|
كيف أخبر صديقتي بمن يريد خطبتها
السلام عليكم ورحمة الله وبركاته
انا فتاه متزوجه وبحاجه لمشورتكم عندي صديقه غير متزوجه وتريد الزواج ولكنها لاتستطيع ان تصرح برغبتها لاحد ولكنها دائما تدعي الله ان يرزقها بالزوج الصالح خطرت على بالي فكره بان اسعى بالبحث لزوج صالح عنها وعرضت يباناتها في احدى المواقع الموثوق فيها ماادري هل تسرعت لكن لقيت لها شاب طيب وراغب بالزواج منها بشرط ان لا يخبرها ولا يخبر اهلها كيف تعرف على مواصفاتها من خلالي او من خلال موقع للزواج المهم الشاب جاد ويبغى يتقدم لها بس يبغى طريقه حتى اهله ماراح يقولهم اني عرفتها عن طريق الموقع بيقول زملائي في العمل دلووني على اهلها لكن اهل البنت ايش نقولهم لانهم اكيد بيسالون ويعرفون انه مو عن طريق زملائه الحين الي ابيه منكم كيف الطريقه الي يتقدم فيها للبنت وايش يقولهم عن طريقة معرفته فيها الرجاء منكم اخباري بطريقه ممكن اهلها يصدقونها لان البنت واهلها مايعرفون اني انا صديقتها بحثت لها عن زوج ولا ابغاهم يعرفوون بانتظار ارائكم |
يقولهم عرفني عليكم أهل الخير ..
|
الحل بكل بساطة هو ان يتعرف علي زوجك ، و يدعي بعد ذلك ان زوجك هو من دله علي صديقتك ..
حل بسيط جدا جدا |
و الله اعلم ان كان هذا كذبا محرما ام لا
|
مافية واحد من اصدقاءة متزوج يقولهم ان زوجة صديقة مدحتها لهم شفتها بمكان عام واعجبت بشكلها وجابت معلومات عنها بس ماتعرفها معرفة شخصية
|
بصراحه غلطتي بهالحركه ومالك اي حق انك تسوينها دون ماتستاذني يمكن هي ماترضى بهالشي
مدري بصراحه شنو اقولك بس حاولي تعطينها خبر ماتدرين يمكن يصيرلها شي بسبب هالمواقع بصراحه |
اقتباس:
الحل بكل بساطة هو ان يتعرف علي زوجك ، و يدعي بعد ذلك ان زوجك هو من دله علي صديقتك .. حل بسيط جدا جدا هذا الحل صعب لان زوجي مايقدر يتعرف عليه والا هو حل جيد و الله اعلم ان كان هذا كذبا محرما ام لا ان شاء الله مايكون من الكذب استغفر الله العظيم من كل ذنب عظيم شكرا لك على النصيحه مافية واحد من اصدقاءة متزوج يقولهم ان زوجة صديقة مدحتها لهم شفتها بمكان عام واعجبت بشكلها وجابت معلومات عنها بس ماتعرفها معرفة شخصية افضل حل ممكن يكون هو انسب شكرا لك بصراحه غلطتي بهالحركه ومالك اي حق انك تسوينها دون ماتستاذني يمكن هي ماترضى بهالشي مدري بصراحه شنو اقولك بس حاولي تعطينها خبر ماتدرين يمكن يصيرلها شي بسبب هالمواقع بصراحه لا ان شاء الله ماتتضرر من الموضوع لاني حطيت بياناتها في موقع موثوق مو حي الله موقع وباذن الله ماراح تتضرر والخاطب ماراح توافق عليه الا لما يسالوا عنه من كل النواحي واذا فيه خير بتوافق ادعوا لها وادعوا لي |
والله ياختي انا ماارتاح ابد ابد لمواقع الزواج
للأسف غالبية من يدخل لهذه المواقع يبحث عن علاقات وصداقات انا من رأئي ابحث بين صديقاتك اذا كان وحدة عندها اخو في سن الزواج وعلى خلق ودين فأذكري صديقتك لها وخليها تذكر البنت لأخوها ... |
صحيييييح
صحيييييييح هذا افضل حل برايي
انا من رأئي ابحث بين صديقاتك اذا كان وحدة عندها اخو في سن الزواج وعلى خلق ودين فأذكري صديقتك لها وخليها تذكر البنت لأخوها ... |
اختي بكرة لما زوجها يعايرها انها بتحط بياناتها هنا وهناك ويتهمها انها ورا االموضوع وانك بس للتموية
سيكون كله في ذمتك... اتق الله ولا ياتي الخير بهذه الطريقة ان قبلت كان بها وان لا يبقا لا |
بصراحه ياختي حركتك ابد ابد مالها داعي
وترى مايجوز لك ابد انك تعرضين بياناتها على شباب حتى لو كانو يريدون الزواج من دون علمها واذن منها انتي ماتدرين عن نيتهم ولا هم منهم اصلن ماتعرفين عنهم ولا شي واذا تبين الخير لصديقتك دوريلها واحد من معارفكم ولا اخويا زوجك يكون ثقه ورجال معروف مو من موقع زواج وتعرضين معلومات البنت وهي ماتدري من وراها مااتوقع فيه ولا بنت فالدنيا بترضى بالي سويتيه وانا لو مكان صديقتك وسويتي معاي الحركه هذي ممكن ازعل عليك زعله كبيره وبيطول رضاها يااختي ترى الارزاق بيد الله وهو الرازق وحده مو متوقف رزقها على احد عشان توصلينها لمرحلة مواقع ومادري ايش والله يرزقها من اوسع ابوابه اعذريني اذا قسيت بالكلام بس بصراحه انا من قريت الموضوع عصبببببت وانقهرت لان حطيت نفسي مكانها واحب لناس مثل مااحب لنفسي |
صديقتك تعرف تدخل لوحدها وتدور عريس في هالمواقع
لو ان الفكرة مقتنعه فيها |
شكرا للجميع
وانا فعلا حاسه اني تسرعت وافكر الغي هالخطوه عاد الله يكتب لي الي فيه الخير دعواتكم ان يهديني الله الى الصواب |
جزاك الله خيرا وبارك فيك لكن كما يقال ليس كل مجتهد مصيب
-المفترض تستأذنين منها أولا -إذا أنت جادة بالفعل أعرضيها على إخوانك عمانك خوالك أقاربك ومعارفك -أو على زوجك هههه أما عرضك على النت فهذا خطأ فالنت فيه المتردية والنطيحة وما أكل السبع الخلاصة أعرضيها على أقاربك المقربين -أو استأذني منها وقولي لها هناك مشروع بن باز لتزويج البنات هل ترضين نسجل أسمك فيه فاذا وافقت حطي رقم والدها أو أمها مع ذكر مواصفاتها وشروطها كاملة وهم يتولون الامر بكل سرية تامة واعرف كثير ممن تزوج عن طريق هذا المشروع الخيري وجزاك الله خيرا مرة أخرى وكثر الله من امثالك |
طيب دامك تحبينها هالقد قولي لزوجك عليها ويمكن تتفاهمين واياها والله يكثر من امثالك (أمزح معج )ق
ياختي انتي شو عرفج ان الشاب كويس هالقد وبعدين تاخذينها بذمتج |
مافيها شي خليه يتقدم واهل البنت راح يسئلون عنه واذا كويس راح يوافقون عليه .
قولي للرجال يقول لاهله ان زوجه صديقه قالتله على هذي البنت لكن خليه يوصي اهله انهم اذا راحو لاهل البنت يقولون فيه ناس اهل خير دلونا عليكم , ترى عادي كثير تصير. ترى اذا الامر خير راح يتيسر لاتحاتين وان شاء الله ان الموضوع يكون خير |
شكرا للجميع الي شاركوا بموضوعي
انا بصراااحه كنسلت الموضوووع خفت بدل ماكوون سبب بسعادتها اكوون سبب في شقائها وقررت اني اكتفي بالدعاء لها ونعم بالله ارجو من الجميع الدعاء لها ولجميع البنات المسلمات بالزوج الصااالح استغفر الله العظيم من كل ذنب عظيم |
| الساعة الآن 06:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©