|
مشكلتي مع بنت عمتي من يساعدني
إخواني وأخواتي أريد أن أكتب لكم مشكلتي متمنيا منكم العون والمساعدة للتغلب عليها حيث أني أعاني من قلق شديد إزاء هذه المشكلة .
أنا شاب أبلغ من العمر 24 عاما وقد أتميت الملكة منذ 3 شهور , إنتقلت مؤخراً للعيش مع عمتي في بيتها بحكم أن وظيفتي جاءت في نفس المدينة التي تسكن بها , ويعيش معنا جدي ( والد عمتي ) الذي أُشرف على رعايته ومتابعة حالته الصحية بعد سفر إبن عمتي لمدينة أخرى مؤقتاً . مشكلتي مصدرها بنت عمتي وهي تبلغ 18 عاما حيث أنها في غياب عمتي يتغير سلوكها معاي وتتزين أمامي وتلبس أجمل الثياب وتستعمل أروع العطور وتحدثني بغنج كبير مما سبب لي قلق شديد وقد لا حظتها تتقرب مني بشكل كبير حتى إنها أحيانا تجلس بجانبي أثناء مشاهدتي للتلفزيون أو تصفحي للنت وفي أشياء أخرى لا أريد ذكرها . لذا أتمنى منكم المساعدة وكل واحد فيكم يقول رايه لعلى وعسى ان أجد حل للمشكلة . |
الله يعينك من المفترض انك توقفها عند حدها وحاول انك تسايسها مو تصدمها لأن الصدمات تأتي بنتائج عكسيه |
طيب ليش ماتنتقل للعيش في مكان آخر ! اي شقه قريبه منهم !! |
اقتباس:
|
اقتباس:
عشـان كذا انا قلت لك اسكن قريب منهم !!!!!!!! بسبب مواعيد دواء جدك ؟! ومع احترامي لك ! ما اتوقع ان في بنت تتجرأ اذا مالقت اي قبول او حركه من الطرف الآخر لازززززززززززززززززززم ترفض الي تسـويه وحاول انك ماتكون موجود بالبيت وقت غياب عمتك وتكون مستقل بغرفتك بعيد عن البنت ! يعني انت فتحت لهالمجال .. بجلوسك بمكان جلوسهم .. ووجودك عند غياب عمتك .. اجتهد بالبحث عن حل ... والحل منك انت .. وطالب برجوع ابن عمتك وتعذر بوجود مشاغل واعمال تلهيك عن العنايه بجدك .. |
رأي من رأي dantil
بس ابغى اسألك انت مملك على بنت عمك ولا انا فاهمه غلط ؟ وإذا لا كيف هي تكشف عليك عادي |
اقتباس:
لكن أبجاوبك انا سكني في الدور الاول وهي غرفتها في الدور الثاني وهي اللي تتعمد تنزل وانا أحس إنها غايره من خطيبتي أو بالأصح زوجتي حيث دائماً تسألني عنها وعن موعد زواجي رغم إن زوجتي من خارج العائلة . ولما تقولين أسكن خارج البيت صدقيني صعبة يعني لي أكثر من شهرين ساكن معهم وباقي 3 أسابيع ويرجع ولد عمي واطلع برى , أنا ماودي الناس تشك بحاجة . |
اقتباس:
لا أنا مملك على وحدة من خارج العائلة وأي نعم عندنا أبناء وبنات العم والخال يتقابلون |
اخوي مالك الا انك تهرب من البيت
قصدي انك بس تجي تعطي جدك الادويه ومالازمه وتحط رجلك الي مكان ثاني الين ربك يسهل ويمر ال3 اسابيع على خير بالمختصر وقت الفراغ الي تفضى فيه لا تجلسه في البيت |
اقتباس:
|
وعليــــكم آلسلآم وآلرحمــه ..
أخــوي .. إسمح لي ألومـك إنت شخصيآ ..؟ طآلما ماأعجبـك تصرفهــآ ليه ظليت سآكت وقت مآجلســت بالقرب منك أمآم التلفيزيون وآلنت .. وأستغلت آلوضــع ليــه مآقلت لهآ يآبنت إذآ تميتــي بحركآتك هآذي بيوصل آلكلآم لأهلك ~> لأن أي فتــاة بعمرهآ بتســوي آلعجب لحظه طيش تعتبر وآلمفروض منك تنبههآ ولآ تسكت وكأن عآجبــك آلوضع .. ولآ أخطبهــآ وأستر عليهــا أحسن من إنك تفعــل آلحرآم .. آللــه يهديهــآ ..~ |
اقتباس:
صدقيني أختي أنا ما أبغى الأمر يتطور ويوصل لأهلها وبعدين تنزل من عينهم وأنا عارف إنها فتاة مراهقة علشان كذا ما أحب أخبر أحد وبعدين كيف تقولين إخطبها أنا دوبي مملك على فتاة أخرى !! |
حل المشكله بيدك؟!
يعني ايش بيدنا نسوي كل الحلول ماتقدر عليها!! |
غررررريبه هي كيف تمون عليك بالشكل هذا!!!!!!!!!!!!
شف ياأخي أنت لازززم تكون شخصيييه وهيبه بنفس الوقت تكون جرئ وتفهمها انك ماتقبل حركاتها مثلا تقول لها انتي عارفه اني مو محرمك كيف تجلسي عندي كذا!!!!!! وبامكانك ياأخي انك تحقرها بنظراتك وتبين عدم مبالتك فيها وانك مكتفي الحمدلله وش ذا ترمي روحها على واحد متملك!! واذا استمر وضعها مالك الا انك تروح وتنتقل بشقه قريبه حفاظا على نفسك................الله يحفظ عليك دينك وهي الله يهديها |
أخي السلام عليكم ورحمة الله وبركاته
أعانك الله على ما أنت به من بلاء ووفقك لطريق الخير أعتقد أن المشكلة متفرعة الى فرعين: 1-شخصيتك لم تكن من النوع الحازم في التعامل مع تجاوز البنت وهذا أعطاها الجرأة الزائدة في التمادي معك. 2-شخصيتها من النوع المنفتح الذي يستغل الظروف لتفيذ ما يريد (تفكير المراهقين)لكن بشرط عدم الاساءة لها لذلك مستغلة عدم وجود أخوها وخروج أمها. الحلول: 1-هو أن تكون حازما في التعامل معها وإن أدى ذلك لزعلها وهو ما تخشاه على ما أعتقد لأنك لا تريد أن تزعلها وأنت تسكن في بيتهم!!! 2-الصراحة مع من يؤذيك جيدة في مثل موقفك ولا داعي للمجاملة بأن تسمح لها أن تتمادى معك لتصل أن تجلس بالقرب منك وتتكرر هذه الحالة!!!عليك أن تكون صريحا في رفضك لأسلوب تعاملها معك. 3-التهديد بأنك ستخبر أخاها أو عمتك وعليك أن تنهي الموضوع قبل أن تهددك هي بأنك من يحاول التحرش بها وفي مثل هذه المواقف تصدق المرأة وبالذات أنت تسكن في بيتهم! عليك الحذر من السكوت قبل أن تسقط في أعين جميع أهلك أن هي كذبة وأدعت عليك... 4-آخر الحلول هو أن تخرج من بيت عمتك بأي حجة قبل أن يقع الفأس في الرأس وبعد ذلك لن ينفع الندم والبكاء على اللبن المسكوب. تمنياتي لك بدوام التوفيق والتسديد لما فيه رضى الله |
اخى الكريم بدلا من الجلوس امام التلفاز او النت امسك المصحف واقرا وبذلك تنفر هذه الفتاة منك وتستحى ايضا من الجلوس بجانبك وانت تتلو القران وستحصد انت الحسنات وبالتالى لجوئك لله وكتابه باذن الله سيحميك من الزلل.
|
عااااااااااااااااااااااادي اذا جت تتميلح
اقلب خلقتك قول تعبان من الشغل واعمل حالك معصب امسك الجوال و اطفه واعمل نفسك تكلم خطيبتك و غير مكانك قدامها جيب احد ثاني يجلس معكم انشغل بالنت ادخل ماسنجر مع زوجتك حط مباراه وتابعها مدري والله وش الافكار المناسبه بس طفشها .. والا قول لها انتي متى تنخطبين؟ الله يرزقك بولد حلال .. يعني لا تتأملين فيني قليلة ادب |
والا صحيح
جيب كووووووووووووووووومة جرايد و خلي وجهك فيها هي بتزهق وتروح |
ةةةةةةةةةةةةةةةةةةةةةة
|
الماوس علقت والجهاز هنج انا جدا اسفة على التعليق التانى
|
اقتباس:
صااااااااااادقه .. اخـوي نمر نجيك يمين تجينا يسار ..! نقول اطلع من البيت تقول جدي .. نقول هاوشها تقول تنفضح .. نقولك لاتجلس معاها تقول هي بالطابق الي فوق !! وش الحل ؟! الحل بيـدك انت .. وشكلك ماتبي حل ؟! |
اقتباس:
اروع حل ماشاء الله تبارك الله القران سيفرض عليها احترامك لا تقول بعد فيها كاني ماني |
الله يعطيكم العافيه وإن شاء الله ربي يجيب العواقب سليمه وتعدي 3 أسابيع الباقيه على خير وإن شاء الله راح أعمل في المقترحات التي إقترحتوها علي.
وأنا وجدت عتب من قبل البعض لكن بقول حاجه وحده عمتي وإبنها لهم فضل كبير بعد الله علي وأنا ما أحب أصدمهم بفعل بنتهم وبعدين أنا متأكد لو أخبرتهم راح تحصل مشكلة أكبر وممكن يفسرون إن البداية كانت مني . على العموم الله يستر يارب وتجي العواقب سليمة |
أخوي الكريم أنت لما تدوام تكون وقت ساعات العمل في الدوام <<<<<<<< اكتشاف جديد :d وبعدها كم ساعة ببيت عمتك !!!! لذلك خل هذه الكم ساعة بسكن بشقة خاصة وأي خدمة لعمتك وجدك ولأهلها يتصلون عليك وتجيهم على طول،،،، ثم حاجة ثانية يا اخي حتى لو كنت جالس بالمقلط مثلاً أو المجلس ،،،، ترى يحرصون اهلها على انه ما تروح البنت هناك ويكونون منتبهين عليها وعليك !!!! لذلك افرك بجلدك ،،،، ما دام انها تجرأت،، فممكن مثلها تقلب عليك وتتهمك أنك تتحرش بها طول فترة إقامتك عندهم وذيك الساعة فضيحتك بجلاجل <<<<<< على قولة اخواننا المصريين وخاصة انك خاطب ولو وصل الأمر لخطيبتك بتدخل مشاكل وسوء فهم وبتسجل نقطة سوداء في مخيلة خطيبتك لذلك الحل واضح وسهل خذ شقة وبين لهم السبب قل البيت فيه بنات ولسن محارم لي وبعد انا شاب ودي اخذ راحتي وبالنسبة للخدمة وتلبية طلباتهم فإن شاء الله إنك في خدمتهم على طول عزوبي:22: بس:d رجل:30: |
مرحبا اخوي
واعذرني عالكلام الي بقوله وتقبل وجهة النظر بسعة صدر وتقبل جميع الانتقادات بصراحه موضوعك اشوف انه ماله داعي وماهو موضوع ينكتب بالاصل الا اذا تبي تفضفض لنا وتبيلنا انك مثلا وسيم وبنت عمتي تبغاني باي وسيله وانه في بنت راميه عندي ومن هالكلام لأن اول شي منت صغير عشان نرشدك عالصح او الخطا او نقولك افعل ولا تفعل وحكاية انك تبغى مساعده هذي وهميه لاتبي مساعده ولاغيره وبالله عليك زي ايش تبي مساعده يعني نقولك اسكن بشقه ثانيه او لاتجلس كثير بالبيت كل هالاشياء عارفها ومافي غيرها من هالحلول الي واضحه لي الاعمى وانت ادرا بشخصيتها واسلوب حياتك وتقدر تسوي اي حل تشوفه مناسب بس موضوعك مو عشان الحل موضوعك شوفو بنت عمتي تحبني وانا ماعطيها وجه ..! وثاني شي 3 صفحات وكلها حلول ونقاشات وانت واضح انك مو مهتم لهذي الاقتراحات اصلا بس تسايرنا على اساس انك تدور على حل وزي ماذكرت سابقا مانت كاتب الموضوع عشان تدور حل بس بتفضفض وبصراحه نرفزني موضوعك هذا وانت مملك موضوع زي كذا على قولتلك تبي فيه حل..؟ او انك تبالغ شويتين ومصدق نفسك انه بنت عمتك معجبه فيك وهي بالاصل ولا هي يمك وتقول تتزين لي وتتغنج بكلامها ..! واعتذر مره ثانيه لو كلامي فيه تجريح لشخصك الكريم والاهم من ذا كله الله يوفقك بحياتك الزوجيه ويتمم امورك على خير |
^^^^^^^^^ أخوي فور ايفر ون <<<< معرفك يشبه نيد فور سبيد :d لا الأخ إن شاء الله ما هي نيته كذا و أنت الله يهديك جيت مدرعم وقلت مثل هالكلام هدي السرعة امامك نقطة تفتيش :d عزوبي:22: بس:d رجل:30: |
هلا اخي
حاول انك تبعد عن المنزل هذه الاسابيع كثيررررر لين ماايرجع ولد عمتك وبعدين اطلع بسكن لوحدك الله يعينك |
ياطويل العمر....
انا بنظري من بعد ماقرت الموضوع بلردود...مافي الا هلحلول لك اذا عمتك غابت عن البيت ...روح غرفتك وسكر عليك واقعد علئ اللابتوب او بلايستيشن او شيء مطول منه مثلا لاتفتح نت الا اذا عمتك طلعت لاجل تنشغل فيه وقت غيابها عن البيت وتقعد بلغرفه ,....صح طفش لكن تحمل!!! و لاجل هي تعرف وتوصلها رساله انك ماتبيها ولا تنظر لها اصلن !!!! او اطلع من البيت في ظل خروج عمتك اطلع زور احد او اخرج مع صديق لك او كلم زوجتك وسولف معها....! وبعدين حاول الخروج من عندهم اذا رجع اخوهم .... وقول ابيكم تأخذون راحتكم وماابي اثقل عليكم اكثر....وداوم علئ زياتهم اسبؤعيا ... لان مو حلوه تثقل عليهم اكثر...هذا اذا وضعك المادي يسمح .......! واخاف بعض الاقارب هداهم الله يبدون يطلعون كلام عليك لاسمح الله ويخربون مخ زوجتك ماأدري خطيبتك ...وتوصلها اشاعه انه قاعد لاجل بنت عمته ووو...الخ.. انت لاتقؤل لاهلها ولا شيء اخاف يزعلون او يشكون فيك من اهتمام البنت فيك...ويلاحظوا البنات الي من اقاربها مدئ اهتمامها فيك وبتخرب خطبتك او زواجك القادم.....! اخي انا ماأبي اخوفك ولكن الخروج من عندهم افضل لك في ظل وجود اخوهم .... مالك داعي تقعد وعندهم بنت بهلشكل ....! احسها صعبه شؤي . |
الشكر موصول للجميع وإن شاء الله من الليلة راح أشوف لي سكن خارج البيت لكن ابسألكم وش تتوقعون ردة فعل عمتي وولدها لما بيعرفون إني أبخرج واشوف لي سكن خصوصا لي أكثر من شهرين ومو باقي إلا 3 أسابيع , تكفون علموني وش أقولهم إذا سألوني أكيد إنهم بيقولوا ليه بتسكن برى البيت كبير جدا والغرف كثيرة .
أما بالنسبة للأخ for ever-1 فأقول له إن شاء الله ربي يبتليك مثلي وساعتها تعرف كيف تتهم الناس من غير وجه حق ومالي كلام مع ناس أمثالك ولو سمحت قول خيراً أو اصمت |
اقتباس:
بس مايحتاجله تكبير هالموضوع يعني ياخوي احنا وش بنسوي لك انت ادرا بوضعك وبوضع العائله هو حلين لاثالث لهم بس انت ليش مكبر الموضوع..؟ الحل الاول ماعندك لسان ماتعرف تهزئها بأدب ماتعرف تقول لامها باسلوب حلو عن الي جالس يصير..! والحل الثاني اعطيها بوجهها كاش قلها وش تبين مالي ومال هالحركات بس انت مسوي من الحبه قبه بصراحه شي خاص فيك وانت ادرا بكل ردة الافعال الي تجي منهم وحتى الحين سؤالك ذا مالنا دخل فيه .. وش تتوقعون ردة فعل عمتي...؟ يعني بصراحه زي هذي المواضيع كيف تبي حل لها بأي طريقه تبي حلها وكل واحد بيقول ردة فعلها على حسب البيئه الي عايش فيها انا مثلا اشوف عماتي طيبين وبيزعلو ويقولو لا وغيري عماته مثلا العكس وبيقولك اتوقع بترتاح مثلا.... يعني زي هذي الاشياء والمواضيع الشخص نفسه هو ادرا مننا وماهي مشكله عشان نجاوبك عن تجربه مثلا يعني ماهي مشكله عاميه عشان نقولك سوي كذا وكذا هذي مشكله خاصه ولكل ناس تعامل ثاني معهم حتى اكبر دليل انت 3 صفحات ولا رد اقتنعت فيه لانه كل واحد بيقول رده على حسب نظرته وحسب البيئه الي عايش فيها وانت بيدك الحل من غير لاتشتكي ولا تكبر الموضوع ومره ثانيه اقول الله يوفقك بحياتك ويتمم امورك على خير |
اقتباس:
والله ايش اسوي اخ عزوبي بصراحه موضوع مستفز ماله حل ولا هم يحزنون مشكله خاصه فيه والحلول معروفه وواضحه وماصارت كل ماواحد طلت فيه بنت عمته ولا خالته حطها موضوع وقال ايش اسوي نظراتها تخوفني وانا ابستر نفسي ومدري ايش طيب انت ادرا مننا بالي جالس يصيرلك اما يحطه موضوع بصراحه شي عجيب..! وأسئلك بالله عزوبي لو صارلك نفس موقفه بتحطها بموضوع ...؟ او حلها انت ادرا فيه |
[SIZE="4]
اقتباس:
عندك ما يوسع صدرك ويطيب خاطرك ،،،،:25: ما دامك سألتني بالله فبجاوبك بما أعرفه وواقعاً واحد من أقارب رجل كبير وأبو عيال وعنده خير وراعي كرم، ولد أخته عايش بمنطقة بعيدة وتوظف بنفس المدينة اللي يعيش فيها خاله ، خاله اصر عليه انه يسكن عنده وينام عندهم ، يعني اصر إصرار أنه لازم يسكن عنده ولا يكلف على نفسه تكاليف السكن ويكون قريب عنده يعاونه ويساعده وخاله بنفس الوقت يحب يشوف ولد أخته عنده ويتطمن عليه تخيل معي لو طلت عليه بنت خاله وبدأت تسوي حركات نص كم مثل حركات بنت عمة صاحبنا!!! بالله عليك هل بيروح يكلم عمه مباشرة عن بنته ؟!!! أو بيطلع مباشرة دون دراسة الوضع والخروج بطريقة ما تخلي خاله يزعل عليه ثم أكيد انه بينحاس وبيتردد، وبيلجأ لمن يستشيره سواء اصدقاء أو منتدى !!! وما تردد إلا انه خاف أنه يزعل خاله خروجه من البيت وتركه له وخوينا النمر الهلالي أشوف ظروف حقيقية حدته للسكن معهم خاصة مع غياب عائل البيت وجود كبير بالسن مريض ،،،،،!!! وما له ذنب بحركات بنت عمته لذلك طلب الإستشارة لأنه فيه حسابات حسبها وما قصروا الأعضاء في توضيح الحل والخطوات !!! وبس:d عزوبي:22: بس:d رجل:30: |
اقتباس:
أو بيطلع مباشرة دون دراسة الوضع والخروج بطريقة ما تخلي خاله يزعل عليه ثم أكيد انه بينحاس وبيتردد، وبيلجأ لمن يستشيره سواء اصدقاء أو منتدى !!! الكلام الي قلته بالون الاحمر صحيح يدرس الموضوع من جميع النواحي ويدرسها ويشوف كذا وكذا والي يانسبه يسويه ,,, فعشان كذا الموضوع يعتبر متفرع الحين ولازم طيب نعرف كيف اهله ومن اي نوع وكيف عقليتهم ويتفهمو الموضوع او لا عشان نقدر مثلا نقوله قول لاخوها او قول لامها فعشان كذا على حسب العائله حتى الاخوان لما قالو له بالردود سوي كذا قال لا الاهل بيفهمو غلط وقالو ثاني طيب سوي كذا قال مابيخلوني اسكن بيقولو الغرف كثيره فاهمني وش اقصد..! يعني هو ادرا بالضوع الي عايش فيه وربي لو نقول حل من الحين لين بكره ولو يجي دكتور نفسي براسه يقول له حل ماراح تقنعه الحلول لان مثل ماقلتلك الموضوع متفرع وحلولها قبل كل شي تعرف وضع العائله وكيف عقليتهم وهل يتفهمو او لا هذا من وجهة نظري وانت ياخ عزوبي لاضايقك ردي لاتزعل مني تراك اخ وعزيز وبينا عيش وملح بالردود:d وياليت صاحب الموضوع يجلس مع نفسه ويشوف ايش الوضع الي يناسب على حسب عقليتهم ويحله موضوع مثل كذا حساس وكل واحد بيقول حل من وجهة نظره وبالاخر يمكن احد الحلول تقلب الدنيا فوق راسه فعشان كذا اتمنى يراجع نفسه بنفسه وعسا الله يقويه عالمصايب |
غريبة 18 سنة وما تغطي عنك ؟؟
انصحها باللين وانه ما يجوز تكشف عليك وهي مش من محارمك |
اقتباس:
:d بس أنت للحين متنرفز وأنت خاطب ،،،:25:،،،،، أجل وش اقول عني العزوبي الوحيد الزعلان الزهقان،،،:d وسع صدرك وبس:d عزوبي:22: بس:d رجل:30: |
^^^^
عزوبي هههههههه ..ضحكني ردك صاحب الموضوع راح أقول لك جملة صغيرة بس (( اهرب بدينك ... اهرب بنفسك ..)) أغضب عمتك وابنها بخروجك ولا تغضب ربك .. والله العظيم سيرضى عنك ربك وسترضى عنك عمتك وابنها ... والبنت لاتفضحها أبدااااااا |
انا مو راده اقترح حلول اللي قبلي كفو ووفو
انا رديت اقول لبعض الاشخاص ارتقاء بمستوى الاسلوب لو سمحتم!! هذا منتدى راقي بعقول رواده وماطُرح هذا المنتدى إلا<- لحل المشاكل والابواب مفتوحه لااي انسان يحس انه وقع بمشكله ويتخبط ومن حق اي شخص يكتب اللي يحس فيه او اي شي يبحث له عن حل!! تفتقرون للحلول اخرجو دون رد غير مأسوفا عليكم |
اقتباس:
ههههههههههههههههههههههههههههه اعصابك ياولد هدي شووووي واسفط علي جنب معك المرور هع :30: انا اشوف انه قام يتمطط بالسالفه وهي محلوله ياخي دام كلنا شباب ونعرف بعض زين بأمكانك دام هذي سوالفها معك توقفها هي بنفسها عند حدها. بس باللين والرفق مو بالهوش وتخليها تحقد عليك طول عمرها قل لها انك مثل اخوها وانك تشوفها زي اختك وبنفس الوقت مايجوز تجلسين معي لحالنا ثق تماما مجرد ماتلقى منك اي كلمه راح توقف عند حدها بس انت معطيها الضوء الأخضر وهي قامت تتمادى عليك وقامت تكشخ لك لكن لاتصير مطيطه ياخوي مشكله بسيطه ومزعجتك اجل شلون بكرا تبي تواجه مشاكل الزواج الله يصلحك بس عز الله كلام فور يو مانشيستر يونايتد انه بالصميم |
| الساعة الآن 07:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©