|
كيف اجدد ثقتي بنفسي وزوجي ؟
والله مالي احد اشكيله بعد الله الا انتم
ياناس انا طفشت من نفسي الحين زوجي يروح الدوام ويشبك مسنجر ويكلمني واحلفه كل دقيقة هل انت تكلم غيري؟ ويحلف وارجع اهدى ويجيني الشك ثمن ارجع اساله انا وربي البيت مليت من نفسي خلاص فما بالك هو ,,قبل لا احبه ماكنت اساله لا وين رحت ولاجيت مريحة عمري لاني كنت متاكدة من حبه لي وكنت مدلعة عليه وكان يتمنى اني ابادله نفس الشعور وكان يدعو الله انه يالف بين قلوبنا ودعوته استجابت وربي احبه مثل عيوني لكن غيرتي وش اسوي فيها اغار اغار احرقتني الغيرة والله اني جميلة الحمد الله ولاهو ناقصني شى غير عيب واحد وانا سبقت وذكرته والانسان غير كامل اللبس له احسن لبس واتانق واكشخ لكن كل هذا مو مخلي لي الثقة بنفسي ..اشلون اثق بنفسي اشلون ابعد اشك عن طريق زوجي ابي ارتاح ياعالم هل كل الحريم زيي يغارون .اخر مرة سافرنا على بلد ماودي اذكر اسمه وكان في متبرجات وربي البيت وقع قلبي وجالس عيوني تدور براسي اقول ياليته مايناظر اي وحدة كرهت المكان وكررهت المطار مع العلم اني اروح لاهلي باروبا واحيانا اضظر اسافر لوحدي لحكم الظروف والله مايغار علي بنفس المقياس الي اغار عليه انا وسبق اني تعرضت الي رسالة غرامية لقيتها بكيس لعطور الي شريت يوم قمت اتوضى عشان اصلي بالطيارة ووريتها حق زوجي الرجال ماهو مخلي كلمة غرام وعشق الي وكاتبها لي وتعمتدت اني ارويها زوجي عشان ابيه يشعلل غيرة لاني لو مكانه ولعت فيه وبالورقة اعذورني طبعي جدا حار كيف تخف غيرتي عنه شوي ماودي ايضا يحس اني اغار عليه بقوة عشان مايتمرد وودي اثق بنفسي وودي هو الي يخاف احد يخطفني منه مب انا ابي طريقة اريحني وتخليه هو الي منشغل قلبه فيني دووم كل هذا والله عشان احب زوجي مو عشان اقهره لكن ودي اكون كبيرة بعينه مو كل شوي اجلس احقق معه وين رحت وين جيت تعبته وتعبت نفسي |
أنا جربت أقرأ البقرة... مجرررربة:22::22:
كنت أغير وأحس بحرارة بجسمي نفسي أدخل تحت الدش عشان:21::21:!!! لكن الحمد لله بعد البقرة حسيت إني بخير كبييير وحاااولي تشغلي بااالك عنه روحي لزميلاتك خلي لك اهتمامات ..هوايات..قراءة ...الخ والدعااااء والقرآن داومي عليهم وبصراحة.. قيااام الليل لو ربع ساعة.. احفظي..أقرأي التفسير أتعلمي شي جديد دورة كمبيوتر .. رسم.. تجديد في حياتك.. الله ييسر أمرك..فديتك |
اقتباس:
كنت مرتاحة بدون حب كان ودي انه هو الي يضل يحبني مو عشاني انانية لكن والله الي فيني كافيني من هموم |
لالالالالالا ما لك حق تبغي تعيشي بدون حب؟؟؟؟ ماللعيشة طعم!!!! بس حبي بعقل وذكاء أتوقع عشان بدأت تحسي بحبه من فترة قريبة بس لكنمع الوقت ممكن تتحسن غيرتك جربي اللي قلته لك ترا فعاااال وطمنيني |
توكلي على الله واستودعيه الله
يعني غيرتك بترده أنت تنفرينه منك بهالشكل وممكن تفتحي عينه وتسهلين له هالشغلة |
اقتباس:
ان شااااااااااااء الله الله يلهمني الصبر والحكمة |
سبحان الله انتي مثل وحده مجننه صاحبنا بهالامور هذي وانه يتنكد منها وصار يكررررره سؤالها ورسايلها وكل شي وبنفس الوقت يحبها ويرحمها ولا ودهـ يكسر خاطرها بس هي تبي لها وماتبي تعطيه وش الفايده طيب اذا مافيه تفاهم وتناسق فكري بين كل رجل وامرأه اذا كان بس اخذ منك لا ااعطيك وش فايدة الحياه والحب بينهم علموني عموما اختي مثل ماقالوا لك اللي ردو. عليك بقراءة القرآن وخصوصا من اللي مجربه الوووورد المجروووح تحياتي لكم |
كرهت نفسي وكرهت كل من حولي
اسمحولي من تكرار موضوعي كل شوي غثيتكم
انا تعبانة ياناس انا منهارة لو سويت شى مب زين مع ربي اساله بكل اسمائه الحسنى وصفاته العلى ان يرحمني برحمته انا كل يوم اتقطع واتعذب انواع العذاب قبل شهر دخلت بمسنجر زوجي ولقيت عنده حريم مضافين على المسنجر وصارت مشكلة كبيرة لدرجة انا وصلنا للطلاق وهاجموني اهلي اني انا شكاكة وانه مايقدر اي رجل يعيش معي بشكي هذا سكت وبلعت السالفة وقلت له كيف تحلف بالله انك ماتعرفهم والايميل شى من خصوصياتك يعني اذا مااضفتهم ماحد يقدر يضيفهم قالي ايميلي من 15 سنة وناسي قلت له قولي انك ناسي ولا تقول مو انا الي اضفتهم ياجماعة والله اكتب لكم والدموع تملى عيوني انا فعلا تعبانة تصالحنا بعد السالفة وحلف لي انه مايكلم بنات ولا يعرف احد ماانكر اني صرت احبه واغار عليه وخاصا بالايام الاخيرة بعد ماتصالحنا لاني في بداية زواجي منه ماكنت احبه وكنت مطنشة كل تصرفاته لكن سبحان مقلب القلوب دخلت اليوم ولقيت ايميل وحدة الظاهر انه نسى يعطيها حظر قلت له مين ذي ؟ قالي مدري ولا اعرف صاحب الايميل قلت له انت تبغى تجنني ؟ مستحيل احد يضيفهم الا انت جلس يحلف وانا كالعالدة مااصدق لانه يالمنطق صعب اصدق ياعالم انا مريضة بالشك ولا زوجي يسوي شى من وراي ؟ تكفون قولوا حالتي بالضبط انا راح اتقبل اي نتقاد بس المهم اعرف حالتي انا وربي لو عندي طفل يملي علي حياتي كان اطلق واربي ابني لاني حسيت اني صعب اعيش مع رجال اطلب المثالية بالرجل واطلب كل الامور تكون واضحة قدامي واطلب الكمال واطلب رجل ماعنده ماضي ادري انه مستحيل وان الكمال لوجه الكريم لكن والله اني تزوجت متدين لسبب واحد فقط عشان ارتاح من الغيرة والشك لان على الاقل الي يخاف ربه راح يسوي اعتبار لحالتي مااقول ان زوجي غير محافظ زوجي محافظ على الصلاة وملتحي لكن غير متشدد انسان عادي وفي بعض الامور فري واحيانا هذا الي يخوفني ياناس لو اتزوج واحد مايخليني اتنفس انا راضية اهم شى اني اكون مرتاحة ولا اشك فيه واكون متاكدة تماما انه صعب يسوي محادثات على المسنجر او يتكلم جوالات هل ماعاد في رجل بالشكل الي كنت اتمناه ولا انا عايشة بزمن ماهو زماني ولا انا احلم دلوني على الحقيقة انا مالي خوات اكلمهم ولا لي صديقات اثق فيهم لي ربي ثم انتم وربي صرت اتمنى الموت ولا اجلس على هالحال مو ربي غفور رحيم مو انا لو سويت شى بحق ربي يغفر لي ويسامحني ويعطيني فرصة بحياتي رحمتك فيني ياااااااااااااااااااااااارب |
تم دمج الموضوعين ،،،،
|
خليه على راحته وذكريه بربه وبيوم القيامه وتجاهليه لانه اهوا اذا شافج سكتي قال بنفسه فرضت كلامها علي واهنيه ترجع مساله فرض الشخصيه
|
اقتباس:
انا فعلا في بداية زواجي منه كنت اتجاهله وكنت مرتاحة لاني ماكنت احبه وكان هو يسعى انه يريحني الحين من صرت احبه زادت همومي مع الغيرة والسؤالات |
.. اسمحي لي هذا الا تقولينه ( ماهو حب ) !! أبدا .. هذا حب سيطره , وتملك ..
عزيزتي ,, ذبحتين زوجك من كثر الشكوك والظن .. واذا أستمريتي على الشكوك وملاحقته , واحلف واقسم انك ما تكلم بنات ,, راح يطفش وتصير بينكم خلافات كثيره وكبيره .. .. واليوم انتي قاعده تشكي وتظني وتوسوسي , بكره راح يمل منك , ومن ملاحقتك له , وراح يسوي الا انتي قاعده تشكين فيه , لانه انتي بالاساس كذا كذا شاكه فيه .. يعني سوا شيء او ما سوا انتي شاكه .. فهو راح يريح بالك وينفذ شكوك .. .. اختي .. أستغفري ربك .. ومادام ما عندك عليه أدله قويه ,, أستهدي بالله , وأستغفري ربك ,, انه بعض الظن أثم , وانتي الا تسوينه مو بعض ظن , الا الظن والشك .. ومثل ما قالت لك الاخت ( الورده المجروحه ) أقرئي سروه البقره , خلاص أقرئيها ,, مو تقولي ما أقدر , بالله كيف ما تقدري ؟؟ ما تقدري تتوضي , وتمسكي القرآن وتقرئي ؟؟ .. اجلسي مع زوجك , جلسه صراحه , وخبريه أنه انتي ودك تعيشي مرتاحه البال من ناحيته , وان سالفه المسنجر والاضافات الا فيه , تعبتك , وخلتك تشكين وتظنين , وانك تبينه يريح بالك , ويعزز ثقتك فيه .. .. الله يهديك , ويريح بالك , ويسعدك .. .. ولا تنسي .. ( الشيء اذا زاد عن حده انقلب ضده ) .. .. ولا تخلي غيرتك وشكك ,, تتحول الى مرض نفسي , وتضطري تتعالجي عنه .. |
هذا كله بسبب وقت الفراغ
لازم تشغلي نفسك باي شء مره في مره راح تتعودي |
اقتباس:
|
ههههههههههههه
الظاهر انتي تبين طلاقج باسرع وقت اختي لا تكونين سبب في خراب بيتج باقولج عن سالفة وحدة خذت واحد ابوه مزواج وايد والكل قالها اكيد الحب يطلع على بذرة بس اهي طلعت ذكية>>>>>>>>> الله يرزقج ذكاءها وعطته الثقة كامل الثقة الحين ماشالله لا اله الا الله صار لهم 15 سنة ولي الحين ما يطالع غيرها خلج مثلها حبيبة قلبي |
اختي انا بعاني مثلك بالضبط!!صارلي ٢ سنه متزوجه والغيره ذبحتني.امم ا من فتره قصيره هديت ونويت اغير حياتي.طبعا من الغيره على زوجي انا مرضت وشحب لوني ومرات احسن بخلجان في صدري.طبعا زوجي عادي مو مهتم ولاشاعر في.تزوجته على اساس متدين .الحمد لله هو متدين لكن مو بالدرجه اللي كنت متصورها.يعني وقع في معاصي وتاب عنها.كان ماضيه مجنني خاصه اني شفت صور له من ماضيه.حسيت انه غشني وكذب علي.وزوجي من لنوع الي يحب يثيير غيرة زوجته.وصار قلبي كله نارو كره لزوجي.انا عندي طفل وكنت احكي ا نه رح ينسيني لكن مانسيت.نحنا في بلد اجنبي وزوجي كان مغترب قبلي .والمغريات كثيره والفتيات هنا جميلات .انا الان احاول حفظ لقراسينفسيت حسنت كثيرا.ما يهمني الان هو رضى الله عني.من انا لاحاسب زوجي?? الله سيحاسبه على كل فعل وكل فعل جرحني فيه.ليه اشغل بالي في ا لشك?? اهتمي بنفسك ول اكلك واقرائي هالرابط انا استفدت منه.
يمنع وضـــع رواابط خارجيه ،، |
حبيبتي مس بلو
تسلمين يالغالية تسلمون خواتي كلكم مس تدرين رسالتك هزتني واضن اني راح اتغير من خلال كلامك مامداني اقرا رسالتك الا ورحت وارسلت له رسالة على جواله وقلت حبيبي انا عارفة انك ماتقدر تخوني لكن هي الاضافات والمسنجرات تعبتني وعصبت شوي قلت له والا انت مستحيل تخوني على قولتك يامس بحسسه اني واثقة فيه عشان صعب يخذلني لاني لو جلست اشك فيه ماراح اطلع بنتيجة صدقيني تعب كل شى فيني انا راح اتغير يامس وعد بس ارجوكي خليكي معي بالنصايح ترى لك الاجر وربي تسلموت الاخواتي ولكل من قدم لي نصايح من الاخوان اسال الله ان يجمعني وياكم بالجنة |
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©