|
وحنا في الملكه وطالبه الطلاق (مستجدات في الرد 235)
السلام عليكم
ما ودي اطول في الموضوع الموضوع ومافيه البنت طالبه الطلاق وانا مو مقصر معاها في شي ابدا ؟؟؟؟؟؟؟؟؟؟؟؟؟؟ والحمدالله ضيعت عقد ذهب وجبت لها بداله الماس .....! << قولوا ماشاءالله المهم توني طالع من عندها بعد غياب وانقطاع مفاجئ لمدة شهر كامل بدون سبب .... وانا من طلب المقابله بعد ما كلمت اهلها ولهم شهر يفهمنوني ان البنت جايها عين ................! تقول هي ما ابي اظلمك معي ... سألتها ليش قالت اني ما حبيتك بس ولا فيه اي سبب ثاني وجايتني واثقه من نفسها جدا وهي تتكلم جلست معها ساعه افهمها ان اللي تسويه غلط وانا احبها واموت فيها ولا اقدر اعيش من غيرها لكن البنت مصره على رايها ... وطالبه الطلاق سألتها قلت يمكن فيك شي ممكن يكون فيك عين قالت انا مافيني شي بس ابي الطلاق ما ادري وش السبب بالضبط وعطيتها مهله اسبوع تفكر وتروح لمطوعه لتقراء عليها 7 ايام بالتحديد الجمعه الجايه الوعد واقسم بالله اني محتار ومن اول ما ملكت وانا مش على بعضي ومفكر اطلقها طلقه وحده لين تنتهي المهله حللولكم ارائكم ؟ |
يؤ يؤ اذا هذا اولها ينعااف تاليهاا ..
ومقابلتك وبكل ثقه تطلب الطلاق طيب يوم هي عافتك ليه تتمخطر بطولهاا قدامك بصراحه حسيته لعب ودلع بنات ..:29: اهلها مدلعينهاا ومعطينهاا وجه .. يعني عافتك اكيد فيه اسبااب المفروض تقولها لاهلها.. وابوهاا يجي يوصلك .. اماتقابلك وتجلسوون سوالف هذي بالله غريبه ..:11: ع العموم انت رجال ومايعيبك شي يعني حتى لوطلقتها الف وحده تنتظرك وتتمناك :22: لكن هي المسكينه بالاول والاخير .. انت فكر بعقل !!!!!!!!!! وعلى اي اساااس حبيتهاا ومت فيها ؟؟؟؟؟؟؟ وكم لكم متملكين ؟؟؟؟؟؟ ذكرتني باخوي الله يصلح قلبه يقولنا تمقلو في البنت زين واوصفوها لي ترى لوتدخلوني ع اي وحده بخققق ع طوول واطيييح بحبهااا ههههههههه <<<<<عارفه موب وقت ضحك بس من باب تلطيف الجوو:d .. فكر وفكر وفكررر الف مرة واستخير رب العالمين ... ترى هذي حياة وعمر مو رحلة شهر وشهرين ودامك في اول الطريق .. والله يسر امرك ويكتب لك الخيررررررررة سواء معاها او مع غيرهاا .. |
اقتباس:
|
اقتباس:
ما وضحت وش سبب الإنقطاع المفاجئ ولمدة شهر ثم مادام أهلها جالسين يفهمونك أن فيها عين !!! هل يعني هذا لك ولهم الطلاق !!! تتعالج بالرقية وما تشوف إلا العافية...... عزوبي بس رجل |
لو في عين او اي شي يحتاج علاج اصبر تاخد فتره تتعالج مو اسبوع لاتظلمها خليك جنبها
|
.....................مع احتراااامي زووجتك لسى بزززر :25: وياقووي عينها مااقول غير الله يكتب لك اللي فيه الخير ........................... |
السلام عليكم راجع نفسك يا اخي مش معقول تطلب الطلاق لله في لله لكن انتو الرجال ما تشوفون اخطاءكم
|
اللي من اولها ينعاف تاليها
والله عجبتني هالبنت وفرت عليك بلاوي المهر وحفلة العرس وشهر العسل والتاثيث والايجار يارجل احمد ربك لو انت تزوجتها وخسرت مخاسير الدنيا وبعدها قالتلك طلقني يبقى الخازوق اللي مابعده خازوق طلق ابوها وفك عمرك واحمد ربك ان الكتاب بين من عنوانه . |
اقتباس:
سبحان الله!! يا أخي هداك الله .. لماذا البحث عن أسباب وحجج وافتراضات رغم أن السبب واضح؟!! البنت لم تحبك ... حقيقة قاسية .. ولكن لماذا ترفض فكرة أن هذه هي الحقيقة فقط وتقبلها كما هي؟! يعني هي لازم تحبك؟ يعني عشان أنت مب مقصر معها وجبت لها بدل الذهب ألماس فلازم تحبك؟ يعني عشان انت تحبها وتموت فيها ومب قادر تعيش من غيرها فلازم تحبك؟ أعتذر يا أخي .. ولكن الخطبة وعقد القران يفترض أن تكون فترة يتعرف فيها الشخص على الطرف الآخر ويحدد فيها مدى قبوله ومشاعره نحوه .. وهذا يعني إما أن يتقبله ويحبه وإما لا. أدرك أن الأمر قاسٍ ومؤلم ومحبط .. ولكن الأرواح جنود مجندة يا أخي ومشاعر الإنسان ليست بيده ولا يستطيع التحكم بها ويقرر أن يحب أو لا يحب ... وعليك أن تقبل هذه الحقيقة رغم قسوتها .. فهذا خير من أن تجاملك وتوهمك بمشاعر ليست حقيقية. |
حبيبي
من عافنا عفناه لوكان غالي طلقها ياخي الحين... احسن من الخساير.... وبعدين طلاق قالت انها ماحبتك.... تبيها تحبك غصب يعني ربيع النفس هواها مالها ذنب انك حبيتها... ومالها ذنب انها ماحبتك.. لاتبهذل نفسها وتذلها ... وتجبر انسانه تعيش معاك بالقوة ... صدقني رح تتبهذل طلقها والله يرزقك باحسن منها..... يمكن الطلاق خير لك عسى ان تكرهوا شيئاً وهو خير لكم |
اقتباس:
ليش عينها قويه .... لصراحتها ووضوحها يعني لازم تجبر نفسها على الزواج بالاكراه.... سبب انحراف اغلب الزوجات... هو جبرها على الزواج سبحان كلن بعقله راضي |
ينقل لمكانه الأنسب/قسم المقبلين على الزواج
|
الحب بالقوة ؟؟؟؟؟
اسنغرب من اللي هاجموها ؟؟؟؟؟؟ |
السلام عليكم ...
مع وضع رد الأخت مهرة في عين الإعتبار ... ولكن احتياطا .. في كون المسألة كما قال أهلها ... أتفق معهم على اعلان فسخ العقد ( اطلاق اشاعة يعني ) فربما تفك العين ان كانت كذلك .. ولا تنسى ان تستخير كل يوم ...فلها تأثير السحر وفقك الله ،،، |
اقتباس:
والله انا اتفق معك في كلامك واهلها شكلهم مدلعينها ومعطينها وجه استغررب ان اهلها كلهم يحبوني الا هي ومع اني مو مقصرررررررررررر |
اقتباس:
تغيرت 180 درجه |
اقتباس:
لا ما وضحت ولا شي ابدا انقطعة فجأه ومن ناحية انهم يفهموني انها عين ( يقولون ان فيها عين ) ولما قابلتها اشوفها قوية عين وقالت لي بكل صراحة انا ما استاهلك مدري ليش |
اقتباس:
يا خبر اليوم بفلوس وبكره ببلاش نبي نتأكد لو فيها عين ولا لا |
اقتباس:
والله ضحكت من كل قلبي وهذا اللي انا شايفه وما عرفت رجال يوقفها عند حدها |
اقتباس:
بالعكس انا خلصت كل شي من ناحية قصر وتأثيث وايجار وكل شي حتى شهر العسل حاجز الفندق وخسرنا وربك يعوض ولين اللحين نبي نتأكد فيها عين ولا فيها دلع بزارين |
اقتباس:
انا اتحداك بشهادة اهلها وشهادتها هي بنفسها ان ما فيني ولا عيب والحمدالله ممكن حاجات بسيطه وتتعدل |
اقتباس:
اخت مهره كلامك واضح ولكن فيه شوية تهجم ............! عندنا في السعوديه مافيه تعارف ما قبل الزواج عشان تقولين انها تحبني بين ليله وضحاها لكن انا فعلا احبها لأني حاط في بالي انها عروسي المستقبليه ومصلح البيت انا وياها وهي فصلة حتى فستان الزفاف وين تبي تروح كل هالخساير عشان كلمة بنت طايشه (ممكن تكون العين سبب في ذلك) مع انها كانت تقولي كلام يخق عليه كل من سمعه وفجأه وبدون سابق انذار تقول ما ابيه مو معقول كلامها اول تحب وللحين لا |
اقتباس:
شكل هذا اللي بيصير والله يعوضنا الهدايا بشكل يومي تجيها بس عشان نلين قلبها << وحتى يوم عرفت انها ما تبيني ارسلت باقة ورد وش كبرها |
اقتباس:
بس اذا جت وطلبت الطلاق بدون سبب وجيه تصير عينها قويه وبزر خلها تلقى عيب قبل وبعدين يصير خير |
اقتباس:
مو الحب بالقوه بس ما بعد عرفنا احد يحب احد قبل لا يعاشره حتى الشيخ يوم جيت اطلق قالي السبب قلت هي تبي قال وانت قلت لا قال اجل لا تطلق والموضوع كله بذره تبذرها ونبني مستقبلنا عليها خلهم يهاجمونها ويبردون قلبي شوي |
اقتباس:
رد االاخت مهره في محله لكن بدون ما ترفق الكلام اللي كاتبه انت يكون في غير محله حتى الشيخ يقول ابحث عن سبب مقنع لطلاقها الله يجزاك خير ويجزا جميع من شاركك برأيه |
اقتباس:
المعذرة يا أخي .. ليس القصد التهجم بكل تأكيد .. ولكن ربما صراحتي قاسية بعض الشيء. مسألة العين لا أعتمد عليها كثيراً في تفسير الأمور .. لأن الغالب في ظني أنها حجة أو شماعة يتحجج بها البعض ويعلق عليها سبب الفشل .... كلامي هذا ليس لك بل رداً على افتراض أهلها أنها مصابة بعين. أنا أدرك السائد في مجتمعاتنا .. وأدرك أنه في الغالب لا يوجد تعارف مسبق قبل الارتباط. في نفس الوقت أدرك أن كثيرين وكثيرات يعتقدون أن عقد القران هو عقد حب .. وأنه ما دام تم عقد القران فإن الحب يولد هكذا فجأة بقدرة قادر .. رغم أن واقع الحال هو أن الطرفان لم يعرفا بعضهما بشكل كاف حتى ينمو مثل هذا الحب بينهما. وغالب ظني أن هذا ما حدث معكما .. وغالب ظني أن خطيبتك لم ترغب في إكمال التمثيلية وآثرت الانسحاب قبل أن تقع الفاس في الراس. في كل الأحوال .. ما دامت تشعر بأنها لم تعد قادرة على الاستمرار .. بغض النظر عن صواب موقفها أو خطئه .. فليس من مصلحتكما إتمام الزواج. أما عن الخسائر المادية .. فأنا أتفهم ضيقك وغضبك .. وربما عليك أن تسوي هذه المسألة مع أهلها إن أصرت على الطلاق .. وما دامت لا ترغب في الاستمرار فعليها أن ترد لك ما تكبدته من خسائر. |
اقتباس:
لأنه داوا بعض الجروح والالام التي اتكبدها الان وبديت اقتنع ان الطلاق هو الحل الأنسب لطرفين تحيه طيبه |
لاحظت انك تتكلم عن الهدايا الثمينة جدا والمعاملة الرائعة بسألك انت تتكلم كده قدام احد
لو الاجابة نعم تقدر تقول وانت مطمن هذي عين سواء انت اللي تتكلم او هي كرهها المفاجئ بعد الحب الشديد شي غريب ماله تفسير السؤال التاني انت مازلت تبيها يعني لو تعدلت ناوي تستمر معاها ؟ ـــــــــ بكل صراحة |
يمكن صاير معها شي <<< ولا ودها بالفضيحة
|
يعينك الله مشكله هالزواج صاير بالغالب فيه طرف مغلوب عليه وطرف غالب بوصيك بدعاء انا لله وانا له راجعون اللهم اجرنى فى مصيبتى واخلفنى خيرا منها_وطالما انك كويس وامورك تمام مايه بنت تتمناك ويمكن لها اسبابها مانحكم عليهااكيد انها مودها بهالشى بس غصب عنهاحاول تكون متفهم ومستوعب,,,الله يفرجها على وعليك ويكتبلنا الخيرة ياااااااااااااااااااااااااااارب
|
اقتباس:
خاف الله ياشيخ تتحمل وزر البنت ليوم القيامة !!!? يمكن تكون اشرف وحدة تقوم تقذف فيها استغفر الله العظيييييييم من ناس ....... ??????? |
اقتباس:
هي اللي تتكلم قدام خوياتها وتوري خوياتها الهدايا اكيد ابيها لو ما ابيها كان ما فتحت مواضيع في كل مكان بس خايف بصراحه تكون سبب في انها تتعذر بالعين في كل موضوع وكل سالفه يعني يسبب لنا الموضوع هذا مشاكل بعدين كلامك رائع كروعتك |
اقتباس:
صدقيني اخت مها انا فكرت بالموضوع هذا بس ما اتوقع لأن البنت تخاف من ظلها |
اقتباس:
الله يجزاك خير وكلامك عين الصواب وجعل دنياك كلها سعاده |
اقتباس:
اتمنى اني اشوف لك مشاركات تخص الموضوع ما ابي منك انتقادات تبعد الناس عن الموضوع الاساسي لو سمحت ياليت تعطينا رايك ولا تقرا ردود غيرك وترد شكرا لك |
الان اصر على اهلها يعرضوها على شيخ وما عاد تتكلم ولا تبين هداياها لاحد لان العين حق ولو تعالجت ماراح تأثر عليها مستقبلا بإذن الله
|
اقتباس:
صاروا الاخوات مايوروا بعض ومو الصاحبات الله اعلم ايش في نفسيتهم لو استمريت معاها فهمها دي النقطه والله يكتبلكم مافيه الخييير |
اقتباس:
وهذا اللي صاير الان واليوم الحمدالله راحت للداعيه ام ايمن وفعلا اكدت الكلام ونسأل الله الصبر ونسأل لها الهدايه {بِسْمِ اللَّهِ الرَّحْمَـنِ الرَّحِيمِ } {قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ * وَمِن شَرِّ النَّفَّـثَـتِ فِى الْعُقَدِ * وَمِن شَرِّ حَاسِدٍ إِذَا حَسَدَ}. |
اقتباس:
وودي اللحين اسوي اي شي عشان ارجع الزمن خمس دقايق وراء لكن ما باليد حيله مشكوره اختي بنت مكه وجعل الله ايامك كلها سعاده |
| الساعة الآن 07:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©