|
هي حساسة وانا مااقدر اصبر اكثر من كذا
السلام عليكم
انا بدخل في الموضوع علطول واتحملوني شوي والدي خطب لي بنت صديقة وصديقة توفى منذ فترة طويلة واللي فهمته من والدي انه وعد صديقه انه يزوجني بنته ومشت السنين وكلمني والدي وانا رحت شفتها الشوفة الشرعية واعجبتني وخطبتها والحمد لله ارتحنا لبعض وامي وامها صديقات من قديم وامورنا في السليم وبعد كتابة العقد ومن خلال مكالماتنا اكتشتف ان البنت حساسة جدآ جدآ ولزقة لدرجة ماتتصور تصدقون انها تدق على قبل اي صلاة تدق تذكرني وصلاة الجمعة تدق قبل الصلاة بساعتين وانا اقول في بالي وش على بالها ذي ما اصلى ولا تبغاني ازورها كل يوم قلت لها مااقدر قالت على الاقل في الاسبوع ثلاث مرات وبصراحة والدى مايخليني يقول عيب كل شوي وانت طاب عندهم اخبر قبل فترة زرتهم وكان عندهم عمها ودخلت البيت وحصلت عمها وجلست اسولف معاه وجات هي سلمت وسلمت عليها وجلست جنبي وانا اسولف مع عمها وشوي جا اخوها واخذتنا السواليف وماتكلمت معها مرة وبعدها راحت ولا عاد رجعت وانا استغربت وبعدها رحت ودقيت عليها ردت وجالسة تبكي قلت وش فيكي قالت انت جاي تشوفني ولا تشوف عمي قلت اشوفك بس وش اسوي جيت وحصلتة موجود تبيني اسحب عليه واسولف معك والله عيب قالت طيب على الاقل طالع فيني ولا امسك يدي قلت كيف امسك يدك واهلك معنا ( وبعد نقاش طويلين عريضين خلصت المكالمة وكل طرف شايل على الثاني) واليوم الثاني دقيت عليها مرتين وماردت وتركتها اسبوع ودقت على وتراضينا ونسينا لكن الطامة اللي حصلت وخلتني اكتب هالموضوع قبل اسبوعين سوينا حفلة الملكة وجاء وقت الزفة ودخلت عند الحريم وزفونا ولاحضت انها كانت تضغط على يدي بقوة انا قلت يمكن من رهبة الموقف وانا كنت عادي هامل يدي بس ماسك يدها وجلسنا على الكراسي ولبستها الدبلة بس قبل لا البسها نسيت في اي اصبع ادخله ودخلتة في الطويل بس صححت لي اختي ودخلتة في المكان الصحيح وخلال الحفلة وانا اتغزل فيها واشيد بجمالها وبعدها رحت عند الرجال وخلصنا ورحت للبيت وعلطول رحت نمت ( وانا بطبعي عند النوم احط جوالي عالصامت ) ويوم قمت لقيتها داقة مرتين ودقيت عليها وكانت زعلالالالالالالالالالالالانة قلت السلام عليكم قالت نعم قلت وش اللي نعم وماردت على قلت وش السالفة امس وش زيننا كنا حلوين قالت امس وين كنت قلت معاكي قالت جسد بدون روح ماسك يدي وكأنني غاصبتك وبالزفة تمشى بعيد عني وتسبقى بالخطوات وكل صديقاتي لاحظو هذا وماتعرف تلبس الدبلة وماتكلمت ولا كلمة وفوق هذا كله رحت ولا جسلت معي خمس دقايق لحالنا قلت اووووف كل هذا بقلبك بالنسبة لمسكة اليد يعني تبيني اكسر عضامك ولا بالزفة اكيد اسبقك شوي وانت تسبقيني شوي حنى محنا ألالأت مبرجمة وبالنسبة للدبلة ماكانت مقصودة وانا آسف :) اذا زعلتك بشي غير مقصود وحاولت اراضيها بس صرفتني وقالت انا الحين مشغولة اكلمك بعدين قلت لا مانتي مقفلة الا لين ماترضين قالت باي اكلمك بعدين وقفلت السماعة وانا بصراحة ماقدرت امسك نفسي يوم قفلت السماعة وحطيت حرتي باجوال ورميتة وكسرته واخذلت لي واحد ثاني وسويت نفسي مانيب زعلان ودقيت عليها مرتين وماردت وبعدها ارسلت رساله تقول (( هذا تالي تقديرك )) ولنا اسبوعين ماكلمنا بعض وباقي على زواجنا 3 اشهر ونص وانا حالف اني ما ادق عليها لاني مدري وش تحس فيه ذي البنت وخصوصآ مع (( مسكة اليد )) وتحب تفتعل المشاكل وحساسة جدآ من اي كلمة واي حركة تراقبها . انا بصراحة احبها وهي اكثر بس لو تخلي هالحساسية الزايدة وماتسمع كلام صاحباتها نكون حلويين وانا بعطيها لين قبل الزواج بشهر اذا مادقت ابا اروح لامها واعلمها السالفة ويمكن توصل للطلاق اذا بدايتها كذا مشاكل ومافي اتفاق انتم وش رايكم انا اتوقع ان البنت مريضة نفسيآ او فيها شي انا اجهله؟ |
ما اعتقد انها مريضة
بس يمكن خطيبتك متعلقة بزيادة وتبغى منك أهتمام بزياااادة حآول أنك تخفف من الزيارات وتقول لها حتى نشتآآآق لبعض وياليت لو ترووح لها بهدية بسيطة في زيارة مفاجئة اتوقع أنها بتنسى كل شيء بشوفتك وياليت عند خطيبتي أهتمام فيني مثل خطيبتك خخخخخخخخ |
ههههههههههههههه اسمحلي جاني الضحك!!!!!
عادي ياأخي البنات حساسات وأنا أولهم وهي حساسه وشكل في أحد يزودها عليها ياصاحباتها أو غيرهم!! ومادري أنا حسيت انها ماحست معك بالامان وتوسوس انك ماتبيها!!!!! وأنا من رأيي بعد فترة تدق وتقولها وتفهمها وتكون صريح ان حالتها هذي ماتمشي معك الحساسيه الزايد وباذن الله راح تخجل من تصرفاتها... موفق. |
أخوي أنا أشوف انك تنسى الموضوع و تتجاهله تماما و لا تستغرب من بعض تصرفاتها فيبدو أنها عاطفية جدا و رومانسية في نفس الوقت و لاتنسى أن فقدها لوالدها أيضا أفقدها الكثير ....أتوقع أن الأمر طبيعي ولكن أنت بحاجة للحذر في التعامل معها الآن و ان شاء الله مع الأيام راح تفهمون بعض أكثر و أكثر و عسى الله يوفقكم ان شاء الله
|
انا بنت ومثلها والدي متوفي
وذحين ملكتي الاسبوع الجاي ان شاء الله جالسه افكر ياترى هذا الشخص يستاهلني ياترى راح يكون مصدر الامان لي سندي ذخري هذا شئ طبيعي ترى شعور صعب الي فاقده ابوها لانه هو امانها روح لها البيت حاول تتقرب منها اكثر الحساسيه في كل بنت بالاخص الي فاقده ابوها لانها بدونه تحس ولا شئ انت خطيبها يعني زوجها تقدر تغير نظرتها وتحسسها إنك معها في كل لحظه وتصرفاتك بدون قصد واذا كانت حابه تشوفك كثير يمكن تبغا تفهمك اكثر لان الكلام غير والزيارات غير (هذا كلام المجربات من البنات) ويمكن هي سمعت كذا وتبغا تتقرب منك اكثر خايفه يوم الزواج يجي وانت مو فاهمها وهي ماهي فاهمتك الله يوفقكم ويصلح بينكم |
هي عاطفية جدا و حساسة و إنت جامد و عملي جدا و رسمي
:) |
هي يتيمة لذلك يمكن عندها احتياج عاطفي لوالدها و حابة تحس انك تقدر تعوضها و تكون محل ابوها لذلك استحملها شوي و لما تلاقي الوقت المناسب فهمها انه مع كثرة الحساسية لي عندها ماراح يمشي الحال ... ربنا يهنيكو ببعض
|
الاخ الكريم حبيب طليقته ..
ترى اغلب النساء حساسات و لزقات فلا تتوقع ان تجد افضل مما لديك ! وضعك طبيعي و لا داعي لتكبيره و تهوليه ,, كل ما في الامر انها تحبك و تهتم بك و تريد منك ان تهتم بها او لنقل تظهر اهتمامك بها .. حاول تزيد جرعة الاهتمام بها و تحتويها سواءً باهدائها او بمتابعة امورها و ابداء اهتمامك بما تقوم به او ما يشغل بالها ! اما الطلاق فشيله من راسك نهائي نظراً لان ما تمر به خطيبتك امر طبيعي نظراً لبعدها عنك و رسميتك معها, و تأثير صديقاتها و من حولها سيزول بعد ان تنتقل الى عش الزوجية حيث سيطغى تأثيرك عليها على اي تأثير آخر كما انها ستبدأ تتأقلم مع طبعك و تتطبع به ,,, كذلك لا انصحك بالتحدث لامها او لاي احد حتى لا تكسر حاجز الخصوصية في علاقتك مع خطيبتك و زوجة المستقبل ناهيك عن ان التدخل الخارجي غالباً آثاره سلبية ,, لذا اسعى دائماً لحل مشاكلكم فيما بينكم ,, و الله يوفقكم |
بعض النساء يبنين أحلامهن الزوجية على ما يسمعنه من قصص الحب والرومانسية وكلام الصديقات ...
وبناء على ذلك يبالغن في وضع مواصفات في فارس الأحلام ... ثم يبدأ الصراعى النفسي والوسوسة هل تتطابق الأحلام مع الواقع ؟ ولذلك فعند أي اختلال بين ما كان مرسوما له وبين ما هو ملموس فعلا تجد أن الفتاة تتحسس كثيرا ولعلها انصدمت حين أخطأت مكان الدبلة فقالت في نفسها إن كان لا يجيد الأبجديات فكيف بغير ذلك من الرومانسيات :) ثم بدأت تسترسل في أوهامها وتبالغ فيها حتى تمكنت منها الوساوس وتضايقت لأجل ذلك ... هذا واقع بعض الفتيات ، والتعامل معهن يكون بالمسايسة تارة وبالتجاهل تارة لكن دون تهويل .. |
اقتباس:
انا ماازورها الا كل اسبوع مرة وبالكثير بعد وماقد رحت لها الا ومعي شي حتى آخر مرة جبت لها i phone 4اللي ماهو موجود بالسعودية كلها وقبل فترة لابتوب بس مدري وش السوات معها لالالا احمد ربك والله اللزقة والاهتمام الزايد تطفش بس المثل يقول لا تكن لين فتعصر ولا تكن قاسي فتكسر اشكرك |
اقتباس:
واحرسها وش تعريف الامان بالنسبة لحواء وكيف اعطيها هالاحساس ؟؟!:d ان شاء الله بس ابيها تدق الحين لاني حالف ما ادق عليها اشكرك |
اقتباس:
واتفق معك ان فقدها لوالدها رحمة الله اثر عليها وإن شاء الله راح اعوضها اشكرك |
اقتباس:
اشكرك |
ههههههههههههههههههههههههههههههههههههههههههههههههه
والله ضحكت كثير منك ومن طريقتك الغفوية في طرح الموضوع ـخي هذي تحببببببببببببببببببببببببك مووووووووووووووووت لا تنسى أنها يتيمة ( محرومه من عاطفة الابوة ) أخي اغمرها بعاطفتك وحنانك وستجدها خاتم في يدك أسألها كيف بدك أكون كيف بدك افعل كيف كيف وتناقشو في موضوع لو نسيت أن تعمل شي كيف يكون الموقف ......الخ أخي لا تطلق لا مادام عجبتك والحب بينكم لا تطلق وتوكل على بركة الله |
اقتباس:
الله يسامحك ترا حتى انا انسان ولي مشاعر اشكرك |
اقتباس:
اشكرك |
اقتباس:
المتبادل اشكرك |
اقتباس:
اما حكاية الدبلة ماراح انساها طول عمري خخخخخخ اشكرك |
اقتباس:
سعيد بزوجتى وش اللي مضحك في الموضوع اتمنى الرد ؟ |
اخي مثل ما قالوا بقية الاعضاء .. كونها يتيمة فهذا زود في حساسيتها
فهي تبغاك على طول معاها . تعوضها حنان الاب و تكون الزوج و الاخ و الحبيب و الاب و كل شي ... طبعا هي معذورة .. بس من جهة ثانية .. لازم تبين لها حدود .. لانه كثرة الحساسية و الزعل مش كويسة و تسبب مشاكل بعدين برايي تعزمها يوم لمكان هادي و تفتح معاها الموضوع بكل صراحة بعد ما تبتدي بمقدمة عن حبك و تعلقك فيها و مدى روعتها و جمالها و و و و بعدين تقولها عن حساسيتها و كيف انها مضايقتك و تبين لها انها كدا بتتعب و بتتعبك معاها .. فالزواج بعدين مو كله حب و عشق و مسك ايدين برضوا فيه مسؤلية و في ايام بتكون مشغول عنها بشغلك عشان توفر لها معيشة كريمة \ .. فا مو معقول تقلبها زعل و نكد .. فا بين لها حبك و انه انشغالك عنها ما يعني انك ما عدت تحبها ... و جهلك بامور زي مثلا خطأ الدبلة او اي شي ثاني المفروض يكون دليل على انها اول وحدة بحياتك و تفرح لهذا الشي و ياليت تهديها كتاب لرجال من المريخ و النساء من الزهرة عشان تعرف و تتعلم اختلاف الطباع بين الرجل و المرأة |
هذي حبتك يا مجنون :)
خل عنك الكلام الفاضي وسايرها وشوي شوي ومع مسؤوليات الحياة الزوجية بتركد وبتثقل وهي اللي بتقولك فكني خلني اشوف شغل البيت ... أرسلها لزوجتي تكفى خلها تعطيها شوي من دروسها :) ... الله يوفقكم يارب ويسعدكم . |
.. مثل ما قالوا الاخوة والاخوات الا قبلي .. البنت يتيمه ..
.. وتحتاج للعاطفه .. وتفتقد الشخص الذي ,, تعتمد عليه .. وعندها خوف ان تفقدك انت مثلما فقدت والدها .. .. لذلك لا تقسي عليها .. لانها حساسه جدا .. ( كل البنات حساسات ) .. .. وعاملها بلطف .. ودائما اسئل عنها .. واتصل لها بوقت تكون هي مو متوقعتك تتصل .. أسئلها أكلتي ؟ شربتي ؟ نمتي ؟ .. حسسها انك قريب منها .. ولا يمكن تتركها .. .. فهي تريد وتحتاج للأحساس بالامان .. يعني انك موجود وقت الا تحتاج .. ووقت الا ما تحتاجك .. تريد ان تشعر انك موجود .. وانك لن تفارقها كم فراقها والدها .. .. انزين لا تتصل فيها بما أنك حالف ما تتصل .. لكن ارسل لها مسج ^_^ .. الله يسعدكم .. ويوفقكم .. |
اقتباس:
والله يازوجتي تسمع بالركادة والرزانة تحياتي |
اقتباس:
لكن بعد قفلة الخط بوجهي صدز قفلتها معي بس تصدقين اني كتبت رسالة ومسحتها وكتبت مرة ثانية وثالثة ومسحتها والله كرامتي ماتسمح لي:( |
اخي الفاضل حبيب طليقته
عاملها بالمثل يعني كلما دقت عليك ارسل لها رساله وقولها بعدين اكلمك وهكذا الي ان تمل وتسأل عن سبب تصرفك ديك الساعه عاد قولها انه بسبب انها انهت المكالمه من طرفها ولم تنهي مكالمتك بالشكل الصحيح والمفروض وافضل ان تخفف من زياراتك ومكالمتك لها لان الفتاه كلما قرب موعد الزواج تتوتر بزياده وقد تصبح عصبيه وسريعه البكاء الله يسعدكم ويخليكم لبعض في رعايه الله |
اقتباس:
بالنسبة للزيارات لي فترة طويلة لم ازورهم بس المشكلة انها لم تتصل حتى الآن..؟! لا اعلم وش المقصود من حركتها هذي :confused: وانا استشرت اصدقائي وقالولي طلقها ؟! |
والله يا اخي اناحاسة انت غلطان معلش يعني صحيح هي حساسة بس انت المفروض تتقبل هالشي بحكم انها بنت....شغلة تانية البنت ازا ما بدها تظهر عواطفها لخطيبها لمين بدها تظهر؟؟؟؟؟؟وحسيت انه عندك برود بمشاعرك او ما بتعرف تعبر كويس عن مشاعرك ما بعرف بس حاسة انك بتزعلها طبعا من غير قصد انا حساسة زي هيك وازا خطبت وعمل فيا خطيبي هيك والله لاوريه ههه بجد لانه اصعب شي انه البنت تظهر عواطفها لخطيبها وهو ما يبادلها هاي المشاعر حتى لو ما بعرف يعبر المفروض يشوف شو الي بزعلها وما يعمله.......بس والله انها غلبانة المفروض تعاقبك وما ترن عليك وقتها حتصير بدك اياها ترن......باعتقادي لازم تتحملها البنات حساسين بطبهم وعاطفيات زيادة عن اللزوم هيك ربنا خلقنا .....وبالنهاية هاي الشغلات مو مزعجة كتير زي ما حضرتك متصور بس يمكن انت مضايق لانك مو متعود........واه يعني بحادثة انه اجى عمها اكيد ما راح تسيبه وتقعدو لحالكو وخلص بس كمان مو لدرجة التجاهل التام او مجرد تسليم وخلص......شغلة تانية عندي احساس انها مفتقدة لشعور الحب والحنان بحكم وفاة ابوها فبدها تحس بهاي المشاعر منك انت......فلازم تعطيها اياها حتى لو بضايقك الامر يمكن هيا مزوداها شوي بس برضو عندها مبرراتها كمان.......الله يوفقكوا يارب ويسعدكوا
|
شو اطلقها يووووووووو؟؟؟؟؟؟؟؟هاي البنت كانت تهتم فيك زيادة وانت ما كان عاجبك بعتقد ما راح ضلها تعمل هيك كرمال هيك طنشت مكالماتك تصرف متوقع يعني......لا ما راح توصل للطلاق ازا انت فهمتها انه اموركو تخليها بينكو وما تحكي خصوصياتكو لصحباتها وانت راعيت مشاعرها وما طنشتها ........لازم كل واحد فيكو يتحمل مسؤوليته....والله يوفقكوا
|
ترجم كلام الأخوان والأخوات بطريقتك الخاصة,
وحاول تبادر أنت وانشاءالله بتكون محسوبة لك باذن الله,, وبالنسبة لأصدقائك حاول تتجنب نصائحهم هذة الفترة لأنهم والله أعلم واضح أنهم متسرعين.. |
اقتباس:
والله صدقوا بكل كلمه انا يتيمة اب مثلها وكل املي وتطلعاتي بزوجي بعدين :o لأن مستحيل نلاقي احد يعوض حنان الاب غير الزوج :15: والبنات كلهم حسااسات وهي يمكن بزياده وانا مثلهاوالله ازعل واخذ الاشياء بأكبر من حجمها بس والله الدنيا ماقصرت عليها عشان كذا حساسه من كثر الصدمات والضيقه وتحاول بحركاتها يمكن تلفت انتباهك اكثر لها من كثر حبها لك وصحيح غلطت هي بس لاتنسى مافيه احد معصوم عن الغلط وربي وربي وربي تلاقيها ندماااااانه لأخر حد وحتى مو قادره لو تدق تتعذر خايفه من ردت فعلك وتذكر يالغالي جزاء من كتم الغيض وارسل لها رساله وتعوذوا من الشيطان وتصالحوا لاتخلون الشيطان يدخل بينكم من اولها والله يوفقكم ويسعدكم يارب ^_^ ومن قدك ماحرصت عليك تدق قبل كل صلاة الا من غلاك والششششوق الله يجم بينكم بخير وانا اختك.. |
صحيح انت حالف .. صوم 3 ايام كفاره
ودق عليها حرام تروح لحظات الحب بينكم وتمر الايام كذا يلااا روح عندها ودق عليها اكتب مسج انا بعطيك مسجات وانت اختار اوووك بس ارسل لها تكفى ((أبقى أنا المشتاق في وصل وفراق أصبر لعينك والصبر مايطاقِ قدرك رفعته للسماء فوق الافاق ماشوف غيرك لو يطول الفراقِ مشتاق وأبقى لاخر العمر مشتاق أموت لكن مايموت إشتياقي ....................... اللي يحبك صعب يقدر يخليك حظك عطاك إنسان بالحيل يغليك ................... تبغاني ابتعد عنك وأجفاك وأنساك عطني مثل قلبك وأسوي سواتك >>>بعد هالمسج عاتبها لانها قفلت بوجهك ............... من غيرماأدري ياهوى البال مريت قدام رقمك وإنجبرت أشتكيله يارقم قوله في عذابي تماديت ومرت على فرقاه إياما عديده شوقي فضحني في عيوني وصديت والشوق مايرحم وما قويت أشيله))) صدقني خلااص انت طولت وبحالتها هذي وحساسيتها وعاطفتها اذا عاقبتها يوم واحد بتحسه سنه فما بالك بكم اسبووع خلاااص بتقول تووبه وما اعيدها ترا الحب حلووو لاتفوت الفرصه عليك ..وبتتعوووووود خذها مني بتتعود عليها وبتصير انت المجنون فيها مو هي ويمكن انت دخلت قلبها بسرعه عشان كذا اتوقعت منك اكثر من مسكت يد :) |
اخوي عادي بدايه الزواج والملكه هي تحبك حيل وتبغى جرعه حنان منك واذا ماعطيتها جوها بدايه الخطبه متى راح تعطيها بعد العيال والمشاغل مايضرك شي دلعها وتحملها بالبدايه بعدها هي راح تغير وتصير انت الازقه اخخخخخ
|
اخي غير اسمك الى حبيب زوجته مش حبيب مطلقته بعدين حرام عليك تملك على البنت وبعدها تنوي تطلقها علشان شي تافه فكر فيها ترى هي يتمه وحوبتها كبيره وتحملها ياولد راح تغير بعد الزواج
|
صح زوجتك حساسه شوي بس أغلب النساء كذا أول الحياة الزوجيه بعدين تتغير خصوصا أذا وثقت من حب زوجها لها
بعدين ياأخي ليه متضايق من أتصالها قبل الصلاة بالعكس هذا دليل أنها بنت فيها خيييير كثير يكفي أنها بتكون ام صالحه لأولادك زوجتك محتاجه شوية أهتمام ماتنلام فقدت حنان أبوها الله يعينها والله ياخوي يوم كنت ملكه ماأنتظر من زوجي شي ولاهمني أهتمامه وحبه كان حنان أبوي الله يحفظه أصبر شوية هذه يتيمه الله يوفقكم ويصلح أحوالكم ونصيحه ياأخوي لاتسمع لأصحابك تراهم لو كانو أصدقاء صالحين مانصحوك بالهشي على طول |
عفوا أخوي :انت من النك حقك نفهم ان سبق لك الزواج والأنفصال،،
والبنت ممكن هذي اول تجربة لها فشعورها يختلف عن مشاعرك ،،اي بنت تحلم بزوجها ان يفرح فيها ويدلعها بالكلام والحركات الرومانسية ،، ثانيا لاتقول حااالف وكرامتي هذي الأشياء خلها بين اخوياك اما زوجتك فانسى معاها هالسوالف!! الله يسعدكم ترا ايام الملكة من أحلا ايام العمر .. |
طالما تحبون بعض ليش كل واحد يكابر خليك انت الكبير ودق عليها ولاتضيعون وقت الخطوبة في العناد احلى ايام العمر ايام الخطوبة والملكة .. و ايش الي تطلقها ابغض الحلال عند الله الطلاق ومافي شي يستاهل الطلاق وفي نصيحة لاتستشير اصحابك في مواضيعك الخاصة استشير ناس عندهم حكمة اصحابك ماعندهم حل غير الطلاق حرام بنات الناس مو لعبة يعني عشانها تحبك حبتين تطلقها ؟؟؟؟ أحترامي |
اقتباس:
ماانصحك تكون ثقيل عليها .. يعني اذا طرف صاير مسوي نفسه ثقيل .. الطرف الثاني راح يلزق >> معلومة من الحياااة :22::22: فانت خل نفسك اللزقة حتى هي تمل منك .. بس شوي شوي يعني لاتنسى تملى عليها حياتها بالكلام الحلو .. شي ثاني حابه اسال عنه ؟؟ هل انت مطلق وحدة قبلها ؟؟ لاني اخاااف انها حاطه هالشي في بالها وعشلن كذا تلاحقك :25::25: بشرنا عن الاخبار ... احسكم رجعتوا لبعض ونسيت هالموضوع :17::17: الله يوفقكم يارب |
الإخوة والأخوات كفو ووفو
لكن أخي الكريم .. لازم تجلس معها جلسة على رواق .. وتشرح لها إنه للحساسية حدود .. وإنه إنت رجل .. ولازم تجامل أقاربها وأحبابها إن كانو موجودين .. وإنك رح تتصرف التصرف المناسب في الوقت المناسب .. وإنها غالية جدا عليك وبتحبها موووت بس لازم يكون لكل شيء حدود وو هذي الأمور كلها تتم بالتفاهم يا غالي .. شيل فكرة الطلاق من راسك .. زوجتك ما تتعوض .. فلا تخسرها .. بالتوفيق يا غالي |
احس الموضوع اخذ اكبر من حجمه هي اتدلعت وانت ماتحملت عادي اتحملها ودللها رسولنا صلى الله عليه وسلم قال (رفقا بالقوارير) وانت بتكسر القاروره من البدايه |
شيئ عاااااادي جداااااااااااااا لانو هيا لسه مومطمنة يعني لما تتزوجو ان شاء الله راح تتغير كليا راخ تعود تتمنى
نصف ها الحركات بالعكس هاي الفترة لازمك تتحملها زيادة شوية وباين انو خطيبتك بتموت فيك ومن الخب ما قتل يا اخي الكريم (بتمنى لكم السعادة والذرية الصالحة وزيادة في الرزق والايمان). |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©