|
كيف أطفش هالشخص .
السلام عليكم أريد معرفه آرائكم بالزواج من مطلق و ليس له أبناء و دام ع زواجه 9 شهور أسباب الطلاق : 1- أنها لا تسمع كلامه و لا تحفظ أسراره 2- حجج غبيه .. ما دخلت مخي .. أحس ما عنده شخصيه أبدا و تابع لأمه .. بصراحه ما توقعت أني أكتب موضوع .. بس للأسف الحين أكتب .. باختصار ,, أنا بنت تقدم لي واحد مطلق بس لا عيب عليه بدينه و أخلاقه - بصراحه شكله مقبول مع انه أسمر - طيب بس انا لا أريده لسبب : مجرب وحده قبلي .. أعرف أنه بالحلال ما بالحرام . بس أنا وحده غيورة ما صار شئ و انا أحس لا أستطيع أن أرتبط بواحد عنده خبرة و يعرف و كلم وحده قبلي صح أحسن من واحد لعاب بالحرام بس أعرف أن طليقته تريده و لكن هو لا يريدها . أشعر إنه ليس عدل .. أنا أول مرة أزوج و ما كلمت بحياتي واحد من غير محارمي و بكون أول واحد بحياتي هو متزوج بوحده 9 شهور .. ما بتكون مشاعره حقيقه من طرفه .. أشبه زواجي منه بأني أشتري فستان مستعمل و ليس جديد . أعرف إن الزواج ستر للمرأة مع هالزمن بس ما توقعت أن أبوي الحين يسألني عن رايي .. يعني يوم أنا مرة من المرات كنت بتزوج واحد أعرف أنه يحبني وكان يبغاني و انا بالمدرسه ..عرفت من أهله حتى ما أعرف شكله بس من كثر ما سمعت من أهله رفض أبوي مع أني قلت لأمي إني أبى أتزوجه و تخبره رفض و ما سوالي سالفه .. و الحين هالمطلق أنسأل عن رايي .. الحين أبى حد يعطيني حل أطفش هالإنسان بس كيف ما أعرف .. تراني غبيه كنت سايره زيارة عائليه لوحده والده بالمستشفى شفت هالغبي المطلق بس كنت مغطيه وجهي و بصراحه شفته ما يطالع صوبي حسيت أنه مؤدب ، و يوم دخلت عرفت أنه فلان من الكلام ، بس استجوبتي أمه و أنا مثل الهبله أرد عليها و استلمتني أخته الكبيرة ما كنت أعرف أنهم بيخطوبني لولدهم و لا أصلا ما سرت هالمستشفى . ابتلشت . أبى أطفشه بطريقه طفشت واحد فيها . كان واحد لعاب و يسمع أغاني بعد و يسأل أخوي الصغير عني و أخوي يقول لي شكله بيخطبكِ بصراحه ما بغيته يسمع أغاني و لعاب . و يغازل بنات فهمت أخوي يفهم أخوه الأصغر لأنه صديقه أني وحده معقده و ما أشوف تلفزيون و أكسر أشرطه الغناء و ما أسمع إلا محاضرات و قرآن و مزاجيه و كل سب الدنيا . الحمدلله طفش قبل ما يوصبل البيت . الحين لو رديت سويت هالحركه .. هنا يختلف أخوي الكبير يحب هالإنسان و يحترمه و ولد أختي الكبيرة نفس الشئ أعتقد أنهم ببهدلوني .. الحين كيف الحل ..؟؟ أنا خواته بطنشهم . حتى لو تملكت عليه أفكر ما أعطيه صور و أطفشه بس بصراحه ما أكون مطلقه أبى أطفشه من الخطبه . ملاحظه .. أعرف المنتدى مختلط ... لو سمحتم اللي عنده رد محترم يحطه و بلا ألفاظ غير لائقه .. عيب و تذكر أن الله يراك .. و كل اللي يكتب في سجل أعمالك |
حبيبتي الله يوفقك .. ويكتب لك اللي فية الخيرة
ثانيا انا احس انك ما خذة الموضوع لعب ,, واكشن بصراحه اشوفة مناسب جدا ... وعجبني انه ما يطالع الحريم هذي ميزه مرة زينه والدنيا نصيب .. ممكن نصيبة معاك ... وانتي اسالي اهلة وهو ايضا خلي اهلك يسالونه هل له رغبة بالعوده لزوجتة الأولى .. اذا اية لا تاخذينة واذا لا خلاص عفى الله عما سلف |
اقتباس:
|
؟؟
صباح الخير للجميع,,
مايحتاج اطفشينه بحركه خلي اخوك الكبير او ولد اختك يعطيه اسم المنتدا ويقوله علي المشاركه حقتك وصدقيني لما يقرا الموظوع ويشوف اسلوبك وطريقة تفكيرك راح يعافك من غير مايفكر في وحده مش عارفه ايش تبغا, وعلي فكره ماني عارف كيف عرفتي انه مايناظرلك وانتي متغطيه شكلك زرقاء الليمامه بغفله بس اشكرك بعنف ضحكتيني علي ذا الصباح, والدنيا ما دامت الاحد يامطلقه ولا اسف يا انسه(مدمزيل) |
اقتباس:
ههههههههههههه تزبيييده قويييه شوفي اختي ليش تبين تطفشين الولد عشان مايتزوجك لاتطفشينه ولاشي قوليله بس الله يستر عليك وعلينا وخلاص وخلاص بيلقى وحده ماهي معقده زيك :26: |
اولا..كيف عرفتي انه ماعنده شخصيه؟؟
ثانيا...من المتعارف عليه والبديهي وباالفطره..اي واحد مايبي شي يرفضه يعني يقول لا يعني انتي وبااختصارمانتي موافقه على هذا الانسان ليش ماتروحين لابوك وتقولين اناماني موافقه.وتوضحين لابوك واخوك الاسباب الي قلتيها..وتريحين نفسك..وماظن يغصبونك عليه بدل الفلم الهندي الي ناويه تسوينه في هذاالمسكين...على بالك بيموت عليك يعني بيلقى وحده افضل منك بصراحه الفاظك جدابذيئه ...حكمتي عليه باالغباء وهومسكين ماسوالك شي غيرانه اختارك زوجه له لكنه اخطأفي الاختيار ايش الي تطفشينه وماتطفشنه...ماتبينه لاتوافقين عليه..ومواول واحد مطلق يخطب وحده ماسبق لهاالزواج كثيرصارت ولاانتي اول مره تسمعين فيها.. معقوله فيه ناس تفكربهذي الطريقه...انا اسفه لكن تفكيرك هذا طلعني من طوري حسيت انك انسانه مغروره ومااعتقد ان فيه احدفي المنتدى يلبي طلبك ويعطيك افكارعشان تطفشينه...الاالي بنفس عقليتك |
كان واحد لعاب و يسمع أغاني بعد و يسأل أخوي الصغير عني و أخوي يقول لي شكله بيخطبكِ
وربي مت ضحك على هذا المقطع.. على طول حكمتوا عليه انه يبي يخطبك...واشتغلتي عليه اكشنات.. طيب يمكن عمره مافكرفيك ولافكريتزوجك خذيهامني نصيحه..عشان لاتتعبين نفسك باالتفكير.وتضيعين وقت الخاطب.اي واحد يتقدملك وماتبينه لاتوافقين عليه وقولي لابوك عشان يقوله مافي نصيب والله يعوضك ومع السلامه. وخلي عنك الحركات والكلام الفارغ. |
واثق الخطوة يمشي ملكا
خلاص قولي مش عاجبني ولا اريده ما في اجمل من المصارحه هذه حياتك وانتي حره فيها |
والمطلوب ؟؟؟
|
الله يهديك بس ارفضيه وقولي ماابيه بلاش حركات الاكشن تبعك
|
مش عارفة ليش التطفيش وكل هذه الدراما القصة بسيطة وما تستحق هذا كله ارفضيه ولا تقبليه زوجا وانتهى الموضوع |
الله يهديكِ ويصلحك.. ! يارب ..
|
كم عمرك؟؟
هل خطبوك بشكل رسمي ام ان هذا امتداد لافلام الاكشن التي تفتعلينها؟؟. ان كانت اجابتك نعم، فارفضي وبكل بساطة.. |
اتفق معك بانه كان غبيا عندما تقدم لك و اختارك من بين نساء الدنيا لتكوني حليلة له و انتي تسبين فيه و تتكلمين عنه من وراء ظهره رغم انه لا بنقصه شيء في دينه او اخلاقه كما ذكرتي !!
لم تكتفي بذلك بل تريدين ان تكملي مشوار الاسائات و الاهانات بتطفيشه و كأنه اساء لك او ذبح لك احد اخوانك ، و تريدين من ان نساعدك على الشر ببعض الافكار التطفيشية !! الموضوع بسيط جدا مثل ما تقدم لك بكل احترام و أدب ارفضيه بكل احترام و ادب باخبار والدك و والدك يخبره |
اذا كنتي فعلا لم يدخل قلبك وعقلك ارفضيه وينتهي كل شئ واترك الرجل في حاله
الله يوفقك ويوفقه |
لا حول ولا قوة الا بالله
|
اقتباس:
كتبت الإيجابيات فيه سلبيات كثيرة .. بعدل الموضوع ... ثانيا .. الله يسامحك .. أنا ما ألعب .. ما عندي وقت ألعب .. بس هذه طريقتي بالتفكير .. |
اقتباس:
|
اقتباس:
بخلي عني ردوود تغث و كلام فاضي نفس هالرد لو إني ما أخاف من الله لرديت عليك و ع غيرك بردوود تسكت .. بس ما كل من يصادفنا يستحق الرد ... |
أنا أسوي أفلام نن أكشن ..
لانه ماشئ أنيميشن متحركه بالصفحه . |
ما يبغالها الشغلة تطفيش
كلمة لأ تنهي الموضوع كله ليش تطولين السالفة ؟! فالنفرض غنه على نياته وأحسن الظن فيكي و التمسلك العذر في كل شي تسوينه وفي الأخير ما تبينه ، حرام تعطليه خليه يروح يشوف نصيبه ، لا يدور الزمن عليكي ويوقف نصيبك إذا كنتي من البداية منتي مرتاحة له ليش ما تكوني صريحة وتثبتي تقتك في نفسك وتقولي لأ من البداية بتشكين فيه من البداية إنه لسه متعلق في زوجته الأولى صدقيني ما راح ترتاحين ولا بتريحينه ، وبيصير بعده طلاق وهو الشي اللي انتي ما تبينه ، حرام تنحسب عليكي وعليه ... ــــــــــــــــــــــــــــــــــــ همسة أخيرة : هناك فرق بين الثقة في النفس وبين العدوانية والإندفاعية ، تأني في ردودك على الأعضاء فهم اخوان لك في النهاية لا مصلحة لهم في اي قرار تتخذينه في النهاية . |
فضلا من الجميع التزام الادب في التعامل مع الاخوان الاعضاء
الاشراف ؛ |
إذا عاجبنك .. الله يعطيك واحد مثله ..
اناولله الحمد متزوجه..ومافي داعي تقوليلي كذا حتى لوماكنت متزوجه.. ولوكنت بنت وجاني واحد زيه ماذكرتي فيه اي عيب غيرانه مطلق..اكيدبوافق لان يمكن الفرصه ماتكرراويجي واحد شاب لكن مايتصف بنفس اخلاق المطلق اويكون له علاقات محرمه محد يدري عنها(يعني اول مره زواج بس مواول بنت يعرفها) ليش همك الوحيد انك تكوني اول وحده بحياته..وماهمك اخلاقه لا تدافعي عن موضوع أنتي ما تعرفيه كامل .. يعني الأولى المسكينه اللي تعطيه ذهبها عشان يشتري لها بيت تستقر فيه بعيد عن أمه و أخواته .. و هو يرفض .. يعني عايشه بيتهم الخرابه .. و تستحمل عيشتهم .. و أمه متسلطه تتحكم فبلاد .. كيف بولدها .. انامادافعت عنه احنالناالكلام الظاهربس..يعني لوفيه سلبيات ليش ماذكرتيهامن البدايه وخبيتيها واذاعلى زوجته الاولى تبي بيت مستقل وهورفض مومعناه ان ضعيف شخصيه..ويمكن يكون كذا(الله وحده اعلم) بس انتي ليش حاقده...قلنالك ارفضيه واصري على الرفض انصحك بدل ماتفكرين فيه طريقه تطفشينه على قولتك(تبعدينه بمعنى اصح)فكري في طريقه تقنعين اهلك باالرفض وانك ماتبينه.مااعتقد يغصبونك عليه واحب اوضحلك شي ترى الرجال موميت عندك ويبيك باالغصب..في مليون وحده تنتظرالنصيب بس انتي لاتضيعين وقته واتحدى اي عضومن اعضاء المنتدى يوافقك..والكل ضدك..قفلي على الموضوع افضلك |
أختي الله كريم ,, ما أجمل اسمك ! اسمحيلي بردين: 1- ارجعي لسيرة حبيبك محمد صلى الله عليه وسلم , وعن زوجاته وشوفي كم وحده منهن مطلقة أو أرملة !!!! هو القدوة وعلى الفطرة يسير فداه أبي وأمي. 2- استخيري ,,, ثم قرارك بيدك بدون تطفيش ولا تكفيش . الله يوفقكِ |
مسكين اللي بيأخذك مستقبلا مدعي عليه
تفكير غريب ولسان .......... |
جد مدري شااقولك بدال ماتسبينه والاشياء اللي جالسه تقولينه كان قلتي انا خطبني شخص ومواصفاته ابد موعاجبتني
وماني مرتاحه احسن من الشي اللي سويتيه بصراحه ان ماخذاك خيره له قبل مايكون خيره لك وانتي قلتي ابوك جاياخذرايك كان رديتي وقلتي انا رافضه ماني مرتاحه واهلك استحاله يجبرونك ع شي انتي ماتبينه ولاحتى مرتاحه له وهذا زواج مولعبه وبعدين وش فيه المطلق ايام المطلق يكون احسن من اللي ع قولتك جديدمومستعمل موايام شباب ياخذون بنات مطلقات ليش مافكروا بتفكيرك هذا ويمكن فيه اسباب لزوجته ومايقدرانه يحكيها لك علشان هيك حكى وبعدين لاتتجلسي تتكلمين وتتشرطين يمكن ربي يعاقبك باللي تفكرين فيه واللي تسوينه ويحرمك من هالشي الله يهديك بس هذا اللي اقدر اقوله لك |
... تخيلي يوم من الأيام يطلقني .. ليش أخذ واحد ما راعى زوجته الأولى .. ما أستبعد عليه يكون مصيري مثلها .. بعدني صغيرة و العمر أمامي .. و فرص جايبه أفضل إن شاءالله
سبب رفضك لهذا العريس انه مطلق.وانامتأكده انه مافي سبب ثاني لوفيه كان ذكرتيه من البدايه..والدليل ان زوجته زي ماقلتي تريده لوكان سيء ماترغب فيه زوجته خصوصا انه مافي اطفال عزيزتي... لاتنسين ان هذاالشخص كان شاب مومتزوج لماارتبط بزوجته الاولى ومن ثم فشل زواجه لاسباب الله وحده اعلم فيها..الظاهرراح عن بالك هذاالشي وفكرتيه من يوم انولد وهومطلق.. يعني احتمال لاسمح الله يصيرلك نفس الموقف مع شخص لم يسبق له الزواج ولاعمره طلق ويقوم يطلقك لاسباب معينه ..ومن جهه اخرى..لمايكون الرجال مطلق مومعناه ان كل ماياخذوحده يطلقها ممكن الثانيه تعيش معاه مبسوطه..وكثيرصارت انامااحاول اقنعك في هذاالشخص.باالعكس انااتمنى انه مايرتبط فيك ويفشل في زواجه مره ثانيه |
هههههههههههههههههههه
استبيحك عذرا اختي لكن حقيقه طريقة ردك طفوليه جدا,, الدنيا اخذ وعطا مو حرب ترى كذا ماتعيشين ومحد يتحملك,, تمشين على مبدأ اصص حدك,, يشيخه شوي شوي اعصابك ,, تحدثي مع اللي قدامك بحكمه واسلوب راقي ,, الله يرزقك بشخص حليم كريم صبور شكور عابد زاهد,, |
اقتباس:
استغفر الله .. ما كنت أقصد شئ أبدا .. بس جزاك الله خير .. نبهتيني صح إذا ما شكرنا الله ع أي نعمه يعني تزول ,, بالشكر تدوم النعم ,, الحمدلله ربي العالمين ع كل شئ ,, الله يهديك الغاليه .. |
اقتباس:
جزاكٍ الله خير .. في كلامك شئ من صحه مع أن أسلوب ما عجبني ... بس أخذ اللي يفيدني .. جراسيس ..= شكرا بالأسباني |
اقتباس:
و عشان دعوتك لي .. بطنش كلامك .. آآآآآآآآآآآآآمين .. و لكِ بالمثل .. عادي .. أفكاري طفوليه .. ما هو الخطأ .؟؟ صح لو ما كانت طفوليه ما رديت عليكِ الحين .. مرسي |
اقتباس:
ياقلبي انتي اذا في بالك شي قولي لاتطوفين خذي راحتك,, مم فيه طفوليه حلوه وفيه طفوليه سيئه:25: على حسب!! |
اقتباس:
الخطأ أنكِ لستِ طفلة يا بنت. الخطأ أنكِ بأفكاركِ الطفولية تتعاملين مع الآخرين بعدم احترام .. وحقيقةً عيب جداً أن تتلفظي على الرجل وتصفيه بالغبي المطلق وكأن الطلاق أصبح مسبة!! .. وعيب جداً أن تصفيه بالفستان المستعمل!!!! .. وتتساءلين لمَ سيعاقبكِ الله؟ .. سيعاقبكِ بإذنه تعالى لأنكِ سخرت واستحقرتِ إنساناً خلقه الله مثله مثلك بالضبط .. وبالتأكيد أنتِ درستِ في المدرسة أن السخرية من الآخرين حرام شرعاً. نعم من حقكِ أن ترفضي الارتباط برجل مطلق إن كانت لكِ وجهة نظر ما .. ولكن ليس من حقكِ الانتقاص من قدره واستنقاصه بهذه الطريقة المعيبة. ودعيني أسألكِ .. هل تعرفين هذه الآية: (يا أيها الذين آمنوا لا يسخر قومٌ من قومٍ عسى أن يكونوا خيراً منهم ولا نساءٌ من نساءٍ عسى أن يكنّ خيراً منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون) (الحجرات) ومن لم يتب فأولئك هم الظالمون .. الظالمون يا بنت .. فهل تدركين؟!! الخطأ أنكِ لن تستطيعي بأسلوبكِ الطفولي هذا أن تعيشي حياة زوجية مستقرة وناجحة .. لأن الزواج إن كنتِ لا تعلمين يحتاج لنضوج ووعي ومعرفة كيفية احترام الطرف الآخر. الخطأ أنكِ بأفكاركِ الطفولية تعاملتِ مع الموقف بطريقة ساذجة ومضحكة تجعل أي عضو يشفق عليكِ من نفسكِ أكثر مما سيرغب في مساعدتكِ. هداكِ الله! |
اقتباس:
وأزيد على كلام أختنا .. تعودي على الصراحة .. مع أهلك ومع زوجك مستقبلاً إن شاء الله .. وتعلمي أن الحياة نقاش وحوار .. فمن دون الحوار لن تحلو الحياة .. لأنك كما ذكرتِ بأن أمه متسلطة .. فلا تكوني كأمه "إن كانت كما ذكرتِ" .. بطريقة رفضك هذه للطرف الآخر .. استغفري الله تعالى .. عما ذكرته في حق هذا الرجل .. فإن كنت لا ترغبين به .. فارفضيه رسمياً وسيجد بإذن الله مئات البنات من تقبل به هدانا الله وإياكِ .. |
اقتباس:
بس إهداء .. هذه مقوله من الوالده الله يحفظها .. " إذا كان الرزق بيد واحد من بني آدم و إن كان أفضل الناس بزمانه .. لما أكل إنسان و لا شرب .. الحمدلله إن النعمه من عند الله .. فهو يعطي من يشاء و يمنع عن من يشاء .. لا نسأل لم لم تعطيني .. و لكن أسأل عما أفعل بهدايا الرحمن .. من خير و شر .. لأن الشر ..يكفر الذنب ..أو يزيد الحسنات .. و كلام يطول .. " أهديتني تذكير بآيه و أهديك .. كلمات .. يمكن تذكرك بشئ طيب .. أسلوبك أسلوب مدرسات .. أعجبني .. لأنه ممزوج بإطار و استشهاد ديني ... |
جزاكم الله خير جميعا .
الحمدلله .. ابوي اعتذر من هالإنسان الله يوفقه بحياته ،، طلع الأخ يسمع أغاني .. و ما ادري يشوف تركي نفس أخته .. أنا ما أسمع . بس بسكت أحسن .. الله يوفقه بحياته شكرا لردودكم .. و مره ثانيه يجب مراعاه إن يمكن الإنسان يخطأ بكلمه .. لا تدققوا ع الخطأ .. بس نبهوا الواحد ع خطئه . |
طيب ولما ابوك رفضه ايش لازم من هالموضوع وتبين خطط التطفيش لو صبرتي بس
تخيلي لو الاعضاء سايروك ووضعوا خطط وفكرو وتعبو نفسهم وبلاخر تقولي خلاص ابو ي رفضه ؟؟؟؟؟؟؟؟؟؟؟؟ ياريت نصبر ونفكر قبل طرح المواضيع يارييييييييييييييييييييييييت |
اقتباس:
وكيف بنبه الواحد على خطأه اذامادققناعلى الخطأ...لازم ندقق عشان ننبه ثانيا... فيه كثيرمثلك...مايسمعون اغاني ولايتفرجون مسلسلات وشايفين انهم مابعدهم في الدين وفي نفس الوقت مغرورين...متجاهلين قول الرسول عن الكبر ولسان طويل ويغتابون الناس.. متجاهلين قول الرسول(المسلم من سلم.........من لسانه)حطيت بدال الكلمه نقاط عشان ماني متأكده منها. يعني متدينين بس الدين الي على كيفهم..سبحان الله والحمدلله ان ابوك رفض...وبنشوف كيف العريس الكرت كيف تكون اخلاقه.. اتمنى الله يوفقك في حياتك ويغفرك سيئاتك. |
اقتباس:
|
| الساعة الآن 10:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©