|
خلي نفسك بهل الموقف شنو سوي ؟؟؟؟؟
سلام عليكم ورحمه الله وبركاته تخيل نفسك بهذا الموقف شنو سوي المهم حبيت اشارك بهذا الموضوع واريد رايكم الموضوع هو بصراحه في شخص خطب بنت على سنه الله ورسوله واول كم يوم يعني بصراحه كان احلا ايام كل العاده وراء بشهر يعني صارت البنت ما تتصل على خطيبها وتقول لخطيبها الي يبيني يعرف رقمي وتقول ان لو ما نكلم بعض احسن على شان لاصير مشاكل لان خطيبها يتصل عليها ويقوللها ليش ما تتصلين علي من حقي انك انتي تتصلين علي وسالين عني وهيه تقول مو ضروري ؟؟؟؟؟؟ بصراحه اريد رايكم |
يسعـــــــــــــدني اكوون اول من يرد على موضوعك
بصـــــراحه شيء غريب -بايــــن من كلاامها اخووي انوو احد نااصحها يقوول كثر المكالمات تسبب مشااكـــل انا مثلك اول ماانخطبت صاريكلمني خطيبي باليوم مرتين والكل لاحظ وصاارويقولون لي ترى كثر المكالمات تسبب مشااكل وماادري ايش انا بصراحه مااسمعت لاحدمادام حنا متفاهمين --بس المهم انت خلها فتــــره ورااح تشتااقلك وتنسى الكلام اللي انصب برااسها وترجع احســــن من قبل الله يتمم عليــــكم ويسعـــــدكم |
حد لاعب براسها .... اتغلي عليها و اثقلي و من الكلام هذا
الحل .. ببساطة تصارحها تقول لها يابنت الناس انا مو عاجبني وضعنا .. شكله حد نصحك نصيحة مش بمكانها ... لو تضلي على كدا فمعناه انك ماتحبيني و لا تبيني .. خلاص كل واحد بطريق >>>>مجرد تخويف و اخيرا بين لها ما تحب منها و اللي منتظره .. و انه فعلها هذا يقلل حبك لها و ان شاء الله تتفهم |
الله يطول بعمركم والله انا قلت حقها ان جذي مو عاجبني بس هيه معانده وتقول انا مافيني غلط
|
يمكن من النوع اللي ماتحب المكااالماات اصبر عليها شوي
|
والله ان كان الهدف من المكالمات هو التعارف و كانت امها تجلس بجوارها اثناء ذلك فاعتقد انه لا يوجد مشكلة بل علي العكس .. كيف اتزوج فتاة دون ان اتعرف عليها جيدا .. ؟
|
مشكوريين على ردكم الحلو وحياكم
|
بصراحه اخوي انتو تطلبو نتصل واذا اتصلنا خلاص ينسى الحبيب انه يدق
يقول هي بتدق وانا عن نفسي نفس حكيها وقلت له انا ما اتصل بصررررررراحه تامه اكثرشي لانو بالنسبه الي احراج ادق ويا اصحابه هو واهله وايرد واهو عندهم يحاجني جني رجل و يصرفني ويستهبل علي اسبوع واحد اهتميت عقبها كبيته اهو ان اشتاق دق وربي يصبرنا وبعد انه صاريعتمد انا اتصل وانتو (طنشني الحقك واطنشك تلحقني) هذي الحجاية ماشي سوقهاهليومين ولاتزعل هذا رايي واي سؤال حاظره |
عادي انا ما اكلم خطيبي الا في الضروره يعني كل اسبوع مره
والوضع عادي عندي اكلمه او لا === ترى مو كل البنات يحبون المكالمات وخصوصا اول ايام الملكه |
اخي انته لا تتصل بيها اتركها
وهية راح تتصل بيك وحتى الزواج لا تستعجل |
اذا مابينهم عقد شرعي فهو الافضل عدم الاكثار من الاتصالات
اما اذا بينهم عقد شرعي فلا بأس والافضل الاسراع بالزواج |
اذا عرف السبب بطل العجب
^_^ |
بصراحه انا اتصل عليها كنت كل يوم والحين قطعت الاتصال لان هي ما تتصل يعني ما مقصر معاها
|
أخوي ..أي شي يزيد عن المعقول ينقلب ضدهـ..
يعني في الأسبوع مرتين حلوهـ تقبل تحياتـــي.. |
يالللللللللللللله ناس تتصل ومو عاجبها وانا اتمني بس لو يرن علي كل اسبوع بس فانا اعاني من نفس المشكلة بس بالعكس احمدي الله انه يحب يتصل عليك
|
حصلت معايا اني اول ما انخطبت وكنت اراسل خطيبي ع المسن ورسايل ع الجوال
اهلي قالوا لي قصري حتى لا تحصل مشاكل كثر الكلام يجيب المشاكل بس ما اهتميت والحمد لله الامور تمام فيمكن خطيبتك سمعت هالكلام وخايفة الله اعلم |
واله مادري محتار والمشكله ماقدر اتكلم معاها اله بالتلفون
|
يعني انتم عقدتم على بعض والا فقط خطبة؟؟
|
| الساعة الآن 01:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©