|
قطعت اتصالاتي بخطيبتي فرفضتني
قصـــــة مظــلوم ؟
انا خطبت من عند ناس بعيدين عنا بعض الشي - يعني انا من قبيلة وهم من قبيلة اخرى عن طريق زميل معي بالعمل دلني عليهم ومدحهم كثير الله وفقنا وتمت الموافقة والخطبه وحضروا الناس وباركوا وفرحوا لنا وسوينا الملكة بعد ثلاثة اشهر وكنت اكلم خطيبتي لمدة شهر او اكثر مبسوطين ومرتاحين - وفجأة اتصل على ابوها وقال لي لاعااااد تكلم بنتي او تتصل عليها ( ما عندنا هذا الكلام ) سالته عن السبب فرفض يخبرني واخبرته ان هذا الشي يمكن يزعل خطيبتي فقال مالك دخل ( احنا نزوجك البنت في الوقت اللي اتفقنا عليه وبس )- وانا كنت خارج المنطقة في دورة عمل - ولما انتهيت من عملي ورجعت الى الرياض اتصلت في خطيبتي تفاجأت ماترد علي نهائياً وارسلت لي رسالة بالجوال قالت انا ما ابيك خلاص طلقني انا كرهتك ما عاد اابيك - وصار كلامنا بالرسائل فقط - فحاولت مراراً وتكراراً ارضيها بكل طريقة بالرسائل والهدايا وطلبت منها تقابلني في بيت اهلها يمكن نقدر نتفاهم احسن من الجوال فرفضت رفض جازم جدا وقالت مستحيل تشوفني او اكون زوجة لك ........الخ ) وبعد تدخل ابوها وامها قال لي ابوها بكل وقاحه بنتي ماتبيك زوج لها - فاخبرته انه هو اللي طلبني اقطع المكالمات فما عطاني فرصة اتكلم او ابرر موقفي وهجم على وقال اش اسوي لك البنت ماتبيك,,,,, وانا بصراحة الان موقفي قدامها سيئ جدا واخبرتها ان ابوها اللي طلب مني اقطع المكالمات فللاسف ماصدقتني ووقفت مع اهلها ضدي - وانا ماكنت السبب في المشكلة اصلاً - للآسف الآن صرت في نظر خطيبتي مقصر ومخطئ , وما ادري كيف اسوي معها ؟؟؟؟؟ |
اخي .. لا تتعب نفسك
انت شاب وتعمل وقادر على ان تجد 1200 فتاة غيرها المشكلة اننا نعيش في مجتمع يعيش في سبات دائم اتركها .. واسحب اموالك التي اعطيتها كمهر وغيره ولا تعد لها مرة اخرى ولا تتصل عليها ولا تجيبها ان اتصلت عليك وتوكل على الله وابحث عن غيرها البنات بعدد رمال الارض |
ياخوي اللي يبيعك برخيص بيعه بتراب
ولا تركض وراها خلاص دور لك على بنت حلال تقدرك وتحطك على عينها وراسها اما هذي شوف وش تبي اذا طلاق طلقها قبل لاتتوهق معاها الله ييسر لك امرك |
والله ما قصر الاخوة .. فعلا طلقها و لكن بعد ما تحصل علي مهرك و تطلقها لا تنسي رد الاهانة لابيها .. فقد كان يستطيع ان يطلب منك الطلاق باسلوب مهذب ..
|
وش دعوى !!!!!!!!! لا أكيد هم واصلهم كلام اسألهم تأكد المشكله مو على المكالمات ترى يمكن في ناس تخرب عليك!!!!
البنت لو قطعت فيها ماتوصل انها ماتبيك وترفضك ومادري ايش أكيد فيه سبب اما أحد مشوه سمعتك أو مخرب عليك وبعض الناس ماتتحرى بالهمواضيع وتصدق!!!!! نصيحتي تأكد قبل اتخاذ قرارك واذا مافي سبب اتركها وربي بيعوضك موفق |
و بفرض انه هناك شخص قام بالوقيعه بينهم ، كان من المفروض ان يواجهوه بذلك و يعطوه فرصه للدفاع عن نفسه ، قد يحدث هذا بعد الزواج و بعد ان يكون لديه منها اطفال و بعد ان يكون اعطاها قلبه و حياته ثم تسمع وقيعة احدهم فتطرده من حياتها ببساطه ، طبعا هذه الشخصية لا تصلح رفيقة للدرب ، و طلاقه لها خيرا له ..
|
اخوي لا تتعب نفسك ولا شي دام هي قالت لك ما تبغاك خلاص مالك فيها نصيب
لا تبحث عن سبب المشكلة لانك انت راح تتعب في النهاية دام انكم مو قرايب و لا تعرف هذولي الناس تمام خلاص ايش لك بعوار الراس على قولت المثل ابعد عن الشر وغني له في بنات كثيرة محترمين واهاليهم محترمين الله يوفقك اخوي ^_^ |
ياعزيزي
أسأل الله ان يجبر بخاطرك ويشرح صدرك أولا لا تنسى أن تردد لاحول ولا قوة إلا بالله ثم قل إنا لله وإنا إليه راجعون اللهم أجرني في مصيبتي واخلف لي خيرآ منها. وبعدها ردد الحمد لله على أقداره وقل شر وأبعده الله عني وخير وسيأتي به الله إلي. مالك علي حلف اني مريت بموق مشابه لموقفك ( مشابه له مو مثله بالتمام ) أول يومين كنت أحسب ان يطق فيني عرق واموت من القهر خصوصآ اني كنت مظلوم واللي بلس علي كان يكذب ولكن الحمد لله هم يومين ماتعدوا وارتاحت نفسياتي وتأكدت وأيقنت ان البنت موش من نصيبي عشان كذا تفركشت السالفه لو انها من نصيبي والله غير تجي غصبن عن أهلها وعن الكل لو تركض ورا هالبينت على يدينك ورجلينك ثم تركض على أسنانك ماراح تاخذ الا اللي الله كاتبها لك لذلك ياعزيزي هد اللعب وبرد أعصابك وخذها نصيحه من مجرب لا يجيك مني بقس أ م ز ح لا لا لا تعصب علي ياحبيبي لكني والله حاس في شعورك ورجعتني سنه وكم شهر للوراء أيام ما مريت أنا بموقف مماثل والآن أحمد الله ليلآ ونهارآ على ماكتب لي من خيرات وعقبا لك بالحياة السعيده |
طبيعى تحزن اخى بس عين خير وتأكد ان الخيره فيما اختاره الله لك انت رجل مجال الاختيار واسع امامك والله يعوض عليك بوحده تكون لك الدنيا كلها وتكون لها حياتها ... |
يمكن أنهم من النوع المتزمت جدآ .. المتحجر ! .. اللي مآيرضون بالمكآلمآت وغيرهآ وزي مآقآلوآ .. أتركهآ وبتلقى غيرهآ .. ولآتيأس .. :) الله يوفقك ويسخر لك الزوجه الصآلحه يآرب.. |
اشكر الاخوان اللي شاركوني بالموضوع وما قول غير الشكوى على الله انا دخلت الاهل في الموضوع وان شاء الله تنحل المشكلة بهدوء - ونصيحة مني لكل شاب بيتزوج اذا شفت ابو البنت واحد عله ومايتفاهم وكل همه بنته يعني مايقدر وضعك فمن الافضل ان تتركه لانه يعتبر انسان اناني ومايحسب قدر وقيمة للرجال فاللي مايقدرك لاتقدره لا هو ولا بنته - والبنت يجي غيرها 100 بنت حتى لو انك تكبدت خسائر من شبكه وهدايا وغيرها - اسحب مهرك والله يعوضك بخير منها0000 تحياااااتي للجميع
|
الله يعوضك العوض االصالح
|
خاب الرجاء - شاكر للجميع على الرد
شاكر للجميع على الرد والشكوى على الله انا دخلت الاهل بالموضوع وان شاء الله تنحل المشكلة بهدوء في هذا الشهر الكريم - ونصيحة مني لكل شاب بيتزوج ,,, اذا شفت ابو البنت انسان اناني ومايقدرك يعني اهم شي عنده بنته بدون مايهتم لظروفك فنصيحه ابعد عنه باي طريقة لان دام هذا اولها كيف بعد الزواج
لو صارت ابسط مشكلة بينك وبينها اش بسوي بعدها ,,,, اسال الله التوفيق بالنجاح في هذا الزواج او الطلاق في اسرع وقت ... تحياااااتي للجميع للمشاركة |
اقدر وضعك النفسي تماما ، لكن نصيحتي اسحب عليهم واتركهم عنك ، هذا اولها يارجال احمد ربك واشكره اللي صارت هالسوالف قبل الزواج ولا كان تتعب من جد ،،،، الناس بايعينك وانا اخوك نصيحه ترى الزم ما على الرجال كرامته يالغلا .
تحياتي لك |
البنات تارسات البيوت:d
لاتيأس وابدأ البحث من الآن وربنا يوفقك ببنت كذا :22: |
بسم الله الرحمن الرحيم ...
قول الحمدالله الف مره ان ربي ماكتب بينكم الفراق بعد اولاد وعشره طويله الي هذي اهلها وش تبي فيها الله يعوضك يااارب ويقوفقك ويفتحها بوجهك ان شا الله بس زي ماقال احد الاخوان ردمهرك ودور غيرها (من عافنا عفناه لو كان غالي )....... |
اخي انا اري انها لا تستحقك فانت فعلت ما عليك فعليه لربما هي لم تعد تريدك و الا ماكانت تركتك بهده السهولة هدا مو سبب اصلا عشان تطلب منك الطلاق بصراحة انا اشوف في الموضوع تدبير من جهة الاهل و انهم ما يبوك ولدلك احسن لك تدورلك علي بنت الحلال الي تستاهلك و تصونك وتحافظ عليك و ماتفرط فيك ابد ولو مهما صار و سامحني ان كانت كلماتي قاسية بعض الشي
وفقك الله يا اخي |
الي ببيعك برخيص بيعوا بالتراب
|
كلام الاعضاء صحيح
وصدقني يمكن خير لك ومن اولها تنفصلو احسن من بعدين عسى ان تكرهو شيئا وهو خير لكم والله يعوضك بالافضل |
| الساعة الآن 04:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©