيخ إيش تبغى من الزواج ،، تجيك حرمة كل شوي تقولك طلقني ؟؟؟ و قالي زوجي ، ما أعرف إنه أخوها غبي ، كل شئ يقول لها و كنت أمزح معاه .. و قالي زوجي ، هي ما جابت شئ جديد يخصنا أنا و إنت ، هي أكيييد من راسها استنتجت إنه أي حرمة تزعل من زوجها أول شئ تقوله ، طلقني ؟؟؟؟ قلت له و كيف عرفت إنك يوم تزعل مرررة ( تبكي من القهر أو الحزن ) ؟؟؟ قالي من راسها أكييييد الكلام ؟؟؟ قلت له ، طيب أثبت لي إنه أخوها صح هو اللي إنت كنت تكلمه مو هي .. قالي ما أعرف اسمه من فين أجيبه ؟ قلت له مالي دخل .. تتصل على صاحبك اللي تشتغل معه و تجيب رقمه أو تسأل أي أحد .. قالي طيب ( عارفته يصرفني ) قلت له المرة هذه أتكلم من جدددددددددددد ،، و ما راح أنسى الموضوع حتى لو عدى عليه 20 سنة ، لحد ما أعرف ؟ هل إنت بيوم فكرت تطلقني عشان تستنى موافقة مبدئية منها ؟ هل من جد كنت مخدوعة عايشة معك ؟ قالي زوجي دقي على المكتب اللي أتعامل معهم و اللي مالكها هو صاحبي و أسأليه بنفسك قلت له ، أنا بنفسي أتصل على المكتب و أسأله ؟ ما تزعل ..؟؟؟ قالي دقي علي .. دقيت عليه ماحد يرد ، في الأخيييييييييييييييير رد علي السكرتير تبعه ، و أعطاني صاحب المكتب و سألته عن فلانة و إني زوجة فلان صاحبك و أخدت الإذن منه و السبب إنه البنت بتتبلى على زوجي .. ( ما كثرت و لا نقصت في الكلام .. بس كذا قلت له و هو عرفها بسرعة يوم قلت إنها اسمها كذا ) ( طبعا هي ما أعطتني اسمها ، بس عرفت أطلع اسمها عن طريق الإيميل و الفيس بوك <- خبرة كمبيوتر قالي يا أختي يا أم فلانة ، و الله البنت هذه ( بكل اختصار معقدة و مرييضة نفسيا .. جابت لي الجنان ،، طلبت قبول من الجامعة و كنت بأجيبه لها و زوجك هو اللي كان يسعى بالموضوع ، لكن هي خربت شغلها بنفسها و تصرفت من راسها و خاطبت الجامعة و عملت لي مشاكل كبيرة معهم خلتهم يشكوا فيا و من يومها ، قمت و كلمت الجامعة اللي بأتعامل معها و قلت لهم مالي دخل فيها و لا يقبلوها ، لإنها سببت لي مشاكل معهم ، و جننتني بالإتصالات ، و مرة تخلي واحد يكلمني و تقول هذا اخوي ، و مرة تقول هذا أبوي ، و مرات تتصل و تدعي علي دعاوي بالموووووووووووووت ، طيب و أنا إيش دخلني في قبولها في الجامعة و لا لأ ؟ هي خربت شغلها بيدها .. و نصيحة لا تستقبلي منها مكالمات ، لإنها مريضة ) :::: قمت ارتحت شوي ، و تجيني اضافة من إيميلها على ايميلي نفس اليوم .. و هي طبعا تحسب إنه ايميل زوجي لإني يوم رديت عليها في المنتدى أول يووووووم ، على إنه أنا ( زوجي ) و قلت لها هذا ايميلي .. بأشوف تعرف ايميله و لا لأ ؟؟؟ فدخلت هي الماسنجر ، و قالت السلام عليكم .. قلت لها و عليكم السلام مين ؟ قالت لي ( إنت اللي أرسلت ايميلك لي ) .. قلت لها إنت بنت و لا ولد ؟ قالت أنا بنت .. المهم ، صكيتها بلوك و حذفتها ، و أخدت ايميلها و بحثته في ايميل زوجي و مالقيته لا في الإيميل و لا في الماسنجر .. و في الليل ،، أرسلت لها رسالة من جوال زوجي ، أسبها بالإنجليزي ،، إنه زوجتي أنا أحبها و ما تسوى وحدة رخيصة مثلك وووو إلخ و كلمة بالإنجليزي سيئة جدا .. ( بأختبرها و أشوف ؟ إيش ردة فعلها ) ؟؟؟ :::: بعدها بيوم اتصلت علي ، و تقولي .. زوجك أمس ارسل لي رسالة من جواله يسبني و قالي كلمة وسخة ، وو الله لأدعي عليه و جلست تسب و تشتم فيه ( يا جماعة شايفة أساميكم تحت و الساعة نص الليل ، لا تنسوا صلاة القيام ، لإننا دخلنا في العشر الأواخر .. قوموا صلوا ركعة لله ، يمكن يصادف ليلة القدر ) بأكمل ، ما خلصت .. بقي شوي |
ننطر الحلقه اليايه
هههه امزح بس للحين مافهمنا شي ننطرج تكملين |
اللي يتريقوا ، يسخروا .. اخرجوا و مو ناقصة و ماني فاضية لخفة الدم .. و لا ترى أرد ردود
ما راح تعجبكم .. فخلي كل واحد يحترم حاله رجاء .. كان ممكن أنزلها في قسم الإستشارات ، لكن بحاجة لرأيي سديد من أعضاء مميزين مو طايشين و من غير ما أحدد أسامي الأعضاء المميزين لإنهم معروفين .. و اللي يستخف دمه ، ما راح أرد عليه لإنه كفاية من جد .. كل موضوع أحد يطرحه في المنتدى تمسخوها من جد .. تأخرت عشان النت فصل في الليل و الشركة تفتح من الصبح ،. و ماني وحدة فاضية بس الموضوع متعبني من سنة .. و دخلت مضطرة من شبكة الجيران بس عشان أنزل ردي ::::: قالت كلام كثييييير ، وسمعت لها للأخير ، و كان هدفي أول شئ أعرف هي إيش تبغى بالضبط ؟ و الشئ الثاني بأعرف إذا فيه شئ و أنا مادري و كنت في بداية زواجنا يعني لو فيه شئ لا سمح الله فخلاص اللي أوله كذا فينعاف تاليه ؟ و اخر شئ قلت إذا هي بتكذب علي فأنا وقتها اللي بألعب عليها من غير ما تدري هي ، يعني بدل ما تضحك علي هي ، أنا اللي أضحك علي .. و أعطيها درس ما تنساه طول عمرها قالت لي أرجوك و من قلب يحبك ، اصحك تطلقي من زوجك ، و الله هو يقول أنا أطلق حرمتي لو إنت قبلتي فيا ، بس إنت حافظي على بيتك ، و والله إنه زوجك مرررة محترم و إلخ، عاد أنا وقتها طبعا بس كلام كذا قدامها.. قلت لها لأ .. هذا انسان ما يتعاشر أبدا و لا يغرك كلامه مع الناس و احترامه ، تراه كذا و كذا و كذا .. أخليها تشيله من راسه .. قامت قالت لي الخبيثة : طيب إيش رايك ؟؟؟؟؟ نعمل خطة أنا و إنت ؟ قلت لها إيش هو ؟ قالت لي أدخل أنا في النص بينكم و أخلي أمي تتكلم معاه و تنصحه ؟؟؟؟ و إنت تقنعيه إنه يكلم أمي .. و أمي انسانة مرررة تجنن و كلامها يدخل القلب بسرعة و صارت تحاول تقنعني إني أخليها تدخل بيني و بين زوجي وسيط ( دحين هي صدقت إنه زوجي واحد مثل ما قلت لها ) .. دخلت كلامها من أذن و خرجته من أذن ، و كل شوي تتصل عشان تقولي هاه حبيبتي ؟ بشري كيف أمورك مع زوجك ؟ و ما أعطيها لا حق و لا باطل بالي كان مشغول مع زوجي ، أبغى أشوف الرجال اللي صبرت عليه و تحملت و شلت معه المسؤوليات و ضحيت كل شئ عشانه لحد ما وصلت لمرحلة من الإنهيار ، هل هو بايعني ؟ زوجي طلبت منه يغير رقم جواله إذا من جد يحبني ( أنا الفترة هذيك أبغى أخلص من الفتنة هذه ) وطنشتها أسبوع ، لإن كانت عندي اختبارات و ما كلمتها ، قلت لزوجي رجع لها فلوسها الشهر هذا أول ما ينزل الراتب ذا الأسبوع و خلي الموضوع ينتهي أنا طفشت .. و قالي طيب جاء الشهر الجديد و فيه أحد من أقاربي مات الله يرحمه و زوجي عشان يثبت لي إنه من جد تغير للأفضل ، حجز لي من راتبه لأول مرة و دفع نص قيمة التذكرة ، و رحت 3 أيام و رجعت بسرعة ، .. ارسلت لي و أنا مسافرة خلي فلان يرجع فلوسي ، قلت لها بيرجعه لك اليوم مثل ما وعدتك و أنا كلمتي وحدة .. ( طبعا كنت أستنى زوجي يرجع فلوسها عشان يكون عندي وجه أرد عليها وقتها إذا تجاوزت حدودها ) رجعت من السفر و تدق علي تقولي خليه يرجع فلوسي الحرامي و الله يحرق بنته و الله يحرقه و دعااااااااااااااااااوي على بنتي ، قمت قلت لزوجي أنا بأرجع لها فلوسها لإنك حجزتلي ( طبعا أنا بطلت أعطيه من كم شهر ، لإنه كان ياخد فلوسي و يصرفها على نفسه أهله و ما يصرف علينا و يتدين من الناس كمان و ما أشوف شئ ؟ ) رديت عليها و قلت لا تدعي على بنته ، و أنا سافرت يومين لظروف و ماعرف إنه فلوسك لسى ما رجعت أرسلت كمان و تقول أبغى فلوسي و تدعي علي أنا ؟؟؟؟ رديت عليها و قلت لها ارسلي رقم حسابك و أنا عندي اللي أسدد فلوسك أضعاف مضاعفة .. لكن لاتنسي إني تدخلت تطوع من عندي عشان حقك يرجع لك و لإني ما أكل حق أحد و مع إني مو أنا اللي أخذت الفلوس ، و الشئ الثاني يعني كلها على بعضها 130 باوند أو 120 نسيت ؟؟ يعني تساوي 500 ريال .. مو 50000 ؟؟؟؟ رجعت لها فلوسها من عندي ، و خلاص قفلت الباب على نفسي لإني تعبت من التفكير و قلت لها رجاءً ، لحد دحين و أنا محترمتك و مقدرتك .. حقك و رجع لك ،، لا أشوف رسالة منك و لا اتصال ( راجعة دحين اخر شئ بأضيفه ) أكرر .. اللي بيستخف دمه فالمكان مو للناس الطايشة و أنا ماني جالسة أحكي ( حدوتة اخر الليل ) ؟؟؟ عيييييب ، نحن مو أطفال |
بعد ما أخدت فلوسها ، رجعت تدق تاني يوم و تقولي ارحمي نفسك ، أنا حزنانة عليك و قلبي يشفق عليك
و الله أحبك و زوجك ما يستاهلك و قال عنك كذا ، و هو يحبني و كان نفسه يتزوجني و يطلقك و كلام عنه كثير وقتها خلاص ما عاد لها أي حق ( و طلعت حرتي فيها ، بس باقي زوجي على جنب ) قلت لها شوفييييييي دحين و اسمعيني للأخير .. فلوسك و أخدتيه ، إيش تبغي دحين ؟ قالت أبغى مصلحتك و أنصحك .. قلت لها اسمعيني للأخير ،، أول شئ ، أنا ماني ماسكة زوجي ، و لا مانعته ،، لو بيتركني فألف واحد يتمناني .. ماني ميتة على زوج ثاني شئ ، لو إنت و مليون مثلك جيتوا قدامه و جيتي مثل ما خلقك ربي من غير و لاااااااااااااشئ، فعمره ما راح يطالع فيك .. و مو أنا اللي أتقارن معاك و مع أمثالك .. و اخر شئ خليه يكلم اللي يكلم أنا عاجبني كذا .. قامت تقول ، لو إنه فلان رجال خليه يجي يقابل أبوي .. قلت لها ، أول شئ اسمه أبو فلان ، إنت مو أخته عشان تقولي اسمه حاف ، ثاني شئ ،، هو رجال و مليون رجال و يسوى 10 من أبوك و أخوانك و أهلك اللي ما عرفوا يربوك .. صارت تدعي علي إني أترمل وو أتطلق و على بنتي إنها تتيتم و تنحرق و تنشل و على زوجي ووووووو إلخ قلت لها ، شوفي ،، هو ما أعطاك وجه من البداية و جيتي تدقي علي عشان تخربي بيته .. لكن يا حبيبتي دوري لك المرة الجاية ( صيدة سهلة ) عشان تصيديها ،، و وحدة غبية ممكن تصدق أكاذيبك .. و حقك رجع ، إيش تبغي دحييييييييييين ؟؟؟ أي رسالة ترسليها حذف ، فرجاء .. لا تضيعي المية و عشرين على رسايل و مكالمات راح تنحذف و تخسرك .. وفري فلوسك .. قامت الحرمة تلاحقني شهر تقريبا بس دعاوي و إني ظلمتها و إنه مسكينة عايشة مع واحد و مخدوعة فيه و ارسلت تقول إنه عندها اثباتات ، صور و فيديو و تسجيل .. قلت لها طيب ، ارسليه لي بأستنى .. و ما أرسلت شئ .. و تدعي كل شوي و في الأخير دقيت عليها و انفجرت عليها قلت لها قسم باالله إن ما وقفتي حركاتك هذه، لا أروح للسفارة بنفسي و أشتكيك لهم و أوريهم رسايلك و ازعاجاتك و أرفع تحقيق معاك و وقتها تعرفي كيف .. ::::: انتهيت موضوعها معها ، بس قلبي مجروووووووووووووووووح ،، دخل الشك بقلبي جيت أتفاهم مع زوجي ، كل اللي عنده ( كلام في كلام ) .. ؟؟؟؟؟؟؟ قلت له إذا إنت صادق ، جيب لي رقم أخوها .. إذا صح أخوها له وجود في الدنيا .. يحلف إن أخوها هو اللي كان يكلمه ، و إنه نزل السعودية من يومها و مو مفتكر اسمه .. ( أنا أدري إن زوجي نساي و مرات يصاحب و يكلم رجال و ما يعرف أساميهم غير أبو فلان ) قلت له: أنا السنة هذه هي سنة التخرج خلاص ، ما أبغى أوجع راسي أكثر من كذا .. يكفي اللي تحملته معك سنوات و لحد هنا و كفاية من جد ، بس موضوعها لازم تثبت لي العكسسسسس .. و لا أنا من جهة و إنت جهة أنا قفلت عالموضوع معها و خليتها تتأدب و أعطيتها كلام في العظم ، بس مو معناها إني مصدقتك إنت كمان قالي ابشري ، بأجيب لك رقم أخوها .. و إلى يومنا هذا ، ما جاب الرقم .. مع العلم إنه زوجي كم مرة ألاحظه يكون مرات الحق معه ، بس يوم ينحط في موقف مواجهة ، يصير الحق مع الشخص اللي أمامه ، مثل مرة كان يكلم الملحقية و الحق مع زوجي ، و المشرف طول لسانه عليه ، و قلت لزوجي بعدين إنت كيف سكت له ؟ الجق معك إنت ، قول له كذا و كذا و كذا .. خشششش بعينه .. زوجي سكت دحين من هذاك اليوم ، زوجي يوم شاف إنه بيتنا كان بيخرب من جد ، لإنه يومتها كان الموضوع بالفعل مو لعب و أنا انهرت لكن ما بينت لها و كنت واثقة من نفسي أمامها .. زوجي عند وعده من كل النواحي اللي وعدني إنه يتغير فيها من سنة ،، سدد كل ديوووووووووونه و ارتاح و اخر دفعة بيدفعها هذا الشهر ، و تعلم إنه مستحيييييييل يطلب من أحد فلوس ، صار صريح معاي ، و ما يكذب علي ، كنت أقول له ما راح أكلك .. نتناقش سوا و بعدين اقتنع و صار كويس معاي ، يهتم في البيت و فيا و يتحمل المسؤوليات ، و تقرب من ربنا أكثر بسسسسسسسسسس و لكن .. كل ما أفتكر الموضوع هذا ، افتكر إني قلت لزوجي .. هذا الموضوع ما راح أنساه و راح أرجع أفكرك فيه لحدددددد ما تجيب رقم أخوها ، إذ من جددددد صادق .. الموضوع هذا مسبب شرخ في داخلي كبييييييييير .. كرهت زوجي من يومها .. و كل ما أفتكر الموضوع هذا أقول خلاص بأتطلق منه ، اللي فكر في يوم يبيعك ،، كيف كرامتك تخليك تجلسي معه ؟ بعدين افتكر إنها لو كانت صادقة ، كانت أقل شئ كلمته على جواله اللي جلس معاي كم يوم و جات تشتكي لي زوجك شتمني بالجوال و ماتدري هي إنه أنا اللي أرسلته لها عشان أشوف إيش ردة فعلها ؟ مية تساؤل و تساؤل .. أبغى أحد فاهم ، يحلل اللي حصل .. و االله يجزاكم خير بأغيب يومين و أرجع بس مو معناها مطنشة الموضوع ، عندي اختبار الأسبوع هذا في المعهد |
هذي وحده كذابه وتبغى تخرب بيتك
نصيحه لاتصدقينها وتخلين كلامها ياثر في علاقتك مع زوجك باي شكل من الاشكااال وانتي ماشفتي اي دليل على انها صاادقه فليش تتعبين نفسك وتدخلين الشك في حيااتك بسبب انساانه ماتعرفيها الا بالجواال نصيحة اخت لك تنسي الموضوع وتفتحي صفحه جديده مع زوجك دامه وعدك انه يتغير وشفتيه بعينك تغير لو انفصلتي عنه ايش راح تستفيدين والحين احنا دخلنا على العشر الاواخر اكثري من الدعاء بان الله يسخر لك زوجك وينسيك السالفه هذي وانسي البنت هذي واخوها ولاعاد تطالبي زوجك يجيب رقمه ولاشيء عيشي حياااتك واستمتعي ولاتخلين مين ماكااان ياثر على سعادتك مع زوجك قالت ايش انصحك ماتطلقين لو هي صاادقه ماقالت زوجك يكلمني ويبغاااني كلامها متنااقض ويدل على الكذب مدري كيف سمحتي لوحده مثلها تحاااول تخرب بيتك ووواضح من اسلوبها وحركااتها انها كذااابه الله يرضى عليك انسيها وشيليها من بالك بالمرررررررررره انتي اعطيتيها اكبر من حجمها وسمحتي لها بخرااب بيتك التفتي لبيتك وزوجك ولدراستك واختباراتك الله يوفقك يارب ويريح بالك ويسعدك مع زوجك يارب |
لي عووده ان شاء الله لان في بعض الكلام يثبت انها كذابه
وراح ابين لك ان شاء الله |
عقلي يقول انها كذابة عشان شفت التناقض و عشان كذا رديت عليها في الأخير و دعت علي دعاوي
اليهودي ما يدعيها علي ، بس عشان قلت لها احترمي زوجي و قولي ابو فلان ،، يعني هي تغلط و أنا ارد عليها بإحترام لحد ما دعت على بنتي دعاوي من غير سبب .. أنا وقتها اللي من جدددددددد خلاص ما خليت لا صغيرة و لا كبيرة و خليتها تتوب .. و قلت لها إن ما وقفتي عند حدك أنا بنفسي أجي عندك و أخليك تعرفي كيف إنه االله حق و أسحبك للسفارة تتفاهم معاك و الباب انفتح لها لإنها كانت تطالب بفلوسها و كان ممكن ارجعه لها بنفس اليوم ، بس زوجي كان لازم وقتها يتعلم إن ديونه هو يسددها ( عشان يتغير و يعرف يعتمد على نفسه ) و هذا اللي صار دحين و الحمد لله إنه مستحيل ياخد فلوس من أحد و الحمد لله أنا من زمان يدي في يده و أشيل ثقل البيت معاه يووم شفت إنها زودتها ، قلت لها هاتي رقم حسابك و لا عاد تتصلي و ترسلي شئ و حقوقك رجعت لك صارت تتصل و تنصح وووو إلخ ، و كلامها اللي كانت تقوله ، فهو بالفعل صار بيني و بين زوجي .. مثلا اشترى سيارة نوعها كذا .. نقلنا من هنا رحنا لهناك ، هي تعرفها .. ؟؟؟ هذا اللي أثار فضولي وقتها .. زوجي قال ، مادري إنه اخوها كل شئ يحكي لها و إنها تجمع أخباري منه ؟؟؟؟؟ قلت له طيب أخوها هذا فينه ؟ لإنها تقول ماعندي أخ و زوجك و أنا اتفقنا نكذب عليك .. كل رسالة ترسلها من بعد ما رجعت فلوسها ، كنت مباشرة احذفها و ما أقراه .. كل مكالمة تتصلها ارفع الخط و اخليها تتكلم و الجوال بجيبي ، لإني قلت لها لا تخسري حالك و تتصلي ، ما راح أسمع .. لإنه القافلة تسير .. |
كل رسالة ترسلها من بعد ما رجعت فلوسها ، كنت مباشرة احذفها و ما أقراه .. كل مكالمة تتصلها ارفع
الخط و اخليها تتكلم و الجوال بجيبي ، لإني قلت لها لا تخسري حالك و تتصلي ، ما راح أسمع .. لإنه القافلة تسير .. تعتقدين لو عندها سالفه ... بتلاحقك هكذا؟ :) |
يا قلبي عليكي بالغربه شو نتحمل الصعاب
يقولون الغربه مره وانا اقول الغربه مرار من اللي نشوفو مع ان البلاد اللي نروح عليها حلوه انما الحمد لله يا قلبي لنفرض انها كذابه ولعابه ولكن زوجك هو اللي ضحك عليها واخذ فلووووس وويمكن للاعبها شويه بالكلام وهي ما صدقت نفسها ثاني شي والاهم من هذا كلو ان زوجك وقت جد الجد وكنتي رح تتركيه استقام وسدد كل ديونه والافضل انو انتي تستلمي مدخوله وتعملو ميزانيه مع بعض انسي كل شي ولا تنكدي على نفسك ولكن بنفس الوقت اتركي الرادار شغال يعني افضلي ورا زوجك احسن يوقع نفسه بمصيبه ثانيه ومن ثم ليه الدعاوي على بعض انتي وهي المفروض انتي مسلمه ومتعلمه وووو وماشاء الله واعيه هي الغربه رغم مرارتها تعلمنا القوه والصمود والتحدي انتبهي على زوجك اكثر من الاهتمام بالناس وكلامهم خلي زمام الامور بيدك دائما بكل شي ولكن ابتعدي عن السفاه بالكلام والدعاوي ومن ثم غيري تلفونك انتي وزوجك ما في اسهل من الامور شريحه جديده ورقم جديد وايميل جديد وخلاص لا تنسي الدعاء في العشر الاواخر :اللهم اصلح لي زوجي ولا تكله الى نفسه طرفة عين |
هذا وقتج عشان تفتحين مع زوجج صفحة جديدة
وتعيشين شهر عسل ثاني وخليها تنحرق بالطقاق |
والله أنها كادبه فلا تهدمي بيتك
لو كانت صادقه لما اتصلت فيك أنت...بالعكس هي معجبه بزوجك وتريد التفرقه بينكم بالنسبه لسياره وغيرها من السهل معرفتها فهي أشياء ظاهره أختي فكري كثيييييييييييييييييرا لو زوجك يحبها أويبيها لما أحتاجت الى أن تتصل بك أنت أنسانه فاهمه وحكيمه فلا تتركي لشيطان ولمثل هده الحقيره التلاعب بك الدليل أنها كادبه مازالت تعاود الاتصال والتشكيك به... بالعكس عاملي زوجك افضل من قبل لأن زوجك انسان يحمل الكثير من الاخلاق الحسنه |
أختي الفاضلة
هذي كانت تبغى حقها وأخذته خلاص أقطعي السالفة من جذورها وشيليها من راسك ولا تظني بزوجك ظن السوء ولا عاد تأخذين معها ولا تعطين هذي تبي تفسد بيتك . هي كذبت في أشياء وصدقت في أشياء والآن تريد إفساد زوجك وبيتك وإلا وش مصلحتها وش كل هذا الحرص ؟ عيشي مع زوجك حياة جديدة وانسي الماضي وانسي موضوع المرأة هذي وعندنا مثل يقول : ( السفهان يقطع المصران) اسفهيها : يعني طنشيها ولا تعبريها زوجك لديه مواصفات طيبة , وركزي الآن على إصلاح الأخطاء فيه حاولي تعالجي موضوع الكذب وحاولي تعالجي مسألة مواجهة الناس بالحق والله يعينيك ويوفقك قد يكون لديها مآرب آخرى .. الله أعلم بها ... لكن لا تصدقي شيء إلا أن يكون عندك واضحا مثل وضوح الشمس وإلا فالشك سيدمر بيتك |
اقتباس:
جوال زوجي كان معاي و ماتصلت هي و لا مرة ، و يوم ارسلت لها رسالة من الجوال .. تاني يوم تجي تشتكي لي و تقول زوجك ارسل أمس يسبني من جواله ( و ما قالت إنه مدح فيا طبعا و ما تدري إني أنا اللي ارسلت لها ) زميلتي الخليجية ، اعطيتها رؤوس اقلام فقط .. عشان ما أعرف البنات اللي كذا كيف يفكروا ؟ قالتلي نفس الشئ ، هذه وحدة ما عندها سالفة ، لو زوجك معطيها وجه ما كانت دقت عليك أصلا طيب إيش بتستفيد هي ؟ إيش بيفكروا هذولا اللي كذا ؟ |
اقتباس:
صارت و كتبتها ، عشان كذا ما اختصرتها ، لإنها زي كذا تمر في بالي زي الفيلم و يمكن يوم إني كتبت دحين ، بينزاح نص الهم و ارتاااااااااااااااااااح دحين إذا مرة مرة مرررررة الموضوع جاء في بالي و قلت لزوجي احلف يضحك و يقولي من جدك إنت مصدقتها ؟ و يقولي خليك بتخربي بيتك بنفسك اقوله كان اتفاقنا وقتها بتجيب لي اثبات ، يقولي ما أاعرف اسم أخوها بالكامل و لازم الإسم الثلاثي عشان الإستعلامات يعطوني هو ، و يقول استناه يدق على جوالي السعودي ؟؟؟ و ياليل ما أطولك |
اقتباس:
تدري؟ لو المشكلة كانت تخص لوحدة تانية كنت أقنعتها مية باالمية إنه البنت هذه كذابة و حتى صاحب المكتب ، قال هذه مريضة نفسيا و كل شوي تطلع لي بواحد تقول كلم أبوي و مرة تقول كلم أخوي ، و تدعي علي دعوات كأني واحد كافر ؟؟؟؟؟؟؟ لكن بجد ، باب النجار مخلوووووووووووووووووع فيديني الله يخليك ، زوجي انسان صامت ، هادئ ، خجول ، ما يحب يناقش و لاشئ يقول كلمة وحدة و يخليك في حيرة ، مو من الناس اللي تناقش و تعطي اسباب منطقية و يوم قريت عن شخصية الرجل الجنوبي ، عذرته انتظرك |
اقتباس:
جديدة ، و تجينا حكاية هذه ، كأنه ابليس يقول و الله ما اخليكم تتهنوا زوجي من يومها وعدني بوعود كثيرة و كلها نفذها الحمد لله ، بس مو عشانها هي لإننا نقلنا وقتها لمدينة ثانية ، و قالي بس ننقل و تشوفي انسان ثاني من يوم الموقف هذا تعلمت كيف أطننننننننش و أسفه أي انسان في مثل تفكيرها لإني زمان كنت أخد و اعطي مع الشخص و اسمع له للأخير .. بس تعلمت من يومها |
صدقيني لو زوجك معطيها وجه مادقت عليك بس هي حطت 300 باوند حجه عشان تدق كل شوي على زوجك وترسله فصدقيني زوجك ماله علاقة فيها وهي تعبت مع زوجك ومن القهر والغيره ان زوجكم مااعطها وجه حبت تخرب حياته وتقهره مثل ماقهرها وانتي بشكك حققتيلها الي تبي وبعدين ليتك ماذكرتي القصة كاملة ماتدرين يمكن تشوف كلامك وتعرف تحركاتك وتعرف الحين انتي كيف تفكرين
نصيحة كل ماتجيك الفكرة استغفري وانسي الموضوع وعيشي حياتك مع زوجك وباين زوجك شاريك |
يا قلبي عليكي
انسيها هذه وسواس شيطان وقت تمر ببالك استعيذي بالله من الشيطان الرجيم واحمدي ربك انك كنتي واعيه ولم يخرب بيتك يمكن هي معصبه لانها مطلقه يمكن ظروفها صعبه وعندها اكتآب نفسي الله يحفظ لك بنتك ويحميها من كل شر انسي الماضي واكثري من الاستغفار وغيري نمرة التلفون انتي وزوجك هذه فقط لتخرب بيتك طالما انك تعرفين زوجك واحس من كلامك انه على الفطره ليس عنده تلاعب وخرابيط لذلك لا تدعي نار الغيره تقتلك وتنكدي عليكي عيشتك ومثل ما قال زوجك تخربي بيتك بيدك يا قلبي الغربه صعبه والاماكن جميله اخرجو من البيت غيرو جو وعيشي حياتك واستمتعي بها واضحكي نحن من نصنع السعاده بايدينا ولا تصنع لنا ولن تأتينا على صحن من ذهب اذا لاحظتي الاعضاء الموجودين اربعه مغتربين انا وانتي والمغترب 1 والمغترب 84 وطبعا باقي الاعضاء عاملين تجمع للمغتربين اضحكي يا قلبي ومن قلبك وابتسمي وفكري بابنتك ونريد طفل ثاني تلعب معو البنت دائما رددي اللهم احفظ لي زوجي واحفظني له انا لاحظت من كلامك انه والحمد لله رب العالمين ماديا تقريبا استقرار وباقي دفعه واحده ويخلص الدين وزوجك ما عندو خرابيط بنات وكلام وخيانه (وهذا سبب وقوعه بالفخ لان قلبه ابيض ) ومن كلامك زوجك بيتوتي ويحبك باقي شي الشيطان يبحث عنه ليخرب عليكي الاستقرار وانتي يا قلبي سدي على ابليس اللعين الطريق واضحكي وافرحي ورددي الحمد لله رب العالمين الذي اذهب عنا الاذى دايما ردودي طويله |
اقتباس:
و يجامل على حساب نفسه و دمه خفيف، يعني يخلي الشخص اللي قدامه ياخد مقلب في نفسه ، و كم مرة ساعد هنا أزواج صحباتي و صحبتي تقولي مثلا ، زوجي مرة معجب في زوجك و يمدح فيه لإنه يخدمه كثير :: تحليلي وقتها :: جاء في بالي إنه احتمال إذا فرضا أخوها موجود على وجه الأرض ، يكون فرضا تعامل مع زوجي بالجوال لإنهم كانوا في مدينة ثانية ، فيكون مثلا أخوها لإنه أصغر منها عمره 21 مثل ما فهمت من زوجي ، فيكون أخوها يحكي لها كل شئ تكلمه مع زوجي ؟؟؟؟؟ و يمكن يوم قاله زوجي بالمزح إيش تبغى من الزواج ، كل شوي تجيك الحرمة تقولك طلقني .. فهي قالت في نفسه ، خلاص لقيت لي صيدة سهلة و شافت أخوها يمدح في زوجي و قالت أكييييد إنه مو مبسوط مع حرمته و متنكد معها، فيوم أخوها سافر ، صارت ترسل على جوال زوجي رسايل بحجة تبغى فلوسها و لا تتصل عليها و ما يرد زوجي ، لإن زوجي على باله أخوها يبغى فلوسهم ،، وو زوجي مثل ما قلت إنه من طبعه كان إذا أحد طالبه بفلوسه يقوم يتهرب منه .. لإني يوم قابلتها في الطيارة ، كانت تسأل بإهتمام و كأنها تبغى معلومات عنه ماتدري إني زوجته و أنا غبية على طول قلت لها أنا زوجته كلها تحليلات لنفسي عشان كنت بأعالج نفسي بنفسي و أقدر أعيش حياة طبيعية أنا أجلت الموضوع سنة كاملة وو دفنتها بداخلي لإني كنت في سنة تخرج خلاص و قلت له كفاية لحد هنا تعبت و ما راح أضيع مستقبلي عشان وحدة ما تستاهل ، بس مو معناها إني نسيت الموضوع .. و دايم أمشي كل شئ و اطنش عشان ما أبغى مشاكل ، بس المرة هذه .. لازم أعرف فين أخوها و ماني ساكتة ،. و لا من هنا اتخرج و من هنا أروح من حياتك ، إذا إنك كنت تكلم وحدة و تقولها اليوم اللي تقبلي فيه بأطلق زوجتي ؟ فالله الغني عنك .. يقولي إنت من كل عقلك مصدقتها ؟ من كل عقلك يعني تتخيليني راح أعمل كذا ؟ ( طبعا زوجي حتى شخصيته صارت أحسن من قبل سنة، و تعلم كيف يواجه و يرد و ما يخاف .. شافني كيف أدافع عن حقوقي و كان يستغرب ، بس يقولي دحين ، تعلمت منك و حتى صرت أقدر أتناقش مع أبوي و اعرض وجهة نظري من غير ما أخاف مثل زمان ) :::: أنا متضايقة من نفسي لإني أبغى انهي الموضوع هذا نهائي ،. :بس بأفتكر الحكاية هذه مرةة في الشهر يوم اتنكد عشان موعد الدورة و اختلاف الهرمونات: بس أبغى انساه نهائي و كلامي معكم يريحني أكثر ، يخليني انتبه لنقاط ما كنت منتبهة لها و افكر بصوت عالي و ارتااااااااح |
يقولي إنت من كل عقلك مصدقتها ؟ من كل عقلك يعني تتخيليني راح أعمل كذا ؟
( طبعا زوجي حتى شخصيته صارت أحسن من قبل سنة، و تعلم كيف يواجه و يرد و ما يخاف .. شافني كيف أدافع عن حقوقي و كان يستغرب ، بس يقولي دحين ، تعلمت منك و حتى صرت أقدر أتناقش مع أبوي و اعرض وجهة نظري من غير ما أخاف مثل زمان ) :::: أنا متضايقة من نفسي لإني أبغى انهي الموضوع هذا نهائي هذا كلامك عن زوجك بشهادتك انك غيرتيه وانه في تحسن مستمر واصبح يتكلم ويدافع ووو وانتي قلتي ان الوسواس يأتيكي مره في الشهر وقت الهرمونات تعصبي ووقت الهرمونات تشتغل نطلع المشكل من تحت اظافرنا انسي يا حبيبتي والله تجيبي لنفسك الضغط الحمد لله عم تتخرجي ومتفوقه وزوجك قربك ويحبك وفي تحسن مستمر غيرتي نفسيتو للاحسن وهذا ان دل فإنه يدل على حسن تصرفك ووعيك وانك امرأه ناضجه حبيبتي اهم ما في الموضوع داخل بيتك اما من بالخارج والله لا ناظر اليهم وادعو الله سبحانه وتعالى : اللهم من اراد بي وبعائلتي السوء فاشغله بنفسه وارمي كيده في نحره كل شويه رح انط لك في الموضوع اتمنى انو تتقبلي كلامي بصدر رحب فأنا بالاخير اريد مصلحتك واتمنى لك الخير والسعاده اشتغلي وجيبي لنا بيبي صغنون يلعب مع اخته ويشغل تفكيرك |
اقتباس:
زوجي يقول كيف تبغيه يدق علي و أنا مغير رقم جوالي أصلا .. و هو قال بينزل السعودية فأعطيته رقم جوالي السعودي و أستناه بيوم يدق إذا نزلنا نسيت أقول ، هي كذابة ما طلعت مخطوبة و يوم قالت لي ترى الطلاق صعب أسأليني أنا ، بالغلط قالت ( أنا نفسي أتزوج أي شخص ) |
اقتباس:
و إن شاء الله ، ما ينتهي الموضوع هذا إلا و خلاص مسحته نهائي من حياتي بس لإني ما أعرف البنات اللي كذا إيش تفكيرهم ؟ و إيش يستفيدوا ؟ و ليه كذا يعملوا ؟ لو ما قابلت زميلتي الخليجية ، ما كنت عرفت إنه هناك نوعية من جد زي كذا زميلتي الخليجية قابلتها يوم نقلت على هنا، و زوجها أصلا يخونها عيني عينك الله يخفف عنها ، فشافت كثييييير في حياتها و هي أكبر مني و عندها اطفال ، بس ما قلت لها كل شئ بالتفصييييل بس بإختصار شديد لإنها تقول أيام مراهقتها كانت ( لعابة و تعرفت على زوجها بالحب و دحين تكرهه ) |
غاليتي..
1- هذه المراة تريد ان تصطاد زوجا، فكيف لها ذلك؟؟ عليها ان تختاره رجلا يعاني من مشاكل كثيرة مع زوجته لانها تعتقد انه سيسهل عليها اصطياده بكلام معسول،لانه ليس من السهل ابدا الايقاع بزوج على قدر كبير من التفاهم مع زوجته، وهي علمت من اخيها - ان كان اخوها او ايا يكن- ان بينك وبين زوجك مشاكل تؤرقكما.. 2- يبدو لي انها لم تلجأ للكلام معك او تهديد زوجك بالكلام مع زوجته الا بعد ان استنفذت كل محاولاتها معه وباءت كلها بالفشل، لذلك لجأت لخطة بديلة وهي ان تزرع بداخلك الشك تجاه زوجك وتزعزع ثقتك به.. 3- لو كان مبتغاها الحقيقي هو نقودها، لقطعت اتصالاتها معك بمجرد استلامها للمال، الا انها استمرت بالقاء كلمات على مسامعك من شأنها ان تكرهك في زوجك وتخرب لك بيتك، مما يؤكد لنا ان نيتها ليست سليمة البتة.. 4- اخيرا يا اختي الحبيبة هناك مثل عامي عندنا في بلاد الشام يقول: انت بدك العنب ولا بدك تقاتل الناطور؟، يعني هذا المثل ان ما يهمك هو النتيجة النهائية لكل ما حصل، فهاهو زوجك ولله الحمد غير من طباعه، وتوقف عن الاستلاف ورد الاموال لاصحابها، اعلم يا اختي كم استنزفك هذا الموضع وكم استهلك اعصابك وتفكيرك، الا ان النتيجة كانت لصالحك، ورب ضارة نافعة.. اعطي زوجك فرصة وثقي به ولا تهدمي بيتك.. |
اقتباس:
بالعكس ، ردودك شاملة ماشاء الله و الله يجزاك كل خييييييييييييييير |
اقتباس:
الحمد لله و الشكر ، و الله صادقة ، بس ماعرف ليه الشيطان كل ما يجيني من مدخل أوقفه بس ذا المدخل استسلم له و أسمع له .. هي ما تصير مشااااااكل بيني و بينه ، بس تعرفي الرجال كمان يطفش إذا كل شوي فتحتي نفس السيرة و ما أحب أكون زي كذا ،، بس أجلس أقول إيه كذب عليك و صدقتيه ، قال اخوها و ما أخوها و صدقتيه الشهر هذا من جد اكتشفت إنه زوجي مرات يكلم ناس أصحابه و ما يعرف إيش أساميهم كنت أقوله مستحيل تكلم شخص و ماتعرف حتى اسمه ، يقولي و الله صاحبي فلان ما أعرف إيش لقبه يقول أخوها كان يدق علي يسألني أسئلة عن الدراسة ، عن الجامعة و القبولات و كنت أتكلم معه و بس اللي اعرف عنه إنه خلص الثانوية و لسى ما كمل جامعة و عمره تقريبا 21 و رجع السعودية و هي قالت لي كمان إنه أخوها اللي كان يتواصل مع زوجي ، تاني يوم انكرت و قالت يكذب عليك و أنا ما عندي أخوان أصلا |
يارب تنسن هالسالفه ترى ما هي الا خررراب لبيتج ونفسيتج
لا تخلين مجال للشياطين تهدمه ما ادعي ع مخربه البيوت مثلها الله يهديها وان ما نفعت وياها الهدايه يارب افنيها الحمدلله انج مو من الحريم اللي ينقص عليهم تبارك الرحمن عليج عرفتي تتصرفين واعتقد زوجج بيفتخر فيج خلج حكمه وتكري هالموضوع كان اختبار لج ولزوجج قلتي ان رفيج زوجج قال انها مرت تقول انها اخوها ومره انها ابوها امكن مجذبه ع زوجج ومخترعه فكره انها اخوهاا عشان تتعرف ع زووجج اكثر وتعرف بعض من تفاصيل حياتكم وتمسكها عليكم عشان انتي تثقين فيها ابارك لتصرفج تبارك الرحمن عليج وعلى قدرتج وصبرج لو غيرج تطير لزوجها طلقني وووو االخ انتبهي تكررين الموضوع لزوجج لانه يجيب الهم وبعدها يحس انج ما تثقين فيه مرا افتحي قلبج وجدديه واستانسي بوقتج واحمديي ربج الاختبار عدا ع خير وها انتي ويا زوجج وبنتج عسى ربي يسعدكم ويخليكم لبعض ويحفظكم من كل شر نصيحه وقت الدورة اللي فيها تتذكرين القصه حاولي تغيرين جو مع زوجج وبنتج برا البيت ومع حفلات بسيطه تقربكم من بععض وتحسسكم بالامان والثقه وهي انسيها وانسي بلاويها وانسي لحظاتها واعرفي هالاختبار لكم للتقربون من بعض الله يححفظ زوجج من كل شر ويحفظ بيتج كاهو تغير لا تتغيرين عليه وتتذكرين الماضي وطيبته اللي كانت بتهدمه ياللا تعلمي انتي وياها شلون تتصرفون وت الشديد الله يخليكم لبعض ويبعد عنكم الشر زوجج وانتي كنتوا بتخربون بيتكم افتخروا باللحظات هذي اقلبيها بدل لا تكون لحظات اليمه تذكري انكم صبرتم ووثقتكم بتصرفكم الله يسعدكم تذكري لو عقلج ضعيف وشخصيتج ضعيفه شكنتي راح تسوين لا تخلي الشيطان يزن بعقلج وتفكري وايد ولا تحسي بوقت الفراغ لانه يجيب الهم والتفكيييير باللي في وما في تحياتي لج |
أاختي هي أرادت أن تعيشين في قلق وتريد أثارت الشك في زوجك لكي تحصل على ماتريد...
فعلا هاهي تقطف ثمار مازرعت....فهاأنت مازلت تريدين رقم أخوها مع أن لديك دلائل كثيره على أثبات برائة زوجك.. صدقيني أنت في حرب مع الشيطان أما أن يغلبك أوتغلبيه .....فهده وساوس أكثري الاستغفار وراجعي نفسك واجلسي لوحدك وقولي لنفسك هل لو صدرت الشكوك من زوجك نحوكي هل ماتزالين في عصمته؟؟؟ لكي تتغلبي على هدا عليكي بالدعاء لزوجك بأن يغفر الله له...كل ماأتت على بالك الوساوس حسسي نفسك بأنكي تظلمينه ولا ترضينه لنفسك فقولي اللهم أغفر لزوجي اللهم أغفر لزوجي وعليكي بعدها بالاستغفار حتى ينزاح عنكي الهم وبعدها لن يقربك شيطان.. |
الحد لله انك مقتنعة انها كذابة لان كلامها متناقض جدا, وانا اقرأ في البداية عرفت انها كذابة وقلت في نفسي ان شاء الله ما يكون بيتك انخرب بسببها لان تأليفها للكذب واضح ولا اظن انك تحتاجين للدليل لانك ما شاء الله عليك ما ينضحك عليك بسهولة وتقدي تعرفي الصادق من الكاذب, و مثل ما حللتي شخصية الجنوبي يكون كذا يخاف انك ما تصدي ومن خوفه يبكي لان ما يعرق شو يقول وانتي تفكري انو لو ما عامل شي ما كان بكي يعني تفكري انه ندمان انا اعرف هذا الاحساس تماما من خوفي اني ما اعرف اوصل الفكرة وان ما احد يصدقني ابين اني متندمة على فعلتي او عاملة شي وبخبي
ان شاء الله بتنس الحكاية والحمد لله انها ما حصلت على مرادها ولا تدعي مجال للشيطان يدخل بينكم لا شياطين الانس امثالها ولا شياطين الجن اللي يوسوسلك وقت الدورة ويذكرك بالموضوع ويخليكي متخوفة الله يديم المحبة وما يفرق بينكم |
كذاااااااااااااااااابه
صدقيني كذااابه ولو زوجك معطيها وجه ماكان ضلت تلاحقك لو زوجك يحبها زي ماتقوول ويبغى يتزوجها اكييد ماكانت بتقوولك حتى تاخذه منك بس هو مو معطيها وجه عشاااان كذا قالت تخرب بيتك وبعدين تاخذه منك شوي تقوولك زوجك يحبك ومحترم!!!! وشوي تقووول انا خايفه عليك زوجك بيضحك عليك ويبغى يطلقك!!!! بس ينتظر موافقتها!!! وانتي ذكرتي انها قالت بتمووت عشااان تتزوج!!!! فليش ماقبلت فيه لو هي صادقه الحين نجي عند الاشياء الي خلتك تصدقينها وهي فاتورة الجوال وزجك قااال اخووها وهي في البدايه قالت اخوها لو هي صااادقه ماكااان قالت اخووها كااان من الاول قالت لك ان زوجك بيكلمها!! بس رجعت بعدين قالت لك انه كاان يكلمها !! ليش هذا التناقض !!!لانها كذاابه!! وماتخطط لكذبتها من بدري كل شوي تطلع لك بمواال... اما كيف عرفت انك بتقولي لزوجك طلقني ممكن صدق زي ماقال زوجك وعن بقية اخبااارك اكييييد هي بتاخذ اخبارك انتي وزوجك من اي احد عشاااان تمشي كذبتها يعني نصيحتي لك لاعاد تصدقين هالاشكااال لو عندها دليل كان قد ارسلت لك من دون ماتتعب نفسها عشاان تصدقينها وهالاشكال اذا مالقت الزوج معطيها وجه تجيي على زوجته وتبدا تلعب بعقلها لو هي ضامنته ماالتفت لك ولاكلمتك لانها ضامنه انه يبغاها!!! اختي يرضى عليك شيلي هالسااالفه من بااالك وانتبهي لبيتك لاتخربه هي واشكااالها |
اهم ما في الامر ونسيت ان اطلبه منك
مش كل شويه تجيبي القرآن ويحلف لك عليه لا يجوز الحلف ربما لا سمح الله سوت له نفسه بشي وحلف بعدها او خان العهد وهذا عقابه كبير عند الله سبحانه وتعالى ومن ثم الاعمال هي التي تشعرك بصدق زوجك معاملته لون وجهه وقت تتكلمي معه خروجه كثيرا من البيت والغياب طويلا من غير سبب واحجه هل يجلس لوحده على النت وغرفته مغلقه هل يجلس بعيدا عنك ووقت يأتيه اتصال هل يذهب لغرفه ثانيه ويتكلم فيها وبصوت خافت زوجك على الفطره واي مقلب لا سمح الله اوقفي قربه واخرجيه منه لانه حياتك وعمرك ووقت توقفي له وتسانديه تكوني وقفتي ودافعتي عن عمرك وحياتك وليس عن زوجك فقط |
السلام عليكم و رحمة الله وبركاته
توقعين وحدة تبغي توقع واحد بحبها تطالبة و تزعجة على خمسية ريال ما تدخل عقل انتي انسي خلاص السالفة المشكلة انتهت سواءً كانت كذابة او صادقة زوجك وعندك وهي اشطبيها من حياتك لكن انا عندي سؤال ليش تعاملي زوجك باسلوب المحقق حتى لو كان كذاب لا تحققي معه نصيحة كوني لينه علشان ما يجذبة شخص آخر غيرك . |
الله يوفقك و يسعدك يارب .. اختي هذي شكلها وحدة تبغى تخرب بينكم و شكلها هي الي تطارده .. وانتي اكيد اعرف مننا بزوجك مادام هو تغير كثير عشانك و يحاول يحافظ على بيته نصيحتي تغافلي عن الموضوع لأني ادري ماراح تنسين بس حاولي تتغافلين و تكونين منتبهة لأي شي يصير بدون ما تفتحين الموضوع لزوجك مرة ثانية و حسسية انك ملاحظة تغيره للأفضل و شجعيه و اتقربي منه .. شكله زوجك طيب و فيه خير كثير فمادام تغير لا تخربي بيتك بكثرة الشك و الزن لأن الرجال مايحبون هذا الطبع ودايما ادعي وقولي اللهم اكفنيها بماشئت هي و كل من يريد خراب بيتي والله يستر عليكم ويخليكم لبعض
|
بأضيف شئ ، أنا أعرف ايميلها و رقمها و اسمها بالكامل و اسم عيلتها و أبوها و المدينة اللي أهلها فيه ، و المدينة اللي
تدرس هي فيه و اسم الجامعة و أعرف ناس في نفس الجامعة اللي هي تدرس فيها و اعرف حجمها و طول و عرضها بس هذا كللللللله ما همني ، لإنها ما تهمني ، بالسهولة قدرت أطلعه بنفسي و من غير أي مجهود .. و لو أبغى أوصل لعنوان أهلها ، أقدر أجيبه ،. بس هي ما تهمني أبدا لإنه القهر و الحسد كان باين في صوتها .. ::::: الشئ الثاني ، هي عرفت إن زوجي عنده سياارة و باعها و إننا نقلنا ، لإنها يوم ارسلت اخر مرة تقول ( أبغى فلوسي ) زوجي رد إنه الشهر الجاي بأرجعه علشان نقلنا و بعت سيارتي و ماعندي دحين .. فهي استغلت المعلومة هذه عشان تقولي إنها تعرف معلومات عننا ، و شفت بالفواتير رسالة وحدة فقط أرسل مثل ما قال لي زوجي .. ::::: اخر شئ ، اليوم اللي نقلت هي للمدينة الي كنا عايشين فيها أنا و زوجي قبل عشان تبدأ دراستها هناك و هي ما تدري إننا نقلنا ، كنا نحن نقلنا من أسبوع من المدينة هذيك من غير ما نقول لأحد ، فزوجي لو مثلا مثل ما حضرتها تقول كم مرة يحاول يقابلها ( و زوجي مو من ذا النوع أعرفه ) فكانت الفرصة أمامه فرضا ، لإننا نقلنا و قلت له خليك إنت و الحقنا تاني يوم بعد ما تخلص اجراءات انهاء عقد السكن و كذا و ما رضي يخليني لوحدي ، و حتى مافي أي مكالمات و لا رسايل من جواله على الرقم من شهرين قبلها .. و زوجي قال إنه أخوها من شهرين سافر و الفواتير اخر اتصال كان من شهرين فكان ممكن يتصل يوم إنها نقلت على مدينتنا اللي كنا عايشين فيها ،. ::::: سؤال : أنا ليش أسأل حالي كذا ؟ لإني حددت من سنة فترة لزوجي ، إذا تخرجت بأفضى للموضوع هذا و دحين بأدفنه غصب زوجي مطنش الموضوع مرررررة ، و يقولي إنت اللي اعطيتيها أذنك ::::: عقلي يقول خلاص كل شئ واضح وضوح الشمس و مقتنعة 100 بالمية ،، بس قلبي .. و إن شاء الله بأخلص من الموضوع نهائي بأسرع وقت .. هو شئ نفسي و داخلي .. يمكن الشيطان مثل ما قلتوا يبحث عن أي مدخل بيننا و مالقي غير ذا الموضوع |
| الساعة الآن 04:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©