|
شافوني أهل العريس وردو علينا بهالكلام .. وش تتوقعون يقصدون ؟!
مساء الخير طبعا بدخل في الموضوع مباشرة أنا أنخطبت وأتصلت أخت العريس وقالت بجي انا والوالده نشوف البنت وإن شاء الله فيها الخير والبركه بس هذي إجرائات روتينيه ! لإن فيه ناس ذكروني لهم بس هم يبون يجون يشوفون :11: قالت أمي الله يحيكم وجو يوم السبت وشافوني وأستقبلناهم وسولفت أمي وجدتي معاهم وضحكو مع بعض وشافوني وضحكت وتكلمت شوي وطلعت إلى هنا كل شي تمام بعدها بيوم أتصلت أخته وقالت والله قلنا للولد وقال بستخير وارد لكم وانا بعلمك ياام فلاان برده إن شاء الله قالت أمي خير إن شاء الله وقفلو .. واليوم الثلاثاء لاحس ولاخبر :25: وش تتوقعون مع العلم اني مطلقه وهو مطلق مرتين وانا متردده كثير بس للأمانه تأملت في هالزواج كثير لإنه أول واحد يجي عمره ووضعه مناسب لي :29: أمي تقول تصريفه محترمه وأنا أقول يمكن صادقه الولد جالس يستخير قبل لايتقدم رسمي مع انه ماشافني :25: وأدري أن كل شي قسمه ونصيب ومحد ماخذ الا نصيبه بس وش تتوقعون حركتهم هذي :( |
الله اعلم ان الوالدة صادقة
|
والله ممكن ياامواج
مااقول الله يكتب الخير وماكان فيه لي ولبنات المسلمين .. |
وانت اشدعوه زعلانه
ربي كاتبلك الاحسن منه بحول الله وقوته وربي بيكافئك بخير منه وبكرة تشوفي |
والله ياامواج ياقلبي السالفه مو سالفة زعل وراضيه باللي يكتبه ربي لي
بس عارفه لما تأملين على شي ومايصير ..هذا هو أحساسي الآن,, والحمدلله على كل حاااااااااال ,, |
اعرفي ان الامر خيره لك من قبل ومن بعد
العبد في التفكير والرب في التدبير |
الله يجزاك خير أخوي بدون مجامله
.. |
مطلق مرتين.. الواحد بقيف عندها كمان مرتين.. تعرفي ليش.. عشان بس تطمئني إنو الطلاق أسبابه مقنعه..؟
لذلك السؤال عن المتقدم مهم.. بالتوفيق |
اعتقد ان الام صاجة
يعني يمكن الولد يبي يستخير الله يكتب لج كل خير |
الله يعطيك العافيه أخوي أنا مندهش وللأمانه ماقالو أسباب واضحه الاولى قالو نصييب كذا مااتفقوا
والثانيه بسبب استهتارها ومعاملتها له ولامه .. والله أعلم كنا ناوين نسأل ونتحقق بس لما يعطونا العلم الأكيد ,, |
موهبة الكويت ألف شكر على مروروج وربي يوفقج ويرزقج من حيث لاتحتسبين
|
نُـــقل لقسم المقبلين على الزواج مكاااانه الانسب ،،،،،
|
شكرا مشرفنا ماقصرت ..
|
عادي فعلا ممكن يستخيروا لو ماتبغاكى ممكن ماكان اتصلت اصلا صاروا الناس يطنشوا اكترهم
انتظري وان شاء الله الا لكي فيه خير يصير وفرصه لكي تستخيري انتى كمان |
يمكن يكونون صادقين . خليهم براحتهم .
و انتي لا تشغلي وقتك بالتفكير بشي ما ينفع . اكثري من الاستغفار و الدعاء و قولي يا رب اذا فلان فيه خير لي فقربه لي ، و اذا فيه شر فبعده عني . ثقي بالله ان راح يكتب لك اللي فيه الخير . |
أنت استخرتي؟؟؟؟؟؟؟؟
اذا كنتي استخرتي ربي بيكتب لك الخيره.....هذا أولا ثانيا أنتم اخطيتوا ليه سمحتوا للاهل يجون وأنتم ماسألتوا عنه كويس وعن أسبااب طلاقه حنا عندنا لما نسأل ونسأل ونسأل ساعتها نستقبلهم ثالثا المرة الثانيه ليش ماتخلون الولد يجي يشوفك قبل أهله حنا طريقتنا كذا الولد يجي واذا ارتاح وارتحت أنا له ساعتها يجون أهله للتعارف بين العائلتين فقط واذا الرجال هذا ماشافك ليش قاعد يستخير الحين يستخير على أساس كلام أهله؟؟؟؟؟؟؟ |
صح حبيبتي ماقلت لك توقعي:d
أتوقع ان أمه صريحه وصادقه والولد بيستخير خصوصا انه كد مر بتجارب فاشله فصعب يقرر بسرعه الله يوفقك ياقمر وتاخذين ان شاءالله اللي يستاهلك ويسسسسسسعد:) |
استخيري اكثر من مره بعد والله يكتب لك الخير وين ماكان ثم يرضيك به .
|
ياعمري الله يختارلك الأفضل وكل بنت تنرفض عاااادي؟؟
واكثري من الدعاء وتأكدي تماما الله مايردك...وان شاءلله تقولين لنا انك انخطبتي :14:... بعدين مالهايومين اصبري اذا طولت انسي الموضوع لأن لله الي اختاره لك وحمديه ... واختي نجمه متفائله الله يرزقك بزوج الصاح ويحقق الي في بالك عاجلأ |
وليه ما صبرو لما يصلي ويشوفو رده وبعدين يتصلو
يعني تتصل وتقول بيصلي طيب واحنا مالنا ما يصلي على راحته وبعدين تتصل على خلق الله مثل العالم والناس صراحة الفكة منهم عيد ربي يحبك صدقيني |
طيب هم كانوا خطبوك على أي أساس يعني مافي رؤية شرعية ماشي الحال لكن حتى أمه وأخته ما يعرفونك جايين يتعرفوا بعد الخطوبة غريبة أختي.
وعموما ربنا يكتبلك الخير |
ماأدري وش القصة تدخل أخت العريس وأمه قصة صعبة ماأقول إلا الله يعوضك خيرا منها
|
اصبري واستخيري انت كمان فإن كان خيراً لك سيأتي ويتقدم وإذا لا قدر الله شي ثاني
ما حيصير في ندم أو أسف عليه وربنا يختار لك الخير |
الله يوفقك أختي وأنتظري وأستخيري وحتلاقي نفسك مرتاحه باللي حيصير والله يكتب لك الخيره وين مارحتي |
الف شكر لكم جميعا على مروركم وردودكم
جزاكم الله ألف خير .. |
عادى اصبرى والله الموفق
|
توه يستخير .....!!
على أي أساس صارت الخطبة اذا هو الحين بس قاعد يستخير ..!! مادري أحسها غريبة ,, يعني كأنه هو اللي خاطبينه مو انتي ....... وانتو اللي قاعدين تنتظرون ردهم أتمنى الله يرزقك حبيبتي عاجلا غير آجل |
تفائلي يا اختي بالخير تجديه ان شاء الله اعتبري ان الامور عاديه جداً ولا تهتمي كثير حتى لا سمح الله لا تنصدمي اذا ماكان فيه نصيب لا سمح الله . ربي يوفقك ان شاء الله , ويرزقك ابن الحلال اللي يسعدك يارب . |
الله ييسر امرك وعندنا مثل ( يمكن يكون معروف ) جعل في كل تأخيره ( خيره ) يمكن في تاخرهم عليكم ( خيره لك ) الله يفرحك ويسعدك بالزوج الصالح بالتوفيق |
| الساعة الآن 02:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©