|
ساعدوني افكر اني اقتل ولدي (مستجدات بالرد 19)
السلام عليكم ورحمه الله وبركاته
[باقولكم قصتي من البدايه وبحاول اختصرها,, انااتزوجت قبل سنتين من ولد خالتي وماكنت اعرفه او اعرف اي شي عنه بس لاني ماكنت مفكره بالزواج كان تفكيري بدراستي وصديقاتي ووناستي ,,المهم امي واخوي كانو يمدحووووووووونه ويقولون انه عسل وحبوب ومجتهد وما عنده خرابيط المهم خالتي الي هي امه راعيت مشاااااكل ومعروفه بها الشي وكن هذا خطيبي يجي عندامي ويتشى من امه وينقل كلام امه وسبها وكرهها لنا,,انا ماكان هذا الشي عاجبني فيه لانه مهما يكون هذيلا اهله ب امي كانت قول مسكين يفضفض{[COLOR="MediumTurquoise"ولان اخوانه من قبل اذا تهاوشو مع امهم يرحون يشتكون لامي وامي تحاول تهديهم فما دققت بها الموضوع}[COLOR="Indigo" المهم بعد الزواج اكتشف انه بخييييييل ولا يحترم احد ولايحب الا نفسه لدرجة انه يقول انا اشتري لنفسي لو بالملاين بس لغيري لا!!ورب الكعبه ان راتبه فوق 12الف وانه لو عطاني 100 ريال يحاسبني عليها ..وش تبين فيها..وليش ماله داعي وبالاخير اذا وقغ عند بقاله اخذها مني..!! وغير هذا انا والله الحمد جميله جداااااااااااااااااااااااااااااا وربي ماعمره قالي كلمه حلوة ولادلعني حتى المطاعم ماروح الها وطول مد زواجي اهلي مادخلو بيتي الامره وحده بده زواجي بالعيد وتخيلو يابنات ابوي وامي واخواني جالسين عندنل بعد صلاه العشاء وهو عااااااااااااادي جالس بلبجامه وهو محترمهم ويطلع فيهم ويقول تبوووووون عشاء..!! وربي مادري شلون كنت صابره وساكته..مستحيل يمر يمو بدون مشاكل..وللمعلوميه انا جلست معاه تقريبا 3شهور وانا بنت لان يقول انا عندي دوام ومشغول !!! ومع هذا ماقلت لحد عارفه اني غلطانه بس مابي اشيل اهلي هموم ..ماهم ناقصين وبعد 9شهور حملت..امي كانت فرحانه اكثر مني تقول يمكن تخلص المشاكل.. المهم وانا بتهاية الشهر 8قلت لي الدكتوره لازم تولدين اول يوم بلتاسع .واناكنت مرررررررررررررررررررررررررره خايفه وبس ابكي فطلبت منه اولد بمسشفى خاص عان ابره الظهر.. فالبدايه رفض وبعد بكااااااااا ومحالات وافقوانت تكلفه الولاده 5الالف والابره الاف.. رحت الصباح للمستشفى انا وهو وامي والله تمنيت اموت والا امي تنحط بها الموقف كل ما قالت كلمه كذبها وتطنز عليه لين دخنا الغرفه وعطوني طل صناعي ومررره تعبت وابكي من الالام و واهو يقول اكيدتبين ابره ظهر تراها بالاف!! مااااااااحس فيني ولا قدر امي تقولي اقرائي الزلزله واهو يقول ..وش زلزلته لالالا ماعنهدها سالفه ؟؟ وقول لامي تراها هذي الاجهزه من اختراع اليهود ليش بنتك تاخذها وانتو ماتحبون اليهود؟؟ والله كنت ابكي من القهر مو من الالام.. لدرجه كل ادكتورات عندي واقسم بجلال الله ان حتى ابره الظهر مانفعت معاي ..لان نفسه فيها.. ولدت تقريبا الساعه الصباح ولما ج الساعه 4 العصر جاعندي ابوي وخواتي واخواني وحريمهم ..والله ما جلسو 5دقايق الا هو يدق الباب يقول ابي ادخل وللمعلوميه هو كان برى مع اخواني..تخيلو دف الباب ودخل وقال هذي الغرفه بفلوسي وهذي زوجتي!! اخوي هدى الوضع اهو زعل وطلع وارسل لامي رساله طوووووويله معناها ليش تجون انتم ضيوف!! عاد امي كانت مجهزتله الغرفه داخل البيت عندي عشان اذا يبي ينام بس اخوان وابوي رفضو قالو يقعد بالصاله او بغرقه الاستقبال عندي ,, المهم باختصار هو قال لامه عن الموضوع امه انبسطت انه فيه مشكله صايره واوقفت معه وبينت له انه مسكيييييييييييييييين وانا واهلي الشريييييرين..وهو صار بس ينكد علي وانا بالنفاسي وسافر ------ وانا مادري ويرسلي انا جالس اسوي مساج وحجامه ومبسوووووووووط بس يبي يقهرني ..لمهم امي قالت عادي ازعلي شوي وارضي عشان الولد..وقعدت عند اهلي شهرين لان يقول اجلسي عادي وتهاوشت معه وغصب رجعت بيتي,, والله ماجلست الا3 اسابيع وقلتله ابي نسوي تميمه للولد زعل وقال ماعندي فلووووس انا سكت وبعد يومين قالي بسافر -------- عندي شغل وهو كذااااااب ماعنده شي,, المهم حطني عند اهلي باليل وسافر الظهر بدون حتى مايودعني او يعطيني مصروف واتصلت عليه المغرب لقيته مقفل وبعد دقيقه هو يتصل قال وصلت وعد اكر من اسبوعين ما اتل ولا سال.. انا رحت بيتي واخذت ملابسي وربي ماشلت ولاشي من اغراض البيت وبعد شهر اتصل عليه ابو يبي يشوف وش سالفته قال لابوي انا لي اسبوعين واصل وانتم مانتو رجال ليش بنتكم تاخذ ملابسها.. المهم انا الحين لي 6شهور عند اهلي وهو ماسال لاعني ولا عن اولده وابوي ذا كلم ابوه يقول ابوه امه هي السبب انا مالي دخل فيه ..!! واخرها قبل 3ايام تصل ابوي على ابوه قال انا ماااالي دخل خلوها تتصل عليه تعتذر منه ؟!!! وربي ان حرارتي 40 من كثر ماضاق صدري وبكيت انا وش سويت غشان اعتذر انا اصلا خلالالالالاص مابيه ابي اتطلق ,.,تعبت نفسيتي وربي افكر اموت ولدي وانتحر عشاااااااان ارتاح.. سووري طولت عليكم بس وربي ان هذا الكلام نقطه ببحر من الي صار,, تكفووووووون لاتركوني ساعدوني انتظر ردودكم.. |
مرررررررره سوري الكلا م مو مرتب وحووسه
لاني تعبااااااااااااااااااااااااانه وتوي جاييه من المستشفى وابي انام تكفووووون ساعدوني او عطوني رقم مستشاار الله لايوريكم مكروه بعزيز |
نقل الموضوع الى مكاته الاتسب....الاشراف
|
اختى ربى معكى ولكن؟؟؟
ولكن انتى الان معك منه طفل اهدئى اختى وحاولى تكسبيه لصفك ان كيدهن عظيم وهو اب لطفل حسسيه بابنه حببيه فيه معلشى اختى تعالى على نفسك اعتزرى جربى معه عده محاولات حتى تكونى عملتى معاه كل ما استطعتى عليه ولا تندمى على تركه ولا تجعلى خيار الطلاق اول الخيارات صدقينى اختى ده اسوا اختيا انا مريت بنفس هذه التجربه ولا يجنى ثمارها الا الاولاد حاولى تانى وثالث وعاشر معاه تعالى على نفسك وجربى ان كيهن عظيم :11:حببيه فى طفله اربطيه بيه خليه يشيله:15: يلاعبه وربنا يارب يهديهولك ويباركلك فى ابنك ويجعله زريه صالحه ويكون سند ليكى
|
الطفل يا أختي الكريمة ما له ذنب
أتمنى ما نحط شي في بالنا اسمه قتل لأنه حرام وكبيرة (ولا تقتلوا النفس التي حرم الله إلا بالحق) مقدرين يا أختي زعلك من تصرفات زوجك وسلوكه لكن هذا الزعل ما يجيب نتيجه بل يضر نفسيتنا نلجأ إلى الله بالدعاء لأنه القادر على كل شيء ادعي يا رب اهديني واهد زوجي يا سميع الدعاء بإلحاح ثم استشيري مستشار أسري والله يصلحكم ويصلح حالكم |
الدكتور السبيعي له موقع ابحثي عنه في قوقل ممتاز للأستشارات الاسريه
|
بالعكس ، ولدك لازم تحبيه لإنه منك
لا تفكري في زوجك دحين و لا تحطي شئ في بالك ارتاحي و خذي إنت فلوس من جيبه بعد كذا ، و تفتكري القصة عن المرأة اللي سألت الرسول صلى الله عليه و سلم إنه زوجها بخيل و كذا بما معناه ، فإنت خذي من زوجك و مو لازم تقولي له دامه بخيل |
حبيت ادخل وادعى لك
|
مشكوووووووووووووووووووورين عالمرور
بلييز حطو نفسكم مكاني وش بتسوون..؟؟ وهو حتى كرت العائله والبسبور حقي مو راضي يجيبه ,,احيانا احس انه مريض نفسي,, انا بصراحه تعبت وربي حتى التفكييييييييير موقادره افكر,, صرت احس اني بحلم وان الي صارلي كله من سنتين,,حللللللللللللللللم فكرت اروح ارفع قضيه طلاق او اروح حقوق الانسان,, للمعلوميه ترى انا تخصصي علم نفس بس وربي ماعرفت اتصرف واساعد نفسي,, لاتحرموني من دعوااااتكم |
أقول و بالله التوفيق ،،
أنت بحاجه الى استعادة نفسك أولا ،، ، ، ،،، فاتقي الله عز وجل ... ثم احرصي على أن تبعدي عنك كل الوساوس التي فيها انتحار و قتل .. فأنت لم تبذلي ولا حتى الشيء البسيط للحل .. فكيف تفكرين بحل فيه خساره الدنيا و الأخره و العياذ بالله !! .. !! انصحك بالاتي : أن تحافظي على الصلوات و الذكر و الاستغفار و الدعاء .. وانصحك ان تكوني على وضوء دائم حتى لا يوسوس إليك ابليس و العياذ بالله ... كما انصحك بالاستقرار النفسي .. فأنت عندك ولدك - ماشاء الله - وعندك والدك ووالدتك و أخوتك و أخوانك .. فلتسعدي بالحياه ولا تفكري بالشقاء .. وبالنسبة لزوجك دعي الرجال يتصرفون معه .. ولا تكثروا عليه الاتصال و نحوه .. فهو الذي يجب ان يتصل و يسأل و يدفع نفقه لك و لأبنه .. لذا دعي المور لله عز وجل ثم للرجال .. لا تفكري فيه حتى لا تحسي بالضيق .. عيشي حياتك و اسعدي بأبنك و تربيته ... وزوجك سيمل و سيتصل و سيحاول ارجاعك .. أن شاء الله .. عندها عليك بالاجتماع معه مع والدك و والده ورجل رشيد عاقل من أهلك و أهله من محارمك.. ثم ضعي شروطك كامله و اجعليه يقبل بها عند الرجال .. بعدها اذا رجعتي .. فتكيفي مع الوضع قدر استطاعتك .. فالبخل ليس له حل .. لأن البخيل محروم يجمع المال لغيره .. أما أن كان يجمعه و ينفده على نفسه و يترك أهله فهذا أناني يمكن حل مشكلته .. بالصبر و الحلم .. أعانك الله و أصلح شأنك ،،، |
عزيزتي:
في دكتوره أسمها ناعمه الهاشمي صراحه أنا قرأت لها مشاكل حلتها وكان حلها عين الصواب من كلام الأخوات في الموقع أرسلي لها مشكلتك وإن شاء الله تساعدك وضعك جدا حساس وما أتوقغ تلقين حل مناسب الا من مختص أسأل الذي لا تنام عينه يفرج همك ويشرح صدرك ولا تنسي ولا تنسي ولا تنسي الرحمان الرحيم سبحانه جل في علاه وتعوذي به من الشيطان الرجيم |
اخوي السيف المهند..
كلامك درر,, معاك حق انا محتاجه استعيد نفسي,,لانه حطم كل شي فيني,, جزاك الله الف خييييييييييييييييييييير |
دفنيني بحنانك,,
مشكوووووووووره حبيبتي ,,بس شلون اوصالها انا حاااااااااااااولت كثير بس مالقيت لها رقم او ايميل,, بليز اذا عندك ارسليلي ,,الله يعطيك العافيه |
اقتباس:
أتمنى أساعدك من كل قلبي الله ييسر لك أمرك تحياتي لك |
الله يفرج همك
كل المشاكل تبدأ كبيرة وتصغير حبيبتي استعيني بالله واستغفري ربك لا تيأسي |
لااختي وش ها الكلام تذبحي ولدك وتنتحري عشاان منو عشان ها البخيل <<امحق تواسيها خبرتها ههه
اختي تعوذي من الشيطان وفكري بعقل ولايأثر ها الشي على صحتك كثر الهموم تجيب الامراض حاولي تدقي عليه او ترسلي له مسج وتتفاهمي معاه على كل شي وتبدون صفحه جديده الله يكون بعونك ويفرج همك ويسعد قلبك |
هلا حبيبتي تشكي و ان ابكي
اول شي اريد ان اقول لك بان الطفل الذي حملتيه وهن على وهن من وحام و تعب وولادة اخر شي تريدين تتخلصين منه واهوة طالع منج قطعة منج انا اللي اتوقعه ان في ناس و العلم عند الله يشوشونة ضدج و يشوهون سمعتج عنده او ان الرجال في بنت لاعبة بعقله هذي احتمالات على تغيير الزوج على زوجته او ممكن مستاء من تصرفاتج معاه من غير ما تحسين |
حبيبتي انتي
احمدي الله ان رزقك اجمل نعمه بالكون وهو طفلك ربي يخليه ويحفظه كيف تفكري مجرد تفكير انك تقولين نفسي اقتل ولدي لاحول والاقوة الابالله يالغاليه قووووووووووووي ايمانك بالله كوني مع الله دوما يكون معك في كل وقت وحين خلاص زوجك مو كويس مو راضي يتعدل مو معناتها انه الدنيا وقفت وخلاص على هذا الادمي عندك ولدك امك ابوك اهلك حياتك مستقبلك الله خلقنا للعبادة والطاعه مو اذا خرب شي بحياتنا قلنا خلاص بننتحر ونخسر الدنيا والاخرة ياكثر البنات الى اعرفهم يجيبون ولد ويطلقون وعايشات احسن عيشه ويقولن الحمدلله والله اننا بنعمه تحسدنا عليها المتزوجات احمدي الله واكثري من الدعاء له بالهدايه ولابنك بالصلاح وانك تشوفينه عريس وديم كرري يامثبت القلوب ثيت قلبي على دينك |
غموض السنين,, رواء الايمان,,مش مجرد كلام,,دفيني بحنلنك,,
الله يعطيكم العافييييييييييييييييييييه على هالمرور ولاتنسون من دعوتكم,, ويا اخت ايه الهدى وربي اني مخليته مللك دلع واسلوب حلو والبيت زي الورده ومااااااااااافيه شي ناقصه بس هو يبي ياخذ ومايعطي والله ان الايام الحلوه تنعد على اصابع اليد الواحده..!! لدرجه والله ماعنده اصدقاء لان اسلوبه مع الناس كلهم كذا ومايمشي معه الا الي مثله ..!! يعني حتى خالتي الي هي امه مثثثثثثثثثثثثثثل اسلوبه والله انها قبل زواجي بيوم تتصل على امي وتقول هذا,,"زنوه,,و........و.........." مع حترامي لكم والله انها تتكلم بشرفه ..!!وعاااااااااااااااااادي عنده ياخواتي انا احس انه ابتلاء يعني في ناس الله يبلاهم بمرض بشلل بسرطان بعمى,, وانا الله بلانييييييييييي فيه بلوه!! الله ياخذ حقي منه وينصرن علييييييييه قولو آآآآميييييييييييين |
انتي الان خفيفه ماعليك الاولد مارايح يتعبك ولا يتعب اهله وزوجك دليلي عليه شي واحد (كيف يترك ابنه سته شهور مايشوفه ولا يسال عليه )لوكان بيني وبين زوجتي اكبر مشكله ابني لن اتركه
اتركيه دام هذا طبعه |
اخوي معاصر,,الله ينور دربك
طيب قلي وش ازين ابوه يقول مالي دخل روحو تفاهمو معه هذا رجال وبنتكم لازم تعتذر منه..!! "هو عمره33 وانا 20" وامه مهيب صاحيه وتحب المشاكل ,, وش رايكم اروح للمحكمه واطلب الطلاق,,والاوش ازيييييييييين اخاف المحكمه تماطل وتطول الاجرءات واخاف يبين ارجع المهر واخاف ياخذ ولدي.. ورب خايفه من كل شي بالدنيا |
امممممممممممممم
بصراحه ما ادري وش اقول لك لو انا مكانك بصراحه افكر بولدي يعني احاول ارجع له بس بطريقة ماتذلني او تهينني لان الولد اذا كبر يحتاج لابوه اكثر من امه وبعدين خافي الله في ولدك وش تذبحينه عشان سوالف ابوه وش ذنبه هوووو اذا ماتبيه ليش حملتي اصلا ربي رزقك هالعطيه شنو تذبحينها وتسلبين روحه بدون اي حق بس لان ابوه شين معاك افضل تخلين ولدك عند امك هاليومين لاتسوين فيه شي خافي الله ربي رزقك وغيرك يتمنى هالرزق يوصله وينتظر له سنوات طويله عشان يسمع خبر مبروك جاك بيبي |
اختي ممكن اسألك كيف علاقتك زوجك مع الله
يصلي يصوم يزكى ؟؟؟؟ |
عاشقه عيونه..
لا والله صلاته بالبيت وعاااااااادي عنده يجمع كل الصلاوات بوقت واحد ومستحيل يروح للمسجد على الرغم من انه المسجد قدامنا..!! يصوم ..بس مايزكي لا يضحي.. يقولي خلي ابوك يزكي ويضحي عنك..!!!! |
يمكن بعدده عن الله السبب في مشاكلكم
ما بقدر اقولكك غير الله يهيديه ويعينك يا رب |
شوفي ياحبيبتي طبعا انا اخاطبك على اساس اني اخوك الكبير , وعندي لك سؤال واحد . لماذا شُـــرع الطلاق ؟ ومتى يكون الطلاق حل ؟ اسالك بالله عاد هذي حياة , وبعدين بالنسبه لولدك ماله شغل بالموضوع انتي امه ومسؤله عنه حتى انتهاء فترة حضانته . ومثل هالاباء الطفل لو تكلم قال انا وش جابني لهلعله البخيل استغفر الله العظيم . اعتذر لك اختي لغلاظتي بالحديث . ولكن الزبده عندك ..... اذا انتي شايفه الرجل مافيه حل لاصلاحه ...لاوالله الاالله يستر عليه .اتركيه .وعسى الله يعوضك بخير منه واعتبريها تجربه ومرة ,بكل تفاصيلها المريره . |
الله يفرج همك .... عليك بسهام الليل ..
والله مدري ايش اقول كسرتي خاطري الله يجبر قلبك امييييييييييين |
مشكوريييييييييييييييييييييييييييييين على تفاعلكم معي,,,
الله لايحرمني منكم ,,جميعا باذن الله ابشركم اذا تحسنت الامور بس لاتنسوني من دعوااااااااااااتكم ,, الله يعطيكم العافيه |
حبيبتي والله انقهرت عليك من مشكلتك..
انت بعدك صغيرة باحلى عمر و ولدك مع انو نونو بس يحس بامه و نفسيتك تاثر عليه.. اسمعيني يا قلبي..استخيري و ادعي قبل الفجر و اعميلي عمره و ادعي و الله اكيد حيوقف معك.. و بنظري الطلاق انسب شي لك و له و البيبي هو ما بيستاهلك..ويللي ما يخاف الله..الله ما بوفقو.. استخيري و ربي يهدي بالك.. روقي و توضي و انبسطي عند بيت اهلك..عيشي حياتك و انشالله يسير كل خير.. هوه اكيد قاعد مستانس و ناسيكم و مبسوط و يسافر و ولا عباله حد منكم.. و انت بتبكي و تعبانة و حالتك حالة.. خللي الفلوس تنفعو!!!! حسبي الله عليه حسبي الله عليه حسبي الله عليه |
Iuv-kiis
الله يعطيك العافيه,,اي والله انك صادقه اذا تضايقت وبكيت ,,يكون البيبي مثلي بس يبكي,,!! واقسم بالله العلي العظيم ان كلامكم ريحنيييييييييييييييييي كثيييييييييييييييييييييييييييييير اسال الله ان يفرج همومكم جميعا ومايسلط عليكم بذنوبكم من لايخافه فيكم ياااااااااااااارب ويرزقنا وياكم جنات النعيم.. |
غاليتي .. ربي يفك كربتك و يفرج همك و يكتب لك و لولدك الخير يااارب ...
حبيبتي ..اعطي لنفسك فرصة نقاهه .. انتي الحين بعيد عنه بيبت اهلك و مايسال عنك ولا عن ولده صح .. خلاص انتو كمان طنشوه فترة.. بهذه الفترة انسي المشاكل و الهم .. انسي زوجججججك بتاتا ... و فكري فقط بنفسك و ابنك .. ادي انه صعب ... بس دامه ما يسال احسن من لو كان عامل لكم مشاكل و ينط كل شوي لعندكم ..... اتفرغي لابنك .. افرغي حنانك و عاطفتك .. انسي مع ابنك اي هم .. ولدك جزء منك و لك فيه اكثر من زوجك.. تذكري انه جلس داخلك 9 اشهر يتغذى منك ... بس اتفرجي على وجهه البريء .. بالله مو يستاهل كل الحب و الحنان الان بعيد عن اي مشاكل .. بهذه االفترة و انت بعيدة عن زوجك .. اختبري نفسك هل بتحني له .. هل باقيه عليه هل بتقدري تستمري ؟؟ هل عندك القدرة و الصبر لاصلاحه مثلا ؟؟؟ طبعا قرري بعد فترة من الان لما تكون نفسيتك مستقرة و هادية ثانيا .. خلال فترة الانقطاع هذه كمان بتعطي زوجك فرصة انه يفكر و يشوف حياته بدونكم هل بيحن لك لابنه و لا لا ؟؟ المهم انكم ابدا ما تتواصلوا لا معاه و لا مع اهله .. لا تذكروات له سيرة رجعة و لا طلاق .. اذا راجع اوراقه و اموره و حس بقيمتكم و جاء .. ساعتها حطي شروطك و يصير خير اما اذا هو مطنش و انت خلاص ماعاد تبيه ( بعيد عن اي ضغوطات و تدخلات )). ساعتها اما توسطين حد عاقل يحترموه الطرفين و يقدروه و يروح لعند زوجك و يبلغه رسالتك بطب الطلاق .. و اذا ما رضي شوفي طريق المحكمة .. بس من الحين لذاك الوقت .. لا تستعجلي الامور و اعطي نفسك و زوجك فرصة .. وريحي بالك من الهموم و المشاكل .. كثر التفكير و القلق ما بيفيدك و لا بيحل اي موضوع الله يكتب لك اللي فيه الخير يارب.. و الله الله بولدك .. هذا اللي فعلا بيكون سندك ان شاء الله |
بموووووووووووووت من القهر..!!!
والله اني اكتب ويديني ترتجف من القهر..
انا قايلتلكم قصتي مع زوجي واني الحين عند اهلي من6 شهور وهو ماساااااااال عني ولا عن ولدي,,!!!!!! تخيلو طلعت اليوم السوق مع اخواني 2 صغار واحد 6ابتدائي وواحد اول ابتدائي,, ونزلو عند السوبرماركت مع السواق وبقيت انا وامي ,,ويوم قربو عند الباب طلع زوجي من السوبر ماركت وقام اخوي الي باول ابتدائي مديده يبي يسلم عليه ,,تخيلو وش سوى الحقير طالع فيه وقعد يضحك وطنشه وطلع,,!!!! هذا غير انه كان شاري كل الي بالسوبر ماركت والله العظيم اني كنت اتمنى يجيبلي كولا بس يقول لا الكولا بريال ونص لازم نقاطعهم ,,واذا ابي شيبس يقول لايجيب امراض ,,!!!! حسبي الله عليه خوي نام وهو يبكي من القهر يقول ليش يسوي لي كذا الله لايسامحه,, |
قلبي تقطع على أخوك الصغير فديت قلبه ... ايش ذنبه هالطفل يتعامل معاه بهالأسلوب
=( زوجك للأسف مو كفو يكون زوج وأب .... سامحيني بس من جد نرفزني موقفه وأعتقد انك في نعمه لأنك في بيت أهلك مو معاه تخيلي لو يتعامل مع ولدكم بنفس الأسلوب .....!! والله انقهرت وياك مادري ايش أقولك غير الله يصبرك على بلواك ...... لا تأسفي عليه أبدا وأسأل الله يعوضك |
بسم الله عليك من القهر يالغالية
لاتحزني فديتك ربك كريم ولا تصيبك الحساسية الزايدة اتجاهه انا لا اعرف ايش نوع المشكلة الي بينكم لكن اقولك فوضي امرك لله واذا ماجاك واخذك من بيت اهلك طبعا لو انتي مظلومة لا تفكري فيه ولا تحزني على احد مايستاهل الحمد الله ان ربي انعم علينا بنعمة النسيان |
الله يعطيك العافيه ,,
اي والله اختي الحمد الله اني عند اهلي ,, |
ياصابره بدنيتي,,
انا الي قاهرني اول شي ,,اخوي باالله وش ذنبه عشان يسوي كذا,,!! وبعدين والله اني كنت محرومه من نزلت السوق او اني اشتري اي شي واذا هو كان جوعان ومافي شي بالبيت عشان اطبخ يروح للمطعم وياكل وانا لا..!! وعذره يقول جسمك حلو مابيك تسمنين وهو وزنه فوق 90,,!!! والله اني مضلومه ياختي معه,,وموضوعي كاتبته بهذا القسم شوفيه واحكمي.. الله لايوريك مكروه يااارب.. دعواتك.. |
الله يكون بعونك
والله حزنت كثيرعلى أخوك لايهمك هالبخيل عجزيشتري لك كولاوبيبسي وبعد يقول قاطعيهم مشان ريال ونص والله زوجك هذامهزله !! طنشي ألي باعك بارخيص بيعيه باتراب من زين طبايعه مشان تنقهرين والله واحد متل هيك مايستاهل تزعلي وتنقهري مشانه طنشي حبيبتي وأنسي تقبلي مروري |
اقتباس:
طيب حبيبتي وش الحل اقولك اطلقي منه ؟ احس انك مظلومة وان زوجك فيه انانية ماودي اكبر غبينتك زيادة لكن هل انتي تقدرين تتحملين ظلمه لك اكثر ؟ تقدرين تصبرين عشان ابنك ؟ جاوبيني حبيبتي حبيبتي لا تتوقعين انك انتي بس الي مظلومة لو اقولك اني توي داقة على السواق راح جاب لي عشا وزوجي ماهمه امري ولا همه تعشيت ولا مت ولا عشت وفوق كذا تزوجته متزوج وعنده اطفال وبيتي شبه فاضي من الاثاث وكل اغراضي الشخصية اشتريها لنفسي صبري ليس نقص مني لا والله بس ماودي اخذ قرار الا وانا قرفانة وانتي بكرامة عشان اذا تركته بتركه للابد بدون رجعة شوفي مصايب غيرك تهون عليك مصيبتك يوم ابي اكلمه يا يطلع من البيت يا ينام ويطنش او يرمي علي يمين الطلاق ويوم دخلت مستشفى وانهارت اعصابي قالي ماعندك سالفة تذبحين عمرك على شى مايسوي تخيلي هو اعترف على نفسه انه مايسوى وفعلا قلت مع نفسي ليش اضيع صحتي واهدر دموعي عليه وهو راح ينام وانا بالمستشفى حبيبتي اذا زوجك مايستاهل تنقهرين عليه لا تتعبي نفسك وخذي القرار الي انتي مقتنعة فيه بدون ضغط من احد واهم شى تستخيري قبل اتخاذ اي قرار شاوري ملك الملوك احيانا الطلاق يكون رحمة لبعض الحريم..كل الي اقوله لك اني راح ادعي لك بظهر الغيب ولو بيدي شى ثاني ماتاخر عليك ابد |
اميره بطبعي,,
صادقه والله اختي هذا انه مايستاهل احد يزعل عشانه,,بس انا زعلانه على نفسي,,الله يصبرني مشكوره حبيبتي |
صابره بدنيتي
اسال الله ان يفرج همي وهمك,, اكييييييد حبيبتي انا تقريبا قررت الطلاق لانه هذا انسان لايطاااااااااااق,, الله يعطيك العافيه ولاتنسيني من دعواتك |
| الساعة الآن 01:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©