|
اتمنى تعطوني خبراتكم في افضل طريقة لتوفير المال..!
السلام عليكم
اخباركم ان شاء الله بصحه وعافيه بصرحه ماعرفت اكتب موضوع للمضمون الي ابكتبه الان ..... الاهم انا وزوجي الله يسعده ....راتبه المالي يرؤح اغلبه علئ ماادري ايش!!! مع اني اكتب جدول بلاشياء الي كتبها ....لكن ابؤضح اكثر يعني هو يتقضئ مثلا هلاسبؤع 200 يجيء نص الاسبؤع القادم ونحتاج طلبات للمطبخ...قؤلؤا ب100 او اقل وبعدها بايام يجيب شيء ....... ومن غير سفرنا للرياض نحتاج صرفيه من بنزين واكل بلطريق وصرفيه عند الاهل يعني نخسر 300 او 400ريال يعني بلسبؤع يرؤح يتقضئ بلاسبؤع اكثر من مره يعني حنا نجمع فلؤس لكن المفرؤض اكثر من كذا يعني راتب زوجي 8000 الالاف لو اقؤل 200ريال صرفيه او 300 مطبخ كامله ومستلزمات ولدي وبنزين ماادري كم ؟؟ وضيؤف لان ماشاء الله ربؤع وخميس لازم احد يجيء وعشاء خفيف لكن من طلبات فواكه وغيرها 200 وغسيل سياره وصرفية سفر للرياض كل اسبؤعين او 3 اسابيع صرفيه 400 وغسيل درج المنزل 40 ريال واحيانا يفلها زوجي علئ مطعم 200 هذا الحد الاعلئ والمشكله اقؤل الشهر القادم نمسك اكثر من اراتب فسبحان الله يجيؤن ضيؤف جدد اول مره يجون بيتي فزوجي يجيب ذبيجه حول 1000 وشوي فتنضرب الميزانيه ..لكن الاهم نقوم بلؤاجب ....لكن انا ينحرق قلبي علئ الفلؤس الي تروح يؤميا بلريالات ونجيء اخر الشهر نلقاها يالالاف انقهر وحنا عائله صغيره مو كبيره انا وزوجي وولدي......... فياليت احد يعطيني حل ...او تجربه من حياته ..... ياليت ابي حل؟ وزوجي طبعا صرت انزل معه لبنده الله يهديه يشتري احيانا خراااااااابيط مثلا عجبه شيء من مكنسة او ادوات يشتريها لكن امس والله منعته !!قلت البيت عندي ياكثر المكانس... وجاء امس يقؤل ؤالله بغيت اتهور واشتري ساعد 1000 ريال اف قلت والي معك ب 500 وش فيها حبي؟؟! قال مافيها شيء لكن هذيك عجبتني ......يعني والله صرت انزل معه غالبا لاجل امسك يده عن شراء اشياء مالها داعي او اهميه ... تصدقون ان 4000 الالاف احيانا تروح باأسبؤع ....!!!!!!!!! وين والله يتقطع قلبي....... انا لي من العيد الماضي لم اطلب زوجي من الصرفيات الي بلالاف !!!انا معي فلؤس سابقا ونزلت مع اخواتي السؤق وبدون علمه شريت بلايز وتنانير ....طبعا استاذنت منه للخروج لكن ماقلت ابشتري تقطع قلبي ازيده هم فوق الصرفيات !!!!! وزعل يؤم درئ ؤراضيناه وانتهت المشكله ....! واذكر مره راح لمكان مااذكر وين!! قال تكفين تعالي معي اخاف اتهور واشتري ............!!! قلت ابشر ومن بعدها خلاص صرت اعرف ان طبعه يشري الاحلئ والافضل......لكن مع الايام انا عودته بطريقه حلوه شؤي شؤي نبي نجمع للمستقبل وووو.....الخ اقتنع والله وصار شؤي هو احرص مني بشؤي لانه شاف الفلؤس تروح هدر علئ خرااااااااااابيط...... الاهم عطوني جدول علئ راتبه ...اوو من تجاربكم انتم يانساء وياااااارجال ... ابي حل لتحكيم الصرفيه لانها في ارتفاع وتنازل ماضبطها صح.... فكرت انه اذا استلم الراتب يجيب لي مبلغ معين مثلا 500 لصرفية المطبخ ولولد والبيت كامل ...وانا احكم الصرفيه وش رايكم ..؟ |
أعطيك طريقة نطبقها انا وزوجتي عندما نريد التوفير
اولا أجلسا مع بعض وضعا بنود لكل صرفية مثلا المشتروات المنزلية السيارة مصروف اليد العزائم الطلعات والمطاعم مصاريف الاولاد الصدقات الخ بعدها أحسبوا (منطقيا) كم تصرفوا على كل بند (بشكل منطقي...لا إسراف ولا تقتير) بعدها اشتروا مظاريف بعدد البنود وأكتبوا على كل مظروف أسم البند الأن حالما يصل الراتب أسحبوا مجموع المبالغ التي كتبت في المظاريف ووزعوها على كل مظروف باقي المبلغ أودعوه في حساب التوفير الخاص بكم أو في خزنة مغلقة أو حتى اعطوة لأحد أقاربكم ليحفظة لكم المهم لا تصرفوا ولا ريال من خارج هذه البنود إلا للضرورة القصوى والضرورة القصوى معناها حادث, او مرض أو شيء خطير وليس مطعم جديد أو زيارة أو طلعة أو ثياب ..الخ من الشروط أيضا أن كل بند مستقل بذاته تماما فلا تأخذي من ظرف لآخر وإذا كنتم صادقين مع أنفسكم وصارمين وجادين في التنفيذ سترين الفرق وفقكم الله |
الف شكر لك shark
فكره حلوه ........ وباذن الله ابكون جاده جدا وهو بعد ولا يهمك خله علي ابقنعه ... فكرتك عجبتني وبقؤه ...........وجزاك الله الرزق الحلالال... انتظر اراء اخرئ ... |
فكرة الاخ shark رائعة جداً واناطبقتها عن تجربة ولكن بشكل مختلف
مثلاً الراتب 8000 نخرج منه الرواتب والفواتير والديون والاقساط والايجار المتبقي مثلاً 4000 ريال نقسم المبلغ على 30 عدد ايام الشهر ويطلع الناتج 133 ريال يومياً نضعها في 30 ظرف ونكتب على كل ظرف رقم اليوم من 1 الى 30 ونفتح كل يوم ظرف واحد إما نستخدمه او لا بالنسبة للمبلغ 133 ريال يومياً اقترح إن المبلغ يكون 100 ريال ونخرج 33 ريال * 30 يوم = 990 ريال هذا مبلغ للطواريء فقط طبعاً رح يتبقى لكم 3000 ريال لباقي الشهر وتقدرو بطريقة المظاريف تصرفون المبلغ او لا المبلغ اللي ماتصرفوه يبقا بالظرف وتستخدمو الظرف القادم لليوم الجديد كذا اخر الشهر (غصب) يبقا لكم مبلغ متوفر للشهر اللي بعده + مبلغ الطواريء التزمو بهذا البرنامج 3 اشهر فقط ورح يتوفر لكم مبلغ محترم يكون قاعدة للتوفير المستمر على مدى سنة او اكثر تقدرون بعد هذا تسافرون وتشترون اثاث جديد او اي مصاريف تحتاجونها بالتوفيق |
همس الله يرزقكم من وسع يارب و يبارك في رزقكم
شوفي مادري ان كنت بقدر اساعدك لاني مادري عن اسعار السلع عندكم الخ لكن بقولك عن طريقة تعاملي مع المصروف و الراتب ... تقريبا طريقتي تشبه طريقة الاخ شارك على زوجي بند السيارة و بند مصروفات السفريات مثلا و بند الطوارئ و التوفير و كدا و انا عليا بند مصروفات البيت و التسوق وهذه بعرف اختصاصي ... مثلا اشياء البيت حاولي تكون مرتان بالاسيوع فقط لانه كثر الطلعات معناه خروج فلوس .. بتروحي محتاجة ملح بس و بترجعي بعشر حاجات و ناسية الملح :) فا اكتبي الاشياء الناقصة كلها و روحي اشتريهم مرة وحدة ... عند الشراء .. عن نفسي ما باخذ اغلى شي و انما بقرا على المنتج .. في منتجات بتكون سعرها كويس و عليها علامة الجودة (( عندنا في لجنة بتختبر المنتجات و تعطي نقاط )) فا بتلاقي المنتج روووعة و سعره حلو لكن مش مشهور ... الخضار جيبوها من اماكن الجملة ... و حتى الفاكهه كمان بند الملابس .. اكثر ابني و ثياب ابني و زوجي ماركات حلوة جدا و رخيصة لاني بشتريها اوقات التخفيضات ... الاكل بره ممكن مرة كل اسبوعين .. زوجي و ابني ما يحبوا اكل المطاعم و انا واخذها رجيم :) يمكن انتم عندكم بند الضيوف زايد . احنا بغربة و ماحد بيجي عندنا .. بس حبيبتي لا يكلف الله نفسا الا وسعها .. الي يجي يجي عالموجود مو شرط عزايم و ذبايح حطوا هذه الفكرة براسك و ازرعيها براس زوجك و انتو ترتاحو الله يوفقكم |
سئل أحد الأغنياء: كيف جمعت هذه الثروة الضخمة؟
فأجاب: بقلة المصاريف وحسن تدبيرها. مارح أزيد على كلام الأخوان غير الجدول لازم تسوي ميزانية وتقسمي فيها الراتب بحيث ماتصرفي لكل بند إلا المبلغ المحدد ولكل بند تزيدي مبلغ للظروف الطارئة هنا جدول رائع لحساب ميزانية الأسرة تقدري تغيري فيه على حسب احتياجاتكم http://www.4shared.com/file/tmhmmIXE/HomeBudget.html موفقة يارب |
ابو فراس النمري
و نوره و رواء الايمان الله يجزاكم الف خير ويعطيكم العافيه . |
بعد سؤال اخر لااخواتي المتزوجات او اخواني
الفؤاكه والخضار نااخذ بلكيلؤ فيااتي بعد اسبؤع ونص نرجع نشتري ............. والسبب اننا ماناخذ للشهر او بلجمله!!! انه يخرب بلثلاجه نصه .... فاابي طريقه لو جبت للشهر كيف احفظه بلثلاجه من انه يخرب !! اليؤم عندي عزيمه لضيؤف جدد... والفؤاكه كثييييييييييييييييييييييييره فكيف احافظ عليها لمده اطؤل من اسبؤع علئ الاقل... |
اقتباس:
احب ان اعلق على الكلام اللي اقتبسته و الذي اعتقد انه مربط الفرس: 1. العزائم و الضيوف , على زوجك ان يقللها قدر المستطاع و يستغني عن الذبائح ببوفيه مرتب من شغل البيت يكون اوفر بكثير , و هذا هو الدارج الآن فزمن الذبائح ولى و حل مكانه زمن البوفيهات المفتوحة ! 2. سفرة الرياض خلوها مرة بالشهر او مرة بالشهر و نص. 3. روحات المطاعم قللوها خلوها مرة كل اسبوعين و لا مرة في الشهر. التحكم بميزانية الاسرة يحتاج الى عزيمة و حزم و ترتيب للاولويات ,, من المهم جداً ترك مبلغ على جنب (توفير) يكون خط احمر يمنع الاقتراب منه الا في حالات الضرورة القصوى ! |
أختي اليك طريقة ضبط الميزانية التي اتبعها منذ فترة برنامج حساب الميزانية الشهرية خلال شهر مايو 2010 ملخص الميزانية أولا ً المصاريف / فواتير الخدمات الكهرباء الهاتف الثابت • ماء عبوة مياه • غاز ثانياً / مصاريف عائلية و شخصية مصاريف أطفال • المصروف اليومي للمدارس • مصروفات طارئ للمدارس ثالثاً مصرف الشخصي * مصروف الزوجة والزوج * مصروف طارئ / علاج رابعاً مواد غذائية 1 - أغراض المنزل الأساسية • المصروف اليومي الطارئ (أ) خبز (ب) فول وطعمية وغيرة (ت) متطلبات أخرى • إغراض الثلاجة • المغسلة والكاوي 2 – كماليات 3 - أكل خارجي 25 4 – مصاريف أخرى طارئة 1 - إصلاحات منزلية • سيارة ونقل مصروف 1 بنزين مصروف 2 صيانة مصروف 3 غسيل الإقساط الشهرية 1- قسط شهري للبنك و قسط دين |
اقتباس:
انا بلشرقيه وتحديدا بمنطقه الجبيل لايؤجد بها مطاعم ذات الاكل الافضل والاطعم للاسف مع انها مدينه صناعيه !لكن للاسف مطاعم نقؤل لاباس بها ...تمشي طبعا اقارنها بلرياض والخبر ...لان مطاعمها احلئ واروع وبؤفيات هنا للاسف لايؤجد الحلو الا هرفي وغيره من المطاعم السريعه اما مطاعم تعتمد بؤفيات وغيرها ....للاسف لايؤجد ؤبعد عندنا مجتمعنا هنا بلشرقيه كبار بلسن بلنسبه لي ولزوجي وعقلياتهم لاتتمشئ مع التطور والبؤفيه !!لانهم من قرئ ومتعلقين بهلاشياء الكرم وغيره ...البؤفيات اعتمدها انا وزوجي لاناس من اعمارنا بلعشرينات والثلاثينات اما الخمسينات واكبر وبلاخص عشاء الليله صعب جدا ان اجلب بؤفيه لناس يعتبرؤن انه تقصير منا في كرمهم مع انها بسعر الذبيحه واكثر بعد واطعم ....لكن هم وعقليتهم لاتتمشئ مع اليؤفيه لو اني بلرياض وجمعتنا هناك متطورون لنا اصدقاء واقارب يفهمون هلاشياء لكن اظن لو نجيب لناس لايفهمون هالشيء !!بيتكلمون ويقؤلؤن ان وان...الخ ! اما سفر الرياض فاصبحنا لاننزل الا كل 3 او 4 اسابيع .... وحاطه ببالي اني ابؤفر اكثر..... روحات المطاعم مانروحها كثير لكن ابحاول احكم روحتنا لها .....وكذلك الاكل من برء.... ويعطيك العافيه وجزاك الله خير... |
جزاك الله خير اخي الكريم
sfy يعطيك العافيه. |
هلشهر والله مضرؤبه الميزانيه بسب العزومه الليله او ليلة بكره
الفؤاكه وغيرها من طلبات لازمه من بنده ومن غير الذبيحه والفاتؤره الجوال والكهرباء 6 شهور ودبات الماء وغسيل الدرج 800 ريال فقط لفاتورة الجوال حقه وباقي ماسددنها اما انا شحن موبايلي واوفر جدا بها يعني حسبتها انا وزوجي وقبل امس صرف الراتب!!!!! طلعت كلها حول 2000 ريال وتونا ماسددنا الفواتير!!!!!!!!!!!!!!! فيصعب علي الان ان احكم الميزانيه بلظرؤف لان الان اكتملت طلبات المطبخ والبيت ............... برايكم هل ابدء بطريقة الاخوان الي هي حقت الظرف بها الشهر القادم ام من الان رغم لخبطة الميزانيه بسب العزومه المفاجئه ! طبعا لو انهم من الناس الي ياتون كل ربؤع ماكبرنها اما الناس المعتاده فكل شيء بلبيت. زوجي يقؤل خليها الشهر القادم لان الميزانيه تلاخبطت بسب العزومه. |
متحطمه من هلصرفيه وقبل امس الراتب !
ومتضايقه ايضا من فاتورة جوااااااااااااله 800 ريال وكهرباء البيت 6 شهور ب 300 ريال هاذي عندي اهون من جواله . سؤال لؤ ان جواله بطاقة شحن كان اؤفر وهو اصلن بيؤفر لانه يشؤف كم استهلك ؟؟ هو قد قالي وانا لم ائئيد فكرته بسبب انه دائما يكلم اهله لكن شكلي ابقؤله حدد جوالك بمبلغ مناسب !والمشكله لو حدد تعرفؤن كذب الاتصالات بعد اسبؤع قالؤا فاتؤرتك 500 !!! كذب حسبي الله عليهم . |
يفضل البدء من شهر جديد
على فكرة يمدحوا الدجاج في العزايم بدل الذبيحة أو على الأقل نصف ذبيحة في الغالب كمية كبيرة يتم رميها أو على الأقل لا تؤكل وهذا إسراف وماحق للبركة ومجلبة لسخط الله.. واللي ما عجبه يتعشى في مطعم لا تدعي العادات الاجتماعية تدمر حياتكم بخصوص الخضروات نحن نشتري البطاطس والبصل والبرتقال بالجملة والبقية مرة في الاسبوع. طريقة أخي ابو فراس جيدة لكن لاتناسب في حال كانت العائلة تذهب للتسوق اسبوعيا أو من أسواق الجملة فقيمة علبة حليب وكيس رز قد تزيد ربما لو جعلوها اسبوعيا يكون أفضل أو بعد خصم مبلغ المشتروات التي نأخذها بالجملة. |
بخصوص الجوالات
أختي نحن حاطين ميزانية خاصة لأن أهلنا يعيشون خارج المملكة لكن اجبرنا أنفسنا على وضع سقف معين في حال زوجك وحالتك أنصحك أن تحولوا للكروت مسبقة الدفع لأنها تجبرك على التكلم على قد فلوسك وهناك عرض من موبايلي (باقة حلا بلس) فيها فائدة لمن يتكلم بقيمة الكرت كاملا يعني أنا أحط كرت بعشرة والاقي 10 مجانا لمدة 36 ساعة وبعد أن اكمل العشرة الأولى استخدم ال10 الأولى من الثلثاء صباحا إلى الأربعاء عصرا, بعدها أتصل بأهلي بباقي الكرت وهكذا أصرف كل يومين كرت بعشرة ريال وأجبرنا أنفسنا على تقنين الكلام مع الأهل وطبعا الله يطيل أعمارهم هم متفهمين لوضعنا والزنقة والضنك الذي نعانية الآن... كما يمكنك استخدام الشات مع أهلكم مثلا...فأهلي تعلموه عندما كنت اعيش في الخارج |
shark
اخي جزاك الله الف خير نفعتوني كثير الله لايحرمكم الاجر.... واقتبست من ردك.... يفضل البدء من شهر جديد على فكرة يمدحوا الدجاج في العزايم بدل الذبيحة أو على الأقل نصف ذبيحة في الغالب كمية كبيرة يتم رميها أو على الأقل لا تؤكل وهذا إسراف وماحق للبركة ومجلبة لسخط الله.. واللي ما عجبه يتعشى في مطعم لا تدعي العادات الاجتماعية تدمر حياتكم هم ماشاء الله كثيييييرين العائله الوحده عددهم 10 اشخاص والعائله الاخرئ 8 يعني وصلنا للعشرين واول مره يااتون لبيتك ,...فصعبه!!وهم ببداية قدومنا ونحن عرسنا ...اجتمعوا وعزمونا علئ ذبيحه!! والرجل الذي سؤف يااتي هو اكبر الجماعه لدينا هنا ....وهو من دعئ وجمع الجماعه ليعزمونا ,... علئ فكره لاتظنون اننا كل اسبؤع نعزم علئ ذبيحه لا!!! كل ربؤع مع اقارب يكون للي موجود بلبيت.....مو الازاااااامي الا لناس اول مره تجينا ولهم حق علينا نكرمهم لانهم اكرمونا. والف شكر للجميع. |
هذه مرة ولكن اتكلم بشكل عام
عودوا ضيوفكم على تقديم مايكفي فقط وصدقينا الناس تتكلم تتكلم حتى لو قدمتم لكل واحد عجل لوحدة فالأفضل تقديم طعام على عدد الموجودين وبعدها بعض الفاكهة أو الحلوى مع القهوة وكفاااااية المهم ألاقي منك دعوة خالصة لله في الثلث الآخير من الليل أنت وزوجك |
احسن شي حطو حساب خاص للجمع ولا تاخون منه مهما صار
يعني كل شهر دخلو بهذا الحساب 2000 او3000 او 4000 والباقي من الراتب العبو فيه لعب الشطرنج :23: هذي طريقتنا انا وزوجي ما نحب ندقق:28: |
وعليكم السلام بالنسبة للعزائم وذبح الذبائح هي تكون لأول مرة لمن يشرفك ويحضر لبيتك ، وحتى لو جاء لأول مرة ففيه نسبة ترفض الوليمة !!! ولو تمت وليمة فبعد ذلك ما أظن أن الضيف بيقبل تذبحون له ذبيحة وأصبح كثير الآن يعتذر عن قبول الدعوة ولا يحب يكلف على أحد ... سواء كبار أو شباب وأصبح بدل عنه عشاء البيت المعتاد هو الذي يجمعهم لذلك هي مرة واحده ، وبعدها لا يكلف زوجك على نفسه بالدعوة إلا إذا كان لمناسبة تتعلق به مباشرة أو وضعه المالي ممتاز .... لكن ليحرص على أنه ما يكلف نفسه فالغنم غالية غير تكلفة ذبحها وطبخها بمطبخ .... فلا يكلف على نفسه وبيوفر مبلغ محترم كل شهر عزوبي بس رجل |
الف شكر لكل من رد
وجزاكم الله الف خير ......... والله يعطيكم العافيه ويرزقكم من اوسع ابؤابه . |
أول شي خوذي تجربه من واحد مجرب هو وزوجته جتنا فكرة كيف نوفر ونحدد ميزانية للبيت وتسديد الفواتير وراتبي ولله الحمد 6000ريال واسكن في شقة 20000بالسنه فهذه فكرتي أنا وزوجتي على أن نفتح حساب في بنك أخر نضع 500ريال كل شهر وقت الضيقة نسحب الي نحتاجه هذي أول نقطه ولاعندنا الا بنت وحده ولله الحمد ونحن في بداية الزواج وبنسبه لتوفير أيضا ندفع كل ستة شهور بعد ماكنا ندفع سنه للايجار وبالنسبه للاكل في مطعم على حسب الميزانية بالشهر مره أو مرتين وبالنسبه لضيوف أهلى أو أهلها عادي لو عشيناهم بالشي خفيف علي حسب الظروف المادية يعني أنا اقول الكرم شي أساسي لكن الظروف هي التي تجبر الانسان على قدر استطاعته المادية وأنا لم أعود أهلى على الاشياء التي تكلفني فوق طاقتي من راي تحطون 1500كل شهر بحساب اخر ولمدة سنه وحسبو كم تطلع وبالله التوفيق
|
انا أقوول وسعي صدرك وعيشي يومك واتركي عنك هالتحسيب والتوفير :d..
ترى بتعجزين ويشيب راسك ماوفرتي ولاااستفدتي .. معرووف فلوس هاليومين مافيها بركة .. اجل زوجك فاتورته 800 وانتي بطاقة سوا ليه ان شاء الله:11: تهني بس ياحبيبتي وعيشي حياتك وانبسطي وترى كل هذا يروح من عمرك الحين في شبابك تشتهي تروحي مطاعم تسافري تشتري الماس وتتهني ووو ... بعد ماتوفري ويصير عمرك في الخمسينات ويروح شبابك وقتها تعالي قولي لي وش سويتي بالفلوس حرمتي نفسك وجمعتيها لزوجات عيالك <<<< عن واقع الي حولي اتكلم .. واذا لابد ومشتهيه تسوي حاجة مفيدة بشبابك اذا معاك شهادة توظفي واذا عندك هوايه طبخ او غيره اشتغلي اعمال حرة وهذا افضل من الوظيفه ..سوي لك طبخات وبيعيهاا او اكسسوارات وشغلات يدويه ووو.....الخ وكذا يكون لك دخل ثاني يساند زوجك في المصاريف:22: .. اما مساله اقحط على عمري وزوجي يلعب بالفلوووس:18: |
اخي فاهم الحياه
جزاك الله خير عرؤس مغتربه يعطيك العافيه مفهوم كلامك ليش اوفر وهو يفلها لا هو يجمع لكن ودي اكثر من كذا!!! اما انا بصراحه ماائيد فكرتك اني افلها يعني اشتري الي ابي وووو..............الخ والله لو اسؤي كذا انه مايبقئ شيء للزمن الله لايقدر لو السياره انعدمت سؤئ خراب او غيره والعياذ بلله....!من وين نشتري ؟؟يااخذ قرض !!!!مااحب الزم زوجي واشؤفه مهموم من قرؤض لو احتجنا للايجار ومامعنا ؟؟ يعني يتسلف !!!!كل شيء الا الدين لو احتجنا لشيء ؟؟؟؟نتدين !!!ولا قرض!!! والسبب !!! نلعب ونبعثرها ونقضي الشباب بلعب بلاسؤاق والاكل والمطاعم اصلن مايجوز التبذير والشيء الاخر امسكي لتكوين دخل اخر غير الراتب و للاولاد يحتاجون للمستقبل من شراء سياره ووو.............الخ انا نظرتي للمستقبل .... ليكون اكثر راحه لي وله! انامااقؤل اني اكبت نفسي عن الترفيه لا بل نحن كل صيفيه سفر للعمره وخارج المملكه لكن مو كل شهر او شهرين الاهم تناقشت انا وزوجي انه يفتح حساب اخر ويضع به مبلغ معين للصرفيه والحساب الاول لايااخذ منه اي شيء لكي نجمع مبلغ معين لمشرؤع صغير ... هذا مااود انا وهو فعله .... هذا فقط ........ والله ياعرؤس لو افعل وافلها علئ قؤلت !!!مايبقئ شيء من الراتب. وابسؤي كما قال الاخ شارك عن الصرفيه بلشهر ,.... وهي حقت الظرف مره مرع اعجبتني واعجبت زوجي........ وجزاكم الله الف الف الف خير جميعا. |
]عن نفسي لااكتب مااصرف او احسبه اذهب كل يوم الى الاسواق والمطاعم لكن اشتري الي لايكلفني كثير ولااحرم نفسي الى من الاشياء الغاليه ويتعجب زوجي عليه لااني اخرج كل يوم مع الاطفال واغديهم بين يوم واخر وفي نهاية الشهر ياتي البل في قسيمة يمكن دفعها بسهوله انصحك بشراء الاشياء الخفيفة على الجيب اما عن الفواكه اشتري فواكة من كل نوع لكن بكمية قليله ولكي لاتخرب اضعها كلها بالثلاجه من دون غسل واذا اردت شيا اخرجه واغسله لان عسل الفؤاكه يقلل عمرها[/SIZE] |
عجبتني فكرة المظاريف جدا اللي طرحوها الاعضاء في موضوعك ..
انا راتب زوجي نصف راتب زوجك .. ويعطي اهله لو قصرهم شئ او حب يدخل عليهم وحامل بيده اكياس دايم يجب لي هدايا جوالات واكسسورات ذهب زوجي من النوع اللي يشتري الشئ لو عجبه مهما كان سعره لكن الحين يرجع لي هاه وش رايك اخذه ؟ انا اخليه يبطل :30: وادليه على محلات مشابهه واختار مواسم التخفيظات .. مع كذا احنا نشتري ملابس ونروح مطاعم ونسافر مناطق قريبه نتمتع بعمرنا كل شئ بوقته حلووو فاشتركنا بجمعيه كل شهر مع الراتب نقط فالجمعيه بعد كم شهر نتمتع بجزء ونستثمر الجزء الثاني وهكذا تقدرين تطبقين فكرة المظاريف وتضيفين بنت مبلغ مستثمر فالجمعيه |
تسلمون جميع.
|
ياقلبي لاتتنسي الصدقة لانها تبارك لكم في الراتب :)
|
انا مع اختي الغاليه روح الطير ... بارك الله فيها فعلا الصدقة تزيد الرزق وعن تجربة ..... بالنسبة لخطة المظاريف اراها رااائعه اختي همـــس .. بالنسبة لي اشتري انا وزوجي حاجات البيت من اكل وغيره ما يكفي شهر كامل ... فلا اضطر ان اصرف طول الشهر .. الله يرزقكم دنيا وآخره ويسعدكم ويهنيكم |
صدقتوا ......
الحمدلله زوجي يتصدق احيانا بلقليل واحيانا بلكثير .......ز لكن باذن الله الشهر لقادم اضبط الميزانيه صح . الف شكر للجميع |
فعلاالرواتب معاد فيها بركة بس انشاء الله راح استفيد من خبرات الاخوه والاخوات لانى اعانى من قلة البركه وشكرا لانك كتبتى الموضوع الرائع هذا الى راح يستفيد منه كل من قراه
|
كبرتني ياهم
هلا يالغاليه والله من غلا المعيشه حتئ علبة الببسي رفعوا بسعرها .... اما الزكاه فلله الحمد زوجي ملتزم ويحرص علئ ذلك اكثر مني .... والف شكر للكل. |
التخطيط في اي شي حلو
عجبني الموضوع جزاكم الله خير |
انا والهنا
ويجزاك خير علئ مرورك... |
| الساعة الآن 07:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©