|
أخو زوجتي يريد شماغي بأي سعر
زوجتي قبل شهر بالضبط قالت لي اخوي يبي يستعير شماغك اللي لبسته في العزيمه اللي عند اهلها انا رفضت في اليوم الثاني اتصل اخوها قال ابيه يبيعني الشماغ قلت لا ماراح ابيع عنده السوق يروح يشتري لكنه صمم وقال بشتريه بألف يبيني اطمع بالفلوس طبعا انا رفضت بشده وش سر تعلقه بشماغي وش يبي فيه وقبل كم يوم رجع يفتح السالفه من جديد وقال بكتب له شيك بأي مبلغ يبيه اذا يعطيني الشماغ وانا طبعا مازلت رافض واستشرت بعض اهل الحكمه قالوا يمكن بيسوي لك سحر انتوا شرايكم |
على طووووول سحر ????
وكمان استشرت اهل الحكمة :D مايقدر ياخد اي شئ براحته من بيت اخته اذا بيسحرك و ببلاش :D تلاقيه بس متحدي مع صاحبه او بيستفزك او بيلعب باعصابك في جميع الاحوال .. غسل الشماغ واكويه وعطره واعطيها له ما جات على شماغ .. لو بيسحرك وانت عطيته شماغك مغسسسل فماراح يصير فيك شئ وعادي اساله بضحكة .. ايش فيك مغرم بشماغي :) |
جب شماغ جديد مثل حقك وعطه اياه وريح عمرك
.............. اما انو يسحرك مادري بصراحه يعني لازم الشماغ يقدر ياخذ اي شي ثاني من اثرك لاتوسوس الله يهديك اخوي يمكن هو يجيبها بمزح وانت تاخذها جد عالعموم جب له شماغ وريح عمرك |
فيه مثل عند البدو يقول:
" الخبل ما ينسى سالفته.." هذا حال أخو زوجتك والله اعلم |
احتمال يكون شاكك انك صبته بالعين ويبغى شي من اثرك عشان تزول العين عنه
عطيه الشماغ وريحه وانت حافظ على الاذكار |
أغسله وأكوه وأعطه بدون ماتاخذمنه ريال واحد يمكن يبي يلعب باأعصابك وأحتمال يبي يسحرك اويعتقد انك أصبته بعين ولانبي نضلمه (إن بعض الظن إثم )أغسله وأكوه ومن الحين روح أعطه
|
احسن حل اذا كنت خايف منه اعسله وعطره وسلمه له والا اشترله واااحد جديد وشف ردة فعله اذا عرف انه جديد عشاااان تتأكد ولا توسوس ....
|
:: ههههههههههههه يمكن يتوحم عليه !! وش يحس فيه ذا ؟ شف لو بيسحرك كان اخذ اي شي من بيتك وانت ملابسك مرميه بكل ركن ! بس ماتوقع ومادري وش يبي الصراحه مره طلب غريييييييب ~ بس ياتشتري نفس شماااااغك وتوديه لمغسله وتغسله وتكويـه وتعطيه ايـاه على اساس انه شماغك وشماغك الي بالبيت اخفيه عن اختك ولا ارميـه بعد عشان يصدقون انك اعطيته شماغك او غسـل شماغك عدل مدل ~ واعطيه ايـاه ~ يحول نفسـه رثعه زوج اختك ذا !! غريب صراحه ~ :: |
هههههههههههههههههههه
اشوة مو بس الحريم اللي يتبادلون يبا عادي اشتر له شماغ يديد وانت الله يهديك كبر عقلك عنه |
لو كانت المسألة مسألة سحر... باستطاعته أخذ شيء من ملابسك عن طريق أخته
لكن في المسألة سر؟ الله أعلم به. |
قصة مضحكة صراحة ضحكت
على موقفك وموقفه ايضا من اولها ليش ماعطيته اياه عادي انا بعرف الشماغات ماتنعز لهدرجة ولا هوة غالي عليك هلأد؟ وهوة كان شافك رفض طنشك بعدين ومارجع طلبو من باب عزة النفس وانت ليش ماخدها جد هيك ومتخذ موقف؟ هل علاقتك فيه سيئة لدرجة خايف يعملك سحر واستشرت اهل الحكمة !!! ولا علاقتكو عادية؟ ازا علاقتكو عادية وجيدة كان من الاول عطيته اياه من باب الكرم وحبك لزوجتك واهلها اما لو قصص خلافات بينكو وخايف من انو يعمل سحر فجايز بس الموضوع مبين عليه صغير كتير ومو مستاهل |
اف !!!
بيكتب لك شيك مرة وحدة!!! الموضوع مايتعدى كونه تحدي او يبي يحرجك او شي من هذا القبيل فقط. وانسى سالفة السحر لاتتوهم لأنه إذا بيسحرك بياخذ أي شي ومحد بيدري عنه لا انت ولا اختة اللي هي زوجتك. |
لااخوي وش سحررر مستحيييل لو يبي يسوي لك سحر مو يكون مبين لك كان بيكون بالسر وبياخذ اللي يبي وانت ماتدري
يمكن اعجب في شمااغك او يبي يمزح معاك طيب انت كيف علاقتك معاه؟؟؟؟؟ |
شكله مقلب !
|
بيع الشماغ علية واعطه كذلك الطاقية والعقال فوق البيعه حتى يرتاح .
|
امر غريب وفكاهي بذات الوقت
|
اشتري له واحد جديد
|
ايه وش صار بعدين ؟
|
بعته الشماغ بخمسين الف كنت ابي اجيب له مبلغ تعجيزي لكن شفته عادي كتب الشيك رحت صرفته طلع صادق
علاقتي فيه شوي مضطربه |
هههههههههههههههههههههههههههههههه
الحمد لله والشكر عموما حبيبي مروك عليك الخمسين تستاهلهاورب البيت ويا ليت تعطيني رقم جواله احاول اطلع خمسين ثانيه خخخخخخخخخخ لان شكله يغرف من بحر |
شئ غريب
|
اشتر له شماغ جديد نفس شماغك وعطره وعطه اياه
وانتهت السالفه زي ماقالو الاخوان لو سحر كان خذو من وراك مره سهله انهم ياخذون |
إحتمال يكون شاكك أنك أصبته بعين .. هذا هو التفسير الاقرب في نظري
|
لا ما اعتقد سالفة عين أو سحر لأنها بكل الأحوال يقدر ياخذ من أثره بدون ما يدري
بس كيف العلاقه مضطربه ليش وش الأسباب؟ صراحه غريب جدا زوجتك وش رأيها بالموضوع يعني وش تفسيرها هي أخته وعارفه كيف يفكر؟ |
اقتباس:
|
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©