|
طفح الكيل(حُلت ولله الحمد)
بسم الله الرحمن الرحيم
السلام عليكم انا ما كنت متوقع في يوم من الايام اني ارح اكتب في هذا القسم ابد ولكن شائت الاقدار ان اكون من كتابه احب زوجتي وهي تحبني لكن هناك مشكله وهي انها لا تبادر بطلب العفو والصفح مني ابد اذا غلطت في حقي كل شي تبيه يجيها على طول اذا غلطت علي انا الي اقوم وراضيها تخيلو معي مع اني انا ازعلان المفروض اهي الي تراضيني دلعتها دلع واعطيتها الكثير وهي لم تعطني الا القليل اذا طلبت منها شي لا تلبيه او تلبيه بضجر البيت لا تنظفه الا لما اقول لها ملابسي كم مره اغسلها انا لانها ما تغسلها الا اذا قلت لها حذرتها كم مره ان الوضع ماراح يجلس كذا واني راح اتغير عليها ولكن بدون فايده الحين اهي مزعلتني ومثل كل مره تنتظر مني اني اراضيها وانا بيني وبين نفسي حالف ما اروح لها هجرتها في الفراش و نمت في مكان ثاني ولا حيات لمن تنادي ولا سألتي فيني ابد اليوم اتوقع اهو اليوم الثاني بعد الي راح انوم فيه بعيد عن فراشي بالله وش اسوي مع المره هذي مع اني عارف لو وصلت العلوم هذي لأمها او ابوها ان يذبحونها ذبح لأنهم عارفني زين ما زين وشاريني وانا والله شاريهم قسماً بالله كل ما نويت اني ابهذلها و افضحها عند اهلها ارجع ثاني مره واقول ما ابي اكدر على خالتي وخالي انا تعبت مع المره هذي تتوقعون الهجر راح يفيد معها لو زاد عن حده مع اني اعترف اني الغلط علي اني دلعتها بزياده واتحمل ما جاني بس ابي الحل قبل لا يوصل الامر للأهل لأنه لو وصل ما اتوقع انها راح تكون زوجه لي و المعذره على كلامي انه غير مرتب |
أخوى ماتتندم أبدا على أنك دلعتها
لأنك بالفعل نادم المهم الحين تفكر بطريقة تحل بها الموضوع أولا لازم تعرف هل هى من النوع اللى يفهم شو بالانسان اللى امامها من تصرفاته ولا لا أول موضوع: الاعتذار اذا حصل بعدين مشكلة بيناتكم وانت مو السبب ماتروح وتعتذر ليها حتى لو مر شهر . إذا هى عاندت يبقى هى مافهمت انت ليش بتسوى كدة فى ها الوضع خليك صريح وقولها انك ماغلطت فى حقها بس هى اللى غلطت وانها لازم تعتذر لانه حتى انت بتعتذر لو غلطان. ثانى شئ: موضوع النظافة هاد أهم شئ ليك ولأولادك لازم توضح لها أن الملابس مثلا مالازم تتراكم ومالازم انت تقول عشان هى تتصرف وتغسلها هى لازم تشوف بعينها شو اللى لازم يتنظف ويترتب بالبيت من غير ماتقولها وكون حازم فى كلامك معاها عشان ما تتخيل انه شئ تافه وبعدين أول ما تتصالحوا ان شاء الله قريبا :) لازم تحط النقط على الحروف مثل مايقولوا وتقولها شو اللى يعجبك فيها وشو انت تحب هى تكون عليه مع تشجيعات من ناحيتك راح تنصلح بإذن الله هاد الموضوع يبغالة شوية صبر وحزم الله يعينك ويصلح حالها ميشانك |
هلا فيك اختي
اهي تتدعي انها حساسي واي شي يجرها اما انا ولا شي يعني انا ما احس دايم اظهر اني زعلان بس تسوي نفسها غبيه وتسأل وشفيك سارح و شتفكر فيه اكيد من العمل يعني انها ماسوت شي اما مسألت اني اكون حازم بإذان الله المره هذي ماراح اسامح لو حطو راسي في الصفات النفس طااااااااااااااااااااااااابت |
اخوي ابو رواء,,تعوووووووووووووووذ من ابليس,,
اول شي ابيك تشيييييييييييييييييييييييييييييييييل من راسك فكره اقول لااهلها,,:29: خلاص يابن الحلال انت اهلها,, اذا تبي رائيي .. خلك زعلان ولاترد عليها ابدااااااااااا,,سواء كلمتك عادي اوكانت تعتذر,,لاترررررد او اطلع من البيت خلها تحس انك زعلان,,لو تقعداسبوع عاادي,,:25: اضغط على قلبك شوي واذا حسيت انها ندماااااانه صدق فهمها انك موراضي عن وضع البيت وبين لها وش الي لها والي عليها,, لازم تكون بها الموقف حااااااااااااااااازم لانكم بتعيشون مع بعض طول العمر باذن الله,,فحاول تضبط بيتك من الحين قبل الاطفال وكثره المسؤليات,,:eek: اتمنى لك التوفيييييييييييييييييق |
اقتباس:
|
اللي اعرفه... الحب افعال... وافعالها لاتدل على الحب
هل انت متأكد من حبها لك...؟....كم لكم سنه متزوجين؟ |
اقتباس:
بس الحين مثل ماقلت انت انا متبع طريقه التطنيش و كل واحد الحين في غرفه يعطيك العافيه و دعواتكم |
اقتباس:
الهجر راح استمر عليه بإذن الله وماراح اتراجع فيه لو على قص رقبتي مسألت الأهل شفت انها تطول شوي لين اهي الي تطلب انها تروح لبيت اهلها =طبعاً هذا اذا اصرت انها تكابر ولا تعتذر= و مسألت الطلاق راح تحلم فيه لو وصل الامر للشي هذا لاني راح اعلقها تعليقه عشان تتعلم معنى الزواج و تقدر النعمه الي كانت فيه قسماً بالله ما اقول الكلام هذا على اني ظالم و ناكر للجميل انا ابوي الله يحفظه رباني اني اقول الحق حتى لو على نفسي واعترف بخطاي ولااخاف من احد ربي يجزاه كل خير اهو وامي قسماً بالله اني اخاف اني اظلم احد او اغلط على احد لأن ما ابي احد يدعي علي وانا عارف ان الدنيا هذي مرور واذا حطيت في قبري ما راح تنفع كلمت ليت بس اتوقع اول ظلم في حياتي راح ارتكبه معها وهي السبب |
اقتباس:
اهي تقول انها تحبني و تموت فيني بس افعالها غير حتى اليوم الي ما اسمعها في كلام حلو تستغرب وتقول انت ما تحبني اقول ليش تقول ليش ما تقول لي كلام حلو لنا اقل من سنه متزوجين |
اخوي....
كن حازم معها... وشديد حبتين... عندها على قولت اخوانا اللبنانين رح يذوب الثلج ويبان المرج ياتصلح... ياتقولك.... خلاص انتهينا ولو ان الامر يحتاج لحكمة وصبر وطولت بال... يسر الله امورك |
انا مطول البال
بس اهي حاطه ان الي في اراسها بيصير تخيلو ينااااااااااااااااااااااااااااااااااااس اليوم ركبت معي ولا سلمت؟ |
بترجع لا تستعجل
الله يهديكم لبعض |
الله يسخرها لك,,ولكن أقل من سنة زواج تعتبر فترة قصيرة جدا,,وهي مازالت فترة تعارف,,يعني شد عليها شوي وبين لها ماتريده أنت ومالا تريده..
الله يصلح حالكم.. |
اقتباس:
دعواتك |
اقتباس:
طبعاً اهي الحين ناويه على شي وانا عطيتها رد بكلمتين بنزر وطلعت وخليتها لو رجعت ولقيتها نفذت الي قالت عليها فهي حكمت على نفسها |
اقتباس:
مااقول الا ياحظها والله العظيم اني انا الي ابادر بالروحة لزوجي ودايما اراضيه وتاسف له وسبق مرة وقعت عند رجوله ولا استحي من هذا وقلت له ارحمني وارحم ضغفي انا احبك وهو نادر جدا مايجي يصالحني لانه يشوف رجولته ماتسمح له يتنازل وهذا خظئ بل الخضوع بين الزوجين ماهو عيب بالعكس كلن من الطرفين يكبر بعين الثاني عند الناس العاقلة اسمعني زين اخوي استمر على هجرك للفراش لبعض الوقت ان مانفع معها لا تصالحها هالمرة وتكلم معها كلام بحدود الرسميات خلها تحس انك تغيرت انا امراة واعرف الحريم مافي اصعب من ان الزوج يطنش زوجته وهذا ماعانيت منه وماكتبته في موضوعي لا تحن لها في الوقت الحالي خليها تتادب وتتعلم ان الانسان اذا غلط لازم يعتذر وان الاعتذار ليس ضعف بل هو من شيم اولاد الاصول هو مافي الامر انك عودتها على المبادرة منك دائما فخليها تتعود على وجهك الاخر اسال الله ان يهديها ويالف بين قلوبكم..بتابع مووضوعك عن قرب |
ياكرهي للمره الي لما يدلعها زوجها تتفرعن عليه
مالها حل ألا التطنيييييييييش وخلها مهما بينت أنه عادي عندها فهي تكابر تلقاها من جواتها ناااار مادام ماينفع معاها الدلع لازم تشد عليها شوي وتعرف أن لك أحاسيس ومشاعر مثلها |
اقتباس:
وبصراحه دلعتها وكل ما زعلت راضيتها عشانها صغيره واقول استحملها شوي وكنت مع تدليعي ليها انبها واقول انتبهي مني ترى ممكن اتغير عليك خفي من هبالك شوي حتى بعض الايام اجيها بأسلوب حلو واقول لها انتي ترى غلطتي وانا زعلت عليك تجي تتأسف و تجلس على صدري وتبكي وتقول سامحني لا تضيق صدري اكثر من كذا بس الحين اهي ماخذه الدعوه بالعناد مرسله لي رسال تقول انت الي بديت وانت وانت طبعاً ارسلت لها وقلت انتي الي بديتي وانتي وانتي بعدها ارسلت لي وقالت انها كانت تعبانه واني انا ما حس فيها انا ما احس بالله هذا كلام وانا كم مره اجي البيت واكون تعبان من الشغل واحصلها تعبانه ولا انام و اغالب نومي لين اشوفها نامت وتأكد من الشي هذا بعدين انوم وتقول ما تحس فيني طبعا مارديت عليها ارسلت لي رساله ثانيه تقول ترى راح تتعب ظهرك وترى تصرفك يزيد البعد بينا وانا برضوه تاركها ولا رديت عليها وبشوف ايش نهايتها |
اقتباس:
انا عارف انها من الداخل تحترق لكن ذابحها المكابر و مسويه فيها عزه مع انها غلطانه قلت لها كم مره يابنت لا تخربين بيتك بيدك ترى الدلع الي انتي فيه كم وحده تتمناه بس بدون فايده تعقل كم يوم ثم ترجع ترز خشمها الله يصبرني عليها و رجع الأمور لمجاريها |
اخوووي سين سؤال :_ صارحتها ؟؟ناقشتها ؟؟؟ اتوقع هالزوجه يبي لها شوي منك شده بس مو تثقلها خخخخ اخاف تبيها من الله <<اتغشمر ان شاء الله تنام تصحى تحلصها تبجي قدامك تعتذر وتصير لك احسن من اللي تتمناه الله يسخرها لك ويسعدكم ويوفقكم ويا بعض |
اقل من سنه ؟ لساكم عرسان وهذي الفتره طبيعي تكثر المشادات والتوتر لسه ما تعودتوا على طباع بعض اتحملها الين ماتتعود علي طباعك وعلى حمل مسؤلية البيت ومافيها شي لو غسلت الملابس معها وساعدتها يمكن مضغوطه في شغل البيت وتنسى الغسيل ولا تشد عليها ولايحزنون البنت توها في بداية حياتها كل شي بالتفاهم وماله داعي يدخلو اهلها في الموضوع صدقني راح يأثر على مشاعرها نحوك نصيحه مشاكلكم خليها بينكم وشغل البيت كمان خليه بالمساعده وملاحظه بسيطه اسألها وش تحب فيك وش تكره يمكن هذا السؤال يبينلك هيه ليه تعاملك كذا يمكن فيك شي مضايقها والله يصلح الحال |
سؤال هل هي حامل؟تتوحم لانه الحمل يعكر المزاج ويخليها مذبذبه 00لاكن خلك على هجرانك لانه النتيجه راح تكون في صالحك وراح تتوب00الله يجمع شملكم00
|
اقتباس:
وكنت اقول لها وانا هادي و اضحك عشان تتنبه للشي الي تسويه حتى في هذي المشكلة قلتلها بس اهي مكابره دعوووووووووووووووووووواتكم |
اقتباس:
سويت لها كل شي لكن دون فايده والله اني اسويه بكل روحه طيبه بس ما يملا عينها شي نشوف الهجر ايش يسوي ولا الباب يوسع جمل احس نفسي طابت منها |
تعرف وين المشكله كل واحد يبغى الثاني يعتذرله وكل واحد شايف نفسه صح والثاني غلطان ياخوي الله يسعد ايامك طالما انت الكبير خلك دايم كبير ولاتنتظر منها شي وانا على فكره كنت مثلها واردى السنه الاولى من زواجي كأنك تتكلم علي بس والله يكون السبب من زوجي في تصرفات تكون تافهه في نظره بس تأثر فيني وتخليني اعاند وترى اسلوب التهديد انك بتتغير يزيد الطينه بله لان زوجي كان يقولي نفس الكلام كنت ازيد عناد واعتبره يذلني بتهديده يمكن قلة عقل بس هذي مشاعر غصب عني احس فيها والحمدلله الحين كملت خمس سنوات زواج من افضل واسعد مايكون ولله الحمد انا تغيرت للافضل وزوجي عرف كيف يغيرني بدون تهديدات وتبي نصيحتي عن تجربه هي تستنى منك اي مبادره بدون اعتذار ارسلها اليوم احبك وحشتيني وانتي ؟؟ مثلا وانتظر ردها ياحتجيك ياحتراسلك واذا راسلتك روح طيح الحطب يارجال ولاتضيع احلى سنه في الزواج السنه الاولى واذا سويت هذا كله ومافي فايده انا اللي بقاطعها معاك خخخخخخخخخخ وش دخلني مدري هذا مقطع لعايض القرني طريف حيفيدك ارجو من المنتدى ان لا يحذفوه http://quietube.com/v.php/http:/www....?v=iNaihaNA7sc |
يارجل أول خمس سنوات من الزواج تعارف,والخمس سنوات الثانية تآلف,والخمس سنوات الثالثة تكاتف..
وأنت سنة ماكملتها تقول خابزها وعاجنها:d |
اقتباس:
واكيد كل ماشافت منك ردة فعل غير متوقعة عندها راح يخف عنادها شوي شوي لا تنسى تخبرنا بكل جديد وكل ردة فعل منها بعد تغيرك الله يجعل حبك في قلبها ويهديها ويصلحها |
عجبتني ردود شيماء الروعة
|
شوف اخوي اليك الحل الفعال والمجرب
>>>> ماسوالها شئ زوجها استمر بالهجر والهجر بالكلام ايضا اذا جيت من الدوام قول لها اليوم انا معزوم جهزي لي لبس واذا انها ماتجهز اللبس قول لها بوديك لهلك واذا جاء المغرب ادخل تسبح واكشخ على سنقة عشره وتزبط وتعطر من احسن عطورك وترى لبس الثياب تقهر المره اكثر لانها رزه وغن واذا انك ماتغني ردد لك كذا كم بيت غزل وحب واذا سالتك على وين قول بروح لواحد ماتعرفينه وخلك مسرح اذا كنت معها وسو نفسك كانك تتبسم و اذا شافتك علطول وخر الابتسامه>>>ام التعبير واحلى لو يكون يوم اربعاء ولا خميس ولا تكلمها ابد واعقد الحواجب والله سواها فيني زوجي ياتنكدت وحالتي حاله وبغيت اقعد ببيت اهلي بس اشوى اني عقلت وبعدها تببببببت لاني كنت ازعل عالصغيره والكبيره ومتابعين لموضوعك والله يسهل امرك ويسخرها لك |
وش صار لمشكلتك لعلها تغيرت ؟؟
يااخي اجلس معها وحط النقاط علئ الحروف ...هددها اذا ماتغيرت !! يااخي الهجر الئ متئ ..؟ قؤل لها هذا اخر تحذير لك !! لابيت وسخ لامشاعر انتي زوجه ظاهريا وبس اما امامي لاتمتلكين صفات زوجه تحب زوجها ابدا الي تحب زوجها تهتم بلبيت يجيء ورائحة البيت زكيه والملابس مغسؤله وانتي متزينه وتستقبليني !!! انتي لاتحبيني ابدا!! ولو انك تحبيني كان اولا اهتميتي بي وببيتك وتعترفين بخطئك ولا ترضين انام وانا غاضب عليك !!! اذا تحبيني وتقدريني كزوج لك من بكره تتغيرين باسلؤبكك معي وتغيرين اسلؤبك من الاهمال الئ الاهتمام بي وبؤاجباتك من ناحيتي وروح وكبر مخدتك ونام بعيد عنها ,,وشؤف من بكره تغيرت ولا باقي وقوم قول لها اذا لم تجد اي مباله لك او اهتمام واعتذار منهها قول لها قومي اؤديك لمكان ....................! بتقؤل وين قؤل لبيت اهلك ماعد ينفع الكلام معك نصحنا بلتلميح مافاد نصحنا صريح مانفع ناقشناك بلاهمال بي وبواجباتك المنزليه مانفع نصحناك بلاعتذار مني وقت الخطاء لم ينفع مالك الا بيت اهلك ........... يلله قؤمي يللله ................. قؤلها وانت خلاص واضح عليك انك جاد وشوف وش بيصير لها ..... ان راحت لاهلها فعلئ طول كلم ابؤها وامها بلاخص لاجل تنصح بنتها ........ قؤل انا من زممااااااااااااااااان وانا انصحها لكن مانفع وانا شاري حياتي معها كم مره تغلط علي ولا تعتذر ..............! كم مره انام بعيد عنها لتاديبها لاجل تتعدل مانفع ! كم مره اجيء لابيت نظيف ولا اهتمام بغسل ملابسي !! انا ليش طيب تزوجت الا احس باستقرار وزوجه تقدرني فاتمنئ ان تجدوا حل مع هلبنت !!! وصدقني انهم بيعقلونها .... وش رايك برئييء...ودي تنفذ !الئمتئ الهجروهي مانفع معها لاهجر ولا نصح .... |
في البدايه احب ان اشكر كل الاخوان والاخوات الي شاركوني همي سواء الي رديت على مشاركاتهم او لم ارد
لكن يعلم الله اني قريت ردودكم حرف حرف يعني لا احد يزعل علي اني ما رديت عليه من بعد الردود رقم22 الوضع تغير بالمره فيه شي بس بشير له وهو ان قبل الزعل كنت قايل لها ان البيت يبي تنظيف و و و اهي ما قصرت قامت بالواجب و خلت البيت يلق طبعاً مثل ماقلت ما تنظف إلا لما اقول لها نادر ما تنظف بدون ما اقول لها المستجدات طبعاً رجعت البارح للبيت وكنت قبل لا اطلع قالت انها بسوي شي وانا هددتها لو سوته ماراح يحصل لها طيب رجعت للبيت و الحمدلله ما سويت الي في راسها دخلت انام طبعاً هاجرها في الفراش الا اتصال منها قلت وش تبي رديت نعم قالت تبي شي وبكل هدوء قلت لا انا استغربت وش السالفه المهم توني نايم الا اسمع الباب يفتح علي و تناديني و بهبال انت نمت >> هبال يعني دلعها جات وراي قم ماني قايم قم ماني قايم اطلعي وخليني انوم المهم منا منا رفضت تطلع الا وانا معها قالت انت نم في الغرفه وانا انام برى بس بس والله ما تنام اليوم هنا تناقشت معها على خفيف وقالت انها تعبانه وانها وانها المهم قلت روحي واجي الغرفه جيت الغرفه هنا الكلام الي يبين كذبها من جد والله من جد وانها خلاص ما تقوى الهجر قالت انت بطريقتك هذي قسيت علي كثير وانا كنت والله تعبانه قلت لو شرحتي لي السبب كان عايدي وانتي تعرفني من انا واني اقدر ولا ارضى شي يزعلك بعدها قلبت وقالت شف انا عارفه ان الحركه الي سويتها تبي تقهرني وانك وانك بس ترى عايدي انوم مثل امس لوحدي وترى الاسلوب هذا ما ينفع معي وترى حركتك تبين لي انك يعني تغيرت علي وانك مو الانسان الاول الحركات هذي مو علي >>>> شفتو كيف القلبه قالت انت قبل فتره كنت تصارخ علي ولا كنت اقول لك شي قلت انا الفتره هذيك كانت عندي ظروف وانتي عارفتها زين و اعصابي كانت محروقه على الاخر و كنت اجي انا تعبان واضحك معك واسهر وانا ما فيني حيل -- كان الظرف و التعب الي صار كله عشانها مو عشاني والله اسويه عشان المره هذي حاسبتيني اما انتي طول فتره الزواج الي سويتيه عايدي انا سويت لك كذا و كذا تنكرين قالت لا وانا كنت اشكرك >> مع ان شكرها كان قليل ياناس المهم الا تبي الحق معها انا بديت اطلع من طوري ومليت بجد قلت قدامك امرين نفتح صفحه جديده ولا ننهي الموضوع قالت اي موضوع ؟ قالت انتي فاهمه انا خلاص مليت صارت تضحك من الكلام يعني ما صدقت اني انا اقوله >>> طبعاً ضحك ماهو فرح ضحك الي ما يدري يبكي ولا وش يسوي بعمره قلت الدعوه جد واختاري قالت السبب هذا تافهم وش راح تقول للناس ان السبب كذا و كذا قلت في عينك صغير بس انا لا وانتي الخسرانه قلت لي من جدك تتكلم لا تستهبل انا ما كنت اتوقع انك كذا طبعاً ما رديت عليها بأي كلمه شوي اسمع صوت الصوت يرتفع الا هي تبكي بكى غير طبيعي خليها تبكي تبكي تبكي قمت سحبتها وانا على الفراش وعلى طول ارتمت على صدري وانواع البكى قسماً بالله اني دموعها بللت صدري قلت انتي طيبه بس مشكلتك العناد وصارت تضمني بقوه لو صدري ينفتح كانت فتحته و دخلت فيه وندمت اشد الندم المهم ان المياه رجعت لمجاريها وطبعاً هذا بفضل الله سبحانه و تعالى ثم بفضلكم و نصائحكم و دعواتكم لكم مني كل الحب و التقدير |
الحمدلله والله فرحتني ويااااااااارب يسعدكم ويخليكم لبعض ويبعد عنكم الزعل ويرزقكم الذريه الصالحه
بس تكفى انسى ردي الاول لانك طالما رضيت عليها راح تحقد علي خخخخخ |
اقتباس:
لا و ش احقد عليك |
داخلة متأخرة ههههههههههه
اللهم لك الحمد والشكر فرحتنا كثير بأن المياه رجعت لمجاريها ونصيحتي لك ولها انتو لسه في بداية حياتكم يعني لا تستغربوا المشاكل البسيطة اللي تصير بينكم صدقوني لسه مااحد فيكم عارف الثاني صح مع العشرة والسنين والأطفال ان شاء الله بتعرفو بعض اكثر الله يسعدكم ويوفقكم ويبعد عنكم كل حاسد ويرزقكم الذرية الصالحة اللي تفرحكم |
كللللللللللللللللللللللللللللللللللولووووووووووووو وووووش هههههههههههههههه زغرررررررررررررررررررايط مدري زغارررررررريد ياحليهم كناررررررررررررررررررررررررررررري
يالى قلبها الصغنون انت خبل والله يبالك جلد ياعيوني هذي انثى بنوووووووووووووووته مو مثلنا جلوف ههههههههه يوووووووووبه عطني ريال ابي حلالالاوة هههههه بابي ابي حلاوة باي ابي فستان ههههههههه والله تجيبه لها غصب عنك لو تطر يا بعد راسي دلعها وابشر بالحبب ترى البنيات مسيكينات الله فيها وتحملها ولا تقسوو عليها واهم شي لاتبربر بمشاكلك عند هلك عندك شي تعال واكتبه هنه حن امك وابوك واخوانك بس تبي تتكلم تعال وقل الي بخاطرك ههههههههههه لو تبي للصبح فضفض |
كللللللللللللللللللللللللللللللللللللللللللللللللل لوش
مع اني والله العظيم اني بكيت والله بكيت بنهاية القصه رحمتها بنفس الوقت الي بكت فيه عيؤني خلاص كلها دموع في دموع الحمدلله ان الامور رجعت والله اني فرحت الله يسعدكم لبعض نصيحه اي مشكله تواجهكم حلوها بيؤمها لاتراكمونها وتبثؤنها بيؤم تتناقشؤا فيه وكله تجريح لبعض ....... الف حمد والف شكر لك يااااااااااااارب... |
الحمد الله يارب لك الحمد
الله يسعدكم ويهنيكم ببعض والله اني فرحت كثير وهي فعلا طيبة بس تدلع عليك ميخالف الله يخليك لها وتدلعها العمر كله ياجماعة عندي سؤال معلش لو طرحته بموضوع الاخ بس حابة اعرف شى الحرمة حلها هجر الفراش والتطنيش طيب الرجل وش عقابه اذا طنش زوجته ولا عطاها حقوقها ولا احترم نقاشها ولا حتى رحم دموعها؟ بالله عليكم جاوبوني |
اقتباس:
شاكر لك و على دعواتك |
اقتباس:
بس تبي حلاوه هههههههه الله يقطع شيطانك عقبال ما نفرح فيك شاكر لك اخي |
اقتباس:
الحمدلله الي جاب العواقب سليمه شاكر لك اختي و دعواتك لنا |
| الساعة الآن 07:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©