|
زوجي يكره السفر
السلام عليكم ورحمه الله وبركاته ابداء مشكلتي واتمنى من الله عز وجل ان القى لهااا حل بمنتدانااا الراقي واتمنى حل الاستشاريه لانه اعجبني قسم المشاكل المحلوله مشكلتي هي انا متزوجه ولله الحمد من سته سنوات عندي ولد وبنت والان حاااامل زوجي طيب ومايقصر باللي يقدر عليه لكنه مايحب السفر كل عطله صيفيه تبدا مشكلتناااا خواتي يسافرون واللي بعدي تزوجو يسافرون وحالهم دون حالنااا المادي لكن زوجي يكره السفر لاي مكاااان والوقت الحالي مدري وش فيني مررره ازعل زوجي واتكلم عليه لاني انقهر خواتي يطلعون بالليل طلعااات وانا ماروح وهو الان خلص اختبارات ورجع للدوام صرت ماتحمل كل شويه ابكي وقول ياريت ولدي يسوق اروح معه على كيفي ولدي له اربعه سنوات هو الان مشغول وانا دايم مااكلمه لصر مشغول بس الان غير اقوله طلعنا بنروح معك وانا عارفه انه مشغول بس احسه شي غصب عني لانه لصااار فاضي والا مشغول مايوديناااا ومدري هو بشكل عاااام طيب بس انا صرت ماتحمل بالله شورو علي م من حقي اطلع ليش الناااس تروح وتجي وانا ماطلع ومانقصني شي ليش انا كذا كل خواتي يلاحون علي الطفش يقلووون انتي ماتطلعين الله يعينك تصدقون صرت اكره الاجازه لان ماني طالعه جالسه ببيتي شهرين وطلعااات الليل احيانا اكون في بيتي اقفل الجوال ومن البكره اقول لخواتي احنا طلعنااا وسويناااا وانا بالبيت ماتحركت زوجي يقول انتي فيك نفسيه ليش تسوين كذا
حبيباااتي انا طولت عليكم لكني ماطرحت مشكلتي مفصله الا اني اريد حل اريد حل اريد حل مقنع وبيريحني حتى اعيش بسعاده وماخسر زوجي واولادي الله يسعدكم اشفو غليلي:(:( |
إذا أردتي الصراحة
1- الحالةالنفسية للحامل لها دور في ها المسألة 2- نصيحتي لك إذا اردتي أن تستغني عن التعب ووجع الراس أن ترفعي شعار حياتي غير ولا تقارني حالتك بحالة خواتك إطلاقا لان وضعك وظروفك وظروف زوجك تختلف عن الآخرين عيشي حياتك وبس والك وما للناس يروحو يجو يطلعو ينزلو زوجك وسعادته أهم عندك من كل الطلعات والنزلات ومع هذا حاولي أن تقنعيه بالكلمة الطيبة والحوار الهادئ بالذي بنفسك وإن لم يكن الا الأسنة مركبا .... فما حيلة المضطر إلا ركوبها وبسسسسسسسسسسس رايي |
طيب ليش ما تطلعين مع أهلك واخواتك؟
انا بعض خواتي زي زوجك بس ما ضاقت صدورهم يروحون مع سواق أهلي لكل مكان.. |
ياقلبي .. ارضي بحياتك .. و احمدي ربك انه يعاملك بطيبة
السفر مو كل شي ... حاولي تقنعيه .. ان اقتنع باللين كان بها و ان ما اقتنع خلاص .. عادي ايش بيصير لو ماسافرتي ؟؟ و اخواتك و غيرهم اللي يسافروا اللي يسهل لهم و مو معناه انهم يسافروا انهم مبسوطين و سعداء انتبهي على صحتك و على الي في بطنك و اطلعوا داخل مدينتكم و نزهة داخليه مع زوجك حبيبك و ابو اولادك و انتو راضييين احسن من سفرة هو مغصوب عليها |
اقتباس:
صدقني حاولت اكلمه بهداوه وعصبيه لكن يعصب على طول ومافيه فايده كلامي كله :( |
اقتباس:
|
اقتباس:
|
الله يكون بعونج الحال من بعضه
|
اقتباس:
تغلبي على رغبتك واستغلي هلموقف لتعزيز الحب بينكما وكلميه مادام لم يقتنع حبيبي مادمت لا تحب أن تسافر فأنا احب الي تحب وأكره الي تكره وسترجح الكفة لصالحك |
شكرا لكم جميعااا زوجي اخذ اجازه 10 اياااام ابتداء من اليوم لكن مو راضي بالسفر حسب اللي يصفى من الراتب وهو 2000 ريال يقول ماتكفي سفر وانا اطلبه بسفر قريب لمده يومن او ثلالثه يعني ماراح نصرف كتير بس هو يتعذر بالضغوط والاحتياجياااات والله اني احترت معاااااه :11:
|
وعليكم السلام احمدي الله فغيرك يسافرون بدون زوجاتهم أو يسافرون بهم ويرجعون بنكد وخلافات وضعك افضل بكثير ورزقك الله بزوج ما يقصر عليك حتى لو ما سافر بك من سنوات فهو لم يهينك أو يقلل من قدرك أو يضربك ، فتأملي هذه النعم ولا ترفسيها بسبب ما تمرين به خلال هذه الفترة .... حاولي أن أحد أخواتك تكلم زوجها إذا طلعوا بنزهة داخلية أنه يكلم زوجك حتى تطلعون عوائل أو مثل أحد من أخوانك إذا كان متزوج أو حتى أعزب يحاول يحرجه بالخروج كعوائل أو إخراج للتمشية على مو علشانك على علشان الأبناء لكن المهم في الموضوع إذا رفض فلا تقلبي الدنيا نكد وتسيء تصرفاتك عليه اصبري وادعي له بالخير أمامه وبغيابه والأمور تأتي بالتدريج ، فلا تخسري زوجك وتوغري صدره بالإساءة إليه أو رفع صوتك الله يصلح حالكما عزوبي بس رجل |
والله يا اختي لو نظرنا الى غيرنا لما طقنا الحياة التي نعيشها، فكثيرون هم الاشخاص الاسعد منا، الاغنى منا، الاجمل منا، ...... ولو فتحت باب المقارنات لما هنأ لك عيش..
حاولي اقناعه بالحسنى والطيبة واللين، ان رضي تكونين قد نلت مرادك، وان لم يرض، فلا تنالين من الاعتراض على وضعك الا الهم والنكد.. |
جزاكم الله خير والحمد لله على كل حااااااال
|
الحمد لله والشكر انا من بدايه الاجازه ماحسيت بالملل يعني يوم اطلع فالليل مع زوجي او مع اهلي ويوم احضر زواج ويوم اسهر بيت اي وحده من اهلي ولله الحمد ماحسيت بملل لكن انا اقول عيالي صغار اذا كبرو وقالو ياماما ليه مانسافر متل فلان وفلان من عيال خواتي وش راح اقولهم يعني راح ابكي انا على حالي بدل منهم وانا عارفه زوجي مستحيل بيسفرناااا لو يمتون عيالي ماراح يرضى بالله وش اسوي وقتهااا ومابليد حيله :(
|
أختي
لا تخربي بيتك بيدك ، بكرة إذا زوجك طفش و صار يتركك و يسافر لوحده إيش بتعملي ؟؟؟؟؟ وحدة كانت ما تسافر هي و زوجها برة أبداااااااااااااااا ، و من أول مرة خرجوا فيها برة صار زوجها بس يسافر و يجلس شهور ، و يتزوج و يطلق و على هالحالة .. إيش استفادت من السفر ؟؟؟؟ و عسى أن تحبوا شيئا و هو شر لكم ،، بما معنى الأية جلوسه عندكم في البيت و الله أكبر نعمى تتمناها الكثير من المتزوجات و الغير متزوجات تبغي تسافري ، أبدأي بالتدريج معاه .. قوليله نروح مكة ، ناخد لنا فندق رخيص .. و بلاش تكاليف زيادة .. يومين و تغيروا جو .. و زي كذا .. و أولادك ما راح يتكلموا بكرة ، و لو تكلموا قوليلهم إنتوا إذا كبرتوا تمشوني .. افتكر و أنا صغيرة كانوا بيت أقاربنا بس يسافروا كذا و عمرنا ما حسينا بنقص .. نحن كنا نسافر لكن مرة كل 3 سنوات أو أكثر .. أما أقاربنا كل إجازة ماشاء الله .. و ما حسينا بنقص لإنه أمي الله يطول بعمرها كانت قنوعة و راضية و عمرها ما نكدت على أبوي الله يرحمه .. و لا عمرنا حسينا إننا أقل من غيرنا .. و تعلمنا منها القناعة و الحمد لله .. فإنت انظري للجانب الحسن من زوجك و احمدي الله حتى تدوم نعمة ربي عليكم .. |
الله يعينك اختي ترى حالك مثل حالى بس الحمدلله على العافيه
|
حياك الله روز حبيبتي
اعطيك طريقة باذن الله تعالى تجيب لك الي تتمنينه والي ما تتمنينه وهي انك كل شي تحتاجينه تطلبينه من الله وان ييسره لك الله قبل ان تطلبينه من الخلق .. ما راح اهمش احتياجك للسفر او غيره .. زي ما يسوي غيري ولكن بقول لك حاجتك بيد الله اولا واخيرا قبل ان تكون بيد الخلق ادعي الله في صلانك ان ييسر لك سفرة امنة طيبة تفرحك وتفرح اطفالك .. وضعي في حسبانك ان لو ربي كتبها لك راح تشكرين ربي شكر يليق بجلاله تعالى وقبل لا تنتظرين ان يرزقك الله هالسفرة حتى تبدئي بشكره عليها ابدئي من الحين اشكري الله على نعمه الحالية عليك .. حاولي انك ما تخلين هالموضوع يشغل بالك كثير عشان ينسيك النعم الثانية بخطوات بسيطة ابعدي عن زوجك شوي هالايام دامك شايلة عليه ..والهي عنه باشياء تحبينها ممكن تنامين عند اهلك كم ليلة او تطلعون مكان تحبينه.. اشتري شي تحبينه اقرئي كتاب تحبينه او مارسي اي نشاط تحبينه .. المهم اشغلي نفسك بشي تحبينه عشان تطلعين من جو الكابة هذا وزوجك لا عاد تفتحين موضوع السفر معه الا بعد فترة طويلة .. وخلال هالفترة عامليه من احسن ما يكون .. وانتي بنفس الوقت تدعين ربي ييسر لك السفرة الي تحبينها وصدقيني ربي بيعطيك اياها وييسرها لك سواء مع زوجك او بدونه ان شاء الله يكون كلامي مقنع لك دمتي بود روووز |
والله زوجك زي زوجي الناس يسافروا وانا على طول الاجازة بالبيت حتى طلعات مايرضى وهويطلع من العصر الى الساعه 3ونص واذاتكلمت وخاصمت يقولي عندك حاله نفسيه انقهرمن الكلمه ذي ليه ماني انسانه ومع الحمل صرنا على طول مشاكل وصرت اجلس عند اهلي بالايام رغم انه من بيت لبيت طفش الله يعين وانا مااحب جلسة البيت
|
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©