|
والله تعبت من زوجتي(مشكلتي ودني عند أهلي)
بسم الله
السلام عليكم بكل اختصار والله مليت وتعبت من زوجتي زوجتي من يوم عطلنا وحن في نكد كل يوم وربي ما أكذب عليكم كأن عندي مسجل يعيد نفس الكلام أبغى أهلي تكفى أبغى أحصل خواتي أبغى وأبغى وأبغى لاحول ولا قوة طفشتني تعبتني والله لو اهلها قريبين أوديها بس المصيبة إنهم في منطقة ثانية بعيدة المصيبة أوديها مثلا اليوم وأرجعها بعد أسبوع نقعديومين إلا وأمها تدق تكول لها ليش مايجيبك.!!!!! إش الحل نفسي ومعي طايرة والله لأوديها .... أعقلها أقول لها والله بوديك بس مافي فايدة تسكت ساعة وتكرر 100 ساعة أنا قررت إني أوديها ولاعاد أرجعها إلين تعقل يعني أخليها تقعد شهر ولا شهرين عشان تعقل ياناس مجننتني والله إني مقدر أتركها’ أموت فيها بس المشكلة أهلها وختها حسبي الله عليهم أقسم بالله جوالها كل ساعة مكالمة مرة خواتها مرة أمها جننوني. حسبي الله تكفون حل مفيد.................... |
الله يساعدك ياخوي يا صامت والله العظيم انها مثل مشكلة اخوي وزوجتا وبسبة أهلها وكثرة الاتصالتهم اللي ما تخلص ورواحتها عندهم صارت بينها وبين اخوي مشاكل واللحين اخخوي ما بيبها ويبي يطلقها والسبة اهلها لا حول ولا وقوة الا بالله والله ياخوي انا اجوف شورك ورايك صحيح يمكن تحس بالمسؤولية اكثر بس بالأول تناقش معاها وفهمها ان هذا الشي يسبب لها مشاكل وان ما يجوز شرعا ان تطلع من بيتها من غير اذن زوجها وان الله سبحانه وتعالى بيحاسبها لان هذا غلط كبير وبرايي وتاخذها لأحد المشايخ وتحاول يتكلم معاها بحضورك يمكن تستوعب حجم المشلكلة الي هي فيها مو حاسة حق عمرها الله يهون عليكم ان شاء الله ويوفقك لكم ويهديكم لبعض
تحياتي |
تم النقل إلى القسم الأنسب..الإشراف |
أخى لابد تتفاهم معها وتخصص وقت تجلس فيه عند
أهلها فتره وخلاص أنت لك حقوقك وبيتك لازم يكون فيه حازم وتتفاهم معها وتتعلم كيف تستمتع بوقتها مع زوجها ونفسها حتى لوكانت بعيده عن أهلها |
خذ هذه النصيحة وجربها وسوف تشكرين
-قم وودها لأهلها وطنشها خلها تجلس بالشهر والشهرين وريح ملائكتك ولا تتصل عليها وحاول دائما أن يكون الجوال مقفل وتفرق لنفسك وذاتك صدقني يا أخي أن تنجن زوجتك وتقول خلاص معاد أروح لأهلي سوف تخاف أن تتزوج عليها جرب وأنت الحكم |
اكيد الوحده تبغى اهلها بس مو على طوووووول يمكن انت مقصر معاها ما تقعد معاها تلاقيها طفشانه مرررررررره شوف نفسك اذا مو مقصر قول لها خلي احد من اهلك يوديكي و يجيبك انا اوديكي مرتين في السنة وانتبه لا تكون من النوع اللي لو دقوا اهلك قلت يللاه نسافر كذا بتنقهر
|
اقتباس:
|
اقتباس:
|
اقتباس:
اقووووووول انتبه لعمرك تتدلع عليك لا اكثر ولاهي تحبك بس احيان تشتاق لهم ومثل ماقلت يدقون عليها ويهيضونها ياناااااااس اتقوا الله فحريمكم تراهم امانه عندكم تتادب وماتتادب طيب وش رايك فهالحل : اوكي حبيبتي جهزي اغراضك بوديك اسبوع تشتاقين لي وتشبعين منهم واجيك بس ابغى لاجيتي تعطيني جوي من الراحه ولا ترى بتخسرني <<< صدقني بتفهمك وراح تتلهف عليك بتعاملك ولطف معها وبتنفذ اللي تقول بالحرف الواحد ترانا حريم بشر ونجي باللين وبابسط شي . ليه تجفون بعض وكذا تسوي فيها والله مايهنى لك باال وام عيالك بعيده الله يهنيكم ويهديكم اذا سويت نفس ماقالو الاخوان اللي فوق بتكرهك واهلها كمان وش هالتعامل تراها زوجتك كذا تتكلم عليها وصدقني راح تندم |
والله إنكم ماقصرتوا
أجل إن شاء الله إني بعتبر سحبتي عليها مجرد عتب عشان تتعلم ولو إني عارف إنه ماينفع معها قسم بالله ياجماعة الخير إن لي سنة ونص تهديد ووعيد وأكثر من مرة والله لو جمعت الكلام إلي قلته لها كان ألفت كتب في الحياة الزوجية لكن لاحياة لمن تنادي ماقصرتو وبكرة إن شاء الله أبي أوديها.ونشوف وين تنتهي حسبي الله على أهلها. |
طيب سؤال هي كل كم توديها بيت أهلها وكم فترة أقامتها عندهم؟؟
وبصراحه الوحده تشتاق لأهلها شي طبيعي حتى لو ماقالت وديني لهم بس أكيد هي من داخلها تبغى تروح لهم خاصة لوكانت ماتشوفهم كل فين وفين |
مافي احلى من التفاهم ليه ماتجلس معاها بهدوء وتحدد انت وهي موعد مايتغير تروح فيه لاهلها انا بصراحة مادري المسافة اللي بين المنطقتين لكن انت ادرى وقولها خلاص المرة اللي من حقك تروحيها وخلاص ماتفتحي فمك الين تجي المرة اللي بعدها وهكذا وحتى التلفون ماله داعي كثرة الكالمات يكفي مرة في اليوم الا في اذا شيء ضروري واضح انو زوجتك متعلقة كثير في اهلها صراحة انا اتكلم من واقع تجربة كنت في بداية حياتي كذا لازم باستمرار اروح لاهلي احيانا يوميا بس كان البيت جنب البيت بس كثرة روحاتي سببت اهمال لبيتي الين زوجي انفجر فيا وحددلي يوم في الاسبوع طبعا انا اهلي الله يهديم زي اهل زوجتك كانو اليوم اللي ماجي فيه يزعلوا من زوجي ويجلسوا يخاصموا لما خلوني بين نارين بين اني ابغى ارضيهم وبين اني ابغى ارضي زوجي ولما قرر زوجي هذا القرار طبعا زعلوا مررررة لكن خلاص شافوني انا كمان مقتنعة براي جوزي مرة على على مرة الين اتعودوا ورجعت المياه الى مجاريها
معليش انا رغيت كثير بس حبيت اعطيك تجربتي وبصراحة اهم شيء يكون موقفك حازم من غير ضرر ولا ضرار وبسسس |
عااااااااااادي تصير بأرقى العائلات .... :) اذا مالكم فترررره متزووجين طبيعي جداً انها تطلب هالطلب .. انا ببداية زواااجي كنت غاااااااااااااااااثه زووجي كل شووي اقوول ابي اروووح لاااهلي ... مع ان بيني المنطقه الغثيثه :) اللي عايشه فيها ومنطقة اهلي 1300 كيلووا .... احيانا كان يوديني واحيانا يطنش .. ولما اكلم امي تقووووووووووول لاتزعجين الرجال اذا مايبي خليه ع راحته ومع الوقت تعووودت .. يعني المسأله يبيله صبررر وانت تفاهم معاها بهدووء .... السالفه بسيطه وانا اختك كله مسألة وقت ... موفق .... |
اذاتوكم متزوجين عاااادي يااخوي...انا اول ماتزوجت اذارجعت من زياره اهلي اجلس اصييييح من الغلقه...لمين تعودت..
فااصبرعليها مع الايام بتتعود على بعدهم ومع اول طفل بتخف كثيييييرحنتها.... |
وعليكم السلام أخوي الكريم الذي فهمته من كلامك أن زوجتك تبغى تروح وتجلس فترة إجازتك عند أهلها وعند اخواتها تجدد نفسها وتتخلص من الروتين اليومي الممل وقت الصيف يمكن هذا هو سبب مللها وطفشها ونكدها عزوبي بس رجل |
انا كل ما دقوا علي اهلي اخلي اي شي بيدي واروح لهم افرح ان فيه احد يشتاقلي
ابغي اقولك موقف طريف حصلي مره في الشتاء دقوا علي قلت ابغي اصير عاقلة واجلس اشوي ببيتي اعتذارت منهم لما جلست اشوي كان جمر تحتي قمت ولبست عبايتي ورحتلهم لما دخلت عليهم استغربوا قالوا اما انتي معتذره وما تقدري تجين قلت ما ادري اقسم بالله احسكم ساحريني اعترفوا وين حاطينه ضحكوا علي من ذاك اليوم ينادوني المسحوره طبعا انا ظروفي والحمدلله تسمحلي بزيارتهم لان اهلي بنفس الحي وكذلك زوجي ما عنده مانع بس انت الله يعينك اجلس معها وفهمها |
متابعين السحبه اول بأول
ربنا يوفقكم |
أخوي صامت ..
تحب زوجتك .. وهي مثل بعد.. مشكلتكم هي اهلها .. منطقة أهلها بعيدة .. كم ؟ لا نعلم .؟ ونحن الآن في إجازة صيفية ..!! صحيح فيه جلسات مع الأهل وسهرات وناسات .. !! ثم هناك من يثير هذه الزوجه والدتها وأخواتها .. ! إذاً أخي العزيز زوجتك معذوره لأن عامل التأثير قوي .. ثم أيضاً ارتباط هذا العامل بمثيرات جداً قويه .. فالعامل الأم أو الأخت = المثيرات ---- الضحكات + الوناسات + فله ووين عند الأهل . أنا أتمنى لو عرضت أكثر عن حياتك .. بمعنى هل الزوجه مقصرة في أي أمر .. ؟ هل الزوجة لا تحبك ..؟ كما تعتقد ..؟ كونك تتركها وتذهب دون أن يكون لديها علم أو دون أن تحذرها قبل أن تذهب بها أعتقد فيه اجحاف وظلم .! أليس من حقها الجلوس مع اهلها .. وزيارتهم .. أليس في ذلك بر لوالديها ومساعدتها على البر أمر مطلوب .. صحيح يجب أن يكون هذا بتوازن ..! حاول تنظيم الزيارة بالإتفاق معها .. حاول وجاهد معها في ذلك .. حاول التفاهم إن كان هناك أخ لها كبير ..وضح لها أن اتصالاتهم قد تؤثر على الأسرة .. آخر الحلول تفاهم مع الزوجه وقل لها إن هذه الاتصالات من والدتكِ وأختكِ وكثرة زياراتكِ لهم تعني انتهاء العلاقة بيني وبينكِ فإن طلبتِ الذهاب إليهم في غير موعد الزيارة المتفق عليه سلفاً فهي النهاية .. قل ذلكْ لها وصارحها ..! حتى تكون أمام الأمر الواقع .المهم أن تعرف أن مايضايقك منها هي طلب الزيارات المتكرره ليس إلاّ..!!! أسأل الله أن يوفقكِ وييسر امرك . |
الله يعينك
ودها اهلها وخلها عندهم الي ماتتصل فيك وخذ منها وعد ماترجع الا اذا انت قلت لهاااا سبحان الله الوحده تهمل زوجها وتتعبه ولو تحس بلحضه ان عينه زاغت او يبي يتزوج قالت انا ماقصرت وش ناقصه الله يهدي الجميع حسسها انك محتاج لها وتبي قربها... |
أخي الكريم
شاكرة لك تحملك لزن زوجتك وأهلها أبغى أعطيك حل الوحدة تشتاق لأهلها والحياة الزوجية بحاجه لإستراحة يتجدد فيها الشوق والأحاسيس أنا بعيدة عن أهلي وأطلب من زوجي يوديني عندهم مرتين في السنه أجلس فيها أسبوعين وهو ما يقصر بصراحه الوحده ما تستغني عن زوجها أكيد لو سويت كذا راح تلتزم هي بالمواعيدوخصوصا لو عندك أطفال بالمدارس وكمان مصروفها راح يحدها ويخليها ما تطول المده وما راح تقدر تتحمل مسؤولية الأولاد لوحدها والأهل مهما كان إشتياقهم يحبوا الراحه وما يحبوا الصجه وخصوصاً إذا اجتمعوا أولاد العيلة وخلي بينكم جوال تسأل عنها عشان ما تشيش أهلها عليك وتفتح لك سالفه ثانية كذا راح ترتاح وتريحها وأنا ضد أي وحده ( تبلط )عند أهلها ولا كل شوي ناقزه عندهم لأن ( عزوبي دهر ولا عزوبي شهر ) والله يوفقك |
حاول انك تعوضها غياب اهلها
خلك لطيف معها في التعامل عطها شويه من وقتك |
الله يعينك
تحياتي بورسل |
| الساعة الآن 11:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©