|
ارغب بالزواج ووالدي رافض
السلام عليكم ورحمة الله وبركاتة
بدون مقدمات سوف ادخل بالموضوع بداية مشكلتي مع ابي عندما كنت ادرس الهندسة بالخارج وجلسة حوالي سنتين ادرس وبعد مرور السنتين اتصل على ابي وقال لي تعال خل الدراسة عندك خوات وانا لا استطيع ان البي طلباتهم لكبر سني عندي اخ اكبر مني لكن لا يعتمد عليه بشئ لانه انساااااااااان صاااااااااايع اخر شي يفكر فيها اهله وسفرات وخراب وسكر وصراحة انا اخاف على خواتي منه لانه يتعاطا؟؟؟؟ المهم انا رجعت للسعودية ولي تقريبا سنتين الحمد لله الحالة المادية عندنا فوق الممتاز واشتغلت في مكتب ابي (مقاولات) المهم جلست في السعودية ولا كملت دراستي جلست عند خواتي ادير المنزل وطلباتهم وسفراتي معهن المهم انا اخواتي عددهن 3 قلت لابي اريد ان اتزوج يا ابي رفض وبقوووة قال اذا تزوجوا اخواتك تزوج قلت له يا ابي وما المانع ان اتزوج سوف ادير البيت مثل ما كنت وسوف اتزوج واسكن عندك بالبيت خواتي فرحن بخبر زواجي وبدو يذهبون الى ابي لاقناعه بزواجي والوالد لم يرضاء فماذا افعل ابي مع العلم ان ابي زعلان مني حتى الان لرفضي عريس لاختي قبل حوالي اسبوع بس رفضته لسبب عندما سئلت عنة الكل يقول انة رجل خربان وليس صالح انا ليس قصدي بصالح يعني متدين لكن رجل من قوم اخوي الكبير واختي الثانية انا خطبت لها ولد عمي ووافق ولد عمي وابي رفض يقول الاقارب عقارب وهذا ابن عمي رفيق دربي وانا اعرفه اكثر من نفسي وليس هناك ما يعيبة مهندس بشركة سابك وعندما تحققت من ابي لسبب رفضة قال لي انه سوف ياخذ بنتي معه للرياض وانا قربت منيتي ما ابيكم تبعدون عني (بعد عمر طووويل يااااااااااارب) فتكفووووون ما الحل انا محتااااار مع والدي ابي اراضيه وابي اتزوج انا يعني انا عندي شهوة اريد حنان اريد ان اكون متزوج انا فيني جفاف عاطفي والله العظيم اني اذا رئيت رجل وزوجتة ادعي لهم بالسعادة وبنفس الوقت اكون مقهور لاني ما اقدر اتزوج انا عمري 28 سنة اريد الحل تكفوووون |
وعليكم السلام ورحمة الله بالنسبة لأبوك يحتاج أنك تأخذه باللين والهدوء وتقنع فيه برأي رجل لرجل .... وتذكره له المبررات لكل مسألة تختلف فيها ذلك وتخبره بأنك عصاه اللي ما تعصاه أم المسائل المتعلقة ولا تتصادم معه كثير فقط أخبره برأيك ومبرراته وكن واثق فهو إذا شف ثقتك وإصرارك بيرتاح بداخل نفسه وبيشوف أنك افضل من بيقوم بالبيت وإن شفت أو عرفت شخص يؤثر فيه فممكن تستعين به وتشرح له ما تريد حتى يؤثر بوالدك المهم لا تتصادم معه .... خذه باللين هو محتاج ويرى لك تأثير فلا يتستثيرك رفضه بل خذه بطولة البال وتلقاه يبدأ يوافقك ... المهم أشعره أنه له أهمية وأنك خادمه وإنك على قد المسؤولية تجاه أهل بيتك .... وكثر من الإستغفار لعل الله أن يفرجها لك أنت في أيام فضيلة وفرصة عظيمة لطلب والسؤال من رب العباد والله يعلم نيتك ويتقبل دعائك ويفرج همك عزوبي بس رجل |
حاول تقنع والداك بالرفق واللين وإذا لم يفيد ذلك
فأرسل عليه شخص عزيز على والداك يكلمه عن زواجك بطريقة غير مباااشرة >> بمعنى لا يوضح انك انت الذي أرسله .. ونسأل الله لنا ولكم التوفيق .. |
اشكرك اخوي اعزوبي واختي مطلقة بس لو تغيرين هالاسم الي يحوم الكبد
انا صراحة خليت خالي يتكلم معة بس مو راضي ونا صراحة اخاف اني اتجة للحرام ومهنا اسهل منة بس يبي يفرجة ربك اشكركم على اهتمامك |
الإ الحرااام يأخي وين خوف الله ووين الصبر ؟؟
وكلم والداك بنفس منطق ماكلمتنا و صدقني يزوجك بكرة .. نوصيك وانفسنا بالأستغفااار والدعاء بجوف الليل وبإذن الله يأتيك الفرج .. |
الحمل ثقيل عليك
الله يعينك وينولك كل اللي تتمناه يمكن خايف ابوك انو زوجتك تسرقك منه ومن اخوتك انت حامل مسؤولية اب وابناء من غير زوجه فرج الله قريب ورضا الله من رضا الوالدين اكثر من الاستغفار والاستخاره بنية الزواج لك ولاخوتك البنات وان شاء الله بعد الاستخاره لا تعلم كيف يأتي الفرج بعدها وتتيسر الامور اكثر الله من امثالك |
تم النقل إلى القسم الأنسب.. |
تزوج مسيار ، مطلقة او ارمله حتي يفرجها الله من عنده ..
|
اكثر من الاستغفار والله مفعولها سحر وصدقنى حق الله على العبد الذى بريد ااعفاف ان يساعده
صدقتى استغفر وراح تشوف امورك كيف صارت بس ادعو لى |
اقتباس:
|
عادي تزوج بالسر ريح مزاجك وبعد فتره اذا شفت الامور تمام اعلن زواجك
|
اشكركم على تفاعلكم معي
اختي مطلقة . انا مؤمن بمقولة الدقة بدقة ولو زدت لزاد السقا بس مالي الا الصبر وربك يفرجها GREEN222 . جزاك الله خير ومثل ماقلت مالي الا الصبر good man2000 . صحيح انت رجل ممتاز لكن بافكارك مش ولا بد لاني انا عندي قناعة شخصية ان المراة ليسة لعبة ولا اداة اخذها متى ما اشياء واتركها متى ما اشاء لاني انا ما ارضا كذا بخواتي يعني اخذها وذا واقف ابوي اتزوج لا لو تزوجت على مطلة راح استمر معها المحبة لاستغفار . الله يوفقك وجزاك الله خير رسيـــل . صدقتي وبعدين دكتور المنتدى . حبيبي انت دورت وفكرت بالموضوع بس فكرت قلت كيف اتزوج بالسر معناها اني اذا تزوجة ما راح اعطيها كامل حقوقا فبلاش ما اتزوج |
أخوي الكريم ترى مشكلتك مشابهة لمشاكل غيرك من الشباب خاصة إذا وقف الأب بطريق زواج ابنه فما لك إلى طولة البال والإقناع والدعاء له والإستغفار الكثيييييير بعدين خذه بالنقاش العقلي والمقارنات مثلاً قله يا أبوي خواتي ما قصرن بكره بتروح وحده وبعده التالية واللي بعدها لبيوتهن وأنا أفضل أن أتزوج حتى ألقى من يقف معي ويسندني ويريحني وبالتالي أساعدك في عملك وصرفك على البيت ... ثم قله بالنسبة للخاطب اللي مصر أبوك عليه أنك يا أبوي ما ترضى أنه يكون عندنا اثنين من مثل اخوي وأنت تعرف حال أخوي الكبير - الله يهديه - ما ناديتني من برا وقطعت دراستي إلا أنك ما لقيته عندك وهو أهملك فبالله عليك هل ترضى شخص اخر بنفس حال أخوي يتعب أختي ويبهذلها وحنا سألنا عنه ونعرف حاله !!!! وإذا قالك عن ولد عمك أن الأقارب عقارب ، فرده عليه بثقة إذا ما حاله زين وكفؤ فما ينبطق عليه المثل ووذكره بأنه ما في فائدة لما نسعى ورا خواتي ونترك دراستنا ونرعاهم وبعد كذا نزوجهم لواحد ما يستاهل!! على كذا ما كأننا ما سوينا شيء لهم وضريناهم وضريـنا أنفسنا وجبنا مشاكل أكبر لنا وبدل ما نرتاح نجيب التعب والهم لنا ومن هالكلام ... اطبخها صح بعقلك ولا تتوقع من جلسة واحدة بيتجاوب معك ، خذ على فترة هدوء وتفكير وكررها وقل له أننا كما نسعى لإسعاد خواتي فسعادة خواتي أنهم يريدوني اتزوج وممكن تسألهم <<<< ودبر الموضوع معهن .....!!! وأخبره أنك ما تبغى مشاكل من تزويج اختك بغير الكفؤ وحل مشاكل وكذلك ودك تتزوج حتى ترتاح لأنك أعجبت شغلة المقاولات وشغلك مع أبوك <<<< وهذه ركز عليها وكررها على أذنه تراه ينبسط !!! ويأمن على حلاله ويرتاح لأنه بيلقى من وقف جنبه وبعد طولة العمر على الطاعة من بعده ... احسبها برأسك وقبلها استعن بالله في دعائك وأكثر من الإستغفار ..... عزوبي بس رجل |
حبيب قلبي عزوبي والله يالغالية ما قصرت
وراح افعل ما قلت لي شكرا لك ياخي وسوف اخبرك بالجديد |
لا بالعكس كامل حقوقها ونص ... ترا الزواج بالسر زواج عادي بس اهلك مايدرون ... واذا وضحت لهم لاهلها السبب راح يرضون والله يوفقكك
|
ليس لك الا طريق واحد وباب واحد تطرقه وهو اكيد تعرفه واذا كنت تقدر
تتجهد في العشر الاواخر من رمضاااان وتكثر من الاستغفار وتتحرى ليلة القدر وان شاء الله تبشرنا قريبا |
اقتباس:
وش هالكلاااام يأخي الفاضل ؟؟! |
ياشباب ترا موضوع اني اتزوج بالسر أنا من رئيي الشخصي مو زواج
اما زواجي من مطلقة او ارملة ماعندي مشكلة بس انا من حقي افرح بليلة العمر اذا صار زواج بالسر احس اني داخل شقة من شقق البحرين ونتم افهمو قصدي واشكركم جميعا على اهتمامك |
| الساعة الآن 09:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©