|
زوجي وهذا المسلسل وراي وراي
كيفكم ان شاء الله بصحة وعافية:d
فالبداية راح اشكر كل الاعضاء اللي ساهمو بحل مشاكلي السابقة بل بتغيير مفاهيمي بشكل جذري للافضل:22: طبعا كالعادة عندي مشكلة صغيرة وابي تساعدوني انا ولله الحمد تركت متابعة المسلسلات الله يتمم علي ويتوب عني والمشكلة ان زوجي الله يهديه يتابع مسلسل بايخ اكررررررررررهه لاتقولولي بسيطة ينتهي المسلسل خلاص تنتهي المشكلة المسلسل هذا 4 اجزاء وشكلهم بعد كل سنه جزء جديد حسبي الله وزوجي ماعندة مشكلة لو يعيدونة مية مرة يتابعه ويدور عنه بجميع القنوات حتى انه اللحين يتابع جزئين بنفس الوقت وهو شايفهم من قبل انا حاولت اضغط على نفسي واسايرة واتابع معاه خصوصا انه وقتهم يكون وقت العشاء عشان ما كون سلبية لكن صراحة مشاهدهم تقهر وغصب علي اغااااااار كل وحدة تدلع زوجها وتدلع علية بشكل مبالغ بس مابين النغر قدامة بس دمي يغلي من الغيرة وتنسد نفسي عن الاكل هذا غير انه فية وحدة فالمسلسل عاجبته وبس يتطعم فيها ويعيد كلامها ويموووت من الضحك على اي شي تسويه ويبيني اشاركة مع العلم ان المسلسل مليااااااان شباب وحتى هم يدلعون زوجاتهم بس مستحيل اعجب فيهم ومايحركون بي شعرة لاني صراحة مقتنعة فزوجي بمحاسنة و عيوبة وكمان احترمه واقدر مشاعرة لانه يغااااااار اكثر مني لاتقولون لي انتي ماتغارين علية ويبيكي تغاري لا هو يدري اني اغار واحس قولولي وش اسوي معاه هالمسلسل وراي وراي اذا مدح هالبنت وش اسوي اناانزل راسي ولا اسوي نفسي مااسمع بس هو كله واحد يزيييييد ومابي اقولة اني اغار من وحدة مثل هذي انتظر تفاعلكم ولكم دعوة صادقة في ظهر الغيب |
السلام عليكم ...
أرى أن لا تظهري غيرتك ... وهذا مما سيثير غيرته ويغيظه |
قولي له
تبغ تتابع المسلسل بكيفك وتحمل من الأوزار ماشئت لكن لو سمحت لاتمدح وحده منهم قدامي يرضيك أنا أمدح واحد منهم قدامك وأقول إنه وسيم ورومانسي ويعجب البنات صدقيني إذا سمع منك هذا الكلام بيتأدب معك وما عاد يكررها ثاني مرة وبيفكر في قوة الكلمة التي ذكرتيها ووقعها على نفسه |
رسيل اشكرك وهذا اللي اسويه مابين ابد يمكن الحمد الله لاني واثقة من نفسي وهذا اهم شي بس هو ولا على باله مستانس اني ساكته ويبيني اشاركة يحسبني واحد من الشباب |
الله يعينك يارب
أكره مواقف الغيرة إظهارها ضعف وتجاهلها ضعف مع اني غالبا أظهرها بس من وراء يعني أقرصه واقوله هذا طعم القرص اللي تذوقني اياه |
الرسمي
اشكرك طيب لو اقولة كذا اخاف يحسبني اغار منها وانها احسن مني وانا ماتهمني بس هو يقهر احانا يجيني شي ودي اقولة معجبتك لهذي الدرجة رح اعرس عليها من زينها واخاف بعداقوله يرضيك امدح الرجال يبدا يراقبني لاني مرة قلت الحريم يمدحون الشيخ الفلاني بانه وسيم وقلتله انهم ما عندهم سالفة لو يشوفونك وش يقولون مع العلم ان زوجي الناس يقولون انه عادي بس انا اشوفة حلو المهم بعد ذيك المرة بدا بس يطالع عيوني اول ما يجي اي رجل وسيم ويغير القنوات قعد فترة ونسى وانا صراحة مابي اخرب اخلاقي واكون مثلة ولا انت وش رايك انا دايم تعجبني ارائك واتاثر فيها |
نبض الدان
وشلون تقرصية انا مو بس ودي اقرصة الا ودي اكفخه |
أنا حصل معي نفس الموقف
كنت أتفرج على فيلم كرتون لديزني وكنت أمدح بطلة الفيلم وكان قصدي أن أمزح مع زوجتي واثير أعصابها وفعلاً كررت المدح كذا مرة إلى أن قالت لي تبغاني أمدح زيك بطل الفيلم وأتكلم عنه .. عقبها حسيت بغصه في حلقي ومن بعدها تبت وما عاد مدحت وحدة قدامها من سنين . . شوفي ياأختي إنتِ لابد إنك تاخذي أكشن وتكلميه على الاقل تقوليله لوسمحت راعي مشاعري ولا تمدح وحدة قدامي ترى مايصير كده ..!! وخلاص قفلي على كده . وأعانك الله سبحانه وتعالى |
الله يعينك بس ممكن تكون نيته طيبه ولا يقصد من كلامه شي ..
ويمكن انك فاقع مرارته وعلشان كذا يتطعم بسوالف هذيك البنت ويردد كلامها خخخخخ << سوري بس يمكن على فكره وش اسم هالمسلسل ؟ ههههههههه |
الرسمي
جزاك الله خير صراحة ضحكت على ديزني ليته على دزني بس اللي شدني انك تحاول تستفزها طيب ليييييييش مو حرام راح احاول اقوله |
اقتباس:
|
هههههههههههههههه
عادي خليه يعرف انك تغارين عليه!! واذا عرف يعني وش فيهاااا؟! انا مرااات لما اشوف التلفزيون وانا اقلب القنوات اذا لقيت شي على طوووول اطاالع بزوجي وهو يناااظر فيني ويبتسم ههههههههه بس تعرفي قوليله مثل ماقالك الرسمي واذا مره مزودهااا الله يصلحه عاد!! |
طيب كويس ، اجل انا اشوف انك تصارحيه وتقولي له اللي في خاطرك وهذا أفضل شي ..
انا اعتقد لو تفتحين معه هالموضوع انه ما راح يكرر اللي صار أبداً .. الله يزيدك ستر ويوفقك مع زوجك |
القرصة قريبة من طريقة زوجة الرسمي
بقولك على سالفة مرة كانوا اهل زوجي معزومين عند ناس بنتهم كانت مخطوبة له المهم لما رجعوا سألهم فلانة كانت موجودة انا سكت بالسيارة وحنا راجعين سألته لما رحت لعمك كان فلان موجود>>>>بتقولون قوية بس كوى قلبي وبكويه والغيرة عدوة عقل المرأة قال خير!!!! ووضحت له بعد تسحيب شوي |
نورين
شكرا حبيبتي انا عندي غيرة من الممثلات او المغنيات اوالمذيعات = عدم ثقة بالنفس عشان كذا مابين بس هو طولها وشكلي بقولة لكن بهدوء |
الراسي
اذا فاتحته اكيد ماراح يعيدها بس اذا جت البنت بالمسلسل مادري اكيد بيطالعني واخاف يتلون وجهي بالوان قوس قزح |
نبض الدان
تدرين طريقتك حلوة بس تدرين وين المشكلة انت غرتي من وحدة كفو مو من ممثلة وقرصتية بواحد كفو مو ممثل طيب انا كيف اسوي انا احتقر الممثلين وما اقدر اتخيل اني اعجب فيهم لا بعد عند زوجي مادري اشوفها صعبه انتي وش رايك |
أستغفر الله بالثلث الخير اسوي لك من هالخطط
الله يهديه يارب |
وش فيك نبض؟؟
حسستني تسوين شي محرم ههههههههههه!!!!!!! عادي نصيحه:) |
اقتباس:
وفيه مشاكل بايخة ولازملها حل بايخ مثلها الله يصلح الحال الله يجزاكي خير ويوفقك فالدنيا والاخرة وكل من ساعدني |
انا ماني مؤيد انك تقرصينه بممثل !! اشوف انه مو حل ويمكن يسبب لك مشكله انتي في غنى عنها ..
انا اشوف انه بالهداوه تكلمينه في الموضوع وتقولين له انك تتضايقين من هالامر وصدقيني راح يتقبل الموضوع وراح تنحل مشكلتك ، والقرصه خليها آخر الحلول ومثل ما يقول المثل آخر العلاج القرصه هههه |
تدرون ياجماعة انه يذكر هالممثلة فمسلسل قبل 7سنوات وهي كانت بنوتة صغيرة كان فية جمله قالتها
والحين كلما جت يعيد الجمله حقتها ويصغر صوتة زيها ويقولي ترا هذي هي كبرت صار قاليلي هالجمله الف مرة موب شي يقهر |
الراسي
صح كلامك بس احس بي كبرياء ماودي افاتحة بمثل هذا الموضوع التافة احيانا من القهر احاف ادعي علية ويجية شي لاني دعاية مرة تسلط علي وانا مريضة كان يبيني اروح لهلة ودعيت علية وجته الدعوة طاح مريض حتى اذكر وقتها طلب اني اسامحة وهي اول مرة واخر مرة ان شاء الله |
بياعة الورد
يمكن ماقريتي ردي قبل التعديل هههههههه |
اقتباس:
معليش اكتبية ثانية ههههههه |
تدرون دايم خواتي ينهبلن يقولن وشلون تسكتين لو حنا
وحدة تقول اصك التلفزيون ووحدة تقول ازعل واقوم وخلي العشاء ووحدة تقول احدف القناة ويقولون لي انتي غبية ساكتة بس والله هم مب فاهميني انا بي عزة نفس مابي ابين اني اغار منه ومابي اسيطر علية واسكر التلفزيون هو مب ولدي ومابي اتزعل عشان وحدة ما تسوى بس بي غييييييض منه مادري وش اسوي اخاف ينقلب حبي له بغض |
شوفي مالك الا كم حل....الاول
قوووولي يااااااااااااااااي من جد تعجبك هذي وحركااااتهاااا وااااااااااو يااااثقااالة الدم غريبه وش الذوق هذا لك >>>>>>هذي حررركه أو انك تقولين شف يازوجي العزيز أنت لما تمدح البطله عندي أنا غصب عني أبقلدك أبشوووف البطل يمكن يعجبني وبعديين أبمدحححه وبكذا نتساااوى:22: أو انك تقووولين هي شكلهاا من جد موشينه وحرركاتهااا بعد حليييوه بس لاتهمك ترى التصويرررررر والقصه والدور معطينها الشكل هذا:29: أو حل أخيرررررررر خليك معه اذا مدحهااا وابدي اضحكي اي والله ياااااحليلها ههههههههه ومشي عمرك وبيجي الوقت اللي بيمل منهاااا:17: وبسس..............ويااااارب تهدي زوج بيااااعة الورد وتكررررهه بالمسلسل ويجيييه صداااااع وغثيااان لما يشوف البطله والمسلسل ...................:) |
جماااااال الروح
حبيبتي والله قعدت اقرا ردك اكثر من مرة ماشاء الله عليك راح اكتبهم بورقه واستخير وش ابدا فية وراح اجربهم واحد واحد لين تنحل المشكلة الله يوفقك يارب ويسعدك ويقبل مادعيتي عساه يجية ضيقة اذا شاف هالمسلسل ما تتركة لين يبطل يشوفة |
شوفي يالغالية انا ضد الردود اللى تقولك طنشي ولا تبيني غيرتك ..
يعني لو المسلسل كم حلقه ويخلص ممكن بس الدعوه مطوله هذا على قولتك غير الاعادة اللى تصير في كل قناة وحتى لو كان انشاءالله مسلسل من حلقه وحده برضو لازم تبينين انو هالشي زاعجك حتى ماياخذهااا عاده ويجلس يمدح ويستانس على اسلوب كل وحده يشوفهاااا .. بس الموضوع يبيله شوية ذكاء .. :d يعني لو جيتي على طول وقلتي له انو هذا الموضوع مضايقني ممكن يقولك كبري عقلك وترى مجرد مسلسل ومن هالحكي .. بس اذا حابه تعرفين وش اللى يدور براسه من جد (( تعالي بالاسلوب الغير مباشر.)). قولي الله انو صاحبتك من يومين كلمتك وانها مره متضايقه من زوجهاا عشان هييك وهييك ودخلي بعدين سالفه انو برضو من سلبياته مايهتم في مشاعرهاا وكثير يمدح المذيعات والفنانات والممثلات قدامهااا وانها قالتلي انو راح تسوي نفس الشي وراح تمدح اي فنان او مذيع تشوفه عند زوجهااا .. وهااه يابو فلااان وشرايك بالموضوووع وش اقولهاا :25: :25: طبعاا اهم شي شوفي وجهة نظره يمكن تكون في صالحك ويقول انو ماله حق زوجها ومن هالحكي .. وبعدين قولي له والصراحه صديقتي جابتها عالجرح لانو نفس السبب مضايقني انا بعد يعني خلي اسلوبك مبااشرر ..:d وبس اتمنى اني افدتك عارفه اني طولت علييييييك بس تحملي واهم شي طمنيناا وش بيصير عليييييييك تحيااااااااااااااااااااتي |
شكلك كتير غيوره ع زوجك ...وهو كمان
بس معلش ممكن اسالك سؤال..مين هي هاي الممثله ولما تجاوبيني راح اعطيكي اقتراحي ... بس جاوبيني بالاول بعد اذنك والله يفرجها عليكي تحياتي |
مجهولة هوية
هلافيك حبيبتي اقتراحك جدا ممتاز خاصة ان اختي فعلا تعاني من المشكلة ممكن اقولة انه وحدة مب لازم يدري منهي وشوف عنه واحسن شي اني اخر شي اصارحة لانه دايم اذا استشرته يعتبر نفسة مثالي الله يوفقك وراح اقولك النتائج |
قصة جروح
اشكرك اولا صحيح زوجي غيور بس انا احس اني طبيعية يعني لازم يكون فية شوية غيرة اللي ماتغار ابد ماعندها احساس طبعا مو لدرجة التقييد وبعدين حتى لو كان مو زوجي حتى لو هو اخوي ويقعد يعيد كلام ممثلة ويموت من الضحك على اي حركة تسويها اكيد بتحووووم كبدي مو مسالة غيرة وبس الموضوع انة غلط والغلط واضح ما يحتاج تقولي شكلك غيورة ولاباردة ومن هالكلام وبالنسبه للممثلة ماعرف اسمها والله يزيدني فيهم جهل وبعدين وش الفايدة من معرفتها يعني بتسبيها مثلا اصلا ما يحتاج وش استفيد ولابتقوليلي قلديها اسفه انا ماقتدي واقلد وحدة مثل هذي شكرا وسؤال بالاهي حضرتك ما تغري على زوجك ؟ |
اقتباس:
ولذلك زوجك في اللحظة اللي يذكرها قدامك تراه في حالة غياب تام وعدم انتباه لحاله ولمشاعرك إذا أحد الحلول اقتباس:
قولي له في تلك اللحظة وأدعي له أمامه وفي لحظة هو ينطق بمدحها أنطقي انت بالمقابل ،،،هذه الدعوة الله يحبب لك الحلال ويكره لك الحرام وقومي وخليه بلحاله وبيفتر رأسه سبع لفات ،،،،، وبيستحي بينه وبين نفسه لكن تحتاج للحظات يغفل بها عن نفسه وينطق بها ، وأنت تكوني حاضرة بهذه الدعوة عزوبي بس رجل |
اطلبي منه عدم مشاهدة المسلسل لثلاثة أسباب :
1- ارتكابه معصية بعدم غض البصر و النظر إلى النساء المتبرجات 2- تضييع وقت و أن كل انسان محاسب عن عمره فيما أفناه 3- يقلب المحطة على برنامج نافع و يروق لكِ و له بنفس الوقت بهالطريقة بتكوني يا أختي أقنعتيه بعدم مشاهدةالمسلسل بدون ما تظهري غيرتك مع اني ما بشوف فيها مشكلة لو أظهرت السبب الرابع لعدم مشاهدة المسلسل و هو غيرتك من مدحه لامرأة أمامك ( و كأنه مطنش مشاعرك و وجودك جنبه ) |
شكل المسلسل اسمة prison break او الهروب من السجن
|
عزوبي بس رجل
شكرا لك بس صراحة ضاق صدري من قولك انه يتكلم بدون مايحس ان شاء الله انه مو لهالدرجة بحاول اجرب طريقتك وجزاك الله خير |
ماريا
شكرا حبيبتي تصدقين زمان كان هو ينصحني ويقولي تقريبا نفس النقاط اللي ذكرتي مثلا يقولي وش تبين بهالمسلسلات بس مضيعة وقت واثم ولا يقول افتحي على برنامج ديني يفيدك دنيا واخرة ويوم تبت بدا هو يتابع صرنا خلف خلاف جزاك الله خير |
ادعي ربك والجئي له فهو خير من يعين وهو الوحيد الذي يعلم بحالك
|
اقتباس:
|
تبين الجد انا سويتها بزوجي
كنا جالسين نتابع مسلسل خليجي جى وقال هذي البنت حلوة ع طول رديت عليه وقلت وهـ هذا الرجال حلو شوف كيف مشيته جسمه طريقة كلامه المهم اني ماخليت شي الا وحطيته فيه والرجال ع فكره شكله مره خايس ومن يومها ترك عنه هالحركات |
| الساعة الآن 04:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©