زوجي يمتدح زوجته امامي وهي عكس مايقول.
 

اتوقع والله اعلم زوجك يحب يشوف غيرتك عليه

لان الرجل ينبسط اذا زوجته غارت عليه

طبعا بحدود المعقول

قولي خلاص معدلها جيدجدا مالا داعي تستاثم

طنشي ولاتعطي أي أهميه وخليك وأثقه من نفسك
بالتوفيق

يا أختي واضح أنه يحاول إغاظتك لسبب في نفسه ... وإلا لا مناسبة أصلاً لذكر معدلها سواء امتياز أو حتى مقبول.

وبصراحة عيب عليه!! .. فالعلاقة بين الضرائر تكون متوترة في الأصل .. ويفترض بالرجل العاقل أن يحتوي هذا التوتر ويقرب بين زوجتيه إن استطاع .. أو على الأقل لا يجعل مجالاً للاحتكاك السلبي بينهما .. لا أن ينفر إحداهما من الأخرى بهذا الشكل المستفز!!!!!!


يا أختي زوجكِ عقله صغير وتصرفه طفولي وليس فيه ذرة حكمة .. لذلك فإن الأفضل أن تتجاهليه .. وإن قال لكِ إنها حصلت على امتياز فقولي له: ما شاء الله عليها تستاهل ... ثم غيري الموضوع مباشرةً.

زوجج طاير فيها السما لأنها يابت شهادة جامعية !

خلاص طالبيه انج تكملين دراسة وتنافسيها اذا هو يحب المثقفات الجامعيات

تجاهليه تماما وهذا يدل على قلة وعيه وعدم القدرة على العدل والتكيف مع زوجتين

اما أذا زاد الأمر فناقشيه وقولي لاتجيب سيرتها لي ولا تجيب سيرتي عندها من فضلك وهذا من صفات الرجل العادل

اختي الفاضله

انصحك انك بعد يكمل كلامه تقوليله وعلى وجهك ابتسامة ماشاءالله تستاهل ان شاءالله يفتح عليها كمان وكمان

وبعدها اطلبي منا ان دام دخل بيتك ينسى انه متزوج زوجة تانية وهي كمان يعاملها بالمثل

وفهميه ان من يدخل بيتها مايجيب سيرتك لا خير لا شر

إذا مدح مرة ثانية قوليله كل إنسان له مجالات يتفوق فيها
مثلا هي متفوقة بدراستها وأنا متفوقة (ذكريه بالشي اللي انتي متميزة فيه) وقوليله انت مثلا متفوق بشي يختلف عن اخواني
وهكذا

انا زوجي دايم يمدح بالاولى وانا اقول ماشاء الله نفسي اصير زيها وصرت انا امدحها ينكتم وربي والحين ماعاد صار يجيب سيرتها عندي

والافضل مايصير بينكم اجتماع ريحي راسك

هو شافك صبرتي على زواجته وحكمتي عقلك فصار يستفزك
هم كذا اكثر الرجال يستمتع بغيرة الزوجة

بس الوحدة لازم تثق بنفسها وتعزز ثقتها بنفسها في المواقف الصعبة


الله يقويك

الله يعينك على ماابتلاكي ,, زوجك تافهه وماعنده ذرة عقل

عاد انا رائي مثل الاخوات الفاضلات انك تنطشي كلامه نهائياً ولا اوصيكٍ برسم اكبر ابتسامة صفراء ,,,صدقيني مدة بيطفش وبينكتم وينطم

نسيت شغلة زوجك الفالح ايش نوع شهادته ؟؟ اذا كانت اقل من جامعيه اقلبي عليه الطاولة وقوليلة ماعندك طموح مثل زوجتك الشاطرة واشتغلي عليه على هالموال ههههههههه

السلام عليكم
شوفي اختي دام زوجك يقولك هالكلام فهو ناوي يقهرك اسالي المجرب انا بعد زوجي متزوج مرة قالي نارها احسن من جنتك وانجرحت ولكن ماعطيته وجه عشان مااكبر السالفة براسه ويصدق ماقاله
كل مامدحها عندك طنشي وابتسمي ابتسامة غرور واتسهزاء وقومي من مكانك او غيري السالفة على طول قولي له انا واثقة بنفسي واذا هي معاها شهادة انا معي اكثر من الشهادة واسكتي ولا تصرحي
هو يبغى يدخلك بحرب نفسية معها لا تعطيه مايتمناه

الله يعينك .

زوجك لو انه دبلوماسي و فيه ذره من الحكمه كان ما يجيب سيرة وزجته الثانيه امامك و لايجيب سيرتك امامها ..

ما الهدف انه يزرع الحقد بينكم ؟؟

قولي لزوجك انه ما يجيب سيرة زوجته امامك ابدا لا بالخير و لا بالشر و لا يذكرك امام زوجته لا بالخير و لا بالشر ..

في النهايه هو الخسران لان كل وحده منكم راح تحقد عليه لانه كسر قلبها ..

اعوذ بالله من هكذا رجااال ..

الله يعيملك على هلا الزوج

طنشي ولاتعطي أي أهميه وخليك وأثقه من نفسك
بالتوفيق

أختي الكريمه أسأل الله لزوجك الهدايه والصلاح وأن يثبتك بعقلك وحكمتك
أختي الكريمه زوجك يحتاج للحزم في هذا الأمر قبل أن يحدث مالا تحمد عقباه
فلو تجاوزتي عن أسلوبه هذا فربما يتعمق مع مرور الأيام ويقارن بين حياته الخاصه بينك وبينها
فإذا إتبعتي أسلوب التطنيش واللأمبالاه فهذا الأمر لن يردع زوجك و ربما يعتبره رضاء منك (السكوت علامه الرضاء)
وبذلك أنتي لم تطفئي النار وإنما تحاولين تحدين من إنتشارها وهذا لا يكفي لتتقي شر النار
أخيتي:
حددي وقت مع زوجك وجهزي المكان ويفضل أن يناسب كليكما
ثم أجعليها جلسه مصارحه ويفضل أن تدوني المشكله والسبب والإقتراحات لحلها في جدول
ثم إبدئي بمشكلتك التي ذكرتيها لنا وإسأليه عن سبب فعله هذا الأمر وإتفقوا على الإجراء المناسب لإرضاء الطرفين

في أسوا الحالات إذا رفض زوجك التجاوب معك وأستمر في مدح زوجته الثانيه
فيجب عليك أن تتأخذي أمرا حازما مثلا (تعتذري و تخرجي من المجلس بصمت إذا أسترسل في مدح زوجته الثانيه)
ورددي عليه قول الله تعالى" فصبر جميل والله المستعان على ما تصفون"

أنا أعلم أن التطنيش يحل بعض الأمور لكن مثل مشكلتك هذه فكل كلمه يقولها سوف تجرحك وتبقى تتوغل في نفسك ومع إزدياد الجروح تتأزم الحاله ويصعب حلها وهذا ما أخشاه

وفقنا الله وإياك لما يحب ويرضى وأخذ بناصيتنا للبر والتقوى

نصيحتي طنشــــــــــــــــــــيه هو يبغاك تغاري منها مو تغاري عليه.

هو يبي يحسسك بالنقص
انتي طنشيه وخلك واثقه من نفسك

ابدا ابدا ما انصحك تطنشين لازم تعطينه كم كلمه توقفه عند حده بكل ادب واحترام وتكلمي معاه بثقه قولي مهما كانت ومهما وصلت راح تضل زوجه مثلي مثلها ماراح تختلف عني بشي وانا ما ارجوك انا اطالبك انك ماتجيب سيرتها لما تدخل بيتي اذا كنت حاب تكون مبسوط عندي وعندها بس ماتبينين انك مقهوره عشان مايجي يوم يستفزك فيها