|
هل اوافق على الخطاب أم ابقى مع ابنتي
السلام عليكم ورحمة الله وبركاته
أسمحولي انا بطرح عليكم هذا الموضوع وأحب أسمع رايكم فيه يمكن تساعدوني انا مشكلتي ومشكلة طلاقي طرحتها قبل , ولكن سؤالي لحين انا انخطب بس كل مره أرفض بحجة أنه بنتي بعدها صغيره ومريضه وتحتاج رعايه لحين بنتي الله يعافيها ويحفظها كملت الخمس سنوات وامي كل ما شافت وجهي قالت لازم تتزوجين انتي بعد فتره بتكملين 30 وماحد بياخذج ومن رايها بعد انه بنتي محتاجه خوات وأخوان . بس اللي مخوفني ومخليني رافضه فكرت الزواج انه أبوها ما تزوج يعني خايفه اذا درا أني تزوجت يقوم ياخذها مني ويحرق قلبي عليها وهي مريضه وهو ظالم ما يرحم ( اخر مره شافها وعمرها شهرين ولا يصرف عليها ) بس انا خايفه منه . وفي ناس يقولون حتى لو ما تزوجت يقدر ياخذها يوم تبلغ وبعضهم يقولون ما يقدر لانه البنت مريضه وتحتاجج وحتى لو تزوجت بتكون الحضانه من حقي . أنصحوني شو رايكم اتمنى الرد يكون واضح . الإشراف : تم تعديل العنوان ليتناسب مع المضمون . وفقكم الله . |
اللي اعرفه لو تزوجتي ممكن ياخدها هذا حقه لو رفع دعوى
وممكن تاخذها امك طالما اوجدتم عذر مرضها بس ما اعرف هل بتظل عند امك على طول والا بياخدها بعد ال7 سنين لكن لو ما تزوجتي مايقدر ياخدها وبتم معاك لحين تتزوج وتروح بيت راجلها |
أنا سؤالي هل أنا غلطانه في تفكيري هذا هو مسح موضوع الزواج من حياتي وأربي بنتي الله يعافيها ولا على قول الوالده لازم تتزوجين عشان بنتج .
ردواااااااااااااااااااااااا لو سمحتوا |
السلام عليكم
نصيحة اخ الى اخته تزوجي الله يوفقك وشوفي حياتك وبنتك الله يشفيها خليها عند امك وايام تخذينها عندك وان شاء الله تمشي الأمور على ماتبين انا اعرف جارنا خذ بنته بعد ماكمل عمرها سبع سنوات يعني توكلي على الله و تزوجي وشوفي حالك لايخذك العمر و تندمين بعدين الي الله كاتبه بيصير |
اذا اتقدملك احد استخيرى الله واتزوجي وعيشي حياتك وان شاء الله تفضل معاكي
|
تزوجي لي تظلمين نفسك والبنت الله موجود ولكل حادث حديث ودعي ربك تبقى معك
|
وإن لم يأخذها والدها ستكبر إبنتك وستذهب يوماً ..!! عيشي حياتك وتزوجي برجل صالح إن جاءت إبنتك لاتخافي عليها معه وإن ذهبت أحسن إليك .. لابد لها من أخوان ولابد لك من أبناء أم ستعيشي على ذكرى وجع وألم .. تزوجي بمن هو كفؤ لك .. أسعدك الله وأراح قلبكـ وأفكاركـ |
الله هو الذي خلقها وهو من أوجد بها المرض لذا ثقي بالله أنه لن يضيع ابتك ابدا ابدا
وربما زواجك سيفتح لابنتك بابا من السعادة والشفاء ما لم يخطر ببالك لا توصدي ابواب الرزق بيدك |
الله يشافي بنتك ويحفظك يارب!!
ويرزقك بزوج الصالح اللي يحفظك ويصونك ياقلبي,,, عممري تزوجي وعيشي حيااتك وبــأذن الله راح يرزقك ربي بعيال معافين وبنتك لاتشيلي همهااا واذا اخذهااا ابوهااا وش فيهااا؟؟هذا ابوهاا بيخااف عليه مثلك تماااما!! بكره اذا بنتك كبرت وشفيت بــأذن الله راح تعيش حياتهااا! من اللي راح يجلس معااك غير زوج يحفظك ويصونك!! اذكري الله واستخير وان شاء الله مايصير الا الخير:) الله معك |
عفوا اختي تهاني اول شي بنتي من ذوي الاحتياجات الخاصه عندها إعاقه كامله الله يعافيها ويخليها لي يعني موضوع زواجها صعب .
ثاني شي انتي تقولين إذا اخذها أبوها مب مشكله أنتي تدرين انه سبب من اسباب طلاقي انه ما أعترف بهذه البنت ورفض يعالجها وتنازل عنها لأبوي واخر مره شافها وعمرها شهرين, يعني لو أخذها بيحرق قلبي عليها لانه ظالم . |
أرى آن تتززوجي وتتوكلي على الله ...
وأن شاء الله بنتك بتكون معك .. الله يسر أمرك .. |
الحياة الزوجية الجميع يتمناها .... فما دام الفرص تاتي امامك ... اغتنمي افضلها ... ويكون الاختيار بمقدار لتضحية ببنتك ... يعني لاتضحي الا على شي يستاهل ... والله يوفقك .. |
خيتووووووووووووو
استخيري ثم استشيري واذا ارتحتي لموضوع الزواج حولي الحضانه لامك قبل زواجك وبكذا مايستطيع اخذ البنت عن تجربه وربي اتكلم |
الأشراف
ينقل لقسمه المناسب |
، حبيبتي لاتشيلي هم ~ بنتك لو ابوها يبيها كان آخذها ودورها وسأل عنها 5 سنوات ماجاب خبرها ! قلبي فيه ناس اعوذ بالله من قلوبهم القاسيـه ~ مايعترفون بأطفالهم ذوي الأحتياجات الخاصه ... وشكل زوجك من هالنوعيـه ~ يعني تزوجتي او ماتزوجتي واضح انه مو متقبل اعاقتها وهو عارف انه لو اخذها ماراح يقدر لها لا هو ولا اهله ! نهااااااائيا لاتفكرين فيه وارميه ورى ظهرك ~ وبنتك بأذن الله بتجلس عندك وتربيها وتعزيها ~ وصدقيني اذا استخرتي ربي بيكتب لك الخير ..~ استخيري واذا زواجك فيه خير بيتيسر ويتسهل واذا شر لك بيصرفه ربي يعني لاتشيلين هم ابدا ~ ، |
اقتباس:
حسبي الله ونعم الوكيل والله يكفيه شر العقوبه عزيزتي ربي يعوضك بالزوج الصالح تزوجي وادعي ربك والله معاك مسألة انك تجلسين بدون زواج انسيها وابد مو منطق تزوجي واسعدي نفسك وبنتك برؤية اخوان لها واذا زوجك اقصد طليقك متبري ومتنازل عنها ماراح ياخذها وادعي انه الله يمحي قلبه عنها كذا والا كذا مو متقبلها حسبي الله ونعم الوكيل فيه وربما ترزقين بزوج يعاملها كأب استخيري غاليتي والله يكتب لك الي فيه الخير يااارب |
| الساعة الآن 08:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©