|
صدمه الرؤيا الشرعيه..ساعدوني
انافتاه عمري 21سنه تقدم لخطبتي ولدعمي 3مرات وابوي كان يرفضه وبالاخيرلماوافقناطلب الرؤيه الشرعيه ولمادخلت عليه التفت علي وجلس يسالني عن اخباري ودراستي بعدهاالتفت على خالي قال خل البنت تطلع شكلهامستحيه ولماطلعت طلب من خالي اني ارجع ورفض خالي قال الشوفه وشفتهاخلاص قال بسالهاعن دراستهاقال خالي تبيني اروح اسالها قال لا خلاص ومركم يوم ومادقو راحت امي تدق تشوف اش الاخبار قالت مرت عمي الولديستخير.....واناهالموضوع مرا مازمني احس اني فقدت ثقتي بنفسي حسيت بنظرات الشفقه من الي حولي وماادري كيف بقابل الناس وانا احدشايفني ورافضني تكفون ساعدوني وحللولي شخصيه الولد ...بعدين ليه الشاب ......مغروركيذا؟؟
.....الشاب ....... بدون احساس...يعني مثلابالرؤيا الشرعيه وبعدمايشوف البنت..ويتفحصها,,,وبعدين يتركهابكل غرور وكانواهي الي جايه تخطبه...ليه مافي مراعاه لشعورالبنت الي دخلت عليك وكل امالهابحياة جديده..حتى انهاتخيلت كيف فستان الزواج والضيوف وكل شي...خلاص تتركها لانومااعجبتك؟؟؟...ليه الشاب...........سطحي كيذا..طيب الجمال مومن اول طله...خاصه البنت تكون متلبكه..اتمنى اشوف ارائكم...وكيف تشوفون البنت بذاك اليوم بعدماتتركها؟؟هل ترحمها؟؟؟...تحياااااااااااااااااتي عفوا : يرجى عدم تحدي جنسيات .. |
جيلانا
تقولين ان { ابن عمك } طلبك 3 مرات ..... طيب على اي اساس كانت المرات السابقة ؟ وهل اخواته وامه ما قالوله مواصفاتك ؟ وهل انتي موافقة عليه وهو فيه كل الصفات التي تتمنيها ؟ بعدين انتي اتهمتي كل الشباب ببلدك بالغرور من تجربة ابن عمك فقط يعني لما واحد يختلف ما يجوز الحكم على الكل |
انامتاكده ميه بالميه انو مواصفني له....واهوعلاقته مراحلوه بااخواني الشباب...واهوالرجال الي اتمناه طول حيااتي فيه كل المواصفات الي اتمناها كلهاكلهاكلهالدرجه اني حسدت نفسي عليه....
|
يعني انتي فقدتي الامل في رجعته ؟
صلي استخارة يمكن ربي نجاك منه لسبب ما يمكن كنتي هتتعبي معاه يمكن يطلع متردد او تفكيره غير تفكيرك وادعي الله سبحانه وتعالى لو فيه خير يجعله من قسمتك ونصيبك {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
الله يجزاك خير ولاتنسيني من دعائك
|
صدقيني خيره وربي ولا يضيق صدرك أبد
انا مريت بنفس الموقف والله العظيم تعبت نفسيتي كثييييير ما اقدر اشرح لك قد ايشش وبعدها عرفنا عن الولد حاجات ماهي كويسسة أبد وحمدت ربي انو مو من نصيبي الحمدلله بس ., الله يعوضك أخير منه الله اميين وكل مسسلم : ) |
الله يعوضك ويقر عينك بزوج يهنيك ويسعدك يااارب
|
الله يرزقكم كل ماتتمنون ماتتصورون دعواتكم اش كثرفرحتني....
|
حببتي
هو ولد عمك !!!صح سؤال ليش ابؤك رفضه 3 مررررررررررات اكيد شايف عليه شيء ! |
جيلاانا
أنا والله مرييييت بنفس موقفك والله كنك تقصين قصتي خلين أقولك قصتي أنا لما تقدم لي وااحد أهليييييييييييي مره انهبلوا فيه وانبسطوا وأقنعوني لدرجة بدينا نفكر بالزواج كيف راح يكون وكيف أبقضي لان هذا الرجل كلللللن يتمناه وأنا بديت أفكر فيه وكيف أبتعامل معه لكن جواتي أحس فيه شي غرررريب يمكن من مدح أهلي صرت أشوفه مثاااالي وخصوصا وظيفته كوووووويسه !!!بنفس الوقت استخرت وأحس من شد ماأهلي عجبهم قلت وش راح يكون لو استخير أنا اخذته أخذته مدام أهلي عاجبهم لذيك الدرجه ويوم دخلت وشااااافني نفسك قام يسأل ويتكلم ووقتهااا بنفس الشوفه لما رفعت راسي انقرفت من جرئته الزااايده كنه يعرفني من زمان وحسيييت فيه غرررررررررررررررررور ولما طلعت قلت أنا ماأعجبني لكن خلين أشوف رده يمكن سعااادتي معه !!!!وزيك قال لاهلي ابستخير وأبشوف وأرد لكم !!!.............ساعتها قالوا أهلي هذا واحد متردد ولايستااااهلك وخافوا انه ماقتنع مره بي وصبرنا كم يوم ودقوا أهلي قالوا ترا ماصار شي وأحس انقهرت ليه شافني وتكلم معي بالنهايه يكون كذا!!!!.............وبعد فترة سمعنا عنه شغله أبدددددددددددد موكويسه وماترضاها أي بنت لزوجه!!!!..........ومع اننا سائلين عنه كويس بس ماحد قالنا حنا عرفنا الشي هذا بعد الرررفض ووقتهااا فرحت وحمدت ربي واقتنعت ان ربي مختارلي الخيره المبااااركه!!!!!!!!!!!! أحس اني كتبت كل اللي عندي بس من جد موقفك ذكرني بموقفي قوه ..........أتمنى انك استفدتي من نهايه قصتي وان كل شي خيره بس انتي كثري الاستخااااره وخبريناااااااااااا وش يصير عليك..... |
بعددددين ياجيلاانا أعجبني خالك لما رفض انك ترجعين ثاااانيه من جد الحرررركه هذي طاااافين فيها الشباب يخلون البنت ترجع كم مره كأنه سلعه ويتفرررجون عليها:25:
|
الله يكتب لك الخيرة ويوفقك بالزوج الصالح التقي
|
.. (( عسى ان تكرهوا شيئا وهو خير لكم )) ..
.. عزيزتي .. لا تحزني وتزعلي ,, الا خلقه , خلق غيره , وافضل منه .. ولا تنسي الخيره فيما اختاره الله .. .. واكيد في حكمة من انك ما ترتبطي فيه , انتي الحين لا تزعلي ويضيق خاطرك , وتحزني .. بالعكس .. قولي الحمد لله .. مو يمكن فيه شيء انتي للحين ما شفتيه فيه وهذا الشي يمكن ياثر عليكم وبعلاقتكم الزوجية .. لذلك ابتهجي وافرحي ,, وان شاء الله ,, ربي راح يعوضك بالا احسن منك ,, بشخص يحبك ويعزك , ويكرمك , ويعرف قيمتك .. .. تمنياتي لك , يزوج طيب وكريم ومحترم .. |
اقتباس:
|
البنت المفروض إنها تاخد الموضوع عادي ، لان الشاب كما انه لا تعجبه الفتاة هي أيضا ممكن ان الشاب لا يعجبها ..
و الشكل مهم للشاب او للفتاة و كل واحد حر في اختياره لمن سيعيش معه باقي عمره و هذا مباح شرعا فلماذا نغضب منه .. اما عن تخيلك لفستان الفرح فهذا خطاك .. لانك لم تعرفي رايه بعد و ايضا حتي لو تمت الخطوبه فمن الممكن ان يغير رايه و هذا حقه كما انه حقك .. |
لاتزعلين ولاتظايقين نفسك
انا مريت بموقفك هذا مرتين ويكون الرفض من الشاب والحمدلله سرعان مااسترجع ثقتي بنفسي واقول دايم اكيد هو لايستحقني لانى بكل تاكيد لاينقصني اي شي ولاكن هذه الخيره من الله سبحانه وتعالى ولو ماصار نصيب بينكم لاتزعلين نفسك ولو انا منك وشفتهم طولوها لاختصرت الطريق برفضي له لانه واضح انه مشتت ولم ياخذ قراره وفقك الله وعاك |
والله هو موقف صعب يا أختي لكن لو فكرنا بمنطقيه .. فالشاب غير مخطئ فالرؤيه الشرعيه تعني أن يعجب بك أو لا يعجب وليس بالضروره الاعجاب وتحصيل الحاصل ولا يلزم كونه لم يعجب بك أنك لست بجميله يا أختي فالجمال كما يقولون نسبي أشقيقي الاكبر مثلا كان معجب بفتاه عاديه جدا لكنه وقع في مشاكل كثيره مع أبي وأمي لاجل الارتباط بها وكان دائما يصفها بملكة الجمال والان تزوج واحده ثانيه اجمل من الاولى بكثيييييير ومع ذلك مصر أن تلك الفتاه أجمل .. الجمال نسبي لكن نرجع ونقول عن الرؤيه الشرعيه ... لازم تكون في قمة السريه حتى لا يفسد على البنت مستقبلها |
من الاحرى ان يوفق بين الزوجين بالرؤيا الشرعيه
فرفضه من البدايه افضل من رفضه لكي بالاعلان انا عندك مثلا دخلت على شاب ذات دين وخلق وجمال فلم ارتاح له ابدا ابدا فستغرب قراري والدي واخي الرجل ذا دين وخلق وجمال فلما الرفض فهذا عزيزتي النصيب الله يكتب لك لخير فلا تستعجلي الله يوفقك دنيا واخره |
السلام عليكم ..
اولا ... عجبتني حركة انه طلب انك تطلعين لأنك خجلانة بس خربها لما طلب أنك ترجعين ، دامه يبي يشوف ولسى كان ما طلب طلعتك .. ثانيا .. تعليقي على تساؤولك بشأن ليه يشوف وبعدين يروح ..فهذه يا أختي الحكمة من الرؤية الشرعية .. إما أن يرتاح فيقبل أو ينفر فيتراجع وهذا من حقه وحقك أيضا عليه ان يكون صادقا مع نفسه الآن قبل العقد وقبل أن يغير رأيه بعد العقد فتمسين مطلقة .. ثم اعلمي أنه ان قرر عدم الرجوع فإن بالتأكيد في الأمر خيرة لك .. وقد صرف عنك شرا مغيبا عنك .. قد لا تصدقين هذا الكلام الآن لأنك متألمة ومتعلقة به ولكنها حقيقة ستدركينها بعد حين وليس الآن من مجرب .. فقط استمري في الاستخارة والله يوفقك ويدبر لك الأصلح لك ويرزقك بالزوج الصالح الذي يحبك فيه ويعينك على طاعته اللهم آمين |
صار مستجدات...اليوم امه كلمت امي ماكان فيه شي تقول خلونا نشوفكم اليوم وانا بروح مع امي عشان ابين انو مافي شي...ادعولي اتمالك نفسي...ولاافضح مشاعري
|
اقتباس:
يااااااااااااااااااااااااارب ربي يسخره لك وتتآلف أرواحكم وتعيشون بسعادة يارب يكون الحب من طرفين ياااارب الحب أساس نجاح أي علاقة ومذوبة لجميع المشاكل المستعصية ( إن وجدت ) |
بس الحين خلاص مافي نصيب....امه ماعاد تكلمت تناست السالفه وانابروح ودمعتي ع خدي الله ينصرني
|
انا بصراحة ما اقدر اشوف بنت وبعدين ارفضها لكن احب ان اتكلم معها وجه لوجه فقط من ناحية قبولها بالزواج بي فربما هي قد تكون تحت ضغط ما لكن لا تستطيع ان ترفض لكن عندما اراها واجلس معها استطيع ان اعرف مدى رفضها او قبولها بي وانا استطيع ان اقرر بعد ذلك .
اما الزواج بالاقارب فعندنا نادر جدا خصوصا الاقارب القريبين جدا مثل بنت العم او الخال واذا حصل فما فيه الرؤية الشرعية لأنهم يعرفون بعظهم جيدا . من المفروض ابن عمك ما يعمل هكذا حركات يا يتقدم مباشرة ويتزوجك او ما يثير الموضوع اصلا لانو اكيد يعرف كل صغيرة وكبيرة عنك |
أنااااااااااااااا أقول لاتروحين والله أحسهااا صعبه انك تشوفينهم خااصة ان موضوعك طااازه لوبعدين حلو انك تروحين بعدين هو مطلق؟؟؟؟؟؟؟؟
مادام انه مطلق أكيد راح تكون عنده ردة فعل من تجربته اللي قبل ولاراح يتخذ قرااااره بسرعه!!!!!!!!!!!والحمدلله اللي من أولها كذا مو بعدين وش موقفك لو حصلك اللي حصل بعد الملكه!!!!!!!!! |
الله يعينك يارب من جد موقف صعب لو انا مكانك مااروح ممكن تتاثري باي كلمة
|
حبيبتي هوني عليكي ماهو من نصيبك والله يعوض عليكي.... نصيحتي لا تروحين خلي أمك تروح لاتقسي على نفسك علشان الآخرين.... الله يرزقني ويرزقك من حيث لا نحتسب...آمين |
ماكان المفرووووووووووووووووووووووض تروحي
اثقلوا ايش اللي امك تتصل عليهم وتسالهم عجبته بنتي ولا لا |
طيب ليه ماتخذي الموضوع باريحيه
اول شي هذا ولد عمك يعني من لحمك ودمك ثاني شي الغرض من الشوفه ان الكل يعجب بالثاني والكل يوافق عليه يعني ماهو ضروري لا شفتو بعض كلكم توافقون وغير كذا الكل عنده احساس ومشاعر سواء لما ينرفض الشاب من قبل الشوفه او من بعد الشوفه |
اقتباس:
صح كلامك ليش أمك تدق تسألهم المفروض تركتووووهم الحمدلله أنتي عند أهلك ومو موجود بالدنيا غيره!!!ولما يجي بعدين كلام انه مارتاح أو أمه تقول حاجه المفروض أمك تقول حتى بنتي مارتاااحت للولد وحست انه متردد ومايعرف يتخذ قراراته بسرعه>>>>>>>>>>يعني قلبتيها عليه:22: |
مالك نصيب معاه ولا تزعلي ولا شي
اذا صليتي الاستخارة تأكدي ان هذا خير لكي و الجمال ياقلبي نسبي واحد يشوفك جميله و واحد لاء اذا ماعجبتيه على راحته بكره يجيكي العريس اللي ينهبل عليكي |
يابنت الحلال عيشي حياتك وخليكي وواثقه أنا مريت بموقف زيك والحمدلله مانقص مني شي هم الخسرانين مو أنتي
ربي يعووضك ولا تروحين ب لهم أحسن لك |
الله يرزقك ويرزق كل بنات المسلمين بالأزواج الصالحين اللي يسعدوهم ويهنوهم
اللهم امين مشكلتنا إحنا البنات حــــــســــــاســــــــــات............نجلس نفكر بالشي(عموما) ونموت نفسنا من القهر والزعل ....... الله يعيننا ويصبرنا |
| الساعة الآن 09:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©