|
بعد ما كنت اموت فيه .. قررت اطلب الطلاق بلا رجعه
بسم الله .. ولا حول ولا قوه الا بالله
اللهم اجرني في مصيبتي واخلف لي خيرا منها ارجوكم لجات اليكم بعد الله سبحانه وتعالى ارجوكم ابي الشووور من اصحاب العقول الراجحه .. انا خلااااااااااااااص خلاااااااااااااااااص وصلت حدي وبطلب الطلاق من زوجي هذااااااااااا بقولكم مشكلتي بختصار انا عمري 25 سنه وربي من دون كبر اني جميله والكل يمدحني بكل مكان والله ما ابالغ وانيقه جدا واهتم في زوجي لكن هو اللي ما صاني ولا صان عشرتي معه انا من تزوجته وهو خاين خااااااااااااااااااااااااين بكل ما تحمله الكلمه من معنى انا لي خمس سنين متزوجه وعندي بنت وحامل الان وهذا اللي كاسر ظهري ومحزني اكثر واكثر المهم من تزوجته وانا اكتشفة انه يكلم بنات صبرت وصبرت ووواجهته اكثر من مره وكل مره يقول اسف ومدري ايش واعديها له واقول الايام بكره بتجيب الفرح .. لكن كل ماله يزداد حقاره وسسوء المهم كل عشرتي معه وهو يخوني عمره ما تاب وانا عارفه لكن صابره ومتحمله لكن اللي خلاني انهار اني اكتشفت انه يتكلم معهم بامور جنسيه بحته وقذره جدا وانا والله ما قصرت معاه بهالامور ابد ابد تخيلو العيد اللي فات دقت علي وحده من هالقذرات اللي يكلمهم على فكره مو اول مره يدقون علي من يوم كنت عروس وتجيني مكالمات كذا قالت لي عن كل قذاراته معها وانه يحبها وانه جايب لها هديه بهالعيد وانه دايم يشحن لها وان كلامه قذر قذر جدا وانه دايم يطلب منها ترسله صورها وهي لابسه قميص نوووم تخيلو الحقاره بس انا قلت كذابه قالت خلاص مو مصدقه انا اوريك قامت دقت عليه من جوال ثاني وكلمته قدامي وقام يتكلم معاها باسلوب قذر وياعمري وياحياتي وقامت تقوله انت وش تبيني ارسلك قووول وقال كل شي انا انهررررررررت لحظتها خلاص وقلت اشبكيني معه ابيه ينصدم شبكتنا بخط واحد وقاعد يقولها يا عمري منهي هاللي شابكتها معنا قلت له ما عرفتني قال لا ما عرفتك قلت خلاص بدق من رقمي عليك يمكن تعرفني ودقيت من رقمي وشكله انجن لما عرف انها انا المهم جلست ابكي وسويت مشكله طول بعرض وقلت لامي خلاص ابي اطلق صبرت عليه بما فيه الكفايه امي رفضت طبعا وتكلمت معه وهالكذاب قام يبكي عند امي ويقول اسف والله ما اعيدها ووعد مني لك لو صار شي لا اجيبها لكم مره ثانيه المهم امي خذت وعد منه ورجعت وانا والله مكرهه لكن املي بالله كبير .. المصيبه انه رجع لنفس حقاراته وقذاراته اخرها قبل شوي تخيلوا سمعته قبل لا يروح للدوام يكلم وحده من بنات الشوارع ويقولها عطيني بوسه وانا بعطيك من عند شف ..؟ عشان اروح للدوام مبسوط وكلام قذر قذررر ما ينقال خلااااااااااااااااااااااااااااص انا بموت صبرت خمس سنين من القهر الى متى بصبر الي قاهرني لو تطلقت من بيتزوجني وانا عندي طفلين اااه بس وربي الالم مقطع قلبي شوروا علي وش اسوي انا في مدينه ثانيه غير اللي موجودين فيها اهلي وافكر احاول اروح لهم هالاسبوع واذا رحت ابكلم امي وبطلب الطلاق بشكل رسمي ادعولي ربي يرضى عليكم لعل احد منكم ربي يستجيب دعائها يارب فرج علي يا ارحم الراحمين |
الله يهدي يارب والله يكتبلك الا فيه الخير ويسير امورك حبيت ادعيلك بس ان شاء الله المتزوجين يفيدوكي اكتر
|
انا اريد ان اتكلم معك من واقع وحده تحمل اكثر مما تحملين ومصيبتك قد تكون اهون عند غيرك
أختي اولا: اين انت عن الدعاء له في كل سجده وفي قيام الليل فوالله ليس لك طريق غير الله مهما فعلتي ومهما سويتي اصلحي حالك مع الله يصلح الله لك زوجك اختي هناك زوجة تعاني من ان زوجها مدمن مخدرات فواصلت الدعاء والاستغفار فغير الله لها زوجها هذا الباب الزميه واستمري عليه خلي علاقتك بربي وسوف يغيره رب العباد مهما طالت المدة ثانيا : اختي اعلمي ان هناك نساء دورها تخريب البيوت وهي سحرت زوجك بكلماتها فالشيطان يزين له ذلك لكن انت ضعي في بالك انك سوف تتنصرين عليهم انت اخطأتي عندما علم انك تعلمين لذلك اصبح يعلن المعصية امامك ادعي انك لاتعلمين شي وانه تاب حتى لو رايتي شي كأنك لاترين واستمري على ذكر قصص من باب من دق باب الناس الناس سوف يدقون بابه واسمعي شريط دمعة امل وعندما ينتحر العفاف وعامليه بالحسنى استخدمي الذكاء في جذبه لك ثالثا: لاتطلبين الطلاق وارجعي بيتك طالما انه يتعامل معك بالحسنى الله يفرج همك وهمي وهم كل مهموم |
الله يهديه ويصلحه يااارب بس هذي اللي اتصلت المفروض انتي ماتتعاونين معاها اصلاً هي تبي تخرب بيتك حاولي بكل ماتقدرين انك تتفهمون بكل صراحه وشفافيه ولابد في حل وادعي الله وان شاء الله ربي بيصلح حالكم
|
أعانك الله.. أعانك الله.. أعانك الله
أكثري يا أختي من قول: إنا لله وإنا إليه راجعون. اللهم آجرني في مصيبتي واخلف لي خيراً منها. قال سعيد بن جبير رحمه الله: (لم تعطَ هذه الكلمات نبيّاً قبل نبيّنا, ولو عرفها يعقوب لما قال: {يا أسفى على يوسف}) قوليها وأنت واثقة وأملك بالله كبير وأنا على يقين بأن الله سيعوضك خيراً.. |
ماقدرت أتمالك نفسي وأنا أقرى كلماتك حسبي الله ونعم الوكيل في كل ظالم
نسوا أن الله يمهل ولايهمل |
'ياواحد ياأحديافرد ياصمد ياالذي لم تلدو لم تولد ولم يكن لك كفوآأحدياملك ياقدوس ياسلام يامهيمن ياعزيز ياجبار يامتكبراللهم فرج كربت أختي (حياتي أليمه) اللهم فرج كربتهااللهم فرج كربتها وأختارلهاكل مافيه خيروأصلح لهازوجهاوأصرفه عن كل مايبعده عنهاوسخره لهاكتسخيرك الجن لسليمان ..آمين
|
الله يصبرك ويعينك ويهدي زوجك
اختي ذكريه بالله والاعمال الصالحه يعني مثلا اتفقوا تصووموا يوم الخميس والاثنين دائماقولي متىاخرمره قرات قراان وقولي له مثل ينقاال من طق باب النااس طق بابه قولي بكره بيجي واحد ويغويني او يغوي بنتك او اخت خاااف من رب العاااالمين الله ييسر اموووورك ويوفقك ويستر عليك |
اقتباس:
ولا تقولي لو تطقلت من ياخذني انتي لا تعلمين الغيب ربما تكون حياتك اسعد مع شخض اخر مااحرضك على الطلاق لا بل ابيك تشيلين فكرة اليئس من بالك لان ربك ارحم بنا من امهاتنا .الله يسعدك ويفتح لك ابواب السعادة وين ماتكونين |
اختي الفاضله ...
اسألك سؤال : هل أنت ترين ان ما يفعله زوجك يعد خيانه لك فقط ؟؟!1 أم ان ما يفعله هو ذنب و معصيه في حق الله - و العياذ بالله - ..؟؟ لذا اختي لأسف اقول لك انت المخطأه ... وبعد خمس سنين و بعد انجاب و بعد عشره وبعد ....الخ . تأتين لتعرضين المشكله ! اذا انت مخطأه لأنك لم تتعاملي منذ أول وهله مع تلك المعصيه ... :: اختي الفاضله نعم زوجك مخطأ و يسلك طريق خطأ ولا شك أنني كنت منذ البدايه أتمنى ان تتعاملي مع المشكله بالاتي : 1 - معرفه لماذا زوجك يعصي الله عز وجل ويحادث الاجنبيات و يغازلهن بحلو الكلام ويهديهن و العياذ بالله ... 2 - معرفه صفات زوجك .. 3 - ما هي الاشياء التي يقصر فيها زوجك وهي من الواجبات الدينيه مثل الصلاه و الصيام و العمره و الحج و الذكر و الدعاء و ...الخ . 4 - ماهي الاشياء التي يفعلها زوجك وتزيد من شؤم المعصيه مثل سماع الاغاني و القنوات الهابطه ...الخ . 5 - نصح زوجك بطرق مباشره وتحديد موقفك منذ أول وهله و اخباره بأنك لا تقبلين هذا الخطأ منه ليس لأنه خيانه لك بل لأنه خيانه ومعصيه في حق الله عز وجل ... 6 - نصح زوجك بطرق غير مباشره من كتاب و شريط و قدوه حسنه ... 7 - ان لم يستجب فتحادثين أباه الذي هو عمك و تخبرينه سرا بذلك وليس أمك لأن المرأه لا تحل المشكله كما يحلها الرجل . 8 - تتقربين لله عز وجل بالذكر و الصلاه و الدعاء بصلاحك وصلاح زوجك ... 9 - تنصحين زوجك بالمحافظه على الصلاه و الذكر و الدعاء ... 10 - ان لا تسمحي بتلك الاتصالات التي تسمم البدن و تخرب البيوت بل تتركينها و تنتبهين لزوجك بدل الردود عليها . 11- اذا لم ينفع النصح معه و لم يتغير من نصح أبيه .. فيجتمع رجل رشيد من أهلك ورجل رشيد من أهله ووالدك ووالده و يناصحونه بشتى الطرق و يعطونه انذار أخير و نصح ان كان رجل عاقل .. حاولي الان بكل ماذكرت من حلول لك فان لم يجدي شيئا فانني عند هذا الحد اتوقف ولا افتيك بغير ذلك .. أسال الله أن يهدينا و اياكم لطاعته ... هذا و الله أجل و أعلم .. |
الله يهدي زوجك يارب ناس كثيره للاسف من هذه الشاكله تفقدي مواطن التقصير من جانبك واصلحيها بقدر المستطاع حتى لايكون لديه اي عذر شرعي واوصيك بالدعاء له في وقت السحر بعد الصلاه لله وقولي اللهم اني استودعك جوارح زوجي عن الحرام
اللهم احفظ سمعه وبصره وفرجه كان الله بعونك |
و الله يا اختي مادري ايش اقولك
بس المشكلة كانت من البدايه لما ما اهتميتوا باخلاق الرجل ودينه المهم الان شو الحل: بصراحة زوجك مدمن علاقات نسائية وهذا النوع من الرجال صعب انه يصبح مستقيم لذلك رأيي انك لو كنتي ودك تستمري معاه اشترطي عليه تروحو لمعالج نفسي عشان يعرف ايش السبب الي يخليه مدمن لهذا النوع من العلاقات و يساعده في التخلص منها. اقولك شي انت لو سكتتي ومشيتي في النهاية رح ينفذ صبرك وما رح تقدري تتحملي اكثر بس وقتها حيكون ضاع عمرك وشبابك واجمل ايام حياتك في المعاناة والالم لذلك لازم توقفي هذا الوضع عند حده حتى لو تطلب الامر انك تروحي عند اهلك وتشرطي عليه انك ما رح ترجعي الا لما يروح يتعالج والله يكون في عونك ويهدي زوجك |
اشكر كل من واساني في ماساتي ودعالي
والله ان كلامكم مثل البلسم لي ودي ارد عليكم واحد واحد بس والله تعبانه جدا من الحمل وهالمشاكل ): اليوم صارت احداث ولاني عارفه وش اسوي تكفون دلوني امس بالليل طلبت منه انه يوديني للرياض بحجه اني ابي اشوف اهلي قالي لسا توك شايفتهم قلت بس انا مشتاقهم لهم وابي اشوفهم هو حس انه فيه شي وجلس يزن فوق راسي ثلاث ساعات وش فيك وش فيك وانا اقوله ما فيني شي غير اني ابي اشوفهم وجلس يصرخ بوجهي قولي وش فيك انا لحظتها انفجرت وبكيت وقلت كل اللي في قلبي مع اني كنت ما ابي اقول شي قلت له اني خاين وحقير وتعبت منك وانا اصلا بروح لاهلي بنية اني ما ارجع ابد وناويه اطلب الطلاق هو انجن لما قلت كذا قال انا بيك وانا ما سوييت فيك شي وانتي مريضه وموسوسه واصلا اللي كنت اكلمه الصبح زميلي بالعمل قلت له زميلك بالعمل تقوله بعطيك بوسه ومدري ايش هو سكت وانصدم وجلسنا ساعه كامله وانا ابكي وقلت كلام كثييييييييييييييييير كثير المهم قلت خلاص انا بدق على الرقم اللي انت دقيت عليه ونشوف هو لحظتها خاف وحاول يتهرب دقيت على الرقم وحطيت سبيكر طلعت وحده من جنسيه عربيه الله لا يوفقها لا دنيا ولا اخره ااااااااااااااااااااااه يا القهر بس حزتها صرخت وقلت خلاص تاكدت انت كذا يعني مالنا حل الا الطلاق رحت لغرفتي وقفلت على نفسي الين الصبح وانا ابكي المصيبه هو رافض يوديني لبيت اهلي نهائيا واليوم كالعاده جاني يقولي سامحيني ويبكي وانا اسف ومواله المعتاد اللي طفشت وانا اسمعه كل مره يا جماعة الخير انا ابي اعطيه درس ما انساه بس مدري وش اسوي دلوني المشكله رافض يودني وش اسوي تكفوووووووووووون |
اهلين اخوي السيف المهند راح ارد على اسالتك واحد واحد
اقتباس:
|
الله يكون في عونك
خليكي عند رأيك قولي له هذ ي مو اول فرصه وانت ما استغليت مسامحتي لك صح انت تتحمل نتيجة تهورك استغليها فرصه قولي له انا جنبك والدليل سمعتك ليه ما جيت طلبتني البوسه وش عندها هي ماعندي انا؟ مين زوجتك مين حلالك؟ ليه تلف على غيري وبالحرام وانا عندك.. ايش اللي ناقص .. اقنعني عشان اسامحك بعد المصيبه الاولى و الحوسه انت جيت تعهدت لي .. ليه تنكث الوعد؟ انت مالك امان وما اقدر اصدقك وقرفت منك .. ولا ابي المسك ولا اتعامل معك وووووووو خليكي مصممه وتقدرين في الاخير تقولين له .. ابي ارتاح فتره عند اهلي انا تعبانه نفسيا منك .. ولا تناقش ودني ارتاح وافكر على راحتي.. اصلا المفروض ماتعترض.. لأني جنبك ورايح لغيري .. الحين يوم ابي اروح صرت زينه؟؟؟؟؟؟؟ وساعتها سوي اللي تبين .. يمكن سبحان الله ينصلح.. |
كان الله في عونك يا اختي .. الزوجه الخاين مصيبه ..
زوجك مدمن هذه النوع من العلاقات واذا هو من نفسه لا يريد ان يتغير فلن يتغير ابدا .. فالشيطان راكبه من ساسه لراسه لا اعلم ماذا ينتظر زوجك حتى يصحى من غفلته .. هل ينتظر مصيبه تأتيه حتى يتوب ؟؟ الا يعلم ان الله يمهل و لا يهمل ان يعلم ان اللعب باعراض الناس من الامور المحرمه ؟؟ الا يخاف على عرضه ؟؟ الا يأمن زوجك مكر الله ؟؟ ادخلي على زوجك من مدخل الدين .. والله يا اختي واضح من كلامك و اسلوبك انك مقهوره و القهر يا اختي لا يجلب الا الامراض الجسديه و النفسيه .. شوفي يا عزيزتي زوجك مو جايب خبر لامك .. زوجك محتاج لشخص اقوى من امك لكي تتفاهم معه .. اما الحل اما انك تصبري على هذا الوضع ان كنت خايفه من الطلاق او انك تختاري اللي يريحك ولكني استغربت من كلمتك .. اقتباس:
احيانا تكون الحياه بدون زوج افضل بكثير من حياه بها زوج يجعلها لكها نكد و الم و حسره ... عليك يا اختي بسهام الليل .. اكثري من الاستغفار .. |
الله يفرج كربك يارب
الله يهدى لك زوجك امين امين امين |
اقتباس:
وش اقولك بس يا مشكلتي اصدق غير انه مريض نفسي الله يشفيه ولا يبلاني ): انا كل يوم الصباح اودعه وابوسه واقوم اسويله قهوته وفطوره لكن ما بين بعينه هالخاين المصيبه كيف اقنعه يوديني بيت اهلي انا لو اروحبيت اهلي يحلها الف حلاااااااااااااااال |
اقتباس:
اهلين اختي اميرات والله انا عارفه انه مددمن علاقات ,, وهو خاين بالوراثه عشرة ابوه مع امه اكبر مثااااااااااال ياربي ارزقني صبرا وقوه اما بالنسبه لكلامي عن الزواج يا اختي وش اسووووووووووووووي انا ابي بيت يريحني ويشيلني بيت اهلي صار بعد وفاة ابوي نوعا ما صعب ... وامي متحمله مسؤليات كبيره صحيح ان عندي فلوس ووارثه لكن مهما كان انا بعدني صغيره ومو معقوله بظل طول عمري كذااااااا البنات اللي بعمري بعضهم لسى ما تزوجوا ): اما موضوع انه ما جاب خبر لامي اااااااه يا قلبي لا تحزن وش اسوي طيب اذا ما عندي اب ولا اخوان كبار ؟؟ ولا اعمام واخوالي ساكنين بمدينه ثانيه وعلاقتنا معهم صفرررر لكن الله ما ينسى عباده اللهم افرجها علي اللهم افرجهااااااااااااااااااا |
الله يفرجها لك يارب
كثري استغفار الرسول صلى الله عليه وسلم ذكر أن الاستغفار يفرج الهموم وصدقيني مالك الا ربك هو اللي بيحلها بس توكلي عليه وادعي ووعد بتجي فوق ماتتصورين |
[QUOTE=حياتي أليمه;2366669]
اما بالنسبه لكلامي عن الزواج يا اختي وش اسووووووووووووووي انا ابي بيت يريحني ويشيلني بيت اهلي صار بعد وفاة ابوي نوعا ما صعب ... وامي متحمله مسؤليات كبيره صحيح ان عندي فلوس ووارثه لكن مهما كان انا بعدني صغيره ومو معقوله بظل طول عمري كذااااااا البنات اللي بعمري بعضهم لسى ما تزوجوا ): صح كلامك الوحدة ماتستغنى عن زوج لكن مش زوج خاين وبعدين كربتك صعبة صح لكن ماهي أصعب من كربة صاحب الحوت في البحر يونس عليه السلام ولكنه عليه السلام نادى في الظلمات وهو موقن بالإجابة قال تعالى { وذا النون إذ ذهب مغاضبا فظن ألن نقدر عليه فنادى في الظلمات ألا إله إلا أنت سبحاك إني كنت من الظالمين..فاستجبنا له فنجيناه من الغم وكذلك ننجي المؤمنين} ظن ألن نقدر عليه معناها كما قال المفسرون ظن أننا لن نضيق عليه .. فرج الله قريب ياأختي أري الله من نفسك خيرا هو ابتلاك وهو القادر وحده يفرجها أحسني الظن وتوكلي عليه سبحانه حق التوكل فإن لله عبودية في السراء وعبودية في الضراء تعلقي بالله ورددي دعاء ذي النون فقد بشرنا النبي عليه الصلاة والسلام بقوله "دعوة أخي ذا النون لا يدعو بها مسلم إلا فرج الله عنه" أسأل الله أن يكشف ضرك ويضاعف أجرك |
بصرإآحهً شيً جدً يقهرً آنإآ حطيتً نفسيً مكآإنكً وح‘ـسيتً بشع‘ـوركً | لآإزمً يكونً لهً شيً يأدبهً لآإ تجلسينً عندهـً روحيً بيتً آهلكً ولآإ تطلبينً الطلإآقً آجلسيً لوً 4 شهورً ولإآ ترجع‘ـينً لو ح‘ـبً رجلكً آتصليً ع‘ـلىً وآإحدً من آخوإآنكً وخليهً يج‘ـيً يإآخذكً ولآإ تع‘ـطينهً مجإآلً آبدً حتىً تهتمينً فيهً آسفهيهً ولآإ كآنهً موجودً حتىً لو مآكنتيً تقدرينً آضغ‘ـطيً ع‘ـلىً نفسكً منً الح‘ـينً روح‘ـيً رتبيً ملإآبسكً حتىً لوً كلمكً آسفهيهً حتىً لوً كآنً آخوإآنكً مشغ‘ـولينً بيج‘ـيً يومً ويفضونً آنتظريً ولإآ تخلينهً يوديكً آنإآ واللهً مآإ آقولً هالكلآإمً ع‘ـشآإنً آخربً بينكمـً بسً لإآزمً يكونً لكً ردتً فع‘ـلً تأدبهً وآلزميً الآستغ‘ـفإآرً والصدقهً واللهً ثمً واللهً رإآح تتغ‘يرً ح‘ـيإآتكً |
الله يكووووون في عوونك ويكتب لك مافيه خير لك ولأولادك ... رااح يجي اليوووم اللي يلقى عقابه عند ربه وفي الدنيا قبل الاخرره ان شاء الله .. يالله الناس ذي شلووون عايشه استغفر الله العظيم
|
ياحياتي وألبي لاعدمتك أحترامي لجميع أراء الأعضاء مهماخمنووقالومافي أحد بيحل مشكلتك غيرالواحد الأحد توجهي لله بقلبك (أنماأشكوبثي وحزني الاالله)) وقال تعالى( (وأفوض أمري ألى الله))وقال تعالى ((أني مسني الضروانت أرحم الراحمين))ألزمي الأستغفار..والبتوفيق
|
الله يصبرك ويعينك ويهدي زوجك
|
لو انا مكانك اخذ بنتي واروح عند اهلي واهدده ان ماعقل لأفضحه وسط اهلها
جد الله يكون في عونك |
كفو عليك
الصراحه كفو عليك انك عطيتيه فرصه ولا بعضهن من اول مره يتركن زوجها
ومثل ما قالو الاخوه الي قبلي ادعيله بالهدايه والخطوه الثانيه حاولي خذي ارقامهن وهدديهن الخطوه الثالثه راقبيه كثير وفتشي هاتفه الخطوه الرابعه حسسيه بالعصبيه وقوليله الانسان والي عنده عقل من اول مره يفهم والاهم من هذا كله لا تقصري عنده وحاولي دلعيه واسالي عنه دايما وهو برع وذكري بالله وبحبك له واخلاصك له------- وهذه لك ع فطانتك وحرصك:17::17::17: |
شكرا لكم كلم واحد واحد وربي كلامكم ريحني كثييييييييييير ): انا مفكره اروح بيت اهلي واخليه ينطق هنا لحاله الين يدوووووووووووخ المصيبه مو راضي يوديني بيت اهلي ذبحننننننننننننننننني لي ثلاث ايام اترجاه وابكي اقوله تعبانه بطني يعورني وانا حامل ودني اريح شوي بس كل ما فتحت السيره عصب علي وقام يصارخ وقبل شوي قام يبكي يقول سامحيني ومدري وشو اللي يسمعه يقول اول مره اسااااااااااااااامحه هذي المره المليار شكلي ابطنشه هالاسبوع ولا راح اكلمه الين اروح بيت واهلي ويحلها ربي بعدها اللي قاهرني هالسوريه الحقيره اللي تعرف عليها والله ناويه عليها نيه شينه وراح اوريهااااااااااااا اللي عرفته انها تشتغل مندوبة تسويق باحد الفنادق والقذره صايره كل ما دقت على احد من هالشباب قامت شبكة معاه والله اعلم بالخافي انا ناويه اعلم الهيئه عنها خليهم يادبونها ويطردونها وبقولهم سالفتها مع زوجي ومو بس زوجي هي مستغله وضعها بالعمل عشان هالامور القذره ظنكم ينفعوني ؟؟؟؟؟ خليهم يشيلونها ويادبونها بدل ما هي تدور وتخرب البيوت هالحثاله |
الله يعيننك اختي الكريمه واسال الله ان يجعل لك من كل هما فرجا ومن كل ضيق مخرجا
اصبري اختي الكريمه وطالما بكى عند امك وحاول يرضيك انشاءالله يكون فيه امل المهم انتي خليك قريبه منه وشوفي ايش الي خلاه يسوي زي كذا وخصوصا ان معظم كلامه جنسي يمكن يكون في تقصير منك من ناحية الجماع ونتي ماتدرين المهم اختي الفاضله لا تستعجلين وركزي على الاشياء الي كان يطلبها في المكالمات ودائما ذكريه بالله وثم اطفاله وسال الله ان يهديه لك ويجعله زوج صالح. |
اقتباس:
والله لا فيه تقصير ولا هم يحزنوووون بالعكس والله احيانا انا اطلبه وهو يرفض ودايم متجدده بهالموضوع طيب بالله رايح يقول لوحده ارسلي لي شكلك وانتي لابسه قميص نوم وانا ما فيه قميص نوم بهالدنيا ما لبسته ... بالله مو مريض هذا استغفر الله بس ): |
حبيبتي
الحين اللي عليج تسوينه خليج مصممة على رايج ولا تضعغين كلش كلش وخلي عنج الكلام السلبي وخليج من هالمراة العربية انتي اول شي حلي مشكلتج بعدين تفرغيلها والله يكون بعونج |
لو كانت زوجة لقلتم لزوجها طلقها. لكن رغم هذا لا أطلب منك أن تطلقيه. الله يكتب لك الخير كله.
|
طالما انك تتزينن له وتطلبين منه الجماع ويرفض بعض الاوقات على كذا المشكله فيه
واعتقد ان المشكله الرئيسيه هي ضعف الوازع الديني عنده وهذا الي يخليه يتجراء ويكلم المهم اختي الفاضله اهم شي تعرفين ان الطلاق مو حل لاكن زي ما قلتي طالما انه رافض يوديك عند اهلك خليك عنده في البيت وحاولي تثقلين عليه اشوي وباذن الله راح يجيك ويقرب منك وكل ماقرب منك ذكريه بالله وثم الطفل الي بيجي ونشاءالله مع التكرار راح يحس ويعقل باذن الله |
اللهم يا مالك الموت
يا سامع الصوت يا مقسم الارزاق ارزقني بالراحه والطمانينه وارزقني فرجا من عندك شكر لكم جميعا والله ان الاسبوع يمر علي مثل السنه الاخ بارد اعصاب وكل شوي يعزمني على طلعه وما ادري ايش اااااااااااااااه بس نفسي اذبحه كنه مسوي شي تافه مو مصيبه يا عالم علموني كيف اتعامل معه هالاسبوع واذا رحت بيت اهلي ارد على اتصالاته ولا اسحب اذا ما رديت انا عارفته نشبه ويجلس يدق على اهلي واحد واحد لين اكلمه |
| الساعة الآن 01:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©