|
اريد الاستقرار ولكن......
بسم الله الرحمن الرحيم
مساء الخير على كل الاعضاء الموجدين. اتمنى اني اجد راحة البال من جميع الاعضاء من خلال ردودهم الجميلة ان شاء الله وتكون من غير اي مجاملة او تحيز . انا تبدا مشكلتي مع زوجي من اول ايام الزواج بحيث انا زوجي كان يتمنى باني اتأقلم معه من البداية وهذا من المستحيل اصبحت المشاكل بيننا كثيرة واصبح ينام خارج الغرفة ويتركني لحالي من اول اسبوع في يوم من الايام حصل بيننا خلاف وذهبت لبيت اهلي برغبته وجلست عندهم 19يوم دون سؤال او اتصل وأنا اتصل وارسل دون فائدة واهلي لا يعلمون اني زعلانه مع زوجي لأني قلت لهم انه عنده شغل وكان ابوي تصل علية مايرد على احد من اهلي.هذا حصل بعد شهرين من الزواج بعدها رجع يأخذني وهو يهدد باسلوب انه راح يفكرفي غيري بس انا كنت غلطانه معه بمعنى مقصره في حقة الشرعي والحقيقة مارجعت معها الا وأنا متغيرة كثير للأفضل بعدها اصبحت الزوجة ولام والحبيبه له قمت بجميع حقوقة قسم بالله ماقصرت في شي يخصه واحترامي لاهله الحمد الله بس زوجي أخذها عليا كنقطة ضعف صار يحبسني في البيت اقاربي ما يخليني ازورهم ولا اطلع اتمشى معه ومع ذالك ما يسأل عنى ولا يجلس معي ولا يرجع للبيت من المغرب الى 1و2الليل اهله عيشين معي في نفس العمار ما أقدر اروح عندهم الابأستئذان منه وفي بعض الاوقات بيقول لا دون سبب وبصراحة اصبحت كلمة لا هي الوحيدة الا اسمعها منه وساكته وصابره بس توصل معه الموصيل انه يقول بشيل التلفزيون من البيت وأخذ الابتوب حقي وباعة دون علمي بمعنى هو مقصر في حقوقي بس انا الحين عند اهلي هو طردني من البيت علشان سبب تافه جدا بس لانه لقي نتيجة حلوه المرة الاولى توقع انه راح تكون النتيجة الثانية نفسها بس هو ما احترم اهلي ولا اخوي الي جاء علشان يصلح الموضوع طردني ودفني على الباب وهو يشوفني ابكي وترجائها انه يقضي المشكلةبعدها اغمي علي وماكان منه اي ردة فعل اخوي سبة وهزائه وطلب في اغراضي اللي باعها زوجي اتصل على ابوي وقله انا ولدك جاء يأخذ اخته وهي راحت معزازه مكرمه بعد ما وصلت عند اهلي شاف ابوي حالتي وعرف اني مقهور مع زوجي وسمع من اخوي القصة والحقيقة بعدها ارسل ابوي رساله قله فيها ارسل ورقت البنت رجع يتصل زوجي على ابوي بس ابوي صك التلفون في وجهة وارسل رساله يقول ان الدين حرم الظلم......واذا انا ضربتها فهذا مذكور في القران ارسل ابوي اقلك ارسل ورقة البنت بعدها اكتشفت اني حامل وقلتله بعد3ايام ارسل رساله لبوي يقول المولود راح اخذه وبنتك عندك .بعدها بشهر اتصل زوج اخته يبغى يصلح الموضوع وابوى قلة البنت دخلتها المعهد وبعلاجها من فقر الدم وبيكون في كلام بيننا نهاية شهر 6 . انا من جهتي ما اتصلت ولا ارسلت له اي رسالة وهو كذالك بس ترى اهلي ماقصرو فية عرفة قيمة نفسة بس خواتة يتصلوا وامه من شهرين ماتصلت الا قبل اسبوع مرة وحدة . ساعدوني ماذا افعل بس قسم بالله انه هو السبب في كل اللي صار؟ وش يدل علية اتصل اهله؟وسعي زوج اختة لصلح بيكون بعلم زوجي ولالا؟ وحابة اسال الرجال تتوقعو انه ندمان ويفكر في المشكلة ؟ اسفة على الاطاله بس اتمنى القى عندكم الحل. ولكم جزيل الشكر والعرفان |
حبيبتي
سؤال هو ليش طردك؟؟ مالسبب!! كذا فجئه !!لو سمحتي لذكري السبب التافه !! انتي الان باقي تبين العيشه معه او لا ؟؟! وليش ماتردين علئ اهله وتناقشينهم توضحين لهم الامور ؟؟!!!! ابؤك اجل السالفه ؟؟؟!! لكن اكيد محاولات اهله وزوج اخته اكيد لانه باقي يبيك وبلاخص لانك مرتبطه فيه بؤلد ! لو انه مايبيك كان قال ابطلقها وافتك ولا كان حاولو الناس للاصلاح صح ولا لا ؟ حبيبتي حاولو ا تتوصلون مع اهله اذا كلموكم تعرفونوش رائي زوجك من خلالهم ؟؟! او اي شيء اذا ارسل استغلي رسالته وناقشيه التطنيش مو حل ابد .......!!! جاوبي علئ اسئلتي لاجل افيدك اكثر باذن الله .. وبعد ليش هو حابسك بلبيت هل هو طبع الاطواء او كره لك ؟؟! ماناقشتيه ماقلتي له كيف تعامله معك ببداية الزواج وبعد رجوعك له ؟ اوصفي لي احساسك هو يحبك ولا لا؟؟واتوقع يحبك لكن شايل بقلبه بداية ارتباطك به وحركاتك !! الرجل ماينسئ ولا يعدي الامور بلساهل الا اذا وجد الاعتذار والحب والعطاء يعني تدلعه كلطفل وتعطيه حنان مو تقؤم بلؤجبات وبس! لا ... |
طرته لي بسبب اني زعلت منه لانه هاملني في البيت وقمت كسرت الصوره حقته.
ودي ارجع بس لم اتذكر اهاناته لي اكرهه كثير. اهله يحاولون يحطون العيب كله فيني وانه ولدهم مسكين مايطلع منه شى والعكس صحيح. حبسه لي في البيت انه يقول اني على نياتي مع الناس وهو خايف عليا منهم ومايبغى يرجع للبيت ما يلقاني في البيت. بكل حب وشتياق حتى اول يوم من الزواج وانا في المشغل كان يتصل يقول انه مستعجل ومشتاقلي. بعد ما رجعت كان انسان طيب وما كان يستنى اني اعتذر منه بس فجئه تغير على. هو ان شاء الله انه يحبني بصراحة انا طلبت الطلاق منه والحمد الله ما طلق وابوي طلب برضو رفض والحمد الله. مكالمات اهله بحبو يطمنو ان ابويه مو زعلان وانه يبغى الصلح.لان اخته تقول انه خايف من ابويه. |
حبيبتي
الان وش ؤدك تسؤين هو يبيك ؟؟؟ وهو معاه حق يزعل كسرتي الصؤره وبيعتبرها اهانه له لاتزعلي من كلامي !! لكن ليش هو حابسك؟؟اسباب حبسه لك ورده لك ؟؟؟ مااحد يقتنع فيه مع احترامي لك لكن غريب طبعه طيب ليش الان متحلي الموضوع وتطلبين من ابؤك النقاش مع زوجك ؟؟ ارسلي لزوجك رسالة اعتذار عن تكسيرك للصؤره وهذا يدل علئ تربيتك اصلن ! ولا تعاندي وبرري موقفك !قؤلي بصراحه انا تعبت انت ماتفهمني انت حابسني وكاني حيؤان بلبيت ! انا اعترف بخطئي لكن !انت المخطئ الاول بسب حبسك لي بلبيت ولماذا ؟؟!لااعلم واذا لديك الاجابه فااجب ...! لاتطنشينه وتكابري فمهما فعل فهذا زوجك؟؟! وبعدين الله يهديك تهورتي بطلبك للطلاق !! اصبري شؤفي تبريره وش ؟؟! حبيبتي ارجوك لاتزعلي مني فاانا اريد لك الخير واعتبرك كأأختي والله الشاهد فاانا تعاطفت معك .... والله تعاطفت وبلاخص يؤم طردك ؟؟! ودختي وو..........الخ هو اخطئ بعد لكن ودي تفتحي باب الحوار معه بلرسائل وانتي بادري باابيك اولا لتعجيل الحوار بينكم وانتي 2 !! لانك ذكرتي هو خائف من ابيك .... لكن لاترجعي الا بشرؤطك انتي وبعد اعتذاره ...... وش رايك تكفين جاوبي بسرعه لاتطولين والله اني انتظر ردك الي قبل شؤي من ساعه والله الشاهد اريد مساعدتك لاغير.. ترئ زوجك شاريك ويبيك ويحبك فلا تطلبي الطلاق بلحظة غضب تعوذي من الشيطان !!. |
ذكرتي انك كرهتيه بعد اهاناته لكي...
بنظرك ليش يهينك دامه بنفس الوقت يحبك ...؟ هل بسب حبسه لك بلبيت فقط.؟؟ ام هناك امور اخرئ !! ام تراكم مشاكل؟؟ معليش ابتعب اصابعك معي شؤي .. |
حبيبتي والله ان زوجي غامض مو عارفة شو يبغى من بتحديد كلما قلتله شي يقول ماراح اسوي الا اللي يريحني
وانتي بكيفك غصب عنك راح تتأقلمي معي |
بس انا ماراح اتصل عليه ولا ارسل له اي رساله لزم يعرف اني مو لعبه في ايده كلما زعل يقوم يطردني من البيت
|
ياقلبي زوجي يقول لي ياكلبه وتخسين اذا صار زعلان
|
اقتباس:
شخصيته فعلا غامضه ؟؟ وبديت اشك انه مريض ؟؟؟ وش هلحال !! حبيبتي تكلمي عنه اكثر لاجل نعرف نحلل اكثر ... يعني كيف تعامله معك ؟؟ مرتاحه معه نفسيا ؟؟ طبعا من ناحية العاطفه وغيرها ..يقؤل لك كلام حلو ووو....الخ لكن انتي عتبك علئ ايش غير حبسه لك بلبيت ؟؟؟؟!!!!!! هل له تصرفات غريبه ؟؟ام شخص عادي كئي زوج مع زوجته ! وسؤال اخر هل ابؤك ناوي يناقش زوجك ؟؟بنهاية شهر 6 صدق ولا تسكيت وبس ؟؟!!! انت باقي تبينه وهذا اكيد وهو بعد!! وانتي وش ؤدك تسؤين ؟هل ودك يكون بينكم تواصل ؟؟ تكلمي اكثر لاجل اعرف اكثر ...وارد عليك بشيء يفيدك... |
ويلعن اهلي قدامي ولا يرد على اتصل اهلي عليه قبل الزعل يعني مغرور ومتكبر
|
ابوية اكيد وده يناقشة في الموضوع في شهر 6 وانا ابغى يكون في تواصل بيننا بس يكون هو الى يبدأ
|
زوجي رومنسي ويحب يمدحني في كل شى بس تعامله معي قاسي
|
اعوذ بلله ........
اعانك الله ...... ماتوقعت انه كذا ....... رغم مايفعل لكنه متمسك بك !!! ومعك حق تحقدين عليه شؤي ..... لكن استغربت من تمسكه بك وهو يفعل كذا فهذا الشخص يبي له من يعلمه كيف يحترمك اجل لا لاتدقين ولا شيء خليه يقعد ويقااااااابل ابؤك ..... وابؤك يتولاااااااااااااااااااااه وبعدين قؤلي له وابؤك موجود ماارجع الا وقد ضمنت احترامك لي وعدم تجريحك لي ولاهلي.. ماتخليني محبؤسه بلبيت كلسابق...... تعدل سلؤكك واذا لم اجد تعديل فبيت اهلي هو الافضل لي ..... واذا صار بينكم تناقش لحالكم انتي تكلمي معه قؤلي بصراحه توقعت ان حياتي معك كئي زوجين سعيدين مو نكد وحبسة بيت واهانه لي ولاهلي انا ابيك زوج يتق الله فيني وانا بعد ماببخل عليك بشي مهما كان فاانت زوجي وحبيبي وانا زوجتك ماابيك مثل السابق ابيك مثل بداية الزواج نعيش احلئ زوجين براحه واستقرار ادلعك واحبك واقدرك اكثر واكثر وباذن الله اجد منك الاكثر والاكثر ........ انا خائفه ان حياتي ترجع علئ نفس المولات السابقه لكن باذن الله نعيش كلسابق مثل شهر العسل وهو بيتعلم درس وينسئ هالشيء ويعاملك للافضل باذن الله ... الاهم لاتمر هلسالفه بلسااااااااااااااهل .. طبعا هلحوار خليه بعد ماتتصالحون .... |
بصراحة زوجي دائما يقول لي انتي تجامليني اذا قلت لي اني احبك الاني مقصر معك في كل شى
شافني احبة واخاف منه انه يزعل مني صارت نقطة ضعفي عنده |
اقتباس:
حبيبتي معليش انتي كيف تعاملك معه ؟! هل تهتمي به اكثر منه الطبخ ووو.............الخ . ولا نص ونص . وبنظرك ليش تغيير .؟ |
اقتباس:
يعني صار يستقل خوف من زعله وصار يزعل علئ اي شيء هذا الي فهمته ؟؟! اذا زعل علئ شيء يستاهل الزعل ومعه حق فراضيه لكن اذا دلع فرؤحي انتي بدلع وغنج (واسفه تجرءت شؤي ) وقولي والله ياحبيبي السالفه ماتستاهل وانا مو قاصده ابد هلحركه وعطيه من رومنسياتك وبيرضئ ..لكن لاتعتذري بقؤل اسفه الا لسالفه تستاهل .. هو يحتاج لحنان!!وهذا مافهمته !واذا انا مخطئه فصححي قؤلي هذا! هو استغلاله لهلنقطه وهو خوفك من زعله !! لاجل يحب انك تهتمي به اكثر وتعطينه من الكلام الي يرضيه والحنان وبس ... انا لي سنتين ونص متزوجه وانا افهم اسلؤب الرجال يحبؤن االحنان .صدقيني مو حركته هاذي تدل علئ اهانته لك للاعتذار لا هو يبي من تراعي مشاعره اكثره وتراضيه اكثر وبس. وش رايك معي حق بهلكلام ولا لا؟؟ وانا اقؤل ترئ كلامي صح من تجربه صدقيني . |
بس تتوقعي انة راح يفكر في الموضوع وانه فاقدني في حياتة ولا؟
|
اقصد ان زوجي مو متوقع اني احبه وهو مقصرمعي في كل شئ.
بعدين اذا جيت الدلع عليه يقولي الوقت مو مناسب ولا اقلبي وجهك |
بصراحة انا اهتم بزوجي من جميع النواحي بس زوجي يطلع للدوام من الصباح ويرجع 3العصر وينام بعدين يطلع ولا يرجع الا الساعة 2 الليل
|
وهذا يخلينى متضايقه منه كثير لانه حارمني من الطلعة وهو غائب عني يعني انا انسانة ازهق من الجلوس الوحدي
|
اقتباس:
دامك طلبتي الطلاق وابؤك بعد طلب ...؟؟ وهو بعد غاضب .... رفض زوجك وهو غاضب ماشاء الله هذا يدل علئ حبه الكبير لك ومن كلامك انه رومانسي ويمدحك وهذا بعد يدل علئ حبه لك ايضا... يعني يوجد به ايجابيات ولله الحمد! ولكن لديه بعض التصرفات السلبيه !!وبس هي تحتاج الئ تصحيح منك بااسلؤب ابؤك واسلؤبك بعد سؤئ الان او فيما بعد !!! واكيد فاقدك لانك كنتي زوجتك الي تعطيه الحب والمشاعر وتملي البيت عليه !!مافي زوجين الا ويفقدون بعض اذا ابتعدوا عن بعض سؤئ بزعل او غيره نصيحه !! يعني انتي وقت زعلك عليك لاتعصبين وتسبين وتكسرين تثيرين غضبه اكثر !! لا انتي ابتعدي عن مكان زوجك..وهذا يدل علئ ذكائك لاجل تهدء اعصابه واعصابك ... روحي توضي ولا ترؤشي حتئ الين تهدين ...! روحي غرفه 2 !!وهدي من نفسك ...وبعدين ناقشيه باسلؤب عتاب احباب ...!وفيه كلام عتاب موتجريح واهانه له ...... وبكذا توصلين عتبك عليه وهو بعد يؤصل رئيه وانتم قد هديتم من انفسكم وتتقبلؤن كلام بعض ...والغلطان يعتذر من ال2 ولا تخلين اي مشكله بينكم تفؤت كذا لاايااام !!دون حل او نقاش ماافضل ان الزعل يستمر بين الزوجين لاايام لانه يبتعدون عن بعض... اما اسلؤبك بتكسير الصؤره ...؟فاانتي اخطئتي ....وزوجك سابقا اخطئ بحقك ولم يكن الامر يستحق طردك لكن وقت الغضب الانسان مايعرف وش يسؤي الشيطان يعممي عيؤنه !! والاهم تعتذرين له طبعا بعد اعتذاره هو لك ....عن تكسيرك للصؤره ...وتبررينه ان اعصابك تعبت من المشاكل ومتاسفه لهلشيء . |
اقتباس:
ناقشيه قبل رجوعك معه في هلامر طبعا بعد ماتتراضون ..؟ قؤلي له انا احبك وانت زوجي والله فقدك صح كنا متهاوشين لكن فقدك !! وقولي له لدي سؤال في اسلؤبك ودي اسئلك ؟بيقؤل اسئلي فقؤلي انت مقتنع اني احبك ؟؟يعيني انت حاس بقلبي ؟؟والله اني احبك .... انا اتعب واتحطم اذا قلت لي اني اجاملك ...؟ ليش انت تقؤل هلكلام وانا يعلم الله اني احبك..؟ؤشؤفي وش جوابه .... اخاف اخذ موقف منك بحركه منك وانتي مو قاصدتها !! ناقشيه هلامر........ لاترجعين الا وقد فهمتيه انك تحبينه وتقدرينه ... ولعد يظن انك ماتحبينه اذكر يله مثال قؤلي انا وش مقعدني معك ؟؟وش مخليني اخدمك واقؤلك كلمة احبك؟؟ لو اني اكرهك كان ماقلت هلكلمه ابدا والسبب لاني اكرهك اما عن سهر وبعد زوجك ...؟! فقؤلي ابؤك يناقشه بهلامر ان البيت له حق بعد بانه يكون فيه لامانع للسهر لكن بيؤم محدد يسهر وبس لكن جميع الايام لا!!! زوجتك لها حق عليك. |
تسلمين حبيبتي على هذا الكلام الحلو .
انا ماسويت اي تصرف يدل على اني اكره بس هو كذا حاس لانه مقصر معي. بعدين المفروض انا اللي اقول هذا الكلام الانه حتى اذا غاب عن البيت ايام مايسأل عني. بس والله اني احبه كثير كثير. بعدين مرة يقولي انتي منافقه بعدين شو اللي يخليك تحبني ماعندي سيارة ولا فلوس وقاسي معك. والله ماعمري قد قلتله شي ولاحسسته بهذا الشئ بس الحمد الله على كل حال. يمكن هو حاس بالنقص الاني جامعية وهو لا؟ |
بعدين اخته اتصلت عليا اليوم وصار بننا نقاش وما عجبها الكلام راحت تقفل الخط في وجهي تبغاني اعتذر من اخوها وخلي اويه يتصل على زوجي
|
ممكن اسألك سؤال لو سمحتي؟
|
حبيبتي يقولون لما يكون الزوج مرتاح من ناحية الجنس مع زوجتة هذا اهم شئ عنده صح ولا خطأ؟
بعدين زوجي يقول لي ترى ماراح تمسكي عليا شئ يعني لا تمتنعين عني ؟والله مو فاهمة قصده. |
اكيد الزوج مايرتاح الا اذا هو مرتاح مع زوجته من ناحية الفراش
اما اذا بها فشل فمن هنا تبدء المشاكل ويحاول الرجل بذلك اثبات نفسه بئي طريقه للزوجه وتبدء نفسيته تكون حساسه ويبحث عن طرق لااثبات نفسه علئ الزوجه بانه هو الرجل ..... واكيد علاقة الزوج بلزوجه من ناحية الفراض اكيد تزيد العاطفه اكثر فيما بينهم واي شيء سؤئ من تمنع الزوجه لزوجها فما يجوز اصلن وهو بتاكثر علئ نفسيته ويحس انه غير مقبؤل من قبل الزوجه ....... اما من ناحية اخته اذا باقي اتصلت فخلي امك ترد .......زلانها وحده ماتستاهل انك تكلمينها .... ابتعدي عن التوتر معهم . |
تسلمين ياقلبي على رد الجميل الله يعطيك الف عافية.
|
اقتباس:
باذن الله ترجعين لزوجك وتعيدين نظرك باسلؤبك معه لاجل يكون لك تاثير عليه ... يعني تمسكين نفسك وقت الغضب كما قد قلت سابقا ..تغاضي عن قؤله اثناء الغضب ..الئ ان يهدء وناقشيه .. اذا زعل او اختلافتوا بلاراء لاتخلين المشكله تدوم اكثر من يوم يعني اقضي لئ المشكله بنفس اليؤم !!لاجل لاتتراكم المشاكل اهتمي بنفسك وبزوجك وعطيه الحب والحنان لاجل يعطيك اكثر ..واذا قال ماتحبيني ؟؟فقؤلي مالسبب!!ووضحي له وجهة نظرك واقنعيه قؤلي انا احبك وشوفني افعل لك كذا وكذا...انت تشكك بحبي لك فهذا اعتبره جرح بقلبي ...لاتقؤلها فهلكلمه تعذبني ...! اذا قال لك كلمه ...مثل اقلبي وجهك ؟؟قؤلي أفآ يالغالي ماتوقعت منك ...,وازعلي عليه ..وعاتبيه وقؤلي وش سؤيت لك ليش دائما تحطمني ...هذا وانا احبك تقؤل لي كذا ... اسمعيه كلام الحب واهتمي فيه يعني بادري من نفسك دون ان يطلب منك اي كلمه تعجبه! ..!الهدف انك تقنعينه بانك تحبينه ... دلعيه ..وبنظري هذا مفتاح المراءه !!لكي يلبي طلباتها ومايبخل عليها ... كوني معه بوقت حزنه ..روحي له وضميه وطبطبي عليه ... اذا جاك متضايق روحي وعطيه مويه بارده ..اتركيه الئ ان تهدء نفسيته ..ثم قؤلي انا متضايقه ؟؟بيقؤل ليش ؟قؤلي لان الغالي متضايق ....حبي تبي تفضفض فضفض لي ...عادي واكون اصلن بجانبك ان قلت لي او لا !! ارسلي له مسج وهو بلدوامم...تكون رومانسيه !واخرها البيت فقد نوره يالغالي .. ارسلي له رساله حلوه باخرها دعاء الله لايحرمني منك !!!وهلكلمه تقؤي عطائه لك ...وتعجبه !ؤبلاخص اذا سوا معك شيء حلو ولا قال لك كلمه حلوه او فعل اعجبك منه ...وبيظل يعطيك ... اذا برد الحب والمشاعر بينكم انتي جددي حياتك بئي طريقه سؤئ بحفله صغيره او تغيير ديكور غرفة النوم وانتي اكيد ماتبخلي ... يعني خليك الام الزوجه الاخت الصديقه له ...اذا جرحك ابتعدي عنه او لوميه بؤقت يكون غير غاضب لكي يتقبل منك...... ونصيحه من اخت لك ... لاتعادين اهله ابدا اعتبريهم ماسووا شيء وبلاخص اخته ..!ؤالسبب !زوجك فان احترامك لاهله هو احترام له ايضا يعني لو عاديتيهم وحطيتي راسك براسهم مابيتدمر الا زوجك منكم ومن مشاكلكم يعني تغاضي عن اخته واحذفيه من قاموسك من الاساس ..وقولي بنفس اذا سؤت لك شيء!!ماراح انزل نفسي لمستوها !! لان اذا عناديها او بينتي حقدك عليهم من موقفهم الان ضدك !! بياثر علئ بيتكم والله لايقدر ينهدم بيتك.. احترميهم وخليك بصؤره حسنه امامهم ....ولا يهمك الا زوجك وبيتك والبيبي الي ببطنك... ولا يهمونك واذا سؤت اخته شيء ولا امه سؤئ بأذيه ....فهذا يدل علئ تربيتهم هم !!فخليك محترمه وبيني لهم كيف تربية اهلك لك ... يعني اذا رجعتي مع زوجك كوني زوجه كلسابق عاديه معهم ولم يتاثر قلبك من ناحيتهم وهالشي يقهرهم وبلاخص اخته لقت منك كل احترام رغم تسكيرها الخط بؤجهك ...فتخجل من الي فعلته سابقا. تحيايتي لك.. دمتي بود. |
يمكن هو حاس بالنقص الاني جامعية وهو لا؟
هالشي توني انتبهة له الاهم الحل من رؤيتي المتواضعه انك تزرعين بعينه انك معجبه به من ناحية تصرف بئي موقف معين او تمدحينه اثناء شياكته او رائحة عطره يعني لاتحسسينه بلفرق ...هو يمكن يحس بفرق بينكم لكن انتي ازرعي الثقه وبيني اعجابك له بئي موقف او حركه يفعلها او انك معجبه بشكله وهالشيء بيعجبه. ... |
والله ياعيوني راح احاول وان شاء الله يكون فيه خير.
بس راح اسألك سؤال تدخل زوج اختة في الصلح برضاء زوجي يعني بعلمه؟ زعل اخته بيدل على ان اخوها مو مرتاح في اللي حصل منه؟ |
اقتباس:
يمكن تدخل زوج اخته فقط لااصلاح الامور بينكم ولكسب الاجر ويمكن طلب من زوجك للتدخل ... لكن الاهم هو النهايه اصلاح سؤئ منه او من غيره !!يعني لو انه يبي يطلق لقالها لك او لاابؤك ..... من بداية المشكله ... اخته اكيد بتوقف مع اخوها وتبي تصلح المشكله لكن الله يهديها تصرفها خطأ بانها سكرت الخط .... الاهم الي فهمته ان زوجك شاريك فلا تكابري لكن انتظري هو من يبادر بلمجيء لكم .. |
الله يعينك اختي ويوفقك
اما اختي همس فكفت ووفت بزياده وربي اني استفد منك كثير ربي يخليك |
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©