|
مشكلتي مع القولون
بسم الله الرحمن الرحيم اعضاء المنتدى المبارك السلام عليكم ورحمة الله وبركاته انا لسا مو متزوجه و عندي مشكلة كبيرره ومو لاقيه لها حل الا وهي القولون حسب زعم الاطباء معليش سامحوني عالاطاله ولكن اريد ان تفهمو مشكلتي بشكل كبير مشكلتي بدأت من سنتين تقريبا بعد دخولي للجامعة بدأت تطلع من بطني أصوات محرجه والله انه يطيح وجهي بالارض وصرت اتهرب من المحاظرات كله بسبب الاصوات تعبت معها جدا أنا ما يهمني اني اتعالج من القولون عادي اتحمل الالم بس الصوت ابغاه يروح نهائيا سويت كل شي ما فاد وربي اني بغيت اترك دراستي بسبت كذا اجلس الصباح قبل ما اروح ساعه بالحمام احاول افرغ بطني من الفضلات عشان مايطلع هالصوت اكرمكم الله تعبت والله العظيم رحت للدكتور قال عادي هذا قولون ابتعدي عن الحوار والبهارات... الخ جربت اشرب يينسون وكمون وعنزروت وشمر وبابونج ماا فااااد:rolleyes: رحت عند راقيه لمدة 3 ايام قالت يبغا لي استمرار عندها بس المشكلة هي سافرت واحنا برمضان بنسافر عند اهل امي وكلهم بنات وجمعه تخيلو وانا جالسه معهم يطلع ذا الصوت وربي شايله هم من اللحين وافكر ما اروح يعني تخيلو انحرم من ساعة الصدر عشان هالاصوات وربي اني تعبت يا ناس تكفون جعل والديها بالجنه اللي تقولي طريقه اتخلص من هذا الهم تكفوووون استغفر الله الذي لا اله الا هو الحي القيوم واتوب اليه تم تعديل العنوان ليتضح المضمون..الاشراف |
لازم يااختي تتعالجي بنت اختي صغيره بمتوسط وفيها قولون بس منتظمه على الأدوية وماتشتكي من أصوات أبدا
يعني العلاج ضرووووري وكمان اشربي ماء زمزم مقري عليه وربي بيسرلك أمرك لاتشيلي هم |
اقتباس:
يعطيك العافية |
راجعي طبيب باطنيه ويديك ادويه للغازات
او فيه خلطه طبيعيه مجربه وتفيدك ان شاءالله تجيبي ماش مطحون + فلفل ابيض مطحون +زنجبيل مطحون وتخلطي الماش كوب مليان والفلفل فنجان قهوه وكمان الزنجبيل وتخلطيهم مع بعض وتاخذي ملعقه صغيره منها وتخلطيها في كوب حليب مع سبع تمرات وبعد وقت يمكن ساعه تفطري عادي بتحسي بفرق كبيرر بس اللي جربوها قالوو الزنجبيل ينشف الجسم من الدهون ويشده والفلفل يخرج مويات من الرحم اللي جربته وحده اعرفها وهيه متزووجه ... فتقولي انها وقفت الزنجبيل والفلفل واستمرت ع الماش مع التمر والحليب لانها ماتبغى تنحف بسبب الزنجبيل والمويات اللي تخرج من الرحم ازعجتها وتركته عشان كذا الله يسهل لك امورك ويشفيك اصلا بتحسي براحه كمان في الجهاز الهضمي ككل من بعدها لاني اعرف اكثر من شخص استخدمها ولقي فايده منها انا جبتها لهم من النت والله يدعوو لي للحين موفقه بأذن الله |
اقتباس:
لاني وربي راجعت باطنية وعطتني علاجات ولاكن مالها اي فايدة معي اذا اخذت سنا مكي احس براحه بعدها بس الاعراض موجوده بس على اقل فحسيت انه يمكن يكون فيه حاجه في بطني بكتيريا او شي زي كذا |
اهلا اختي
مشكلتك الرئيسية القولون العصبي وهو اهم اعراضه الغازات لذا تاكدي انك متى ماعرفتي تتعاملين معه صح في الغذاء وفي تجنب بعض العادات والاساليب الخاطئة باذن الله راح تلاحظين انه مافي اي غازات او اصوات بالبطن ربما حصل معك بعد الجامعة نتيجة التوتر والقلق وايضا شي مهم ربما انتي بعد الجامعة ودوامها اللي بالتاكيد الى العصر صرتي ترجعين من الدوام تتغدين وبعدها على طول تنامين مثل اغلب البنات وهذا للاسف اكبر غلط ومثير كبير للقولون اقرأي ردي على احد الاخوة على هذا الرابط http://www.66n.com/forums/showthread.php?t=210581 وهذا موضوع كامل عن القولون العصبي http://www.66n.com/forums/showthread...7%E1%DE%E6%E1% E6%E4 حاولي تعجلين بالذهاب الى دورة المياه وانتي بكرامة كلما احسستي بالحاجة وبكذا تخف عند الغازات كتبت لك ردي هذا على عجالة اي استفسار زيادة لاتتردي اسال الله لك دوام الصحة والعافية |
حياك اختي اسئلي زي ماتبغي .. اللي جربوها اكثر من شخص اعرفهم وقالوو انهم ارتاحوو من القولون وتعبه
طبعا مافي احد يذكر الامر صر احه انو فيه غازات الامر محرج شوي بس يقولو نظم لنا القولون خف الامساك عننا وصارت المعده تشتغل تمام هذا كلامهم هذي خلطه طبيعيه اذا مافادتك ماراح تضرك بأذن الله الخيار بيدك والله يشفيك ويعافيك اختي |
معلش على دخولي عالموضوع بهذا الشكل اختي غلا. . يادكتورة متفائلة عندي سؤال..اناعندي غازات كتير طوال اليوم واتضايق منها وماعندي امساك هل يعني عندي قولون عصبي انا كمان????
|
يحياااااااااتي حااااسه فيك,,
انا الم الم وكان بطني كتله متحجره على غثيان شي عجيب والله على الغازات في حبوب للمضغ قالت عليها الدكتوره اسئلي عنها وشوفي |
الله يعطيكم العافية يا بنات ما قصرتو
الله يشفيني ويشفي مرضى المسلمين |
اقتباس:
غير مؤكد انه قولون عصبي الغازات ممكن تكون من اعراض القولون وممكن بدون قولون عصبي اقري موضوع القولون العصبي الذي وضعته لصاحبة الموضوع http://www.66n.com/forums/showthread...7%E1%DE%E6%E1% E6%E4 وممكن الغازات تكون نتيجة البهارات الكثيرة في الاكل |
السلام عليكم ..
ابشركم والحمدلله لقيت لي حل وانا حاطة الامل بالله اولا ثم بهالحل ان شاء الله يفيد معي اللي هو الحجامة قررت اسوي حجامة اخونا بالمنتدى الله يجزاه خير ماقصر مدح الحجامة كثير ونويت اسويها بس خايفه شوي لان عمري 21 بس بتوكل على الله بس مشكلتي هي ابغى حجامة نساء في الرياض تكون شاطرة وممتازه ولو تجي للبيت يكون احسن بعد الله يوفقكم يابنات اتمنى القى منكم رد .. |
غلا معليش ع السؤال ..
انتي رحتي للمحجمه؟؟؟ وايش قالت لك؟؟ وما جربتي الرقيه ؟؟ لي عوده بعد ردك.. |
اقتباس:
لا لسا اللحين قاعده ادور وحده تحجم لي بس في بالمنتدى عضو اسمه (اخوكم الصغير) الله يوفقه وييسر امره قلتله عن مشكلتي ونصحني بالحجامة وان شاء الله ناويه اسويها بس ما اعرف حجامات بالرياض ياليت اذا تعرفين تقولين لي .. الا جربت الرقيه لمدة ثلاث ايام لان الراقيه سافرت وقالت لي يبيلك قرايه زيادة بس ما ادري هي رجعت والا لا |
مساء الخير غلا ..
شوفي عزيزتي.. اختي كانت مثلك تعاني من بطنها واصوات وتتجشئ كثير ومغص وماتقدر تاكل اي شي حار فلفل وبهارات على طول تتعب وبعدين انا حلمت فيها انها تستفرغ دود اسود وقالي المفسر انه خروج المرض منها وشفاءها ومرت الايام ولا وحده من صديقاتها دلتها على محجمه عندنا بجده راحت لها اختي وقالت لها عندك عين ومع الرقيه والحجامه الحمدلله تشافت وصارت تقدر تاكل اي شي بدون الام ببطنها ولا اصوات اتمنى افيدك لانك ذكرتيني بمعاناة اختي..الله يشفيك ويعافيك من كل شر..آآآمين.. |
السلام عليكم
اختي هناك منتج طبيعي تنتجه شركة ايدمارك اسمه شيك اووف كرتون فيه 12 على ما اعتتقد جربته لمدة اسبوع وقد قضى على القولون جربيه اذا انتي بالرياض خذي رقم الشركة من النت وراح تدعين لي ان شاء الله ........... تحياتي |
اقتباس:
سأعلق على كلامك فيه حجامه اسمها أم يوسف ممكن تكتبين في قوقل الحجامة أم يوسف أو أكتبي بقوقل "الحجام أبو يوسف" وهو زوجها الذي له مقاطع يوتوب، وأعرف أحد أعضاء المنتدى قام بالحجامة عنده عدة مرات ويمدحه في حجامته طبعاً هو وزوجته موجودين في حي الملك فهد وتستقبل نساء بمنزلها ولها جوالها الخاص وزوجها يستقبل الرجال وله جواله الخاص للحجز الأمر الأخر أنصحك بتناول التلبينة التي أرشدنا إليها النبي عليه الصلاة والسلام، أذهبي لأي محل عطارة واطلبي التلبينة النبوية ستجدينه على شكل منتج وهو عبارة عن دقيق الشعير لونه أبيض ...... وفيه طريقة تحضيره ، وهو مفيد لك ولأي شخص يتناوله اقتباس:
ولا تنسونا من دعائكم وشفاك الله وكل مريض عزوبي بس رجل |
كل عـــام وأنتم بخيــــر
لا تنسوني من صالح دعائكم أن ربي يشفيني وأفتك من هالمعاناة قرررريب لاني سويت الحجامة والحمدلله بس أحسها زاادت علي والحمدلله على كل حااال:21: |
اقتباس:
|
اقتباس:
صحيح تكرار الحجامة هو الاساس في علاج العلل المرضية . كماذكرك باستخدام الحلتيت و القسط الهندي كما اخبرت بذلك سابقا مع علاج القولون كما انصح بالرقيا الشرعية فكلام الله عز وجل هو الاساس في العلاج في رعاية الله و حفظه |
الله يجزاك خير يا (( بناتي غيروني 2))
ان شاء الله راح أكررها 3 مرات وربي يعين ان شاء الله وان شاء الله برقي نفسي بنفسي لانه ما حصل لي أروح لراقية هذا الشهر .. مشكوررره على تفاعلك معي وربي يخليلك بناتك .. |
أخوووي (( أخوكم الصغير ))
ان شاء الله تعالى راح أجربها الله يجزاك خير |
| الساعة الآن 07:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©