|
ماذا تعتقدون من تصرف خطيبي !
السلام عليكم
شخباركم .. الصراحه انا من متابعين المنتدى واحبه كثير وتعجبني حلولكم ماشاءالله عليكم :) . . بخش بموضوعي دوغري من دون اي مقدمات .. انا اليوم كملت 13 يوم متملكه ( ماشاءالله تبارك الله ) .. بس الاخ للحين ماكلمني ولاحتى ارسل لي يبارك لي او شي زي كذا .. :( بنفس يوم الملكه دق علي رقم غريب ( انا من عادتي بالرقم الغريب ارد واسكت اذا صوت رجل اقطع الخط على طول اذا صوت حرمه اكمل ) طبعا صار صوت رجل وقطعتها عقبها ماكلم ولااشي .. بعدها بالضبط باسبوع كلم نفس الرقم ! بس ماكنت عند الجوال ولارديت وعقبها لليوم مادق ولاارسل .. فـ يعني ماادري هل هو والا لا ..! بس انا احس انه هو :( .. لانه لو غلطان ماراح يدق علي مره ثانيه .. او لو يلعب ولا يستهبل بيدق علي ورا بعض .. بس هذا بعد اسبوع دق ! وربي خايفه وافكر كثير .. ليش وش ينتظر يعني .. لا والمشكله ان وحده من قريباتي متملكه قبل باسبوعين تقريبا والحين تكلم زوجها ماشاءالله تبارك الرحمن .. اختي متزوجه من سنتين وكانت تكلم زوجها وكان قبل العرس بـ شهرين ونص تقريبا .. :( انا يوم ملكتي كان باقي على عرسي شهرين .. الحين باقي تقريبا شهر ونص .. :( طيب والحل ..! وقسم قعدت اوسوس .. وش تتوقعون تصرفه هذا .! طيب تصرفي انا اني رديت عليه وفصلت الخط .. هل تصرف صحيح والا لا ! < هذا اذا كان هو فعلا اللي متصل .. مرة احترت مادري وش اسوي ! .. فكرت اقول لاخوي بس استحيت .. من حق اي بنت تبي تعرف مين زوجها وكيف تعامله وتصرفاته واسلوبه ووو.. الخ بس الشكوى لله .. الحمدلله على كل حال .. الله يخليكم ادعو لي الله يهون علي .. وربي محتاجه دعواتكم . لاتعتقدون ان هالموضوع هو شاغل كل تفكيري ..:( لا وربي شايله هم الدنيا على راسي ..الله يوفقني وبنات المسلمين يارب .. ادعوا لي بليز .. :( ا اقتباس:
|
وعليكم السلآم ،،
أولآ مبـروك الله يتمم عليكم > عقبالنآ :) أعتقد إن خطيبك يمر بوضع حـرج إحدى الأمرين - ياأنه خجول" او أنه معآرض للمكالمات وقت الملكه إنتي من حقك تعطين أخوك خبر بحيث يوصل له بطريقه حلوة ويتفاهم معه .. مآيصير كذآ الزواج بعد شهر وماتفاهمتو ولا خططتو على أي شيء !! أنصحك بالمبـآدره منك بحيث تكسرين حاجز الخوف وآلخجل .. همسه :) لآتقآرنين نفسك بغيرك وتقولين وضعهم أحسن مني .. علشآن مآتحسين بآلنقص والإحبآط بالعكس تفآئلي وقولي خيـره البرنسيسه~N |
اقتباس:
. اولا اشكرك على مرورك وردك السريع لموضوعي .. ويارب نفرح فيك قريب وبنات المنتدى كمان .. انا اعتقد انه خجول اكثر من انه معارض للمكالمات ! واحسه بارد بعد .. :( طيب مو هالشي بيقلل من قيمتي عنده ! بيقول ذي ماتستحي تكلمني ويشك او شي زي كذا ! :( |
والله مش عارفه ارد غير بدعوه صادقه انو الله يوفقك ويكون زوج صالح لك وانتي زوجه صالحه له
عاداتكم تجنني ولكن انتم راضيين بها مع انه زوجك والمفروض تكونو تتكلمو مع بعض طيب فرش البيت وغرفة النوم كيف تختاروها مش المفروض يكون على ذوقكم انتو الاثنين او كيف والله مش فاهمه |
متل ماقلت الاخت Green222 عاداتكم جدا غريبة احنا نختلف عنكم كتير انتم اذا مخطوبين بعقد قرآن ومابتحكو تليفون مع بعض عنا مثلا مايتم عقد قرآن يحكي تليفون عادي واهلها يعرفو كمان مابيعترضو مافي حل غير انك تقولي لامك وهي ممكن تعرف شو السبب من اهله وبعدها يمكن يتشجع خطيبك شوي ويحكي معك يعني لازم تحكي معه لكان كيف رح تتعرفي عليه شو هاد بتتحسسيني انا عايشين بالقرون الوسطى بجد مستغربة وهاد الحل يلي عندي |
اقتباس:
بعد هذه الإتصالات ولا رديت عليه !!!!!!!!!:( طيب أهلك ما يعرفون رقم جواله ... حتى ثاني مرة حضرتك تردين !!!! :29: ثم هل هو يقرب لك لأجل تكلمين إحدى قريباتك أو كلمي وحده من خواته تخبره يتواصل معك !!! وشوفي ليش ما كلمك هذه المدة ..!!! الله يجمع بينكما على خير ومبارك مقدماً عزوبي بس رجل |
اقتباس:
اميين يارب .. مشكوره وش نسوي الشكوى لله :( هو اللي اختار كل شي بذوقه هو :29: . يعطيك العافيه |
اقتباس:
هذي عادات اهل الخليج بالغالب .. مو كلهم بس الاغلبيه مشكوره اختي .. |
اقتباس:
طيب وش يثبت لي انه هو ...؟! اول مرة كان معايا الجوال لكن ثاني مرة ماكان معايا :( .. وش اسوي يعني ! هو ماهو قريبي ولاحتى من معارفنا .. . امين ويبارك فيك ... |
يا أختي بارك الله فيك دبري رقمه من أي مكان وارسلي له رسالة... فيها حب وشوق وحب سماع الصوت وانتظري الرد منه عاجلاً.
|
اختي الكريمه , مع احترامي لك انا اؤيد ان زوجك ما يتصل عليك حتى لا يصير بينك وبين زوجك لا سمح الله اي لبس او سوء فهم بينكما قد يؤدي في نهاية الامر الى الطلاق لا سمح الله , فطالما انكما في السليم الى الان فاتمنى ان لايصير هناك اتصال بينكما وان شاء الله بعد الزواج بتقابلي زوجك وتتفاهمي معه على كل شيء وعلى رواقه , وحتى الهدايا بينكما تتم تسليمها لمن يوصلها اليكما وليس يد بيد .
|
مستجد ..ّ!
اليوم دق علي نفس الرقم اللي دق قبل .. وطلع ..... مب هو ..:( الحين عرفنا انو مب هو وانو اساسا مادق علي نهائي .. . يعني وش الحل برايكم ! :( |
اقتباس:
المفروض المبادره تجي منه مو مني .. وحنا مجتمعنا محافظ جدا مايقبل هالاشياء مابي يمسكها علي بعدين انك انتي اللي اتصلي ومادري كيف .! :( . رقمه اكيد مع ابوي واخوي .. بس استحي اطلبه منهم لو فكرت بهالشي .. مشكور اخوي على الرد |
اقتباس:
بس الافضل انه يكلمني .. لكسر الحواجز والخوف والرعب .. وربي اني بحاله مايعلم بها الا الله :( ماقلت انا يوميا وباليوم 10 مرات .. لا والله ابي لو مرة وحده بس او ع الاقل عن طريق النت .. . يارب ألطف بحالي ياكريم :( مشكور اخوي |
لا اله الا انت سبحانك اني كنت من الظالمين ..
|
اقتباس:
هل عجزت عن أمر بسيط!!!!! :( أرسلي أمك أو أختك حتى يأخذوا الرقم منهم ....!!! عزوبي بس رجل |
عزوربي بس رجل
.. هل ترى ان تكون المبادره مني انا .. ! والله احترت ماادري .. |
يا أختي بادري أنت.. نعم أنت .. هو زوجك..
أو اجعلي أخواتك يتصلون بأخواته وينسقوا لكم مكالمة.. أو أمك تتصل بأمه وتسأله عن زوجك ثم أمك تطلب الحديث معه ثم تناولك السماعة بعد أن تتحدث معه. يا اختي المسألة هينة ولا تكبريها... توكلي على الله. |
اختي هل طبع عائلتهم كله هكذا اخوانه واخواته لا يكلمون في فترة الملكة ؟
فلربما كان طبعهم هكذا |
مبرووووووووووووووووك مقدما
انا اقترح انك تكلمين اخوك وتقولين له يلمح لزوجك انه يكلم ويعطيه رقمك بحجة التشاور في تاثيث البيت |
هل فيه اتصال بين والدك واخوك بيه ؟؟؟
ليش والدك او اخوانك ما يتصلون بيه او يجلسون معاه سواء بزيارة او يدعوه لمكان عام يجلسون مع بعض ويسألوعن احواله ويعرفو ما المانع من اتصاله بك . أكيد ليس سؤال مباشر بل يسألون بشكل عام مثلا ايش اللي شاغلك او ايش اخر مستجدات وتطورات التحضير للفرح ولازم يعرفو عادات عيلته وتقاليدهم في فترة الملكة هل يكلمون زوجاتهم او لا . ومنها يعرفون المانع لعدم اتصاله او زيارته . واستغرب صراحة ان يتم عقدك على شخص لا تعلمين عاداته او عادات اسرته وطباعهم والمفروض اخوانك يسعون لمعرفة سبب عدم سؤاله واتصاله ومعرفة طبعه وطريقة تفكيره لان زواجكم لم يبقى عليه وقت طويل |
اقتباس:
انا ماعرف عن طباعهم اي شي .. ناس مااعرفهم :( مششكوره اختي |
اقتباس:
الله يبارك فيك .. والله مادري محتاره والله خايفه يفهمني غلط اخوي .. ماعندي هالجرأه :( |
اقتباس:
والله انا مادري عنهم .. ماعرف شي عنهم ابدا :( الله يعين ..ويسهل هذي المشكله ان مابقى شي والله خايفه .. :( |
يا اختي لازم الوالد واخوانك يسعون للتعرف عليه والجلوس معه والتحدث اليه ليس من باب ان يطالبوه بالاتصال او الزيارة بل من باب معرفة طريقة تفكيره ومنطقه وعادات اهله وطبعه .........
لو يوجد اتصال بينك وبين اخواته ممكن تتصلي بيهم وتتعرفي عليه من خلالهم ولا بأس من مبادرتك بلاتصال باخواته البنات حتى لو كن متزوجات فهذا مستقبلك وحياتك يا اختي ولو في عائلة مشتركة بينكم وبين عائلته ممكن تعرفي طبعه وطبع عائلته من خلال سؤال هذه العائلة المهم تتعرفي عليه سؤال : هل ستسكنين مع اهله ام في منزل منفصل ؟ هل هو من نفس منطقتكم ؟ |
اقتباس:
اختي نور الايمان .. انا شخصيا مااعرف شي عنه اعرف وحده من خواته لكن مو معرفه شخصيه جدا ومعرفه عميقه.. لا علاقه سطحيه جدا ابوي واخواني يعرفون اهله .. ابوه , اخوانه , اعمامه وجلسوا معاهم وتفاهموا امه تتصل على امي بين فترة وفترة اذا صار شي مهم .. مب بس سلام لا اذا صار فيه شي تتصل امه وتعلمنا .. اما امي مستحيل تكلمهم .. حتى بيوم الشوفه تأخروووووا ماردوا علينا انا مرة خفت وضاق صدري لكن بعد شهر تقريبا دقت امه تعطينا الموافقه .. تخيلوا ! يعني تقريبا ابوي واخواني يعرفونه .. اما انا لا طبعا :( . . بالنسبه لاسئلتك ..: لا راح اسكن بشقه لحالي ان شاءالله وهو من نفس منطقتنا وراح اسكن بنفس المنطقه برضو .. |
اختي استغلي فرصة معرفتك باخته حتى لو سطحية . هذه ستكون اخت زوجك اتصلي بها اولا للسؤال عن احوالها وصحتها وما شابه كلام عام بعدين اسألي عن زوجك مثلا ايش اخباره ايش بيعمل في هالفترة وهكذا حتى تطمني .
وربي يوفقك وييسر امرك ويريح بالك . |
اقتباس:
صح ممكن .. بس هي راح تتزوج ! يعني اخاف تقول توها تذكر تكلمني او تفهم غلط :( او تقول ذي اللي ماصدقت خبر يخطبوني لاخوها وجايه اتلزق فيها :( |
ادري بتقولون انتي معقده السالفه ومكبرتها ووو ..
لكن مابي اطيح من عيونهم خاصه زوجي ابي تصير عندي كرامه وهو اللي يدورني طيب ليش مافكر يقول لاخته تجيب رقمي من صديقاتي او شي ! طيب وش اللي يمنعه من هالشي .. الله يعينني ويوفقني :( |
معاك حق في اللي تفكري به
لكن انتم بنات مثل بعض وهي عاقدة وتعرف شعور البنت ورغبتها بمحادثة زوجها فلا اعتقد بيروح تفكيرها هلاتجاه هذا انتي اتصلي حبيبتي واعملي اللي عليك ؟ ولو كنتي ما ترغبين بذلك انتظري لاخر الشهر ممكن يتصل فمثلما تأخرو بالرد ممكن يتأخر بالاتصال الزمي الاستغفار وان شاء الله ما يصير اللي كل اللي تتمنيه واكتر |
اقتباس:
ان شاءالله انا مالي الا الصبر والله يكتب اللي فيه الخير والصلاح لي ولجميع المسلمين |
عليكم السلام والرحمه،،
طب خوذي رقمه من جوال ابوك او اخوك في وقت يكونون فيه نايمين وارسلي له رساله محواها اني بس حبيت اتطمن ان كنت بخير او لا يعني من هالقبيل .. والله يوفقك يارب ويسهل امرك . |
أهلا وسهلآآآ...بعروستنآآآآآآآآ
أنا من رأيي انك ماتبادرين ولاشي مهما كان فشله ماتدرين وش تفكيره أخاف يشوف انك متفتحه.أو...أو... يعني لو أنا بمكانك أسكت وأدعي ربي انه يوووووفقني والشكوى لله .........وأنا لاحظت من قولتك انهم بعد الشوفه ماردوا الا بعد شهر انهم نااااس باااردين أو بالاخص هو باااااااااااااااااارد!!!! وممكن يفكر انه يدق قبل الزواج بأسبوع بأسبوعين يعني كل رجل وشخصيته!!!!!!!!فمثلا اخواني ماكانوا يكلمون حريمهم قبل الزواج الا الظاهر أخوي علشانه بيتزوج وبيسكن برا دق عليها قبل الزواج بأسابيع علشان الاوراق والجواز وأذكر كان يستخدم المسجات بأسألته لها ...لانهم يشوفون ان المكالمات قبل الزواج سخااافه ولايحبون الحركات هذي....ممكن يكون زوجك من طينة أخواني:) الله يوفقك يااااااارب ويسسسسسسسسسسعدك ويفرحك عن قريب... |
اقتباس:
لازم تسوي شي تنتظرى لمن تتزوجي وبعدين تتعرفى من حقك تكلمى وتفهمي تفكيروا الله يوفقك ويسعدك ويتمللك على خيييييير |
متفاءله :29:
اما اني اسوي هالحركه وحتى وهمّا نايمين مااقدر اخاف .. مااتجرأ ابدا مشكوره ع الرد امين وياك يارب . . جمال الروح وانا اشوف كذا ابي المبارده تجي منه بس كيف ماادري ! ايه انا حاسه من زماان انو بارد بشكل .. لا وبعد ازيدك بيوم التحليل انا حللت وخصلت وهو بعدي باسبوع تقريبا توه يفكر يحلل :( امين وياك يارب . . بنت مكه 2008مشكورة ع الرد جزاك الله خير امين ارب .. |
انصحك يا اختي انك ما تبادري ... مو حلوة منك ... زي ما هو ثقيل صيري اثقل منه ما عليكي الا انك تدعي ربك و تستغفري استحملي ما بقي شي على الزواج و تعرفي عليه على راحتك و اذا ما اتصل و صار الزواج .. حيلاقي حاجز كبير بينكم ... عاد ديك الساعة هو اللي حيتعب عشان يشيل الحاجز الله يوفقك |
مبـــــــــروك الله يوفقــك و يتـمم لك على خير |
اقتباس:
يا جماعة الخير ما يصير هي اللي تبدأ ... وكأنكم لا تعرفون المجتمع اللي حنا عايشينه وعقلية كثير من شبابنا ... لا يا أختي اياك والمبادرة مالم يبدأ هو ويعطيك رقمه ومن ثم تواصلي معه لكن ان تبدأي فخطأ كبير .. حل آخر : اذا كنت قريبة من أخيك فصارحيه بمخاوفك ربما يساعدك ويتصل هو به أو يكون عنده خبر يطمنك أو ... أو ... الله يسخره لك ويسخرك له ويوفق بينكم على خير |
من وجهة نظري ياأختي ارى أن لاتبادري ,إن اتصل بكِ او ارسل ففي تلك الحالة اتصلي به بدل المرة عشرة حقيقة انا استغرب مالذي يمنعه من الاتصال والسؤال عن خطيبته؟ اسأل الله أن ييسر امركِ ياحي ياقيوم |
حبيبتي
ارسلي بس مسج ....! وبس وشوفي ردة فعله .....والمسج عادي ..زي ماترسلين لاي شخص اخر .... هذا زوجك ..ارسلي له وهو بيتصل .. وش ينقصك لو ارسلتي مااحس فيها شيء ..! . والافضل تقؤلين لااخوك مثل ماقالوا الاخوات. |
| الساعة الآن 11:51 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©