|
تقدم لي رجل عمره 40 وعنده اولاد ومقتدر
انا بنت عمري 31 سنه تقدم لي واحد عمره 40 عنده اولاد ومقتدر شبه متزوج زوجته زعلانه ومارضت ترجع تقول تزوج وخايفه ترجع وضايق خلقي متردده ساعدوني تكفون
|
وعليــكم آلســلآم .. :)
آلضيــق بآلقبــر .. أختــي عليــك بصلآة الإستخآرهـ وشوفي نفسك إذا مرتآحــه ولآ لآ .. بمــا أنه رجل متزوج أنآ أفضل إنك مآتوآفقين عليه .. وتدخليــن متآهآت إنتي بغنى عنهــا .. آلله يكتب لنآ ولك آلخــيــر :) |
الله يكتب لك اللي فيه خير لك
|
أختي العزيزه
أنتي في عمر لست صغيره وعمرك تقريباً يقارب عمري وبصراحه ارى ان تفكري بالموضوع وان تتعرفي على الأسباب التي تمنع زوجته من الرجوع إليه والسؤال عنه بشكل مكثف فإن ارتضيتي دينه فأرى انكي قد اجتزتي المرحلة الكبرى ثم يأتي موضوع الأبناء هل سيكونون معكي أم مع الأم ؟؟ فهذه نقطه مهمة أيضاً وفي حال كانوا معكي هل سوف يكون لديكي الاستعداد والمسؤولية لتربية أطفاله والاهتمام بهم؟؟؟ وعلى فكره عمره مناسب جداً لكي ولكن اسألي كما اخبرتكي سابقاً وابدئي من الآن صلاة الاستخاره وان شاء الله ستكشف لكي الأمور بالتوفيق عزيزتي ولا تنسي إخبارنا بآخر التطورات :) |
عليك بالاستخارة والسؤال عن سبب عدم رجوع زوجتو ليه كما قالوا الاعضاء اللي قبلي .والله يوفقك يارب
|
شوفي اول شي الله يووووووفقك .. ثانيا استخيري بدال المره مليون وادعي الله بكل ماأوتيتي من قوهـ ثالثا .. هل انتي فكرتي بوضعك كزوجه ثانيه واولاده وحياتك ! فكرتي كيف راح تكوني .. يعني لازم تدرسي الموضوع من جميع الجوانب . وعمره اشـوفه تمام .. بالنسبه لعمرك .. واحتمال الحركه الي سوتها زوجته هي بس لوي ذراع مثل مايقولون .. عشان مايتزوج !! واعرف نساء كثير سـووها .. بس يوم شافوا ان رجالهم مصرين على الزواج .. رجعوا لبيوتهم وعقلوا ورضـوا بالأمر الواقع اهم شي استخيري واسأـلوا عن الرجل سؤال مكثف .. بالمسجد والحاره وعند اقاربه وبالعمل واقدمي اذا لك نصيب بتاخذينه واذا لا ربي بيصرفه عنك .. دامك استخرتي لاتشيلين هم ابـدا .. |
عليكي بالاستخارة الله يقدم الي فيه الخير
|
جزاكم الله خير انا فكرت اني اوافق:14: لاني كبرت وهذا نصيبي كأني ارتحت وقررت اشوفه بس ادعوا لي
اخاف ماعجبه بعد احسن اني كبرت وقعدت افكر بالحمل يقولون البنت لاكبرت يصير اصعب تحمل مشكله ثانيه خلصت من مووضوع العرس طلع الحمل من الفضاوة اخطط كم اجيب ولد:15: يمدي قبل اربعين وقعدت افكر اني اجيب كل سنه:27: عشان ينهبل ههههههههههههههههه الله كريم تعودت على العزوبية ادعوا لي بالتوفيق الله ييسر امري ويوفقني ويوفقكم |
ما قالته الاخت دلع ودلع
هو عين الصواب فتوكلي على الله واعملي بما قالته |
مسيك بلخير انا اشوف زي ما قلت الاخت انك تفكري وتستخيري الله لان العمر تقريبن مناسب وشكرا
|
آستخيري وممكن يكون العيب من زوجته ..
|
استخيري وتاكدي من الرجال يبي يتحمل المسئوليه والا اخذ الدعوه وناسه
واذا الله وفقك وتزوجتي لا تغثينه بالبزراين ترا الرجال اللي عنده عيال يتزوج لجل يروق والا لو بغى الصمخ جلس مع عياله واحد والا اثنين وبعد سنه عالاقل :) موفقه |
انا لو مكانك ارفض لانى ارفض اساسا مبدا متزوج
تاني شي لسه ماطلق وحياتوا غير مستقره وعندوا مشاكل يمكن اتخذ قرار الزواج وبعدين يحن للماضي على العموم الاستخاره افضل شي والله يكتبلك كل خير يارب |
نصيحة لوجه الله لا توافقي ... لاتغلطي غلطتي ... ترا من يوم يفكر يتزوج بترجع زوجته ..
وصدق المثل اللي يقول ربي المرة بمرة ... ترا بيرجعها عشان اولادة ووالله لو حتى انك قمر اربعة عشر ماراح يقدرك مادام عنده اولاد وزوجته هي الوحيدة اللي بتتحمل اولادة ... ولاراح يبين لك الا الاستخارة .. استخيري الله وان شاء الله ماراح تندمي على اي شيء تختاريه .. بس ماشاء الله انتي لسه صغيرة والعمر قدامك والفرص ان شاء الله راح تجي لك احسن الله يوفقك ويختار لك الخير |
مادري بس احس اني كبرت وقعدت افكر بالمستقبل عشر سنين اطق اربعين وتعرفون الرجال عاد يبي صغيره زين هو فكر فيني ماعاد احد يبي كبيرة كثار البنات خلاص ابي اتزوج انا
مليت اقتعت بالموضوع والله يسهل بقى الشوفه ومادري عن ابوي احسه متردد كل شوي مطلع سالفه ادعو ا لي بالتوفيق وعقبال مابشركم بزواجي :14: |
اختي ترا الموضوع مو سهل مو قصة انا كبرت ولازم اتزوج ترا فيه امور اخرى يجب ان تفكري فيها بعقل وحكمة لأن الزواج ماهو هدف في حد ذاته بل هو وسيلة للاستقرار النفسي والعاطفي ويجب ان يكون مبني على اسس وضوابط متينة تعزز وتضمن هذا الاستقرار والضامن هو الله انتي لازم تدرسي الموضوع جيدا وتستخيري والخيرة في ما اختاره الله أنا مثلك عمري 30 وأشوف ان سننا هو سن النضوج واحنا لسة في عز شبابنا اجل وش تركنا للي هم فوق الاربعين الله يرزقهم يارب !!!!! صدقيني لو مكانك ما اوافق لانك داخلة على مشاكل لها اول مالها تالي واخاف تندمين وتقولي ياريتني قعدت بنت ببيت ابوي ابرك ومازال عندي فرص اختار وربك ما ينسى احد اختي لا تقنطي من رحمة الله والله ان اعز صديقاتي عمرها 45 وتزوجت العام الماضي وجابت بنت زي القمر وبعد بكرة اسبوعها عقبال عندك وعندي يارب وكثير بنات قريباتي تزوجوا بسن فوق الاربعين والله شاهد على كلامي اللي تزوجت اعزب ومرتاحة معاه واللي تزوجت مطلق تعاني الويلات بسبب ابناءه ونفقاتهم وعدم توفر سكن بس كلهم الحمد لله عندهم اولاد رغم انهم تزوجوا فوق الاربعين ترى الزواج والانجاب رزق من عند الله لو ربي كاتبلك ما تنجبين لا سمح الله ما راح تنجبين حتى لو تزوجتي بعمر 15 فلا تفكري بهذه الطريقة اختي حطي كل الاحتمالات امامك وفكري فيها جيدا وشوفي هل انتي مستعدة للتعايش مع هذا الوضوع ام لا الاحتمال الاول:الزوجة تطلب الطلاق وتاخد اولادها أكيد الوضوع مريح جدا لك وبتنفردي بزوجك وبيتك وما يشاركك فيه احد بس لاتنسي انه عنده ابناء ومطالب بنفقة عليهم ومطالب بمتابعة مشاكلهم اكيد ما راح يرميهم ورا ظهره لانه في النهاية قطعة منه يعني لازم تعرفي انه فيه من يشاركك في زوجك في كل شي الاحتمال الثاني الزوجة تطلب الطلاق وتبارك زواج الزوج بأن ترمي اولادها لزوجها وللعروسة الجديدة حتى تنكد عليهم عيشتهم يمكن تكون صغيرة وعندها رغبة في الزواج فليش تحرم نفسها وتنقص فرص زواجها بالتمسك بأولادها وهنا في هذه اللحظة يجب ان تعرفي انك حتكوني مربية لاولاده اللي الله اعلم كيف بيتقبلوك ( وثقي وتأكدي حتى لو كنتي انتي ملاك و كانت امهم وحش كاسر ما راح يحبونك ويكرهوها او يجون في صفك ضد امهم أو يهنؤ بالعيش بعيدا عنها ودائما حتكونين في نظرهم دخيلة على هذه الاسرة والسبب في طلاق امهم وبعدهم عنها) وحتكوني مسؤلة عنهم وفوق هذا كله ماراح يكون فيه اي خصوصية لحياتك مع زوجك لأن كل شي بيصير في بيتك راح ينقلوه الابناء لأمهم فكري في هذه النقطة جيدا لانها سبب خراب كثير من البيوت وسبب حرق اعصاب كثير من الزوجات واقري قصص وتجارب ناس مروا بهذا الموقف والله انها معاناة ما بعدها معاناة فوق كل التعب اعصابك مشدودة والغيرة تاكل قلبك الاحتمال الثالث الزوجة ترجع للزوج وتلم عيالها وترضى بالامر الواقع وهنا سيكون زوجك مناصفة بينك وبينها لأنه مطالب بالعدل ولا تنسي ويجب ان تعلمي ان حتى يومك ما راح تتهني فيه بين تلفونات واتصالات من اولاده تعال ولدك مريض تعال ولدك عنده مشكلة ...الخ فيجب ان تستعدي نفسيا لهذا الوضع واهم شي تفكرين كيف حيكون موضوع السكن هل سيكون لديك سكن مستقل عن زوجته الاخرى؟ ام هل ستكون هناك ازمة في السكن؟؟؟؟ الاحتمال الرابع ترجع الزوجة بس بشروط وأول شرط انه يطلقك فماهو موقفك وقتها؟؟؟؟؟؟؟؟؟؟؟ اختي لا تستعجلي على نصيبك فإن الله كتب لنا رزقنا وإن كان هذا هو نصيبك ورزقك فأدعو الله لك أن يسعدك به ويقر عينك به واتمنى الا تندمي وتقولي ياريتني بقيت بنت في منزل والدي ارحم مية مرة من اللي اعيشه الان انا لا اعرف ما هي ظروفك وهل انتي تعملي ام لا وهل لك مصدر دخل تستندين عليه مستقبلا وربما يكون هذا الزواج بكل مخاطره حلا افضل من حالتك الان ولكن وضعت لك كل هذه الاحتمالات لا لأتنيك عن الزواج وامنعك بل فقط لتضعي هذه النقاط نصب عينيك وتفكري بها جيدا حتى تعرفي ابعاد اي خطوة تخطيها اسأل الله لك السداد في ما تختارينه وثقي جيدا انه لا خاب من استخار الله يكتبلك الخير ويفرح قلبك يااااارب اختك في الله نيني |
سمعني حبيبتي انا بنت متزوجه رجال مطلق وعنده عيال
لو ماحطيت شرطي حياة مستقله كان من زمان انا خدامه له ولعياله .. يعني انا الحمدلله مو مقصره معه بشي ابددددددددد اوفر له اللي ماشافه من الاولى عشان يتمسك فيني ولا يرجع لها .. صج اتضايق من اتصالاتها واحيان يفكر يرجعها عشان عياله .. بس انا اهم شي حياتي مستقله .. وانا قلت له ترجع لها اطلقني لأن زوجته الاولى مو هينه يعني بالصريح راعية طبوب وشعوذه .. ونصيحتي عرفي المشكله اللي بينهم قبل ماتاخذيه .. انا مادريت انه راعية طبوب الا بعد زواجنا لو ادري ماتزوجته لأن 4 مرات اشوف شغلات وطلاسم في بيتي .. فعشان كذا اعرف المشكله اللي بينهم عدل بالتفصيل الممل .. وغير كذا حطي شرط انه تكون حياتك مستقله .. وكذا تعيشي بأمان .. مثل ما انا شرطت تكون حياتي مستقله .. لما يفكر زوجي يجيب عياله عندي اذكره بالشرط ويسكت .. انتبهي ياغناتي .. الله يوفقك ويسر امرك |
اقتباس:
فعلا كلامك عين العقل اختي الله يكملك بعقلك مو المشكلة في الزواج من مطلق وعنده اولاد بس المشكلة في وضع حدود منذ البداية لتعرف الزوجة ابعاد ما هي مقدمة عليه وحقوقها وواجباتها حتى لا تتعب مستقبلا لو كان الرجل مطلق واموره مستقرة ومتفاهم مع زوجته في موضوع الحضانة حيكون الموضوع بالنسبة للزوجة الثانية واضح وعارفة هي على ايش داخلة بس كونه الزوجة الاولى ما زالت معلقة ومو معروف وضعها ولا وضع الابناء بصراحة أمر جدا خطير ومغامرة كبيرة و الخاسر الوحيد فيها هو الزوجة الثانية حتى وان وافقتي مبدئيا لا تستعجلي في الملكة واطلبي منه ان يضع النقاط على الحروف وافهمي منه كيف ستكون حياتك معه واريد ان اوضح لك ان وضع الزوجة الثانية المستقلة ببيتها وحياتها وكذلك الزوجة التي تربي ابناء الارمل افظل بكثير من وضع الزوجة التي تربي ابناء زوجها وامهم على قيد الحياة والله ان كلامي هذا لمصلحتك ولخوفي عليك الله ييسرلك امورك |
الأخوات
marooma123 و nene2004 ماشاء الله تبارك الله عين العقل كلامكم .... حتى حسيت اني ارتحت لما تذكرت قراري وكلامكم جزاكم الله كل خير .. واختي حلم لا تستعجلي انا حاسة فيك وانك تريدي ان تفرحي وهذا من حقك وما الومك ... بس عذرا وبدون زعل ماااتصومي ثم تفطري على بصلة .... اختاري واستخيري جيدا وربنا يوفقك ويختار لك الخير ... |
مشكوره اختي نيني اتوقع انها ماراح ترجع لانه نقل ملف ولده للمدرسه عند اهلها والزوجه ملتزمه حتى ماقالت سبب الفراق وتممدحه واانا وضعي بالبيت قرف صحيح عايشه وماكله الحمدلله بس بالقطاره الفلوس وليش وماليش وهذا غني تقول اختي واغلب اللي جوني بالاخير فيهم عيوب هذا ارحم منهم بواجد لا والحين كذا واحد لاخطب عرفت امه عمري وو ولدها مطلق وعنده ولد بعد مارضت فيني تقول كبيرة الشكوى لله واذا احد رضا فيني لابد فيه عيب مايخلى تعبت ومليت انصحوني يعني تمر سنه ماجا احد
|
الله يوفقك اختي حلم والله يكتبلك اللي فيه الخير ان شاء الله
والله يرزقنا وبنات المنتدى الازواج الصالحين والذريه الصالحه عاجلا غير آجل يارب العالمين .. |
اقتباس:
اهم شي الاستخارة و اللي فيها الخيرة يجيبها ربي ودام انك مرتاحة للموضوع ما املك الا اني اباركلك وادعيلك انه ربنا يوفقك انتي قلتي اتوقع ما ترجع وتوقعاتك شك مو يقين لانه لا يعلم الغيب الا الله فلذلك يجب ان تتوقعي انها ترجع ولو احتمال و1% ما تدري ممكن تتغير النفوس والله يصلح حالهم وترى المرة لما الزوج يتزوج عليها بيكسر عينها اكيد انها بتثور وبتقلب الدنيا فوق راسه يوم يتزوج بس صدقيني بعدين بتحسبها وتقول ارجع لبيتي والم عيالي احسن ما يتشردوا واحيانا بالعكس وقتها بيحلى زوجها بعينها اكثر وتتغير معاه كليا الى الافضل طبعا وتدخل في صراع مع نفسها اولا ومع الزوجة الثانية حتى تستعيد زوجها وتتأثر لأنوتثها المجروحة لذا اختي لازم تهيئين نفسك للكل شي حتى ما تنصدمي لا قدر الله وحتى تعرفي كيف تتصرفي مع المواقف المختلفة بحكمة حتى ما تكون فيه مشاكل يعني لازم تشرطي عليه حياة مستقلة عشان حتى لو حدث وعادت المياه لمجاريها ورجع مرته عشان العيال ما يتأثر بيتك يعني بالعربي هيئي نفسك انك حتكوني الزوجة الثانية وفيه عندك ضرة واعرفي كيف تاخدي حقك وما تكوني الحلقة الاضعف وتضيع حقوقك لان فعلا هذا هو الواقع فالزوجة ما تزال على دمة زوجها وما تطلقت وحتى لو تطلقت من الممكن جدا انها ترجع عشان الاولاد اختي لا تتجاهلي هذه النقطة ولا يعميك التسرع وبعدين ترجعي تندمي فيه زوجات كثيرة عايشين مع ازواج معددين ومرتاحين لانه المشكلة مو في التعدد المشكلة في قبول الزوجة نفسيا لوجود شريك لها في زوجها وهل الزوج هذا فعلا انسان عادل وما راح يظلم احد الاطراف على حساب الطرف الثاني؟؟؟ يعني لو انتي فاهمة ابعاد هذه الخطوة وانك داخلة على موضوع زوجة تانية وراضية بالموضوع وما عندك مشكلة وتقدري تتعايشي مع الوضع الله يباركلك ويوفقك ويسعدك يا رب:14: اهم شي ما تفرطي في حقوقك وضعي شروطك من الاول لأن اللي اوله شرط اخره نور ادري طولت عليك بس والله من خوفي عليك روحي واقري موضوع احدى الاخوات الله يعينها عن مشكلتها مع زوجها واولاده وتعامله مع طليقته حتى تفهمي ماذا اقصد من كلامي هذا بالتوفيق |
وهذه الروابط ممكن تفيدك
http://www.66n.com/forums/showthread.php?t=190649 http://www.66n.com/forums/showthread.php?t=193887 |
اقتباس:
جزاكي الله كل خير بحثت عن هذه الروابط لكي اضعها وانتي وضعتيها هنا وهي مشكلتي انا اقرايها اختي حلم وتعلمي من مشكلتي .. والحمد لله انه ربي كتب لي الانفصال قبل ان اتعب ..... |
مشكورة لولو هو قادر على فتح كذا بيت ربي مغنيه ماشاءالله ومادري وش بيصير على زوحته واوالاه هل اقوله ا ذا طلقتها وشكلهم بيطقلون لان موضعهم كبر وهي عارفه انه بيتزوج بس مادري وش وضع اولاده هل اقوله ماعلي من عيالك او ايش او شسوي
واولاده صغار اكبرهم ست سنوات |
اهم شي لايكون زواجه منك عشان يقهر الأولى ولما ترضى وترجع المياه لمجاريها ... تكون الضحية الزوجة الثانية استخيري كثييييييييير وخليي أهلك يتأكدوا من موضوع زواجه الا الزواج مافيه مجازفة حتى لو وصل عمر الانسان 100 سنة .. ايش الفايدة الواحد يتزوج ويجلسطول عمره بهم ونكد وفوق هذا معاه طفل ؟؟؟ |
مشكورة لكل اللي شاركني ونصحني بغيت اقولكم ان الرجال شفته اول شي كنت متوتره اول ماطلعت لان كل اهلي فوق راسي بعدين يوم هديت احس اني مرتاحه وبستخير واخوي قلت له استفسر عن وضعه منه هو زوجته وش صار هو بيكلمه لي وبشوف وش يصير ادعو لي بالتوفيق
|
استخيري وتوكلي يا أختي لكن لا تفسدي علاقته بزوجته الاولى لا أطلب منك لعب دور المصلحه لكن لا تتدخلي بتاتا بعلاقتهما |
االله ييسر لك ويكتب لك الخير وين ماكان .،،
موفقه . |
اكيد انتي بين اختيارين احلاهم مر
ما في حل الا انك تصلي الاستخاره وتتوكلي والله الموفق واشترطي الشروط اللي تضمن حقوقك واستقلالك عن زوجته الاولي وعياله بالعقد |
اقتباس:
لايكون زواجه منكِ عشان يقهر زوجته الأولى ..زي ماصار معي عن تجربه شخصيه ...زوجي أتزوج علي لمجرد إنو يقهرني ويحرق قلبي ..وماأقولك إنو ما أنقهرت وأنحرقت وكنت أموت باليوم مية مره ..وماأقولك إنو زوجي راعى ظروفي وقهري ..بالعكس كان أقسى ماتتصوري كان يضربني لما يشوفني أبكي من زواجه ..وهي كمان زوجته التانيه ماقصرت معايا لكني ضليت على الدعاء إنو ربنا يربط على قلبي ..وبقيت على كثرة الإستغفار وكثرة الصلاه بالليل وبالأخير رضيت بالوضع وجلست لعيالي ..لكن زوجته ماتركت شئ إلآ وعملت منه مشكله إلى أن طفح الكيل منها وطلقها بعد 3 سنوات ونص زواج ...وبطفله الأن عمرها أكثرمن سنتين مين الضحيه هادي البنت وبكل بساطه رجع وندم على زواجه منها شوفي عيوني أنا أنصحك زي ماقالوا لك الأعضاء لازم تعرفي سبب زعل زوجته وتركتها للبيت لأنو أزواج كثيرين يكونوا السبب في المشاكل وأول ماتترك الزوجه البيت على طول يحب يكسر قلبها بحرمه ثانيه ..يحسبوا هالشئ شطاره وفهلوه منهم وإنهم أبطال ممكن تكون زوجته مظلومه وهو ظالم ..فإنتي تكوني الضحيه ولوكمان خلفتي عيال الله يعينك إستخيري تاني وتالت وعاشركمان وأي شئ يعاكس معاكِ أتركي هالزيجه والله يوفقك لإبن الحلال الطيب |
حبيت اعلمك انه ماحصل نصيب وادعو لي انه يوفقني برجل افضل منه وشاكرة على ردودكم وجزاكم الله خير
سبحانك اللهم وبحمدك اشهد ان لااله الاانت استغفرك واتوب اليك |
الله يرزقك بولد الحلال اللي يصونك وتصونيه في اقرب الاجال اميييين .
|
عوضك الله بخير منه ورزقك الزوج الزوج الصالح التقي
|
الله يعوضك بي الافضل
|
اقتباس:
ان شاء الله ربنا يعوضك بشخص افضل منه |
.. الخيره مافيما أختاره الله ..
.. الله يعوضك بالا أحسن منه .. ويارب نسمع عنك اخباره حلوة عن قريب .. .. لا تحزني عزيزتي .. ولا تقلقي , راح يجيك نصيبك , وان شاء الله يكون افضل منه .. ويكون مناسب لك من كل النواحي .. .. عليك بالصبر , والدعاء , والاستغفار .. |
أكيد خير لك عزيزتي
وقولي الحمدلله على كل حال .. وان شاء الله في القريب العاجل ياخذك اللي يستاهلك ^_^ |
اقتباس:
يـغــلــق.. |
| الساعة الآن 08:32 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©