|
احب خطيبي بس ..
السلام عليكم والرحمه على طوول بدخل ف موضوعي اسمحولي انا انخطبت من 7 شهور تقريبا والنظره الشرعيه كانت بتاريخ 1\27 اظن المهم انا اكلم خطيبي بالمسن ومسجات بالتلفون يعني بس كتابيا خلال هالفتره شفت عليه وايد اشياء 1. مره كنت اسولف معه عالمسن بليل واحنا متعودين كذا كل يوم لحد الساعه 11 اقوم .. عاد انا كتبت ايميله القديم في قوقل واكتشفت انه كاتب كلام فمواقع استغفر الله اباحيه جدن جدن وكلام شوي عليه وصخ وحاط ايميله وانقهررررت وكلمته بأسلوب جااف وماطولت معه كلمته بعصبيه وطلعت وسكرت الجهاز ..وهو كان مستغرب ويقولي شفيك يافلانه ؟ قلت له مافيني شي قالي تغير اسلوبك فجأه ؟ قلت له بعصبيه .. قلت لك مافيني شي غصب يعني ؟؟ .. ورحت الاعب قطاوتي .. ابوي طلع من غرفته وقالي للحين ماصارت 11 غريبه ليش قمتي ؟ طلع ؟ قلت له لا قالي ليش قمتي ؟ قلت له لا بس يعني خلصنا سوالف وقعدت اتصنع ابتسامات واضحك عشان لا احسسه بشي وكأن الامور عااديه جداا .. لين بعدين قعد على راسي الااا اقوله شصاير .. وقلت له .. وبعدين تقريبا اكثر من يومين مطنشه خطيبي ولا ادخل المسن ولا ارد على مسجاته ابد .. وابوي قاله الموضوع وكان زعلان عليه وخطيبي قعد يرسلي مسجات يعتذر وقام يقول ان ايميله القديم كان معطيه لخويه بعد مامسح كل الايميلات اللي فيه و خويه هو اللي كتب هالكلام .. انا قلت بنفسي معليه بمشيها هالمره وبشوف وشلون .. لاني كنت متأكده 100% ان كلامه مهب صحيح .. لاني اساسا فتحت ايميله القديم مره وكانو كل الايميلات موجودين فيه ولا شي ممسوح مثل ماقال .. وانا غيرت الباسوورد بعد ! يعني استحااله ا ن خويه ذا يدشه !!! يعني كذب علي بعد المهم .. عديتها ورجعنا مثل قبل . 2. كنت اتصفح اليوتوب ولقيته كاتب كومنت على فيديو رقاصه كاتب (اححيه فدييت ***ـها) .. انصدمت وتضايق واااااااااااااااااااااااايد وعصبت عليه وبعدين تراضينا وكل شي عادي بس انا للحين حاطتها فمخي وبصراحه بعد هالكومنت انا ماثق فيه نفس قبل وبعد الكذبه الاولى انا ماصدق كل كلامه ولكني ابين له اني مصدقه وانا بالداخل مو واثقه من كلامه .. خصوصا وان الكومنت كان بعد الشوفه الشرعيه بكم يوم !! وبرر لي هالشي انه كان فراغ وانه من زماان لانه تقريبا قبل 6 شهور وانه ندمان ومن هالكلام .. وعديتها له 3. مره كان مسافر الكويت مع اهله وسكنو بفندق هناك .. عاد ثاني يوم ابوي قالي كلام خلاني اشك فيه .. قالي ان خطيبي مرسله رسايل عالايميل من هالرسايل العاديه اللي نرسلها بس كان مرسلها الساعه 2 اعتقد .. قام يقولي وش يسوي بهالوقت عالنت ؟ شدراج انه مب ضايف احد هنا ولا هناك ؟ ف هنا انا شكيت .. وياتني افكار وااااايد وقمت فتحت ايميل خطيبي عالاوفلاين ولقيته ضايف وحده حاطه صورها وكلمتها قلت لها من معي ؟؟ قالت لي انا فلانه .. وحطت صورتها بجينز وتيشرت ملابس ضيقه يعني ومسويه حركات مدري شلون .. المهم طقيتها بلوك ودليت .. وماقلت له ولا شي كنت ابي اعرف هو بنفسه راح يلاحظ ان ايميلها انحذف من عنده ؟ وراح يسئلني ولا لا ؟ وماقالي ولا شي وعديت هالموضوع ولا قلت له أي شي .. وقبل فتره ماتذكر عن وشو كنا نتكلم اظن عن الخيانه لاني عطيته اغنيه تتكلم عن الخيانه تضايق يوم سمعها وقالي بس انا عمري ماخنتك .. قلت له امبلا انا مره شفت ايميل وحده عندك وحذفته ! قالي ايه كنت ضايفها لمصلحه لاني ابي اصير ادمن ف منتدى وهيك يعني وحتى ماتهمني شوفي يوم حذفتيها ماهمتني ولا لاحظت انها مو موجوده عندي .. عديت هالسالفه بعد . 4.قبل اسبوع تقريبا طافت الساعه 11 وهو كان مو موجود بالبيت ويوم رجع قام دق على ابوي وطلب منه انه يسمحلنا اننا نسولف عالمسن بما انها طافت الساعه 11 وابوي قاله اوكيه بس لا تطولون .. دخل وقعدنا نسولف واحنا نسولف امي قالت لي عندك رقم فلانه ؟ قلت لها ايه وطلعته لها بتلفوني وعطيتها تلفوني عشان تروح تدق .. شوي الا اخوي الصغير جايب لي تلفوني يقولي يدقون عليج مدري من .. خذته الا رقم خارجي .. من دولة خطيبي (انا من دولة وهو من دوله حذا بعض) المهم سكرت الخط بوجوهم وارتبكت لان ابوي قاعد معاي بالصاله .. قالي منو هذلين ؟ قلت له هذي فلانه الله يخس بليسها فاضيه تدق رنات .. ماقال شي .. وكنت اكلم خطيبي عالمسن وجي المهم بعدين يوم طلعت من المسن سولفت بالمسجات مع خطيبي وقلت له قبل شوي دق علي رقم من عندكم ماعرفه قام عصب قالي وشو ؟؟! منو هذلين عطيني الرقم .. قلت له بتأكد اول اذا كنت اعرفهم او لا لاني اعرف ناس هناك .. المهم بعدين بنص الليل ماكنت نايمه اتقلب الا ابوي دخل قالي كان داق عليج رقم من الدوله الفلانيه ؟ قلت له بصراحه ايه .. قالي ان هذا تراه خطيبي اللي كان داق .. يقول دق على ابوي من شوي وكلمه عاد ابوي سئله عني قاله حسيت بنتي متضايقه ليش ؟ قاله خطيبي مادري والله بس انا طلعت رقم وكذا وكذا .. ابوي عصب عليه ومدري شقالو بعدين المهم هنا انا انقهرت ليش داق لي من رقم ثاني يبي يختبرني مثلا ؟ مع العلم انه اختبرني كذا مره ف كذا شي من قبل وتأكد مني اني فعلا انسانه نظيفه ولا احب هالخرابيط وماعرفت عن اختباراته الا بعدها بشهور .. ف هنا انا طنشته لا ادخل المسن ولا اكلمه ولا ارد على مسجاته تقريبا يومين ومره كنت داخله المسن قعد يكلمني ويعتذر وكذا ومارديت عليه ابدا وطلعت وكان يرسلي مسجات يعتذر فيها .. الين بعدين تراضينا .. بس الحين صرت بعد اشك فيه .. ليش ماخذ له رقم ثاني وتلفون ثاني ؟ ليش الحين عنده جوالين ؟ حق لعب ؟ ..وبعد في اشيا بس ماتذكرها حاليا انا احبه وهو يحبني موووت واحنا مخطوبين عن حب بس ليش يسوي فيني كذا ؟ اللي يحب مايأذي حبيبه ولا يناظر لغيره ؟ يقولون ان الرجال عيونهم زايغه مهما سويت صحيح هالكلام ؟ والله تعبت صرت ماقدر اثق فيه وصرت اشك فيه كثيييير ولكن ما ابين له والحين يقول يبي ياخذ بلاك بيري قلت له ماعندك سالفه فيه قالي عشان انتي بعد تطلعين لك بلاك بيري ونسولف 24 ساعه وتضااااايقت مررره لاني انا مااااا اثق فييه حاليااا وشلون بثق فيه اذا صار بيدينه بلاك بيري ويسولف مدري مع من ؟؟ تدرون ان فيني نقطة صبر وحده بس ! اذا شفت عليه اقل شي على طول راح انهي كل اللي بيننا مع اني احبه ولكن بدوس على قلبي ! والحين تجيني افكار انه اذا طلع بلاك بيري وربي اني خلاص لا اعرفه ولا يعرفني انا ابي شريك حياه اعيش معاه مرتاحه ماني فاضيه تصير حياتي كلها شكوك وافكار وانا وحده غيووووره كثييير ! وانا اساسا ماكنت افكر بالزواج نهائيا كنت احسه كله مشاكل وهموم ولكن لما هو دخل حياتي غير فكرتي هاذي ولكن الحين بديت احس العكس ان فعلا الزواج كله مشاكل وهموم ؟! اذا هذي اولها واحنا بعد لسا ماملكنا وشلون ليا ملكنا وشلون بعدين ؟؟ عندي واااايد كلام ولا لقيت احد استشيره بهالموضوع لاني ماحب اطلع الاسرار اللي بيني وبينه حتى لابوي او امي :( ف قلت مافي الا اكتب مشكلتي هنا وتساعدوني :( وش تنصحوني ؟ :( تكفون ارشدوني :( تعببببت والله صارلتي فتره وانا مانام زين من كثر التفكير آخر الليل ! وترى احتمال هالفتره ياخذ له بلاك بيري .. يعني انا بنهي كل اللي بيني وبينه بصراحه ماعدت استحمل وللعلم انا بالثنويه وسني صغير بس عقلي كبير وخطيبي اكبر مني بثلاث سنوات انصحوني :( |
اختي العزيزة
انتي راح تتزوجيه يعني انتي قادرة على تغييرة واصلاحة المفروض ما تنزعجين منه وايكون كأن شي عادي وهذا شي جدا طبيعي والشي الي يطبق على الانترنت لا يطبق على الواقع تحياتي |
ان شاء الله بعد الزواج يعقل ويتوب ..
|
ان شاء الله بس شاللي يضمن لي ؟ ):
هذا زواج يعني راح اعيش معاه العمر كله ! مابي اسوي شي واندم عليه بعدين الف مره |
وعليكم السلام والرحمهـ عذرأإ اختي انا من شفت كلامك عنه عرفت انه رآعي خربطه ومو جآد بالزوأإج ابدأإ كثأإر مثله يخطبون بنيه شينه والتلاعب وهذا والله اعلم بس حسيت انه كذا المهم لاتطلعين معه من دون محرم بعدين كيف تحاكينه وخطيبك وانتي ماملكتي عليه اصلا انصحك نصيحه اسحبي عليه لين تملكون لانهـ من الاشخاص الخبيثين اسحبي نفسك قبل لايجيك شيء لايحمد عقباهـ دامه ناوي زواج خلاص ملكوو احسس انه من النوعيه اللي توهم البنت واهلها انه زواج ولايتزوجوون .. نصيحهـ استخيرررررررررررررررري كلامك عنه خوفني ومن خوفي عليك والله سجلت بالمنتدى انتبهي يآقلبي ترى بعضهم ذيابهـ تحيأإتي |
بغض النظر عن حرمانية كلامك معاه لانك لسه خطيبته و ما بينكم عقد شرعي ..
بامانة بقول لك نصيحة اخت .... ابدا ابدا ابدا ابدا .. لا تحطي ببالك انك تغيري انسان بمعنى لا تقولي بتزوجه و بعد الزواج بغيره من شب على شي شاب عليه يا تاخذيه مثل ماهو و تتحمليه و ياتتركيه من الحين و انتهينا خطيبك لساته صغير مو مستعد للزواج .. لسه عايش فترة المراهقة حابب يطير من زهرة لزهرة .... قادرة تتحملي هذه المرحلة من حياته و تتقبليه على امل انه يعقل لحاله مستقبلا ؟؟؟؟ ياليت لو ترجعي و تشوي مواضيع الاخت الورد زينب فا مشكلتها قريبة من بداية مشكلتها هي كملت و اتزوجت و انتهت بالطلاق بعد سنة وحدة فقط الله يعوضها الزوج الصالح |
اقتباس:
لا هو جاد بس مدري ليش يسوي هالحركات احس عيونه زايغه هو يبينا نملك بسرعه بس اهلي مو راضيين الحين يقولون بتهملون دراستكم بس والله اني حيرآآآنه وماعرف شلون اتصرف معاه ): تسلميين يالغلا على ردك وخوفك علي |
noora
كلامك صحيح اختي بس شسوي :( احس اني ماقدر اتركه واحس اني ابي اتركه بنفس الوقت الله يعين بس |
انا مع كلام noora، فعلا لا تحطين انك تقدرين اتغيري حد، صراحه انتي مسكتي عليه وايد اشيا ، وعندك حجه قويه،شكله راعي سوالف هو اللحين يكذب ويحور ويتحجج وانتوا لسه حبايب، بعدين اذا اتزوجتوا وصار خلاف وراح الحب شو رح يسوي. وين الجديه والالتزام. مع انه الكلام قبل العقد ممنوع بس هاذي كانت في صالحج انتي، عشان اتعرفينه على حقيقته.
|
اقتباس:
تقولين إن عقلكِ كبير .. ومن عقلها كبير يفترض أن تكون واقعية وتفكر بمنطق. الموقف واضح ولديك أكثر من دليل على أن الشاب غير مستقيم ولا يتعامل مع علاقتكما بالجدية المطلوبة .. فماذا تريدين أكثر حتى تدركي أن الارتباط بمثله محفوف بالمخاطر وتعب القلب ووجع الدماغ؟! على كل حال .. القرار لكِ بكل تأكيد .. ولكن اتفاقاً مع نورة .. لا تفكري إطلاقاً في أنكِ قادرة على تغييره .. فلا أحد يغير أحد .. أو في أحسن الأحوال فإن الفكرة غير مضمونة على الإطلاق .. وبصراحة لا أرى أن حياة ومستقبل واستقرار أي بنت يستحق مثل هذه المجازفة. |
سوري بس احسج صغيره
قاعده تراقبيه ولا فيه ثقه ومعاه ع الدعسه احس الحياه الزوجيه اسمى من كذا يا نادر اللي تشوفيه ماشي سيده ميه ميه هاليومين وحتى لو مشى ميه ميه راح تشكي فيه من الحين اقولج اذا اولها شك اخرتها عذاب لا تتعبي حالج وتمرمري خاطرج ، وكلم فلانه وقابل فلتانه ويمكن انه يسولف مع فلانه كلميه بصراحه وجها لوجه ، راح تحترم العلاقه الزوجيه وتبطل كل الخرابيط اهلا وسهلا ولا كمل خرابيطك وباي باي وبعدين نصيـــــــــــــــــــــــــــــــــــــــــــــــ ـــــحه لا تدخلين احد من اهلج ولا تعلمينهم عنه بشي لا زين ولا شين يمكن يصير ابو عيالج يوم من الايام ، وهالامور ما تمنسح من ذاكرة الناس يظلووو طول العمر شايلين عليه موفقه اولا واخرا ولا تدققي الحياه الزوجيه حياة بين اثنين بعيوبهم اولا ثم بحلاوتهم ومحد كامل في هالدنيا سلام |
انا فعلآ يمكن اكون صغيره
عمري 15 سنه ف طبعا خبرتي فالدنيا تكاد تكون معدومه عشان كذا مو عارفه كيف اتصرف :( بس يلا هداية الله ثم شوركم تسلموون على ردودكم (f) |
7 شهور خاطبين ؟؟
نصيحه لوجه الله لا تتأخروا على الزواج لان مثل هذه الاشياء تسبب حزازيات بينكما فعليكما بالعجله في الزواج حتى تعرفوا الحياة الحقيقيه وليس حياة الماسنجر والتلفون . |
حياتك ليسا في بدايتها وهي الحياة المبنية على الشك والتجسس وعدم الأمان
لازم تتأكدي من حقيقتها وصحتها وشخص يكذب ويتعذر في أول حياتكم شي غير مريح كذلك ألاحظ تدخل والدك في أموركم الخاصة أحسه شيء غريب |
المشكله اهلي هم اللي رافضين فكرة الزواج حاليا لاننا لسا ندرس يبغونه يتوظف اول وبعدين خير ان شاء الله
وبخصوص تدخل ابوي لو ماخليناه يتدخل ماراح يخلينا نتزوج مدري ليش لازم كل شي بأشرافه |
بُنَـيّـتي الحبيبه ..
أسأل الله لكِ التوفيق في الدنيا والآخـرة ..مادمتِ في الـ15 يحقُّ لي أن أدعوكِ بنتي .. حفظكِ الله ..سأعود أنا وأنتي الى الحكم الشرعي في قضية التحدث مع الخطيب في مرحلة الخطبة وقبل كتابة عقد الزواج وهذا ما لاحظته من حديثكِ ..ومهما يكن فالتوضيح لابد منه ولابد أن نقول أن هناك خطوطاً يجب أن لانتجاوزها .. فبإختصار وبعد الإطلاع على بعض الفتاوى إليكِ .. المخطوبة امرأة أجنبية والحديث معها هو حديث مع امرأة أجنبية فيجب أن يكون بالمعروف وفي حدود الحاجة كالاتفاق على أمور معينة لما بعد الزواج ويراعى في ذلك : 1- أن يكون بموافقة وليها وعدم ممانعته للزواج . 2- أن لا يكون في الحديث ما يثير الشهوة أو يوقع في الفتنة . 3- أن لا يجد طريقاً آخر يبلغها عبره بما يريده كأخته أو أخيها أو رسالة . 4- أن لا يزيد عن الحاجة . والله الموفق . الإسلام سؤال وجواب الشيخ محمد صالح المنجد ويقول الأستاذ الدكتور عطية عبد الموجود لاشين ـ الأستاذ بجامعة الأزهر: فإنَّ كلام الخاطب مع مخطوبته في التليفون أو غير ذلك من وسائل الاتصال يتوقف على نوع وطبيعة الكلام؛ فإن كان كلامًا ليس خارجًا على الآداب الشرعية، بل يذكرها بالله (عز وجل)، أو يطمئن عليها أو على أهلها، أو يعرفها بأمر من أموره الدنيوية المتصلة بمستقبلهما فيما بعد، فهذا لا شيء فيه، ولا ضير منه . أما إن كان الكلام محرمًا، مثيرًا للعواطف، مهيجًا للمشاعر؛ فهذا كلام محرم؛ لأن المخطوبة لا تزال أجنبية عن الخاطب، وهي لا تختلف في هذا الحكم عن المرأة الأجنبية. وقد وقع كلام بين أصحاب رسول الله، والصحابيات في أمور تتصل بشرع الله عز وجل؛ كأن تسأل الصحابية عن حديث انفردت بسماعه عن الرسول (صلى الله عليه وسلم). وكان هذا أمرًا معهودًا ومألوفًا من قِبل السلف الصالح، ولم يقُل بحرمته أحد . أما إذا كان الحديث فيه خضوع بالقول، وبعيدًا عن المصالح الدينية والدنيوية؛ فهذا أمر محرم، يستوي في ذلك الأجنبية والمخطوبة، ودل على ذلك قول الله (عز وجل): " فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا" انتهى ،، أعود الآن الى ماذكرتي .. فأقول .. بُنيتي .. غالب الشباب تأتيهم نزوات أيام المراهقة وقد تستمر حتى الزواج .. وماذكرتِ لا أعتقد أنها تؤثر بشكل كبير على إتمام الزواج .. وحيث أن الشباب في هذا الزمن بالذات مع كثرة المغريات قد يقعون بأمور كثيرة تنقص من إيمانهن وكما يدل هذا على ضعف الإيمان في قلوبهم .. لكن ..!! نحن نقول لعل هذا الشاب سواء خطيبكِ أو غيره لديه عواطف جياشه ، وحين يتم الزواج وتستقر الحياة به .. تشبيعه عاطفياً وتغمريه بالحنان وتُمديه بالحسّ الأنثوي الطبيعي فيشبع وينغمس بحياته الجديدة ، عندها لاتكون له حياته السابقة إلا من الذكرى ..! هذا ما آمله ونأمله جميعاً ..، وبالعموم ولأنكِ صغيرة السن فلا تنظري لكل خطأ يقع به ، فالإنسان معرض لكل شيئ .. وليس عيباً الخطأ بل العيب في الإستمرار عليه مستقبلاً ، ثانياً يُفترض من والدكِ أن لا يشجعكِ على البحث في كل صغيرة وكبيرة والتدقيق وراء مايقع به الخطيب ، أسأل الله أن يهدينا وإياكِ الى طريق الصواب . |
اخوي ثنيان ,,
دامك سميتني بنتك ف لي الشرف انك تكون بحسبة ابوي :) بخصوص اننا نكلم بعض ادري انه لا يجوز بس احنا نتكلم بعلم ابوي ويعرف كل اللي نقوله واحنا ملتزمين حدودنا بالكلام لاني انا مارضا اصلا .... يعني ماراح يعيد هالاشياء مره ثانيه ؟ الحين صارله تقريبا 4 او 5 شهور ماسوى شي غير الرنه من رقم ثاني ويقول انه مجررد مقلب وقعد يحلف وصدقته ان شاء الله يعقل :( يعطيك العافيه ابوي ثنيان ! |
اقتباس:
/ آنه مع كلام أختي نورهـ ... ترى مثل ماقالت لج آآنه قصتي شبيهه ب قصتج بس انتي احمدي ربج إنج قبل لا تملجين شفتي عليه هَـ الاشياء آنه شفتها بعدما تزوجته !! وعلى فكرة مثل ما قالت نوره لا تقولين يمكن بعد الزواج يتغير ويمكن ويمكن ويمكن لا تبنين حياتج على مجرد إحتمالات ! هو فعلاً يمكن يتغير بعد الزواج ! بس بعد إحتمال إنه ما يتغير !!!! انتي شاللي يضمن لج إنه راح يتغير ؟؟ ولا شي صح ! يمكن تقولين حبه لج !!! بس الحب مو كفاية عشان تبنين حياتج عليه راجعي آآخر مواضيعي راح اتشوفين شلون مشاكلي وفي النهاية وصلت لي الطق !! وبعدها الطلاق ! الطلاق أو الانفصال ممكن تكون خطوة صعبة وجريئة نوعاً ما بس أفضل من إن تعيشين حياتج معاه في شك دايماً آنه لي شفته لف راسه يمين شكيت فيه خطيبج بعده صغير .. وبعده في سن المراهقة على فكرة والريال ما ينضج ب سرعه مثل البنت انتي بس شوفي متى تتكلف البنت ومتى يتكلف الولد ! البنت عمرها 9 سنوات تتكلف والولد عمره 15 !! وهذا حق تكليف شرعي بحت !! ف ما بالج بأمور الزواج :/ ترى لا تدشين في تجربة وانتي عندج شك 1% في شريكج ترى الشك بيعذبج انتي قبل لا يعذبه وانتي توج اصغيررررونه شحادج ع الشقى وهو اصلاً شكله بعد مو واثق فيج !! وكل من يرى الناس ترى ابعين طبعه !! ف احذذذذذذذذذذذذري آآنه انصحج بناءاً على تجربة فكري ب كلامي ... وانتي اتفكرين اتذكرين إن آنه مانصحتج من فراغ نصحتج بناءاً على تجررربة ذقت فيها أنواع المررررر اقتباس:
هذا مجرد إحتمال يحتمل النقض !!!!! لا تبدين حياتج مع شخص قلل من إحترامج وما إحترمج ب غيبتج عنه ترى " اللي ما يخاف الله ينخاف منه " واللي يخاف من الله بيخاف عليج وبيصونج ودام هذي بدايتها ينعاف تاليها والله يوفقج |
أنا أؤيد العضوات التي يرفضن الارتباط ..
إنسان لا يعرف دينه .. لن يعرف حقك أنتي كزوجه .. أنتي لازلت صغيرة الفرص أمامك كثيرة لا تخاطري بهذا الزواج ستجدين من هو أفضل إن شاء الله . القرار بيدك .. |
واضح من المواقف الي ذكرتيها انه لسة مراهق عقله صغير وشخص لا يعتمد عليه
عامل زي الاطفال يغلط ويعتذر ويعمل مقالب حاسة ان مش ده الراجل الي ممكن يحتويكي ويحسسك بالامان اضف الي ذلك ان بناء الحياة علي احتمالية التغير قمة الغباء (افرضي متغيرش)؟؟؟؟؟؟ كلنا فينا عيوب لكن في عيوب يمكن التعايش معاها فكري وشوفي عيوب خطيبك ممكن تتحمليها واسفة لو كنت قاسية في كلامي لكن الكلام الي بيقال للمخطوبة غير الي يقال للمتزوجة لانك لسة علي البر وعندك فرصة انك تختاري الاحسن لكن اصبري واتحملي وبكرة يتغير ده كلام للمتزوجاتالي هما خلاص امام امر واقع |
صراحة اريد ان اناقش موضوعك من ثلاثة اوجه
الوجه الاول : يجب ان ندقق في شخصية من سنعطيه قلبنا و حبنا ، فلا يجب ان نحب ابدا شخصا لا يعرف الله لانه سيعبث بنا و سيكون حبنا له مصدر الم و ليس مصدر سعاده الوجه الثاني : ابيكي عصب عليه .. تعامل والد الفتاة مع الخاطب لابد ان يحتوي علي الكياسه حتي لا يحدث الصدام العنيف بينهما .. لابد ان يضع والد الفتاه في اعتباره انه يتعامل مع رجل ناضج له احترامه و تقديره .. فاذا كان الاب لا يستطيع ان يحترم خطيب ابنته فكيف سيزوجها له و يجعله يتحمل مسؤليتها ؟؟ من اشد الاساليب استفزازا هي الاوامر .. "بس ما تطولش" "انت زعلت بنتي في ايه" يستطيع الخاطب ان يرد ردا مستفزا هو الاخر " اطلب منها هي انها ما تطولش" " تقدر تسالها " و ساعتها يكون معه كل الحق ، لان الاب هو من بدا في الاستفزاز لابد ان ينسي والد البنت حكاية انت مثل ابني .. نعم لابد ان ينساها تماما .. فالخاطب ينظر لوالد المخطوبه كانه منافسا له علي قيادة خطيبته و بيته حتي لو كان قريبه (خاله او عمه) و اي تصرف غير محسوب قد يستفز الخاطب و يحدث الصدام الوجه الثالث : ما هي قدرات جهاز البلاك بيري ؟؟ |
الورده زينب الله يبعد عنك كل ضيق ان شاء الله اختي ): وماتستاهلين اللي حصل لك
افهم من كلامكم اني لازم اتركه ؟ هي صعبه ولكن مدري ادعوولي ان ينكتب لي الخير وان الله يصبرني وما انضر بشي ): تكفوون وبخصوص قدرات البلاك بيري اخوي البلاك بيري تقدر تسولف منه مع نااس كثيرييين وهذا غير الايميل يعني ماعرف مع من يتكلم ؟ وشلون اثق فيه ؟؟ ): الله كريم ): يعطيكم الف عافيه واسمحولي اخذت من وقتكم الكثير |
آنه ماراح افرض عليج قرارج ..
بس ترى الزواج مو حياة يوم أو يومين حطي ببالج إن عشرة عمر ! جاوبيني على اسألتي .. - مستعده تقضين حياتج مع ريال إحتمال ما يتغير ؟ - تقضين حياتج مع ريال ما احترمج بغيبتج ولا حافظ عليج ؟ - هل انتي مستعده تعيشين مع ريال ... باجر عيالج يمكن ياخذون من اساليبه ويمكن يتأثرون بحياتج معاه في حالة إنه ما تغير وحول حياتج وحياة عيالج ل جحيم ؟ - عادي عندج اتعيشين حياتج معاه ب شك ؟ - تبين تقضين عمرج وره ريال ما يخاف ربه ؟؟ - إذا ما خاف من الله اتهقين بيخاف منج ؟ أو بيعمل حساب لج ؟ أو ممكن يقدرج ؟ إذا الله فوقه ويشوفه وين ماراح ويدري ومتأكد إن الله بيعاقبه ب يوم من الأيام وما طاع ربه بيطيعج انتي ؟ - هل انتي مستعده تقضين حياتج ب مشاكل معاه ومحاولات انج اتغيرينه مع إنج منت مجبورة وتقدرين تلقين اللي احسن منه !!!! - ولو استخدمنا الفرضية الثانية إنه تغير .. مستعده إنج تسامحينه على نظراته ل غيرج ؟؟ :-) يمكن تسأليني دام انصحج جذي ليش آنه ما تركت ريلي من البداية راح اجاوبج قبل لا تسأليني .. - لأن آنه تزوجته خلاص ، ومجبورة اصبر عليه على أمل إنه يتغير .. البنت مو كل يوم بتتزوج لازم اصبر عليه وأحاول اغيره .. بس وصلت ل مرحلة الطلاق لأن خلاص ماعاد عندي باور إن انطره يتغير اذا بيتغير متى بيتغير ؟؟ صار لي معاه سنة واهوه حتى ما ندم ما شفت الندم بعينه !!!! ووصلت ل نتيجة محد يقدر يغير شخص إذا اهوه نفسه مايبي يتغير وآنه ريلي مايبي يتغير لأن بإختصار عمره 22 سنة يبي يستانس يبي يلعب ومن حضن بنت لي حضن ثانية صعبة عليه يستقر علي آآنه وبس ! وآنه عمري 20 سنة شاللي حادني اعور قلبي أكثر معاه !!! ألحين صح قلبي يعورني ... لأن ضيعت سنة من عمري وتراجع مستواي الدراسي مع إن آآآنه متفوقه في جامعتي عشان شخص ما يسوى !! بس آنه خلاص الشي فات وألحين تخلصت منه وارتحت - تبين اتكررين تجربتي ؟ إذا لا .. لا ترتبطين فيه وانتظري نصيبج والله يعوضج خير فكري بعقلجججججججججججج بعفلججججججججج بعقلجججججججججججججج بفكري بعقلج توج على البرررر :/ تكفين لا تكررين تجربتي اترجاج لا تكررينها ترى عوار قلبببببببببب آآنه ترى بعده جرحي طري بعده يحرقنييي وكل ما تذكرت كأني احط على جرحي ملح لا تعورين قلبج ترررررررى والله العظيم عذاب باجر لي تزوجتي وتطلقتي يمكن ما تأثر فيج كلمة مطلقه يمكن يكون مجتمعج متحضر مثلج مجتمعي الحمدلله بس ترى بيعورج قلبج لأنج انخدعتي وانتي بغيتي تعيشين دور المخدوعه لأنج وافقتي عليه مع غنج تعرفين عن سوالفه لا تضعفين يا قلبيييييييي تكفين :-) .. |
بكل سراحـــــــــــه ارفضيه وبشــــــــــده والله يعوضك بأنسان خير منوه
|
بكل المقاييس ماينفعك ,, صدقيني وجع ساعه ولا كل ساعه .. حتى لو صعب عليكي انك تتركيه حتى لو متعلقه فيه بطريقه كبيره حتى لو تحبيه كل هالمشاعر مابتقدر تخليكي تتحملي حياتك معاه الزواج غير العلاقه العشره غير التعلق الزواج يعني امان واستقرار واحترام وثقه وطبعا حب لأن الإنسان الي بيوفرلك هالأشياء كلها طبيعي أنك بتحبيه .. الزواج مسؤلياتو كثيره والحياه بكره بتاخذكم وبتوديكم حتواجهو مشاكل بسيطة واحياناً مشاكل كبيره إذا كان اساس العلاقه مو صح بتتعبي كثير.. صدقيني الحب مو كافي وماتقدر تعتبريه ضمان انا عن نفسي صحيح ماقدر ارتبط بشخص إلا إذا كنت احبو بس حب العقل لأن حب القلب مؤقت وضعيف أي شي ممكن يأثر فيه وبعدين خطيبك العزيز لو كان يحبك وماتقوليلي يمووووت فينيلأنو الي يحب مايجرح ويخاف على الي يحبو من الهوا الطاير مو معنى انو يعتذر مية مر ويمووت عشان يراضيكي بعد مايغلط .. لأنو بكل بساطة لو فعلا خايف على زعلك ماكان غلط من الأساس ,,,, بس هوا واثق انك موجوده موجوده في كل الحلات .... فيتساهل في موضوع انو يعمل اي شي نفسو فيه حتى لو كان يزعلك لأنو بالأخير بيعتذرلك لييييييييين مايرضيك وانتي بتحسي انو متمسك فيك وقاتل حالو عليكي لأنو مايقدر على زعلك ومايقدر يعيش من غيرك - على فكره ماحد يموت قبل عمرو- ياالله نفسي تكوني قاعده قدامي واهزك عشان تصحي ... صدقيني خايفه عليكي من الندم .. بس إذا اخذتيه 99% حتندمي هذا إلا في حالة انو اتغير وعقل وهذا بعلم الغيب والإنسان العاقل مايشري سمك بالماي ولا شو رايك؟؟ تعرفي وين المشكله انو مافي ثقه لامنك ولامنو واصعب احساس بالدنيا انك تعيش مع انسان في بداخلك ذرة شك فيه الشك مفعولو نفس مفعول الموت البطيء ... والله العظيم مافي احلى من راحة البال تنامي وانتي مطمنه ان الإنسان الي معاكي لو غاب عنك سنه حتفضلي هاديه ومطمنه انو مستحييييل يسوي شي يجرحك وعلى فكره مو كل حب .. حب بجد وكل الي تحسيه إذا ماصار فيه نصيب بينكم وربي بعتلك الي احسن منو وقتها بس حتقولي لنفسك يااااااا الله انا كيف كنت احب هذاك الإنسان أنا ما اقولك انو قرار انك تبعدي عنو او يطلع من حياتك قرار سهل .. وانك ماحتتعبي .. لأ بتتعبي وبتلاقي الموضوع صعب بس يوم ورى يوم بتلاقيه صار اسهل وبتبدأي تنشغلي عن التفكير فيه وحده وحده . بالمناسبه احيانا كثير الشخص يحس انو يحب انسان حب خيالي ولو شو ماسواه فيه يحبو مو بأيدو بس احيانا كثير يكون تعود أكثر من انو حب تعود على وجود هالشخص بحياتي .. تعود على كلامو على تعليقاتو على صوتو .. لأنو طبيعي اي حد يكون بحياتو اي شي بشكل يومي ويختفي فجأه أكيد حيترك وراه فراغ ... عموماً فكري بالكلام مره ومرتين وثلاثه .. وإنشاءالله توصلي للقرار السليم الله يسعدك دنيا واخره طمنينا عليكي |
عقب الزواج ما راح يتغير صدقيني وراح يرجع لحركاته من وقت لي وقت واخر شي راح يقولج انا مريض وسامحيني وكم دمعه على كم كلمه حلوه راح تسامحين وبعدين راج يرجع على نفس تصرفاته !!!!!! هذا هو السيناريو لو تقبلين فيه وتستحملين واصلي لو لا دام انتي على البر
|
خذ له بلآآآآآآآآآك بيري !! ):
وعشان أقهره اشتريت بلاك بيري انا كماان ! |
والله يا اختي مشكلتك صعبة ولكن لكل داء دواء..
يعني مسألة الكومنتات والكلمات الغير لائقة اذا كانت قبل علاقتكما فانسيها لانها من الماضي.. الله يعينك وانشاء الله ربي يوفقكم ويبعد عنكم المشاكل تحياتي.. |
حبيبتي انتي تقولي عمرك 15 سنه وخطيبك اكبر منك بثلاث سنوات يعني عمرو 18 سنه
وهذا عمر مراهقه يمر بفترة مراهقه ويلزمه اربع خمس سنوات تيركز عقلو ويصير رجال ومن ثم انتو نازلين شك ببعض يختبرك وتختبريه وتعملي بحث عليه بغوغل وليه تعملي بحث عليه بغوغل لا يجوز التجسس يا بنتي ابني بعمر خطيبك وكل اسبوع يقول ماما هذه اريد خطبتها ماما وماما وماما وبالاخير يغير عقلو عمر خطيبك صغير جدااا على المسؤوليه ويلزمك اربع سنوات ليستقر عقلو جيت اكحلها عمتها اعرف |
السلام عليكم اختي اني جان خطيبي مثلك خطيبي الاولي و دس على قلبي و تركته لانو تعبت معا والان انا مخطوبه و معقود قراني على شخص اخر والحمد لله مرتاحه معا و ما عندا هل سوالف ولاكن احيانن احن لخطيبي الاولي ولاكن افكر بيني وبين نفسي بانه كان يتعبني لذالك احاول ان لا افكر به و خاصتى انه خطيبي الجديد هو يستحق ان احبه
نصيحتي الج اذا هو متعب عوفي لانو راح تتعبين ويا و مراح تستفادين شي اني ضليت 3 سنوات مخطوبه و كل يوم اكول راح يتغير ولاكن متغير الي صار اني انا الي كنت اتعب دائما و بعد 4 سنوات خطوبه تركته |
على فكره اني جان عمري 14 و هو 19 والان انا عمري 20 نصيحه لكي لا تكملي معا خاصتى انو عمرك صغير صدكيني راح تتغير نضرتج للحيا من تكبرين اني جنت افكر بغير طريقه و هسه بغير طريقه انتضر شوي لحد ما تكبرين اكثر
بلتوفيق خيتي |
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©