|
زوجتي مدخنه وخائنه هل تستحق ان تكون أم اولادي ؟
السلام عليكم ورحمة الله وبركاته
مشكلتي بدات من يوم ماتزوجت اولا الحمدلله لقيت بنت الحلال وزي اي رجل يبغى يكمل نصف دينه تزوجت وراح اول شهر من زواجنا والحمدلله ومع مرور الايام اكتشفت ان زوجتي تدخن في داخل المنزل (والله)مانسى الموقف الي شفتها فيه الا الان ومن شدة الذهول وقفت بدون حركه وبعدين وديتها عند اهلها ورجعتها في نفس اليوم وقلت استر عليها وقالت والله غلطه وما عاد اكررها وووالخ.... قلت طيب انا برجعك حتى اهلي ما يدرون عن المشكله لان ماكنت ابغى اي كلام يجي عليها ومع مرور الايام اكتشفت انها (خائنه)وتكلم رغم اني وفرت لها كل شي في البيت وكنت طيب معاها واجيبلها كل طلباتها اول باول لاكن للاسف للاسف للاسف . وطردتها من البيت والان هي عند اهلها بالله عليكم هذي تستحق انها تكون زوجه وام لاولاد في المستقبل؟ |
اذا كان كلامك حقيقة وواقع
طبعا لا تستحق ان تكون زوجة بعدين قبل لا تتزوجها ليش ما سالت عنها؟؟ |
اقتباس:
|
أخي* غلطةعمر*مادم أنهاتخون وتدخن بالله زي هذي وش ترتجي منها كيف تربي أولادك مستقبلآالله يسترنا
|
شوف اخوي الفاضل
انا بدون مااخبي عنك انا دامني داخلة هالمنتدى الا وابغى اقول كل همومي وابيكم تشاركوني الراي وتشرون علي عشان ارتاح واستفيد وبالاول والاخير ماحد يعرف مين هي انا يمكن على ارض الواقع صعب الانسان يبوح باسراره لكن الدنيا مليانة هموم وكل بيت بداخله اسرار فقررت من يوم عرفت هذا المنتدى الطاهر اني اشارككم همومي واشارك هموم الناس وكلن فينا يخفف على الثاني انا بدوري مدخنة والله العظيم انه لو يشوفني اي احد في حيائي صعب يشك اني ادخن لان هذا ابتلاء وحاولت كثير اني ابطله وعجزت بسبب الفرراغ الي عندي بحياتي وبسبب هموم احتوت صدري وصار الدخان ونسيي بوحدتي الخالية وادعي الله ليل نهار يرفع عني هذا الابتلاء لكن مسالة الخيانة اولا لو انت ماقصرت معها بشى فهي تستاهل الطرد انا سمعت محاضرة للشيخ المنجد لواحد اشتكى من زوجته وقال ان زوجته خانته وكان هو السبب في خيانتها له لانه كان مقصر معها ومهملها واحتاجت حق غيره ..وقاله ياشيخ هل اطلقها ولا اسامحها؟ رد عليه الشيخ قاله ان سامحتها فلك الاجر بشرط ان تابت توبة نصوحة ولاتنسى انك انت السبب ولكن مهما كان السبب ماهو مبرر للخيانة انت يبقى لك القرار ترجعها ام لا لكن نصيحتي الشخصية دامك مسكت عليها الخيانة صعب تثق فيها بعدين وربما يجيك الشك القاتل حتى وان تابت اذا ماعندك معها عيال سرحها تروح لاهلها وعمر الخاين قصير والي يخون ياخوي مايخون الا نفسه لاتحزن ولاتزعل رب ضارة نافعة الله يعوضك بمن هي تصون عرضك وحتى وان قصرت معها تطلب الطلاق ولاتخون |
اقتباس:
لكن التدخين هذا ابتلاء وفي ناس تخاف الله وتصلي كل صلاة بوقتها وتعمل الخير وهي مبتلاه بالدخان واسمعي قصة والد الشيخ حسان انه كان مدخن ومن افضل من فيه المثل وفي مطاوعة بلحية ومظهر دين لايدخنون ولايسكرون ولكن لايغرك الظهر اي نعم احب الرجل الملتحي واعشق المتدين ولكن اهم شى يااميرة الايمان يكون بقلوب الناس ماهو المظهر لاتقسين على المدخنين هذا ابتلاء الله يرفعه عن عباده |
لاحول ولاقوة إلا بالله
سؤالي وش دخل ان توفر لها كل شي بالبيت في كونها تكلم ؟! هذا شي أما تعودت عليه أو نقص عاطفي الله يستر علينا وعليها ويكتب لك الخيره |
اخوي هلا وغلا
حبيبي الدنيا مو بس طلب وايجاب... مو بس اكل وشرب....انت توك متزوج وسذاجتك اتضحت عندما قلت موفر لها كل شي اخوي الاحتياجات المادية ليس هي المطلوب....الاشياء المعنوية والجسدية والغزل اهم بكثير من احضار الطلبات انت لم تطلقها وهذا دليل على رغبتك بها.... وعندك نيت ارجاعها. كلنا خطاءون وخير الخطائون التوابون........... اخي من يحكم انها تكون ام للاولاد هو انت....ليش؟ لانك تعرفها وتعرف تربيتها وتعرف اهلها......... لذا انت اصلح للحكم عليها لايمكن لاحد ان يحط في رقبته ذنب غيره اخي الرسول صلى الله عليه وسلم عفى عن زانيه............ والله غفور رحيم وفقك الله |
اخي التدخين لا يعني انها فاسدة ومنحلة ... هو حرام وعادة صحية سيئة جدا واغضاب لرب العالمين ومعصية
ولكن لا دخل لها في الشرف والعفة و الصلاح و الاخلاق في كتير بدخنو واخلاقهم كويسة لكن الله ابتلاهم يعني ممكن تكون محتشمة وكل شي لكن تعلمت بطريق ما وادمنت التدخين لاتربط التدخين ابدا بكونه عادة تحملها المنحلة الفاسدة و الفاجرة مع الوقت واقناعك الها بانه حرام و صحيا سيء جدا ان شاءالله بتبطل بس الخيانة كيف بتخونك وكيف تاكدت؟ |
والله يا أخي الكريم النزول من أول الدرج ابرك لك واستر عليها ولا تبين سبب طلاقكم وهي بيصلحها الله ان شاء الله وبيرزقها.
|
والله ما تستاهل تصير زوجه
نصيحه لا تتورط وتجيب عيال منها سرحها لاهلهااااااااااا وارتاح منها اللي يخون مره يخون الف مره استغفر الله بس |
أخي *غلطةعمر*الله يصلح حالك مادم انهاعروس لاتفكرتطلقهاأهجرها في الفراش وبعدين شوف أذاتصلحت أحوالهاعاد أنت أحكم ياتخليهايتسرحها
|
الطلاق مو حل على طول
اعطيها فرصه اهجرها فتره اطلب منها اذا تبغاك تترك التدخين وحاول تساعدها في تركه لانه مو بسهوله تقدر تتركه والخيانه شوف الاسباب وحاول تعالجها انت الحين لاتتسرع اله بهدي زوجتك |
اقتباس:
طيب والزوج لمن يوفر لزوجته كل شى مانتكلم عن الماديات لانك انت كل ماصار موضوع تجيب طاري الماديات اكيد الجانب العاطفي له دور وهو لو مايحبها ماستر عليها سالفة الدخان وحرص ان اهله مايدرون عن السالفة تعتقد ان الخيانة سهلة؟ اتمنى الموت ولا انخان من اقرب الناس لي وخاصا خيانة الزوجين انا مااحرضه انه يطلق زوجته لكن لو تعقد نفسيا وصار يشك بكل تصرفاتها واحتمال يرتكب جريمة ويجني على عمره انا قلت له لو خليتها عندك وسامحتها لك الاجر لكن بنفس الوقت هو مو مجبور لان السالفة فيها هتك اعراض |
[QUOTE=7or eldonya;2367427]اميرة حبيبتي ادري ان نظرة المجتمع للمدخنة نظرة فاسدة
لكن التدخين هذا ابتلاء وفي ناس تخاف الله وتصلي كل صلاة بوقتها وتعمل الخير وهي مبتلاه بالدخان واسمعي قصة والد الشيخ حسان انه كان مدخن ومن افضل من فيه المثل وفي مطاوعة بلحية ومظهر دين لايدخنون ولايسكرون ولكن لايغرك الظهر اي نعم احب الرجل الملتحي واعشق المتدين ولكن اهم شى يااميرة الايمان يكون بقلوب الناس ماهو المظهر لاتقسين على المدخنين هذا ابتلاء الله يرفعه عن عباده أمين الله يرفعه عن كل من أبتلي به حبيبتي أناماقسيت على المدخنين بالعكس أنضرلهم بعين الرحمه لأن له أضرارمالهاأخروالله أخوي ألي أحبه أكثرمن نفسي يدخن والحمدلله زوجي مايدخن بس والله حياتي ودي أنتي وأخوي والثاني والثالث تبتعدون عنه عشان صحتكم وثاني شي انه شربه فيه معصيه لله |
لا حول ولا قوه الا بالله
الله يهديها 00استر عليها واذا عافت نفسك منها فسرحها باحسان قبل ماترتبط باولاد منها مانتقبل الامور هذي من الرجل فكيف مرأه ومربيه اجيال |
اقتباس:
الخياتة امر صعب..... ولكن الرجال ماطلقها ... وهذا دليل على ايش؟ .... يحبها والا كان طلقها...من زمان انت لك وجهة نظر..... وانا لي وجهة نظر.... وهو له وجهة نظر..... واختلاف الراي لايفسد للود قضية تحياتي |
حبيبتي 7or eldonyaأمين الله يرفعه عن كل من أبتلي به حبيبتي أناماقسيت على المدخنين بالعكس أنضرلهم بعين الرحمه لأن له أضرارمالهاأخروالله أخوي ألي أحبه أكثرمن نفسي يدخن والحمدلله زوجي مايدخن بس والله حياتي ودي أنتي وأخوي والثاني والثالث تبتعدون عنه عشان صحتكم وثاني شي انه شربه فيه معصيه لله[/QUOTE]
|
احس لا وماتستحق تكون ام ....
|
ياجماعه انا ارى ان الزوج يدخن رغم انه مضر وحرام بنفس الوقت ارحم من الزوجه
بالله عليكم مين يجلس مع الابناء اكثر الاب ام الام ...؟؟! طبيعي جدا راح تأثر الام المدخنه على الابناء |
استغفر الله
ممكن خى احد ماثر عليها من صديقاتها جرب تسالها بهدوء ومن غير ماتعصب |
يا أخي لم تحدد كيف كانت زوجتك خائنة ؟
|
التدخين مقدور عليه
الخيانه ما اتقبلها ابد |
الله يهديها ويصلحها..
لو كانت الخيانة مكالمات بس أدبها واعطها فرصة ثانية... بس لو كانت جسدية!!!!!!!!!!!!!!!! الله يعينك... |
يصير لك غلطة العمر ؟
http://www.66n.com/forums/showthread.php?t=202263 |
يا إخوان أصلحوا ولا تفسدوا
يعني يرضيكم يطلقها دون أن يحاول إصلاحها...طلاق مباشرة هكذا اتقوا الله .. و ( كل ابن آدم خطاء ) :( حاول معها ... " أنصحك تتكلم مع شخص عاقل في عائلتها " لعلها تصلح |
الحمدلله انك كشفتها على حقيقتها قبل ما يكون بينكم اطفال ينظلموا بهذه الام الفاجرة ...
ارسل لها ورقة طلاقها و استر عليها فمن ستر على مسلم ستر الله عليه يوم القيامه ,, و حاول تسأل جيداً عن زوجة المستقبل عن خلقها و دينها حتى لا تقع في نفس الخطأ مرة اخرى .. الله يعوضك و يصبرك على مصيبتك |
قصة قديمة تزوج رجل من آمرآة واكتشف انها قد خانته وهي حامل فلم يقربها حتى وضعت مولودها وقد ستر عليها وعاملها بالمعروف فـ آخذ مولودها ووضعه عند المسجد وعند صلاة الفجر صااحوا لقيط لقيط ثم قال سآخذه وآربيه ورد لها مولودها ثم تابت لله وآحسنت في تربية آولادها وآصبحوا من حفظة كتاب الله ..
المغزى من هالقصة لو بتستر عليها وتعاملها بالمعروف وامسك الحبل من النص شد عليها في بعض الامور بتتآدب وتخلص لك بإذن الله وستحاول جاهدة بالاخلاص لك لان ضميرها سيآنبها .. ولاتنسى ان الله غفور رحيم وهو رب فما بالنا نحن بشر .. |
اشكركم اعضاء المنتدى اشكركم على تفاعلكم مع مصيبتي
واحب اوضحلكم اني اعطيتها فرصه ورجعتها لكن قلبي مو مرتاح نهائيا وبعد كم يوم طولت لسانها وضربتها وطرتها. كنت اتمنى اخسر الدنيا كلها بس اشوفها مبسوطه وكنت مريحها من جميع النواحي لاكن للاسف دخنت و خانتني بكل دم بارد ولافكرت ليش ليش تسوي كذا . حسبي الله ونعم الوكيل. |
لكن قلبي مو مرتاح نهائيا
هذا سبب كافي للانفصال الراحه اهم شي وركن اساسي في الزواج |
اقتباس:
لكن من يوم ما تزوجت ماشفت الا النكد وضيقة الصدر والله سبحانه وتعالى احل الطلاق اذا انعدمة الحياه بين الزوجين والحياه بيني وبينها انعدمت . |
اقتباس:
انت كنت لا تستطيع ان تعاشرها بالمعروف و تنصحها و تفهمها و تسامحها و تغفر لها فالنهايه معروفه ما يحتاج تطيل القصه على نفسك .. |
اقتباس:
اخوي لا تتعب نفسك يقولون اسال مجرب ولا تسال حكيم الخاين يخون ويموت خاين ما يتوب لو وش يصير انت لو مرت عليكم سنين وقصرت معها نقول يمكن لك الحق تغفر لكن هذي واضح انها متعوده على الخيانه قلة الحيا لا تعور قلبك زود ما راح تستفيد من اصلاحها ولا تتعب روحك صدقني سرحها ودور على ذات الدين والله يعوضك باللي خسرته |
شوف ياخي
قسم بالله بقوللك اللي بنفسي بكل صدق لاسمح الله وصار لي نفس الموقف اول شي اسويه اني اطلقها قبل لاتعتذر او تبرر حتى لو بيننا عشرة اطفال قسم بالله انت المفروض تحمد ربك انه نبهك للهاشي من البداية توكل على الله وطلقها قبل لا تجيب عيال وتجنن من كثرة الشك بكرة تقول هذول عيالي ولا من واحد ثاني صدقني راح تتعب كثير كثير وانت في غنى عن الشي هذا هذا اللي عندي والله يشهد علي والله يحفظ لي زوجتي وبناتي والله يوفقك بالزوجة اللي تصون عرضك امين |
الحمدلله والصلاه والسلام على رسول الله
اولا الحمدلله على كل حل والمؤمن مبتلا ونا الله ابتلاني. ثانيا بصراحه القلب اذا مومرتاح صعب صعب انك تقدير تعيش مرتاح وانا لمن رجعتها مره ثانيه قلت يمكن تتوب واكسب فيها الاجر لاكن بكل اسف. فكرت اني احرمها واضغط عليها واسويلها من الحبه قبه لاكن معقوله الواحد يتزوج عشان يسوي كذا بزوجته؟ ماقول غير انا لله وانا اليه راجعون. |
إن لله وإن إليه راجعون
|
أخي الكريم الله يفرج مصيبتك ويكتب لك الخير إذا اردت ان تمسكها بمعروف وتمارس قوامتك وتسعى لإصلاحها فلك أجر عظيم أما إن أردت تسريحها بإحسان والستر عليها ، ولم ترتاح نفسك للعيش معها فهذا أمر راجع لك وأنت أعرف بحياتك الزوجية وماذا تريد ؟؟؟؟ الله يكتب لك الخير ======= لم يعجبني تعليق بعض الأخوة والأخوات ::: لم يبقى إلا انكم تتألون على الله في حال هذه الزوجة ، أن يصلح حالها وتعود لله عز وجل ،،،،، أذكركم بحديث النبي عليه الصلاة والسلام عَنْ جُنْدَبِ بْنِ عَبْدِ اللَّهِ ، رَضِيَ اللَّهُ عَنْهُ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " قَالَ رَجُلٌ : وَاللَّهِ لا يَغْفِرُ اللَّهُ لِفُلانٍ , فَقَالَ اللَّهُ : " مَنْ ذَا الَّذِي يَتَأَلَّى عَلَيَّ أَنِّي لا أَغْفِرُ لِفُلانٍ , قَدْ غَفَرْتُ لِفُلانٍ وَأَحْبَطْتُ عَمَلَهُ " . مناسبة الترجمة لكتاب التوحيد: أن من تألي على الله عز وجل، فقد أساء الأدب معه وتحجز فضله وأساء الظن به، وكل هذا ينافي كمال التوحيد، وربما ينافي أصل التوحيد، فالتالي على من هو عظيم يعتبر تنقصًا في حقه. والحديث ورد مبسوطًا في حديث أبي هريرة أن هذا الرجل كان عابدًا وله صاحب مسرف على نفسه، وكان يراه على المعصية، فيقول: أقصر. فوجده يومًا على ذنب، فقال: أقصر. فقال: خلني وربي، أبعثت على رقيبًا؟ فقال: والله، لا يغفر الله لك. عزوبي:22: بس:d رجل:30: |
جزاك الله خير اخي عزوبي بس رجل
والله حاولت معاها واتمنى من الله ان يعينني على اصلاحها انا لله وانا اليه راجعون. |
الحين الاخوان اللي قالو طلقها وما تنفع تصير ام
انتم من جدكم تقولون هذا الكلام والله ان نص اللي ردو بهالرد دايما وقت ما الحرمة تكتب في المنتدى ان زوجها له علاقات يقولون عادي وعطيه فرصه يمكن يهتدي على ايدك وكثير مواضيع الاخوات كاتبات ان ازواجهم يدخنون وتردون عليهم ان هذا شي عادي حاولي تحتوينه وصبري بكره بيبطل. والاهم ان البنت اللي تقول تقدم لي واحد يدخن كل الاعضاء يقولون وافقي عليه الدخان ما يعيق. الحين جات على هذا الموضوع تقولون لا هي فاجره ومش شريفه !!!!!!!!!!!!!!!!! عطها اخر فرصه وقولها ان عدتيها بعلمي او بدون علمي الطلاق يقع عليكي بالثلاث وحاول تأخر موضوع الحمل شوي لين تتأكد من تغير سلوكها ولا تنسى تكون قدوه حسنه لها في كل شي وتدعي لها بالهداية. |
8
8 8 الكلام ع الخيانه مو التدخين |
| الساعة الآن 08:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©