|
لماذا يمنعوني من رؤية زوجتي وش السبب؟؟؟
السلام عليكم,,,
انا ملكت تقريبا قبل اسبوعين والحمدلله وقبل كم يوم كلمت أخو زوجتي صديقي من زمااااااان قلت ابي أكلم زوجتي لو مره وحده قالي عندنا ممنوع المكالمات قلت ماشي طيب ابي اسلم عليها ونشوف بعضنا لو وحنا واقفين كمان رفضوا يعني ماراح اشوفها الا ليلة الدخلة,,, والله ياأخوان اني طقيييييييييت من القهر ليش يمنعوني مو خلاص صارت زوجتي حلالي ومن حقي اني أشوفها ليش يعني هلحين صار طريق الحرام اسهل من طريق الحلال (والعياذ بالله) ليش كل هالتعقيد والله ياأخوان اني تفشلت وانحرجت وغثيت خواتي كل شوي اقولهن وصفنها لي ولا عشرين مره وصفوها لي,,, مع انها هلحين صارت بمجمتعنا عاااادي في مكالمات ومقابلات غير عن اول وصراحة انا توقعت كل شي الا انهم يحرمون علي هالشي... فا تكفون ابي فزعتم الي مر بهالشي والي عندهـ خطط إستراتيجية لايبخل علي يعني شوفو لي طريقة على فكره مخطط اني اخلي امي تعزمهم عندنا واخلي وحده من خواتي تسحبها الغرفة واحاول اشوفها لاتقولون مايجوز لانها زوجتي بس اتوقع 90% انها ماراح تجي معهم وماراح استفيد شي... اي على فكرة نويت اجيب رقمها وأكلمها بس خايف انها تسويلي فيها اني ماأسوي شي بدون علم أهلي وممكن اخوها وأبوها يسوون لي سالفة... وش رايكن يابنات ولايهونون الشباب |
وعليكم السلام ورحمة الله وبركاته
بما أن أخوها صديقك فأكيد تمون عليه كلمه وقول له يخليها تكلمك بدون مايدرون أهله وغثه بالإلحاح إلى أن يوافق. وفهمه وقل له هذه زوجتي وحلالي . وأكيد مابيقصر وبيساعدك وإذا ماقدر عادي خلي أمك تتصل تكلم أمها وتقول لها ولدي يبغى يسمع صوت زوجته. |
السلام عليكم ....
سؤال مهم ... حصل بينكم نظرة شرعية قبل عقد القران؟؟؟؟ لأنك تقول أخلي أخواتي يوصفونها لي .... ليه انت ما شفتها ؟؟؟ |
وعليكم السلام /
كان ودي اسالك نفس سؤال الاخت رسيل ؟!! اتمنى ترد عليه بالاول الله يعينك يا رب |
اقتباس:
الشرعية كان أجلس طول عمري ماأتزوج والله لو أطلب شوفه شرعية لاتصير علوم... |
لا حول ولا قوة إلا بالله!
بصراحة لا أفهم كيف يمكن لأي شخص أن يرتبط دون أن يرى الطرف الآخر ويتحدث معه!!!!! كان من الأولى يا أخي أن تطالب بحقك الأول في النظر إليها ورؤيتها قبل عقد القران .. وتصر على ذلك. على كل حال .. أقترح عليكِ أن تصطحب أخاها إلى أحد الشيوخ الثقات وتطلب منه أن يفهمه بأن ما يفعله هو وأهله لا يجوز شرعاً. |
لاحول ولا قوة الا بالله من هذي العادات الي تخالف الدين
بكرة لما يكون فيه نفور وطلاق قالوا ليش يطلق لابد من النظرة الشرعيه قبل الارتباط وكتب العقد حاول تتكلم مع صديقك بهدوء وقله خلك مكاني بدخل على مراة ماعرف حتى شكلها على الاقل خلني اشوفها بدون ماتدري يعني قل لها مثلا تشيل الاغراض بالحوش وانت تشوفها مع شباك المجلس او اي طريقه تعجبه اهم شئ تشوفها وبعدين عاد تحاول انك تكلمها قبل الزواج بفترة بسيطه على الاقل والله يوفقك ويحقق لك ماتريد :) |
السلام عليكم .....
فلنفرض أخي أنك في ليلة عرسك ... وتنتظر وتعد الساعات والدقائق للقاء عروس الأحلام ... وحانت ساعة الصفر ... ورأيتها .... ولم تكن متوافقة مع ما رسمته في خيالك لها .... بالله عليك أجب نفسك بصراحة وصدق ولا تجبني ماذا ستفعل ؟ صحيح الشخصية والأخلاق الحلوة مهمة ... لكن لا بد لك من الراحة النفسية عندما تنظر اليها للمرة الأولى .... وصراحة موقفك عندها لن يكون أبدا بصعوبة موقفها .... من باب أولى أن تأتي الى المنتدى تشتكي انهم لم يسمحوا لك بالنظرة الشرعية .... أما وقد عقدت قرانك عليها وتشتكي أنهم لا يسمحون لك برؤيتها .... أنت الآن على البر مادمت لم تدخل بها .... اجلس مع صديقك وبين له عواقب المر وما يمكن أن يؤول اليه من خراب بيوت ..... وذكره بحديث الرسول صلى الله عليه وسلم : (إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل، فإن ذلك أحرى إلى أن يؤدم بينهما) ومن هديه : 1 - قال: (( إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل )) أخرجه أبو داود، قال جابر: (فخطبت امرأة من بني سلمة، فكنت أختبئ لها حتى رأيت منها بعض ما دعاني إليها) رواه أبو داود. 2 ـ وعن أبي هريرة رضي الله عنه أن رجلا خطب امرأة من الأنصار فقال له رسول الله صلى الله عليه وسلم: (( أنظرت إليها؟ ))، قال: لا، قال: (( فاذهب فانظر إليها، فإن في أعين الأنصار شيئا )). 3 ـ وعن المغيرة بن شعبة أنه خطب امرأة فقال له رسول الله صلى الله عليه وسلم: (( أنظرت إليها؟ ))، قال: لا، قال: (( انظر إليها فإنه أحرى أن يؤدم بينكما ))، رواه النسائي وابن ماجة والترمذي. وفقك الله الى ما فيه خيرك دينا ودنيا |
يا أخي كلمتك طريق الحرام أسهل من الحلال معبره جدا وو الله مقدر سبب قولك لها لكن تنبه من ضعف الإيمان لا أعرف مجتمعنا كيف يفكر هذه الفتاة أمام الله و خلقه زوجتك لا تجلس معها عيب لا تكلمها عيب يا عزيزي العيب و الحرام معروف طريقه و أخوها لا يملك حق منعك من مكالمتها و أنا أشعر أخي أن الفتاة مقهوره أكثر منك و نفسها تكلمك كل ما عليك كلم اختك تكلم الفتاة و تحصل على رقمها و الفتاة ستعرف المقصد و اختك تعطيك الرقم و اتصل بزوجتك كما تريد و لاحظت في بعض الردود أنه لا بد من النظرة الشرعية و أن عدم النظرة الشرعية من العادات الي تخالف الدين ما يخالف الدين معروف فلا تحملو الدين ما ليس منه الرسول صلى الله عليه وسلم لم يوجبها يا أعزائي رفض النظرة الشرعية لا يتعلق بالعادات فأنا أرفض النظره الشرعية و لا أنكرها و ليس لأن عاداتنا ترفضها و لكن لأن لدي وجهة نظر تعنيني و لا تعني أحد |
اقتباس:
|
ليش عقدت وملكت بدون ماتشوفها شوفه شرعيه الغلط غلطك من الاول واذا شفتها يوم الفرح ومااقتنعت بيها ايش راح تسوي ؟؟؟؟
الله يعينك حاول تقنع اخوها |
عادي اعزمها بيتك وشوفها لومن وراءالباب وماهو لازم تعرف بعدين خبرها
انا والله انخطبت وعندنا عيب الزوج يشوف زوجتة وماشفت زوجي الاليلة الدخلة لكن هو ولدخالي وعارفني من انا صغيرة لكن والله اقولها لك لازم تشوفها حتى ترتاح وتتطمن افضلك |
بعدين تقول اخوها صاحبك من زماااااااان طيب كيف ما عرفت عوايدهم ؟؟؟؟؟؟
الغلط غلطك فرطت بحق من حقوقك معقولة للحين ناس تتزوج وما شافت حتى وجيه بعض ؟؟؟؟؟؟؟؟؟؟؟؟؟؟ وبعدين لو على الملامح فالاخوة يتشابهون وملامحهم ما تبعد عن بعض كتير |
الله يعينك
زي ماقالوا الاخوات والاخوان قول لصديقك يفهم ابوه انها صارت زوجتك وانه يحقلك انك تشوفها |
الحل
الغالب عند بنات اليؤم ومن مجتمع مدرستي كان عندي صديقتين قبيلتهم رافضين هالشيء وجت وحده منهم وتشكي الحال لي انا وصديقاتي وكان هلامر قبل سنتين تقؤل اخت زوجي الي كتبت كتابي عليه جت عندي وكنا باستراحه وقالت لي فلان يبي يكلمك ويسؤلف معك لانه اشتاق لك .... وهو وده يكلمك علئ الجوال وطبعا هو زوجك وهذا حلال فاانتي وش رايك ؟؟ تقؤل تلاخبط وماادري وش اقؤل !!! جيت انا ووريت البنت وصدعت براسها وتوعدت فيها ياؤيلها اذا رفضت !! وهي خوافه من اخوانها وخجلانه من زوجها وجت اليؤم ال2 وقالت لي رديت للبنت عادي هذا زوجي لكن بشرط ماابي احد يدري غيرك وغيره ... فااتصل بي بعد ساعه وكانت فرحانه ...ولعنت العاده الي عند قبيلتهم المهم وتزوجت معي بنفس السنه لاني انا وهي كنا كاتبين كتابنا وكانت ياحياتي تقؤل لي ياحظك ماشاء الله تعرفينه قبل ماتروحين معه انا لا ممنوع عندنا .... الاهم انت قؤل لؤحده من اخواتك تكلم البنت اما حركتك ماله داعي والبنت بترفض من الخجل انا يالله كنت اطلع لزوجي و ومستحيل اطلع له لحالي امام ابؤي لازم امي معي فما بالك بزوجتك بتشك فيك وبترفض انت بس احصل علئ رقمها وخل اختك تكلمها وتشؤف رئيها وتقنعها بشرط محد يدري ....... ارجوك لاتسوي حركتك تخوف!! الاهم اخبرنا بلجديد. |
انت خل اخواتك يمهدون الموضوع بينك وبينها
لاجل تعرف رئيها |
اقتباس:
اقتباس:
مع كلام الأختين أمــواج وبنت مكة بالفعل ما تعرف عوايدهم ولا سألت !!!!! كلم صديقك !!!! أو أحد من أهلك يكلم أهلها .....!!!! شف لك أي طريقة عزوبي بس رجل |
لالالالالالالالالالا مو حاله هذي كيف تبني أحلامك على شخص مجهول بالنسبه لك ...........أحسه عذاااب نفسي
ياشيخ دبر عمررررررررررك وسو قلق قل بأعلى الصووووت زووووووووووووووووووووووووجتي وأبغى أشوفها......... غريب البنت نفسها المفررروض تلزم أهلها ان الرجل يجي يشوفها أنا أذكر أختي زوجها مادري وش فيه قال مو لازم أشوفها مقتنع بكلام أهلي وقالت أختي مستحيل أخذ واحد ماشافني ماراح أرتاح أخاف بعدين ماأعجبه وفعلا جاء وشافها يعني أنت لازم تحاو مثلا أختك تكلمها وتقول أخوي يبغى يشوووفك و و و...... |
السلام عليك ورحمة الله وبركاته
حسيت بقهرك والله جاهلية وتخلف بعد الاخ عقد ولسه يمنعوه على العموم حتى هي تبغى تسولف وتسمع صوتك انا اقولك وش سويت مع زميلتي قصتها نفس قصتك هي كانت تدرس في الجامعة وقلت لها كلميه بين المحاضرات ما عليك في اهلك وفي البيت سكي على نفسك الغرفة إذا مرة في شيء مهم قولي بتعمل خلطة يوم وبذاكري يوم وووالخ وياليت احد يوقف معها من اخواتها تغطي عليها وعلمنى وش صار معاك |
والله العظيم اني عارف ان الواحد لازم يشوف الي بيتزوجها لاكن شسوي هذا المجتمع الي انا عايش فيه
ولو بلزم على الشوفه النظره الشرعية والله لأجلس طول عمري ماأتزوج من مجتمعنا,,, كلمت أخوها ذاك اليوم وقال انا ماعندي مشكلة لاكن ابوه رافض وانا أتوقع انه يصرفني لانه لو كان صادق خلاني اكلم بالسر لاني قلتله لو 5 دقايق أكلمها بس... |
اول شيء كلمها بلسر
مثل ماقلت اول ومع الوقت اطلب تشؤفها مثلا تنادونهم بلبيت وتتفق مع اخواتك وهي حتئ لو دقايق المهم تشؤفها يااخي مالك الا هلحل لاجل تعرف البنت حبه حبه وتقنعها انك تشؤفها . |
لا انصحك بالتحدث معها من دون علم اهلها لان ذلك سيهز صورتك لدى اهلها و سينعكس ذلك على حياتكم الزوجية بالكثير من المشاكل ,,
الحل الوحيد هو ان تحاول مراراً و تكراراً مع والدها و اخيها و ذكرهم بالاحكام الشرعية و ان فترة الملكة فترة تعارف و فيها خط رجعة على عكس الزواج !! اذا رفضوا تماماً فمالك الا ان ترضخ للامر الواقع بالذات و انت تعلم ان هذه عاداتهم من قبل ان تتقدم لهم ! |
اعوذ بالله وش هالعادات الغبيه قبحها الله من عادات
مالك الا تكلم اختك تقنعها حتى لو تعطيها شريحه مع اختك وكلمها وانبسطوا ترى فترة الملكة ما تتعوض لا تفوت الفرصه عشان عادات ماانزل الله بها من سلطان ومع الايام اتفق تشوفها وربي حرااااااااااااااام عليهم هي زوجتك ليه هالظلم والتخلف وربي انك صادق الحرام صار اسهل بكثير مع التعقيدات اللي يسوونها الله يهديهم ويهدينا لكل خير وصواب اتمنى لك التوفيق~ |
والله اني اعرف بنات يوم كنت ادرس
بلثانوي اغلبهم والله ان عندهم هلاعادات واقسم بلله انهم يكلمون ازواجهم من وراء اهلهم وبعضهم يكلمون ازواجهم بصؤت وصؤره ولا تروح عند اخته الي متزوجه وتشؤف زوجها وتسولف معه طبعا بحضؤر اخته الي هي صاحبة الببيت والان هلبنت تزوجته ومعها بنتين... وهي من قبيله معرؤفه . عادي انت بس وفر لها شريحه مثل ماقال بيبي او كلمها علئ جوالها انت تحكم علئ عمرك الصبر وهو حلال وصدقني محد بيدري عنكم اذا كلمتوا بعض. لاتظلم نفسك وهي اكيد ودها تكلمك لكن خايفه من نظرتك لها فتنتظر المبادره منك لاني متاكده مافي بنت تايد هلعاده عندكم لاني اعرف بنات كثير الئ الان هم صديقاتي يلعنون هلعاده. |
خلاص بأختصار
خلي أخواتك يصوروها لك بالجوال... وعندها ستعرف هل هي متشوقة لتراك أو هي مقتنعة بكلام اهلها لكن لا ينفي الغلط عليك من البداية |
اقتباس:
|
لا حول ولا قوة الا بالله لهلاء في ناس متل هيك تفكير الله يعينك اخي على هيك مو عارفة حتى شو قلك مومصدقة هيك بيصير بهاد الزمن |
اقتباس:
و هو تقدم اليهم و يعرف عاداتهم و تقاليدهم و الاتفاق بينهم ان لا يرى البنت او يتحدث معها فيفترض ان يلتزم بكلمته و اتفاقه , , او يقنع والدها عن التراجع عن رأيهم فان تراجع كان بها .. اما ان يحول الموضوع الى فلم هندي من خلف اهلها و بدون علمهم و رضاهم فهذا امر يفترض ان لا يقبله على غيره مثل ما لا يقبله على نفسه .. ثانياً لا احد يدري كيف ستكون ردة فعل والدها و اخوانها اذا عرفوا قد تكون ردة فعلهم عنيفة جداً !!! |
اهل البنت يعتبرون النظرة الشرعية شي اختياري على حسب الرغبة والعادات .... لكن لو وجدو ناس تتصدى لهالتفكير العجيب كان ما تمادوا في مخافة المنطق وما اباحه نبينا محمد صلى الله عليه وسلم لكن كتر الغلط خلى الناس تصدق انه صح
|
اقتباس:
بعد العقد طبعا,,, وبعدين انا طالب ارائكم ماني منزل روايه يوم تقول فلم هندي يعني استشاره... مشكورين على تفاعلكم معي وإن شاء الله بوافيكم بالجديد |
من جد شي يقهرر ..
حاسه بقهرك يآخوووي الله يوفقك ويسعدك وييسر امرك كله مع زوجتك وأهلها يااارب |
اقتباس:
اقتباس:
|
اقتباس:
اما الفيلم الهندي فلم اقصد به كلامك بل القصة التي ذكرتها احد الاخوات عن صديقتها |
خلي امك تكلم امها وتقولها تكلمك او تشوف لك طريقه على الاقل تسمع صوتها او تشوف صورتها
ومدام مجتمعك كذا..لاتكبر الموضوع مثلك مثل غيرك ..الله يعينكم |
سمعت عن أحدهم , طلب مرارا وتكرارا رؤية زوجته وكان الرفض يأتيه دائما حتى شك برفضهم واصرارهم ,, واعتقد أن الفتاة بها عيبا يريدون أن يخفوه عنه , فطلقها :29:
|
كيف تقول هذا مجتمعنا وبعدين تقول ليه ما يخلوني اشوفها ........ صراحة ما فهمتك
|
كيف تقول هذا مجتمعنا وبعدين تقول ليه ما يخلوني اشوفها ........ صراحة ما فهمتك
اقصد ان مجتمعي يرفض النظره الشرعية لاكن كلامي هنا عن بعد عقد القران يعني انا ماأقصد النظرة الشرعية اقصد اشوفها بعد العقد فهمت هلحين,,, لان بعضهم يقول ليه ماشفتها قبل العقد مشكور على مرورك |
اقتباس:
نظره شرعيه وبلعناها لكن حتى بعد العقد ممنوووووووع الله يكون بعونك لازم تحاول قد ماتقدر هذي زوجتك حلالك !!!!! سبحان الله على بعض العقليات !!!!! من جد شي يقهررر |
من حقك تتصيد اي لحظة مناسبة علشان تشوفها ..
بس والله ماعندي إستراتيجية معينة اقدر افيدك بها !! الأخوان ماقصروا معك بالحلول !! لكن انصحك اثقل امام اهلها حتى لاتفقد محبتهم وثقتهم بك ..لكن ظبط امورك من تحت لتحت ياعريس :) |
شوف يااخوي ...الاهل اللي يرفضون النظره الشرعيه,,نفس الشي يرفضون الرؤيه بعد العقد ,,شي بديهي...
انا انخطبت من غير عائلتي ووقت الخطبه طلبو الشوفه وكان ابوي الله يغفرله راااااااافض...وعطيناهم خبر اذا موافقين بدون نظره ..الله يحييكم...ووافق زوجي بدون نظره قبل العقد وبعد العقد...يعني ماشافني الا يوم الزواج....لكن طلب من اخوي رقمي ووافق وعطاه الرقم....وكلمني بعد العقد....لكن انت مالك الا المكالمه يامن اخوها تطلب الرقم او من اختك ...لاني كلمته من ورى ابوي الله يرحمه وماسويت حرااام...اذا رفض اخوها يعطيك الرقم اطلبه من اختك تطلبه منها...بالتوفيق |
| الساعة الآن 11:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©