|
مبلغ المهر
السلام عليكم...
مرحبا بالجميع المهم ياخواني بدخل بالموضوع... والحمدالله ماهي مشكله لاكن هي عائق وابي اتعداه وباذن الله بحلولكم اقدر اتعداها مشكلتي ياخوان اني خاطب الحمدلله وحددنا الملكه بعد فتره لين اجمع كم قرش ومن هالكلام والحين الحمدالله كل شي متيسر الا شي واحد مبلغ المهر بجيب مبلغ المهر بحدود 20 الف عشان اقدر املك وبعقد الزواج اقدم على قرض في بنك التسليف عشان ائثث فيه الشقه والشقه موجوده بس باقي الاثاث ومن شروط قرض الزواج عقد الزواج يعني لازم املك ومقدر املك بدون مهر وانا محتاج منكم المشوره اذا في اي طريقه ثانيه اقدر اسويها عشان احصل على هالمبلغ لو في مشروع خيري او اقدر استلف من بنك معين او مشروع بسيط لين احصل هالمبلغ وراتبي مايتعدا ال3000 وايش رايكم ياخوان ايش الي ممكن اسويه بانتظار مشورتكم |
تقدر تاخذ لك قرض بسيط
او تتفاهم مع اهل البنت انو تبي تملك عشان بنك التسليف كل العالم صارت تسوي كذا |
الله يوفقك وييسر لك ويرزقنا واياك ... الرزق الحلال المباركـ .. |
الله يوفقك ويرزقك ان شاء الله
|
اخت توته لا مقدر اخذ قرض الا بعقد الزواج... ولو كل الناس صارت تسوي كذا انا مارضا على احد من اخواتي وكيف ارضاها عليهم لا طبعا لابد ماملك الا ادفعلهم المهر بالاول عشان برضو البنت تشوف لها اشياء ثانيه
ويوفقكم جميعا عالدعوه |
اييييييييييييه ياخوي قلبت المواجع
الله يعيينك ويرزقك يااااااااااااارب طيب , مافكرت تاخذ سياره وتبيعها أقساط ؟؟؟ منها يجي لك ربح , ومنه تاخذ لك فتره تتنفس شوي وماحاولت تبيع شي من أصولك ؟؟ شي يمكن تسيله الى مال بسرعه ؟؟ والله ادعيلك من قلب ,,, سؤال اخير , الحين لو لو ( والعياذ بالله من كلمه لو ) فرضاً لنفرض أنك خذيت قرض . كم يبي يعطونك (المبلغ) , وكم تبي ترجعه مع الفوائد (الدين الي عليك + الفائده) وكم المده ؟؟ وكم يبون ياخذون من راتبك يعني كم يبقى لك من ال3000 اللهم أرفع عنا الغلا والمحن والبلى ماظهر منها ومابطن الله يوفقك |
وعليكم السلام
الله يتمم لك على خير اخوي فيه حلول كثيرة 1- ممكن تدخل جمعية وتاخذها انت اول او ثاني واحد 2- ممكن تاخذ سيارة دين فيه اشخاص يبيعون دين سيارات مثلا يبيعها عليك ب35 او 30الف دين وتقسطها شهريا الف ريال وانت تاخذها منه وتبيعها نقدا بحوالي 20ريال مثلا اشوف كثير حولنا يسوونها 3- شف عبداللطيف جميل اظن يقولون يعطي سلفة بسيطة بس ما ادري ايش شروطه اذا كل هالحلول ماتنفع مالك الا التجميع والصراحة مهرك بسيط جدا مقارنة بما حولي (مايقل عن50 - 40 الف ) ملاحظة اخوي :: تاكد من بنك التسليف هل المبلغ يطول على مايجي ؟؟ لاني سمعت انه ياخذ للسنة على مايعطونك المبلغ الله يوفقك وييسر امرك عاجلا غير اجل اختك shiny sky |
اقتباس:
وبصراحه والله فكرت فيها بما ان السياره الي الحين اروح وارجع فيها الدوام فكرت ابيعها بس شوي صعبه اجلس بدون سياره..! وهي شكلها مالها الا كذا ابيع شي من ملكي والله يعين والجواب على سؤالك شف بنك التسليف اذا انت بجده اوصفلك المكان بطريق المدينه مبنى وزارة الماليه تاخذ لك من عندهم قرض زواج قدره 30 الف وبدون فوائد ولاشي وتقسط لهم 500 كل شهر بس من شروطهم عقد الزواج سوائن مملك او متزوج قريب اهم شي عقد الزواج مايتعدا سنه وعاد المده شوف انت احسبها كل شهر 500 لين تكمل ال30 الف ويسلموك المبلغ بخلال شهر او اقل يعني مايتعدا شهر والله يسعدك وين ماكنت |
اقتباس:
الله يسمع منك ويحققلك الي ببالك والله ياختي حسبتها بالجمعيه لو دخلتها كم بتطلع عشره الاف مبلغ بسيط وانا ناوي هالسنه اجيب ال20 باذن الله بس فكرة السياره والله توها جات على بالي منك والله فكره حلوه مع انه اكيد انا خسران بس مو مشكله يجيني المبلغ الي ابيه والخساره تتعوض مع الايام وايه متأكد من بنك التسليف وذا كان زمان مو سنه وبس الا سنين توصل بس الحين بخلال شهر يسلموك المبلغ وفي شخص يشتغل ببنك التسليف في منتدى معين وسئلته عن موعد التسليم وقلي بخلال شهر واقل كمان وحاليا يدرسوها عشان يخلوها بخلال ايام يسلموك المبلغ والف شكر عالفكره الي جالس ادرسها حاليا فكره مش بطاله والله اشتري سياره تقسيط وابيعها ليه لا:) |
وعليكم السلام ورحمة الله الله يكتب التوفيق وييسر أمرك ويتمم أمور زواجك على خير ويجعله باب من أبواب سعة الرزق وبركة العم الأخوان ما قصروا معك بالتوفيق لك اخوي فور ايفر عزوبي بس رجل |
كا تقدر تجمع من راتبك؟
20000 سعودي يعني 2000 كويتي تقريبا اعتقد نقدر تقتصد من مصاريفك وتجمع المبلغ |
تسلمو جميعا عالمرور
واخت موهبة الا اقدر اجمعها بس يبغالي فتره اجمع وهي فتره مو كثيره لاكن انا مستعجل عالملكه عشان ابأثث بالشقه هذي السنه باذن الله يعني سنه ممكن اجمع هالمبلغ بس سنه كثيره علي اتمنى فهمتي علي يعني ابي اجيب هالمبلغ باقرب واسرع وقت وربك يعين |
السلام عليكم
نصيحة من أخ, إبتعد عن القروض البنكية المحرمة, لا تبني زواجك وحياتك من حرام لأن النار أولى به..."ومن يتق الله يجعل له مخرجا ويرزقه من حيث لم يحتسب"..إذا ضاقت بك الحال فأدعوا الواحد الأحد |
اقتباس:
الله يسعدك وييسر زواجك على خير انت متاكد انه شهر او اقل من شهر؟ انا سمعت ياخذ سنة ويعطونك 45000 وتقسطها كل شهر 750ريال |
اقتباس:
وانا مثلك مثل الناس نسمع انه سنه واكثر بس ذا الكلام من قبل وحاليا تغير كل شي بموجب ملكي صادر وعن نفسي تأكدت من شخص يشتغل هناك باحد المنتديات وسئلته وقلي بشهر واقل من شهر والمبلغ الي يسلمولك هو على حسب راتبك اذا راتبك فوق ال3الاف يسلموك المبلغ الي ذكرته لاكن اذا اقل يسلموك 30 وتقسطها 500 بدون فوائد ولاشي وانا متأكد من هالشي بس موعد التسليم مثل ماقلتلك تأكد من شخص باحد المنتديات ولو تروحلهم وتسئل مجرد دقايق وتتأكد بنفسك افضل |
اقتباس:
ونعم الاخ وتسلم عالنصيحه واهنيك على غيرتك على دينك والشي الثاني لاتحلل وتحرم بشي ماتدري عن معاملته واغلب القروض البنكيه صحيح محرمه لاكن قبل كل شي تأكد عن نوعية هالقرض وهذا القرض من بنك التسليف لافيه لاحرام ولاشي ماياخذو عليك ولا فائده مجرد مساعده بقرار ملكي وشاكر لك عالمرور |
الله يعينك
اخوي لا تضغط على حالك عشان ماتروح فيها بعد الزواج |
دق على مشروع ابن باز الخيري
لكن ترى من شروطهم أن يكون العقد في الرياض وأن لايكون مضى عليه أكثر من ستة أشهر ورح لجمعية تيسير الزواج والله يوفقك |
الله ييسرلك يارب ~ الزم الأستغفار وتوكل على الله واستخير قبل اي عمل سواء قرض او شراء سياره وبيعها ! الله يتمم لك ويوفقك ان شاءالله ..! |
| الساعة الآن 12:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©