|
هل تشويه الزوجة لسمعة زوجها يغتفر
السلام عليكم ورحمة الله وبركاتة
قد سبق لي ان طرجت موضوعي فيما سبق واختصار للموضوع ان زوجتي طلقتها طلقه واحد بعد اتصال من ابوها وسبه لي وقالي طلقها وغلط البنت علي المهم قلت خل الموضوع يهدا ولي الان شهرين وهي بيت اهلها ولكن الي ابغا اسئلكم فية هل فضحها لي وافترائها علي وتشويه صورتي لكل من هب ودب جريمة تغتفر اقول انها جريمة لان الكلام الي تقوله ماينقال من بنت عاقله تقول اني ماني رجال في المعاشرة واني اجيها من المكان الي حرام(اتمنى فهمتو) اني دايم اسبها واهددها بالطلاق واني دايم الجلوس على النت واشوف افلام خليعة واني اشيل راتبها عليها وكلام والله ماينقال وهذي الكلام حصل ثلاث مرات مع كل مشكله تصير بيننا ومع العلم اني لي سنتين متزوج بس المرات الاولى اخف بس كلها من فراش الزوجية وكلها كذب يعلم الله المطلع علينا وخالي راح عشان يصالحنا قالت ماارجع لين يجيني ويعتذر ومصروف شهري لي ولولدي وشغاله وووومطالب ماتنتهي وابوها يقول والله لخليه يرجع لين عند رجلها وماترجع الا بشروطها وبكيفها هي وانا اساسا خلاص حسيت اني كرهتها من كل قلبي هل تتوقعون انها بتتغير والا ادور لبنت الحلال افيدوني اتمنى تفيدوني |
انا من رايي تشوف لك بنت حلال افضل لك مابعد هالكلام كلام يسبون ويشتمون فيك وتبي تعيدها وغير كذا كيف لك ان تعاشرها من جديد وهي قالت هذه الافتراءات والاكاذيب كلها عليك 0
يااخي الكريم اعتقد ان زوجتك وعائلتها سيئين التعامل والتصرف والا مهما يكن لايجوز ان يتكلموا عنك بهذا الشكل ولايجوز لوالدها ان يتلفظ عليك وكلام والدها لك انه سوف يجعلك تجي عند رجل زوجتك وتنفذ شروطها بصراحه الاهانه والاستحقار والاذيه لايرضاها رجل عاقل ومستقيم 0 وانت يااخي لك حرية الاختيار وكل شخص يرى الناس بعين طبعه0 |
غريب أمرك تحس انك كرهتها وتبي ترجعها ذليل مثل ماكان يتوقع أبوها,لو رجعتها بتلقى اهانات أكثر,لا والله خلها عند أبوها يشبع فيها,والبنات السنعات واجد,بتلقى ان شاءالله اللي تسعدك وتقدرك.
|
أنا أنصحك لا ترجعها
ياخوه الى متى هذا الأهمال في الاختيار أسئلُ عنالفتاة قبل الخطبه أبحث عن من يزنها عقلها قبل جمالها كيف بزوجه تفشي اسرار فراش زوجها ان تصلح أم يا خوة ويا أخوات أفهمو الحياة سكن ومودة ورحمة وليست حبلة مصارعة |
اخوي احمد ربك الامور جت كذا .... وماشية لصالحك
صدقني ماراح تصلح مثل هالمرة زوجه لامثالك... ولو رجعتها ماراح ترتاح معها... رح تتذكر كل ماصدر نها في اغلب الاحيان لاتخسر صحتك وشبابك بسببها لاتفكر ترجعها............. بكره بتسوي لك اكبر من هذا............ وبالنهاية اطلقها.... من الحين دور على بنت حلال بنت ناس اجواد ..متربية عدل نصيحة .... قصتك مشابهه لقصة واحد من اخواني ............ بس رماها من اول غلط... وتزوج وحدة ثاني يعلم الله انه حالياً من اسعد الناس ونفسيته مرتاحه وواضح لنا انه سعيد... ووزوجته كانها خادمة لامي.. من نفسهاتهتم فيها اهتمام مو طبيعي ولاتنتظر كلمة شكر من احد |
السلام عليكم,, والله الاخوان قالوا عين العقل,, خليها مثل ماهي ودور عبنت الحلال
|
ياأخي إذا قالت هذا الكلام عليك وانت لم تفعله أبدا ولم تطلبه وخصوصا الأمور الحساسة
فليس من المروءة أن تراجع هذه الزوجة أعوذ بالله كذب بهذه الأمور والله مشكلة |
طيب ليه زوجتك تبحث على المشاكل ؟؟؟؟
وايش اللي جرأها تقول مثل هالكلام ؟؟؟؟ اللي حتى لو كانت حقيقة مافي بنت تجرا تقولها بلسانها طيب ليه ما واجهتها بهذه الاتهامات ؟؟؟ اخي الكريم ابحث عن جواب تصرفاتها بغض النظر عن اطاعتها لاهلها لعلك تعرف حقيقة مشاعرها واخلاقها |
إذا كنت ترغب في إرجاعها فليس بهذه الطريقة ..
لأنك لو أرجعتها بشروطها فقد قبلت على نفسك الذل والمهانة .. وستواصل هي تماديها وستغتر أكثر لأنك لا تستطيع التفريط بها حتى في عز سطوتها عليك .. اهجرها تماما ، ولو حاولت أن تتصل بك أو يتصل أحد من أهلها فواصل هجرانك لهم .. اجعلهم يركضون خلفك أذلاء صاغرين حتى يشعروا بفداحة جرمهم عليك .. وحتى تتأدب زوجتك ، وتقدر قيمة النعمة التي كانت فيها ، ولا تعود لسابق عهدها .. اعطهم فرصة ، فقد يتبدل حالهم ، وينصلح أمرهم .. ولا أطالبك بمنحهم الفرصة تعاطفا معهم بل تعاطفا مع طفلك الصغير الذي لا ذنب له .. وهو يستحق أن يعيش حياة كريمة مع والديه .. فاصبر على سوء خلق أمه لعل الله يهديها .. فإن لم يتغير حالها فقد أبرأت ذمتك ، وفعلت كل ما يمكن فعله .. ولن يلومك أحد على ما تتخذه من تصرف .. أسأل الله أن يصلح حالك ، وأن يهدي ضال المسلمين .. |
اضن دام الامر وصل الي ما لايحمد عقباه لا ترجع اذا انت فعلا صادق فيما تقول لاننا لا نعرف ولا نعرفها
واذا هي افترت عليك فعلا وكل هذا كذب انصحك لا ترجع وشق حياتك من جديد احس من كلامك عندك ميول للرجوع لها رغم انك تقول افترت عليك وشوهت سمعتك ممكن اعرف السبب؟ |
الصراحة أخوي أنا وزوجتي منفصلين حاليا، أنا سمعت مرة إنها خبرت صديقاتها عن المشكلة الأساسية اللي صارت بينا (اللي هي سبب الخلاف)، بس الحق يقال، ما بعمرها طلعت أسرار الفراش برة، وما تتكلم فيهم وتستحي أصلا تجيب هالطاري.
بس أنا أقول العناد عمره ما ينفع وهو السبب الأول في تدمير جميع العلاقات الزوجية. عشان ترجع علاقتك معاها لازم يكون فيه تفاهم بينكم ولازم هالتفاهم يكون في صالح الطرفين معا. يعني لا طرف فيكم يضيع كرامته ولا حقه ولا طرف فيكم يعاند الثاني. إذا تقدر توصل إنت وهي (معا) إلى هالمرحلة .. أقول رجعها أحسن، ............................... والله يهديها إن شاء الله. |
وش بقئ وماقالت واتهمت عليك؟؟؟؟؟!!!!
اعوذ بالله وش هلزوجه !!! اخوي نصيحه من اخت لك !! لاتحاول ولا تتعب راسك بلتفكير في وحده ذلتك بكلامها امام الناس !والان بعد يكابرؤن ويقؤلؤن مايترجع الا بشرؤطها وابؤها يتوعد لك بعد ...رجولها ماادري ايشّّّّ!!!!!!!! هذوؤا ناس ماتنطاق العيشه معهم وبلاخص زوجتك !! كيف اصلن تفكر مجرد تفكير باانك ترجعها !!!وبلاخص بعد الكلام الي افترته عليك !!! والله قهر افتراء من زوجه لزوجها الي عاشة معه !!كيف تقدر تفتري اشياء مثل كذا !! كيف تقدر تقؤلها للناس ماتخجل ماتستحي علئ وجهها !! الله لايقدر لو حصل بيني وبين زوجي خلاف حاد وقوي والله مايطري علئ بالي اني افتري عليه مثل ماقالت زوجتك !!يمكن الومه بتصرف معين اما اني افتري عليه ب..........الخ !!! اقؤل دور لك علئ عروس تقدرك وتحترمك ..... وعيش احلئ ايام عمرك ! سؤال مهم !!؟؟ كيف سمعت هلكلام ؟؟هل سمعته منها شخصيا او ابؤها قالها او اقارب ؟؟ اخوي ترئ الناس يفترون وكل شخص يطلع كلام!!!! من وين سمعت يمكن كذب !!تاكد !!! |
يا أخوااااان حرااام عليكم تشيرون الريال يطلق مرته خاصة وإن عندهم ولد ..
شوف أخي العزيز ... خليك هاجرها وتاركها ببيت أهلها .. هي تسوي كل ذا من حرتها وغيظها وقهرها ... لأن النساء مثل ما إنت عارف سلاحهم وقوة دفاعهم الوحيدة لسانهم ... فاشلون بتنتقم منك غير بكذا ؟؟ خلها تسوي وتقول اللي تبيه ,,, اتركها على راحتها دام إنك واثق من نفسك. والمرأة اللي تتكلم بهالأمور الحساسة جدام من هب ودب ترى حط ببالك الناس تطالعها بنظرة مو حلوة وتتحاشاها لأن هي تبين بصورة مو حلوة جدام الناس بحديثبها عن هالأمور. هي بيوم من الأيام راح تصحى وتحس باللي قاعدة تسويه وتقوله إنه كله غلط ولو بعد حين .. خليها لا تسأل عنها ولا تسأل فيهم ... بتجيك هي بعدين (ما أقول صاغرة لأنها زوجتك حبيبتك وما بينك وبينها كرامة) بتجيك عشان تتكلمون مع بعض ... تقوم إنت تتغلى بعد شوي ... وبعدين ترضى تكلمها بس تقولها إنك مصمم تطلق تخوفها شوي .... وبعد كذا تقولها بأسلوبك وطريقتك إنك ممكن تكمل معاها بس تحطون النقط على الحروف وتتفاهمون بالأشياء اللي تزعلك منها وتزعلها منك. بس كلام ...................الأعضاء اللي ردوا عليك (مع شديييييد إحترامي) ما يوكل خبز. يعني عمر ما العلاقة ترد بين الطرفين إذا كان واحد فيهم راد حق الثاني صاغر ومذلول. يا إما توصلون أثنينكم إلى حل يرضي الطرفين يا إما الاتجاه إلى الطلاق. لأن هم العلاقة الخالية من النقاش والحوار الودي والمنطقي والناضج .. صراحة أشوفها لا داعي لها لأن النقاش والتحاور هما الأساس. والله يوفقكم ويهديكم حق بعض. |
يااخوي في الاتحاد قوة......
انا ابسئل سؤال ... وبصراحه اذا زوجتك قالت نفس كلام زوجة صاحب الموضوع بالله تفكر انك ترجعها !!!!؟؟؟ والله ان يعوفها قلبك!!! ولو تسئل اي زوج بيقؤل مابرجعها ابد ...ماابيها لانها اهانتني ومسحت بكرامتي ...ولا بعد تبي ترجع بشرؤط وابؤها يتوعد بدل مايحل المشكله ... الان زوجتك ماغلطت بحقك وسويت انت الي مايتسؤئ فيها !!فما بالك لو سوت نفس زوجتة صاحب الوضوع !!!! |
اقتباس:
صح لسانك اخوي في الاتحاد قوة والله يصلح حالك يا رب انا مع راي اخوي بس مو بكل شي الفقرة الاخيرة ( المحذوفة) انا مو معاك فيها ابدا |
تدري .. بنت الرجال الاصيلة .. حتى لو فعلا زوجها طلب منها هالامور
تطلب الطلاق و ما تقول سببه و تستر عليه عشان ربي امر بالستر و عشان سمعة اولادها مستقبلا و من سألها عن الطلاق تقول ماحصل نصيب .. فمابالك باللي تفتري افتراء .. معقول في زوجات كدا ... على الاقل المفروض تفكر بابنها اللي هو بالنهاية ابنك و سمعته من سمعتك وابوها فعلا لا تعليق ... في اب كدا ..؟؟ لو كان فعلا عاقل و مصدق كلام بنته المفروض ينصحك او يجيب شيخ ثقة و يشرط عليك ما ترجع الا لما تبطل هالامور مو فلوس و شغالة و يجي يبوس رجولها ؟؟ ان دل على شي دل على نقص حكمته .. اخي صدقا اكره انصح بالطلاق.. لكن في حالتك هذه زوجتك ما منها امل ... و عيلتها ما منها امل اتركهم غير مأسوف عليهم و دور على بنت الحلال اللي تصونك و تصون سمعتك ,, لكن .. لا تنسى ابنك تكفل بمصاريفه و لا تنساه اذا تزوجت .. شوفه اسبوعيا و حببه فيك و تقرب منه الله يوفقك و يهديهم |
الإخت همس 2009 ... زوجتي وايد كانت تغلط علي بس صراحة بيني وبينها ما تطلع تقول هالكلام حق الناس.
بس في حالة الأخ صاحب الموضوع، يبدو على زوجته صغر السن وقلة الخبرة وهذه مشكلة كبيرة !! فإذا كان يحبها، لازم يعلمها درس لا تنساه .. وذلك يكون بالهجر والتجاهل حتي تربى. بالنسبة حق أهلها .. ما يشكلون مشكلة لأن البنت إذا تبي ترجع رح ترجع غصب عن الكل. وهذا شي حتى بالشرع والدين إذا الزوج والزوجة اتفقوا على الرجعة ليس لأحد أن يقف في طريقهما ولا حتى ذويهم (أهلهم). يا جمااااعة الأهل موقفهم طبيعي لأن هذي بنتهم وحسوا إن بنتهم إنهانت. خلوا وحدة متزوجة تروح تقول حق أمها ولا أبوها زوجي سوا كيت وكيت .. تشوفون قلبة الوجه على الزوج هالكبر، فما بالكم مخليها عند بيت أهلها ويبي يطلقها !!! منقفهم هذا لا إرادي بيسوونه إلى أن يشعروا أن الزوج فعلا شاري. الحين مثل ما قلت سابقا ،، الاثنين إذا اتفقوا كان بإمكانهم أن يسكتوا أهلهم بكلمتين طيبتين حلوين يبردون على القلب. بس يكفييييهم يشوفون بنتهم ردت صارت سعيدة مع هالإنسان. ومثل ما سبق وقلت يا إخت هميس 2009، الرجال اللي يفهم طبيعة المرأة ،، ترى سلاحها كله لسانها وكله بيرد لها يشوه صورتها هي مو رجالها. ولأنها صغيرة ما بتفهم هالحجي ده الحين. شكرا الإخت موهبة الكويت ... بس ليش الفقرة الأخيرة انتي مو معاي فيها؟؟ وين الغلط لما قلت "يعني عمر ما العلاقة ترد بين الطرفين إذا كان واحد فيهم راد حق الثاني صاغر ومذلول. يا إما توصلون أثنينكم إلى حل يرضي الطرفين يا إما الاتجاه إلى الطلاق. لأن هم العلاقة الخالية من النقاش والحوار الودي والمنطقي والناضج .. صراحة أشوفها لا داعي لها لأن النقاش والتحاور هما الأساس." |
لا.. لايغتفر
|
الله يهدي زوجتك انا اشوف انك تادبها احسن لانها شوهت صورتك ولانها تعودت انها مع كل مشلكه تسبك وتعيد نفس الشي والله يصبرك
|
ياخ في الاتحاد قوة زوجتي ليست صغيرة
وهي نفس اطباع زوجتك لاني سبق وان شاركت في موضوعك ولكن مايزيد على طبع زوجتك انها تبغى تكون في موضع قوة نفخ وتعالي وغرور وكبر ماادري من وين جاها ياخي زوجتي ختمت القران مرتين او ثلاث حفظ ماشاءالله وتمنيتها ام اولادي ايش غيرها ماادري وتدور شي مايعرفوه الناس انا ولله الحمد انا واهلي معرفوين في مدينتنا بين الناس فما تقدر زوجتي تتكلم عن شي معروف لدي الناس تحاول تجيب مواضيع من الخفى يعلم الله يعلم الله العلي العظيم انه فيه اشياء مايصبر عليها اي شخص صبرت عليها كل اقول يمكن تتعدل وينصلح حالها اهدد اتكلم تقولي القرار في يدك لية ماتتخذه اهجرها بيت اهلها بالاسابيع والشهور واقول يمكن تتادب لكن مافية ويجو اخوالي ويقلبوها قبيله لين الحين جاني خالي الكبير قالي صلح قلت والله لو انا بمشي في الشارع مثل المجنون من فرقاه راضي ولا ارجعلها مشكلتهم في البيت مافيه نصيحة مافيه هذا زوجك عيب كذا مافي عندهم الا تحريض لاترجعيله بعدين يزودها اذكر مرة تخاصمت معها على حاجة بسيطة زعلت وراحت بيت اهلها اليوم الثاني رحت ارجعها قلتلها انزلي قالت خلني استاذن من ابوي اقولها ايش دخل ابوك قالت ابوي لازم استاذن منة قلت طيب اتصلت عليه قالت انا ماشية مع زوجي قال والله لو نزلتي من الدرجة فانا برئ منك لين يجي يعتذرلي هههههههههه والله مت من الضحك وسبتها كم اسبوع على مشكله تافه وعلى هذا قيس خلاص انا نويت الطلاق والله يعين عليه |
سؤال مهم !!؟؟
كيف سمعت هلكلام ؟؟هل سمعته منها شخصيا او ابؤها قالها او اقارب ؟؟ اخوي ترئ الناس يفترون وكل شخص يطلع كلام!!!! من وين سمعت يمكن كذب !!تاكد !!! مشكلتهم ياهمس فيهم احس غباء يعني ياهمس بالنسبة لكلام ابوها عندي اثنين زملاء ابوي وهم في مقام اعمامي يجلسون عنده في المزرعة حقة كل يوم هم واكثر من عشرين واحد وهو يسب ويلعن فيني والرجال يكلموه هذا الكلام مايصير وهو انواع السب يجو يكلمو ابوية وابوي ساكت ماتكلم الا لما طلقتها وبعد الطلاق بمدة يوم شاف اني خلاص قنعت منها تكلم مايبغا يفرق بيننا اثاري البنت تشتكي مني وبيتهم مقلوب وابوها قالب الدنيا واما بالنسبة لموضوع الفراش و والكلام المتناقل انا قد سمعت فيه ووصلني من نفس العيلة بس تاكدت اقولك كيف مع اني ماكنت ابغا اتطرق له لكن باقول انا عندي خالاتي وكلهم كبار فوق الاربعين ماشاءالله منهم 7 وزوجتي تمسك كل وحدة وتعطيها سالفة غير المضحك في الموضوع خالاتي على نيتهم يجو يبغو يصلحون فجات خالتي عمرها فوق الخمسين تجي تقعدد تتكلم تتكلم وبعدين تقلي سامحني على ذي الكلام وكل انسان له قدراتة ليش ماتشتريلك من هذي الحبوب عشان اللللللللللل وجات وحدة بعد النصايح تقولي بس هذا المكان حراام عليك انك تجيه والثانية تقول البنات ذي اليومين يبغون رومنسية وزي كذا لاتخليك شديد في الللللل يعني لاحظي التناقظ اول ماني رجال في الللل والحين تعاملي شديد وصلب فيه والله حالة والمشكله زي ماتقولون فية بنات وانتو تعرفو تفكير بعض البنات على طول طازة بطازة عند اختي اتمنى اني اجبت اسئلتك |
زين يا طويل العمر زوجتك كم عمرها ؟ |
طيب ياطويل العمر 24
والله لو حتى عمرها 17 او 18مايعطيها الحق تقول زي ذا الكلام لكل من هب ودب بدون رادع من احد |
اقتباس:
اخي الكريم بصراحة بحثها للمشاكل والله مالقيت له حل دورت حتى في نفسي ودي اعرف اكثر من مررره امسكها واسوي جو رومنسي واحاول اسحب منها الكلام واعرف الي مضايقة ماتقول شي بس تروح بيت اهلها تجيني وجه ثاني والي جرئها تقول كذا اشوفه انه مافي رادع ولا رجل رشيد معا التدليع الزايد وان البنت مصدقة في كل الي تقوله واي مشكله بيننا لزم تكلمهم عشان يوضعولي حد ومااغلط فيها واضن برضه الي جرئها على المشاكل تعلقي الزايد بها سيدي الكريم انا متزوج عيله برب المنزل قبلها زوجتي ثنتين مطلقات الاخير قبل شهور والله قعدت معا زوجها وانا اعرف معرف شخصية من نعم الرجال والله قعد يشتكي منها والله العظيم والله العظيم زي مايقولو بالملي نفس مشاكلي بالظبط مع اختلافات طفيفة لكن الاساس نفسة اخي الكريم |
والله ياخ في الاتحاد قوة انا مع همس
لما تكون في الموقف نفسة يختلف عن لما تنصح يوم قريت موضوعك اشوف انكم كلكم غلطانين بس الاكثر عليك وجاتك لين البيت ومارجعتها والحين لكم فوق الشهرين وماتبي تتنازل عن كرامتك وهي مشكلتها العصبية وحاجات ثانية انا زود على العصبية مشاكل لاتعد ولا تحصى وتقولي رجعها وهذا رايك على عيني وراسي سيدي وانا اساسا داخل هنا ابغا اراء والا ليش كتبت موضوعي الف شكر لك عزيزي |
شوووووووووووووووووووف
إنت قلت الكلام اللي وصلك ، ( نقل كلاااااااااااااااااااام ) فلا تظلمهاااااااااااااااااااااااااااااااااااااااااااا ، |
صح. بس لما قلت رجعها كان لأسباب منها الطفل إللي عندك وش ذنبه! رجعها عشانه بس ربيها بالأول حتى يكون طلب الرجوع منها. السبب التاني موضوعكم ما وصل للقضايا مثلنا.
والله خوفي حرمتك تسوي مثل حرمتي وترفع عليك قضية طلاق ولا تقولي ما ممكن تسويها. ترى آخر شي كنت أتخيله مرتي ترفع علي قضايا. خبرك الحين صارت القضايا والمحاكم موضة عند الحريم يدشون ويطلعون منها جنه سوق!!! |
والله انك صادق وتر احس اني باخش المحكمة
اذا مو في الطلاق فشكلة في المولود الله يستر ويعينك وييسر امرك انشالله |
لا تصدق أي شئ ، لحد ما تسمعه بأذنك
اقتباس:
|
اخي صاحب الموضوع
بصراحه بعد اجابتك لئسئلتي بديت اشك وبصراحه !!!! انت لم تسمع بأذنك ابدا !!!انها تقؤل هذا الكلام !!! طيب انت يؤم كنت تتمشكل وتحاول حل المشكله وهي عند اهلها هل تقؤل او يقؤل اهلها من ابؤها عنك مثل الكلام السااابق الي ذكرته من اتهامها لك وو.......الخ !!!!! هل تجرئت معك مره واتهمت مثل هلتهم !!! هل سمعت بأذنك انها تقؤل هلكلام !! نصيحه من اخت لك لاتسمع لالفلان ولا لعلانه !!!! صدقني انا انخدعت وانصدمت من ناس عزيزين علئ قلبي اكتشفت انهم كاذبون ومتويجهين !! يعني امامي بؤجه ووراي بؤجه !! الاهم لاتعتمد علئ كلام هلناس حتئ لو يحبؤنك يمكن هم لايحبون زوجتك ولا يعبرؤنها اصلن !!! بعدين انت وجهها بلكلام الي سمعته حلفها هي قالت هلكلام او لا؟؟؟ وبعدين لكل حادث حديث اخاف تظلم البنت !! انتبه والله يااخوي ماتعرف الاقارب الا اذا انلسعت منهم وبعديييييييييين المشكله تعرفهم بعد معايشتك معهم وفتح قلبك لهم !!! انتبه ارجوك وتاكد وكلمها ووجهها بهلشيء !! واذا قالته فاافعل ماشئت ومايحلو لك ........ حتئ زوجي قبل شؤي قرء معي قصتك وقال انصحيه لايسمع منا ومنا !!! يتاكد من زوجته ويكلمها ويكون شديد بكلامه هل صحيح ماسمعت ام لا؟ وبعدين كذا النساء توصلها سالفه تزيد ملح عليها وتجيء الحرمه ال2 وتزيد ملح بعد وتجيء ال3 وتزيد ويلله .....الخ الئ ان توصل لك!! كذا مجتمع الحريم طبعا مو كلهم لكن الاغلب منهم ويستغلون انفصال الزوجين...... الله لايقدر اذا تطلقؤا قالوا البنت مو مضبوطه لقاها زوجها تعاكس ولا لقئ معها رجال ويقؤلون عن الرجال لامو مضبوط دائما يسهر ويسافر للخارج !!! حفظنا مولات الكذب والاختراعات !! ياطوويل العمر نصيحه تأكد من زوجتك !! بعدين مااظن زوجتك قالت هلكلام وهي باقي تبي ترجع لك !!! والدليل انها ماطلبت الطلاق بل قالت مابترجع الا بشرؤط !! صح ولا لا يعني باقي هي تبييك !! وتنتظر مجيئك ترئ دائما الناس مايرحمون اي مطلقين من الكذب او منفصلين بسب زعل !!! واكيد انت سامع عن ناس قبل ! فكر بكلامي !! اتوقع انها كذب! |
روح الطير يوصلني من اهلها
وخلاتها وقرايبها وعيلتها معقوله بطلعو الناس حكي كذا من غير ماتتكلم هي مافي دخان من غير نار ايش يدري الناس ويدري اهلها بالمشاكل وترا سبهم لي وافتراهم قبل مااطلق مو طلقتها وبعدين انقهرو وجات البنت تبكي لبوها وامها وهم عصبو زي ماقال اخوي الاتحاد قوة قلت باخليها عند اهلها لين تتادب بعد مازادت المشاكل الي بيننا يوم خلصت الاجازة وبدا الدوام وبعد ماقالت الي قالت قالو تعال شيل زوجتك ارسلتلها رساله بصراحة كانت قوية انا اشوفها قوية بس مدري يمكن غيري يشوفها عادية قلتلها كل مشكله بسيطة تكبريها ولزم تفضحيها في العيلة الصغير والكبير يتدخل في حياتي انا ماعاد بقدر اتحمل الحياة كذا وزي ما دايم تقولي اتخذ قرار انا بتخذ قرار وخلاص يابنت الناس كل واحد يروح لحاله وباطلقك لو تميتي على حالك ذا ارسلت ياخسارة الرجولة فيك واتصل ابوها كمل الناقص وياجزمة يامنت رجال يا يا يا لو انت رجال ولد رجال طلق واعلى ما في خيلك اركبة فطلقت اقولك اختي روح الطير كلمة قالها جدي بعد ماناداني وسمع المشكله مني قالي ياابومحمد انت متعلق فيها بزيادة وتحبها وبرضه مو هاينه عليك نفسك وكرامتك والي حصلته منهم في السنتين فانت بصراحة ماتبي تطلق لكن تبغى واحد يقولك طلق عشان شي في نفسك فروح دور غيري يقولك طيب ياجد لو كنت مكاني ايش بتسوي قال احتفض بردي لنفسي وطالع فيني بنظرة مااقدر اوصفها |
طيب و ليه جدك ما قال لك ( طلق ) ؟؟؟؟
ماعرف ياخوي ؟ اسمع كلام همس و زوجها :) |
اقتبست من ردك السابق ...
روح الطير يوصلني من اهلها وخلاتها وقرايبها وعيلتها معقوله بطلعو الناس حكي كذا من غير ماتتكلم هي مافي دخان من غير نار ايش يدري الناس ويدري اهلها بالمشاكل اكيد سئلوا وش الخلاف فضفضت زوجتك عن المشكله الاساسيه !!أو امها او ابؤها !!!فكل ماسنمع بلمشكله يخترع ويزيد !!! انا ماابرر لزوجتك فعلها بلقؤل للناس بلمشاكل بينكم !! لكن بصراحه اذا كنت يااخي تستند بقؤل الناس بان زوجتك قالت كذا !!! وانت لم تسمعها او تسمع لولي امرها بان بنته قالت له كذا !! فاانت مخطئ كيف تثق بلقريب ماالاثبات علئ الكلام الي قالته لك خالتك !! خالاتك ماتكلموا نفس الكلام كل وحده تنصح بشيء وتقؤل !!!! ويدل تنوع كلامهم الا انهم سامعين من ناس والدليل بنظري كل وحده تنصحك بشيء !! يعني الناس تأول علئ كيفها وتخترع!! وترا سبهم لي وافتراهم قبل مااطلق اخوي اكيد اي الناس طبعهم تطلع اشاعات واكاذيب عن اي زوجين منفصلين عن بعض بمشكله او طلاق يعني سؤئ قبل او بعد ............. فهمت !!! انت لاتستعجل ولا تحكم عليها انها قالت هي!!!!وانت لم تسمعها !!! انت وجهها ؟؟ا خل امك او احد يتاكد ليش الافتراء عليك بهلسبب!!!وهذا ظلم لك !! وانت بتتاكد انا مره وانا حامل رحت للراحه عند اهلي لمدة اسبؤؤعين توني وصلت مثلا اليؤم !!! الا ويدق جدي من الديره مثل بكره !!! ويقؤل عسئ ماشر وشفي بنتكم عندكم وتوها تزوجت من 9 شهور !!!!!! هاه وش رايك ؟؟وكله من كلام ناس من قرايبي من الرياض وانصدمت منهم !وكانت قريبه لي جدا جدا واعتبرها بمقام امي اقسم لك بلله انصدمت!!! وابؤي شك بلموضوع وحلفني في شيء !!فقلت لاابؤي توك ياابؤي شايف زوجي امس بيتشقق من الضحك والمزح !!!يعني لو في زعل او هواش كان حاله كذا !!والله مافي شيء والله!!! اخوي والله العظيم عندي احساس ان الي نقلوا لك الكلام كذاااااااااااااااابين اقسم بلله اشك!!!!! والسبب لانك لم تذكر بمشكلتك بلصفحه الاؤلئ مثلا انها قالت لي انت كذا وكذا وان ابؤها اتهمني وقال لي كذا وكذا باني كذا!!! والمستند علئ كلامه قؤل بنته عني!!!!! اخوي لاتنجرف ورئ كلام الناس والاقارب الي وضيفتهم اخترعات الاكاذيب! اخوي اكيد انت اعرف وادرئ بلناس وبلاخص الحريم والسنتهم !!!طبعا البعض مو الكل! اذا عندك ام واخوات اكيد بتكون فاهم هالشيء كثير! |
ام عيااالك واعطيها فرررصه
يمكن الله يهديها |
يعني عقب الي قالتة كيف تفكر ترجعها لو مثلا الي قالتة صح بس مايصير تتكلم وتخبر الناس لازم تحلونها بينكم
وكلامها مب صح والي تقول شي مثل هذا في زوجها هذي بصراحة ماتستحي ومامنها فايدة وسامحني على كلامي |
دامك ما سمعتها تقول االكلام دا باذنك.. اذا تاكد تاكد تاكد
اخاف نكوت ظلمنا البنت و ماقالت شي او فضفضفت بشي عادي و تناقلته الالسن زي ماقالت همس .. اتاكد كوووويييس و استخيير قبل الاقدام على اي عمل . وان كان في قلبك ذرة حب لها .. اذا حاول اصلاحها.... ادبها ... خليها عند اهلها لغاية ما تعرف ان اسلوبها بالتعامل غلط بغلط .. الله يكتب لك الخير ... |
اخوس مثل ماقالوا الاعضاء
لاتنسئ الاستخاره ....... |
الله يستر من هلغياب ؟؟
هل من تطورات .. |
الله يسلمك اختي همس على السؤال
والله مافي اي تطورات غير الي براسها مايبي يليين تبيني ارجع بس بالي في راسها وانا ياهمس الحين عندي ولد واحد اخاف بعدين يصير عندي اكثر وهي زي ماهيا ماتتغير وانا اتكتف بعدين لان طبعهم صعب هذي العيلة انا لو البنت شاريتني والله لكسر ام الدنيا عشان اجيبها لكن مافي اي حركة من جهتها تبين لي اي تغير فيها غير انهم يبغو يرجعوها بكرامتها وزي ماقال ابوها طيب ونا كرامتي وين امسحها بالارض والله ياهمس اني تعبااان حدي بصراحة قلبي يقولي رجعها واصبر وعقلي والواقع يقولي لورجعتها راح تتعب اكثر والله ياهمس الجد يقولي اننا ماعاد ننفع واذا كان قصدك الكلام الي انتقلي كذب فانا اقولك صح انه وصلني وادري ان الناس تزيد في الموضوع لكن ماراح الناس يتكلمو وهيا ساكتة والناس الي وصلولي الخبر هم العيلة الي تجلس معاهم كل ربوع وخميس وتقول وتقول وهذا الموضوع تكرر اكثر من مرة زي ماقلتلك يعني انا مااضمن بعدين انها بتسكت وتتعدل اقول نخليها على الله يفرجها من عنده واي جديد راح ابلغك |
قرت مارديت به علي .......
بصراحه حتئ لو انهم من عايلتها يااخوي والله احقد ناس واكثر ناس يخربؤن هم الاقارب سؤئ منك او منها ...... واذا يجلسؤن معهم ربوع وخميس ........هل هذا دليل ان زوجتك هي من قالت !!! انا لاادافع عنها ولكن الواقع والمجتمع الذي نعيشه هو من حط هلاحتمال براسي !! صحيح يمكن هلزوجه قالت وهذا بنظري احتمال بسيط ويمكن لا ........!!! والسبب!! انك لم تسمعها ولا مره بحياتك انها قالت لك مثل هلكلام او ماشابه اثناء خلاف او غيره .... ان ابؤها هذا الغير متفاهم من سردك للموضوع !!لم يقل لك هذا الكلام ولا مره !!!ولو صدق ان بنته قالت لكان قالها لك ولمن يتوسط لديهم للصلح!!! انك لم تسمع ابد الا من اقارب وناس !!!!! فلماذا التاكد انها هي قالت لهم !! اخي صدقني ان هلاقارب هم سبب لخراب اكثر البيؤت ........ انت ماالمانع من انك تتاكد بئي طريقه كانت !!! هل هي قالت ام لا؟؟؟؟؟!!!!! واذا قالت فلك الحق بئ شيء تفعله !! وبعدين وش شرؤطها ؟؟ياليت تذكرها ! يعني بعد اذنك طبعا ..... اذا هي شرؤوط مافيها تجريح او اهانه لك !!فليش الرفض ........ واذا شرؤط تعجيزيه فقؤل بنتكم الله يرزقها بلي احسن مني...... وهذا والسلام .....وانتهت المشكله ........ اما انك تصدق كلام الاقارب وتجزم انها قالته لانهم يجلسون عندهم ربؤع وخميس ..... فهذا مو دليل علئ انها قالت ....... بعدين اكيد لك ايام حلوه معها .... وانت بلسانك قبل قليل ذكرت بصراحة قلبي يقولي رجعها واصبر هذا يدل علئ حب بينكم وانك اشتقت لها !لاتلعب بمشاعرك وتتزوج باخرئ فتندم!!!وانت ماقلت هلكلام الا وانت قلبك يحبها ويشتاق لها بعد...... فلا تخلي العناد يخرب بيتك انت وهي ... خلك رجل واثق ولا يهمه وش يقؤلؤن لا ابؤها ولا غيره ...روح وشوف وش طلباتهم ...وانت قرر! واكيد اهلها ظاغطين عليها ويأججون السالفه بينكم !!وهي سريعة التاثر ..... صح هي اخطئت !!!! لكن التفاهم هو الحل ..... ولا تظلمها ....بانها هي قالت في احتمال بنعم وفي احتمال لا.......!!!! وانت تاكد سؤئ من احد ترسله بعفويه او اي احد من اصدقائك من نفس العائله يسئل او احد قريباتك تسئل زوجتك وبلاخص زوجتك يعني كانه زياره او جمعه عندهم ! ويسئل وش سبب طلاقك ..؟وشؤف ردها وشهوا!!!!اتوقع ماراح يكون مثل ماسمعت ... وصدقني ماراح يقؤلؤن الكلام الي سمعته ...! اكيد اقارب البنت يبؤن يبينون للعوائل ال2 ان بنت هلعائله سبب طلاها من ذاك الرجال بسب كذا كذا !!!! يااخوي لاتستعجل بلحكم وانت غاضب مما تسمع ....... بعدين وش ينقصك لو رحت وتفاهمت وشفت وش يبؤن !!! وانت تحط حد للمهزله هي وامها !!! يطلعون ويجون وبدون اذنك !!!! واذا رفضؤا فقول ...الله يحفظكم مع السلامه ....... وانتهت المشكله ....... |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©