|
ما رأيكِ .. أن تفاجئي زوجكِ في عمله .. وتبيضين وجهه ؟؟
صباح الخير لأغلى اخوان واخوات لي في المنتدى ... الله يسلمكم انا حاليا في الدوام .. واليوم الشغل خفيف .. قلت استغل الفرصــة وانزل موضوعي واشارككم فكرتي اللي عملتها يوم السبت لزوجي .. طبعا انا اجازه رسميه .. وزوجي دوام ...كنت مخططة بالليل .. والتطبيق الصبح .. الفكــرة : الفكرة كانت إني اعمل مفاجأة لزوجي وهي عبارة تجهيز الفطور لزوجي والموظفين اللي معاه ووضعه في السيارة دون علمه ... طبعا زوجي تعود كل صبح اعمل له فطور واذا كنت في اجازة افطــر معاه بس هالمرة صحيته للصلاة ...بعد الصلاة رجع نام ربع ساعة وبعدين صحــى .. ويوم نزل استغرب من الوضع .. لا فطور .. ولا ترحيب مني .. كنت متخبيه في الحمام ( عزكم الله ) .. ويوم نادى علي ..قلت له : اسمح لي حبيبي انا يالسه اتسبح ..شو رايك تفطر في الدوام اليوم ؟ طبعا امزح ثواني من الصمت وبعدين قال : خلاص حياتي .. اشوفك على خير ان شاء الله .. ووالله انه من صوته منصدم ...اول مرة اسويها ...:d وطلع ... انا كنت حاطه في السيارة هذه الرسالة مع ورده : وبعدين طلعت ... ومن بعيد ودعته وانا اضحك .. وهو يضحك .. فهذي بعض الافكار اللي بطرحها للأخوات بشكل عام علشان تحضر الفطور لزوجها وزملاءه في العمل واذا تحبين تحضرين الفطور له هو بس.. فممكن طبعا .. جهزت السندويشات بهذه الطريقه : وهذه الطريقه : وهذه الطريقه : وفي طرق أخرى مثل : والشندويشات عبارة عن : دجاج بالمايونيز .... جبن وطماطم .... لبنة وزعتــر .... خضراوات ( باذنجان وبطاطا وكوسه ) مقلية .... وبيض ( أوملــيت ) .... وجبنة حلوم بالخضراوات ... والمارتاديلا وطبعا ما نسيت الـــ : المــــــــيني بيــــــــــتزا وكنت مجهزه سلة الفواكه بهذه الطريقـــه : ارجو عدم الرد .. علشان يكون الموضوع مرتب ...وشكرا يتبــــع ,,,, |
ولا تنسيـــــــــن المشــروبات السـاخنه مثل : الحــليب ( العادي او بالزعفران او بالهيل ) حسب رغبتك ... انا عملته بالزعفران .. وســويت له شــاي بالنعناع ... وممكن تسوين شـــاي بالحــليب ... عــلى راحتــك ... وكنت مجهزه الكـــيكه بالليل ... للتحليه ..... بس طلعتها من الثلاجه ... هذه كانت الفكره .. وطبعا حطيت الاكل في شنطــة او حقيبــة الطعـــام ... ولا تنسيــن اتحطين بعض الادوات مثل الموضحــه بالصـــوره التــاليه : مناديل مبلله ومعطره ... اعواد الاسنان ... اكواب للشاي والحليب ... اطباق بلاستيك صغيره الحجم وملاعق وشوك وسكاكين بلاستيكيه ... ولا تنسين العلكه لتعطير الفم بعد الاكــل ... والحمد لله ردة الفعل كانت ايجابية ورااائعه ...زوجي اتصل فيني وما قصر علي من كلام ومدح وكان فرحان ومفتخر فيني .. ويوم رجع شكرني بطريقة خاصة .... وقال : احترت شو اهديك .. بس عطاني مبلغ محترم وقال روحي تسوقي على كيفك.. حطيت الفلوس في الصندوق لاني ما احب التسوق وقلت بستخدمهم في المفاجأة القادمة ان شاء الله ... لأن في بالي فكرة محترمة ...:22: هذه فكره حبيت اطرحها عليكم .. ان شاء الله تعجبكم وتشدون حيلكم وتطبقونها او تستفيدون منها واحيانا اجهز له عشـــاء او غــداء لانه يعمل بنظام الشيـــفت .... الله يوفقكم ويسعدكم يارب مــلاحظة : الصـــــور مجمعتنها من مواقع بس علشان يكون الموضوع بشكــل عـــــــــام ...:25: |
يابعد عمري ؟؟ الله يوفقج
ويحفظلج زوجج ويخليكم لبعض يارب !! مااقدر اسويها لان دوام زوجي عندهم طباخ !!!!!!!!!! هههه |
السلام عليكم
ما شاء الله تبارك الرحمن أسأل الله لكم سعادة أعظم منها في الجنة ولا تنسي يا أختي التحصن بذكر الله بالنسبة للصور ما تطلع عندي لكن أعتقد إنها أكلات رائعة ومعدة بطريقة أروع لأن هذا ما تعودناه منك والله يرزقنا وإياكم نعيم الجنة وادعوا لنا لأننا مقبلين على زواج ونحتاج التوفيق من رب العالمين جزاكم الله خير |
اسعدك الله ووفقك يا أم الافكار الرائعة والنيرة والتي تجددالحياة الزوجية والآسرية
وافكارك تناسب جميع مستويات مراحل الحياة الزوجية القصيرة والمتوسطة والطويلة |
مبدعة :22:الله يحفظك من كل سؤ
فكرة رائعه وغير مكلفه فقط شوية نشاط:18: موفقه |
لمني بشوق
فكرة رائعة جدا بصراحى بيضتي وجه زوجك وبالتأكيد راح الجميع يحبه ويقدره من الزملاء على غير كذا المدراء راح يرفعون من تقيمه الوظيفي وكل هذا بسبب فطوور :d آآآه يالرجل ..مايعرفك من لايعرف الطريق إلى بطنك :) يعطيك العافية..,,, |
ما شاء الله اختى عمل رائع جداً
ليتنى استطيع ان اطبقه حقيقى انا موظفة ولا اجد متسع من الوقت لهيك مفاجأة لانى برجع البيت يا دوب احضر للاولاد الغداء واجهز لليوم اللى بعده |
: مااااااااشاءالله فكـره اكثر من رااااااااااااااااائعه ~ تبين الصراحه احب هالفكره كثير لأنها بجد تفرح الزوج وتبيض وجهه زي ماقلتي ~ الله يعطيك العااااااااااافيه .. وتحمست للفكـره الثانيه ... بقوووووووووه لاتبخلين علينا ... ماشاءالله لاقوة الا بالله .. جاري التطبيق عقب العرس هههههههه : |
ايه هذي المواضيع بهالقسم اللي تفتح النفس
ما شاء الله تبارك الله , الله يحرسك ويحفظك ويوفقك بحياتك . موضوع رائع , ندخر مثل هالافكار لا جاء النصيب :d ربي يسسسعدك |
الحمد لله دائماً من فترة لثانية اسويها لزوجي ..
وإذا كنت مكسِلة عملت حلى وقهوة عربية .. من جد يفرح فيها وينبسطون حتى زملائه .. وتجيك الدعوات اللي تريح القلب .. |
الله يوفقكم ويحفظكم يارب
على قولة هدوء المشاعر ندخر الافكار |
ماشاء الله تبارك الله
فكرة جدا رائعة ربي يخليكم لبعض و يحفظكم |
الله يا لمني بشوق
وربي مبدعه بس اللي عند زوجي مايصدقون بشي من البيت تقوم الشركه كلها تطيح عليه فتره من الفترات كنت اسوي له قهوه عربيه وتمر فقط لا غير كان معاه في المكتب اربعه فقط ويباشر عليهم ثاني يوم هالأربعه صاروا بقدرة قادر 9 .. ثالث يوم صاروا عشرين مدري 18 وهو دوري عليه ماتلقينه من الاحراج طلع كل واحد يعلم اللي يعز عليه بباقي الاقسام .. ان فيه قهوة بيت .. و يجون والله تقولين محرومين منها ابد ما يشربونها .. وحس رئيس القسم ان فيه لخبطه في القسم .. دخل .. وزوجي بغى يموت خجل لأنها حركه مو كويسه.. كأنه يشجع على عدم التنظيم والسوالف بس جا بعدها زوجي قال توبه ماعاد اخذ شي الدوام وقبلها بكم سنه .. كنت اسوي له معجنات وشاي .. لأنه ما ياكل في الدوام .. كم مره صارت فيه ما ياكلها هو.. ياكلونها اللي معه .. ويروحون ينادون البقيه عليها.. هو انحرج لأن ماشاء الله العدد هائل .. يقول حتى لو بتسوين لي ولهم وش يكفيهم.. طيب ليه ماهم كمان يسوون وتجتمعون ... كل واحد قال لا ما احب ارتبط بواجبات في الدوام بس عادي ياكل اكل غيره مافيها شي .. ياشيخه تنذكر ماتنعاد .. بس والله مبدعه مبدعه مبدعه ماشاء الله |
ماشاءالله تبارك الله روووووووووووووووووعة
ياخظ زوجك نبارك الله انا مرة صلحت لزوجي طبخة قصيمية (فريك) لان اللي معة فالدوام مايعرفونها صراحة انهبلو عليها وجا من الدوام متشقق ويقول يلله جيبي 20 ورقة واكتبي الطريقة كلهم بيصلحونها بالبيت |
ماشاء الله مررررة ابدااااع
ان شاء الله راح اطبقها ولك الاجر الله يحفظكم |
لمني بشوق وحضني
بعادك عني بعثرني :) :) تجنن الفكره ورااح اسويهااا قريبا الله لايحرمنا منك يالغالليه |
فكره طيبه ..
ورائعه .. حفظك الله و جعلك قره عين لزوجك .. والله الموفق ،، |
ماشاءالله تبارك الله
ياويلك من دعاوي زوجاتهم هههههههههههه متخيلة شكلهم هههه الله لايحرمكم من بعض |
ماشاء الله تبارك الله
|
ماشاء الله تبارك الله
فكرة حلوة والله يعطينا نشاط من قبل الفجر نسويها وياليت هو بعد يجيب المقادير بدل كلمة ماعندي |
حرم الحسيني:)
موت ضحك على كلامك فعلا صااادقه100% رجعت للحبوبه لمني بشوق وحضني متى سويتي الفطور؟؟؟؟؟؟؟؟؟؟ وما شاافك؟؟؟؟؟؟؟؟اظن مجهود وتاخذ وقت!! |
ماشاء الله تبارك الله
عيني عليج باردة اكيد هالشي بيرفع من رصيدج عند زوجج |
مجربه ولها مفعول سحري
ابسألك الكيكه نايس كيف مموجه كذا؟ |
ياقلبي عليك والله حلوووووووووووووووووه مفاجئتك وان شاء الله اذا كملت دراستي راح اسويها بس وش الفكره الثانيه عشان نستفيد ويافرحه زوجك فيك والله |
فكرة رووووعه انا اسويي لزوجي قهوة وشاي وحلا ياخذه معاه بس بجربها ونشوووووووف ايش يصير يسلموو |
.. حلوو جدا .. والله يخلي لك زوجك ,, ويخليكي له .. ويحليكي بعيونه , ويحلا بعيونك .. وتدوم بينكم الموده والمعزه والاحترام ..
.. انا مره سويت غذا حق زوجي .. لانه صعب أسوي ريوق ( فطور ) .. زوجي يفطر , بالسياره وهو يسوق .. يستحي يفطر بالمكتب خخخخ .. جهزت الغذا . واتصلت فيه قبل بوقت وخبرته , لا تجي تتغذا ما طبخت اليوم خخخخخخ ,, زوجي يموت بطبخ البيت , وما يحب أكل المطاعم .. اتخيل شكله خخخخخ وانا اقول له اني ما طبخت غذا .. المهم ركبت السياره وطرت على دوامه , وأخذت له الغذا .. يمي يمي .. وطبعا عملت مثلك . جهزت الغذا وادوات الغذا .. علشان ما يتوهقون خخخخ .. .. كبرت بعين زوجي , وقاموا يمدحون طبخي واستانس الباشا تبعي ,, لاني فرحته وفاجئته .. << خصوصا انه يشتغل بشركه اجنبيه , ويحبون الاكل العربي مررره .. .. ومره من المرات خليت زوجة حمايي ( سلفتي ) تفاجأ زوجها بشغله , وتروح مع عيالها وبيدها كيكه بيوم عيد ميلاد زوجها .. .. عذار على الهدره الكثيره *_^ |
ماشاء الله تبارك الله
الله يحفظك يــآقلبي والله يديم عليكم المحبه .... |
ما شا ءالله الله يهينكم واتمنى اني اجرب وصفتك السحريه وتقبلي مروووري -66
|
اقتباس:
هــلا بأحــلى ناااني ... مشكوووره على المشــاركه والدعوات الحلوه مثلج ... وحتى لو عنده طباخ عطــي الطباخ اجازه من عندج :d ... وطبقي الفكره وان شاء الله تعجب زوجج ..ربي يسعدج ويوفقج يالغــــــــــــــــــلا .. |
الله يرضى عليك ويسعدك
فكرة رائعة ماشاء الله عليكِ .. |
وعليكم السلام ورحمة الله وبركاته
ماشاء الله تبارك الرحمن اللهم صلي على محمد عليه الصلاة والسلام الله يزيدكم ولاينقصكم ويسعدكم ولايشقيكم ويجمعكم ولايفرقكم دائماً تعجبني مفاجأتك أنتِ وزوجك لايقين لبعض ربي يحفظكم من كل شيطان وهامة وعين لامة عجبتني الفكرة وبقوووووووة وبإذن الله أطبقها قررررريب بعد اذنك يالمني بشوق بأعطي فكرة سريعة للبنات اللي يستصعبون الموضوع: جهزوا يابنات كمية حشوة كبيرة في الثلاجة من كل شيء مثلا : جهزي كمية كبيرة من حشوة الدجاج ووزعيها في أكياس وحطيها في الفريزر واي وقت تحتاجي تسوي مكرونة سريعة او طبخة بالدجاج سريعة أو سندوتشات سريعة نزلي الكيس وسخنيه وحطي عليه الصوص اللي تحبيه مايونيز وكاتشب وخل واحشي الساندوتشات بسرعة وماتأخذ وقت ونفس الشيء اللحم المفروم أو لحمة الشاورما اطبخوها بكمية كبيرة وفرزنوها وللي تفكر تسوي فكرة لمني بشوق تجهز الساندوتشات كلها وتلف كل ساندوتش بقصدير والصباح تسخنها بالفرن وخلاص وتكون طريقة سهلة لكم لتجهيز غداء او عشاء أو فطور سريع:22: |
ما شاءالله تبارك الرحمن الله يسخركم لبعض ويرزقكم سعادة الدارين
|
ماشاء الله تبارك الله اعيذكما بكلمات الله التامة من كل شيطان وهامة ومن كل عين لامة ماقلتلكِ ياعسولة إن مواضيعكِ تخليني اتفاءل :d |
مااقول الابيض الله وجهك بالدنيا والاخرة والله يهني زوجك فيك .
|
ليت المدام تفاجئني بمثل هالفطور
عالاقل نغير عن الفول والتميس كل يوم بس انا لو تسويها اخذ من الزملاء قطه على اساس شاريه من السوق :) |
ماشاء الله تبارك الرحمن الله يزيدك من فضله .. ويوفقك ويسعدك
|
اذكروا الله ياجماعة
ماشاء الله تبارك الله الله يحفظكم من العين ومن شر حاسد إذا حسد جزاكِ الله خيراَ على حسن تبعلك لزوجكِ وهنيئاَ لكِ هذا الأجر العظيم |
السلام عليك أشكرك اختي لي عودة علشان اعلق هههههه |
ماشاء الله تبارك الرحمن بارك الله فيك وأكثر من أمثالك.. |
| الساعة الآن 02:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©