|
علموني كيف أأكل ولدي ؟
السلام عليكم و رحمة الله و بركاته
اللي يبغى يقرا المقدمة و فاضي ، يظلل الكلام اللي تحت :d و اللي مستعجل ينقز على أسفل :24: هذا موضوعي السابق .. http://www.66n.com/forums/showthread.php?t=199707 في البداية بأقول ،، إنه الأسبوع هذا ما دوامت في الجامعة 3 أيام ، لإنه جدولي الحمد لله بدأ يخف عن قبل و بدينا في مشاريع التخرج و قررت أخلص أشغالي اللي أقدر عليها في البيت من البيت ،، علشان أجلس مع ولدي و يكون عيني عليه .. مع إنه أفضل لي بالجامعة عشان أركز أكثر ، بس مو مشكلة :) لاحظت إنه الشغالة ماتأكله أي شئئئئئئئئئئئئئئئئ من الصبح لحد الليل ،،؟؟؟؟؟ بس تريح حالها ، توست في الصبح وو عصيرات و خلاص لحد الليل ؟؟؟؟؟؟ و تعطيه مثلا فاكهة أو مكسرات و خلاص ، يعني مريحة عمرها علبة حليب النيدو ( حجم كبير ) خلص عليها ماشاء الله كرتون الأندومي اللي اشتريته ، نصه يمكن عليها ماشاء الله ، و بالعافية عليها ولدي بينحف ، و أنا كل يوومين أجيب مقاضي و كنت أحسبها تطبخ له ؟؟؟؟ و شايفتها تزيد ماشاء الله كل شوي عشرين كيلو ، و زوجي يقول شكلها هي اللي تاكل أكله و هو يجلس بدون شئ ،، و كنت أشوف الأكل يخلص بسرعة و أحسب ولدي اللي ياكل وو أقول بالعافية عليه هي الصراحة ، ما تعمل أي شئ في البيت ، غير أشغال أي كلام و من الساعة 3 الظهر لحد تاني يوم و هي في غرفتها ما تطلع ، يعني أريح من كذا مافي .. مرات الصالة ما تنظفها يومين .. كنت زمان متطمنة لها ، لإنها كانت قبل كويسة و شكلها يوم شافتني متطمنة لها خلاص بدأت تهمل ؟؟؟؟؟؟؟؟؟ صرت أناديها و أقول لها ، إيش أكل ولدي - و أنا أكون متابعته و شايفته إيش أكل ؟؟؟؟ أقول لها قومي أعطيه الشئ الفلاني من المطبخ ،، جهزي له فطور و أكليه و كذا .. المهم ، صرت ما أعتمد عليها ،، لإنه اللي تعمله أنا ممكن أعمله .. مثلا تعمل له اندومي في 5 دقايق ، ملوخية أسهل شئ ؟ تحط أصابع السمك في الفرن و خلاص ربع ساعة و تستوي ؟؟؟ و عصيرات و بسسسسس و تووست محمص ------------------------------------------------------------------ سؤالي : ما عندي خبرة في الأطفال ؟ و مشغولة مع مشروع تخرجي و مضغوطة الفترة هذه و ما أبغى أعتمد على الشغالة ،، بس أبغى أعود ولدي يأكل أكلات منوعة ، و ما أعرف إيش ممكن يجذبه ؟؟؟؟؟؟؟ ما أعرف إيش أجهز له ؟؟؟؟ من جد مالي خبرة أبدااااااااااااااااااا و يجلس من الصبح لحد الليل على أشياء أي كلام ، و ماشاء الله بدأت شهيته تتحسن من يوم ما صرت أجلس معه فترات طويلة :) هو مستحيل ياكل من أكلنا أنا و زوجي ، علشان كذا في البداية أبغى أعوده على أشياء ياكلها إيش ممكن أكلات سريعة و مفيدة أعملها له في الوجبات الثلاثة ؟؟؟؟؟؟؟؟ فيدوني الله يخليكم .. لإني بجد ما أعرف إيش أأكله ؟؟؟ هو ياكل بس هذه الأشياء ، و أبغى اعوده على أشياء تانية كمان ؟؟؟؟ - ياكل توست محمص من غير أي شئ - عصيرات جاهزة و حلويات و تفاح و عنب و موز - دجاج مقلي من كنتاكي و بطاطس مقلية أو أصابع السمك - ملوخية هذه الأشياء اللي كانت تعملها الشغالة علشان تريح حالها ، بس أنا أبغى أعمل له أكلات تفيده مو عاجبني أكله ؟؟؟؟؟؟ و خاصة إني تفضيت له و الحمد لله لو جزئيا و عقبال ما أسفر الشغالة |
اختي الكريمة من الممكن هذا الرابط يفيدك http://www.66n.com/forums/showthread.php?t=8764 ان شاء الله الاخوات يفيدونك بتمنالك كل التوفيق |
شوفي ياقلبي بقولك على الاشياء اللي بسويها لابني و ان شاء الله ابنك يحب اي شي منها
ابني عمره سنتين و شهر ربي يحميه .. الصبح اول ما يصحى بعمله رضعه حليب هذه ضروررييية .. يصحيني عشانها :) بعدها بساعة يقولي ماما بيتش ضيضة نبنة :) لاتفهميها غلط ... قصده ماما ساندويتش بيضة جبنة :) بعمله توست مدهون بجبنة مع بيضة مقليه مع كوب عصير . ممكن تعملي له فرينش توست ... تخبطي بيضة مع شوي حليب و تغمسي التوست فيه و تحطيه بالزيت يتحمر .. ممكن كمان تعملي التوست بصينية الفرن و علية مسحة كاتشب و فوقه شريحة طماطة و شريحة جبنة و جبنة مزريلا (( يعني بيتزا ام توست :) )) بتطلع حلوة و بيحبوها .. ممكن كمان تعوديه على الكورن فليكس كا فطور برضو مغذي .. او تشتري له شباتي باكستاني و تغمسيه بالحليب .. في اطفال بيحبوا .ز ابني بيحبه بس مع الشاي :) جربي البان كيك .. سهل و حلو و لذيذ شوفي بيحبه مع عسل او مع نوتيلا .. خلصنا من وجبات الافطار , اللي كمان تنفع عشاء نجي للغدا ... ليش ما عودتيه ياكل من اكلكم ... صراحة ابني بغديه من غدانا ,, فا ماعندي اكلات كثيرة افيدك فيهها .. بس ممكن تعملي له جاكيت بوتيتو :) >>>>انجليزي معرب .. مع جبنة او مع تونة و مايونيز معكرونة و صلصة .... رز و دجاج .. و عشان ياكل الرز .. فتيه مع بطاطا و كوريه شوربة خضار .. شوربة دجاج .. مرق دجاج هذه بيحبها ابني و مغذية جدا ( اغلي ماء و حطي فيه الدجاج بدون جلد طبعا مع بصلة و طماطم و بطاطس و كوسا و جزر و قرنبيط اذا تحبي و ملح و بهارات مشكلة و شوية كاري و ثوم و خليها تنضج .. طعمها حلو و مغذي شربي ابنك المرق و حطي له الخضار بصحن ... بين الوجبات اعطيه فاكهه ..ز و زبادي بالفواكه . اهم شي تعوديه على اكلكم و لا تفولي لي ماقدر .. حطي له الاكل قدامه .. لو ما اكل كوني حازمة قولي مافي الا هذا .. و خليه على راحته .. اذا حرقه الجوع بياكل .. كوني حازمة عشان صحته \\لانه على ما ذكرتي اكله ماهو صحي بالمرة ... عوديه على الخضرة و النشويات الله يحميه |
أختي رحيل دائم
الله يجزاك كل خيييييييييير على الرابط ، بأحاول أزود له كل شوي من أي نوع أو صنف : ( ----- أهلين نورة ،، ياليت تتابعي معاي الله يسعدك :) لإنك في غربة مثلي و نفس نوعيات الأكلات اللي عندنا و كنت أدور عن الأشياء اللي قلتيها بردك :) :) تعرفي إني انشغلت الترم هذا مع الدراسة ، يعني لو فضيت له السبت فرضا ، باقي الأٍسبوع الشغالة علشان تريح عمرها عودته على أنظمة مادري كيف ؟؟؟؟ و يوم أسألها ، تقولي ما يبغى و زي كذا ؟؟؟؟ ما كانت كذا و كانت تهتم فيه أكثر مني ، بس من يوم تطمنت لها صارت تاخد راحتها .. الله يكفينا شرها .. المهم ، اليوم من الساعة 8 إلى 3 ما حط شئ في فمه غير العصيرات - حتى العصيرات هذه ما أحسها مفيدة ؟؟؟ - و لقمتين من دجاج كنتاكي و حلاوة ؟؟؟؟ عملت له بيض ؟ قليت له بطاطس ؟ جهزت له عيش توست ؟؟؟؟ ما رضي يفتح فمه و إذا أبوه غصبه يجلس يبكي دحين أتقصد أخد شغلي للبيت و أجلس أذاكر في الصالة و كل شوي أشوف إيش أكل و إيش شرب ؟؟؟؟ بديت أنظم له الحلويات متى ياكلها و كم حبة و حتى العصيرات و كذا .. و حتى منعت الأندومي من البيت لحد ما يتنظم أكله .. ياكل الأندومي كذا و هو ناشف مو مطبوخ .. زي اليوم مثلا الصبح قلت لها ، قومي جهزي له فطور و راحت تبغى تعمل له فيش فينجر ، قلت لها لا تسوي له عالصبح .. و رحت بنفسي و قليت له بيض و حمصت له التوست و ما أكلهم ؟؟؟؟؟؟؟ أدري هذا غلطي إني اعتمدت عليها ، بس بجدددددددددد ما كنت ألحق أحك شعر راسي و دوامي كان متعب يوميا و دراستي كانت مو طبيعية ، و أستنى أسلم آخر مشروع للترم التاني في ذا الأسبوع .. و أبدأ أجمع قيمة تذكرة الشغالة و أسفرها ،. المهم .. عجبتني الوصفات اللي حطيتيها ربي يسعدك و بأعملها له إن شاء الله ، لإنه هذا هو اللي أبحث عنه ، و هو يجلس معاي و مع زوجي في السفرة ماشاء الله ، بس يجلس يتفرج علينا و ما ياكل من جد ما أعرف كيف أعوده على إنه ياكل من أكلنا .. أبغى أبدأ خلاص من الأسبوع هذا .. حتى كلامه ماشاء الله تحسن و صار ينطق عربي أفضل من قبل ،، لإني صرت أجلس معاه يوميا و أتكلم معها .. و صاير أهدى من قبل و يسمع الكلام ،، و أبوه لاحظ إنه تحسن كثير .. و الأسبوع الجاي أبغى أبدأ أعوده أشيل البامبرز الله يعزك .. -------------------------------------------- إنت تقولي أغصبه ياكل من أكلنا ؟؟؟؟؟ يبكي و يقفل فمه ؟؟؟؟؟؟ شكلي أجرب بعد شوية ، أخليه ياكل غصب معنا .. |
راجعة لك ياقمر
مشغولة اليوم شوية ... فاصل و نواصل :) بس دخلت اقولك ... حطي الاكل قدامه لا تغصبيه .. قولي له بلهجة حازمة .. مافي غيره و سيبيه لا تعطيه عصاير و لا اي شي ... لما يجوع بياكل تطمني ,,, لي رجعة بعدين ان شاء الله |
ما رضي ياكل غير اصبعين ( سمك ) ؟؟؟؟؟؟ و شاف كوب الكابتشينو اللي كنت اشربه ، قام أخده و جلس
يشرب منه ؟؟؟؟؟ المشكلة عندي زوج كسول ، و شغالة كسولة ،، و دراستي صعبة و ولدي مضايقني نظام أكله و ماقدر أركز في دراستي يعني ولدي نفسه يخرج برة و زوجي يتكسل يخرجه إذا ما خرجت معهم ، و الشغالة تتحجج بأي شئ و تعانده لحد ما أناديها و أقولها مشيه شوي .. : ( ما أعرف كيف أخليه ياكل ؟؟؟؟؟؟؟ أبغى أجرب أعمل له شوربة بكرة ؟؟؟؟؟؟؟ بأعمل الطريقة اللي قلتيها عليها إن شاء الله .. و يارب يبدأ ياكل ؟؟؟؟ |
قبل ساعة أكلته ( يوسف افندي ) و بعدين راح ينام ، زمان ما كان ياكلها أبدااااااا
حبيبي ، بدأ يتعلق فيا مررررررررررررررررررة و يصلي معاي و يسمع كلامي ، أحسه كأنه صاحبي :d بس يتعاند مع الشغالة لإنها تعانده يوم أكون في الجامعة و ما تفهمه ؟؟؟ بس مشكلتي معاه في الأكل ؟؟؟؟؟؟؟ :(:(:( و أجيب له كل شئ بس علشان ياكل ، لدرجة الأكلات اللي بس كان ياكلها .. كنت أمشي برجولي من الجامعة للبيت علشان أجيبها له و أرجع للجامعة .. بس المهم ياكل ؟؟؟؟ يعني اليوم كل اللي أكله : - حلاوة ، عصيرات ، 1 يوسف افندي ، نص فخد دجاج كنتاكي ، و اصبعين سمك ، ربع كاسة كابتشينو ، بردت و كانت جنبي ، شربها من غير ما ادري و شرد من قدامي قبل لا أخدها من يده يمكن أسألتي سخيفة :24: بس بجد مالي خبرة في الأطفال و أمي اللي ربته و هو صغير و انشغلت السنة هذه مع الدراسة غصب عني ،، و أول ما لقيت فرصة أشتغل من البيت على طول ما صدقت .. |
ماما بيتش ضيضة نبنة
نورااااااا الله يخليلك يويو فديتااااااااااا |
حبيبتي روح اقطعي الحلويات من البيت نهائي اذا انتي تبين خبيها لايشوفها
هي الحلاوه اللي ماتخليه ياكل اذا طلعتوا برا البيت مافيه مشكله تاخذين له من برا يتعود انها برا البيت الزبادي مع الرز حلوو وكذالك الشوربات انتي بيدك اكليه اليوم مسويه شوربه وولدي ماشرب منها مسكت الملعقه وبالقوه اعطيه اخذ ملعقه اعجبه الطعم بعدين خلص الصحن ماشاء الله انتي جيبي صحن الاكل حقك كلي حبه وهو حبه وصدقيني بياكل هذا هو شرب من الكابتشينو حطي كاسه عصير او لبن وهو بيجي يشرب منها الله يخليه لك وتنتهي ازمتك على خيير موفقه حبيبتي |
نااااني ،،
من جد حبيته ماشاء الله ربي يخليه لها :D بس تعالي هنا ؟ اعطينا مما أعطاك الله من تجارب :D أهلييييين مش مجرد كلام فكرتك حلوة و راح أطبقها إن شااااااااااااااااااااااااء الله ، و كنت قبل ما أقدر اطبقها .. لإن الشغالة تعطيه من غير ما أدري ،، أو تشتري لنفسها و تعطي له و عندي جيران عجايز ، يوميا يعطوه كمان ؟؟؟ و اليوم عندي شغلة في الجامعة ، و بس أسلم آخر مشروع يوم الخميس هذا إن شاء الله و نجيب المقاضي ، و أبدأ أعمل اللي قلتي عليه و اللي قالت عليه نورة ،، يسعدلي إياكم يارب :) ---------------------------------- على فكرة ، لاحظت إنه يحب الأشياء المقرمشة و الدجاج ، زي التوست المحمص و الدجاج المقلي بس أهم شئ الشوربة ، و الرز و المكرونة ،، نفسي يحط لو شوي بفمه ، ياكل الرز مع الملوخية و بسسسسس حتى الأستاذة في الحضانة لإني أرسله كل يوم 3 ساعات ،، تقولي ما يحط شئ بفمه لا حليب و لا موية ،، و وزنه صاير خفيف كانت الشغالة بس تقولي ( تقيييييل ولدك ) و لا ( هذا ياكل كتيييير كتييييير .. و شهيته مفتوحة ) بس خلاص بدأ يتعود يجلس معانا بالسفرة ، بس ما ياكل شئ .. و زمان ما كان يجلس و لا يرضى أحد يأكله غير الشغالة |
اقتباس:
و سيبيه ... هذه قصدي بالغصب يعني ما يكون قدامه اكل ثاني .. بيلف و بيدور و بيبكي و بيرفض ياكل و احتمال اليوم الثاني يسوي نفس الشي لكن مرده يفهم انه حركاته ما تاثر فيكم و مافي غير هذا الاكل فا بياكل و بقولك كمان على بعض طرقالاكل اللي كنت اتبعها مع ابني لانه ببعض الاحيان كان مايرضى ياكل .. الطرق :) 1**حطي صحن فيه اكل و اقعدي انتي و ياه على التلفزيون او النت و شوفوا الرسوم اللي يحبها هو و يموت عليها ... ابني يموووت ب سبونج بوب .. فا افتح له النت يتفرج و يكون متنح بكل معنى الكلمة فا ااكله وهو ماهو منتبه :) و ماشاءالله ياكل الصحن .. و احيانا يناديني مووور :) ماشاء الله عليه 2** اقعدي انتي و ياه و اعملي نفسك انه الاكل لك و انك تاكلي منه .. قولي لا هذا لي و انت لا .. كثير من الاطفال تعاند و تحب تذوق .. فا اعطيه شوي .. او حتى بمجرد انك تكوني قاعدة معاه تتفرجوا شي و تاكلي اتوماتيكي راح يمد يده ... يمكن ما ياكل من اول مرة بس بالتكرار .. 3**اذا مارضي ياكل اتركيه على راحته ... لكن ما تعطيه اي اكل ثاني لغاية ما يجوع و ياكل اللي قدامه .. 4**قولي له اذا اكلت هذا .. بنطلع او بعطيك حلوة او او .. يعني يكون في جايزة عشان يتحمس و ياكل .. 5**اعملي له ساندويتشات و اطلعوا الحديقة و خليه يلعب كثيير و اللعب يجوع و راح يجي يجري يدور اكل و اعطيع السندويتش قولي له مافي غيره 6** ممكن تستخدمي اسلوب العطف و الرحمة :) هذا اسلوبي المفضل .. اذا ما اكل شي اسوي نفسي زعلانه منه و شوية و ابكي .. فا يجي مسكين يحضني و ياكل ومجرد انه يذوق الاكل يعجبه .. اهم شي ياروح الصبر .. ابنك تعود على نمط اكل معين لفترة طويلة.. فا ماراح يرضى بالاكل الصحي بسهولة ..اصبري و حاولي معاه بكل الطرق بالحزم .. باللين .. باللعب باي شي المهم تغيري نظامه و ان شاء الله بيتغير بالنهاية لانه المفروض نحن نأثر فيهم مو العكس .. نحن اللي نحكمهم مو العكس الله يحميه من كل شر . |
نسيت اقولك في معكرونات ملونة .. الاطفال يحبوها عادة جربيها معاه يمكن الالوان تجذبه ..
وجربي المعكرونة بانواعها .. ابني بيحب الطويلة عشان يشفطها :) و الرز زي ماقلت لك كوريه مع بطاطا ... اما الشوربة .. وحدة الله يذكرها بالخير كانت تقول لابنها اشرب الشوربة بسرعة و اصل للنهاية في جايزة مستنياك .. بتكون اما حاطة قطعة فلوس معدنية داخل كيس بلاستيك :) او لعبة بلستيكية صغيرة بحجم الاصبع بعد ما تنظفها .. على اساس تحفز ابنها يكمل الشوربة ... بس لازم تكوني جنبه |
اقتباس:
الله يسلمك يا ناني و يحمي لك اولادك يارب ,,, ماشاء الله عليه كانت حاملة هم انه ما يتكلم .. ماشاء الله من شهر اول ما تم السنتين بدا اللسان يطلع ,, فديييتو .. لا عاد كله كوم وولما يعصب مني اذا ضربته كوووم ثاني ... يجي يقولي وهو معصب ... ماما dont ماما اوووووف .. ماما دوووبة .. اقوله ايش يقعد يكررها .. ماما دوبة ماما دوبة .. كئبني :) الله يخلي لكم اولادكم يااارب |
أهليييين نورا ، سامحيني تأخرت ..
حتى بأرد عليك من الجامعة لإني جالسة أحمل برنامج على اللاب توب تبعي فقلت أخد لي بريك :d لو حملت البرنامج فما يحتاج أروح الجامعة بعد كذا :22: حبيبتي ،، شغالتي الله يهديها ، مع كل هذا .. شايلة معروفها فوق راسي .. يكفي إنها اهتمت بولدي في غيابي حتى و إن كانت مقصرة و شغلها مو هذاك الشئ وووووو إلخ ،، بس ما أحاول أبين لها علشان لا ترجع مثل قبل تاخد وجه بزيادة و تستقوى علي :24: ،، أبغاها مثل ما جات بالسلامة ، تروح بالسلامة و هي راضية و تدعي لنا اقتباس:
لو اعمل كذا يطنشني هههههه ، يطالع فيا و يعمل نفسه مشغول ولدي عنيد مرة ، دايما ما أعانده و أقول لأبوه لا يعانده علشان لا يتعلم العناد تجي الشغالة و تعانده على كل شئ و خاصة الفترة الأخيرة ،، و دحين تلاقيني بأحاول معاه يشيل العناد على جنب و ما أخليها تعانده .. فصار يتعاند معاي ، و يوم يعاندني أطنشه و لا كأنه موجود .. ألف شكرررررررررررررررررررر على الأفكار الحلوة ، اللي مثلك و ربي يخلي لك ولدك ، ماشاء الله عليه :15::22: |
اقتباس:
بأجربها إن شاء الله كلها ،، أصلا هو من غير أي شئ .. قبل لا يخرج يجي عندي و يمد يده ،، يقول ( مامي .. كوين ) يعني ماما أبغى فلوس :d |
اقتباس:
ماما dont ماما اوووووف .. ماما دوووبة .. اقوله ايش يقعد يكررها .. ماما دوبة ماما دوبة .. :d:22: |
نورة
انشغلت علشان اخر مشرع سلمته و الويك إند كان ملخبط مرة و اليوم اللي تنفست و شريت أغراض للبيت و بأغير نظام أكل ولدي -------------------------------- اليوم ما رضي ياكل شئ و أكل ( دجاج كنتاكي ) عالساعة 1 الظهر و أكل موز بعدين و حلاوة و عصير ، فترات متقاربة مو مع بعضها دحين قبل لا ينام قمت أخدت العيش كامل ،، و حمصته و أكله لوحده ( أهم شئ دخل في معدته شئ ) و بعدين أكل موز و راح يشرب عصير و ينام هذا أكله يوميا :( المشكلة إنه زوجي يسهر و ما ينام غير الساعة 3 و ولدي ينام الساعة 9 و يقوم 7 الصبح ، و أكون نايمة .. و الشغالة تكون فطرته ،، ------------------------------------------ من بكرة إن شاء الله .. أول خطوة ، أرتب نومي علشان أصحى مع ولدي و الشغالة و أفطره بنفسي تاني شئ ، وقفت الأندومي ، و الحلويات ما راح ياكلها غير بعد الغداء ، و بأشيلها كلها أحطها في غرفتي لإنه الشغالة كل شوي تفتح الدولاب وو تعطيه في كل الأوقات بدون نظام ،، و بأسمح له ياكل الحلويات إذا تغدى و في العصر و إذا طلع برة البيت بعد ما ياكل ثالث شئ ، بأعمل بكرة مكرونة على الغداء ، إن شاء الله ياكلها و شوربة مرقة دجاج ،، يارب يرضى ياكل أي وحدة فيهم و لوو ما رضي ياكلهم ، راح أغصبه ياكل و أطنشه و تاني يوم نفس الشئ لحد ما ياكل أهم شئ الشغالة لا تتدخل و تأكله حلويات من ورايا و هو راجع من المدرسة : ( |
ايووووه ياقمر هذا هو النظام الصح
و ان شاء الله يارب يتعود و مايتعبك .. ربي يحميه لك |
الله يوفقك ياروح الطير ويصلح ابنك الجميل الله يحفظه من كل شر .. بشري وش صار .. صار ياكل وله شو ..
|
ها ياقمر .. اول شي طمنيني خلاص سلمتي الابحاث وكل شي ؟؟؟؟
متى النتييجة :) نتيجة اخواني يوم 30 جوون الله يستر و طمنيني كيف صار اكل ولدك |
أختي الصفح الجميل و نورا ..
الله يسعدكم يارب صار ياكل أحسن من قبل ، بس مو مررررررة : ( هو ينام و يصحى بدري مع الشغالة قبلي علشان المدرسة .. و زوجي ينام بعد الفجر و اضطر أجلس معاه أذاكر و أنام متأخر علشان ألحق أصلي الفجر ( العشاء يأذن الساعة 12 و نص و الفجر الساعة 2 ) من جد عذاب .. .. و يوم أصحىى يكون ولدي صحي و من قبل لا يغسل وجهه الشغالة تعطيه عصير طبعا الأسبوع اللي فات استلمت الشغالة هههه .. قلت لها لا تعطيه عصير أول ما يصحى و خليه يفطر طنشتني يوم و سألتها ، قالت لي نسيت و سامحتها .. تاني يوم قمت و شفته كمان شرب عصير و انسدت نفسه و سألتها ، قالت لي فطرته ( تكذب علي ، بس ما حبيت أدقق معها ) .. لإنها لاحظت إني مرة مهتمة في أكله و أدقق أكثر من قبل .. المهم .. جاني ولدي وقتها و قال لي ( همممي .. و يأشر لبطنه جوعان ) و يبغى ( شوكلت ) افتكرت كلام نورة و تعليماتها و كيف أخليه ياكل :D قمت طلعت له البيض المسلوق ، و مارضي ياكل .. طلعت له الموز .. التفاح .. الحليب برضو ما يبغى ياكل و يبكيييييييي .. أخدت الشوكليت و خليته معاي و قلت له ، ما تاكل .. مافيش شوكليت .. قام يبكي و يأشر إنه جوعان و يبغى شوكلت .. قسيت قلبي و تجاهلته و جلست عاللاب توب أكمل البحث .. قام .. أخد المخدات تبع الكنبات .. كلها شالها و رماها .. يبغى يقهرني ( مادري من فين متعلم الحركة هذه ؟ :( ) و لا طالعت فيه .. قام أخد السماعات تبعي يبغى يقهرني .. وو لا طالعت فيه .. بكي بكي و طنشته .. :25: شوي يوم شاف إنه مافيش فايدة ، إلا ياخد الكرسي الصغير تبعه من حاله .. و يروح المطبخ و يجيب الصحن اللي فيه البيض و يجي يقول لي : ( ماما .. همي ) .. يعني ماما أكليني بيض .. :D ماشاء الله فطر وقتها و أكلته فواكه بعد ما فطر .. و بعدها قمت أخدت الشوكليت و قلت له يا الله خد .. علشانك أكلت البيض و الموز و التفاح و الحليب .. --------------------------------------------------------------------------------- اليوم اللي بعده .. كنت مواصلة علشان تسليم شغل للدكتور و ما نمت كويس و أصحى على صوت ولدي و الشغالة تعانده يقولها ، ( نوووووووووووو .. لأأأأأأأ ) .. و هي تقول له ( تاكل في الطريق ) .. فهمت الحكاية إنها تبغاه يخرج من غير فطور لإنهم اتأخروا عن المدرسة و تبغى تفطره في الشارع و هو ماشي .. و مع إني قلت لها ، ما يطلع من البيت إلا و هو فاطر .. زوجي سألها ، إيش فيه يبكي ؟ و قالت له ما يبغى يروح المدرسة .. تكذب على زوجي علشان زوجي يخاصم الولد وو يضربه و هو كان أصلا يبكي علشان يبغى يفطر أول شئ بعدين يخرج و صرت أفهم عليها خلاص قمت وقتها و أول مرة أنفجر عليها كذا .. لإني من كم يوم أكلمها .. قلت لها تصحي مرة تانية من بدري قبل لا يصحى هو و تجهزي فطوره و يفطر في البيت و تخرجيه .. ( تضايقت من نفسي يومها ، إني أول مرة كذا أعصب عليها بالشكل هذا و بجد انفجرت وقتها ) بس العجيب .. إنه من يومها و هي تهتم ماشاء الله في أكله .. ما ينام قبل لا يتعشى و أول ما يصحى لازم تفطره من غير ما أقول لها .. و ما تعطيه عصير إذا ما أكل أكل وو تسألني .. زوجي لاحظ و قال سبحان الله جنس عجيب ؟؟؟؟ لإنها كانت زمان تعاندني و ترد علي يوم كنت أتكلم معها بشويش ؟ بس وقتها عصبت غصب .. ---------------------------------------------------------------------- بأركز على الشغالة ، لإنها تعطيه كانت من وراي .. و إذا ما خليت عيني عليه تقوم هي من غير ما أدري تعطيه أي شئ أو تأكله حلويات و أشوفه شبعان و نفسه مسدودة و تقولي أكل خلاص .. و يكون أكل شوكليت و لا شرب عصير .. أشياء تسد نفسه .. فنقطة الشغالة و ارتحت الحمد لله منها ،، لإنها صارت تهتم مو مثل قبل و تساعدني .. يوم يطلب حلاوة .. تسألني أعطيه قبل لا ياكل ؟؟؟ --------------------------------------------------------- المشكلة إنه لحد دحين رافض بقية الأكلات زي المكرونة ، رز .. لبن .. بس صاير ياكل فواكه بدل من الحلويات و الكاكاو .. و بدأ يشرب حليب أول ما يصحى .. مو مثل قبل كان يرفض .. لإني أخبي العصيرات في الصبح .. اضطريت أجيب اندومي يتغدى به الأسبوع اللي فات .. و أصابع السمك .. :( جنني في الأكل ، مو راضيي ياكل .. بس في الفطور ريحني و في العشاء .. --------------------------------------------------------- نورة .. طلعت النتايج الحمد لله بس باقي مشروع التخرج تسليمه في سبتمبر إن شاء الله و ما أروح الجامعة علشان أخلي عيني على ولدي بيفطر و لا لأ ؟ و إذا ما كنت في البيت يبدأ يتعاند مع الشغالة و يوم أكون في البيت يسمع الكلام .. و أعرف اتفاهم معه من غير عناد .. بس هي تعانده كل شوي القهر أقول لأبوه لا تعانده علشان الولد لا يصير عنيد .. و لا حتى انا أعانده .. و تجي هي تتعاند معه و تخرب أخلاقه .. |
انتو هناااا:)
روح انتبهي ولدم الله يحفطه اعطيه العصير وحطي فووقه مويه العصيراات المعلبه مو كويسه ملياان سكر قالتلي الدكتوره واعطتني ورقه مكتوب فيهااا كل شي ممكن لاسمح الله تجيب السكر وتعرفي هناا السكرمليااان اعطيه الربينا وحطي عليهااا مويه وزي كدااا انا فاااارس علبة العصير اقيمهاا له بالغدا والعشاا واملي موياا اتعود الحمدلله والحلوياات ابعدي عنهااا انا ولدي بالفطووور يحب بيتزاا و ويتا بكس او كورن فلكس او بيض والغدا زينا وبالعشااء كورن فلكس وبس والحين غدانا مكرونه وصلصه وفوقهاا موزيريلا اتفضلي معانا:) ولدي يحب السلطه لازم بكل غدا لازم سلطه جيبي الخس وحطي عليه شويه ليمون وملح شوووووووويه طيب وراح يحب الاكل مع السلطه تفتح شهيته برجعلك بعد شويه |
اكرررررررررره شئ عندي .. إني أفتح صفحات في النت و أقوم و زوجي يجي يشتغل عالجهاز و يقفل
صفحاتي .. و خاااااااااااااااصة يوم أكون كاتبة رد و لسى ما ضغطت ارسال :29: تدري ؟ زميلتي قالت لي مرة إنه الدكتور قالها سنون بنتك مسوسة من العصيرات .. و قال ، خليها تشرب بالمصاصة .. و دحين اللي قلتيه أكدي لي المعلومة هذه إنه كلها سكريات .. سؤال : ايش الربينا ؟؟؟؟ الحلويات من جد راح أبعد عنها تماما إن شاء الله .. بس زمان كنت أرجع من الجامعة و أخد له حلاوة بطريقي .. أفتكر مرة أكل البيتزا ، بأحاول أجيبها له .. بس إيش هي الويتا بكس ؟؟؟ جبت له كورن فليكس دحين علشان يتعشى بها :d ----------------------------------------------------------- بالعافية الغداء .. ليته ياكل الجببنة و يريحني :( أحسه مرات يقلد أفلام الكرتون ، شكلي بأفرجه أفلام كرتون عن الأكل علشان يتشجع :22: و لو ياكل سلطة فراح يكون انجاز .. و من جددددد ماجات في بالي شكله البلاء مني .. لإني مرات أنسى أكل :d و استناك :22: |
و انا اخص ما عليا لما تكتبي رد
و بعدين تجي ما تلاقيه :) اول كتبت رد ما عاد لاقيته ؟؟؟؟ المهم الحمدلله الحمدلله انه اكله اتحسن بسم الله ماشاء الله و مع الوقت بيصير احسن و احسن و بياكل من اكلكم و هو فرحان بعد انا الي صاير معي العكس .. بطل ياكل زي العالم و الناس بس كله من التسنين .. هذي الانياب واقفة مو راضية تنزل :) المهم حبيبتي .. فعلا قللي من العصيرات في عصاير تنباع اللي تجي مركزة و بعدين تخفيفا بماي اشتري منها .. مكتوب عليها no added sugar احسن من العادية .. وممكن زي ماقالت نورين .. تملي علبة العصير بالماي ... المهم ياستي الف مبررروووووك تكملة السنة و عقبال ما نبارك لك بتسليم مشروع التخرج |
نورا
و الله قلنا ماشاء الله ماشاء الله تبارك الله ، : ( لا تزعليني عليه : ( |
خخخخخخخخخخخخخخخخخخخخخخخخخخخخخخ
لا لا لا تطمني انا عارفة السببب :) هذا ابني و التسنين مشكلة تسنيينه متااخر .. تلاقيه فترة ماشاء الله مللني كل شوي ماما هم و فترة ثانية زي كدا ما يرضى الا بالحليب يالله هم كدا الاطفال .. عمره سنتين و شهرين و لسه ما خلص التسنييييييييييييين تعب و تعبني معاه |
ربي يخليه لك ،، ربي يحميه يارب من كل سوء ..
أنا ولدي كان ياكل كل شئ يوم كان عمره في عمر ولدك و فجأة توقف ياكل أي شئ .. قلت لك الشغالة كانت تقول دايما ، هذا بس ياكل كتير كتير .. و كان وقتها في عمر ولدك تقريبا أو أكبر بشهرين -------------------------------------------------- المهم ، اكتشفت إنه لازم أشتغل من البيت و ما أروح الجامعة .. اليوم صحي الصبح و يبكي يبغى عصير ،، طنشته و سخنت له الحليب و حطيت له فوق الطاولة مع التوست و البيض .. راح يبغى يرمي الأشياء عشان يضايقني ( أظن كان يعمل كذا مع الشغالة و كانت تتجاوب معه ؟ ) ما طالعت فيه ، و جلست اشتغل عالكمبيوتر .. جاء جنبي جلس يوم شاف مافيش أمل ، و قام بعد شوية و أخد كاسة الحليب و شربه من حاله .. أعطيته كورن فليكس و أكله ،، و بعد شوي طلب عصير .. مارضي ياكل أي شئ تاني ، قلت له طيب خلاص دامك شربت الحليب و أكلت الكورن فليكس .. خذ العصير .. و شرب العصير .. و عملت مكرونة بالبباشميل اليوم .. أشوف ياكل منه و لا لأ ؟ لإنه الشغالة كانت تطبخ قبل يوم كنت أروح الجامعة و أكلها ما يتاكل أبدا .. |
اقتباس:
او روحي البارك واكليه يتحمس تعالي البارك اللي جنبنااا نتسلى:) |
و الله يا نورين و نورا ،، لو الإدارة تسمح لنا نتقابل ؟ : (
أركب أول قطار و أجيكم سيدا :D ايه خلصت دراسة بس عندي مشروع تخرج ، و وحامي كله نووووووووووووووووووووووووووووووم و يوم افتكرت إنه رمضان إن شاء الله داخل عالأبواب و مادري كيف نصوم و نفطر بس 4 ساعات .. : ( خفت عالبيبي هههه أي ويل ساي .. أي ووونت ويتا بكس و رابينا :D :D بس أي محل ؟ تيسكو و لا سينسبري ؟ من جدددددد امنت بإنه البيت من غير صاحبة البيت .. خرابة .. من يوم بديت أجلس في البيت و نفسية ولدي وو أخلاقه تحسنت و أكله مو قد كذا بس أفضل من أول و حتى زوجي حياته أحسها ترتبت مو مثل قبل .. الله لا يعيد الأيام هذيك : ( ما أكل المكرونة ولدي ، من جد لازم لنا نونو تاني :D |
| الساعة الآن 05:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©