|
مصدومه من زوجة اخوي معقول انها تخون اخوي! (مستجدات بالرد 81)
مشكلتي كبيره واحس اني في حيره ونار بقلبي ماني عارفه وش اسوي بنت اخوي عمرها 11 سنه دائما تجي في بيت اهلي وتلعب مع بنتي لان بنتي صديقتها وبعمرها المهم البنت وخواتها ترميهم امهم بشكل يومي على اهلي ولاتسأل فيهم من الصبح لليل واحيانا يناموا عند اهلي بنت اخوي جت مره زعلانه ومكتئبه ماندري وش فيها المهم لما انا رحت بيتي حصلت بنتي مو على بعضها قلت وش فيك زعلانه وماتضحكين وش مضايقك قالت ماما ابقولك سر قالته لي فلانه تقصد بنت اخوي بس امانه ماتعلمي جدتي وخلااتي وماتعلمي احد قلت قولي حبيبتي ولاتخافين قالت ان بنت اخوي تقول انها سمعت امها تكلم شخص غريب عن طريق المايك السماعات الكمبيوتر وتقول له ياحبيبي ويا عمري وانا احبك ومشكور على الهدايا وتقول ان امي تكلم رجال غريب باللاب توب وانه اهداها جوال بلاك بيري هي وخواتها البنات وتقول ان امها لما تروح اهلها تكلم هي وخواتها هالشخص اللي يهديهم هدايا ويعاكسون ويقولون كلام غرام وحب والله اني بحيره من امري وفكري مشتت وضايق صدري مره متضايقه على الطفلة بنت اخوي اللي امها فتحت عيونها على اشياء هي مغمضه عنها وضايق صدري على سوايا مرة اخوي والضيقة الكبيرة ان هذي زوجة اخوي حسيت ان اخوي مظلوم ومقهوره عليه ماني عارفه كيف اتصرف وبنتي بعد وش ذنبها تسمع مثل هالاشياء وهي طفلة صغيرة ومن قهري ليلتها ما نمت وصارحت امي بالموضوع باختصار وامي انصدمت وقالت اكلمك وقت ثاني ابفهم منك اكثر لان كان عندها ناس وللحين ماكلمتني شوروا علي وش اسوي اعذروني على كلامي ملخبط لاني ما انام زين من الهم حسيت اني بوجه المشكله وحدي |
يا أختي أهم شي التروي في مثل هالقصص خصوصاً انه مصدر المعلومة هو طفلة
و انتي بتعرفي انه هي مسألة متعلقة بالشرف و انه ممكن تنذبح زوجة أخوكي لو حصل اي خطأ في علاج المشكلة أنا ما عندي نصيحة محددة لكن أهم شي التروي و الصبر و الهدوء و عدم نشر الكلام أكثر من ذلك أرجوكِ المسألة مو صغيرة انتبهي كتير و خلي بنتك تنتبه و ما تحكي لحدا غيرك حتى تشوفي صحة الكلام من كذبه |
ان بعض الظن اثم
|
اكيد يبان من اخلاقها ولابد ويبان على بعض تصرفاتها
ان بعض الظن اثم ...... لا اعتقد في واحدة بهالغباء تكلم واحد وبنتها تسمعها من خلال سماعات الكمبيوتر المفروض رحتي لزوجة اخوك مو لامك وعرفتي منها الله يهديك ولو كانت كاذبة وتغيرت هيبان انها تخون لكن الان الله اعلم وين بينتهي الموضوع يمكن عندها عم خارج البلاد او خال طيب اخوك ما سألها من وين الجهاز اللي جاها هدية ؟ عالعموم قصة انها تجيب اولادها بيت جدهم ويبيتون عندهم هذه تصير في احسن العائلات ماهي دليل ادانة بعدين دوام اخوك من متى لمتى؟ المفروض اخوك يلاحظ غياب اولاده المستمر عن البيت او يلاحظ تقصيرها في شغل البيت طالما هي دايم مقابلة الشات عالعموم كل كلامنا الان سيكون { رجمآ بالغيب } وسنحمل اثم واحدة ونحن لا نعرف حقيقة الوضع الى ان ينكشف على حقيقته اقتباس:
حتى بنتك اللي ما تعي شي قالتلك ما تقولي لجدتي وخالاتي يعني استئمنتك على هالسر المفروض بينك وبين زوجة اخوك لكن ....... لا تعليق |
حبيبتي
لاتتدخلين بلموضوع بتاتا ولااحد يدري ان بنتهم قالت لبنتك !!!! بتكذبك وتكذب بنتك ...... وتحصل اشياء انتي بغنئ عنها!!!!!!!من زعل اخوك وزوجته ..... عندي فكره كلميها بنفسك.......! امك بتسؤي هواااااااااايل ...... او السكوت افضل. هذا وجهة نظري. اما اذا تدخلت امك فأنتي ادرئ وش راح يحصل وبتتشتت اسرتكم من هلقصه. |
اشكركم جميعا
بالنسبه للاخوات اللي قالوا اني ماصبرت وعلمت امي حطوا نفسكم مكاني وبعدين انا قلت لأمي لانها انسانه متفهمه ان شاءالله وغير متهوره انا ما رحت اقول لأخوي لو كنت قلت لأخوي معكم حق تقولون اني استعجلت والموضوع اكبر مماتتصورون هذا اخوي يا ناس وهذي زوجته وهذي بنت اخوي وهذي بنتي والله اني مصدومه وضايق صدري انا ما طرحت الموضوع الا ابغى حلول هادفه |
لاتاخذي بكلام الطفله تأكدي انتي بنفسك من ذاالموضوع وأذاثبت أن هاذاالشي صحيح لازم تجلسين مع زوجت أخيك وصارحيها وقولي لها باقول لخوي على ألي قاعد يصيرمن وراه بس هدديها بس بدون ماتتهورين وتقولين لخوك عشان البنات والله مساكين مالهم أي ذنب حاولي تحلين مشكلة زوجت أخوك بدون ماتقولين لخوك الله يسترعوراتنا
|
من ستر مسلما في الدنيا ستره الله في الدنيا والاخره
انتي استعجلتي جدا ومافكرتي برويه وحكمه ومنطق كنتي مندفعه جدا وماحسبتي العواقب صح عزيزتي اول شي كان مفروض تهاوشين بنتك وتكبرين هالامر بعينها انه ماتقوله لااحد ثاني شي تمسكين بنتها وتتكلمي معاها بصرامه انها ماتقول مثل هالخرابيط لااحد مو ممكن يكون اخوها او خالها او عمها او او او بما ان كل اخواتها يكلمونه انا قست انه كذا كيف اصلن سمحلك فكرك تظنين ظن سوء على طول!! هو الخيانه والاشياء هذي سهله للهدرجه عشان تكون اول ظن لنا حبيبتي اول شي سوي الخطوات السابقه ويوم امك تتصل وتسئلك خذي السالفه بضحك وقولي حطي اطفال ماله سنع .. مع ان قلبي يقول انك جبتي العيد بس ان شاءالله خير بعد ماتسوي هالخطوات كلها يبدأ دور التأكد! كيف تتأكدي تسئلي مرت اخوك من وين لك بلاك بيري؟ بس ترتبك انتي بتاخذين شك بنسبة 20% وبعدها ابدي ابحثي اكثر واكثر ولما تتأكدي واجهيها وانصحيها انصحك انتي بعد بالتروي وعدم الاستعجال والاندفاع |
اقتباس:
لكن طالما امك متفهمة . الموضوع الان صار بيدها |
اقتباس:
يسلم فمك . أشهد الله ان كل سطر يكتب بماء الذهب |
خلاص قررت اسكت
انا من اول وبقرارة نفسي اني ما اتدخل وراح اوضح للوالده انه كلام اطفال او احور الكلام بأني ما فهمت الموضوع من بنتي حتى وان كانت تخون خلاص بعد ردودكم ارتحت اني اسكت صح اني بتعذب لان هذا اخوي لكن ارحم من اني اقول شي ماشفته بعيني |
طيب مو سكوت وخلاص ........
روحيلها وشوفي سالفتها اللي قالتها بنتها ولو كان صحيح ممكن تلحقيها قبل الفاس ما تطيح بالراس اختي انتي عرضتي الموضوع وانتي شاكة فيها وشكك ما راح ينتهي الا لما تخبري زوجة اخوك بكلام بنتها عالاقل تخاف لكن يبدو انك ما تحبي المواجهة عشان كده رميتي الموضوع لامك عشان تتصرف عنك |
اقتباس:
لذلك طرحت الموضوع هنا اريد حلول اخرى بعيدا عن مواجهة زوجة اخوي شيء آخر زوجة اخوي هذي كم مره تكوي بنتها تحمي الملعقه على النار وتكويها لو طلعت لنا اي كلام فما بالك تدري ان بنتها قالت مثل هالكلام يمكن تقتلها فهمتي الان ليش ما احب المواجهة قلت لكم الموضوع اكبر مماتتصورون شائك من كل الجوانب |
اقتباس:
والله كنت بكتب لك عباره مشابهه على ردك اللي يسبق ردي لانك كتبتي اشيا كثيره من اللي في بالي بس انشغلت بالرد وسبحان الله دخلت مره ثانيه لقيتك كاتبه كذا توارد خواطر؟ يسلم راسك عزيزتي |
اقتباس:
|
اقتباس:
|
الذين يشاهدون محتوى الموضوع الآن : 18 ( الأعضاء 8 والزوار 10)
&دلوعة مودي&, أميرة راجي, أميرةبطبعي, مشكلتي اصدق, لوليته, الشتاء الدافئ, بعيده هناااك, warda2007 اين انتم ادلوا بدلوكم |
تووووووووووني داخله
مداك ما نسخ اسمي يا حلوه :d والله شوفي بنت اخوك سنها كبير مو صغير يعني تفهم يعني تشوف وتفهم .. وصارت سن تمييز .. يعني ماينفع نقول انها مخربطه او فهمت غلط .. الاطفال في سنها اذا راحوا المحكمه يسألهم القاضي تعيشون مع مين .. يأخذ بكلامها لكن اللي يشكك في الموضوع انها تعرف ان البلاك بيري هديه من رجل غريب ؟ لهذي الدرجه يعني امها مستتفهتها؟ ومحقره مخها وانها ماتفهم؟ وتكلم وتطلع الهدايا وكله قدام البنت؟ والله يا حبيبتي موقفكم صعب .. فعلا ليتك ما كلمتي امك .. عشان ما تتشوش افكارك . الا اذا امك هاديه وحكيمه جدا ومو متسرعه فأفضل رأيين ولا رأي واحد ... لكن اذا فيه طريقه تقدرين تتأكدين من هالموضوع ياليت .. انا حطيت نفسي مكانك .. عندي اخ متزوج .. لو ادري في يوم ان زوجته مو صاحيه .. واتأكد من هالشي ... من جميع النواحي .. رح اكلم استشاري اسري و شيخ دين ثقه جداااااااااا .. وبعدين رح اتكلم اذا الموضوع لابد ان اتكلم فيه ..اذا قالوا لي اكلمها هي فقط كان بها .. واذا كان لابد من اخبار زوجها رح اكلمه وهي تغور في ستين داهيه .. ما قصدي نروح ننشر غسيلها الوصخ لكن نعلم صاحب الشان ويطلقها وتروح لحبيب القلب .. هذي في يدها اطفال .. شلون بتربيهم ...؟ لا ومن طريقتها عادي يعني اللي يدري يدري .. هي وبنتها وخواتها وبكره الجارات !!!!!!!!!!!!!!!!!!!!!!!!!!!!!!!!!!!!!!!!! اذا سترت عليها بكره يكبرون عيالها فاسدين... يعني مو بس هي خربانه .. لا العيال خربانين .. والمصيبه فيهم بنات .. وش استفيد من الستر على هالمسلمه بالله؟؟؟؟ في نفس الوقت لابد من مراجعة تصرفات اخوك معها لأن اكيد فاقده شي وراحت تدور عليه برا الا اذا كان هذا مرض في قلبها فالله يشفيها ويعينها يعني الموضوع من كذا جانب .. حاجه اخيره .. تحرق البنت بالملعقه ؟ ياويلها من ربي لأن مايعذب بالنار الا رب النار .. هذي قاسيه جدا واشك ان البلا فيها مو في اخوك |
ما كان عليك ان تخبري أمك. هذه الحكاية تتطلب الستر و ليس الإفشاء ولو إلى أقرب الأقربين. أحسن حل واجهي زوجه أخاك بالحقيقة.
|
ياختي هدي شوي
بالاول تاكدي يمكن اخوها ولا خالها ولا شي عارفه البنات دايما يفهموا كل شي غلط عنجد انا بنتي عمرها 11سنه ومن حاجه تعمل حكايه لازم اي موقف يسير اشرحلها اياه حتى تشيله من بالها وتفهمه صح باقترح عليك تصارحي زوجة اخوك بس طبعا تكون بنتها مش عندها عند اهلك او شي واعرفي من الي جابه وبعدين مش معقوله اهلها يعرفوا ويسكتوا واخواتها كمان لو زوجة اخوك واهلها من هالنوع كان بان عليهم من زمان وكمان ممكن تسالي اخوك قوليله من جاب لزوجتك الجوال طبعا السؤال يكون بطريقه طبيعيه ومن غير مايشك |
صراحه موضوع مخيف
تحرق البنت بالملعقه يعني مبدأ التعذيب موجود وممكن تروح لأبعد من كذا .. !!!!!!!!!!!!!!!!!!!!!!!!!!!!!!!!!!!!!! هل تعديها على ابنائها بالضرب والحرق يتكرر كثير؟ هل تظنين ان اخوك مو مقصر ابدا معها؟ هل تعتقدين ان اخوك هين لين معها؟ مأدي واجباته؟ ع البيت وعليها وعلى العيال؟ هل تربيتها في بيت اهلها بهذا الجفاء؟ هل هي هكذا من اول ماتزوجت؟ الموضوع ما يصلح تسكتين عليه لابد من حل ......... لأن بيت اخوك فيه بلاء .. ولابد من علاجه .. تتوقعين لو درى اخوك انك تدرين وساكته وش بتكون ردة فعله؟ خصوصا اذا قايم بكل واجباته والمرض في قلبها؟ قمت اشك انها هي اللي مو كويسه بدليل ان البنت تقول انها مشاركه خواتها في الضلال ............ اذا صحيح فهذي ماتصلح تكون زوجه ولا ام |
اقتباس:
الموضوع شوشني ع الاخر يارب تطلع البنت غلطانه بأي شكل |
لا اخفيكم زوجة اخوي عليها حركات من اول مش مريحه لكن ماشفنا عليها شي واضح
انا مشوش فكري وماني عارفه كيف اتصرف خايفه امي تتصل في اي لحظه وتسألني !!! مو عارفه اسكت ولا اتكلم ولا احور الكلام على اني فهمت بنتي غلط وخلاص ولا ايش ما ابغى اظلمها ولا اظلم نفسي ولا اظلم اخوي اهم شي |
لا اعتقد ان اخبار زوجة الاخ حل ناجح خاصة في مجتمعاتنا
ان كانت بريئة وهو الارجح من باب حسن الظن ستقلب الدنيا عليك لانك اتهمتيها في اخلاقها ومجرد الشك في اخلاق البنت وعرضها يعتبر جريمة كبرى لا تغتفر عندنا . وان كانت غير بريئة قد تعمل بطريقة خبيثة على ابعاد التهمة عن نفسها اقلها ان تنكر وقد تؤذي البنت بعد ذلك وستأخذ حذرها اكثر في المرات اللاحقة برأيي اخبار الام افضل ان كانت ذات عقل وحلم حتى تفكرون بطريقة تكشفون الحقيقة فيها دون ان تعلم هي . |
اللي سألوا عن تعامل اخوي معها
اخوي مدلعها اخر دلع ومو مقصر معاها ولا مع اهلها بشي لدرجة انهم يمشونه على كيفهم ويجلس عند اهلها اكثر من جلوسه في بيت اهلي وزوجة اخوي هذي مايهمها احد ولاتخاف من احد ولا تعبر احد ويسافر فيها دايما والفلوس بيدينها مومحتاجه شي ابدا لدرجة انه عليه ديون يسددها عشانها كان ساكن مع اهلي والبيت كبير وطلعته من البيت واخذ بيت بالاقساط لاجل يرضيها |
اقتباس:
التائه قلبه اتمنى ان يجد قلبك ضالته شكرا لك |
اقتباس:
كلامك صحيح اخي تونسي .. اختي اتصلي على زوجة اخيك اذا كنت لا ترغبين بالمواجهه و قولي لها وصلني خبر من مصدر موثوق انك تتكلمي على المايك مع رجل و تقولي له هذا الكلام و انه مهديك جوال .. ما مدى صحه هذا الكلام ؟؟ لا تجيبي سيرة بنتها ابد .. و لا تخليها تضغط عليك عشان تعترفي مين اللي وصلّ لك الخبر .. قولي لها الخبر وصلني و خلاص و انا ابغى انبهك ان مثل هذه الامور لا يمكن اخفاؤها .. وراقبي الله في تصرفاتك انت عندك بنات خافي عليهم و عندك زوجك مو مقصر معك في شي .. اليوم انا سمعت الخبر بكره الله العالم يوصل الخبر الي زوجك و لا تتهميني انا بتوصيل الخبر له .. لان اللي وصلّ لي الخبر قال لي اذا زوجة اخوك لم ترتدع فاني شخصيا سوف اخبر زوجها .. خوفيها من الفضيحه و خوفيها من عذاب الله ... و انه الله قد يعاقبها في زوجها او ابناءها ولو بعد حين .. خليها تحس من نبرة صوتك انك قويه و مو خايفه من ردة فعلها حتى لو انفعلت معك على الهاتف لا تخافي و قولي لها الانفعال هذا اكبر دليل على فعلتك الشنيعه لو انك مو عامله شي كان ما خفتي واذا ارتفع صوتها عليك قولي لها اذا الكلام مو معك الكلام راح يكون مع اخي عشان اصحيه من غفلته و اقفلي الخط (للتخويف فقط ) و تأكدي اذا عملتي هذه الحركه راح تتصل عليك عشان تتفاهم معك .. هذا اقتراحي و لك مطلق الحريه في التصرف ... و طمنينا عن الاخبار .. |
لا حول ولا قوة إلا بالله
موقف لا تحسدين عليه لكن دعينا نتفق أنك تسرعتي بإخبار والدتك من دون أن تتثبتي وقد يكون لي رأي آخر عن أغلب الأعضاء الذين قالوا أن تحاولي أن تحتوي الموضوع وتضيعين السالفة بعد ما أخبرتي والدتك وأنا أقول يوم أخبرتيها خلاص الي حصل حصل وما تنفع كلمة ياليت اذهبي لوالدتك في منزلها وتكلمي معها لوحدكما وقولي لها كل الي حصل وفهميها الموقف وقولي لها مجرد كلام صغار ما نقدر نثبته أو ننفيه والأصل إنه كذب وظنون سيئة لاحظي إني قلت اذهبي لها لأن الكلام بالتلفون ما ينفع واطلبي منها ألا تخبر أحد وتنسى الموضوع وإنك خبرتيها من باب الفضفضة لا غير الذي دعاني أن أقول هذا الرأي لو فرضنا أنك أبعدتي والدتك عن هذه المشكلة هل تعتقدين أن قلبها سيطمئن ؟ هل تعتقدي أن مكالمتك ستنساها ؟ لا وألف لا ستبحث عن الحقيقة وربما تزداد المشكلة وتتعقد وبصراحة كل الي قلتيه يا أختي ما يثبت إنها تخون زوجها ولتعلمي أن الشيطان حريص وأعتقد أن مواجهتك لزوجة أخيك في الحقيقة صعب وربما تزداد المشكلة وتتهمك أنك خرابة بيوت وتغارين منها وبعدين تعبي راس أخوك ضدك وبدل ما تكون المشكلة وحده تكون مشكلتين ولن تصلي لأي نتيجة وبدون أدنى شك ستنفي التهمه عنها لكن تستطيعي أن تسحبي الكلام منها تسحيب مثل :- مشاء الله بكم اشتريتي البلاك بيري ممكن أشوفه لأني مفكره أشتريه اليوم مشغولة وبنتي بجيبها عند بنتك سلامات وش فيك ملاحظتك متغيره بالفتره الأخيرة ...... إلخ إذا لا حظتي إنها تتوتر وتحاول تغير السالفة نقدر نقول إن نسبة صحة الشك 10% وللحين ما فيه شي يثبت واعلمي يا أختي أي زلة منك قد تهدم بيت وتشتت أسرة وتقطع حبل الصلة |
اقتباس:
حتى لا نستعجل في إصدار الحكم عليك بأنك تهورتي أو تصرفتي خطأ أو أن زوجة أخيك خائنة قلتي إن عليها حركات مش مريحة مثل إيش بالضبط؟؟ |
الي ايده بالماء مو مثل الي ايده بالنار
و الله حاسه فيك ياأختي نفس المشكله الي مرة فينا بس الي انا عملته ما خبرنا احد حفرنا و دفن السالفه بنفس المكان بس انت استعجلتي يوم قلتي لأمك انت ما تعرفين جرح الكرامه في هذا الحاله و امك الله يستر من الي راح تعمله... الحل الوحيد هو في البدايه تاكدي من بنت اخوك ثم اذا كانت السالفه صحيحه واجهي مرة أخوك و الله يستر من الي جاءي... |
فعلا انا كمان كنت حقلك ماتقولي لمرت اخوكي لانو لو كانت من نوع الي بخون وماعنده اخلاق حتتعامل بلا شك معك بمبدا خدوهم بالصوت
حتصرخ وتبكي وتتحسبن عليكي وتفضحك كمان بس ممكن تنزلي برنامج عالجوال لحفظ المكالمات يكون دليل ضدها في حين انكرت مثلا يعني عشان ماتحور كلامك باي شكل كلام اميرات عين العقل لو تعاملتي معها بعين قوية وسكرتي بوشها وحسستيها انك مو خايفة وهيك حترجع بنفسها تتفاهم معك بعدين فعلا بنت 11 سنة وبهالزمن مو صغيرة ومو هبلة هاي مش 4 سنين هاي 11 سنة زوجة الرسول تزوجت عمرها 9 يعني البنات بهالعمر بيسمعو منيح مو طرشان بس بنفس الوقت موقف كتير محير بضل احتمال انو هاي بنت صغيرة وبتخبص امر وارد الله يعينك عنجد قصة صعبة |
وإذا طلع خالها إلي ساكن برى فرضاً شو راح تسوي ... حرام إلي تسويه ... فعلاً أهل الزوج إستحالة أن يحبو زوجة الإبن على أي موضوع تنفتح جميع السير.... ما داعي ذكر أنها تبقي اولادها عندكم؟ مافيها شي يعني إذا ماتجيب اولادها تزعلو وإذا جبت اولادها بتزعلو يعني ما الحل ؟؟؟
صدقيني أنه أحد اقرباها فالخارج وليس أكثر |
قبل تظلموني وترموني بالكلام
زوجة اخوي تكون قريبتي جدا جدا واقاربها هم نفس اقاربي وماعندها احد مسافر برا ولا شي من هالكلام وانا خبرت الوالدة لاني لا استطيع مواجهة الموقف بنفسي لان الموضوع كبير وحساس ولثقتي بأمي انها انسانه متفهمة وحكيمة وزوجة اخي من اقاربها يعني ماراح تتهور ارجوكم لاتحسسوني اني ظالمة واني خرابة بيوت عن جد قررت انسحب واكتم وانتم السبب |
أنا لا اريد ان اكون ظالمة ولا مظلومة
اريد ان اريح ضميري وابريء ذمتي يا ناس حطوا نفسكم مكاني هذا اخوي |
اقتباس:
|
انا لله وانا اليه راجعون ولا حول ولا قوة الا بالله معذرة يا اختى ما هو مقدار تدين اخيك ربما هذا من شئم ما يقوم به والا هذا ابتلاء عظيم طبعا انا ضد ان تخبرى احد الا بدليل وايضا ضد ان تسكتى وكيف تسكتى على كارثة مثل هذه يا اختى هذا شرف اخوك وسمعته اعانك الله يا اختى والله مصيبة كبيرة والتعامل معها يحتاج الى حنكة وخبرة كبيرة بالحياة والا يضيع الجميع سواء اخيك او زوجة هداها الله او ابناءه لا قدر الله اعانك الله ووفقك لما يحب ويرضى |
اقتباس:
الحل تسأليه بطريقه ذكية من أين لكي بلاك بري.... شوففي شو راح ترد... شي ثاني أنا زوجي من أقارب لكن لا يعرف أهل أمي كلهم هناك من لا يعرف عنهم أبداً لئن أمي بعيدة. اسأليها كم جبت بلاك بري وإذا هدية من مين ،،، إحكلهة عمرك عملتي شات على النت ،، فرجيني كيف لئن صديقتي ساكنة برى ودي أكلمها عل نت يعني سوي حالك مو عرفة عن ولا حاجة وإختبريهة بنفسك كوني حشورة بذكاء كيد النساء عظيم بطريقة غير مباشرة طلعي كل اشي بدك ياه... أما انك تسجلي مكالمة ومن هل حكي فأنا ضد هل عمل لئن بالأخير كل راح يقلب فق راسك ... وعلى فكرة كل المكالمات الصوتية مسجلة على الكمبيوتر وكل الشات أيضاً... روحي نامي عندها مرة وقولي انك حبة تشبك نت واستفرد بالجهاز،،، شي ثاني اعرفي شو اسمها على النت والشات وفوتي بإسم أخر لكي على أنك رجل وإختبريهة هل تأخذ وتعطي معك أم لا...... هذي كلها خطوات كان لازم تساويها قبل ما تخبري أمك لئنو مهما كانت أمك متفهمة فبالأخر تبقى حمى ولن تكون النتائج محمود |
اقتباس:
يارب لاتجعلني ظالمة ولامظلومة |
يااختي ماتسكتي ولا تتجاهلي لانك قدام احتمالين
الاول انها بنتها بتخبص والامر مفهوم غلط والتاني انها فعلا بتخونه بالتالي وجب عليك التحقق لانو سكوتك يجعل الامران واردان وان في النهاية تبين صحة الخيانة وزر البنات الضحايا عليكي كون انك سكتي عن امهم وطلعتهم فاسدين اصلا شو نفسية بنت تسمع امها تحكي هالحكي؟؟؟ سبحان الله صرنا في زمن نقول وانا مالي شو دخلني هما حرين انا مش حدخل والله يجيب الي فيه الخير الساكت عن الحق شيطان اخرس بنفعش هاي قضية كبيرة صار الشرف امر عادي نسكت عليه كل القصة انو لازم تتحققي من الموضوع سواء بصحته او العكس لانو طالما في شي انحكا معناته لازم تاخدي بالك بعدين انا استغربت كيف تروح تحكي هية وخواتها ازا هية فاسدة حنقول اختها فاسدة طيب كل الاخوات فاسدات بالوراثة هاي الي مستغرباه اكتر شي بس برضو اتحققي وان بعض الظن اثم ياما الواحد فهم غلط وتبين له شيء وطلع في شيء تاني خالص |
حبيبتي لا تحتارين ولا شي
قفلي المنتدى وشوفي عقلك وش يقول لك اعتبر حسن الظن الزايد عن حده سذاجه والتخوين برضو الزايد عن حده خباثه المثل يقول حرص ولا تخون احرصي على اخوك وبيته مثل بيتك فيه افكار جميله انقالت لك اسأليها استهبلي عليها شوفي هي لوين بتوصل برضو هذا مايمنع انها تستغبي او تتشاغل عن لقائك فما تعرفين عنها اذا هي فعلا تعرف وتفهم او لا من الاخير اسالي اخصائي اسري وشيخ عن التصرف الامثل ياليت تقدرين توصلين للشيخ المنجد لأن عليه افكار رهييييييييييييبه وعقليه شبابيه ماشاء الله عليه .. مو من النوع اللي بيقعد يعطيك محاضرات دينيه ويخرعك سكوت ما يصلح تسكتين ياليت يكون لك طريق على اجهزتها وتتأكدين صحيح يعتبر تجسس بس هنا اعراض بنات على المحك الله يكون بعونكم ويقويكم ويلهمكم الصبر والصواب |
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©