![]() |
هل أقبل فيه؟؟ أو لا؟؟
السلام عليكم ورحمة الله وبركاته..
مدري من وين أبدا!!..لكن أتمنى تفهموني وألاقي عندكم حل لمشكلتي.. أنتم عارفين المشاكل اللي مريت فيها مع طليقي..وجلست عند أهلي سنه إلى أن حصل طلاقي.. وقبل طلاقي بفترة صار لي موقف أو تقدرون تقولون صدفه غريبه مع شخص ما:16: من أصدقاء العائلة عمررررري ماتوقعت أني أمر بهذا الموقف ومع هذا الرجل بالذات وبعد الموقف تفاجأت بأخته تسألني إذا موافقه عليه أو لا:23: قلت لها أنا ماتطلقت ولا أدري أيش بيصير ويمكن أرجع لزوجي:29:<<<<<لاتعليق المهم الرجال شوي ويفقد عقله:o جد والله ماأبالغ.... حتى أنا مستغربه!!!!!!!!!! وإذا على رأيي أو شعوري كنت مومهتمه له لأن اللي فيني كافيني بس كنت أفكر أقول يمكن الله بيعوضني.. وبعد طلاقي كنت من أسعد الناس لأن مشكلتي أنحلت وبعد فترة جاني شعور أحبااااط وحزن على طلاقي وكره للحياة وليش وليش وليش....أسئلة تدور براسي عن حياتي مع طليقي...حتى أهلي صاروا يقولوا من تطلقتي وأنتي حابسه نفسك بالغرفه...مايحتاج أتكلم عن شعور أنسان إذا فقد أنسان حبه من كل قلبه... وأحساس بالقهر والظلم و..,و... بعدين صار عندي ميوووول موطبيعي لذاك الرجال ممكن لأنه جاء بالوقت المناسب أوممكن لأنه أثر علي بأشياء كثيييرة تدل على حبه لي... وكان ينتظر أنتهاء العدة وأنا مقرره أوافق عليه...ومتأكده أن أهلي ماراح يرفضونه.. عمره 35 سنه ..ملتزم <<<<وهذا أهم شئ وهذا اللي أحلم فيه أخلاقه جدا" طيبه..كريم..كل الصفات الحلوة موجوده فيه فجأة حسيت بنفوووور وكره له أو بالأصح كره لزواج.... طبعا" أستخرت كثير ومازلت... لكن ماأدري ليش ماأحس بحب له وبصراحه أستغربت من نفسي أحس أني صايره نسخه من طليقي ماأدري هي ردة فعل على اللي صار لي أو أيش!! لأن أثناء الحديث مع أخته قلت لها حاجه كان دايم طليقي يقولها لي!!! والله مااالها داعي:29: حسيت أني لسى مبرمجه على حياتي السابقه.. ماأحس أني أتقبل من الرجل أي شئ.. أنفعل إذا حسيت من الكلام اللي يوصلني أهتمامه بي أو حاجه زي كذا..والله أتنرفز وأعصب أختلفت أفكاري صرت أقول ليش فكر فيني وأنا كنت على ذمة رجل غيره:29: بيتزوجني عن حب وتعلق ممكن بعد الزواج بفترة بسيطه يزول هذا الحب:29: صرت ماااأحب أحد يذكرني فيه مع أنه خساره أرفضه لكن مااااااقدرت أقنع نفسي فيه وقررت أكلم أخته وأقولها أني رافضه.. أنتم أيش رأيكم؟؟؟؟؟؟؟؟ |
اختي كم عمرك وكم مضى على طلاقك وهل لديكي اطفال0
وعليكي بصلاة الاستخاره واذا شفتي نفسك مرتاحه له فتوكلي على الله0 وعليكي بالدعاء وكثرة الاستغفار والصدقه وطلب الخيره من الله سبحانه وتعالى والخيره فيما اختاره الله 0 |
سبحان الله ,,,, تقولين انك استخرتي الله وارتحتي من بعد الطلاق من زوجك الاول !!! وتأتين وتقولين بأنك مازلت تريدينه !!! فأي استخاره التي ارتحتي لها , الطلاق منه او الرجوع اليه !!!!
بصراحه انا احس ان أغلب الناس وبالذات اللي يمرون بمشاكل عاطفيه او عائليه فاهمين الاستخاره غلط . |
عمري 25 سنه
وتوني مخلصه العده مدري من شهر أو أقل أوأكثر<<<<<مضيعه خخخ طبعا مافيه أطفال وإلا كان مافكرت أتزوج واللي يقول فاهمه الإستخارة غلط أنا ماأقصد أني أذا أستخرت لأمر وأرتحت له على طول بنفذه أنا أعرف أني إذا أستخرت الله وقررت برضى بكل اللي يحصل لي سواء فرح أو حزن وياليت تفهمنا أكثر عن الإستخاره زياده للفائده مو تعلق وتطلع وموضوع طليقي أنتهى بس أنا جالسه أشرح لكم ظروفي العاطفيه:26: وأنا أقصد أني نفرررت منه لأني مومقتنعه بالزواج عن حب الرجال من زمان أهله يلحون عليه بالزواج وكثير عرضوا عليه بناتهم لكن يقول ماملت إلا لهذي الإنسانه واللي مخوفني أنه فعلا متعلق فيني والله نقص نصف وزنه وحالته حاله ويبي يتزوجني بالطيب والغصب:23: وأنا أخاف من الزواج اللي مثل كذا مدري ليش لوخطبني عن أختيار فقط أهون من أن الموضوع كذا وبنفس الوقت راحمته وماودي أغير كلامي وأنا عطيتهم كلمه عن الموافقه وأحيانا أقول لا أنا مومرتاحه وممكن بعد الزواج بفترة يطلقني إذا أنتهى الحب الجنوني اللي هوعايش فيه وأحيانا أقول برضى ليش أضيع واحد مثل كذا !! والله محتاااااااااااره |
طيب اللي تقدم لك وش هي حالته الاجتماعيه يعني عنده زوجه والا مطلق والا اعزب ومحبته لك من زمان يعني من وانتم صغار وفيه صلة قرابه بينك وبينه والطلاق كان بطلب منك والابرغبه من طليقك0
|
تريدين فتره من الراحه بعد العده
ومن ثم اطلبي ان تتكلمي معه ومن بعدها تقرري القبول او الرفض ولكن انا من رأي انو يلزمك فتره لتستعيدي فيها نفسك |
عزيزتي
انا مريت بوضع مشابه لك وزي ما قلتي حسيت بغضب ليه يفكر فيني وانا مازلت على ذمه رجال ليه كنت في باله وانا مع شخص اخر والاسوء من كذا حسيت اني انا المخطئه جلست الوم نفسي واقول عن نفسي قليله ادب كيف اصير في بال رجال وليه يذكرني في صغري ومتى شافني لما كبرت واكثر شي ارعبني لما قالت لي وحده يقال لما يكون الرجال في نفسه وحده معينه ما تتوفق مع غيره طول ما هي في نفسه(خرابيط وخزعبلات لكن لاني مشوشه صدقت) لكن كل هذا بسبب التغيرات العاطفيه اللي تمرين بها بسبب طلاقك والمشاكل اللي مريتي بها وكله راح يروح مع الزمن لان زي ماقالت الاخت green تحتاجين وقت بعد العده يعني فترة نقاهه وبعدها ان شاء الله بتلاقين نفسك تخلصتي من هالمشاعر السلبيه واذا انت خايفه من الحب اللي قبل الزواج انه مايدوم فهذا مو صحيح طالما هو حب حقيقي مو حب تملك فكثير من هالزيجات دامت واقربها لي وحده من اعز صديقاتي لما وصلت لسن الزواج اخبروها اهلها عن شخص من معارفهم خاطبها وانه يبيها من زمان بس اهلها كانو يقولون لسه صغيره وجلس يستنى لحد ماكبرت ورجع يخطبها وتزوجته والحمد لله وفقهم ربي وصارت ام اولاده. |
اظن فترة سنة جلوس في بيت اهلك ومدة العدة لو كان طليقك صالح كان رجعتوفيها لبعض .لا تعيشي على الماضي احسن يمر العمر .خلي الماضي ورا ظهرك.ولا بقى تفكري فيه مجرد تفكير.وتوكلي على الله وربنا يتمملك بخير.بعرف بنات كنير متلك ونزوجو مرة تانية وكانت زواجنهم التانية افضل مليون مرة من الزوج الاول.استخيري الله
|
اقتباس:
ومحبته من بعد الموقف اللي صار يعني (بعد شهر) بنكمل سنه على الموقف اللي حصل.. ومافيه صلة قرابه لكن نعرفه معرفه جيده يدخل بيتنا أكثر من القرايب وكان عارف وضعي كله والمشاكل اللي مريت فيها بس ماكان أبد مفكر يتزوج..والآن تغير الحال صدقني موحب خرابيط ولامراهقه الرجال فعلا يحبني وطلاقي ..أسباب كثيرة مشاكل مع طليقي وطليقي هواللي أختار المحاكم بالعربي عااااافني وباعني برخيص مع أني تمسكت بحياتي معه لآخر لحظة وكنت كارهه الطلاق..لكن قدر الله وماشاء فعل.. |
نصيحه أختي دلع
إذا تشوفيه رجل ملتزم وشاريك توكلي على الله ووافقي أما إذا فيه مواقف او طباع انتي كارهتها تذكرك بطليقك انتي اللي راح تعيشي معه وانتي ادرى بنفسيتك لكن بهالزمن صعب تلاقي رجل ملتزم وبنفس الوقت شاريك وعلى درجه من الاخلاق الله يكتب لك اللي فيه الخير |
ينقل لقسمه المناسب
الإشراف |
أختي أنت محتاجة فترة نقاهة وراحة ذهنية ونفسية للتخلص مما أنت فيه بسبب الطلاق.. لاترفضي الجديد ولا تقبليه..خذي راحتك ووقتك في التفكير حتى يكون قرارك سليم وبقناعة تامة. وأهم شي لا تستعجلي الزواج الثاني...بالتوفيق. |
اقتباس:
|
حبيبتي
سبب التردد هو خوفك من اعادة تجربة زواج ثم تفشل !!!! هذا السبب الحقيقي بنظري ! ولكن المفرؤض توافقين حبيبتي اذا انتي بنفسك مدحتيه باخلاقه ودينه ! فصدقيني الرجال شاريك اجل ليشالرفض انتيبس تعبانه نفسيتك وتحتاجين راحه اطلبي فترة راحه ثم بعدين ردي عليهم بلموافقه او الرفض ! |
السلام عليكم ورحمة الله وبركاته اختى دلع الحمد لله انك بخير وسعادة بصى يا اختى انا عندى يقين فى الله ان ربينا هيعوضك خير بأذن الله وبكرة تقولى ان انا قلت كده بأذن الله لانه من تصبر على كل ما كانت فيه وترضى ولا تسعى الى الانفصال هى زوجة صالحة ولا نزكى على الله احد سبحانه وبأذن الله ربينا هيعوضها كل خير من زوج صالح يسعدها وبأذن الله سينعم عليها سبحانه وتعالى بالذرية الصالحة انه سميع قريب مجيب الدعاء ولكن اهم حاجة الصبر والرضا وتقوى الله عز وجل فى السر والعلن نأتى الى الاخ المتقدم اولا انا مع رأى الاخوات بخصوص فترة النقاهه وان تعطى نفسك فرصة لاستعادة التوازن النفسى والثقة والقدرة على الاختيار بأذن الله تعالى وبخصوص ان هذا الاخ ملتزم يا اختى الدين المعاملة وانا لا اريدك تنخدعى بالمظاهر ابدا وانا هنا لا اقصد اى سوء له ولكن اريد من اختى ان تتعلم من الماضى وان تكون على خبرة بالحياة حتى يكون الاختيار هذه المرة على مبنى على ارض صلبة بعون الله وان كنت غير متحمس له من ناحية انه متزوج وربما زواجه منك يسبب مشاكل وطبعا جرح للزوجة الاولى ونحن لا نعلم مقدار تعلقة بها ومدى تأثيرها عليه ومن ثم عليك وعلى حياتك معه اعتقد ان انسب شىء الان هى فترة راحة من مشاكل الماضى على ان تشغلى نفسك فيها اما بالعمل او الدراسة ثم بعدها لكل مقام مقال وطبعا الاعتذار لهم وتوضح انك بحاجة فعلا الى فترة نقاهه مما مريتى به هذا حق طبيعى لك ومن صالحة وصالحك بأذن الله وفقك الله عز وجل لما يحب ويرضى |
اقتباس:
على نصيحتك وفعلا أنا محتاجه فترة نقاهه ولاأبي أتسرع وأندم وهذا اللي حصل أعتذرت منهم لأني محتاجه لراحه وعشان ماأظلمه مابي أبدا معه وأنا مشوشه الفكر.. |
جزاكم الله كل خير على ردودكم ونصايحكم
أسأل الله لي ولكم التوفيق.. |
سبحان الله توني من كم يوم تذكرت مشكلتك وقلت في نفسي ياترى وش اخبار دلع؟
على العموم لاتردين الخاطب ولاتقررين وأنتي متردده وخايفه استخيري واسئلوا عنه زين وربي معاك الله يوفقك ويسعدك ويعوضك عن حياتك السابقه ياااارب |
أختي
يقول الله سبحانه وتعالى في سورة البقرة وَلاَ جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاء أَوْ أَكْنَنتُمْ فِي أَنفُسِكُمْ عَلِمَ اللّهُ أَنَّكُمْ سَتَذْكُرُونَهُنَّ وَلَـكِن لاَّ تُوَاعِدُوهُنَّ سِرًّا إِلاَّ أَن تَقُولُواْ قَوْلاً مَّعْرُوفًا وَلاَ تَعْزِمُواْ عُقْدَةَ النِّكَاحِ حَتَّىَ يَبْلُغَ الْكِتَابُ أَجَلَهُ وَاعْلَمُواْ أَنَّ اللّهَ يَعْلَمُ مَا فِي أَنفُسِكُمْ فَاحْذَرُوهُ وَاعْلَمُواْ أَنَّ اللّهَ غَفُورٌ حَلِيمٌ 235 إللي حصل من البداية غلط وغير مشروع أن يصرح رجل لزوجة غير مطلقة أو مطلقة رجعية في فترة العدة بأنه يرغب الزواج منها . يشرع له أن يلمح ويعرّض برغبته بالزواج في فترة العدة فقط أما التصريح فغير مشروع وهذا ربما خيرة لك من الله سبحانه وتعالى لأن الرجل لم يسلك معك المسلك الشرعي من بداية التقدم لك والله أعلم |
اقتباس:
لكن بالنسبه للخاطب ماأدري ليش كنت متحمسه له وبعدين تراجعت أحس أني مومتقبله الزواج حاليا" وبنفس الوقت ماودي أرفضه لكن أعتذرت منهم بأني أحتاج فترة راحه طويله وأني مابي أستعجل.. |
اقتباس:
ولكن هل خطأه يوجب علي رفضه حتى لوكان مناسب لي؟ |
اختي لاتتسرعي في كل الاحوال مناسب ولاغير مناسب لاتتسرعي في الدخول لتجربة جديدة بعد شهر اقل او اكثر من العدة انتي صغيرة وألف من يتمناك وبيني وبينك يحتاج انك تتمعني في هذا الرجل اكثر يخطب وانتي على ذمة رجل .. ولاتنسي انك يتكوني الثانية يعني من مشاكل لين مشاكل انتبهي لقراراتك والله يكتب لك اللي فيه الخير |
اختي دلع انا مع راي الاخوة صراحه بعد طلاقك بشهر تتزوجين بالسرعه هاذي لازم تفكير عميق لانه زواج وخاصه انه زواجك الثالث حسب ما كنت متابع لمشكلتك السابقه |
اقتباس:
لكن اللي متأكده منه أني مومستعده لزواج الآن |
اقتباس:
لكن أنا مومستعده فعلا لزواج الآن باخذ فترة وأستخير وأعطي نفسي فرصه لتفكير |
انا اشوف دام متزوج لاتخربين على زوجته لانه موذنبها عقيم
وبصراحه شكله مافيه خير وهو متزوج 10 سنين يحب وحده غير زوجته |
لالالالالالالالالالالالالالالالالالالالالا توافقين شكلك مترددة وانصحك تزورى طبيبة نفسية
واضج فيك ان الحزن ماليك |
السلام عليكم ..
الله يوفق لك يارب .. وفي هذا الزمن فعلا ما تلاقي شخص بهذي المواصفات بسهولة .. ان شاء الله يصير لك كل خير .. لكن فكري وفكري وفكري .. وفي نفس الوقت لا تتسرعي .. انتبهي لحالك والله يوفق لك ويسر لك امورك |
الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©