|
ثقتي بزوجي وكلام النسوان
السلام عليكم ورحمة الله وبركاته
انا بحاجه لرأيكم بهالموضوع زوجي يحبني جدا وانا عارفه وحاسه بهالشيء لكن كل الحريم اللي اقابلهم إلا يقولون الرجال ماينوثق فيهم ولاتكونين واثقه بزوجك لهالدرجه ويقولون يمكن يتزوج عليك وهو كم مره يقول لي انا ماافكر بالزواج انتي ماليه علي حياتي ويحلف انه يموت فيني وحده من قرايبي قالت لاتصدقينه حتى لو يحلف لك مع العلم انا الزوجه الثانيه علشان كذا دايما يقولون مو بعيده يتزوج الثالثه انتم وش رايكم كلامهم اعتبره نصيحه او اثارة مشاكل وزعزعة الثقة اللي بيني وبين زوجي |
من راقب الناس مات هماً
سيبك من كلام الناس يعني بالله عليك فيه إنسان عاقل يصدق اللي يسمع ويكذب اللي يشوف انت دائماً افترضي حسن الظن صدقيني شكك وظنونك راح تخرب عليك حياتك راح تسرق سعادتك شوية شوية دون ماتحسي أكبر شي ممكن يجرح الرجل إنه يكون مخلص لزوجته ويحبها ويكتشف انها مي واثقه فيه لاترمي اذنك لفلانه وغلانه ولاتسمحي لأحد يفرض عليك تجربه سيئة هو جربها ويعيشك إياها غصب أختي : عيشي حياتك بثقه وسعاده.. ولاتخربي بيتك بيدك |
بريد المحبه
اسمك يبعث الامل انا بالعكس كلامهم يضايقني لكن اسمعه باستمرار مو من وحده او اثنين كثير يقولون كذا تصدقين اوقات احس انها غيره |
لا تعطي معلومات عن مدى حب زوجك وحلفانه لك ..
انتبهي ترا احيانا يقولوا هذا الكلام لاستفزازك واثارتك فتبدئي بسرد المعلومات اللي نفسهم يعرفوها .. عن مدى انسجامك مع زوجك .. انتبهي .. والله يهدينا ويهديهم . |
اقتباس:
أنا رجال يعني مان http://www.66n.com/forums/images/icons/icon50.gif |
[align=center]اذا بتلتفتي لكلام الناس بتتعبي
عيشي مع زوجك ولاتفكري في المستقبل وقدمي له كل مايحبه وماهو واجب عليك ولايشغل تفكيرك زواجه عليك فان ضليتي هكذا تعبتي في حياتك فالزوجه تفكر في اسعاد زوجها ولاتشغل نفسها بمثل هذه الامور وتقبلي تحياتي وبالتوفيق للجميع[/align] |
شكرا لكم جميعا
المشكله مايقولون بيتزوج عليكي وبس احيانا يقولون بصيغة الجمع كل الرجال خاينين وعيونهم زايغه وانتي واثقه من زوجك اكيد هو مثل بقية الرجال لاتكونين واثقه لهذا الحد بصراحه صرت اتضايق جدا احس انه ظلم فيه رجال كثير كويسين ليه هالتشاؤم ويتكلمون كأني انا الغبيه بينهم |
اقتباس:
هم اذا تكلموا يتكلموا بصفة عامة عن الرجال وانتي ردي عليهم بنفس طريقتهم او سايريهم انتي الثانية واغلب النسوان مايحبوا الزوجة الثانية ويحاولوا يشككوها ويستفزوها لأنهم ينظروا للتعدد بنظرة سوداوية ومستحيل يقتنعوا بأنك مرتاحة مع زوجك :28: |
إلنمامات من قواض الحياة الزوجية السعيدة
ماأحد يوثق في الرجال
الفاشلات فقط أختي هن من يقلن مثل هذا لكلام أختي عيشي حياتك مع زوجك بهدوء ولا تصدقي هذا الهاجس الذي يجعلك معذبة طول حياتك في انتضار الأسوأ كم خرب كلام الحريم من بيوت وخاصة كلام النمامات والمنافقات هل تتخيلي أختي أن امرأة أتت لزوجتي تحلف لها على ا لمصحف أني متزوج بالسر وأنها شافت ولدي من الثانية وأناأشتري له ثياب كي تزعزع ثقة زوجتي بي بس تعرفي أيش كان رد فعل زوجتي قالت لها أنا عارفة أنو متزوج وأنا الي خطبتها له روحي أنت ما عندك سالفة وطردتها من البيت لأنها تعرف لماذا جائت لا تصدقي للنمامات الله يكفيك شرهن |
أسفه بخيب ضنكم بس بعد تجربتي مالي تقه بالرجال حتي لو بيحلفون
|
في مثل بيقول يا مأنة للرجال يأ مأنة للمية في الغربال
|
والله يا اختي اتركي كلام الناس وارميه بحر
واذا قالوا لش انه بيتزوج ولاتأمني عليه ردي عليهم زوجي حافظته بعيوني وانا واثقه فيه ومستحيل تغيروو وجهه نظري في زوجي لانكم غيرانين من حياتنا وموتو قهر |
.. وليش عاطية الحريم أذنك ؟؟
.. مادام هو حلف لك , وأنتي واثقه منه , وواثقة أنك تكفينه , تملين عينه ,, ,, خلااااااااااااااااااااااااااااااااااص أرقدي وآمني ,, وحطي في بطنك بطيخه صيفي .. .. عيشي حياتك وستانسي , وافرحي ,وانبسطي , واسعدي زوجك ,, واملي عينه ,, وعامليه زين ,, واحترميه ,, .. ولا تعطي أذنك للحريم ,, ثقي بنفسك وزوجك ,, والباقي عطيهم ( طاف ) .. .. وقولي ( أنا وزوجي وبس ,, والباقي خس ) هههههههههههه .. لانه في حريم شغلتهم بس , السوالف والكلام , وخراب البيوت ,, وبسسسسسسسس |
ههههههههههههه حماة اخوي وش ها الكلام هههههههه تعالي انت من وين اقصد اي دولة
الكويت ؟ وكلامك صح صحيح |
والله ماني عاطيتهم اذني هم يتكلمون بمناسبه او بدون مناسبه وبكل جمعات النسوان اسمع مثل هالكلام حتى مره كنا مجتمعين وانا جالسه انا ووحده نسولف سوالف خاصه مع بعض وبعدين قمت إلا تجي وحده تمسك الحرمه اللي كنت اسولف معها وتقول لها اش عندها فلانه تقصدني
زوجها بيتزوج عليها ؟؟مدري من وين استنتجت هالشيء |
صدقيني ما يخرب النساء الا النساء
زوجتي كانت وش حليلها الله يوفقها وبعد ما رحت للشرقيه برفقة احد الزملاء بعائلته انقلبت زوجتي راس على عقب |
اقتباس:
يا اختي ياحبيبتي لاتشيلي هم صدقيني كل اللي يسووه من حرتهم عليك وعلى حياتك بقول لك سالفه صارت لنا واحنا صغار اول كان ابوي من اغنياء الديره وكانت امي مرتاحه حيل معاه وبنى لها بيت كبير حيل والناس على طول بلسانه بو فلان عنده خير وكان ابوي مو مقصر معنا كلنا فجأه صارت تجينا اتصالات ان ابوي حيتزوج على امي وكان وقتها مافي كاشف للرقم وعلى طول ع الموال هذا وصارت خناقه كبيره بين امي وابوي بسبب هالموضوع وامي متى تاكدت ان هذي غيره وحسد من الناس مره دقوا عليها وقالوا لها فلان مع زوجته ومبسوطين وكان ابوي وقتها جالس مع امي بالصاله ومن يومها امي رمت كلامهم بالجدارن واعتذرت من ابوي بسبب شكها والحين ياحليلهم يا اختي الناس تبي خراب البيوت بس اقرب مثال انا على طول يقولون لي زوجك بيتزوج عليك لانه يشتغل بوسط بنات ودلع البنات وغيره ولاني واثقه بزوجي رميت بكلامهم في الجدار وربي ما اكذب عليك امه وزوجة اخوه من ضمن اللي قالوا لي ان زوجي بيتزوج بس انا قلت لهم بيتزوج عليه بالعافيه بس قبل لايتزوج ورقة طلاقي بيدي ومن يومها مافتحوا معي الموضوع ارمي كلام الناس بالجدار |
[align=center][/align]يا اختي الوحدة لما بتكون مرتاحة مع زوجها ضروري متلاقي الي نغص عليك هما
النسوان بس بدهم يلخبطو لك حياتك ويعيشوك في جحيم الشك بالعكس انتي ادرى باخلاق زوجك وتدينو اطردي الافكار الخبيثة من راسك انا عندك كمثال لما بتكون اي جلسة نسائية التي لا تخلو من السب في الرجال بعمل زيهم ايه بقول لا تقة في الرجال بس الي في دماغي غير ربنا يوفقك حبيبتي. |
انا شايفه ان النسوان مش قاصدات ولا حسودات...إنما اكيد كل وحده فيهم مرت بتجربه ....وعلى بالها انها بتعمل فيكِ خير..
بس عموما انت وكزوجه ثانيه وبما ان زوجك تزوج على زوجته الاولى واكيد سمعها كلام الحب وتغزل فيها وهي كانت شايفه انها الوحيده في قلبه...وإذا بها تنصدم بزواجه من اخرى غيرها.... ألا وهو انتي .؟.فلا تستبعدي ابدا هذا لشيء..حتى لا تنصدمي فقط..وان كنت واثقه بحب زوجك وهيامه بكِ فلم الشك والخوف... ومن تجربه والدي الله يحفظه ويطول لنا بعمره... تزوج على امي ...وزوجته الثانيه كانت تعتقد انها قد ملكت قلبه وعقله وانه من المستحيل ان تاتي امرأه بعدها....حتى امي ونحن كنا نعتقد انه من المستحيل ان يتزوج بأخرى...وأذا بنا نصعق جميعا بخبر زواجه من الثالثه ..... لكن هذا لا يعني ان تجاربنا تسري على غيرنا.... لكلً منا تجاربه وحياته الخاصه .... لكنِِ احببت ان اوضح هذه المسأله ان كثير من النساء مرت بتجربه خيانه...او تعدد..او ووو...الخ ...يعني نادرا ما بتكون حسد...انما عن تجربه مرت بها إما هي او قريبه لها .. ومش شرط لما تكون الوحده مرتاحه وسعيده يجيوها الناس ويلعبوا بدماغها ويخربوا عليها حياتها...انا مثلا...كثيراً ما امتدح زوجي واذكره دائما بالخير ..وما بسمع من زميلاتي الا الله يخليكم لبعض ،،نادراً ما الوحده تحصل زي زوجك (طبعا اغلبهن متزوجاتوبيعانين من ازواجهن)....مره وحده بس وحده حذرتني ..وقالت لي لازم تديري بالك على زوجك مهما كان..وهذه الانسانه ذات دين....ولحسن ظني بها اخذت نصيحتها برحابة صد وقلت لها انا واثقه بزوجي... |
شكرا لكم جميعا
الله يسعدكم |
| الساعة الآن 07:55 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©