|
مشكلتي .... جمال زوجي
انا فتاة على قدر من الجمال و(كنت) على ثقة كبيرة من نفسي
تقدم لي احد الشباب وفي يوم الشوفة فوجئت بكونه بارع الجمال .. أعني ان جماله ملفت ماشاء الله عليه واخذت امي تغمز وتهمس بجماله .. وبعد بحث واستخارة تمت الموافقة بدأت مشكلتي من قبل الزواج في ملكتي جاء الناس يهنئوني بعد خروج العريس والكل يمدح عريسي وحسن اختياري في الوقت الذي اردت ان تكون الاضواء كلها لي خطفها مني -دون قصد منه- لم اكن ابالي في البداية ولكن بعد زواجنا صار يستحيل الخروج معه .. انا اللي اعرفو الشباب يطالعو في البنات في الاسواق والمجمعات بس دايما يسير معانا العكس فملامحو الاوروبية تلفت الانتباه عليه وكم مرة انتبه البنات يطالعو فيه ويتغامزو واللي يحرق دمي انو مافي اعتبار لوجودي :19: هو مرة خجول وعلى طول يحمر لمن يشوف كدة ويقوللي انت احلى من كل البنات وهادول اصلا ماعندهم خجل ولاحياء وانا عيني ماتشوف غيرك والله ماسرت اخليه يلبس ثوب واحنا خارجين .. يلبس بنطلون عشان يحسبو اجنبي ويتركو في حالو ! حتى امي تفرق في معاملة ازواج اختي ودايما زوجي بكفة والباقيين بكفة وتقول انو زوجي مميز وحلو !! وهادا يجيب الخصام والغيرة بيني وبين اخواتي :mad: والله ياناس يمكن تحسبو الموضوع هين بس مع الايام بيزيد حبي لو وتزيد غيرتي عليه وماسرنا نخرج الا ونرجع متخاصمين بسبب الموضوع دا .. والله انا مو مقصرة معاه في البيت اتزين واكشخ ما ابغا عينو تزوغ هادا واحنا لسة ما عندنا اولاد كيف لمن احمل وجسمي يتغير واتخن !! :( اخاف الشيطان يوسوس ويقول ايش مقعدني وانا الف وحدة تتمناني هو الحمدلله طيب مرة وحنون ويصلي ما اشوف عليه عيوب الا شكله !! لو اقدر كنت قلتلو يغطي وجهو :d فقدت ثقتي بنفسي وزهقت من مقارنات الناس بيني وبين زوجي !! تتوقعو ايش الحل ؟؟ |
لا حول ولا قوة الا بالله
يعني اذا تزوجت الوحدة وسيم مو عاجب واذا تزوجت قبيح مو عاجب.... اذا طلعتوا لوني وجهة بالاسود ... واذا رديتو غسلية وبكذا ترتاحين |
حبيبتي .. اولا الف مبروك الزواج ربي يديم بينكم المودة يارب
غاليتي البنات الوقحات الي يطالعوا فيه برى ما ياثروا فيه اذا كان ما اثروا فيه وهو عازب و راح خطب وحدة بنت ناس شرواك كي بيأثروا فيه وهو متزوج؟؟؟؟ خلي ببالك انه يستحقرهم و صدقيني بطريقتك هذه انتي اللي بتطفشيه .. كثرة الغيرة و النكد تطفش الرجال اذا طعتوا سوى مالك دخل من اللي يطالع اهم شي هو غاضض بصره و خلاص الموضوع راح يكون صعب بالبداية لكن عودي نفسك و هذبيها على الصبر و التحمل و التطنيششششش خلي سوالفك معاه سوالف حلوة ضحك ووناسة .. حب و اعجاب .. سواء و انتو برى او اذا رجعتوا .. و لما ترجعوا البيت اشكريه و قولي له كم انك استمتعي بالطلعة معاه الجمال مو شكل .. فا حتى لو الوحدة فاااااائقة الجمال لكنها نكدية .. الزوج يتعود على شكلها الخارجي و لكن يمل بعدين من طبعها و غيرتها .. اتعوذي من ابليس و لا تطشي زوجك بالغيرة و المشاكل اللي مالها داعي و عيشي معاه احلى ايام حياااتكم اضرب لك مثل باحدى قريباتي .. متزوجة برجل ماشاء الله عليه وسيم و هي فعلا اقل منه جمالا ولهم 10 سنوات الان و يموووت فيها الله يديم عليهم السعادة يارب و السبب انها طيبة جدا معاه و بشوووشة لابعد درجة حياتهم كلها ضحك ووناسة ربي يسعدهم و ما تنكد عليه .. بالعكس هي اللي تلبسه و تعطره و تكشخه و تقول لازم تكون على سنجة عشرة :) وهو مبسوط طبعا و يحبها و لا عمره شاف لحد غيرها ... اما بالنسبة للوالدتك ... فا كلميها بينك و بينها و فهميها انه هذا الشي يخلق حساسيات بينك و بين خواتك و ان شاء الله تتفهم موقفك .. الله يسعدك حبيبتي |
والله ماسرت اخليه يلبس ثوب واحنا خارجين .. يلبس بنطلون عشان يحسبو اجنبي ويتركو في حالو
ههههــــــــــ:d بنات ابليس مايخلون حد بحاله !!! حسبي الله عليهم !!! انتي لاتنبهينه ع الموضوع وتخلينه براسه !!! |
لو اقدر كنت قلتلو يغطي وجهو
هههههههههههههههههههههههههه حلوه هذي أختي مادام يخاف الله فلا تخافي عليه ولوكان جميل كيفما كان واتركي الغيرة الزائدة لاننها ستتطور الى الشك الذي هو مفتاح الإنفصال |
ما شاء الله .. الله يحفظـه و يخليـه لك حرام عليـك لا تهدميـن حياتـك بـ يـدك وشـ ذنبـه هو ؟!! دامه أخلاق و يخاف الله و ما يضايقـك بـ شي ليش تسويـن مشكله من لا شـيء !! أنا ماني شايفـه فيه مشكله الحقيـقه حافظـي عليه و على بيـتك لا تخلين أي شي يأثر على حياتـكم دامكم متفاهميـن (: الله يسعـدكم و يحفظكم من كـل مكروه |
مرحبا حبيبتي
انا مراح اطول عليك الكلام بس بقولك البنات لو يمشي واحد شكله عااااادي يطالعون فيه عادي صارو البنات بدوووون حيا وهذا شي مره كبير ومتعب بس حبيبتي تاكدي مافي رجال احلى من الحرمه لان المراءه تجمل حالها باشياء كثيره البس المكياج الشعر ولايضيق صدرك حبيبتي الله يجملك بعيونه ولاينظر لغيرك ياااارب ........................ |
الله يعينك والله
اللي عندنا ........... ونغاار عليهم فما بالك بجميييل |
اقتباس:
الجمال جمال الروح . هذا للي يدرك معنى الجمال !!!! |
غاليتى أعتقد جمال زوجك مافى أى مشكله المشكله
التى بحياتك عدم ثقتك بنفسك وعدم تقدير الذات حاولى تعززى ثقتك بنفسك من خلال كتب للتنمية الشخصيه أو أحضرى بعض الدورات عن الثقه بالنفس أياكى أن تشعرى زوجك بهذا الشعور لان غلط أن يشعر بذلك صدقنى أنت لو تقديرك لذاتك أرتفع سوف تتغبر حياتك وتشعرى بالأستقرار أتمنى لكى التوفيق |
السلام عليكم ورحمة الله وبركاته
الله يساعدج اختي..وجعله مايشوف غيرج الحمدلله ان الغالي ابو الغالي ماهو بمزيوووون...@ بالنسبة للبنات القليلات الأدب ولاتعورين راسج معاهم وتحاتين لفي ذراعج مع ذراعه وجريه بصوبج وغيظيهم..@ تقبلي ودي |
اقتباس:
اهم شي الاخلاق |
غاليتي لاتحزني ووتتضايقي علشان بنات مايستاهلو
طول ماانتي واثقه بزوجك خلاص لاتكبري الموضوع انا اجمل من خطيبي بكثير والكل يقولي الحمدلله انك اجمل منه علشان مايفكر بغيرك وانا بصراحه ماارضى عليه الحمدلله انا واثقه من نفسي ومنه وخلاص مريحه نفسي:d الله يسعدكم يارب... |
يااختي دام زوجك يخاف الله فلاتخافي استودعيه ربي والله بيحفظه لك
|
لا تخلين هالتفاهات تاثر عليك وعليه
واللي يناضرو في المجمعات تكفي نضرة حادة منك من غير زوجك مايحس والله يسعدكم |
انا اقلك العلاج الوحيد لحالتك ..قوي الوازع الديني في البيت ..حاولي تلتزمي انتي وزوجك زياده ..حاولي تدخليه في دائرة الدين العظيم هذا صدقيني هذا الدرع الواقي من جميع الشرور وقولي لامك ترا الحيا شعبه من الايمان وما يصير تصرح بفرق المعامله عشان الشكل امامك هكذا .....انا اسف لكن لازم الكل يفهم الصح من الغلط
|
جزاكم الله الف خير
وشكرا على الردود الحلوة انا احاول ما انكد عشان الرجال ما يحبو النكد بس بس حتى لو سكت ما اتكلمت يبان من تصرفاتي اني متضايقة ! وعلى قول البعض تقوية ثقتي بنفسي هي الخطوة الاولى مع زيارات للكوافير :) إن شاء الله اقدر افهم اهلي واهلو عن الجمال الداخلي عشان يبطلو يتمنو اولادي كلهم يشبهو ابوهم :( شكرا على النصايح القيمة الله يسعدكم دنيا واخره :22: |
والله يااختي لو انك اجمل منه بكثير
لكن اخلاقك شينه لاسمح الله لايراك شيئا لذلك لاينجذب اليك الى لأخلاقك اما شيء آخر لا لذلك اجعليه يحبك ومااقول لاتهتمي بنفسك لكن دون مبالغة وكأنك انت واياه في مسابقة تنافس من الأجمل لكن اهتمي به واريه اجمل أخلاقك وبإذن الله لن يذهب عنك وتزوغ عينه |
اصلا البنات مايخلو الشاب العادي بحالو كيف الجميل..اعوذ بالله من الوقاحه اللي فيها بنات هالايام
|
شوفي انا تقريبا زوجي مثل ماتوصفي تماما بس الحمدلله انا بشبهه كتير
يعني محدش احسن من حد حتي دائما بيوصفوه بالحليوه والابيض وكثير تسميات....... كنت زمان مثلك تماما حياتي كلها غيره وحزن ونكد بس فكرت ولقيت اني انا الي بزعل نفسي ينفسي الان بالعكس لما احد يمدحه بفرح وبقولهم فعلا هو زي القمر ووريهم اني فخوره به بس معاه دائما احسسه بثقتي الزائده في نفسي واحاول ما التفت للبنات لان البنت الغير محترمه تنظر لاي شاب سواء جميل او غير ذلك لان هذه عاده عندها |
اقتباس:
:25: |
يول شتريدين منو خليه علا راحتو
|
حلوه الغيرة لكن أي شيء يزيد عن حده ينقلب ضده
لازم تحسسيه أنك تثقي فيه وتثقي في إخلاصه لك كما أنه لازم يحس ويتأكد أنك واثقة بنفسك كثرة الطرق في هذا الموضوع راح تدخلي في عقل زوجك أشياء أنت في غنا عنها أستهدي بالله وطنشي ولازم تكون عندك ثقة بنفسك وزوجك الله يوفقك ويبارك في حياتكم |
الحل هو انك تجبريه علي اطلاق لحيته و اطالتها ، فاللحية تعطي هيبه و تجعل الاخريات يستحين منه ..
|
لابد ان تظهري ثقتك بنفسك امامه واعلمي انك خير عند الله مادمت تطيعينه وملتزمه بحجابك
وادعي الله ان يجعلك اجمل النساء في عينه ويكفيه بك عن غيرك من النساء وان يؤمنه من الفتن فالله خير حافظا |
قريبتي جميله ولكن زوجها ماشاء الله اجمل بكثير ووقت تكون قرب زوجها يختفي جمالها
ولكن ماشاء الله اصبح عندهم خمس اولاد لماذا ؟؟؟ لان ثقتها بنفسها واخلاقها لذلك الجمال جمال القلوب اتركي الغيره واشغليه باخلاقك وليس نكدك النكد يجعل زوجك ينظر للخارج وتلفتين له نظره ثم اللي تناظر لرجل وتتهامس عليه وهو مع زوجته هي انسانه تافهه وحقيره ومستحيل ينظر لها انا مكانك اضع يدي في يده وابتسم وامشي قربه لانه لي وانا اللي فزت به وينام قربي في الفراش |
ههههههه ياقلبي انتي عسااااه مايشوف غيرك
إسمعي لايضيق صدرك إلا كشخيه ورزيه وخليه جنتل مآاااان الله لايغير عليكم ويهنيك فيه خليه يكشخ تدرين ليش حتى مايتعقد وعشان الكشخه والرزه هيبه ماوحده تتجراء تقرب منه وغير كذا وإذا ناظروا به البنات خير ياطير قزيها نظره بنظره ~_^ ماااااااااعليك من نظراتهم وقحات اهم شي هو مايناظر .... الله يربط ع قلبك بالإيمان ويريح بالك ويجعلك قرة عينه وأحسن وحده بعينه |
والله صعبة
بس عادي لا تخليها في بالك |
شر البليه ما يضحك |
اقتباس:
والله ضحكت على الحل ههههههههههههه:17: |
حبيبتي انبسطي تنامين وتصحين على وجه يفتح النفس
ولاتشيلين هم وتكدرين خاطرك بس لاتحسسينه يغتر في نفسه زوجي من جماله الكل يعلق ولا احبه يروح اسواق وحده بس كمان اشوفها نعمه احمد الله عليها ارتاااااااحي وفليها معاه:22::22::22::22::22::22::22::22::22: |
أختي الكريمة
الجمال في اخلاقك وحسن تبعلك لزوجك ومعاشرتك له بالمعروف .....وتلبية متطلباته ومنها الجزء اللي تتكلمين عنه الهندام الشكل مو كل شي ولوكان زوجك قبيح او وسيم اذا ما لقى فيك التودد وحسن المعاشرة ولا راح يشوف غيرك المهم لاتهدي نفسك بدري وبكرة الناس يشوفك ويقولوا متغيرة من شدة الغيرة .. ارحموا انفسكم يابنات وفكروا ولو مرة بعقل |
بعض البنات عيونهن زايغة أكثر من الرجال
وش رايكم بالي يناظرن واحد مع زوجته وهو ملتحي مطوع ( بس وسيم ) ؟؟؟ ويتغامزن هذا أعجب وأعجب والفراغ وما يفعل .... يعني لا تخربين بيتك بمثل هذي المشكلة البسيطة |
بدأ رجال المنتدى يغيروا .. خخخخخخخخ
ماشاء الله الله يحفظه لك نفس الطريقه لقيت تخريب من جهتي ومن مين ؟؟ من قريباتي للاسف بس ما عطيتهن وجه والحمدلله |
اقتباس:
عزيزتي : ان منعت زوجي من مرافقتي في الاماكن العامه خوفا عليه من الفتن التي نراها ومن جرأة البنات التي تغلبت على الرجال مليون الف مره أسأل الله لهن الهدايه والصلاح لذا عزيزتي عززي ثقتك بنفسك ولا تدخلي هذه المشكله برأسه فتنقلب عليك مستقبلا لا سمح الله فكوني ياجبل لا يهززززك ريح وخليك عاديه وقللي أخذه معاك تحججي في اي حجه كونك تريدين الذهاب مع صديقاتك او اخواتك وادعي الله ان يحفظه لك وامك تفاهمي معها وبيني الضرر الي راح يحصل بينك وبين اخواتك وفقك الله |
بالعكس خليه يلبس الثوب البناطيل تحلي وتجمل اكثر:30:
مالومك ابداااا الله يبرد قلبك يارب |
ياحبيبتي ياروحي جمال الرجل لا يقارن بالمراة انا حاسة فيك وبغيرتك بس خليك واثقة من نفسك والدليل انه اختارك انتي وماراح يتزوج ملكة جمال ..حبيبتي لا تبيني لزوجك انه حلو وميزون اكتمي هالشى في نفسك وخلك واثقة من قدراتك انتي انثى ولا مجال للمقارنة من احلى انتي ولا زوجك
ضحكتيني الله يصلحك لما قلتي خليته يلبس بنطلون عشان يعرفون انه اجنبي اذا صار جميل بيطالعون فيه سواء اجنبي ولا هندي ..اكشخي وخلك على سنقة عشرة وجمال الروح هو المهم ولا ياثر عليك اي شى انتي بنظره ملكة |
أحم أحم نحن هنااااااا انا مثلا وسيم وكثييييييييييييير من البنات يعجبوا فيني ولكن انا ما تشدني اي امرأة ..فيه صفاات معينة تذوبني والله
|
مادام يخاف الله لا تخافي عليه لأنه لم يترك الشيء هذا إلا لله و لو أنه يحب المجال هذا ترك فكرة الزواج فأنا أضم صوتي للمشاركين بأن تحترمي زوجك و لا تتطفشينه منك بالغيرة الزايدةِ
|
| الساعة الآن 10:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©