|
وش الحـــــل مع زوجتي .... !!
السلام عليكم و رحمة الله ... !!
في البداية أشكر الجميع علي المشاركة في هالمنتدى والي يعرض المشاكل والحلول بإذن الله بصراحه من بديت اشاهد بعض مواضيع في هالمنتدي حبيت اشارككم واسمحو لي لكن من باب التعبير عن المشاعر ولا أجد بصراحه في هالايام من يتقبل منك الكلام او انه يشاركك بهمومه و اريد ان ادخل في صلب الموضوع مباشرهـ 1- زوجتي لا تهتم بالبيت لا من نظافة ولا من ترتيب ولا كوي ملابسي .. بنكمل سنتين بعد رمضان ولا اذكر يوم قامت بنفسها و حرصت بالبيت .. أنا اعترف بغلطتي كنت الومها او ادلعها بالدراسه في الجامعه و مالها خلق و مادري ايش و كنت اقول مو اليوم بكره او اجيب خدامة أهلي .. وكنت أخلي كوي ملابس الثياب والشماغ برى ... حاليا ابي اعرف وش الحل معها ابيها يوم خلصت من دراستها انها تهتم فيه يعني هل اقولها ترى ما كنت حازم معك من قبل عشان دراستك والحين يوم خلصتي انتبهي لبيتك .. هل يصلح اني اقولها هالحين ... ؟؟؟؟ 2- الجماع : ما ادري وش اقولكم فيه اخر مرهـ جامعتها فيه قبل فترهـ طويلــة الي يقهرني مادري ليش ما تبي اليوم من القهر ابصارحها قبل كم يوم دعيتها ورفضت ... 3- حبوب الياسمين : الي الحين تستخدمها واذا قلت لها هالشهر مافيه تقولي لا و مادري ايش يعني بعدين نتكلم بالموضوع وبصراحه لما تروح عند اهلها ما تشتري الحبوب الى لمن تكون عندي بس 4- ما تعرف تتكلم بالموضوع اقصد في المناقشات يعني تتحمس ومادري ايش وتبي تفرض رايها .. تشوف الي عند خواتها وتبي تصير مثلهم اختي فلانه عندها شغاله .. ومادري ايش ... مااااقصرت معها اسبوع تكون عندي والاسبوع الثاني خميس و جمعه تكون عند اهلها 5- الاخير الي تقهرني فيه تبي شغاله .. علي إيــش مادري .. شي يقهرررر .. علي المزاج .. اسمحولي لكن احب اخذ ارائكم والي واجه هالمشاكل من قبل وكيف حلها و كيف الطرق المناسبه و جزاكم الله الف خير |
وعليكم السلام ورحمة الله وبركاته
مشكلتك بسيطة وبإذن الله تلقى لها حل من وجهة نظري تحتاج زوجتك الى تعليم مكثف في الأدب والمشاركة في الحياة الزوجية اعتقد انك اذا قلت لها بتثور وتزعل..! حاول انك تجيها بطرق وحيل جميلة..علشان تتقبل وتعرف ما لها وما عليها اذكر في بداية زواجي كنت عنيدة وما اتقبل من زوجي النقد وكنت اشوف دايما اني على صح وهو الله يرجعه لي بالسلااامة كان يحاول يحسسني بخطئي بطرق ذكية غير مباشرة..!! اذكر مرة فاجئني بشغلة حلوة وعجبتني..بس ما شكرته ولا بينت له اني فرحانه..(مادري شلون كنت افكر ساعتها ) عاااد هو قال لروحه الكلااام الحلو بلساااني.. انا استغربت من اسلوبه وحسيت اني جاهلة وغير مثقفة وبديت اتقبل منه واتعلم تدريجيا..! حاول انك تصبر عليها وتعلمها تدريجيا كيفية التعامل مع الشريك |
شكــراا ,,
في البدايـة أشكرك أختي .. حلم و تحقق ..
في البداية قلتي اجيها بطرق حيله و جميله !! ممكن توضحين لي اغلب الطرق :d و كمان (اذكر في بداية زواجي كنت عنيدة وما اتقبل من زوجي النقد وكنت اشوف دايما اني على صح ) كيف صار لك التغيير ياليت تسردينها لي والنقطه الاخيرهـ حاول انك تصبر عليها وتعلمها تدريجيا كيفية التعامل مع الشريك انتي تقولين اصبر عليها بصراحه اخاف تروح الايام ولا يصير شي عرفتي يعني معقوله الواحد يقولها بعد سنه او سنتين ؟ وشكــرا |
سبحان الله والحمدلله ولا حول ولا قوة الا بالله
|
وعليكم السلآم ..
أعآنك الله على ماابتلآك ، أستغرب من بعض النساء اللي مثل هالنوعية .. أسأل الله أن يهديهن أخي الكريم / هذا نتيجة الدلع الزايد فوق حده منك وهذا ماحصدته منها .. وآضح بأن المدام ماكانت تشتغل في بيت أهلها ، لذا تعودت ع النظآم الحل / انك تصارحهآ وتحزم معاها شوي وبعض طلباتها لاتقوم بهن علشان تحس إنك شايل عليهآ .. موفق |
ادعى ربنا وتوكل عليه ثم..خذ بالأسباب
ربنا يوفقكم |
أقولك على حاجة.............
,.......شجعها تدخل المنتدى دة.............بجد جميل وبيعلم حاجات حلوة كتير ان شاء الله |
اقتباس:
والصفات اللي ماتحبها فيها واسألها شنو الصفات اللي ما تحبها فيك علشان تغيرها وتتجنبون المشاكل والمنازعات.. اخوي حاول انك تكون حازم معاها اذا ما شفت اي تقدم والله يوفقكم ويرزقكم الذرية الطيبة المباركة |
مشكلتك حلها بسيطب
الحل هو الحزم لابد تكون حازم معها والنتيجة راح تشوفها مع مرور الوقت بس طول بالك لأن المرأة تعودت على الدلع الحزم الحزم الحزم |
أنا مع أخوي سديد الرأي في رأيه . لابد من الحزم نوعا ما . وصدقني ما أنت الوحيد اللي تعاني من تلك المشكله والموضوع يرجع لأساس التربيه على تحمل المسئوليه في بيت الأهل ، والله العظيم عندي أخت والحق ينقال حتى لو على أقرب قريب اني أرحم زوجها وأخجل من أهمالها له ولبيتها وكل هذا بحجة وظيفتها . الله يسخرها لك ويهديها ويهدينا جميعا .
|
وريها وجهك الثاني ...الحزم والشده والزعل
الا النظافه ..الزوجه ماهي نظيفه في بيتها كيف تستاهل تملك بيت طيب لما تجي تطلع كيف يكون شكلها..اكيد لبس ونظافه وعطر حسسها بالشئ هذا وانك ماترضى تجلس في بيت وسخ ومع حرمه وسخه ممكن كلامك ياثر فيها وتتغير |
اللهم اصلح احوال جميع المسلمين
السلام عليكم ورحمة الله
بصراحه انا اول مره اشارك في هذا المنتدى مع اني مسجله من زمااااااااااااااان بس انا مررره مقهوره يعني فيه بعض الشخصيات من رجال ونساء غريبين لما احد يدلعهم ويعطيهم وجه ما يقدرون ويحسون بالكبر والغرور ويتعاملون مع الطرف الاخر على انه شخص ضعيف وتافه مع الأسف المهم انا رأيي وانشاء الله يكون رأي حكيم وسديد انك ما تتساهل من ناحية النظافه إلا النظافه لأنها تدل على احترامها لنفسها واحترامها لك فأنت لما تدخل وتلاقي البيت مو مرتب ازعل منها وكلمها بصوت حازم وامرها انها تنظف المكان حالا وفهمها انك ما ترضى تجلس في مكان غير مرتب اما بخصوص الحبوب انت تقول انها تاخذها عندك وما تاخذها عند اهلها طيب وين المشكله اكيد ما تحتاجها وانت بعيد عنها بعدين فهمها اذا هي صارت نظيفه وحريصه على بيتها وتركت الحبوب وحملت راح تجيب لها خادمه لأن بيني وبينك شغل البيبت مهلك واما الجماع هذي مسأله صعبه ما اقدر افيدك فيها الله يوفقكم ويسعدكم |
وعليكم السلآم ..
أعآنك الله على ماابتلآك ، أستغرب من بعض النساء اللي مثل هالنوعية .. أسأل الله أن يهديهن أخي الكريم / هذا نتيجة الدلع الزايد فوق حده منك وهذا ماحصدته منها .. وآضح بأن المدام ماكانت تشتغل في بيت أهلها ، لذا تعودت ع النظآم الحل / انك تصارحهآ وتحزم معاها شوي وبعض طلباتها لاتقوم بهن علشان تحس إنك شايل عليهآ .. موفق |
يداك أوكتا وفوك نفخ .. هذه ثمرة شخصيك وتعاملك معها
كيف ترضى على كرامتك وأنت تترجاها لفراشك ثم تتولى عنك يا أخي هذه النوعية من النساء , ليس لها الا الهجر والطناش ولا تعتبر نفسك متزوج , تعامل معها بكل جمود .. ولا تعد كما كنت .. ولو كنت مكانك , لا ألبث الا أتزوج عليها .. وأعطيها كرت أحمر |
أخوي جلسوا مع بعض جلست مصارحة وصارحها كل اللي في بالك بس لازم بهدوء يعني أبدا لا تعصب .
وإذا هي عصبت عليك قولها نتكلم بوقت ثاني . المصارحة مهمة بين الأزواج . الله يخليكم لبعض . وأدعولي الله يوفقني مع زوجي وأولادي |
نفس المشكله التي مريت فيها الدلع الزايد هذي نتيجته,,,, انصحك يا اخي الكريم ان تحل المشكله باسرع وقت
وللاسف يا اخي الكريم ليس لدي حل لانني مريت بنفس الشي الذي تمر به الان انت ولم استطع حلها للاسف انتهت المشكله ولكن كل ذالك حصل بسبب دلعي الزايد لها و اهمالي لهذهـ المشكله وعدم الوقوف لها بحزم لكي لا تتمادى ارجو ان الله يهديها و يصلحها لما هو خير لها ولك |
اقتباس:
الحمد لله انك منت حكم ولا راحو فيها اللعبين :d:d:d يا رجال عين خير فيه انذار شفهي وفيه كرت اصفر الدعوه بسيطه انشاء الله عين خير بس انت والامور طيبه وانا اخوك :) |
اخي هل زوجتك احد يئثر عليها او يحرضها او ممكن الحريم مفهمينها امور غلط زي مثلا خليه يشتري اصرفي خليكي ثقيله طنشيه ادا زعل ومن هالكلام
|
صارحها...
وبالنسبه لرفضها للجماع حاول تمتعها علشان تشتاقلك... |
هذا مو دلع هذي ربادة
اخوي اذا بينت حرصك مثلا انازوجي جنني لين صرت دقبقة بزباده مثلا بين ضيقك اذا شفت المطبخ حوسة لا تغسل ملابسك وكدسهم وقول لها غسليهم واطلع انا عندي الحين اطفال وصار عندي شغالة .. بس للامانة قلت للشغالة مرة اطبخي واهو قال انتي تعرفين انا ما اكل من الشغالة وسويت غدا غيرة ( وهو قلبة معورة ع الخساير) بس انا قلت لة شدعوه طول عمرك تاكل من ايدين شغالات ( طنش ما كأنة سمع ) بس رباني ما اركب معاة الا وأنا مجيكة على بامبرز الأطفال واذ1 فية شيء يردني اغسلهم من كثر حرصة زهقت وصرت أختصر علية واسوي كل شيء |
ايش حبوب ياسمين ؟ مافهمت
ويمكنها فعلا متعودة على الدلع ومن جد ما تعرف لشغل البيت اصبر عليها تتعلم اذا منت ماخذ لها شغالة والله يوفقكم يارب |
| الساعة الآن 04:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©