اشتريت هديه... ورمتها في وجهي
 

السلام عليكم

اليوم اشتريت هديه ب 2000 ريال ... وجيت فرحان لزوجتي . وعطيتها الهديه... وفتحتها ... وكشرت وقالت ماتعرف اني ماحب هذا النوع من الهدايا.. وقالت لي شكرا مابغاها


انصدمت.. لاننا كنا تمام مع بعض .. ومافيه مشاكل... بس هي مدري اش فيها..

المهم رجعت الهديه... واخت الفلوس ورميتها في الشارع من القهر


والله انه اكرهها ولا اطيق اطالع في وجهها....


يارب تعوضني بزوجه غيرها احن واحب منها لي عشان تعرف قد ايش جرحتني وانا احبها... تكفون لا احد يجرح في ولا شي ترا اللي فيني كافيني

سؤال قبل كل شئ ..؟؟؟؟؟ 2000 ريال رميتها في الشارع ..؟؟؟

الشئ الثاني ..
ليه نجرحك ؟ إنت في ايش غلطت ..؟؟؟؟

بس كل اللي أقوله ،، ليييييييييه صايرين نسمع حكاوي كثيرة عن جحد النعمة ..؟؟؟؟
اللي زوجها طيب تجي تشتكي منه ، و اللي زوجته طيبة يجي يشتكي منها ..
و اللي يكون طيب مع زوجته يشتكي من قسوتها ، و اللي تكون طيبة مع زوجها تجي تشتكي عن قسوته ..؟؟؟؟
خافوا الله يا عالم في أزواجكم و زوجاتكم ..

و زوجتك كل اللي أقدر أقوله لك ..
( لا تعليق ، ما أبغى أقول شئ و أكسب اثمها ) ..

لكن ليت الأخوات و الأخوان اللي يعملوا كذا يتعلموا إنه جحد النعمة تراها تقطع الأرزاق ..
عكس الشكر .. اللي تخلي النعم تدووم ..

رميت الفلوس في الشارع أي خسرت مرتين ليه حتى لو كان الموقف صعب وما يتحمل من زوجتك لكن ليه ترمي بالفلوس هذا كفر بالنعمة وجحود لنعمة الله عليك على كان تصدقت فيها خيراً لكمن أن ترمي بها

الله يسامحك

اخوي انا رميتها في الشارع بنية الصدقه... اكيد اللي راح يلقها بيطير من الفرحه... وراح يدعي لي وهو مايدري اني رميتها عن قصد... ياليت تفهم قصدي قبل ما توصفني بالكافر بالنعمه...

النعمه الحمد لله اللي منعم علينا.. ولكن احيانا تطلع عن طورك وتسوي شي ربنا يجعل لك فيه خير... لو اني احرقت الفلوس ولا قطعتها ذيك الساعه ماراح احد يستفيد منها... فهمت قصدي


يارب لا تحرمني اجرها... انما الاعمال بالنيات..

شكرا لك على غيرتك على الدين

كلامي فيه شئ غلط علشان تقول الله يسامحك ...؟؟؟؟
اعمل خيرا ، شرا تلقى ..

بأرد للتوضيح فقط ..

و أنا الغلطانةة اللي أرد علىى موضوعك

اش فيك شابه علي...الله يسامحك


ترا اللي يده باالماي مو زي اللي يده بالنار


انا مقهور واتي جايه تتكلمي باللالغاز... انا اش دراني عن كلامك... ولما حسيت بالجرح دعيت لك بالسماح بس... مادعيت عليك.... هذا جزاتي تقومي تشرشجيني كذا واخر شي تقولي انك ندمانه انك رديتي علي اصلا..... لا لالالالا... خلاص لا تردي علي اصلا من الاساس.... حتى لو شفتي هذا الرد.. انصحك انك ماتردي عشان تكلفي على نفسك وتطقطقي على الكيبورد وتردي علي.. لا بس شوفي ردي وطلعي الله يسامحك بس


الواحد جاي عشان يلاقي له اخوان يخففون عنه.... اخر شي يلاقي له ناس تصفق فيه وتتريق عليه


الله يسامحك بس الله يسامحك

مس بلو و والله انا انصدمت ولا عاد يهمني هي اش تحب ولا ماتحب... انا مبسوط اني مشتري لها هي وهي صدتني ... عشان كذا والله ماراح اجيب لها هديه من نفسي


اذا اهي طلبت شي اجيبه لها... غير كذا ماجيب لها شي من نفسي


جزاك الله خير

الله يعينك والله حاجه تقهر

بس مو لدرجة انك تكره زوجتك وتتمنى تتزوج تاني


خليك عقلاني وكبر مخك انت الرجال وحاول تبين لها ان اللي سوتوا غلط بالأسلوب اللي تشوفوا انت مناسب ويمكن

يحسسها بالغلط


الله يعينك

هااااااا بس مره ثانيه لاعاد تجبلها هديه الا بعد ماتسوي دراسات وابحاث باللي يحبوا قلبها


مودتي

دحين أنا اتريقت على أحد ..؟؟؟
عالعموم ، الله يسامحك و يسامحني ..

زوجتك مريضة نفسية ...
روح لها الحين وقل لها جبت لك احلى هدية تناسبك 100%.... ودخل عليها الطبيب النفسي

جزاك الله خير ... الله يسامحنا كلنا والله احنا احيانا نقول كلام مانقصده بس الله يعفي عننا


شاكر لك صبرك علي

اخوي الهديه ماتناسبها... هي قالت كذا... الحرمه طيبه مره بس مدري اش فيها...... والله اكيد عندها شي بس مدري اشبها ..... فديتها


ياليته فيه ولا فيها

تستاهل اكثر لان هذا تعامل الزوجات بالزمن الحالي اصلا من قال اهد لزوجتك لو الالفين معطيها اياها في رمضان تشتري اغراض العيد ابرك لك ونصيحه لااحد يهدي زوجته لانك تعمل خير تلق شر .........تعاملو مع زوجاتكم بشكل رسمي اذا طلبت عطها .....

بعدين تقول ..

طيب ليش منزل موضوع ..؟؟؟
دام إنها طيبة ، و تحس إنه فيها شئ .. و تفداها إنت ..
ليه ما تروح و تسألها ..؟؟ تراها ما راح تاكلك .. :25:

الله يهديك بس ياروح الطير.... انا قلت اني طيبت خاطرك بعد مازعلتك... وانتي جايه تحاسبيني على كلامي...


طيب انا كنت معصب وكرهتها... ولا زلت ... اذا هي بتطول علي كذا انا ماراح اتتحمل.... عشان انا احبها موت... ولا انتم كذا يالحريم لما تعرفوا الرجال يموت فيكم تكرهوه العيشه... ولما تحسوا بشوية جفاا تجروا وراه زي مادري ايه.....


عموما جواب على سؤالك... انا نزلت الموضوع عشان ابغى حكمه ولا كللمه طيبه من احد اخواني ... ماكنت ادري انو احد راح يحاسبني على كلامي حتى هنا


ومن عندي لك همسه... الرجال مهما حب مرته لو لحد الجنون ... اذا هي ما اهتمت فيه وحسسته انه حبه له قيمه..... اكيد راح يلاقي غيرها تقوم بهذي المهم...

ياريت تفهمي معني كلامي ,,, وتسيبني فحالي

اذا عندك كلمه طيبه قوليها.. واذا الكلام الطيب ثقيل عليك... انا عاذرك عشان اعرف طبيعتكم يالحريم


عموما شكرا لك اخير على وقتك اللي قضيتها مع شخبطاتي

مشكوووووور على النصيحة القيمة يعني اذا زوجته كانت جاحدة للنعمة مو شرط كل الزوجات(في الزمن الحالي) نفس الشي

الله يسامحك بس... قلنا ماله داعي التجريح


خلاص انا فهمت الدرس مايحتاج.... هدايا وخرابيط ورومانسيات مافيه.... طلبات ... خبز , حليب ... حفاضات وبس

اما الرومانسيه , اعتقد مالنا فيها نصيب... الضاهر حتى الرومانسيه ماهي راكبه علينا احنا اولاد الجزيزه العربيه اولاد الصحراء

اكيد من حقك انك تزعل منها بس مو لدرجة تفكر بزوجة ثانية لازم تبين لها انك زعلت وتقول لها ما رح اجيب هدية ثانية لك لانك بدل ما تشكريني ترميها فوجهي:( لما تبغي فلوس اعطيكِ اما هدية ما بجبلك
يعني لازم تحسسها انها غلطت في حقك وتعتذرك وبعدها جبلها هدية على ذوقك انت ,يعني ما لازم تتعود انو تكون الهدية على ذوقها والا لا تسمى هدية
موفق
وان شاء الله

والله مدري اميره..خليني اول اشي اصحصح من اللي سوته فيه وبعدين افكر بوضوح واعرف اش اسوي


شكرا لك

ياخوي عبادي .. اصبحنا و أصبح الملك لله أول شئ :D
تاني شئ زوجي يقولك في أي شارع رميت الألفين ريال ..؟؟؟ :D


ثالث شئ ، جاي تنصحني عن طريقة تقدير المرأة لزوجها و تقولي أفهمي الكلام ..؟؟؟
أنا جيت اشتكيت لك و لا زوجي اشتكى لك ..؟؟؟ ما تنصح زوجتك بدل ما تنصحني .. :p

أنا بديت ردي بنصيحة للكل إنه لا نتعامل زي كذا مع بعض .. و فهمتني غلط ..
و دحين جاي تنصحني ..؟؟؟ :25:

أدري إنك في لحظة غضب و قهر ..
بس ترى مو كل حرمة زوجها يدلعها و يحبها تعامله بالطريقة هذه .. إلا اللي دلعها ( ماسخ و ماله طعمة ) ..

و أنا أؤمن بإنه الرجل كل ما شكرته و مدحت فيه ، كل مازاد عطائه ..
و زوجي مدلعني و الحمد لله و مو ناقصني شئ غير إني اشكر ربي حتى يدوم حبه..
فما يحتاج تعلمني .. علم اللي عندك :D

يا أخوة المنتدى .. يا رفاق الدرب

هدوا اللعب ما تعودنا المناكفات منكم .. الله يستر عليكم

كلنا نخطي .. والله يسامح من يخطي حقنا

خلينا نكون عقلانيين في ردودنا .. ودمتم

حياك الله أخوي : ألفين ريال بالشارع ليتني جارك ..:d

-------------------------------------------------------------------------

حبيبي عبادي .. ماألومك .. موقف صعب .. وتصرف سلبي للغاية من زوجتك المصونه ..

لم تقدر مشاعرك ..!!

لم تتصرف بتصرف جميل حتى ولو لم تعجبها الهديه ..!

لذلك أنت شعورك يتملكه الغضب ولا أحد يلومك في اللحظة ذاتها ..!!

تحاول تنفيس هذا الغضب .. !!

لن أقول يفترض منها أن تفعل .. !! لأن الموقف حدث وانتهــى ..!!

لكن ماذا فعلت أنت بعد أن قالت ماقالت ..؟؟

وماذا ستفعل أنت بعد هذا الموقف ..؟؟

لابد أن تُظهر الغضب .. والزعل .. وليكن معنوياً ..

أن تعاملها بشكل جاف .. ولو مؤقتاً ..

مع هذه المعامله الجافة .. والرسمية ستتساءل الزوجة عمّــا يُغضبك ..؟

وهذا جيد لأننا سنتعامل بغة حوارية جيدة .. وأسلوب جميل في حل القضايا ..

حينها قل لها أنك غاضب على تصرفها .. ولو أن الهدية لم تعجبكِ كان من المفروض تقبلها بأي

شكل من الأشكال .. ليس إلا أنها هدية .. وممن .. ؟؟ من زوجكِ ..؟

فما الضير لو تصنعتِ الفرح والمسرة ولو لإدخال الفرح والسرور الى قلبي .. وإلا ما فائدة الهدية

( تهادوا تحابو ) ..

إن كان في قلبها وما أظنه إلا هذا حب لك ومودة ستتأسف لك بكل تأكيد ..

وتعود المياه الى مجاريها والحمد لله ..

أما كونك تقول نحن أبناء الصحراء .. فنعم لكن قلوبنا أرق من النسيم وألين من غصن الريحان..!!

أسأل الله لي ولك المسرة الدائمة .

دمت بخير .

آفا آفا والله كل عتبي عليك يا دكتور المنتدى

ترى مو كل النساء مثل بعض ولا كل الرجال مثل بعض

كل جنس فيه الخير وفيه الشر

دقيقه دقيقه

لحظه لحظه

وش هالكلام الي تقولون انك غلطان المفروض انك تعرف وش تحب وتسئلها وش تحب هي !!!

والذي رفع السموات السبع بغير عمد ان كنتم صادقين فيما تقولون فأسال الله العظيم رب العرش العظيم ان لايرزقني من اشباهكم بالمعامله او المنطق

الرجال دافع الفين ريال وجايب هديه قد الدنيا ومتكلف فيها ومسوي جو رومنسي واخرتها يلاقي هالرد

مهب لازم تعجبها تسكت وتروح تهديها احد او تبيعها بالسوق اما هالرد السيء والاكثر من سيء فلا

لاحول ولاقوة الابالله

ماشاء الله عليك ياصبرك ياخووووووي

انا ارتفع ضغطي وشب علي القولون وانا اصلا برى الحكايه

بصراحه ما ابي اتدخل بس والي خلقني ما اجيب لها هديه لمدة سنه كامله على الاقل حتى تتأدب وتعرف تعض على لسانها ويازين الرسميه مع هالعينات والمراءه من نساء المنتدى كلهم واحده تقول ان هالرجل غلطان انا مستعد اواجها هنا او في موضوع مستقل واعرف كيف اقنعها

والله اسف اسف اسف بس من هول ماقراءت ماقدرت اصبر

يا أخي أنت رميت الفلوس لان الغضب قد اعمى بصيرتك ولم ترمها بنية الصدقة لان الصدقة لا ترمى إنما توضع في مواضعها وتسلم الى من يحتاجها و لا ترمى له

نعم أقولها عشأن حاجة دينوية تبغي بها رضى زوجتك نسيت نعمة ربك عليكِ لذا لا تكبر واستفغر الله فالفين يا أخي تمثل راتب لبعض الاسر

أخي ماذا لو قعت هذه الفلوس في يد شخص متعاطي للمخدارات أو زاني أو غير ...... هل بالفعل أنت تصدقت على هولاء وما هي الافعال التي سوف يرتكبونها بهذه الفلوس

تصرفها غير لائق ابدا

يعني حتئ لو زوجي جاب هديه مو علئ ذوقي خلاص من الاحترام

ان اتقبلها واشكره اثني عليه
لاجل مايتحطم

لكن شكلها هي معصبه من شيء فعلته انت !
لكن
حتئ لو حصل خلاف بينكم مايبرر لها مافعلت .؟
صدق
شيء يقهر
!
وربي يقهر
وش هلدلع عندها !ماهي علئ ذوقها !واذا ماهي علئ الذوق اسؤي كذا !

اسمح لي اقولك الله يصبرك عليها
والشيء الاخر

ازعل منها ولا تكلمها لاجل تعرف تقدر مشااااعرك
وربي عصبت من اسلؤبها القاسي والغير لااائق .

لاحظت شلون .. متى نتعلم نركز على اصل المشكلة ونتجاهل ما سواها
مجتمعنا رهيب :d

المشكلة انك ربما قد تكون عودتها على اشياء ثمينة وراقية واكيد هي اشياء تحبها لذلك كانت صدمة لها عندما رأت شيئا آخر لا تحبه وتصرفت اعتقد بعفوية لانها لو فكرت في الامر جيدا لما تصرفت بهذا الشكل لان الهدية في حد ذاتها لا ترد مهما كان شكلها او رخص ثمنها .
انا احكيلك قصة عن صديق لي اخبرني انه تقريبا كل ما يدخل لبيته ياخذ معه هدية لزوجته اشياء بسيطة جدا احياننا وردة صغيرة او حبة حلوى او شوكلاطة المهم من الحلويات التي تحبها عندما كانت صغيرة واحياننا أخرى تكون اشياء ثمينة اذا كانت هناك مناسبات المهم زوجته صارت تنتظر رجوعه كل يوم ليس من اجل الهدية وانما على حسب كلامة تريد ان تعرف هل يفكر فيها زوجها عندما يكون خارج البيت وياتي بشيء ما لاجلها ام لاء .
انا لا اعتقد ان اشياء بسيطة كهذة سوف ستكلفك الكثير ولكنها سوف تعني الكثير لزوجتك .
كذلك انت رجل عليك التصرف بحكمة فربما زوجتك كانت في حالة غير طبيعية يعني ليس من العدل ان تكره زوجتك وتريد زوجة اخرى لاجل انها رفضت هديتك .

للصبر رجال ،،

تنفجر و تسب و تشتم وتحلف ووو إلخ .. و ماني شايفة كل النساء دافعوا عن زوجته ..
انظر للموضوع بعينيك الإثنين و لا تظلم المرأة .. و أقرا الردود مجددا ..
أكره اللي يعمم .. :29:

يجب حرمانها من الهدية لتعرف قيمتها مع عدم ذكر الموقف وتذكيرها به

وهناك نساء لم يرين الهدية من ازواجهن ويتمننها وعاشت وتبعلت لزوجها


والأنفصال ليس حل بل الحكمة والتطنيش لكي تقود بيتك وزوجتك

مصائب قوم عند قوم فوائدُ ..


من حظ الهنود اللي بالشارع ,, سبحان الله رزق من الله جاهم ألفين ...؟؟؟!!


هذا إن كان من جد رميت الفلوس يمكن بجيبك وأنت منت مركز ....!! تأكـــــــــــــد ...

مرحبا يا عبادي

ترى انا من اول قريت موضوعك وطلعت قلت ماله داعي اتدخل

بس بصراحه ما قدرت

انا متأكده ان فيه اشياء كثيره صارت قبل سالفة الهديه يمكن زوجتك زعلانه

يمكن هي من اول ملمحة تبغى هديه معينه وانت جبت على كيفك

وبتحسبها عليها هديه

يمكن زوجتك طفشانه منك على تصرف معين

يمكن انت سويت معها اشياء او جرحتها بألفاظ وتظن ان الهديه كفيله بنسيانها

صحيح ان تصرفها خاطئ وانها مهما كانت الهديه كان لابد ان تتقبلها وان تبدي سرورها بها

ولكن نحن لا نعلم كل ما جرى بينكم قبل تلك الهديه

لذلك لا تعطي الموضوع اكبر من حجمه وكبر عقلك يا عبودي

واسمع كلام الاخ ثنيان

يقول الرجل لا بد ان يكون اكبر عقل من المرأه

واحلم من المرأه

ووووووووووووووو

بصراحه انا احس انك مررررررررررررررره عصبي بس طيب وتندم بسرعه

الله يهديك ويصلحك ويصلح زوجتك