|
ياليت ينفعني البكي !!
الاثنين الاسود .. :-) كان اسوأ يوم مر علي ابحياتي .. صارت هوشه بيني وبين ريلي .. غلط علي وغلطت عليه مد يده علي .. طقني .. بغيت اموت في يده والساعة 1 بالليل .. خذاني ووداني بيت هلي اتصلت فيه ... اعتذرت له اذا كنت آآنه غلطانه وقلت له آآسفه وسامحني بس اهوهـ ما رضى !! جنه لقاها من الله وقال لي .... اذا تبيني انتي رديلي البيت آنه ماراح ايي آآخذج ... وفوق هذا تباتين ليلة عندي و 4 او 5 ليالي ببيت هلج انزين آآنه متزوجة !!! شلون يعني اروح بيتي جني ضيفة وانام فيه ليلة وباجي الاسبوع ببيت هلي !! يعني يبيني ارجع له و ب مذله .. كنت اتوقع ان يحبني ويموت فيني !!! بس اللي يحب ما يسامح حبيبه ؟ انزين اهوهـ هم غلط ابحقي !!! قال لي ابوي كلمه وما انساها " خذي اللي يحبج ولا تاخذين اللي اتحبينه " وآآنه شسويت ؟؟ خذيت اللي احبه !! واهلي وافقوا عشان موافقتي !! لأن ماعنده أي مؤهل يخليني اتزوجه !! آنه جامعية واهوهـ لا آنه شكلي ولله الحمد واهوهـ لا ! آنه اخلاقي .... واهوهـ اخلاقه شنووو ؟؟ ضعيف الشخصية ... يتبع اهله في كل شي !! ياليت يرد فيني الزمن ياليييييييييت اتخيلوا الليلة عيد ميلاده !! وآآنه وين واهوهـ وين ؟؟؟ وحشني وااايد ودي لو ارتمي ب احضانه لو ارجع انام ابحضنه انام على يده مثل كل ليلة ودي لووو احضنه واقول له كل سنة وانت حبيبيييييي ودي لووو اقوله احبببببببببك واااااااااايددد وحبك ذابحني اكتب وآآنه دموعي ماليه عيني ... بس اشينفع ندمي الحين ؟؟ ليتني ما تزوجته !!! ليييييييتني ... الحب مو كفاية عشان الواحد يبني حياة زوجية وآآنه ما جمعني فيه إلا الحب فقطططط .. لا تكافؤ فكري ولا اجتماعي ولا أي شيييي ... مابينا نقطة إلتقاء غير الحب !! والحب مرده يموت ب المشاكل آآنه غلطت واهوهـ غلط !! ياما سامحته وماطلعت من بيتي زعلانه منه واهوهـ شلون يجازيني !! قبلت ب كل شي وساعدته عشان نتمم هالزواج ماطلبت عليه مهر حالي حال البنات ولا شبكه حالي حال البنات ولا اي شي وكنت قابله فيه وفرحانه بحبه :-) اتخيلوا الليلة عيد ميلاده ..وما اقدر اقوله كل سنة وانت طيييييب :-) ألحين خلااااص افصلنا .. وبنمشي ب اجراءات الطلاق .. امي وابوي فرحانين ان باتطلق منه ... لأني من خذته وآنه كله ب مشاكل ومثل ماقلت مابينا شي يجمعنا إلا الحب !! بس آآنه اشلون انساه !! وين اودي قلبي ؟؟ كل دقه تنطق ب اسمه احبه يا ناس اموت فيه بس خلاص صعبه ارجع ل شخص قراره ب يد اهله شخص طقني شخص يبي يذلني شخص يقول لي آآنه خلاص كرهتج كرامتي فوق كل شي ادعولي الله يمسح على قلبيييي .. قلبي المذبوح حالي يصعب على الكافررررررررررررررررر |
يا قلبي يا الوردة زينب
اسمعيني ، اتركوا الموضوع دحين و خليها تهدأ لا تكلميه و اتركيه و خلي النفوس تهدا و اهلك لا يكلموه يوم مد يده عليك ، ليه دقيتي عليه ؟؟؟ راح يزيد اكثر كنت تركتيه من حاله يهدأ و هو كان راح يتصل يراضيك |
يراضيني ؟؟ اثاريج ما تعرفينه والله
لو بيموت على شوووفتي لووو بينتحر عشان يشوفني مستحيل اهوه يكلمني مستحيييل اليوم كان بينا آآخر كلام قال لي ... بييب باجي اغراااضي ويبني آآنه اقول ما ابيه عشان ارد له كل شييييييي شاقول لكم شاااقول ؟؟؟ كأني خيال امواااات .. من اغمض عيني تطيح دموعي ودموعي ما وقفت .. هنت عليييه !! وهذا واهوهـ يحبني ويموت فييييني !!!! ويقول انه مايقدر يستغني عني !! وين الحببببببببببببببببببببب !!!! الله ياخذ الحب الله ياخذني يوم حبيت وما طعت هلي هذا جزات اللي مايطيع اهله ما يتوفق اهلي اعرفوه على حقيقته من اول ما ياني بس آآنه اصريت وراسي وألف سيف ما ابي غيييييييييره !! وألحييييييين !!!!!!!!!!!! |
لاحول ولاقوة الا بالله
وش صاار يابنت الحلال؟ الطلاق مب سهل اهدي وان شااء الله خير الله يجمع بينكم على خييير اهدي حبيبتي اهدي مافي شي يسوى |
:-) طول اليوم مو مهتم فيني وبره البيت
ايني الساعة 11 بالليل يتعشى ويرد يطلع وآآنه ابقى بروحي لي 11 بالليل تهاوشنا علت اصواتنا طقني ... وخذاني لي بيت هلي اهوه بايعني ... وما يبيني .. واتفق مع اهلي انه بييب باجي اغراضي وان اعطيه كل شي صرفه عليييي حتى الشي البسيط قال لي رديه عشان اعطيه غيرج آنه ادري الطلاق مو سهل ولا ابيه اصلاً !! بس كل شي يدل على انه بايع وقال حق ابوي انا غلطان ماسمعت كلام اهلي وخذتها ومادري شنووو حتى ما يرد على اتصالاتي واذا اتصل له يقول لي " مشيييي بوزج ماراح اطول معاج المكالمة وادري فيج ميته تبيني احاجيج بس آنه ماراح اكلمج " !!! |
مااقدر اقول الا الله يعينك ويصبرك
|
اول شي هذا مايستاهل
وبعدين ترى الحب مو كل شي هذا انتي مع كل هالي سويته والي قدمتيه من تنازلات بيتركك ؟؟ والله مايستاهل حتى دمعه ليه ياماما خلصو الرجال يعني والا مافيه الا هو الي يملى العين لاتقولين احبه مافيه ميزه الا انك تحبينه على كلامك خله يطلق هو الخسران وبعدين انتي هدي ................هدي ادري ان كلامي بيستغربه البعض بس انا ماحب الحرمه الي تخلي الرجل هو محور حياتها كل ليه حبيبتي اذا طلقك بتموتين هذا حتى من كثر ماهو ظامن انك تحبينه شوفي وشلون يرد عليك اجل يقول تجينه يوم :( ياقلبي انتي خليه يولي وادعي ان الله يرزقك بالي يستاهلك بس |
الله يصبر قلبك ويعييينك اناراي من راي الاخت انفاس العطور
لوانه رجال ويحب من قلب لوكان مامشى ع شور اهله هذي الاشكال مايتحسف عليها عيشي يومك ادري صعب عليك وحاسه فيك بس الله يعيين الله يجبر بخااااطرك والله يقوي قلبك |
آنه فعلاً خليته محور حياتي ..
صار لي جم ليلة وآنه النوم مازارني حتى على قولت امي السهر ذبل سواد عينج والله .. فيه بنت في العالم مهرها 1000 دينار ؟؟ تقريباً 10000 ريال سعودي !! وحتى الشبكة خليتها اخف من الخفيفة ... عشان اراعيه ومصررف ابداً ما اخذ منه إلا للشديد القوي واداريه مثل عيني .. بس مصدووومه منه واايد وايد مصدومه !!!! ماتوقعت من هالشخص بالذات كل هذا !! اتوقعته يحبني ويموت فيني ! اول ماخذني كان ب حضني يبجي على وحده غيري !!!! كان يحبها قبل لا ياخذني !! كان يتذكرها ب كل شي كان يخبرني انه يطلع ويروح وايي معاها وعايشين حياة المتزوجين واهمه من غير زواج !! كان يبجي ب حضني عليها وآآنه ابجي من قهرررري على حظي ابجي على اني حبيته وقال لي انه يحبني وبعدين كل ماخطيت وياه خطوة ب حياتي يقول لي آآنه سويت معاها جذي !! وآنه كنت اتقطع من داخلي واقول معليه لأني احبه واموت فيه !! بس ذبحني هذي يزاااتي على كل اللي سويته له حتى ألوان شقتي كان يقول لي اهيه كانت تبي لون غرفة النوم جذي ولون الصالة جذي وهالمكان جذي قال لي اشوه عرفتج قبل لا ابدي اصبغ المكان !!! وآآنه داريت هالشي عن الكل وعن الناس وابقى ألوم نفسي واقول ليش اشك فيه بعد ما تاب و و و إلخ بس اهوه وصلني حق هالمرحلة !! ذبحححححححححححححني ذذذذذذذذذذبحني قلبي محروووق .. ابي انام تعبانه بس ما اقدررر من اغمض عيني اتذكره ادعووولي تعبانه موتتتتتتت تعبانه والله تعبانه آآخ يرررررررررررربي |
الله يعييييينك والله صدمتيني وانا اللي ببكي عليك
طيب فيه حبوب منومه طبيعي بالاعشاب خذيها يمكن ترتاحين وتقدرين تقررين اما كذا تعبانه وبتظلين تفكرين فيه واجلسي ولاتدقين عليه لين يهدا الوضع بينكم لانه متكهرب الله يرده لك ويسخره ويهدي بالك |
ياحبيتي انتي لاتفكرين فيه شيله من راسك الحيت هااائي وتوكلي على الله وادعي ان ربي يكتب لك الخير
قومي صلي لك ركعتين وادعي ربك .........ترى حنا بشر كل منا يشوف المشكله بوجهه نظره هو انتي ادعي ربك واطلبي ربي انه يكتب لك الخير وين ماكان وادعي ان ربي يصيبرك وقلي اللهم اجرني في مصيبتي واخلفني خيرا منها وكثري الاستغفار بنيه ان الله يكتب لك الخير ماتدرين يمكن الخير في ان ربي يطلقك منه لانه انسان غير مسؤل الحين انتي تعتبرين عالبر لانك ماعندك عيال حسب الي فهمته يمكن مايقدر يراعي عيالك مثل ماتبين يمكن ربي كاتب لك الخير مع واحد ثاني احسن منه ماتدرين ربي وش كاتب لك مالك الا الدعاء الحين هو خلاص بيطلق والا طلق والا كيف بالضبط؟ |
قولي الحمد لله
أنه ربي ماعطاك منه عيال وأن أمك وابوك باقي لك وواقفين معاك ونامي مبسوطة على هالنعم حبيبتي مايستاهل هالأنسان دمعتك اللي ارخصك وخانك وضربك وطردك وكمان بيذلك هو اكبر خسران رددي استغفر الله والحمد الله وربي إن شاء الله بيشرح لك صدرك |
ياحبيييييييييبتي يالوردة زينب
انتي لااول وحده ولا اخر وحده حصلها كذا الحياه مليييييييانه بلاوي احمدي ربك انه بيطلقك هذا اصلآ مايستاهلك وشفتي كيف كانت حياتك معاه كلها جرح ونكد بالله عليك تهون عليك نفسك ترمينها هالرميه حبيبتي فووووووووووقي فوقي من غيبوبتك قومي خلاص طنشيه عيشي حياتك انتي لسع صغييييييييييره والمستقبل قدامك |
الله يفرج همك الزمي الاستغفار والدعااااااااااء ... الله يفرج همك , حبيبتي زوجك كان يتارجح بينك وبين من يحبها !!! فلا يضيق صدرك وخلاااااص حسسي نفسك انك اغلى من انك تهينين نفسك ...حاليا ابتعدي عن مكالمتك لانه ماراح تزيده الا عناد .. الله يفررج همك يارب |
يجب أن يكون بينكما حوار ونقاش طويل لوضح حدود للآخر .. أن كان يهمك أن تستمر الحياة معه
وان أردت الطلاق فاستخيري الله أولا .. |
انا الحين مو فاهمة
مو قبل قلتي انه صار لكم نفس الشي وكنتي راح تتطلقين وبعدين رديتي ؟ والحين صار ها الشي وتهاوشتوا ... وما ذكرتي السبب وما ذكرتي من اللي ابتدى اشوف ان ريلج تعود على الهواش ويمكن انتي عودتيه شكلج يا زينب وااااااااااااااااااااااااااااااااااااااايد عاطفية ووزوجج ماخذ ها الشي سلاح يتحكم فيج للأسف نصيحتي لج لا تصيرين ها الزود عاطفية الدنيا ما يبغيلها عواطف وبس يبالها منطق وتفكير :( انتي الحين ما عليج الا صلاة الاستخارة وربج راح يبين لج الصح قريب ان شاء الله واقعدي بيت اهلج وطنشي ها الريل فترة |
زينب ارجعي له بالشروط اللي يبيها وهدي شوي وشوفي وش آخرتها
صدقيني مارح يتحمل تغيبين عنه 4 او 5 ايام بس هو يبي يفرغ قهره منك معليش اذا تحبيه ارجعي بيتك وراضيه وشوفي وش يصير |
الوردةة زينب
اقتباس:
لكن واضح جدا إنك متعلقة فيه و قلبك هو اللي يحكمك و لا لو وحدة مكانك ما كانت رضيت بالأشياء اللي قلتيها و مد يده عليك علشان ناقشتيه في كثرة الخروج ؟؟؟؟؟ الرجال اللي يمد يده من أول مرة ، أمي تقول ماتعيشي معاه لإنه راح يتعود كل شوي المهم إنت تركتي المهم و الشئ الأساسي و مسكتي الأمر الفرعي تركتي استهانته بك و بمشاعرك و بعدم تقدير مشاعرك و مسكتي تأخره عنك و كذا رتبي النقاط الرئيسية ، رتبي الأولويات .. اسمعي كلام اهلك .. كيف زوجك يقول لأبوك إنه أنا الغلطان اللي أخدتها و ماسمعت كلام أهلي ؟؟؟؟؟؟؟؟ إذا كذا كلامه فهذا بايع ؟ يا قلبي هدي أعصابك و أهم شئ إذا رجعتي له ، اجليييييييييييييييييييييييييييييييي الحمل لا تحملي قبل لا توازني بين عقلك و قلبك |
يا أختي إن شاء الله و بإذنه تعالى أزمة و تعدي .. ترى كل اللي إنتي بتسوية ما ينفعك ( ادري إنه غصبا عنك ) .. لاكن مين اللي حا يتعب إنتي .. و مين اللي عيونه راح تورم من البكاء برضوا إنتي.. و زي دا ابدا لا تحزني عليه .. و خديها مني بالعربي الفصيح عز نفسكـــ تجدهـــــا فكري في نفسك بالله ما تستاهل نفسك إنك ترفهي عنها هذا الهم و النكد و تخليها من اهم و اول اولوياتك .. اطلعي اتمشي حاولي تعيشي حياتك والحمدلله اهلك حوالينك واهمهم امك و ابوكي اللي انتي عندهم اغلى من كنوز الدنيا .. ترى الثواني الي تروح ما ترجع فمابالك بالساعات و الايام , وكلوا من عمرك .. فرجاءً أخيتي عيدي التفكير سريعا في حياتك و لا تضيعيها على اشياء ما تسوى ولا تسوى .. فــــــــالحياة تستمر .. و حطي في بالك إن كل مؤمن مبتلى .. و احمدي ربك على كل حال و استغفريه كل دقيقه وقد ما تقدري .. و الله يوفقنا جميعـــــا لما يحب و يرضى .. اللهم آآآمـــــــــين .. |
مثل ماقالت الأخت بهاء
اطلعي مع أهلك ، تمشوا .. لا تفكري فيه ، اضغطي على قلبك .. علشان تقدري تفكري بتوازن أكثر :) |
اللي قالوا لي رجعي له ... اخاف ارد له !! طردني بأنصاف الليالي !!
وآنه منطقتي بعيدة عن منطقتهم قطني في الباركات اللي جدااام بيتنا والدنيا ليل .. والدنيا مالها أمان ... ما احط اغراضي ب شنطه حطهم ب اجياس انحط فيهم الزباله - وانتوا بكرامة وكان يقطهم على الدرج !!! وفوق هذا .. ما وصلني لي حد بيتنا ... وخلاني احمل اغراضي ب روحي وسبنييي واهوه يطقني !! اخاف اررررررد له ب الرغم ان احبه موووت !! .. من جم يوم كان عيد ميلاد " حبيبته السابقة " اتخيلوا انه طرش لها تهنئئئئئئئئئئئة كل هذا خشيته ابقلبي حتى مشاكلي اللي كنت اكتبها هني قبل ماكنت اكتبها كامله كنت احاول احط الغلط على نفسي !! عشان الناس تلومني واطلع آآنه الغلطانه مابيه يكون اهوه الغلطان :-) اما ب النسبة حق اهلي ف اهلي عندهم العيد .. لأنهم يدرون ان ايامي الحلوة معاه اقل من ايامي السيئة وابوي قال لي بهالمناسبة راح يشتريلي سيارة بس مافيه شي يعوضني عنه شلون انسسسسسسسسسسسسساه ؟؟؟ احاول اتذكر بس سلبياته والاشياء اللي مو حلووه اللي سواها لي عشان اكره نفسي فيه بس تعبانه نمت شوووي .. واقعد من الكوابيس انام وآنه على صوت القرآن والدعاء عل وعسى اقدر اغفى وآآنه بعدي ما تطلقت منه ... وان شاء الله هالجم يوم راح نمشي ب اجراءات الطلاق اتوقعته ان يحبنييي ماتوقعته جذذي فكرته صج يحبني |
باختصار المطلوب منج تنومين قلبك ولو دقايق وتصحين عقلك ولو مره واحده
شخصية زوجك وميوله ونواياها واضحه وضوح الشمس لكن ستار الحب اغشى عيونك زوجك كان ومازال في عز دنجوانيته وها الشخصية ما يهمها شي وتغيرها ان كان في امل للتغير يحتاج لسنين صبر ومذلة طويلة |
معقوووولة يا زينب معقووووول اللي اقراه
كل هذا مخبياه و كنتي تكتبي مشاكلك العادية الي نحن نشوفها مو مشاكل اصلا .. و مخبية الشي الاعظم ؟؟؟؟ مخبية ااستهتاره فيك و بمشاعرك .. عدم تحمله للمسؤلية مشيه في طريق الحرام و افتخاره بهذا الشي بدل ما يستر على نفسه و يستغفر ربه ؟؟؟؟ تبين الصدق .. فعلا زواجكم كان غلللطة .. انتي بعدك صغيرة و هو لسه طاااايش لسه عايش دور المراهق ..ز ماوصل لمرحلة الرجولة سمعتي كلام قلبك و غيبتي عقلك .. حبيبتي الحين مايفيدك البكاء.. احمدي ربك اللي خلصك منه و ما عندكم اطفااال تربطك فيه خليك بيبت اهلك معززة مكرمة و استفيدي من هذا التجربة و اعرفي انه الحب وحده كذذذذب و ما يكفي .. اذا مافي احتررررام بين الزوجين يضيع الحب عند اول مشكلة ... اتعلمي من تجربتك و احسني الاختيار في زواجك القادم ياارب الله يعينيك و يصبرك و يفرج همك و ينزل السكينة على قلبك .. حبيبتي اتقربي من الله عز و جل .ز و صدقيني بترتاااحي ادعي الله يشيله من قلبك و بتلاقي نفسك نسيتيه |
لاا يا وردة .. قطعتي قلبي عليج
ما توقعت ادش الموضوع والاقي الكلام الكبير هذا معقوولة كل هذا يطلع من زوجج الي تكلمتي لنا عن حبكم ؟؟ سبحان الله , الدنيا مالها أمان وكل شيء يصير فيها .. لا حول ولا قوة إلا بالله هدي اعصابج حبيبتي ومسحي دموعج والله كل الي تسوينه ما يستاهله ما يستاهل تندمين عشانه ولا تصيحين ولا شيء ... اعتبري الي صار تجربة ولو كانت مرة على الاقل تتعلمين منها واخذتي درس كبير بصراحة الي سواه مو شوووي ... حتى عجزان يتصرف كرجل محترم معاج بآخر لحظة ؟؟ لالا وردتي حبيبتي ... هذا ما يندمون عشانه ... خلاص تركي قلبج على جنب واذكري الله ادري كلامي صعب ... والعشرة ما تهون الا على اولاد الحرام ... تتذكرين كل لحظة حلوة وكل ضحكة ... بس صدقيني راح تعذبين روحج جذي ... ابيج تتذكرين اهانته لج وضربه وكلامه الجارح .... والا اقولج خلاص لا تتذكرين شيء يخصه خلاص انسيه ماعتقد هذا منه اي رجاء ! للأسف ما كنت حابة تكون نهاية القصة بهذي الصورة ..؟؟ بس اتمنى ان تكون هذه النهاية بداية لحياة سعيدة لك بإذن الله :22: |
المفروض المتزوجه ماتبين حبهالزوجها لهذي الدرجه ايه تقول احبك بس مو باسلوب الاخت صاحبة المشكله
لان الرجال اذاتاكد ان زوجته ميته فيه وماتستغني عنه بيذلها لانه عارف انهاتحبه وماتتركه الااذاكان هو يموت فيهاومايستغني عنها اناعن نفسي دايمااقول لزوجي اني احبه واخاف عليه وفخوره فيه لكن لوجاء يوم وخنتني اوذليتني لايمكن اجلس عندك دقيقه وحده وانااقدراستغني عن الي يبيعني واناصراحه العكس مقدراستغني عنه لكن مستحيل ابين هاالشي.. هوخلاص حاط في باله اني اذاباعني ببيعه عشان كدا يحسب حساب لكن اذا بينتله اني مستحيل استغني عنه مهماسوا والله ماراح يحترمني لانه واثق اني ماراح اتركه يااختي انتي غلطانه في اظهارحبك لزوجك واكيدبينتي له انك ماتقدرين تستغنين عنه وانك ماتنامين الليل والغلط الاكبرانك ارخصتي نفسك يوم جاء خطبك مهرك رخيييييييص ماتعب عليك بسهوله يتركك... وغيرالي يحبهاقبلك ذلك فيهاوحرق قلبك مايستحي منك يوم يتذكرهاقدامك لانك سمحتيله باالمذله من اول مره ومااخدتي موقف لانه واثق انك ماتستغنين عنه لانه واثق انك مابتروحين بيت اهلك لاداس على كرامتك نعم حبواازواجكم اظهروا هذاالحب لكن مو على حساب كرامتنا...من اول غلطه خذوي موقف عشان لاجاء بيغلط يحسب حسابك اختي الله يعينك على مابلاك كويس ماعندك اطفال...صدقيني بتنسينه مع الوقت ..اشغلي نفسك في الزيارات والتمشيات ولويتم الطلاق طوالي ارتبطي في انسان ثاني يحبك وينسيك..لو يدري زوجك باارتباطك بيموت قهر |
اقتباس:
وشوفيها الحين والله انها تقول ماتذكرغير اني كنت متزوجه...ونفسيتهاجدا احسن طبعاهي ساعدت نفسهاعشان تنساه ماانعزلت عن الناس كانت عايشه حياتهاباالطول والعرض عشان تنسى والحمددلله نسيت حبيبها بس انتي لانك في عزالمشكله تحسين انك ماراح تنسين لكن بعد ماترتاحين وتفتكين حتنسين خصوصا بعد ماتشوفين الدلال الي عند اهلك... وبعدين هذا يحب وحده ثانيه وماراح ينساها..يعني مايحبك ويكدب عليك حتى لوقال احبك بس عشان ياخد حاجته منك صدقيني بتنسينه بس انتي الله يهديك ساعدي نفسك على النسيان دوري شغله اواي شي ينسيك |
يرسل مسج لحبيبته في عيد ميلادها و يبكي علشانها
فين عيونك ؟ اصحي .. هذا مستهين بك و اللي عمله فيك و رميه لأغراضك و وضعه لأغراضك في أكياس الزبالة الله يعزك يدل على إنه باااااااااااااااااااااااااااااااااااااااااايع إيش تستني ؟ لحد ما تحملي منه و تجيبي أطفال و يضربك قدامهم ؟؟؟؟؟؟؟؟؟؟؟؟ ادعسي على قلبك |
الله يكون في عونك
|
.. كنت اتابع مشاركاتج من بعيد .. وأضحك عليج . وعلى روحك الحلوة والصافيه .. وعلى طيبة قلبج ..
.. لكن !!!!!! أستغربت !!!!!!! .. زوجك وبكل سيئاااااته الا فيه , وقدرتين تحبينه ؟؟ صدق انج طيووووبه وحبوبه , وقلبج أبيض .. وساذجة !!! .. زنوووب ياعمري .. تركي قلبج على جنب وفكري بعقلج .. .. شخص متزوج , وعايش حياته مع أمرأه تعشقه بجنون , لكن قلبه ووفاءة واخلاصه للحبيبه!!!!!! أشلون ترضينها على نفسج ؟؟؟ .. أشلون كرامتج تسمح لج انج تعيشين مع شخص بايعنج ؟؟ .. زنوب .. انتي الحين في فتره الصدمه , وصعب تنامين , وتآكلين , وتروحين وتجين .. كل وقتج تفكرين وتبجين صح !! .. لكن لازم توقفين وقفه جاده مع نفسج .. وتحددين شنو تبين , وشنو رح تسوين .. .ز اهدئي شوي شوي .. وفكري زين .. .. واذا وااابد حابته ومو قادره تعيشين بدونه أرجعي بشروطج أنتي مو بشروطه .. .. انه يحترمج , ويحترم زواجكم , ويقطع علاقته مع حبيبته !!! .. يقلل من تاخره بره البيت .. .. ما يمد يده عليج .. .. يعتذر لاهلج عن الكلام الا قله عنكم .. واذا عندج بعد شروط قوليها له .. .. لكن اذا انتي تحبين نفسج واايد .. وما تقبلين انج تعيشين مع شخص ذلج .. ووووو ..وأسمعي كلام اهلج . . هم ادرى بمصلحتج .. .. |
من جد الحب بلاء الأخوان والأخوات ماقصروا بنصايحهم أظن المرحلة اللي تمرين فيها مايفيد فيها كلامهم لأن الحب عامي قلبك وعقلك من وين لك تعيشين بكرامة و إنت رميت نفسك على زوجك وأهنتي روحك وذليتيها له المفروض من يوم ماضربك ماتدورينه لو تجلسين بديرة أهلك سنة خلي هو اللي يجري وراك ويترضاك لللأسف زوجك مايستاهلك مايستاهلك مايستاهلك بكل لغات العالم مايستاهلك ولا يستاهل دمعة من عينك عشان تستوعبي وضعك صح اعتبري مشكلتك مشكلة صديقتك المقربة لك..شوفي بإيش تنصحينها..ما اعتقد تنصحينها باللي سويتيه واللي بتسويه في عمرك. |
أختي أنتي وزوجك الآن مازلتوا في لحظة زعل وتوتر من بعض,
أعطي نفسك وزوجك وقت من الزمن لتهدأ النفوس وتطمئن القلوب ويبتعد الشيطان عنكم (أسبوع اسبوعين أكثر أقل)وخليها فرصة بالنسبة لكم لمراجعة أخطائكم, وانشاء الله راح يحس بغلطه ويرجع يتصل فيك ويعتذر ويراضيك.. وبالنسبة للبنت اللي كان يحبها قبلك لو يحبها فعلا ويبيها كان تزوجها, وأعتقد أنه أسلوب مبتذل ليثير غيرتك أكثر أو وسيلة يعاقبك فيها.. الله يفرج همك ويسخر لك زوجك.. |
اتخيلوا ناوي يذبحني هذااا !! يكرهني صدقوني ! يكرهني !!!
ليش آآنه اشسويت له ؟؟ وفوق هذا اهله يقولون إن آنه امعذبته !! آنه ذابحته !! لأنهم مايدرون ب المستور يقول لهم بس اللي آنه اسويه له واضايقه مايقول لهم آنه ليش اضايقه !! متصل في ابوي يقول له ... " ابي ترد لي المهر واللي خسرناه على العرس " !!! آآخ يررربي حدددي مقهوره اشدعوه اللي خذته يسميه مهررر !!! حتى المصروف ابوي يعطيني كل شهر من 50 دينار لي فوووق !!! وماخذ منه شي ! ومره اجبرني ان اتصل في امي واقول لها ابي 100 دينار يعني 1000 ريال !! بس ما اتصلت فيها ودبرتها آآنه ب نفسي وعطيتها اياه !! آآنه ابجي على حظي الردي اللي طيحني مع جذي اشكال وتلوموني يوم كنت اقول لكم ان اشتاق حق حضن امي وابوووي ودي لووو ارجع ياااهل ب بطن اميييييي اتخشني وتحميني من الدنيا .. اقتباس:
مارضى والقهر تدرين شيقول لي ؟؟ يقول لي انتي ظلمتيني وآنه باحصل اجر من ورااااج !! وابوي قبل شوي كلمني قال لي لا تفكرين ان باضيق عليج احنا ناس متفتحين بالعكس لج حريتج كامل وانا ادري ان ذي تجربه بتفيدج !! معقولة ما يحس ؟؟ يعني اتهقون انه ماعمره حبني ؟؟ لهدرجه بايعني ؟؟؟؟؟؟؟؟؟؟؟؟؟؟؟؟ ما اقدر ارجع له .. وكرامتي اللي دستها من قبل معقولة ارجع ادوس عليها مرة ثانية ؟؟ مااقدر !!! بس مادري شاقول لكم .. احس ب الندم ان ما طعت اهليييييييي هذي يزاتي ... استاهل اكثررررررررر استااهل اكثررررررر من هذا لأني ماطعتهم ولا سمعت نصايحهم |
خلاص ياقلبي لاتجلسين تأنبين نفسك اعتبريه خطاء بتستفيدين منه
وان شاءالله تكون نقطه تحول لحياتك للافظل وخلاص لاتفكرين لاتخلين هالشي يأثر على حياتك المستقبليه حاولي تنسين واحمدي ربك الي خلصك منه قبل يجيك منه اطفال من رحمة ربي انك بتطلقين الحين ومابينكم شي وان شاءالله ربي يعوضك بالي افضل منه |
روقـي يابعـد قلبــي والله ثـم والله هو الخسسسران مو أنـتي المصيبـه إنك صبرتـي عليـه و هو كـان يـفتخـر بـ ماضيـه الأسـود تـحملتـي و سـكتي كان المـفروض ماتـسكتيـن على كـلامه و إستهتـاره بـ مشاعرك لكن هذا ماضي و إنـتهـى صار إللي صار (( إذا أكرمت الكريم ملكتـه و إذا أكرمت اللـئيـم تمردا )) << فعلاً ينطبق عليـه هالمـثل حـسبي الله عليـه هو ماقــدر الإرتبــاط و قدسيـة الزواج ..!! صدقــيني يخسي هذا مايـحبك هذا مو كفــو حـب و لا هو كفــو زواج أتركيــه يـكمل طريـق الضياع و الحرام إللي يـمشي فيــه عليــه بالعافيـــــــه أنـتي تستاهليــن الأفضــل مـنه الله يـفرج همــك و يـكتب لك إللي فيـه الخيــر طـمنيـنا عليـك ياعيونـي |
حـبيبـتي الـورده حطي في بالك شغلـه (( إللي يـحبك مسسسـتحيل يكون سبب في دمـوعك و حـزنـك )) الحـب إللي يـعذبنـا و يشقيـنا فراقــه عيـد وربي عيـد |
أنفاس .. صورته دايم ب بالي .. وكلامه
بس يبي الفلوس اللي عطاني اياه !! ابوي يقول له غلطه إن آآنا عطيتك بنتي ... واذا احد سألنا ليش تطلقوا بنقول ماتفاهموا ما بنقول حق الناس انك راعي بنات ولما قال له ابوي " خلاص نبي الطلاق " تدروووون شسوى ؟؟ قام يضحححححححححححححك !! لهدرجه مستانس ؟؟؟ فرحان !! ادعيلي فديتج الله يصبرني ~~ والله يا روعه اللي باط جبدددددددي ان آنه بعد صبري عليه اطلع الشينه !!!! واهله خايفين عليه منييييي لأن يشوفوني شريرة وبعبع وراح أأذيه مسيجين يا حرررررررام اللي امبرد حرررتي شوي انه بعد كل اللي صار قلت له .. إن محد يبيك غيري وكل ساقط له لاقط إلا انت محد لك لأن اصلا اتقدم حق كذا وحده غيري ورفضوه من ضمنهم هذي اللي يحبها اهلها ارفضووه وطاح في جبدددي آآآنه احس نفسي هديت شووي ... بس كله قاعده امفهيه وفي عالم ثاني من اسكت اتدمع عيني لأني اتذكر حتى من قعدت من نومي للحين ماطاح في بطني شييييييي واهوه عادي يروح وايي وياكل ويشرب وينام وباجر عنددده العيد لأن هلي بيروحون ياخذون باجي اغراضي آآنه اصلا غبيييييه هبله لما قبلت فيه ف اكيد استاهل اللي ايني الله يصبررررررررررررررررني ويمسح على قلبي :-) صدقيني آآنه واثقه حتى لو بجيت من ألحين لي سنة ... بس في النهاية آآنه المستفيدة واللي بيساعدني ان اهلي معاي وابصفي ومجتمعي ما ينظار المطلقة ب نظرة خاصه ب العكس كلهم يتزوجون خصوصا اللي اعمارهم اصغيره بس آآنه متحسفه على اني قضيت معاه سنة وآآنه اتحمللللله وفي النهاية يشوف حاله مظلووووم !! عيل آآنه شاقول |
اقتباس:
حريقــه تحررررق قلبــه مثل ماحرق قلبـك حسبي الله عليـه هو و أهلـه حسبي الله عليـهم خليهـم بـكيفهم يقولــون إللي يقولــونه عنـك دامـك واثقـه من نـفسك و عارفه إنك ماأخطيــتي في حقــه و حـق أهلـه أحقريهـــــم خليهم ينبحــون على كيفـهم حسبي الله على الظـالم صدقـيني هو الـخـسسسـران مو أنـتي مايستاهل دمـوعك و لا يستاهل كل هالتعـب و النفسيـه مايستاااااااااااااااااااااااهـل قومـي ألحين كلي كل إللي في الثلاجـه :d بـجد قومي كلي و وسعـي صدرك مافيـه شي يستاهــل و إللي يـبيـعـك بـيعيــه بـ تـرااااااااااااب لا تـشيليــن هـم أبد يالغاليــه حنا كلنـا معاك بهالـمـــنتدى (: |
يااقلبي عليك الورده
لاتضيقين صدرك حبيبتي .. خوذيها نصيحه مني .. اللي راح راح مارح ينفع الندم امس انسيه نهائي لاتفركين ولاابشي منه فكري الحين وبـ بكره .. خلاص الدنيا قدامك وبكره احلى فهمت من كلامك ان لك سنه متزوجه .. الحمدلله يعني بعدك صغيره .. الله يعوضك بالزوج الصالح ياارب وبعدين انتي يوم انك تحتارين زوجك فكرتي بقلبك قبل عقلك .. بمواقف حياتك القادمه فكري يعقلك قبل قلبك .. :) موفقه ياارب .. |
أنا ارجع وأعيد نفس كلامي
مو قلتلك انتي غلطتي من بداية حياتك !!!!! وانتي اكلتيني وقلتي هو يحبني غصبن عنك لو كلم مليون غيري !!! ورجعتي الان باسلوب نقيض تماما وتقولين يكرهني يبي يذبحني يبي اكون ضيفة ببيتي !!!! انتي للأسف مو فاهمة شتبين انتي تناقضين نفسك ما قاعدة تصارحينها ابد انتي مجرد تركضين ورى اوهام وخيالات وتنزلين مواضيع على هذا الأساس وادري الان بتردين وتقولين زوجي يحبني ويموت فيني اصلا وما راح استغر ابدا لأني شفتك قبل كذا وما اقول الا الله يعينك على نفسك اولا ثم يعينك عموما |
.. زنوووب .. شلونج الحين .. ان شاء الله صرتي أحسن , وتعشيتي ..
.. شوفي يالورده .. هالايام .. لا تحتكين بزوجك , ولا تتصلين فيه , ولا تكلميه , ولاتدزين له مسجات ,, لا انتي ولا أهلج .. ..واخذي هدنه من كل الا صار .. .. وحتى لو جاء وحاول يتكلم .. قولوا له مو الحين .. اصبر شوي .. البنت تعبانه .. وحتى أبوج خليه ما يرد عليه .. .. لأنه الشيطان شاطر .. وكلمه منه وكلمه منكم .. وتكبر السالفه .. .. انتي الحين .. اهتمي بنفسج .. وبصحتج .. ودائما اجلسي مع اهلج .. لا تقعدين بروحج .. .. علشان تقدرين تتغلبين على الحزن .. وتصير نفسيتج احسن وأحسن .. .. وأطلبي من أبوج .. انج تروحين البحر شوي .. تغيرين جو .. مع أنه الحين ما عندنا بحر حلوو ينراح له .. .. لا تحركين نفسج بالغرفه وتقعدين طول اليوم تبجين .. .. لاااااااااااااااااا .. غيري جو .. وكوني طول الوقت مع اهلج . وامج وعايلتج .. .. وبس تهدأ نفسيتج .. راجعي نفسج .. وراجعي كل كلمه قلتيها ,, وكل تصرف سويتيه .. .. وبعدها يصير خير .. ولكل حادث حديث .. .. الله يزيل الهم عن قلبج .. ويفرج كربتج .. |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©