|
طلبت الطلاق من دون سبب
بسم الله الرحمن الرحيم
انا صاحب الموضوع http://www.66n.com/forums/showthread.php?t=201580 الموضوع عدى عليه تقريبا شهر او يمكن اكثر رجعنا الحمد الله مثل ماكنا ويمكن احسن بعد بس صارت معي مشكله وابي رايكم فيها (تحملوني ادري طفشتكم ) المشكله زوجتي زواج اختها يوم الخميس هذا المهم كنت في السوق وانا كنت انتظرها في السياره لطعتني نص ساعه اول ماركبت هاوشتها لاني عصبت وكان صوتي عالي واحنا لسه بالطريق حسيت فيها تبكي على طول مسكت يدها واعتذرت ولا قالت شي وجلسنا نضحك ولا كان في اي شي صار رجعنا البيت واحنا جالسين قالتلي فلان وبكت ليش مدري قلتلها تبين تروحين عند اهلك تجلسين عند اختك قبل لاتتزوج لاني كنت متوقع انه كان بخاطرها لانها اذا بغت تطلب شي وحست اني برفض بكت وهي لسه ماطلبت وهالشي تعودت عليه من بدايه زوجنا حاولت اغيره بس ماقدرت وهي تبكي قالتلي طلقني انا لما سمعتها طار عقلي جلست اهديها واقولها انا احبك ومن هالكلام لما استمرت بالبكى قلتلها قوللي من حقي اعرف اذا الموضوع عشان عقمي خلاص ابشري مابي اصير اناني لما سمعت العقم قالتلي والله مو كذا اقصد ورجعت تبكي قالت انا قايلتلك انك انت اهم وهالشي مكتوب لنا قلتلها طيب اذا مو هذا السبب اجل وش السبب ورجعت تبكي حاولت معها بس ماقدرت اهديها قلتلها طيب انا بطلع وانتي ارتاحي لما وصلت عند الباب قالتلي لاتروح ورجعتها وحاولت اعرف منها شي بس ماقدرت لانها كانت تبكي بقوه نامت وهي ماقلتلي ليش طلبت طلاق لاني حتى انا مو مستوعب اللي قالته من بكرا كانت بتروح لاهلها قبل ماتروح فتحت معها الموضوع استغربت انها قاتلي انت ماتبيني وبكت حاولت اقولها لا من قاله بس ماكانت تسمعني وديتها لبيت اهلها قلت يمكن تريح عندهم اتصل فيها واذا سالتها عن الموضوع قالت خلاص وبكت تعبت مدري وش صار فيها انقلبت فجأه ابي رايكم |
صدقني يمكن هي تعبانه نفسيا ......
وانت ادرئ ان المرءه كل شهر بتتعب وانت فهمت القصد وتتعب قبل بأيام تكون حساسه وتبكي ووو,.....الخ واكيد تصرفك واحراجك لها بلسؤق ضايقها وضربك لها قبل هلمره ضايقها وووو......اشياء بتصرفك يضايقها وتقعد تتذكر وتندم علئ صبرها الئ متئ ؟؟؟؟! مع انك اعتذرت وقبل ورجعت عادي مثل اول لكن باقي هالشيء بداخلها في ناس يبقئ شيء في نفوسهم وماينسونه ........ز صدقني هي تحبك وتموت فيك لكن هي تبي تشؤف غلاتها عندك وبلاخص بعد تصرفك لها بأحراجها ...... وانت يااخي اصبر تحمل ......دق عليها قؤل تاخرتي مو تشحط فيهاامام الناس والله احراج يااخي تعامل باسلؤب افضل وراقي عاتبها ولكن مو امام الناس اواسكت ولا تكلمها امام الناس انت فكر هلاسلؤب ترضاه لنفسك !!! محد يرضاه اذا حص شيء يضايقك منها فتعامل معها باسلؤبترضاه لنفسك اذا اخطئت .... الاهم انت عجبتني يؤم اعتذرت لها وماقصرت لكن يمكن هي تعبانه مثل ماقلت نفسيا ..... او انها باقي شايله بخاطرها منك ومن تصرفك ومخبيه عليك وتظاهرت بلرضئ لكنها لم تنسئ الموقف ... زوجتك ماشاء الله حنونه ومتعاطفه معك فاضغط عئ نفسك للصبر علئ اخطائها فهي رضت بك كعقيم وقالت لك افضل الكلام وانت مانسيته فلماذ لاتصبر علئ تاخرها او خطئها علئ شيء معين ...... الاهم انت اصلح الامور معها واتوقع انها قالت طلقني بلحظة قهر وزعل من الموقف وتجادل معها وش السبب!! اقلها قؤل ارسلي لي اذا ماتبين تقؤلين ؟؟؟ الاهم تعرف ليش قالت بين لها ندمك عئ مافعلت . والله يشفيك ويرزقك عاجلا غير اجل انصحك بلاستغفار والصدقه ..........والله يؤفقك انت وزوجتك. |
زوجتك
حساسه جدا بما انه مابينكم عيال فمشاعرها وحبها وقلبها مسخرتهم تماما لك اي تصرف زعل او غضب منك هي تفهمه انك ترفضها ولا تقدر لها كل هالحب كأنها تقول مع حبي هذا كله وهو يسوي كذا .. اجل يكرهني .. فتطلب الطلاق كنت مثلها بس عمري ماطلبت الطلاق بعدين ... ولو انك ما تسائلت عن هالناحيه ليه هي تتسوق وانت بالسياره ؟ احنا يالحريم مانحس بالوقت .. ولو حسينا فيه مقاضينا كثيره اصلا وتاخذ وقت شي طبيعي تتنرفز اذا انت تنتظر وهي تشتغل وشي طبيعي انها تبكي .. اقلها تزعل منك ياتنزل معها ..حمايه لها اصلا ومنها تشوف فعلا شغلها او تخليها مع احد من اهلك او اهلها وتروح تغيضوني يالرجال اذا سويتوا هالحركه ... قلق على نزلة السوق !!!!! عموما لابد تجلس معها جلسه لطيفه جدا وتبين لها انه حساسيتها هذي تتعبك وانك تبيها تعتدل في مشاعرها ..ولا تصير مفرطه ..يا حب حب حب .... يا طلاق!!!!! علمها الاعتدال مواقفكم هذي ترى تعلمها ولو بشكل غير مباشر .. بس برضو انت اطلب منها انها تكون معتدله .. |
لما يكون وضعكم بها الشكل توقع ان عليها ضغوط من طرف اهلها وهي تقاوم بس مجرد انك تضغط عليها لأي سبب انا اتوقع انها تأنبك من غير ما تقصد لأنك تأكد لها ان مطالب اهلها على حق
اظن فقط وجهة نظر الله يخليكم لبعض ويصلح ما بينكم |
المسألة انها حساسة جدا
الله يسعدكم خلك مثل زوجي شعاره التطنيش وغالباا تطنيشه يخدمني يعني بمثل هالحالة مستحيل يرجع يسألني ليه وش صاير خلاص يتصل مايفتح الموضوع يجي يمرني ولا كأن فيه شيء ونعيش حياتنا عادي ساعات خصوصا الحساسة مثل زوجتك تقول كلام وليد اللحظةوتتندم عليه العاطفي كل موقف يوديه وكل موقف يجيبه فكنوع من التكفير لصراخك جب لها تورتة والا ايسكريم عائلي والا صنية شوكولاته وخلها مفاجأة اتصل وقل لها بسرعة افتحي انا عند الباب راح تنفع بإذن الله لأن الحساس حساس حتى من ناحية الجوانب الطيبة |
وعلى فكرة بالنسبة للسوق
عدونا اللدود الوقت مرة بلا مبالغة وقفت بحاسب يمكن عشر دقايق راحت ع الفاضي اولها سرا بعدين ماعنده صرف وساعة على بال مادبرها ومرة الشبكة يروح العصر احيانا على 3أو4محلات بالكثير |
اذا فعلا انت ندمان و بدك تراضيها اقترح عليكتعملها مفاجاة بعرس اختها .. و قدام الجميع
هيك بتستعيد الثقة بنفسها و بيك و هالخطةو تخليها تفكر الف مرة قبل ما تطلب الطلاق . و من وجهة نظري اكيييييييييد مسالة العقم ماثرة فيها و اكيييد ما رح تحكيلك .. ليش ما تزرعوا ؟ |
أخي الكريم خالد
يعلم الله ان موضوعك أثر علي ولامس شي في حياتي زوجتك انسانه حساسه وكتومه وخاصه اذا كان عقمك لم يعلم به احد سواكم زوجتك انسانه تحبك وكتمانها لعقمك هو من جعلها في حالة البكاء الدائم هي تريد ان تصرخ بااعلا صوتها ولكن لمن لزوجها الحبيب التي لاتريد ان تجرحه او لاهلها الذين لا يعلمون عن حياتها الزوجيه شي 00 أخي الكريم -- زوجتك تريد من يواسيها ومن يشد من ازرها في ما اصابها فلا تكن انت والزمن عليها عاملها بطيب وكن لها الزوج الحنون والصديق المخلص والحبيب العاشق حافظ على الجوهره التي تملكها وجعلها براقه بلطفك وتعاملك معها0 ومن ناحية عقمك لاتستسلم لما قالوه الاطباء لك فالله ارحم بعباده أبحث عن حلول ولا تستسلم لكي تسعد وتسعد زوجتك قد يكون اهمالك للبحث عن العلاج سبب لما زوجتك فيه اعمل حجامه فهي مفيد لحالتك وان شاء الله يرزقك الخلف الصالح 0 -- أخي الكريم-- نصيحه لوجه الله من اخت مرت في نفس التجربه التي تمرون بها لاتترك قلب زوجتك يموت من ناحيتك بل حاول ان تحافظ على حبك في قلبها00 سؤالي لك ولا اطالب بالاجابه جاوب عليه في نفسك0 هل تريد زوجه تعيش معك بكل حب وعطاء؟ ام تريد زوجه تعيش معك فقط رحمة وشفقه على حالك ؟ اسفه على الاطاله وتقبل مروري ودمتم بخير |
أذا تريد زوجتك تكون فعلا سعيده وخاصه قبل زواج اختها
فاجئها بمكالمه منك او رساله انك تبحث عن عيادات للعقم او عمل الحجامه هنا تبعث الامل في حياتها وتعيد الفرح والابتسامه لها :) والله الموفق |
طلقني يا كثر ما قلتها لزوجي...وأقولها لما أحس مالي أي قيمة عنده. اخي الكريم والله انا حااااااسة بزوجتك تماما كانك تتكلم عني يا اخي بكل صرااااحة زوجتك محتاجة تحس بقيمة ذاتها وإنك تقدرها وتكرمها وتعاملها كشريكة حياااااااااااة تفاهم وتحاور معها لا تمارس عليها دور سي السيد... أنت ماقصرت وديتها السوق ..لكن للأسف خربتها لما تأخرت عليك..ومافيها شي لو تأخرت ساعة :25: والله صدق أتكلم.. إنت بدل ما تصرخ عليها.. كان سألتها حبيبتي ليش تأخرتي؟؟؟ يمكن المحل زحمة... يمكن الطلب في مستدودع تأخرت لين يجيبوه لها... في عشرين سبب واعتقد إنت تواجه مثل هذه الأسباب لما تروح تشتري غرض لنفسك.. بالله إنت ومعذور وإنت منت بحاجة لأحد يوديك ويجيبك ..... وهي الأنثى الضعيفة اللي بحاجتك مو معذورة....:11: صراخك عليها حسسها بالإهانة (( أنا بأحلل وأنا حاطة نفسي بمكانها)) يا أخي لو زوجي وداني السوق ومانزل معي للشراء أقسم بالله إني أحس بالإهانة ايش الفرق بين روحتي معاه وروحتي مع السواق؟؟؟ الحياة شراكة وتقاسم ومعية في كل شئ حسسها بمعيتك حتى في الأمور النسائية اللي تطفش منها.. لأنك والله بتكسبها......:28: يا أخي من لك غيرها ومن لها غيرك..تقاسموا معا الحلوة والمرة ..والله والله حياتكم بتحلى ومن وجهة نظري موضوع الإنجاب مو مؤثر عليها.. اللي مؤثر عليها أسلوب تعاملك الغلظ أنت تصارخ عليها وتهينها في السيارة ,,حتى لو سامحت هي انجرحت والمرأة أقل شي يجرحها ويحسسها إنك ماتبغاها و مو متمسك فيها إلا لأن مو سهل تلقى واحدة ثانية ترضى تعيش بدون انجاب الخلاصة قدر زوجتك حسسها بقيمتها وقدرها العالي بينكم وبين بعض وقدام الناس اللي تعرفهم واللي ماتعرفهم..عشان تتأكد وتتيقن إنك متمسك فيها لذاتها و لحبك لها هي ..وإنك ما تستغنى عنها.. اضبط أعصابك لما تشوف منها شي مايعجبك وتجنب أسلوب رفع الصوت والصراخ....عشان تحس إنك تبغاها وتحبها ومتمسك فيها لذاتها...... أتمنى أكون وصلت بك إلى ما في نفسي.. |
اقتباس:
أمعن النظر في هذا الكلام واستوعبه تمام الاستيعاب .. وستعرف ما تفعل .. ثم يا أخي زعلت على نص ساعة في سوق ... ومن متى السوق يخلص في نص ساعة ؟؟؟ ما شاء الله عليها اللي طلعت لك في نص ساعة ... متسوقة اكسبرس ما شاء الله عليها .. وكله علشانك ولا سلمت من التأنيب ... زوجتك تستاهل منك الكثير .. الا القسوة .. الله يوفقك وياها ويرزقكما بالذرية الصالحة |
يمكن انت مقصر معها بشي تستحي تقولة يعني فعلاقتكم الخاصة
او هي مقهورة انك ماتحاول تعاج عشان الانجاب زوج صديقتي كان شبه عقيم عنة الحيوانات المنوية قليلة جدا ونصها مشوهه وعالجو مره مانفع والمرة الثانية حملت وجابت توم ما شاء الله اذا كنت فرياص رح لمستشفى الحرس او التخصصي لازم تروح تعالج يمكن هي مقهورة انه مابيدها حيلة وانت الرجل وما حاولت الله يرزكم بالرية الصالحة |
اقتباس:
الشى الثاني الله يجزاها خير لانها وافقت تجلس معك واضن حتى لو طلبت الطلاق هذا حقها الشرعي وهدف الزواج الذرية ولكن هي تبغاك انت وهذي تضحية كبيرة منها الشى الثاني ربما صدر منك تقصير وربما حست انك متغير عليها وهذا ماخلاها تطلب الطلاق حاول تعرف منها ايش المشكلة وياليت تبطل سالفة الدموع على الاقل لين تعرف شسالفة زوجتك جدا حساسة حافظ على شعورها الله يسعدك يارب |
أكيد أن زوجتك تتألم من شئ أنت السبب فيه و يظهر أنها صبرت على ذلك الشئ طويلا و قد بدأ صبرها ينفذ و رغم هذا هي مازالت تحبك . عليك البحث عن ذلك الشئ و إصلاحه.
|
كلمتها واصيرت اعرف وش اللي صاير
وليش طلبت الطلاق وهي اربعه سنوات مافكرت فيه حتى لما عرفت عقمي ولما مديت يدي عليها بحياتها ماجابت سيرته المهم كلمتها وسالتها طبعا كانت تبكي قالتلي انك قلت لاخوك انك مليت وانك ماتبيني وانك لو تجلس عازب احسن (لان اخوي بيتزوج قريب ) انا تفاجئت لاني لما قلت هالكلام كنت امزح ماكان قصدي قلتلها اني امزح قالت خلاص اذا ماتبيني قلي مايحتاج تضغط على نفسك ومن هالكلام وهي تبكي ماعرفت اتعامل معها حاولت افهمها بس ماقدرت بعدين كلمتها مره ثانيه لقيت جوالها مقفل رايكم اروح للبيت واكلم اخوها (لان ابوها متوفي ) ولا اصبر لين تفتح جوالها ولا وش اسوي |
اقتباس:
مع أحترامي الشديد لك والله ماتستاهلها ماتتصور قد أيش كلامك جاااارح مافيه مزح بمواضيع مثل هذي! الله يعينها |
انك مليت وانك ماتبيني وانك لو تجلس عازب احسن (لان اخوي بيتزوج قريب )
انا تفاجئت لاني لما قلت هالكلام كنت امزح ماكان قصدي قلتلها اني امزح لا تعليق |
إذا انت قلت انك مليت وليتك ترجع عزوبي بس هذي عادية وكثير قالوها
أما انك مليت ولا تبيها وخاطرك ترجع عزوبي فهذي مزحة بغير محلها ابدا |
اثنيناتكم غلطانين
المفروض انت ماتمزح بقيمتها حتى قدام نفسك كيف قدام اخوك كلامك هذا يقلل من قيمتها ويخليها ملطشه خطأ انك تضحك الناس عليك وعليها .. هذا اسلوب المهرجين فقط بدل ما تقول لأخوك هالكلام قول له عن الايام الحلوه اللي تستناه..زي ما انت قلت في موضوعك الاول وقد ايه انتو كنتو سمن على عسل .. حتى بعد مشكلة الكف رجعتوا احسن ..مالقيت الا تمزح وبقيمتها؟ قمة الاهانه بجد تقول انك كنت تمزح.... الكلام وصلها الله اعلم من مين... وواضح انه اختصر هالجزئيه ( انها مزح) ..يعني قاصد يوقع بينكم فانتبه انت من كلامك ... مو فلاحه ولا رجوله تضحك الناس عليك وعلى زوجتك ..بالعكس الواحد بيضحك معك وبيعطيك مقفاه ويقول الحمد لله والشكر !!!!!!!!!! وهي غلطانه المفروض تكون واثقه منك ... يعني عشرة اربع سنين تتبخر في ثواني؟ الفروض تتأكد منك .. تكون واثقه من نفسها ومنك ... وتجي تقولها بطريقه تخليك تنحرج من نفسك مو تقول طلقني وتروح !!!!!!!!!!!!!!! حساسيتها مفرطه بجد لكن ما الومها .. مافيه عيال تنشغل فيهم .. وتخفف من حبك وتعطيهم منه فانصدمت وقالت اللي قالته كان زوجي اذا حد جا اشتكى له من زوجته يقول له (عندي وعندك خير) وكلها والله اشياء لا حصلت ولا شي قمت شبيت فيه حريقه .. وش عندي وعندك خير؟ انا متى سويت اللي هم يسوونه؟ قال لا بس عشان اواسيه .. مابيه يحقد عليها. قلت وانت وصي ع الناس؟ قللت من قيمتي والله اعلم وش راح يألف عند الناس وكذبت علي ..عشان هو يروح يحبها؟؟؟؟؟؟؟؟؟؟ اصلا وش دراك اللي يقوله صدق ..شافك مقلل من قيميت قال اجي اخرط عليه بسالفه وعشان يفضح زوجته قدامي !!!! قمت عليه قومه مو طبيعيه .. خليته يحرم يحرم يحرم يفكر بس مجرد تفكير انه يسويها مره ثانيه حلوه هذي عشان يفيد اللي قدامه يخرب علي!!! مين ابدى زوجتك والا اخوك؟ مين اللي معك الى اخر العمر ومتحملك وصابر عليك هي والا اخوك؟ والله من جد بعض الرجال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
الله يهديك كلامك مررررررره قوي وتحطيييييييم!!!!
الحين من اللي يمل من الثاني؟؟؟!!!!!! |
اخوي خالد انا سجلت مخصوص علشان ارد على موضوعك بالنسبه لزوجتك تقريبا شخصيتها مثل شخصيتي واحس بالي تحسه يا اخ خالد زوجتك انسانه حساسه لابعد درجه واحساسها مرهف بالمره وهالشخصيه مستعده تضحي بكل شي علشان الحب وعلشان كذا ضحت بالاولاد وحرمت نفسها من الامومه بس تنتظر مقابل هالتضحيه الحب والحنان والعطف وللأسف ما لقته عندك ومستحيل تلتقون بنقطه وحده دام هذي شخصيتك عصبيه وتجريح بالكلام وعقم يا تغير شخصيتك معها ولا اتركها تشوف حياتها حرام هالانسانه الحساسه والشفافه المضحيه تعيش بالجو الي معيشها اياه ونسيت اقول لك شي ترا اي شخص حساس ما يعرف يعبر عن احساسه الا بالدموع وانت فهمت هالنقطه غلط على بالك انها ضعيفه شخصيه ياليت يا اخ خالد تقرأ كتاب رجال من المريخ ونساء من الزهره علشان تتفهم اكثر شخصية الاثنى |
| الساعة الآن 12:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©